Жаңалықтар

Жоғары аудиторлық палата 2025-2027 жылдарға арналған бюджет шығыстарын жоспарынан біршама кемшіліктер анықтады. ҚР Парламенті Мәжілісінде өткен «2025-2027 жылдарға арналған республикалық бюджет туралы» Заң жобасының таныстырылымы кезінде Жоғары аудиторлық палата мүшесі Ардақ Теңгебаев бюджет жобасының кемшіліктері туралы айтты.

Жоғары аудиторлақ палатаның хабарлауынша, «Жайлы мектеп» ұлттық жобасы бойынша біршама кемшіліктер бар. Атап айтқанда, 2025 жылы берілуі керек болған 152 мектептің іс жүзінде құрылысы әлі басталмаған. Оған жобалау-сметалық құжаттарының толық бекітілмегені, конкурстық рәсімдердің толық аяқталмағаны себеп. Сонымен бірге бюджет жоспарына сәйкес, салыну тиіс мектептерге жер бөлінбеген.

Сонымен бірге «Қолжетімді Интернет» ұлттық жобасының кейбір тармақтарын орындаудың өзектілігі мен орындылығына ешқандай талдау...

Мәжіліс депутаты Ерлан Саиров Ұлттық экономика министрлігі әзірлеген 2025-2027 жылдарға арналған бюджет жобасын сынға алды. Атап айтқан бюджет тапшылығын жабу үшін шетелден алынатын қарыз көлемі жайына тоқталды.

«Президент Қасым-Жомарт Тоқаев өзінің жолдауында қаржы саласында «көрпеге қарай көсілу» керек екенін айтты. Ал енді мына бюджетке қарайтын болсақ, болашақ ұрпақты қарызға белшесінен батыратын секілдіміз. Мен сізге өз баяндамаңыздан бір мысал келтірейін. Салықтар – 15 трлн теңге. Ұлттық қордан кепілдендірілген трансферт – 2 трлн теңге. Ұлттық қордан нысаналы трансферт – 3,2 трлн теңге. Бюджеттің тапшылығы 4,8 трлн теңге. Міне осы 4,8 трлн теңгені сіздер қарызға алғалы отырсыздар. Енд...

«Кселл» акционерлерінің қатарына 14,87% үлесімен KC HOLDING LTD компаниясы қосылды. Бұл туралы Қазақстан қор биржасында жарияланған құжатта жазылған.

Алайда акциялардың түпкілікті иесі өзгерген жоқ. Ғалымжан Есенов бұрын оған тікелей иелік етсе, енді оны 2024 жылдың сәуірінде АХҚО-да тіркелген өзінің компаниясына берді.

«Кселл» АҚ-ның акцияларының он және одан да көп пайызына иелік ететін акционерлерінің құрамына өзгеріс енгізілгенін хабарлайды. Есенов Ғалымжан Шахмарданұлының «Кселл» АҚ акцияларын сату бойынша мәміле нәтижесінде негізгі акционерлердің тізіміне «KC HOLDING LTD» жеке компаниясы қосылды», – деп жазылған құжатта.

Акционер ұсынған ақпаратқа сәйкес, мәміле Есеновтың компаниялар тобында үлестік меншік құрылымын оңтайландыру мақсатында жасалды...

Фото: архив Курсив.медиа

Банкир Ержан Тәтішевті өлтіргені үшін сотталған Мұхтархан Тоқмәди мерзімінен бұрын босатылмайтын болды. Алматы облыстық соты сотталушының түзелгеніне күдік келтіріп, Қонаев соты шешімінің күшін жойды.

Айта кететін жайт, Алматы облыстық сотында Мұқтархан Тоқмәдиді мерзімімен бұрын бостандыққа шығару туралы шешімге қарсы жәбірленуші тараптың аппелляциялық шағымы қаралды. Алғашқы отырыс 23 тамызда өтті. Онда жәбірленуші тарап бұл шешімге үзілді-кесілді қарсы екенін білдірді. Банкир Ержан Тәтішевтің інісі Еркін Тәтішевтің адвокаттары мерзімімен бұрын босату шарттарына Тоқмадидің іс-әркеттері сәйкес келмейтініне баса назар аударды. Олар жаза тым жеңіл болды деп есептейді. Алматы облыстық соты келесі отырысты 6 қыркүйекке белгіледі.

Мұның алдында...

Астанада 13 және 14 қыркүйек күндері «Астана Арена» стадионында Димаш Құдайбергеннің екі концерті өтеді. Көрермендердің ыңғайлылығы үшін қалада арнайы автобустар қатынайды, деп хабарлайды Астана қаласының әкімдігі.

Қала әкімдігінің мәліметінше, концерт өтетін орынға дейін арнайы автобустар бірнеше жинақтау нүктелерінен қатынайды. Бұл көрермендердің қауіпсіздігі мен жайлылығын қамтамасыз ету, сондай-ақ жолдағы кептелістердің алдын алу мақсатында жасалады.

Автобустар «Салтанат Сарайы», «Хазірет Сұлтан мешіті» және «Бас мешіт» аялдамаларынан сағат 17:00-ден бастап жүре бастайды.

Сонымен қатар, әкімдік концерт өтетін жерге жеке көліктермен кіруге шектеу қойылуы мүмкін екенін ескертті. Арнайы автобустармен жүру үшін көрермендер концертке арналған билеттерін көрсетуі қажет.

2024 жылдың 18 қыркүйегінен бастап электромобильдерге арналған тегін тұраққа қатысты жаңа заң күшіне енеді. Осылайша алдағы уақытта «жасыл» көлік иелері автоларын тұрақтарға тегін қоя алады деп хабарлады «Алматы паркинг» қаладағы коммуналдық ақылы тұрақ операторы.

Бұл ретте темір тұлпар иесі арнайы құжатты ұсынуы керек.

«Электромобиль иелері коммуналдық тұрақты пайдаланып, төлемнен босатылуы үшін тиісті құжаттарды ұсынуы қажет. Бұл ретте электромобиль иелері «Алматы паркингі» мекемесіне тікелей жүгіне алады. Сонымен қатар техпаспорттың сканерленген нұсқасын «Е-Өтініш» порталына жүктеп, өтініш беруге де болады», – деп мәлімдеді кәсіпорын.

Әкімдіктің хабарлауынша, өтініш екі аптадан астам уақыт қаралады.

«Әр...

SpaceX компаниясы экипажы қарапайым адамдардан құрылған ғарыш кемесін ұшырды деп хабарлайды New York Times.

Шетел басылымның мәліметінше, экипаж құрамында Polaris Dawn миссиясының жетекшісі инвестор, миллиардер Джаред Айзекман. Одан бөлек АҚШ әскери-әуе күштерінің отставкадағы подполковнигі Скотт Потит, SpaceX-тің ғарыш операциялары бойынша жетекші инженері Анна Менон және компанияның астронавттарды даярлау жөніндегі маманы Сара Гиллис бар.

Бес күндік жеке миссия барысында қатысушылар Жерден 1400 км қашықтыққа дейін ұшпақ. Бұл қашықтыққа соңғы рет 1975 жылы аяқталған АҚШ-тың «Аполлон» ғарыштық бағдарламасы аясындағы Айға ұшу миссиялары кезінде барған еді. Салыстырмалы түрде алатын болсақ, халықаралық ғарыш станциясы шамамен 400 км қашықтықта орналасқан.

Сонымен қатар ғарышқа ұшқан...

Қазіргі кезде өндіріліп жатқан сұйытылған көмірсутек газдың көлемі Батыс Қазақстан облысының қажеттіліктерін толығымен жабады. Ал артылған мөлшерін еліміздің басқа өңірлеріне жеткізуге де мүмкіндік бар.

Бұл жөнінде мұнай-газ саласындағы отандық және шетелдік компаниялардың акционерлерінің бас қосуында айтылды. «ҚазМұнайГаз» ҰК АҚ (ҚМГ) Басқарма төрағасы Асхат Хасенов Батыс Қазақстан облысына жұмыс сапарымен барды. Ол «Урал Ойл энд Газ» ЖШС (ҚМГ, MOL Group және First International Oil Corporation бірлескен кәсіпорны) акционерлерінің өкілдерімен кездесті.

Асхат Хасенов MOL Group барлау және өндіру жөніндегі атқарушы вице-президенті Жомбор Мартонмен және Sinopec компаниясының шетелдік жобалар жөніндегі вице-президенті Чжао Гуанминмен газ өндірісін арттыру жөнінде пікір алмасты.

Жасыратыны жоқ, ішкі нарықтағы...

2025 жылы Қазақстанның мемлекеттік қарыз бойынша шығыстары 6,1 трлн теңгені құрайды. Бұл барлық бюджет шығысының төрттен бір бөлігіне тең. Бұл жайлы 2025-2027 жылдарға арналған республикалық бюджет жобасын таныстыру кезінде Жоғары аудиторлық палатаның өкілі Ардақ Теңгебаев айтты.

«Бюджет тапшылығын жабудың келесі көзі – несиелер. Соңғы 5 жылда орта есеппен 12%-ды құраған мемлекеттік қарыздың өсу қарқыны жалпы ішкі өнімнің өсу қарқынына жақындап, алаңдаушылық туғызып отыр. 2025 жылы несиелерді өтеу және оларға қызмет көрсету құны 6,1 трлн теңгені құрап отыр. Бұл республикалық бюджеттің барлық кірісінің 38%-ын немесе барлық шығыстың 24%-ын құрайды. Өз кезегінде бұл құбылыс мемлекеттің төлем...

Қазақстан бюджет тапшылығының кесірінен Ұлттық қордан 2 триллион теңге алуы әбден мүмкін. Бұл туралы Ұлттық экономика вице-министрі Азамат Әмрин мәлімдеді.

«Қосымша трансфер қазір есептелініп жатыр. Бұл – 1,5 триллион мен 2 триллион теңгенің арасында. Бұл – менің сарапшылық бағамым. Қазір, бәлкім, бұл туралы айту дұрыс емес шығар», – деді Азамат Әмрин Мәжіліс дәлізінде.

Вице-министр 2024 жылы 2 триллион теңге көлемінде кепілдігі бар трансфер және 1,6 триллион теңге көлемінде мақсатты трансфер бекітілгенін айтты. Оның сөзіне қарағанда, Ұлттық қордан қосымша трансфердің нақты саны қыркүйек айының соңында белгілі болмақ.

Мұның алдында Ұлттық экономика министрі Нұрлан Байбазаров Ұлттық қордан...

2024 жылғы 1 шілдедегі жағдай бойынша Қазақстан аумағында 138 төлем ұйымы тіркелген. Көрсеткіш былтырғымен салыстырғанда 20%-ға өсті. Бұл туралы Ұлттық банк хабарлады.

2024 жылдың қаңтар-шілдесінде төлем ұйымдарының сервистері арқылы қаржы айналымы 3,8 трлн теңгені құрады. 2023 жылдың сәйкес кезеңімен салыстырғанда статистика 3,5% төмендеді.

Жекелеген төлемдердің 74,4%-дан астамын нарықтағы 15 ұйым көрсетеді.

«2024 жылдың бірінші жартыжылдығындағы операциялардың  көлемі жағынан клиенттердің мобильді құрылғылар мен интернет желісінің көмегімен бастама жасаған операциялары бойынша ең үлкен өсім байқалды», – деп хабарлады бас банк.

Алты айда мобильді құрылғылар мен интернет желісі арқылы 2 595 млрд теңгеге 291 млн операция жүргізілді. Осы тұста да көрсеткіштің былтырғыдан 10%-ға өскенін байқауға болады.

Қолма-қол ақшаны қабылдауға байланысты операциялар бойынша төлем ұйымдары 804 млрд теңгеге 71 млн операция жүргізді.

Бұл ретте электрондық ақшамен жасалатын операциялар айтарлықтай өскен. 2024 жылғы бірінші жартыжылдықта 369,6 млрд теңгеге операциялар жүргізілді (30,6%-ға өсті).

Төлем ұйымдарының аумақтық таралуы былай қалыптасты: 

Еске сала кетсек, бұған дейін қазақстандықтардың қолма-қол ақшамен сауда жасауды азайтқанын жазған едік. Ал тауар мен қызметке онлайн тапсырыс берушілер тіпт...

Елімізде «Үздік сынып жетекшісі – 2024» республикалық байқауы өткізіледі, бұл туралы Оқу ағарту министрлігі хабарлады.

Министрліктің мәліметінше, бұл байқау педагогтардың шеберлігін жетілдіру мен олардың әлеуметтік мәртебесін арттыру мақсатында өткізіліп отыр.

Байқауға барлық орта білім беру ұйымдарының сынып жетекшілері қатыса алады. Аталмыш байқау үш кезеңде өтеді:
17-18 қыркүйек аралығында аудандық, 25 қыркүйек облыстық,
және қараша айында Астана қаласында Республикалық III кезеңі өтеді өтеді.

Айта кетейік, байқаудың әр кезеңінде қатысушыларға бейнеролик форматында тапсырмалар беріледі. Шығармашылық сынып сағатын көрсету, ата-аналармен өзара іс-қимыл жүйесін ұсыну, педагогикалық қызметте әртүрлі жағдайларға талдау жасау сияқты талаптарға қарай бағалайды.

Жеңімпаздарды білім беру саласындағы арнайы...

Freedom Finance Global Орталық Азияның төрт елі: Қазақстан, Өзбекстан, Қырғызстан және Тәжікстан тұрғындарының тұтынушылық сенімін, инфляциялық және девальвациялық күтулерін он төртінші ай зерттеп келеді . 2024 жылғы тамызда екі түрлі ел жұбында тұтынушылық сенімділіктің артуы мен азаюының біркелкі серпіні байқалады. Бұдан басқа, ұқсас жағдай екі елде айтарлықтай өскен инфляциялық көңіл-күй динамикасында да байқалады. Дегенмен девальвациялық күтулер тұтастай алғанда өңірдің үш ұлттық валютасының төрт айлық нығаюының аяқталуына қарамастан, өңірдегі бұрынғы деңгейлерде қалды.

Тамыз айында Қазақстанда тұтынушылық сенім индексі (CCI) құлады, бірақ оптимизм пессимизмге қарағанда сәл басым. Қырғызстан жаңа рекордтарға қол жеткізіп, алтыншы ай қатарынан сенімділіктің артқанын көрсетіп отыр. Өзбекстанда екінші ай...

Қазақстан аймақтарындағы кинотеатрлар 2024 жылдың бірінші жартыжылдығында 5,5 млрд теңге жинады. Бұл сегіз жылдан бергі ең жоғары көрсеткіш. Аймақтағы көрермендер қандай фильмдерді жақсы көреді және кинотеатрға қаншалықты жиі барады? Бұл тақырыпты «Курсив» тілшісі зерттеді.

Кинотеатрлар кірісі 70%-ға өсті

Ұлттық статистика бюросының мәліметінше, өткен жылы жалпы кинотеатрлар табысындағы облыстардың үлесі 18,5%-дан 33,8%-ға өсті. Өңірлердегі кинотеатрлар 2024 жылдың бірінші жартыжылдығында 5,5 млрд теңге жинады. Бұл 2023 жылдың сәйкес кезеңімен салыстырғанда 70%-ға артық (3,2 млрд теңге) және 2016 жылдан бергі ең жақсы нәтиже (мұндай статистика осы кезеңнен бастап жүргізіле бастады).

Статистика бойынша, бір жыл ішінде кино билеттері орта есеппен 10%-ға...

Алматы қаласы әкімдігі 200 млн долларға «жасыл» облигация шағарады. Тартылған қаржы шаһарда LRT, BRT бірінші желісін салу, 10 троллейбус қосалқы станциясын жаңарту мен 100 электробус алуға жұмсалады.

Баспасөз қызметінің хабарлауынша, Алматы әкімдігі, Түркия және Орталық Азия бойынша халықаралық қаржы корпорациясы (International Finance Corporation, IFC) келісімге қол қойған.

«Мандаттық хатқа сәйкес IFC Алматы әкімдігінің «жасыл» облигацияларын 200 млн долларға дейін сатып алуға қатысуға дайын, бұл қаржы LRT, BRT бірінші желісін салуға, 10 троллейбус қосалқы станциясын жаңартуға, 100 электробус және басқа да әлеуметтік маңызы бар жобаларды іске асыруға жұмсалады», – делінген хабарламада.

«Жасыл» облигацияларды IFC жобаларды...

Алматы қалалық полиция департаменті журналист Асхат Ниязовты не үшін ұстағаны туралы түсініктеме берді.

«Күдікті адамдардың мемлекеттік қорғауға алынған нысанды түсіріп жатқаны туралы хабарлама келіп түсті. Жеке басын және істің мән-жайын анықтау үшін азаматтар Бостандық аудандық полиция басқармасына шақырылды. Мән-жай анықталған соң, олар босатылды», – делінген хабарламада.

Мұның алдында «Обожаю» атты YouTube-арнасының авторы, журналист Асхат Ниязов Ерболат Досаевты қарауылдағаны үшін ұсталғанын айтып үлгерген. Әріптесі Назымгүл Күміспаева бұл оқиға жайында Instagram парақшасында жария етті.

«Асхат Ниязов пен операторды себебін түсіндірместен, Алматының полиция қызметкерлері ұстап әкетті. Біз түсініктеме беруін талап етеміз! Қандай негізде ұстады? Асхат...

Дүниежүзілік көшпенділер ойындары аясында Астанадағы «Қазанат» ипподромында көкпардан финал өтті. Ақтық сайыста Қазақстан құрамасы Қырғыстаннан келген көкпаршылармен бақ сынасты.

Ойын есебін алғашқы болып Қазақстан құрамасы ашты. Бірақ қырғыз көкпаршылары одан кейін есепті 3:1-ге жеткізді. Бірінші тайм аяқталғанда, Қырғызстан құрамасы алда болды. Екінші кезең басталғанда, Қазақстан құрамасы қатарынан 2 салым салып, есепті теңестірді.

Кезеңнің аяқталуына 8 минут қалғанда есеп 4:3 болып, Қазақстан алға суырылып шықты. Алайда соңғы минутта қырғыз спортшылары есепті теңестіріп үлгерді. Екінші кезең тең ойынмен, яғни 4:4 есебімен аяқталды.

Жарыс тағдыры қосымша берілген 10 минутта шешілді. Команда капитаны Құрманбек Тұрғанбек салым салып, 5:4 есеппен қазақ көкпаршыларына жеңіс сыйлады.

Депутат Ермұрат Бапи қорғаныс саласына бөлінетін қаражаттың жеткіліксіз екенін айтты. Бұл жайлы депутат 2025-2027 жылдарға арналған республикалық бюджет жобасын талқылау кезінде мәлімдеді.

«Мұнда Қорғанысқа бөлінген қаражаттың жалпы сомасы көрсетілген. Украинадағы жағдайдан кейінгі қауіпті ескеретін болсақ, бұл сандардан біз ештеңе түсініп отырған жоқпыз. Менің білейін дегенім, жалпы ішкі өнімнің қанша көлемі қорғанысқа бөлініп отыр?»- деп сұрады депутат.

Қорғаныс министрінің орынбасары Әскер Бейсенов 2025 жылы Қорғаныс министрілігінің бюджеті жалпы ішкі өнімге шаққанда 0,68% құрайтынын айтты.

«Ал, мемлекеттік қорғаныс тапсырысы 0,24%. Сонда жалпы шығын 0,68% көлемінде болады»,- деді министрлік өкілі.

Ермұрат Бапи геосаяси ахуал...

«Сары Арқа» тау-кен компаниясы 2025 жылы Ақтөбе облысындағы Бөгеткөл кенішінен никель мен кобальт өндіруді жоспарлап отыр.

«Жалпы сипаттамасы – Ақтөбе облысы Бөгеткөл кенішінің никель-кобальт кенін өндіру және гидрометаллургиялық зауыт өндірісінің қалдықтарын жинау үшін қалдыққойманың бірінші кезектегі құрылысы», – деп көрсетілген өтініште.

Бөгеткөл Әйтеке би ауданында Ақтөбе қаласынан 270 шақырым жерде орналасқан. Тау-кен телімі – 2,772 шаршы шақырым.  

Кеніштің екі карьерінде ашық тәсілмен жылына 770 мың тонна көлемінде кен өндірмек. 35 метр тереңдіктен қазылады. Қалдыққойманың сыйымдылығы – 7,3 млн шаршы метр.

Никель-сулфатын өндіру өндіретін гидрометталлургиялық зауыт салу жоспары Қазақстан даму банкінің қаралуына шығарылған.

Жоба никель-кобальт...

Италия билігі Еуропалық одақтың іштен жанатын қозғалтқыштарға негізделген (жанармаймен жүретін) көліктерге тыйым салуын «сандырақ» деп атады. Сонымен қатар аталған ел үкіметі еуропалық автомобиль өнеркәсібі алдағы жылдары тоқырауға ұшырауы мүмкін деп есептейді. Бұл туралы Motor1.com басылымы жазды.

ЕО 2035 жылға қарай іштен жанатын қозғалтқыштармен жүретін автокөліктер сатуға тыйым салды. Мәселе 2026 жылға қарай қайта қаралуы тиіс. Алайда Италия шенеуніктері 2026 жылы емес, бұл тыйымды дереу қайта қарау керек деп есептейді.

Италия билігінің пайымынша, ЕО-ның барлық 27 елін алдағы жылдары тек электромобильдер сатуға мәжбүрлеудің орнына, мүше мемлекеттерге бұл мәселеде көбірек еркіндік беру керек. Себебі 10 жылда «жасыл» көліктерге бірден ауысу...

Бюджет тапшылығы 2027 жылға қарай 1,9%-ға дейін төмендейді / Фото: kursiv.media

Мәжілісте 2025-2027 жылдарға арналған республикалық бюджет жобасының таныстырылымы өтті. Жиында депутат Әділ Жұбанов бюджет шығыстарын оңтайландырмаса, ел бюджеті банкротқа ұшырауы мүмкін екенін айтты.

«Біз бұл құжаттардан кірістің көп азайғанын байқап отырмыз. Жалпы мұндай жағдайда бірінші кезекте шығысты оңтайландырады емес пе? Яғни кірісті көбейтудің жолын іздеуіміз керек.Біз қазір бюджеттің 90%-ы көлеміндегі соманы қарастырып жатырмыз. Бұлай жалғаса берсе, ертең 10 жылдан кейін мемлекеттің бюджеті банкротқа ұшырауы мүмкін. Осы орада сіздер бюджет шығысын оптимзациялау бойынша қандай жұмыстар жүргізіп жатсыздар?»,  – деп сұрады депутат.

Қаржы...

Түркі мемлекеттері 34 әріптен тұратын ортақ әліпби нұсқасын мақұлдады, деп хабарлайды TRT haber.

Академияның мәліметінше, кездесудің негізгі мақсаты 1991 жылы ғалымдар ұсынған бірыңғай әліпби жобасын аяқтау болды. Комиссия екі жылдық жұмыстан кейін, барлық түркі тілдерінің ерекшеліктерін ескеретін әліпбидің жетілдірілген нұсқасын ұсынды.

«Комиссия мұқият талқылау жүргізіп, әліпби жобасын толықтыруды қажет ететін тұстарын анықтады. Нәтижесінде бірыңғай түркі әліпбиін енгізу туралы ұсыныс мақұлданды», – делінген хабарламада.

Академиктердің айтуынша, 34 әріптен тұратын әліпби түрлі түркі тілдерінің фонетикалық ерекшеліктерін ескеріп жасалған. Әрбір әріп түркі тілдеріне тән бірегей дыбыстарды белгілейді, бұл жаңа жазудың икемділігі мен әмбебаптығын қамтамасыз етеді. Сарапшылардың пікірінше...

Қазақстан 2025-2029 жылдары мұнай өндірісін арттыруды жоспарлап отыр. Ұлттық экономика министрлігінің есебі бойынша, 2025 жылы өндірілетін мұнай көлемі 97,2 млн тоннаға жетпек. Бұл биылғы көлемнен 7 млн тоннадай артық.

2023 жылы елде 90 млн тонна мұнай өндірілсе, биылғы жоспар – 90,3 млн тонна. «Қазақстанның 2025-2029 жылдарға арналған әлеуметтік-экономикалық даму болжамына» сәйкес, алдағы жылы кен орындарынан 97,2 млн тонна мұнай алынбақ, Одан кейінгі жылдары да мұнай өндірісі арта түседі:

Елдің даму болжамында мұнайдың кесімді бағасы...

Бас прокуратура қазақстандықтарға үндеу жариялай отырып, 6 қазан күні өтетін референдумға қатысты заңсыз сауалнама жүргізуге заңмен тыйым салынғаны туралы ескертті.

«Мемлекет басшысының Жарлығына сәйкес, 2024 жылы 6 қазанда «Сіз Қазақстанда атом электр станциясының салуға келісесіз бе?» деген сауалға республикалық референдум өтеді. Оны әзірлеу мен өткізу тәртібі «Республикалық референдум туралы» және референдум туралы заңнамаға қайшы келмейтін бөлігінде «Қазақстан Республикасындағы сайлау туралы» Конституциялық заңдарымен реттеледі. Атап айтқанда, республикалық референдумға байланысты қоғамдық пікірге сауал салу «Қазақстан Республикасындағы сайлау туралы» Қазақстан Республикасының Конституциялық заңында белгіленген талаптарға сәйкес оған дайындық пен өткізу кезеңінде жүруі тиіс», – деп жазады Бас прокуратура.

Бас...