Жаңалықтар

Жамбыл облысы Меркі ауданында физика пәнінің мұғалімі бес банкке жалпы соммасы 14 миллион теңге қарыз болып, банктерді сотқа беріп, сомма бөліп төлеуге келісім алған. Жергілікті аудандық сот оны адал қарыз алушы деп тану арқылы төлем қабілетін қалпына келтіру процедурасын қолданды.

Бес банктен қарыз ала алды

Азамат кәмелетке толмаған қызын тәрбиелеп отыр, жеке баспанасы жоқ, жалдамалы пәтерлерде тұрады. Ол тұтынушылық несиелерді жылдар бойы жинап келген. Ай сайынғы төлемдер 500 мың теңгеден асады. Ал оның табысы небәрі 170 мың теңгені құрайды. Ол ай сайынғы соманы азайта отырып, өтеу жоспарын құру туралы шешім қабылдаған.

Банктер қарсы болды

Бес банкт...

Астанада қытай тілін меңгерген жұмыс іздеушілер үшін жыл сайынғы «Бос орындар жәрмеңкесі – 2025» өтеді. Іс-шара Қазақстан мен Қытайдың жоғары оқу орындарының түлектері, сондай-ақ, қытайлық компанияларда мәнсап құрғысы келетіндер үшін арнайы ұйымдастырылды.

Жұмыс іздеушілер бір күнде жетекші қытайлық компания өкілдерімен кездесіп, еңбек жағдайы, жалақы деңгейі туралы біле алады және шағын сұқбаттасудан дәл сол жерде өте алады. Сондай-ақ, түйіндеме қалдырып, жұмысқа орналасу бойынша кеңес алуға болады.

Ұйымдастырушылар қатысудың тегін екенін, бірақ орындардың саны шектеулі екенін атап өтті. Жәрмеңке 24 қазанда Сығанақ көшесі, 45 мекенжайындағы Бейжің сарайында (Пекин сарайы) өтеді. Басталуы – 14: 00.

Айта кетейік, осыған дейін Қазақстанда үш ай бойы...

19 қарашада Алматыда Giro d’Almaty 2025 жыл сайынғы әуесқой веложарыс өтеді, деп хабарлайды Kursiv.media.

Велосипед жарысына байланысты 08:00-ден 09:30-ға дейін Керей-Жәнібек хандар көшесінің батыс жағында – Royal Tulip Almaty қонақ үйінен «Медеу» мұз айдынына дейін көлік қозғалысы уақытша шектеледі.

«Қала тұрғындары мен қонақтарын түсіністікпен қарауды және қозғалыс бағыттарын алдын ала жоспарлауды сұраймыз», — деп хабарлады Almaty Joly.

Айта кетейік, осыған дейін Алматы Марафонының қалай өткені жайлы ақпарат жариялаған едік.

«Lenovo Қазақстан» компаниясының корпоративтік сату жөніндегі директоры Ермек Жақыпжановты қастандықпен өлтіруді ұйымдастырды деп күдікке ілінген азамат Дубайдан экстрадицияланды.

«Қазақстан ІІМ Интерпол Ұлттық орталық бюросының сұрауы бойынша Дубай қаласында Қазақстан Республикасының азаматы ұсталды. Ол еліміздің Қылмыстық кодексінің 99-бабы 2-бөлігі (Адам өлтіру) бойынша қылмыс жасады деген күдікпен халықаралық іздеуде жүрген», – деп хабарлайды Polisia.kz.

Ақпаратқа сүйенсек, ол «Lenovo Қазақстан» компаниясының басшыларының біріне қастандық ұйымдастырған. Қылмысқа техника жеткізуге байланысты алынған қарыздық міндеттемелерді орындамау себеп болған көрінеді.

Ол сыбайластарымен бірге Жақыпжановты кездесуге алдап шығарып, оны есінен танғанға дейін ұрып-соғып, жалпы құны 40 млн теңгеге жуық мүлкін иемденіп, кейін...

Елдегі танымал қоғам белсендісі, сыбайлас жемқорлыққа қарсы күресуші, Мәжіліс жанындағы Қоғамдық палата өкілі Дидар Смағұлов Ұлттық банктің базалық мөлшерлемені 18 пайызға дейін көтеруін қатаң сынға алды. Мәжілісте өтіп жатқан Қоғамдық палата отырысында ол ипотекадан қағылған азаматтардың мәселесін көтерді.

Мыңдаған адам ипотекадан қағылды

Дидар Смағұловтың сөзінше, ипотека аламыз деп үміттенген адамдардың үмітін банктер үзген.

«Ұлттық банктің саясаты Астананың ауа-райына ұқсайды. Алдын ала ештеңе деп болжай алмайсың. Өткен жолы ғана базалық ставка 18 пайызға көтерілгені туралы ақпарат ашық күндегі жай сияқты түсті. Қолында «сізге ипотека мақұлданды» деген мыңдаған қазақстандық үй алудағы үмітін үзді. Неге? Себеб...

17 қазан күні Шымкентте ерекше баласы бар ондаған ата-ана қала әкімдігіне барды. Олар балалары баратын арнайы орталықтың қалалық білім басқармасына өтуіне қарсы. Өйткені бұл ерекше балаларды қажетті көмектен қағады деп отыр. Мұны қалалық білім басқармасы жоққа шығарады.

Шымкент қаласы әкімдігіне ерекше балалары бар ондаған ата-ана жиналды. Олар «Қамқорлық» №8 балаларға арналған арнаулы әлеуметтік қызметтер көрсету орталығының 150-ге жуық тәрбиеленушісі далада қалды деп дабыл қақты. Олардың бірі Әйгерім Үсенова 10 жасар баламды енді қайда алып барамын деп алаңдайды.

«2 жылда баламды үш рет мектептен шығарып жіберді. Маметов көшесіндегі арнайы интернат шығарып жіберді. 47 мектеп шығарды, енд...

Қазақстандағы IT қызметтердің экспорты 20,3%-ға өсіп, 881 млн долларға жетті. Дубайда өтіп жатқан GITEX форумында Qaztrade басқарушы директоры Айнұр Әмірбекова осылай деді.

GITEX GLOBAL 2025 ірі әлемдік технологиялық көрмесінде ЖИ саласындағы әзірлемелерін таныстыратын қазақстандық 20 компания қатысып жатыр. Олардың арасында инсультті анықтау үшін дәрігерлерге көмектесетін Cerebra.ai, өнеркәсіп қауіпсіздігі саласында бейне-аналитика жүйесін дамытуға бағытталған BEST vision Technologie, қазақстандық білім беру сервистерін ілгерілететін BilimApp, аэроғарыштық технологиялармен жұмыс істейтін Ghalam және ерекше қажеттіліктері бар адамдар үшін цифрлық шешімдер жасайтын Alaqan жобалары бар.

Көрме аясында қазақстандық TrustMe компаниясы Дубайдағы Sogdians Venture Studio компаниясымен келісімге қол қойды. Олар қазір БАӘ мен...

Болат Назарбаевтың ұлы Нұрбол Назарбаевтың бұрынғы әрекеттеріне қатысты тексеріс қайта жүргізіліп жатыр. Бұл жайлы Бас прокурор Берік Асылов депутаттардың ресми сауалына берген жауабында хабарлады.

Бұған дейін Мәжіліс депутаттары Ермұрат Бапи мен Ринат Зайыт Бас прокурорға депутаттық сауал жолдап, кәсіпкер Қуат Ерментаевтың шағымын назарға алуды сұраған еді.

Берік Асыловтың айтуынша, Алматы қаласы бойынша Экономикалық тергеп-тексеру департаменті бұған дейін Ерментаевқа тиесілі «PORUS» ЖШС-нің жарғылық капиталының 16% үлесін заңсыз қайта тіркеу фактісі бойынша іс қозғаған. Тергеу нәтижесінде іс 2024 жылғы 22 ақпанда «қылмыс құрамының болмауына байланысты» тоқтатылған.

«Алматы қаласы бойынша Экономикалық тергеп-тексеру департаменті (бұдан əрі – ЭТД...

Энергетика және коммуналдық секторларды жаңғырту жөніндегі ұлттық жоба аясында цифрлық теңге қолданылуы мүмкін. Табиғи монополияларды реттеу комитетінің төрағасы Тимур Қосымбаевтың айтуынша, цифрлық теңге қаржының қозғалысын ашық әрі тиімді бақылауға мүмкіндік береді.

Оның сөзінше, жобаға бөлінетін барлық қаражат цифрлық теңге арқылы белгіленсе, әрбір теңгенің қайда және қалай жұмсалғаны анық көрінеді. Бұл тәсіл делдалдарды болдырмай, қаражаттың мақсатты пайдаланылуын және жұмыстардың бағасының негізсіз қымбаттамауын қамтамасыз етеді.

«Ұлттық жобаға бөлінетін барлық қаражат цифрлық теңге арқылы «таңбаланып» отырады. Бұл жүйенің басты артықшылығы – толық айқындық. Қаражаттың қозғалысын: тапсырыс берушіден мердігерге дейінгі бүкіл тізбекті бақылауға болады. Осылайша, делдалдар араласпай, қаржының мақсатты жұмсалуын...

Алматы қаласында жол қозғалысы қауіпсіздігін арттыру және кептелістерді азайту мақсатында жаңа жолақтар пайда болды. Қалалық көлік қозғалысын және жолаушылар тасымалын ұйымдастыру басқармасы Полиция департаментімен бірлесіп, он ірі қиылыста сары жолақтар (1.28 белгісі) сызды.

Бұл жолақтар жүргізушілердің реттелетін қиылыстарда тоқтау ережесін бұзбауына бағытталған. Егер көлік жүргізушісі сары аймаққа кіріп, кептеліс кезінде қиылыстың ортасында тоқтап қалса, көлденең бағыттағы қозғалысқа кедергі келтіреді және ӘҚБтК-нің 594-бабына сәйкес айыппұл салынады.

Жолақтар келесі қиылыстарда пайда болды: Абай – Назарбаев, Абай – Масанчи, Абай – Брусиловский, Абай – Момышұлы, Абай – Тұрғыт Озал, Абылай хан – Бөгенбай батыр, Сәтбаев – Наурызбай батыр, Сәтбаев – Жароков, Жандосов...

Қазақстанда қандас мәртебесін беру және ұзарту қағидаларына өзгерістер енгізілді. Енді өтініш беру процесі әлдеқайда жеңілдеді деп хабарлайды еңбек және халықты әлеуметтік қорғау министрлігінен.

Ведомствоның 2025 жылғы 10 қазандағы бұйрығына сәйкес, қандас мәртебесін беру немесе ұзарту туралы өтінішті Бірыңғай көші-қон қызметтері порталы арқылы беруге болады. Бұдан бөлек, өтініш беру мүмкіндігі:

Өтінішке қажетті құжаттар электронды түрде қоса тіркеледі.

Бірыңғай портал немесе мобильді қосымша арқылы жіберілген құжаттар автоматты түрде «Қандас» автоматтандырылған ақпараттық жүйесіне (ААЖ) түседі. Тіркелгеннен кейін өтінішті жергілікті атқарушы органдардың әлеуметтік қорғау...

Қазақстандағы зауыттар атотехника құрастыру өндірісінің көлемін ұлғайтты. Қыркүйек айында 13 мыңнан аса отандық техника шығарды, әсіресе жеңіл автокөліктің үлесі басым.

«ҚР Ұлттық статистика бюросының дерегінше қыркүйекте Қазақстандағы зауыттар жалпы құны 180 млрд теңге болатын 13 021 бірлік техника шығарды. 2024 жылғы қыркүйекпен салыстырғанда 2025 жылы қыркүйекте өндіріс көлемі 15,1% артқан«, – делінген хабарламада.

Отандық автоөндірістің күз басындағы көрсеткіші жаман емес. Мәселен, 11 642 жеңіл автокөлік, 748 жүк көлігі, 293 автобус, 290 тіркеме және жартылай тіркеме, сонымен қатар 48 бірлік басқа арнайы техника құрастырылды.

Жалпы тоғыз айда елдегі кәсіпорындар жалпы құны...

Қазақстан 2030 жылға қарай электр энергиясын көрші елдерден сатып алмауы мүмкін. Биыл қабылданған «Энергетикалық және коммуналдық секторларды жаңғырту» ұлттық жобасы толық жүзеге асса, елге қажет энергия өзімізде өндіріледі. Бұл туралы журналистермен кездесуде Ұлттық экономика министрлігінің Табиғи монополияларды реттеу комитетінің төрағасы Тимур Қосымбаев айтты.

Қазақстан электр энергиясының басым бөлігін Ресейден ипорттайтыны белгілі. Биыл көрші елден алынатын импорт көлемі күрт өсіп, жеткізілген электр энергиясы 782,4 млн кВт/сағ құраған.

Енді бұл мәселені «Энергетикалық және коммуналдық секторларды жаңғырту» ұлттық жобасын шешпек. Оған жалпы 13,5 трлн теңге жұмсау жоспарланып отыр. 2029 жылға дейін коммуналдық құбыр желісін жаңғырту үшін 6,8 трлн теңге құйылса, ал энергетика...

Қызылордада мектеп дәретханасында алты жасөспірім 10-сынып оқушысын жабылып ұрған. Осы жағдайдан кейін полиция қылмыстық іс қозғады.

Оқиғаның видеосы әлеуметтік желіде тарады. Ол жерде баланың алған жарақатынан ауруханаға түскені айтылған.

Полицияның хабарлауынша, адамдар тобы болып жасалған бұзақылық дерегі бойынша қылмыстық іс қозғалды. Қазір оқиғаның мән-жайын анықтауға бағытталған шаралар жүргізіліп жатыр.

«Істегі күдіктілер – кәмелетке толмағандар. Олар ұсталып, полицияға жеткізілді. Жасөспірімдердің заңды өкілдері баланы тәрбиелеу жөніндегі міндетті тиісінше орындамағаны үшін жауапқа тартылды», – делінген ақпаратта.

Полиция қосымша шаралар қабылдау үшін әкімдік жанындағы кәмелетке толмағандар істері жөніндегі комиссияға ұсыныс енгізді.

Бала құқықтары жөніндегі уәкіл Динара Зәкиева зардап шеккен баланың әкесімен...

Бетпердедегі жұмбақ жан тағы да жақсылық жасады. Бұл жолы ол бауыр обырының үшінші сатысымен күресіп жүрген 19 жастағы Әлішер есімді қазақстандық жігітке қолдау көрсетті.

Блогер ем-домға қажетті соманы толық төлеп, оған баспана мен тұрмысқа жарататын қаржы сыйлады. Ауруханадағы кездесудің видеосын ол әлеуметтік желідегі парақшасында жариялады.

Әлішер анасымен бірге жалдамалы пәтерде тұрады. Ауыр дерт олардың өмірін түбегейлі өзгерткен.

«Төрт жылдан бері осы дертпен күресіп келемін. Егер шетелде бауыр ауыстыру отасын жасамасам, бірнеше апта ғана өмірім қалғанын, дәрігерлер жасырмай айтты. Операция құны – 80 миллион теңге. Менің жалғыз арманым – осы ауыр дерттен жазылу», – дейді Әлішер.

SCAT әуекомпаниясының Астанадан ұшып шыққан ұшағы кері қайтуға мәжбүр болды. Ақпаратты әуекомпания баспасөз қызметі растады.

Ұшақ сағат 10:00-де Астанадан Өскеменге ұшуы қажет болған. Алайда қалың тұманға және жолдың 50 метрге дейінгі жерден көрінбеуіне байланысты әуежайға қайтты. Мұндай ауа райында ұшақ қауіпсіз жағдайда қона алмайды.

Осылайша таңғы рейс сағат 18:00-ден кейінгі уақытқа ауыстырылды. Себебі сол уақытқа дейін Астана әуежайынан рейстер орындалмайды. Жолаушылар Өскеменге 18:30-де ұшады.

2025 жылдың 8 қыркүйегінен 31 қазанына дейін Астана әуежайында сағат 10:00-ден 18:00-ге дейін ұшу-қону жолағы жабық болады.

Үкіметтің 16 қазан күні қабылдаған шешіміне сәйкес, 2026 жылдың І тоқсанының соңына дейін электр энергия, жылу, су, кәріз және газ қызметінің ақысы өспеуі тиіс. Ұлттық экономика министрлігінің Табиғи монополияларды реттеу комитетінің төрағасы Тимур Қосымбаевтың айтуынша, үкіметтің бұл шешімі «Энергетикалық және коммуналдық секторларды жаңғырту» жобасына әсер етпейді.

Спикердің айтуынша, тарифтерді шектеу табиғи монополия субъекттерінің операциялық шығынын оңтайландыру және кейбір тарифтерге түзетулерді кейінге қалдыру есебінен өтеледі.

«Үкімет қабылдаған шаралар жалпы елдегі баға өсімінің қарқынын бәсеңдету және халықтың сатып алу қабілетін сақтауға мүмкіндік береді», – дейді ол.

Оның айтуынша, тұрмысы төмен отбасылар үшін тұрғын үй көмегі механизм...

Қарағанды қаласының отыз шақты тұрғыны туристік агенттікке алданып қалды. Шетелге демалғысы келгендер миллиондаған теңгені алаяққа ұстатқан. Күдікті қамауға алынды. Бұл туралы ІІМ хабарлады.

Полиция мәліметінше, қаланың 53 жастағы тұрғыны құқық қорғау органдарына арызданып, турагенттік иесінің алаяқтық әрекетінің құрбаны болғанын айтқан.

«Ол көптен күткен демалысты шетелде өткізу үшін турагентке 900 мың теңге берген, алайда уәде етілген сапар жүзеге аспай қалған», – деп таратты полиция.

Сотқа дейінгі тергеу басталды. Тексеру барысында осы агенттікке қатысты тағы бірнеше шағым тіркелгені анықталды.

«Қазіргі уақытта полицияға осы туристік агенттіктің қызметіне шағымданған тағы 34 азаматтың өтініші түскен...

Тұтынушылардың құқықтарын қорғау комитеті интернет-дүкендерден сатып алынған тауарлар бутиктер мен сауда орталықтарынан алынған тауарлар сияқты қайтарылатынын еске салды. Атап айтқанда, тапсырыс кеш жеткізілсе немесе себебін түсіндірместен екі апта ішінде тұтынушы тауарды кері тапсырып, ақшасын қайтара алады.

Киім-кешек пен техниканы қайтару тәртібі

Комитеттің мәліметінше, маркетплейстердегі сатушылар тауардың құрамы, бренді, өндірілген елі, өлшемі мен бағасын көрсетуге міндетті. Егер сіз киімге тапсырыс беріп, мұндай ақпарат көрсетілмесе, бұл заңбұзушылық.

Сонымен қатар, егер тапсырыс берілген тауарда ақау болса, мысалы құлаққап істемей тұрса, тұтынушы ақшаны қайтаруды немесе тауарды айырбастауды талап ете алады.

Сондай-ақ сатып алушы онлайн тапсырыс берген тауарды 14 күн ішінде себепсіз...

Алматы қалалық денсаулық сақтау басқармасы матч кезінде көз жұмған 19 жастағы футболшы Диас Төлеудің ауруханаға қандай күйде жеткізілгені жайлы ақпарат таратты.

Басқарма мәліметінше, жас спортшы медициналық мекемеге клиникалық өлім жағдайында жеткізілген.

«Ауруханаға жеткізілген сәтінде науқаста жүрек соғысы мен артериялық қысым тіркелмеген, көз қарашықтары кеңейіп кеткен. Медициналық бригада жарты сағат бойы жүрек-өкпе реанимациясын жүргізді. Алайда қолданылған шараларға қарамастан, аман алып қалу мүмкін болмады.Биологиялық өлім тіркелді», – делінген басқарманың ресми хабарламасында.

Өлімнің нақты себебін анықтау үшін спортшының денесі сот-медициналық сараптамаға жіберілді.

Еске сала кетейік, 16 қараша күні кешке Бірінші футбол лигасында ойнайтын «Хан Тәңірі» клубының ойыншысы Диас...

«Қайрат» футбол клубының қақпашысы Темірлан Анарбеков жақ сүйегін сындырып алғаннан кейін қайтадан негізгі құрамға оралды.

Бір айға жуық емделу мен қалпына келтіру кезеңінен кейін футболшы қайта сапқа қосылды. Бүгін, 17 қазан күні, Анарбеков 25-тур аясындағы «Қызылжарға» қарсы кездесуде алматылықтардың негізгі құрамында алаңға шығады. Ойын 15:00-де басталады.

Айта кетейік, Темірлан жарақатты 14 қыркүйекте өткен Қазақстан Премьер-лигасының 23-турындағы «Ақтөбеге» қарсы матчта алған еді. Анарбековтің жарақатынан кейін қақпаға 18 жастағы Шерхан Қалмырза тұрған болатын.

Президент Қасым-Жомарт Тоқаев спорт саласындағы басқару мәдениеті мен жауапкершілік туралы сөз қозғап, бірқатар спорт федерацияларының жұмысын сынға алды. Мемлекет басшысы федерацияларды тек бюджет қаржысына қарап отыратын ұйымдарға айналдырмау керектігін атап өтті.

«Федерацияны ел ішінде немесе шетелде өз беделін арттыру құралы ретінде пайдалану дұрыс емес. Мемлекет кәсіпкерлерді, соның ішінде ірі бизнес өкілдерін қолдайды, бірақ мемлекет пен қоғам олардың тарапынан кері қайтарымды күтуге құқылы. Әсіресе спорттың, соның ішінде футболдың коммерциялануы мәселесінде», — деді Президент.

Мемлекет басшысы спорт саласында мемлекеттік органдар мен федерациялар арасында тең дәрежелі әріптестік пен нақты жауапкершілік шегін белгілеу қажеттігін айтты.

Голливудтың атақты әртісі Уилл Смит танымал теннисші Янник Синнердің рөлін кинода сомдауға әзір. Бұл туралы ол Instadram-дағы парағына жазды.

Осының алдында ғана италиялық теннисші Янник Синнерден Голливудтың қай іртісі өзін кинода сомдай алады деп сұраған. Сол кезде әлемнің екінші теннисшісі Уилл Смитті атаған.

Оскар сыйлығының иегері көп күттірген жоқ.

«Янник, мен дайынмын!» – деп жазды әртіс.

Бұған қоса, ол Янниктің Уимблдон кубогын ұстап түскен суретін алып, теннисшінің орнына өзінің суретін қойып, желіге жариялады.

24 жастағы Янник Синнер 21 турнирдің жеңімпазы. Олардың арасында Үлкен Дулыға санатына жататын төрт ірі жарыс бар. Қазір ол ATP рейтингінде...

Kursiv.Media тілшісі күні кеше Үкімет қабылдаған шұғыл шешімдерге қатысты белгілі экономистердің пікірін сұрап көрді.

«Социалистік шешімдерге бейім болып қалдық»

Экономист Сапарбай Жобаев Президент халықтың жағдайы нашарлап кетпесін деп Үкімет басшысына тез арада шараларды қабылдауды тапсырғанын айта келе, бұл сияқты тапсырмалар 2000-жылдардан бері көп болғанын есіне алды.

«Бірақ нәтиже күткендей болған жоқ. Биліктегі олигархтардың мүддесі Қазақстандағы қарапайым халықтың мүддесімен қабыспай, олар өз дәулетін қабылдап жатыр. Сондықтан бұл жолғы тапсырма қарапайым халыққа «біз әрекет жасап жатырмыз» деу үшін ғана жасалып жатқан сияқты көрінеді», – дейді ол.

Сарапшының сөзінше, мәселен, 2019 жылы Президент жаңадан сайланған кезде...