Жаңалықтар

Ресей президенті Владимир Путин Қазақстанға келеді. Бұл жайлы Ақорда хабарлады.

«Мемлекет басшысы Қасым-Жомарт Тоқаевтың шақыруымен 9 қараша күні Ресей Федерациясының Президенті Владимир Путин Астанаға ресми сапармен келеді. Сапар барысында екі ел басшылары келіссөз жүргізіп, Қазақстан мен Ресей арасындағы стратегиялық серіктестіктің өзекті мәселелерін талқылайды деп жоспарланып отыр», делінген хабарламада.

Бұдан бөлек, президенттер Қостанайда өтетін Қазақстан мен Ресейдің XIX Өңіраралық ынтымақтастық форумына бейнебайланыс режимінде қатысатындығы айтылған.

Путиннің Қазақстанға келетіні туралы ерте көктемде айтылған. Сыртқы істер министрі Мұрат Нұртілеу Мәскеуге ресми сапары барысында:

«Өзара іс-қимылдың қарқынды сипаты мен екі елдің мемлекет басшылары арасындағы...

2023 жылдың 9 айында Әлеуметтік медициналық сақтандыру қорының Ұлттық Банктегі шотына аударылған МӘМС жарнасының көлемі 884,8 млрд теңгені құраған. Бұл жайлы қордың баспасөз қызметі хабарлады.

«2023 жылдың 9 айында Қордың Ұлттық Банктегі шоттарына МӘМС-ке арналған жарналар мен аударымдар түрінде 884,8 млрд теңге түсті. Оның 37,5%-ын жұмыс берушілер төлесе, 33,3%-ын 15 санаттағы азаматтардың сақтандыруын қамтамасыз ететін мемлекет төледі, ал 29,1%-ы жұмыскерлер, жеке кәсіпкерлер мен өзін-өзі төлеушілерге тиесілі»,- делінген хабарламада.

Бұл қаражаттың 331,5 млрд теңгесі жұмыс берушілерден түссе, 294,4 млрд теңгесі мемлекеттен түскен. Ал жұмыскерлер мен жеке кәсіпкерлерден түскен қаражат көлемі 257,6 млрд теңгені құраған. Жиналған...

Ақбөкендердің тығыздығының жоғарылауына байланысты ауыл шаруашылығы жануарларының ауру қаупі бар.
«Ашық НҚА» порталында талқыланып жатқан Экология және табиғи ресурстар министрлігі Орман шаруашылығы және жануарлар дүниесі комитеті дайындаған құжатта осылай жазылған.

Қоғамдық талқылаудан соң Ауыл шаруашылығы министрінің 2015 жылғы 30 наурыздағы Жануарлар дүниесін қорғауға қатысты бұйрығына өзгеріс енгізуді көздейтін құжат редакцияланған нұсқада қолданылады. Тапсырманың орындалуын бақылау осыған жауапты Экология және табиғи ресурстар вице-министріне жүктелген.

Экология және табиғи ресурстар министрінің бұйрық жобасына салыстырма кестеде:

«2023 жылғы авиациялық есепке алу деректері бойынша Қазақстанда ақбөкендердің саны 1,9 млн-нан астам дараққа жетті, үш популяцияның өсімі 597 мың дарақты немесе...

Фото: kursiv.media

«Қазатомөнеркәсіп» Ұлттық атом компаниясы» директорлар кеңесінің құрамы өзгерді. Кеңес құрамынан Ержан Мұқанов пен Ернар Жанәділ шығарылып, орнына Айдар Рысқұлов пен Мейіржан Юсупов сайланған. Бұл жайында Қазақстан қор биржасындағы хабарламада жазылған.

Қазіргі кезде «Қазатомөнеркәсіп» Ұлттық атом компаниясы» АҚ Директорлар кеңесі жеті адамнан тұрады: Арман Арғынғазин, Арманбай Жұбаев, Нодир Сыдықов, Ернат Бердіғұлов, Елжас Отыншиев, Айдар Рысқұлов, Мейіржан Юсупов.

Компания бұған дейін Ержан Мұқанов 2 қазаннан бастап компания Басқарма төрағасы қызметінен босағанын хабарлаған. «KAZAKH INVEST» Басқарма төрағасы қызметін атқарған Мейіржан Юсупов «ҚазАтомӨнеркәсіптің» жаңа басшысы болып тағайындалған еді.

«Қазатомөнеркәсіп» ҰАК акцияларының 75%-ы «Самұрық-Қазынаға» тиесілі, қалған бағалы...

Қазақстанда «Яндекс.Такси» жүргізушілері ресми түрде тіркеуге тұра алады. Астана және Алматы қалаларында пилоттық жобаны Мемлекеттік кірістер комитеті іске қосты.

«Мемлекеттік кірістер комитеті Яндекс таксимен бірлесіп, Астана және Алматы қалаларында Яндекс.Такси қосымшасы арқылы қызмет көрсететін такси жүргізушілері үшін платформалық жұмыспен қамту бойынша пилоттық жобаны іске қосты. Қазіргі уақытта қатысушылар саны 500-ден астам жүргізушіні құрады», – делінген комитет хабарламасында.

Комитет хабарлауынша, жоба бірінші кезекте жүргізушілердің еңбек қауіпсіздігі үшін жасалған. Яғни таксопарктердің делдалдық қызметтерін алып тастау, бұл ақшаны үнемдеуге және оларды салықтар мен әлеуметтік төлемдерге бағыттауға мүмкіндік беріп, әлеуметтік қамсыздандыру жүйесіне жол ашады.

Бұдан бөлек, салық органдарына бармай-ақ Яндекс платформасы арқылы кәсіпкерлікті тіркеліп, табысты...

Фото: қордың баспасөз қызметі

«Өнеркәсіпті дамыту қоры» 7 500 жай акциясын қор нарығына орналастырды. Жалғыз акционері – Қазақстан даму банкі акцияларды басымдықпен сатып алу құқығын пайдаланады. Директорлар кеңесінің шешімі қордың KASE-ге жолдаған ақпаратында жазылған.

«Облигациялары Қазақстан қор биржасының (KASE) ресми тізімінде тұрған «Өнеркәсіпті дамыту қоры» АҚ Директорлар кеңесінің 2023 жылдың 01 қарашадағы қоғамның жалғыз акционерінің басым құқығын іске асыру жолымен бір акция үшін 2,0 млн теңге бағамен жарияланған акциялар саны шегінде 7 500 жай акцияны орналастыру шешімі туралы KASE-ге хабарлады», – деліген ақпаратта.

Қордың бір жай акциясының бағасы – 2 млн...

Қазақстанның өнеркәсіп және құрылыс министрлігі мен «АрселорМиттал Теміртау» АҚ бизнес серіктестерге арнап мәлімдеме жасады.

Министрлік жариялаған мәлімдемеге сәйкес, АМТ Костенко шахтасында қайтыс болған кеншілердің отбасына көңіл айтып, олардың қолдау көрсететінін айтқан.

Мәлімдемеге сәйкес, «АрселорМиттал» компаниясымен Қазақстан арасында өзара келісім басталып, «АрселорМиттал Теміртау» кен орындары мен металл өндіру зауыттары Қазақстанға қайтарылу бастапқы келісімге келген. «АрселорМиттал Теміртау» ішкі және аймақтық нарықтағы болат өндіруші ең ірі компания болғандықтан оның алдағы қызметін тоқтатпас үшін тараптар қолайлы жоспар құрады.

«Біз АМТ-ның барлық мүдделі тараптарына, әсіресе оның клиенттеріне, мердігерлеріне, тасымалдаушыларына:

«АрселорМиттал Теміртаумен» байланысты (Теміртаудағы Болат зауытын, көмір бөлімшесін, еншілес кәсіпорындарды, соның ішінде Ақтаудағы құбыр зауытын...

Фото: kursiv.media

Жыл басынан бері мемлекеттік қарызға қызмет көрсету және өтеу үшін бюджеттен 3,7 трлн теңге жұмсалған. Қазақстан қаржыгерлер қауымдастығының талдау орталығы Қазақстанның биыл 9 айдағы жиынтық бюджетіне жасаған шолуда осындай дерек келтіріледі.

Қазақстан экономикасының өсімі жеделдегеніне, (2022 жылдың сәйкес кезеңіндегі ЖІӨ өсімі 2,8%-бен салыстырғанда 4,7%-ды құрады) биржалық металдар шығаратын кен орындары және басқа да пайдалы қазбаларға салынған салықтың айтарлықтай көтерілгеніне қарамастан, бюджетке түсетін салық түсімі шамалы ғана өскен.

Қазақстанда қызмет көрсету экономикасы (ЖІӨ-де қызмет көрсету үлесі басым) болғанымен, шоғырландырылған бюджетке қаржы негізінен мұнай экспортынан түседі. Ал есепті кезеңде Brent маркалы мұнайдың орташа бағасы барреліне $81,9 құрады...

2023 жылдың 10 айында жол көлік оқиғасынан қаза тапқан балалардың саны 14%-ға артқан. Бұл жайлы ІІМ-де өткен брифингте ҚР ІІМ Әкімшілік полиция комитетінің ерекше тапсырмалар жөніндегі аға инспекторы Ақтоты Боранова айтты.

«Осы жылдың 10 айында жол көлік оқиғасынан қаза тапқан балалардың саны 14%-ға, ал зардап шеккен балалардың саны 3%-ға артып отыр. Зардап шеккен балалардың жартысынан көбі жолаушылар, ал қалғандары жаяу жүргіншілер. Көп жағдайда балалар ересектер тарапынан тасымалдау ережелерін бұзғаны үшін зардап шегеді. Себебі олар автоорындықтар, бустерлер және адаптерлер сияқты балаларды ұстайтын құрылғыларды пайдаланбайды», дейді аға инспектор.

Боранова жаяу жүргіншілердің әдетте белгіленбеген жерден жолды...

Көлік прокурорлары ҚТЖ қызметкерлерінің санаторлық-курорттық емделуде болғаны жайлы жалған анықтама жасату фактілерін анықтаған. Бұл жайлы Бас прокуратураның баспасөз қызметі хабарлады.

Қарағанды көлік прокуратурасы «ҚТЖ» ҰК» АҚ – «Қарағанды магистралдық желі бөлімшесі» қызметкерлерінің сауықтыру үшін қаражат жұмсау кезінде заңдылықтың сақталуына талдау жүргізген. ҚТЖ есептері мен курорттық ұйымдардың ақпараттарын салыстыра келе прокуратура ҚТЖ филиалының емделуді қажет ететін әрбір үшінші қызметкері санаторийге іс жүзінде келмегені және тиісті процедураларды алмағаны анықталған.

ҚТЖ мен оның еңбек ұжымы арасында жасалған ұжымдық шартта жұмыс беруші мұқтаж жұмысшыларға жеңілдік шарттарымен санаторлық-курорттық емделуге жолдамалар беруге немесе медициналық көрсеткіштер болған жағдайда, 60 АЕК мөлшерінде материалдық көмек көрсетуге міндетті екендігі көрсетілген. Ол құжатқа сәйкес теміржол саласының қызметкерлері әр 3 жыл сайын емдік санаторийлерге жолдама алуы тиіс...

2023 жылдың 30 қазанынан бастап Қазақстан аумағы арқылы бидайды теміржолмен транзиттік тасымалдауға ресми түрде рұқсат берілді.

Ауыл шаруашылық министрлігі биыл 25 қыркүйекте бидайды автомобиль және теміржол әкелуге алты айға тыйым салу туралы шешім қабылдаған. Алайда министрлік хабарлауынша, бұл шешім екіұшты түсіндіріліп жатқандықтан, бұйрыққа транзиттік тасымалдау туралы нақтылау енгізілген. 

«Лицензияланған элеваторлардың, астық өңдеушілердің, құс шаруашылығы кәсіпорындарының мекенжайына темір жол көлігімен бидай әкелуді және Қазақстан Республикасының аумағы арқылы бидай транзитін қоспағанда, Қазақстан Республикасының аумағына үшінші елдерден және Еуразиялық экономикалық одақ елдерінен темір жол көлігімен әкелуге тыйым салу енгізілсін», – делінген жаңа бұйрықта.

«Қазақстан аумағы арқылы бидайды темір жол көлігімен транзиттік тасымалдауға шектеу...

«Қазақмыс» компаниясына қарасты Шығыс Жезқазған кенішінің №57 шахтасында жұмысшы қаза тапты. Бұл туралы компанияның сайтында жарияланды.

«Қазақмыс» компаниясы 2023 жылы 05 қарашада Шығыс Жезқазған кенішінің №57 шахтасында болған жазатайым оқиға туралы өкінішпен хабарлайды» – делінген ресми ресурста.

Арнайы комиссия жазатайым оқиғаның мән-жайы мен себебін анықтап жатыр.

«Жұмысты орындау кезінде 1984 жылғы тау кен шебері өлімге әкелетін жарақат алды. «Қазақмыс» компаниясының басшылығы мен еңбек ұжымы марқұмның туыстары мен жақындарына қайғыра көңіл айтады», – делінген сайттағы жазбада.

«Қазақмыс» тобына қарасты Ұлытау облысындағы Жыланды кенішінде биылғы жылдың 26 қазанында да жазатайым...

Фото: reuters

Өткен аптаның басты жаңалығы – АҚШ Федералды резерв жүйесінің пайыздық мөлшерлеме бойынша шешімі болса, осы аптада Уолл-стрит тоқсан сайынғы есеп беру науқанын ұстайды. Экономистер мен инвесторлар Disney, Uber және басқа да ірі компаниялардың өз кірісі туралы есебін күтіп отыр.

Ал макроэкономикалық «майданда» тыныш болады. ФРЖ тұтынушыны несиелеу бойынша жаңа дерек жариялайды. Мичиган университеті тұтынушылар көңіл-күйіне жасаған зерттеуінің алдын ала нәтижесін шығарады.

Акциялар қарашаның бірінші аптасын өте жақсы деңгейде жапты, өйткені инвесторлардың ФРЖ өзінің мөлшерлемелерін көтеру циклін аяқтады деген сенімі акциялардың қымбаттауына ықпал еткен. Dow Jones Industrial Average өткен аптада шамамен 5%-ға өссе, S&P500 6% қосты. Nasdaq Composite индекс...

АҚШ мемлекеттік хатшысы Энтони Блинкен Газа аймағындағы жағдайды реттеу үшін осы өңірдегі бірнеше елге ресми сапармен жол тартты. Оның басты кездесуі бүгін Анкарада Түркияның Сыртқы істер министрі Хакан Фиданмен өтеді.

Эсенбога әуежайына түнделетіп қонған Блинкен мен Фидан бірінші кезекте Газа аймағындағы жағдайды тұрақтандыру үшін өзара келіссөздер өткізеді деп жоспарланған.

Reuters хабарлауынша, Блинкен Түркияға келуіне бірнеше сағат қалғанда осы елдің оңтүстігінде орналасқан АҚШ әскери әуе базасына Палестинаға жақтас түрік азаматтары шабуыл жасап, оны басып алмақ болған. Газа аймағында қайтыс болғандар саны көбейген сайын Түркия мен АҚШ-Израиль арасындағы жағдай ушығып келеді.

Кеше, яғни жексенбіде Блинкен Иракқа ресми сапармен келіп, премьер-министр...

Қазақстанның 9 өңірінде дауыл болады. Бұл жайлы Қазгидромет хабарлады.

«Астанада 6 қарашада түнде және таңертең тұман күтіледі. Ақмола облысының солтүстігі мен шығысына да түнде және таңертең тұман түседі», делінген Қазгидромет хабарламасында.

Қалың тұман Көкшетауға да түседі.Ақтөбе облысының солтүстігі мен шығысында түнде және таңертең тұман күтілетінін хабарлайды Қазгидромет.

Қалған өңірлерде дауыл соғады деп күтілуде. Ұлытау, Павлодар, Қарағанды облыстарында күн құбылып, жел соғып, суыта түспек.

Ал Қызылорда облысында күндіз шығыстан жел соғады, жел екпіні облыстың шығыс бөлігінде 15-20 метр секундқа дейін күшейеді.

Жетісу облысының Алакөл көлдері аймағында ауа-райы құбылып, солтүстік-шығыстан соғатын желдің екпін...

Қайрат Боранбаев бостандыққа шықты. Бұл жайлы Қазақстан Республикасы Ішкі істер министрлігінің Қылмыстық-атқару жүйесі комитетінің баспасөз қызметі хабарлады.

«Осы жылдың қарашасында бас бостандығынан айыру жазасының өтелмеген бөлігі бас бостандығын шектеуге ауыстырылған сотталушы Қайрат Боранбаев түрмеден босатылды және тұрғылықты жері бойынша жазасын өтеу үшін тұрғылықты жеріне барады. Мекеменің әкімшілігі сотталғанға пробациялық бақылауды есепке алу және жүргізу үшін пробация қызметіне келу бағыты мен уақытын көрсете отырып, жазаны өтеу орнына кетуге бұйрық берді және оған қосымша сипаттайтын материалдар жібереді», делінген хабарламада.

20 қазан күні Ақмола облысы Зеренді аудандық соты, бұған дейін 6 жылға сотталып, бас бостандығынан айырылған Қайрат...

ҚазМұнайГаздың компаниялар тобы 2023 жылдың 9 айында 17,5 млн тонна мұнай мен конденсат өндірген. Бұл жайлы ҚМГ-ның баспасөз қызметі хабарлады.

«Биылғы 9 айдың қорытындысы бойынша «ҚазМұнайГаз» компаниялар тобы 17 млн 508 мың тонна мұнай және конденсат өндірді», делінген хабарламада.

Сонымен бірге баспасөз қызметі компаияның өз қызметінде энергияны үнемдеу саясатын ұстанатынын, өндірістік процестерді оңтайландыруға және жақсартуға, сондай-ақ үнемі мұнай өндіру коэффициентін арттыруға ұмтылатынын мәлімдеген.

Мәселен, «ҚазМұнайГаз» соңғы 6 жылда шикі газды жағу көлемін 89%-ға қысқартқан. 2017 жылдары компания 315,8 млн текше метр шикі газды жағатын болған. 2023 жылдың 8 айында небәрі 14 млн...

ІІМ есірткі қылмысына қарсы іс-қимыл департаменті құрамында көкнәр сабаны мен апиын қоспалары бар тағам көкнәрін шетелден жеткізу арнасының жолын кесу бойынша кең ауқымды арнайы операциясы аясында айналымға апиынның бір миллионнан астам бір реттік дозасын жіберуге тосқауыл болды, деп хабарлайды Polisia.kz.

ІІМ есірткі қылмысына қарсы іс-қимыл департаменті бұл операцияны Батыс Қазақстан облысының полициясымен және көлік полициямен бірлесіп жүргізген.

«Арнайы мақсаттағы бөлімшелердің қолдауымен құрылған жедел-тергеу топтары Орал, Ақтөбе, Шымкент және Алматы қалаларының аумағында Алматыда апиын көкнәрін сатып алып, оны еліміздің батысында сатқан сегіз адамды ұстады. Есірткі трафигін Шымкент қаласының 50 жастағы тұрғыны ұйымдастырған. Ол...

Сауд Арабиясы ОПЕК+ келісіміне сәйкес, желтоқсан айында мұнай өндіруді тәулігіне 1 миллион баррельге дейін қысқартуды жалғастырады. Бұл жайлы елдің энергетика министрлігі хабарлаған.

Бұған дейін ерікті қысқарту бастапқыда шілде айына дйін жоспарланған, кейін тамыз бен қыркүйекке дейін ұзартылды. Содан кейін Сауд Арабиясы өндірісті қысқартуды жылдың соңына дейін ұзартатынын, бірақ бұл шешімді ай сайын қайта қарап отыратынын жеткізген. Ал желтоқсан айында Сауд Арабия әмірі алдағы жылы қысқарту жалғасатыны немесе, өндірісті арттыратынын хабарлауы мүмкін.

Сауд Арабиясы нәтижесінде желтоқсан айында мұнай өндіруді жалпы алғанда тәулігіне 9 млн баррельге қысқартпақ. Әмірлік хабарламасында 1 миллион баррельге ерікті түрде қысқарту шешімі сәуір айында...

Мемлекет басшысы Непал Президенті Рам Чандра Пауделге көңіл айту жеделхатын жолдады. Бұл туралы Ақорда баспасөз қызметі хабарлады.

Президент Қасым-Жомарт Тоқаев Непалдың батыс бөлігінде болған жойқын жер сілкінісі кезінде көптеген адамның қаза табуына байланысты Непал Президентіне және халқына көңіл айтты.

«Непалда болған жойқын жер сілкінісі салдарынан көптеген адамның қаза тапқаны және зардап шеккені туралы суыт хабарды терең күйзеліспен қабылдадым. Осындай ауыр сәтте Сізге және жақындарынан айырылған отбасыларға Қазақстан халқы мен жеке өзімнің атымнан қайғыра көңіл айтамын. Табиғи апаттан жарақат алғандардың тез арада сауығып, із-түзсіз жоғалған азаматтардың отбасыларына оралуын тілеймін», – деп жазылған жеделхатта.

АҚШ мемлекеттік хатшысының Оңтүстік және Орталық Азия істері жөніндегі көмекшісі Дональд Лу 4-11 қарашада Қазақстан, Өзбекстан және Үндістанға барады. Бұл туралы АҚШ мемлекеттік департаменті мәлімдеді.

Дональд Лу АҚШ-тың Орталық Азияға сапарлайтын делегациясына жетекшілік етеді. Делегация қыркүйекте C5+1 форматында өткен алғашқы саммиттің жетістіктерін бекітпек.

Астанада АҚШ мемлекеттік хатшысының көмекшісі Қазақстанның бірқатар жоғары лауазымды тұлғаларымен кездеседі, АҚШ пен Қазақстан арасында стратегиялық әріптестікті кеңейту бойынша диалогқа қатысады деп айтылады.

Хабарламада айтылғандай АҚШ пен Қазақстан саяси және қауіпсіздік саласындағы ынтымақтастықты, экономикалық әріптестік пен адам құқықтарын қорғауды қоса алғанда, өзара мүдделі бірқатар мәселелерді талқылайды.

Сондай-ақ, Дональд Лу сөз бостандығы және әйелдер мен балаларды...

«Самұрық-Қазына» құрылымына кіретін компанияға Атырауда көмірқышқыл газының шығарындыларын 20 есеге арттырғаны үшін жеті млрд теңге айыппұл салынды. Бұл туралы АtyrauРress аймақтық басылымы хабарлады.

Не болды. «Karabatan Utility Solutions»-ты (KUS) ЖШС жоспардан тыс тексеруден кейін 7 млрд теңгеге айыппұл салынды. Экологиялық реттеу және бақылау комитетінде Экология министрлігі басылымға тексеру барысында шығарындылардың артуы анықталғанын айтты. Компанияның СО2-35 482 тонна шығарындыларына квота көлемі болды, ал кәсіпорынның нақты шығарындылары 743 105,874 тоннаны құрады.

Компания туралы. «Karabatan Utility Solutions» ЖШС (KUS) — Атырау облысындағы «Ұлттық индустриялық мұнай-химия технопаркі» арнайы экономикалық аймағының өндірістік және жалпы зауыттық инфрақұрылым объектілерін салу жөніндегі оператор. Ол «Самұрық-Қазына» компанияларының құрылымына...

БҰҰ-ның «Әлем әйелдері 2020» сарапшылық-талдамалық ресурсы COVID19 пандемиясының әйелдер мен ер адамдарға әр түрлі әсер еткенін анықтады.

Бұған қоса, пандемия гендерлік теңсіздік проблемаларын күшейтті.  Мысалы, бұл әйелдердің денсаулығына, олардың жұмысқа орналасуына және жұмыспен қамтылуына, білім алуына, экономикалық құқықтар мен мүмкіндіктерді жүзеге асыруға, әйелдердің көшбасшылығы мен шешім қабылдауға қатысуына, әйелдерге қатысты зорлық-зомбылыққа теріс әсер етті.

Коронавирус толқыны жалпы еңбек нарығына кері әсерін тигізді, бірақ әйелдер ерекше соққыға ұшырады: оларға жұмыста қысқарту мен жалақының төмендеуі көбірек әсер етті.

Пандемия еңбек нарығындағы гендерлік теңсіздікті, сондай-ақ әйелдер мен ерлер арасында ақысыз төленбейтін үй және отбасы мүшелеріне күтім жасау жұмыстарының біркелкі бөлінбеуін күшейтті. 2020 жылы әлемдік...

ҚР Премьер-Министрі Әлихан Смайылов қатысушы ел делегациясының басшысы ретінде Шанхайда өткен Қытайдың 6-шы халықаралық импорттық көрмесінің (ҚХИК) ресми ашылу салтанатында сөз сөйледі.

Үкімет басшысы қазіргі таңда бұл ауқымды көрме жыл сайын әлемнің 130-дан астам елінің өкілдері қатысатын жаһандық іскерлік алаңға айналғанын атап өтті.

«Еліміздің көрмеге мәртебелі қонақ ретінде қатысуы Қазақстан-Қытай қарым-қатынастарының жаңа кезеңі аясында өтіп отыр. Кезекті 30 жылдық циклде біздің елдеріміздің экономикалық кооперация аясындағы өзара іс-қимылы маңызды рөл атқаратын болады. Осы тұрғыда біз үлкен мүмкіндіктерді көріп отырмыз», — деді Әлихан Смайылов.

Премьер-Министр болашақта бірлескен кәсіпорындардың өнім көлемі мен тауар айналымындағы үлесі арта түсетініне...