Жаңалықтар

Конституциялық сот төрелік туралы заңнаманы одан әрі жетілдіруді ұсынды. Бұған К. есімді қазақстандықтың өтініші ықпал еткен.

«Конституциялық cот азаматтың «Төрелік туралы» Заңның 52-бабы 3-тармағының Конституцияға сәйкестігін тексеру туралы өтінішін қарап, көрсетілген норманы Конституцияға сәйкес деп таныды», – деп жазылған хабарламада.

Алайда осы тұста Конституциялық cот бұл заң нормасының заңдық дәлдігі мен болжамдылығына қатысты құқықтық актілерге қойылатын талаптардың сақталмағанын анықтаған. Конституциялық бақылау органы өзінің қорытынды шешімінде заңдардың нормалары жеткілікті дәрежеде айқындалмағанын растады. Яғни мұндай құжаттарда азаматтардың заңды өз бетінше түсіндіру мүмкіндігін болдырмауы керек.

«Ол түсінікті өлшемдерге негізделуі тиіс. Осыған...

Германия – әлемде экономикасы жағынан ең ірі және ең дамыған елдердің бірі. Ол негізінен өнеркәсіп пен өндірістік секторға негізделген. Елде автомобиль, машина жасау, химиялық өнімдер және электроника сияқты салалар жақсы дамыған. Германия әлемдегі ең ірі автомобиль өндірушілері мен экспорттаушыларының бірі. Сондай-ақ Еуропалық Одақтың ең ірі экономикасы және әлемдік қаржы саласына айтарлықтай әсер ететін ел.

Орталық Азиямен байланыс

Германия мен Орталық Азия арасындағы қатынастар қазіргі уақытта түрлі салада дамып келе жатыр. Бұл өңірдің экономикалық, саяси және мәдени қызығушылықтары арқылы жүзеге асуда. Германияның Орталық Азиядағы негізгі сауда серіктестері Қазақстан мен Өзбекстан. Германия түрлі өнеркәсіптік өнімдер, технологиялар және қызметтерді экспорттайды, ал Орталы...

Демалысты пайдалы әрі қызықты өткізу үшін ғылыми-танымдық Qalam порталында жарияланған материалдар топтамасын ұсынамыз. Осы аптада: жаңа туған балаға қатысты қазақ жоралғылары, алапес дертінің тарихы, көшпенділер ойынындағы садақ ату сайысының ережесі және ежелгі грек сауытының сыры.

Бала туғанда жасалатын қазақтың жөн-жоралғылары

Орталық Азияға саяхаттап келген мажарлық шығыстанушы Арминий Вамбер: «Жүз жылда, бәлки мың жыл ішінде орын алған төңкерістердің (яғни өзгерістер) өзі қазақтардың тұрмысына айтарлықтай өзгеріс әкелмеген» деп жазған. Әлбетте, 20 ғасыр аталған тұжырымның тас-талқанын шығарды. Өткен ғасырда қазақ халқының өмірі түбегейлі өзгеріп, тұрмысы түлеп шыға келді. Бірақ соған қарамастан орныққан дәстүрлер, жоралғылар мен әдет-ғұрыптарға деген адалдық әлеуметтік дүрбелеңдердің бәрін...

Қостанай облысының Жітіқара аудандық соты мектеп директорына қатысты үкім шығарды. Сотталушы ауыл мектебін басқарған кезде алаяқтық жоспарын жүзеге асырды. Ол құйтырқы жолмен бюджет қаражатын жымқыруды ойластырған.

2022 жылдың тамызында танысының банк шоттарын сұратқан. Директор есепшотқа қаражат аудартып, мектеп қажеттілігіне жұмсайтынын айтқан. Одан кейін мекеме басшысы әлгі танысының атынан қызметтік үйді тазалаушы ретінде мектепке жұмысқа алу жөнінде жалған өтініш жазған. Жалған еңбек шартына қол қойып, жұмысқа қабылдау туралы бұйрық шығарады.

Мектеп директоры «жұмыс уақытын» есепке алу табельдері бойынша 1 995 000 теңге мөлшерінде бюджет қаражатын ұрлады. Еңбекақы 2022 жылдың қыркүйегі мен 2024 жылдың қаңтары аралығында «төленген».

Сотталушы өз кінәсін толы...

Үкімет автомобиль және теміржол көлігін қадағалау жөніндегі ұлттық операторды анықтады. 2024  жылдың 23 қарашасынан бастап «Ғарыштық техника және технологиялар институты» өз жұмысын бастады. Бұл туралы Үкімет қаулысында жазылған.

Цифрлық даму министрлігінің баспасөз қызметі «Курсив» жаңа құрылғы жөнінде ақпарат жолдады. Навигациялық пломбалар жүктерді қадағалау үшін пайдаланылады. Жаңа мониторинг жүйесі контрабандамен күресу үшін және Еуразиялық экономикалық одаққа (ЕАЭО) мүше елдер – Армения, Беларусь, Қазақстан, Қырғызстан және Ресейде арасында тауар айналымын бақылау үшін әзірленді. Ведомство деректердің қайда жіберілетінін айтпады.

Ғарыштық техника және технологиялар институты ЕАЭО-ға мүше басқа мемлекеттердің реттеуші органдарымен және операторларымен өзара бірлесіп жұмыс істейді. Бұрын оператор тек жүк көліктерін қадағаласа...

Дүниежүзілік көшпенділер ойындарында Қазақстан құрамасы 44 алтын, 33 күміс, 37 қола жүлде жеңіп алып, командалық есепте бірінші орынға ие болды.

Соңғы жарыс күнінде ұлттық құрама спортшылары 11 алтын, 9 күміс, 9 қола жүлде жеңіп алды. «Қазанат» ипподромында өткен бәйгеден Қазақстан 18 жүлдеге ие болды: 6 алтын, 7 күміс, 5 қола.

Ал теңге ілуден жеті құт стилінен Бақыт Төлтай алтын жүлде алды. Құсбегіліктен өткен ақтық сында бүркіт салудан Серікбек Күнтуған жеңіске жетті. Ал күмісті Ержан Байқадамов, қоланы Арман Қошқаров иеленді. Ителгі салудан Бағдат Кеуенов үздік үштікті түйіндеді.

«Алау» мұз сарайында өткен қырғыз халқының ұлттық ойыны – ордодан ақтық сында Қазақстан құрамасы...

Қытайдың мемлекеттік даму банкі Қазақстан жобаларын инвестицияламақ. Қазақстанның даму банкіне 2 млрд юань несие беруге келісті.

«Юаньмен жасалған алғашқы кредиттік келісім Қазақстанның даму банкі үшін баламалы валюталық мүмкіндіктер ашып, экономиканың шикізаттық емес секторларына қосымша инвестициялар әкеледі», – деп хабарлады ҚДБ.

Ұлттық экономика вице-министрі Арман Қасеновтің Қытайға жұмыс сапарымен барғанда, «Қазақстанның Даму Банкі» АҚ Басқарма төрағасының орынбасары Ботагөз Әбішева Қытай қаржы ұйымдарымен келіссөз жүргізді.

Осы жиында Қытайдың мемлекеттік даму банкі, Жібек Жолы Қоры, Азия инфрақұрылымдық инвестициялар банкі, Қытай-Еуразиялық экономикалық ынтымақтастық қоры және Қытай Sinosure корпорациясы, Гонконгтың валюта басқармасының өкілдері болды.

«Қытайдың мемлекеттік...

Қаржы министрлігі банктер мен МҚҰ-лардағы стрестік активтерді экономикалық айналымға тарту тетігін ұсынды.

Стрестік активтер – негізінен екінші деңгейлі банктер балансындағы, проблемалық несиелер қорындағы және стрестік активтерді басқару ұйымдарындағы жылжымайтын мүлік, жер учаскелері, өндірістік объектілер мен жабдықтар түріндегі проблемалық несие мен өндіріп алынған мүліктер. Қазақстанда бұл активтердің жалпы құны 3-3,5 трлн теңгенің аралығында.

Ведомство оларды айналымға қосу үшін e-Qazyna.kz платформасындағы Talaptar жаңа сервисін пайдалануды ұсынып отыр.

«Мұнда 10 жылдан бері жекешелендіру шеңберінде республикалық және коммуналды меншік, холдингтер мен банкроттардың активтері саудаланып келеді», – деп хабарлады министрлік.

Сонымен қатар осы платформада байланыс операторлары арасында...

Ресейдің Орталық банкі (ОБ) базалық мөлшерлемесін 18%-дан 19 пайызға көтерді. Орталық банктің мәліметінше, инфляция қысым жоғары болып тұр. Оның шешімі сарапшылардың болжамымен сай келген.

«2024 жылдың соңына қарай жылдық инфляция шілдедегі болжамды диапазоннан 6,5-7,0% асуы мүмкін. Ішкі сұраныстың өсуі әлі де тауар мен қызметтерді ұсыну мүмкіндігінен айтарлықтай асып түседі. Ифляциялық болжамды төмендету және инфляцияның 2025 жылы мақсатты деңгейге оралуын қамтамасыз ету үшін ақша-несие саясатын қосымша қатаңдату қажет», – делінген банк мәлімдемесінде.

РФ Орталық банкі алдағы уақытта да негізгі мөлшерлемені көтеруі мүмкін екенін жоққа шығармайды. Ресей Банкінің болжамы бойынша, қазіргі ақша-несие саясатын ескере...

Ресейдің Кемер облысының арбитраждық соты «Жаңа Жамбыл фосфор зауыты» ЖШС-ға қарсы «Горнорудная компания» жауапкершілігі шектеулі қауымдастықтың екі бірдей талап-арызын қанағаттандырып отыр.

Бұл екі іс те ресейлік контрагенттермен келісім-шарттағы міндеттемелерін орындамауға байланысты. Бірінші талап-арыз арыз бойынша ресейлік компания 190,1 млн рубль, екіншісі бойынша 513,2 млн рубль талап етіп отыр. Екі талап та 2023 жылы қыркүйек айында қол қойған ірі келісім-шартқа қатысты.

Мұның алдынада Кемерово облысының арбитраждық соты арызданушының талабын қанағаттандырып, зауыттың 2 банктегі қаражатын бұғаттаған еді. 709,56 млн рубль болатын қаржының 196,33 млн рублі – «Қазақстан Халық Банкінде», ал 513,23 миллион рублі «Москоммерцбанктегі» есепшотта жатқан. Бұл шамамен 3,44 млрд...

2024 жылдың 1 шілдесіндегі жағдай бойынша қазақстандықтардың депозиттерінің көлемі 21,7 трлн теңгеге жетті. Бұл туралы Қазақстанның депозиттерге кепілдік беру қоры хабарлады.

Бірінші жартыжылдықта өсім 6,3%-ды (+1,3 трлн теңге), ал жылдық есепте 20,5%-ды (+3,7 трлн теңге) құрады.

Жинақтардың 49,6% үлесі алматылықтар мен елорда тұрғындарына тиесілі

Өсімнің жартысы (49,6%, +633 млрд теңге) Алматы мен Астанаға тиесілі. Сонымен бірге барлық облыс пен республикалық маңызы бар қалаларда жеке тұлғалардың салымдарының көлемі артқан.

Теңгелік депозиттердің үлесі басым

Бірінші жартыжылдықта теңгелік депозиттердің көлемі 8,2%-ға (+1,2 трлн тенге) өсті. Бұл жалпы жеке адамдарға тиесілі депозиттер өсімінің 96,3%-ын құрайды. Дәл осы кезеңде валюталық депозиттердің көлемі бар...

«ҚазМұнайГаз» ұлттық компаниясы (ҚМГ) 749,9 млн долларға тең облигацияларды мерзімінен бұрын сатып алды. Жалпы шығарылым құны – 1 млрд доллар болған. Енді 250,1 млрд көлемінде өтелмеген қарыз қалған.

«2024 жылғы 12 қыркүйекте «ҚазМұнайГаз» ҰК АҚ өтеу мерзімі 2027 жылғы 19 сәуір деп белгіленген облигацияларды мерзімінен бұрын ішінара өтеуді жүзеге асырды», – делінген хабарламада.

Осылайша «ҚазМұнайГаз» он жылдық облигацияларының қарызын мерзімінен бұрын өтеді. Бұл облигацияларды өтеу мерзімі – 2027 жылдың сәуірі, пайыздық мөлшерлемесі – 4,75% болатын. Жалпы 14,1 млн доллар сыйақы төленген.

«Қазмұнайгаз» ұлттық компаниясы жалпы құны 1 млрд доллар болатын еурооблигацияларын кері сатып...

Қазақстан қор биржасында 13 қыркүйек кешкі сауда нәтижесі жарияланды. Оның қорытындысы бойынша теңге долларға шаққанда құнсызданды.

Сонымен 13 қыркүйек күнгі сауданың қорытындысы бойынша АҚШ долларының орташа сараланған бағамы 1,85 теңгеге көтеріліп, 479,51 теңгені құрады.

Апта басында, яғни 9 қыркүйек доллардың төл валютаға шаққандағы бағамы 478,9 теңге болған. 10-11 қыркүйек ұлттық валюта аздап (1-2 теңгеге) нығайып, кейін қайта құнсызданып, аптаны 479,51 теңгемен қорытындылады.

Қазақстан қор биржасындағы доллар-теңге бойынша сауда көлемі 228 млн долларға азайып, 84 млн долларға тұрақтады.

Еуро бағамы – 531,65 теңге, рубль – 5,27 теңге, юань – 67,35 теңгеге тең.

Еске сала кетсек, сарапшылар валюта бағамына...

Түркиялық Anadolu Group конгломератының еншілес Coca-Cola İçecek A.Ş. компаниясы Шымкентте құны 27 млрд теңге болатын жаңа зауыт ашты. Оның жылына 283 млн литр өнім шығаратын өндірістік қуаты бар. Кәсіпорын 150-ден астам адамды жұмыспен қамтамасыз етпек.

Бүгін, 13 қыркүйекте, зауыттың салтанатты ашылуы рәсімі Шымкент қаласындағы сауда-логистикалық орталық аумағында өткен. Компания газдалған және газдалмаған сусындар, салқын шай және әртүрлі шырындар шығарады.

2023 жылдың қорытындысы бойынша, Шымкент қаласының экономикасына 661,7 млрд теңге инвестиция тартылып, өнеркәсіптік кәсіпорындар шығарған өнім көлемі алғаш рет 1 трлн теңгеден асып жығылған.

Coca-Cola İçecek 2023 жыл түрік экономикасы үшін ауыр жыл болғанына қарамастан, 6,1 млрд түрік лир...

Әлеуметтік желіде Қазақстанның Ұлттық қауіпсіздік комитетінің қызметшісі қырғыз көкпаршысына қысым көрсеткені туралы ақпарат тарады. Осыған орай ҰҚК баспасөз қызметі мәлімдеме жасады.

«2024 жылғы 12 қыркүйекте БАҚ-та және әлеуметтік желілерде Қырғызстан құрамасының көкпар ойыншысына ҰҚК қызметкері қысым көрсеткені туралы ақпарат таралды. Бұл ақпарат шындыққа сәйкес келмейді»,- делінген баспасөз хабарламасында.

Баспасөз қызметінің хабарлауынша, комитет қызметкерлері 5-ші Дүниежүзілік көшпенділер ойындарын өткізу барысында қоғамдық тәртіпті қамтамасыз етуге қатыстырылмаған. Осы орайда ҰҚК тек ресми ақпарат көздеріне сенуге шақырады.

Еске сала кетсек, Астанада 6-13 қыркүйек аралығында V Дүниежүзілік көшпенділер ойындары ұйымдастырылды. Бұл сайыстың ашылу салтанаты 6 қыркүйек...

Қазақстанның азаматы екенін үш жыл бойы зыр жүгіріп дәлелдеуге тура келген Тараз тұрғыны 3 млн теңге көлемінде моралдық шығын өтеуді талап етіп, полицияның үстінен сотқа арыз түсірген.

Жоғарғы соттың баспасөз қызметінің ақпаратынша, оқиға былай өрбиді. Ойында ештеңе жоқ тараздық 2019 жылдың қыркүйек айында алаңсыз Халыққа қызмет көрсету орталығына барады. Бар шаруасы – мерзімі өткен куәлігін ауыстырып алып, қайта тіркеу. Көп уақыт алатын іс емес. Бірақ мекеме оған қызмет көрсетуденүзілді-кесілді бас тартқан. Сөйтсе, ІІМ мәліметтер базасында тараздық Ресей азаматты деп көрсетіліпті.

«2019 жылдан бастап ол полиция органдарына хабарласып, шетел азаматы емес екенін айтқан. Осылайша, Қазақстан азаматы екенін үш жыл бойы дәлелдей...

Жоғарғы аудиторлық палата «ҚазМұнайГаз» Ұлттық компаниясы мен «Бәйтерек» ұлттық басқарушы холдингін, сонымен қатар компаниялардың еншілес мекемелерін тексеруді бастады.

Палатаның хабарлауынша, ҚМГ мен оның жеке еншілес компанияларының активтерді пайдалану тиімділігіне, ал Ұлттық холдингтің қарызды басқару тиімділігіне аудит өткізеді.

«Бәйтерек» холдингінің «Қазақстанның Даму Банкі», Qazaqstan Investment Corporation, «Отбасы банкі» және «Аграрлық несие корпорациясы» сынды еншілес компанияларында да тексеріс жүреді.

Бұған дейін палата ҚТЖ және НЗМ-да аудит жүргізген. Бұл компаниялардан жүздеген миллион теңгеге қарыз бен заң талаптары бұзылғанын анықтаған.

«Назарбаев Зияткерлік мектептерінің» (НЗМ) 2019-2023 жылдары бюджет қаражатын қалай жұмсағанына қатысты аудит нәтижесінде ақшаның тиімсіз жұмсалуы, тендер өткізудегі былықтар мен...

RG Brands Kazakhstan 2023 жылы 2,172 млрд теңге көлеміндегі таза пайда тапқан. Алайда компания қомақты қаржыны дивиденд төлеуге жұмсамайтын болды. Бұл туралы Қазақстан қор биржасында жарияланған сусын шығаратын компания акционерінің шешімінде жазылған.

«2023 жылғы 2,172 млрд теңге көлеміндегі таза пайданы дивиденд төлеуге бөлу жүргізілмесін. Қаржы серіктестікті дамытуға жұмсалсын», – деп жазылған құжатта.

RG Brands Kazakhstan компаниясына RG Brands-ке тиесілі. Оған Дубайда тіркелген RG Brands Holding Limited компаниясы иелік етеді. Компания Қазақстаннан басқа Ресей мен Қырғызстанда жұмыс істейді. Оның түпкілікті бенефициары – 187 млн доллар байлығы бар бизнесмен Қайрат Мәжібаев.

RG Brands Kazakhstan алкогольсіз сусындар...

Португалия құрама командасының және Сауд Арабиясының «Әл-Насра» командасының футболисі Криштиану Роналду әлемдегі ең ірі әлеуметтік желілерде миллиард жазылушысы бар бірінші адам болып отыр.

Роналду жұма күнге қараған түні миллиардтық белесті бағындырды. Футболистің Instagram, Facebook, Х желісі, YouTube, Kuaishou және Weibo-да парақшалары бар.

«Біз тарихқа кірдік – миллиард жазылушы! Бұл – жай ғана сандар емес, ортақ құмарлықтың, ойынға деген сүйіспеншіліктің куәсі. Мадейра көшесінен бастап әлемнің ірі ареналарында мен өзімнің отбасым және сіздер үшін ойнадым. Енді біздің санымыз миллиардқа жетіп отыр. Жақсы күндер әлі алдымызда. Біз бірге күресіп, бірге жеңіп, тарихты бірге жасайтын боламыз», – деп жазды Х...

Егер Қазақстан азаматтарында декларацияның 250.00 нысанын тапсырған соң, онда көрсетілмеген және ақшалай кірісімен расталмаған мүлкі анықталса, Салық комитеті оның қайдан келгенін тексереді. Бұл жайлы Сенат кулуарында Қаржы вице-министрі Ержан Біржанов айтты.

Журналистер министрлік өкілінен мобильді аударымдарға қатысты Салық комитеті камералдық бақылауды қалай жүргізетінін сұрады.

Біржанов мұндай бақылау жауапты органдар берген деректер негізінде жүргізілетінін айтты. Егер мобильді аударымдар саны 100-ден асса, Салық комитеті ондай азматтарға бірден хабарлама жібереді.

«Әрине, біз екінші деңгейлі банктерден осындай деректер алсақ, ол адамға хабарлама жібереміз. Салық комитеті мобильді аударымдардың тарифтен асып кеткені туралы ескертеді. Өйткені өмірде түрлі жағдай болуы мүмкін...

«Самұрық-Қазына» әл-ауқат қоры «АзияГаз Чунджа» компаниясының 100% жарғылық капиталын 9,3 млрд теңгеге сатып алмақ. Ол үшін Қазақстан қор биржасына әрқайсысы 92,9 млн теңгелік 100 қарапайым акция орналастырады. Бұл акцияларды қордың жалғыз акционері – ҚР Үкіметі басым құқықпен сатып алады. Директорлар кеңесінің шешімі қор биржасының сайтында орналастырылған.

Еgov порталының мәліметінше, «АзияГаз Чунджа» компаниясының жалғыз иесі – Қаржы министрлігінің Мемлекеттік мүлік және жекешелендіру комитеті. Осылайша, Үкімет «Самұрық-Қазына» қорының акцияларын 9,29 млрд теңгеге сатып алады. Бұл қаржыны қор компанияның жарығылық капиталы үшін төлейді.

«АзияГаз Чунджа» ЖШС 2023 жылдың қазанына дейін Қайрат Боранбаевтың иелігінде болған. Мемлекет қаржысын талан-таражға салды деген айып...

Қазақстан қор биржасындағы акциялар саудасының көлемі тамызда шілде айымен салыстырғанда 83,4%-ға немесе 45,8 млрд теңгеге азайып, 9,1 млрд теңгені құрады, деп хабарлайды биржаның баспасөз қызметі.

Сауда қайталама нарықта жүргізілді. Орта есеппен күніне жалпы көлемі 433,2 млн теңгені құрайтын 6,5 мың транзакция жасалды. Мәмілелердің жалпы көлемінің 68,3%-ы жеке тұлғаларға, 14,1%-ы брокер-дилерлік ұйымдарға, 5,3%-ы резидент еместерге тиесілі болды. Жалпы тамыз айының соңында қор нарығының капиталдандыруы 33 трлн теңгені (68,5 млрд доллар) құрады. Бұл өткен аймен салыстырғанда 50,9 млрд теңгеге немесе 0,2%-ға жоғары.

KASE индексі тамызда 1,3%-ға өсіп, 5,3 мың тармақты құрады. Индекс акцияларымен жасалған операциялардың көлемі тамызда 4,3 млрд теңгеге...

Мемлекет басшысы Қасым-Жомарт Тоқаев Asia Infrastructure Solutions Singapore компаниясының төрағасы Вонг Хэн Файнды қабылдады. Кездесуде Alatau City жобасын талқыланды.

«Қасым-Жомарт Тоқаев пен Вонг Хэн Файн шетелдің инвестициясын, технологиясын және білім әлеуетін тарта отырып, Алатау қаласын тиімді дамыту жөнінде егжей-тегжейлі пікір алмасты», – делінген Ақорданың баспасөз хабарламасында.

Сингапурлық Surbana Jurong компаниясымен бірлесе дайындалған Алатау қаласының Бас жоспары биыл мамыр айында қабылданған. Президент осындай жобаларды іске асыруда Вонг Хэн Файнның мол тәжірибесі бар екенін атап өтті. Оның бас консультант ретінде берген ұсынымдары халықаралық бизнес-хабқа айналуды көздейтін жаңа қаланы жобалау және салу ісінде нақты нәтижеге ұласатынына сенім білдірді.

Сенат Түркі мемлекеттері ұйымы үшін кеденде оңайлатылған дәліз жасауды мақұлдады. Бұл тауардың жеткізу уақытын қысқартып, бағаның төмендеуіне ықпал етеді.

Оңайлатылған кедендік дәліз Түркі мемлекеттері ұйымы электронды түрде тауар мен көліктер жөніндегі мәліметтерді алмасу арқылы кедендік бақылау мерзімін қысқартады.

Алты айға арналған пилоттық жоба қолға алынбақ. Осы уақыт ішінде жаңа жүйенің барлық техникалық, әкімшілік және заңдық аспектілері жасалады деп уәде етіліп отыр.

Түркі мемлекеттер ұйымына Қазақстан, Әзербайжан, Қырғызстан, Түркия және Өзбекстан кіреді. Орта дәліз бойынша Қазақстан жылына 4 млн тонна жүк тасымалдайды деп күтіліп отыр.

Түркі мемлекеттері ұйымы бұрын Түркі тілдес мемлекеттердің ынтымақтастық кеңесі деп аталды. Әзербайжан, Қазақстан, Қырғызстан және Түркия басшыларыны...