Жаңалықтар

Қордай ауданында екі балдық жер сілкінісі тіркелді. «Сейсмологиялык зерттеу институты» хабарлауынша, дүмпу 12 қыркүйек Астана уақытымен 12:57-де тіркелген.

Жер сілкінісінің ошағы Алматы қаласынан 187 км оңтүстік-батыста Қырғызстан аумағында орналасқан. Қордай ауданында 2 балл сезілген.

Зардап шеккендер мен қираулар туралы мәлімет түскен жоқ.

Қазақтар арабтардан қандай көліктерді жиі сатып алып жүр? Қандай маркаларды алған тиімді? Бұл сұрақтарды Kursiv.media тілшісі автосарапшы, әрі кәсіпкер Жасұлан Оспановқа қойып көрді.

Дубайда автосалада кәсібін дөңгелетіп отырған Жасұлан Оспанов осыдан бірнеше жыл бұрын арабтардан көлік алу тиімді болғанын айтады. Алайда Қытай автомобильдері нарықты өзгертті. Қазақтар енді алыс Дубайдан Toyota-ны емес, іргедегі Қытайдан электромобильдер сатып алуды жөн көретін сияқты. Десе де, кейбір азаматтар БАӘ-ден жүрілген көліктерді елге тиімді бағаға әкеліп, оны қымбатқа сатып жатыр. Сенімді әрі ұзаққа шыдайтын автокөлік мінгісі келетіндер де Дубайдан алып келуді жөн санайды екен.  

Қазақтар арабтардан қандай көлікті алып жүр?

Apple-дің жаңа смартфоны – iPhone 17 биыл 19 қыркүйекте сатылымға шығады. Жаңа гаджеттің бағасы әлемде ғана емес, Қазақстанда да қызу талқыланып жатыр. Осы ретте finprom.kz жаңа айфонды сатып алу үшін Қазақстан тұрғыны қанша күн жұмыс істеу керек екенін есептеп шығарған.

Ең арзан нұсқасы, яғни 128 ГБ жадпен шыққан iPhone 17 АҚШ-та 799 долларға сатылмақ. Ұлттық банктің 10 қыркүйектегі бағамымен бұл шамамен 429 мың теңгені құрайды. Ал қазақстандықтар жиі таңдайтын 256 ГБ нұсқасы 482,8 мың теңгеге тең. Үлкен жадқа ие Air, Pro және Pro Max модельдерінің бағасы тіпті 590 мыңнан 912 мың теңгеге дейін барады.

Халықаралық Numbeo.com сервисін...

2025 жылы 11 қыркүйекте Алматыда Narxoz Business School (NBS) жаңа заманауи кампусының ресми ашылу рәсімі өтті.

Салтанатты ашылу рәсіміне Алматы қаласының әкімі Дархан Сатыбалды, Қазақстан Республикасының Ғылым және жоғары білім вице-министрі Гүлзат Көбенова, «Верный Капитал» компаниялар тобының басшысы Айдан Ақанов, сондай-ақ бизнес қауымдастығының көшбасшылары, халықаралық компаниялардың топ-менеджерлері, дипломаттар және Нархоз университетінің академиялық серіктестері қатысты.

Жаңа кампустың іске қосылуы NBS-ті дамыту мен оның Орталық Азияда әлемдік деңгейде бизнес-білім берудің жетекші орталығы ретіндегі рөлін нығайтудағы маңызды кезең болды. Кампусты қайта құруға және жабдықтауға 14 миллион АҚШ доллары жұмсалды.

Жаңа кампустың жалпы ауданы 6700 м2 құрады, ол 14 оқу аудиториясын, заманауи цифрлық және...

Шымкенттегі көпқабатты тұрғын үйлердің бірінде 5-қабаттан абайсызда аяғы тайып, құлаған 26 жастағы жігітті дәрігерлер аман алып қалды. Оқиға 22 тамыз күні болған. Ол есін жиғанымен, әлі ауруханада төсек тартып жатыр.

Аты-жөнін, бет-бейнесін көрсетуден бас тартқан жігіттің сөзінше, балконда тұрғанда аяғы тайып, құлап кеткен. Ол есінен танып қалған, ауруханаға қалай келгенін білмейді.
Қалалық көпбейінді ауруханада ем алып жатқан оны дәрігерлер өлім аузынан алып қалған. Ауруханаға бірнеше жарақатпен өте ауыр жағдайда түскен. 4 күн ес-түссіз жатқан.

«Есімді жинғаннан кейін 5 күн жан сақтау бөлімінде жаттым. Қазір палатаға шықтым, жағдайым бірқалыпты. Екінші рет дүниеге келдім десе болады», – дейді ол.

ТМД елдерінің азаматтарын алдап келген трансұлттық қылмыстық топ құрықталды. Алаяқтар Қазақстан, Қырғызстан және Ресей елдерінің киберполициясы бірлесіп жүрізген операция негізінде ұсталған.

ІІМ қылмыстық топқа қатысы бар күдіктінің Бішкек қаласында қолға түскенін хабарлайды. Тінту кезінде күдіктінің жалға алған пәтерінен мынадай заттар тәркіленген:

Күдікті өз қызметі үшін аптасына 500 АҚШ доллары көлемінде сыйақы алып отырған. Ол аталған құрылғылардың көмегімен банктер, мемлекеттік органдар және маркетплейстер атынан қоңырау шалып, жалған хабарламалар жіберіп отырған. Солайша азаматтардың жеке деректері мен қаржысын ұрлаумен айналысқан.

9 қыркүйекте Forbes Woman Kazakhstan елдегі ең ықпалды деген 25 әйелдің тізімін жариялады. Редакция Қазақстандағы танымал, көшбасшы 120 әйелді зерттеп шыққан. Саясаттанушы, журналистер, кәсіпкерлер мен сарапшылардан тұратын арнайы кеңес 120-ның ішінде 25 адамға дауыс береді. Сол әйелдер тәрізді Forbes тізіміне шығу үшін қандай саламен айналысу керек? Сараптап көрдік.

Кем дегенде вице-министр, министр болыңыз

«Ең ықпалды 25 әйел» тізіміне кіргендердің 20%-ы мемлекеттік басқару саласынан. Бұл тізімде Мадина Әбілқасымова, Аида Балаева, Светлана Жақыпова, Тамара Дүйсенова және Салтанат Томпиева бар.

Мадина Әбілқасымова бес жыл қатарынан Қаржы нарығын реттеу және дамыту агенттігінің төрағасы қызметін атқарып келеді. Бұған дейін Ұлттық банкте...

Албания министр лауазымына жасанды интеллекті тағайындаған әлемдегі алғашқы мемлекет атанып отыр.

Gazeta Tema басылымының дерегінше, Diella есімді жасанды интеллект мемлекеттік сатып алуларға жауап береді. Албан тіліндегі «Diella» атауы «күн» деген мағынаны білдіреді.

ЖИ-менеджерді қолдау үшін жаңа бөлім құрылып, мемлекеттік құрылымдарға нейрожелілер енгізіледі. Бұл тендерлердің ашықтығы мен әділдігін қамтамасыз етпек.

Басты артықшылығы, ол парақорлық пен лоббизмге жол бермейді.

Жасанды интеллект қазірдің өзінде жұмысын бастап, барлық үкімет отырыстарына қатысып жатыр. Албан үкіметі елде мемлекеттік сатып алу жүйесін толықтай ашық етуге үміттеніп, алдағы уақытта ЖИ-ді одан әрі енгізуді жоспарлап отыр.

Ал Қазақстанда жасанды интеллект министрлігі құрылғалы отыр.

Астанада жедел жәрдем станциясы жиі бұзылатын 12 реанимобильді балансынан шығарып, оларды емханаларға беруді жоспарлап отыр. Бұл туралы коммуналдық кәсіпорынның директоры Нұрданат Беркінғали мәслихаттағы отырыста айтты, деп хабарлады informburo.kz басылымы.

Әңгіме JAC Sunray маркалы көліктер туралы болып отыр. Бұл нарықта ұсынылған екі модельдің бірі.

«Біздегі осы 12 көліктің қозғалтқышы үнемі бұзыла берді. Бұл мүмкін пайдалану ерекшелігінен де шығар, білмеймін. Оңтүстікте бұл модель өзін жақсы көрсетті. Онда екі литрлік бензинді турбоқозғалтқыш қойылған. Жылы аймақта жақсы жүріп тұр, бірақ неге екені белгісіз, аязға шыдамайды», – деді Беркінғали.

Оның сөзінше, бұл көліктер жедел жәрдемнің қарқынына шыдамайды, бірақ сапасы...

Қарағанды облысында көмір өндіретін компания 343,6 млн теңге көлеміндегі салықтан жалтарған. Бұл туралы Қарағанды облыстық прокуратурасының баспасөз қызметі хабарлады.

«Қарағанды облысының прокуратурасы ірі көмір өндіруші кәсіпорынның салық төлеуден жалтару фактісін анықтады», – делінген баспасөз хабарламасында.

Прокуратураның мәліметінше, 2025 жылғы 13 маусымда көмір өндіруші компанияға қатысты Қылмыстық кодекстің 245-бабы 3-бөлігі бойынша сотқа дейінгі тергеп-тексеру басталған. Тексеріс барысында кәсіпорын үлестес тұлғаны бейрезидент ретінде пайдаланып, өзара есеп айырысуларда салық мөлшерлемесін 1,95 млрд теңгеге дейін төмендеткені анықталған.

Прокуратура кәсіпорын директоры қылмыстық жауапкершілікке тартылғанын хабарлады. Алайда кәсіпорын келтірілген залалды толық көлемде өтегені үшін іс тоқтатылған.

Әділет және Цифрлық даму министрінің бірлескен бұйрығымен «Цифрлық ипотека» пилоттық жобасы іске қосылды. Енді жылжымайтын мүлікті сатып алу-сату бойынша нотариалдық мәмілелерді онлайн ресімдеуге болады.

Сондай-ақ «Цифрлық ипотека» жобасы аясында жылжымайтын мүлікті (екінші нарықтағы тұрғын үй) онлайн түрде сатып алу-сату жөніндегі нотариалдық мәмілені ресімдеу алгоритмі бекітілді.

Процесс алгоритмі келесі кезеңдерді қамтиды:

Абай облысында балалардың шығармашылығы мен спортын дамытуға арналған «Damu Bala» бағдарламасы бойынша бөлінген қаражат ұрланғаны анықталды. Қаржы мониторингі агенттігінің облыстық департаменті істі тергеп, сотқа жеткізді.

Тергеу мәліметінше, «SAMGAU өнер&спорт мектебі» ЖШС директоры үйірмелер мен секцияларға қатысатын балалардың жалған тізімін жасап, мемлекеттен қаржы алып отырған.

Алайда ай сайынғы есептерде көрсетілген балалардың бір бөлігі сабаққа мүлде қатыспаған, ал кейбірі бағдарламадан хабарсыз болған.

Мәселен, сурет үйірмесіне қатысушы ретінде тіркелген бір бала, шын мәнінде, Алматы облысында тұрады және ешқашан сабаққа қатыспаған.

Осылайша, жалған деректер арқылы мемлекетке 23 млн теңге шығын келтірген. Күдікті бұл ақшаны тергеу барысында толық қайтарды.

Сот үкімімен ол кінәл...

Түркістан облысы Шардара ауданында әкесін балағаттап, ұрып-соққан еркектің әйеліне де қатысты қылмыстық іс қозғалды. Бұл туралы облыстық полиция департаменті хабарлады.

Полицияның мәліметінше, қарт адамның қайтыс болу фактісі бойынша Қылмыстық кодекстің «жәбірленушінің өліміне әкеп соққан денсаулыққа қасақана ауыр зиян келтіру» бабы бойынша қылмыстық іс қозғалған. Күдікті ұсталып, сот санкциясымен 2 айға қамауға алынған.

«Сонымен қатар әйелге (күдіктінің әйелі) қатысты Қылмыстық кодекстің «Адамдар тобы жасаған ұрыстар» бабы бойынша сотқа дейінгі тергеу басталды. Қазіргі уақытта болған оқиғаның барлық мән-жайларын анықтау, оның ішінде қылмыстық процеске қатысушылардың барлығының іс-әрекеттеріне құқықтық баға беру бойынша тергеу жүргізілуде», – делінген полиция хабарламасында.

Департамент...

Ерке Есмахан Раймның арманын бірге орындады. Күйеуі Райымбек Бақтыгереевпен бірге өзеннен қармақпен балық аулады.

Екі жұлдыз үрмелі қайықпен жүзіп, Жайыққа қармақ салды.

«Үш балық ауладық. Мына балық бізбен әңгімелескісі келіп отыр», – деді Ерке Есмахан ұстаған мөңке балықтарын көрсетті.

«Күйеуімнің арманы – туған жерге келіп, осылай балық аулап отыру еді. Бұл күнге де жеттік. Шүкір!» – деді ол.

Ерке Есмахан өмірінде бірінші рет қайықпен балық аулағанын айтты. Раймның туған жерінің табиғатының сұлулығына тамсанды.

Алайда Райм мен Ерке үш балығымен шектелмеді. Бір топ балықшылардың күні бойы бір қап балық ұстағаны көрінетін бейнежазбасын да жария етті.

Ішкі істер министрлігі елде бойынша 12-14 қыркүйек аралығында «Құқықтық тәртіп» жедел-профилактикалық іс-шарасы өтетінін хабарлады.

Министрлік полиция заңдылық пен қоғамдық тәртіпті қамтамасыз ету шараларын күшейткенін айтады.

Іс-шара барысында құқық бұзушылықтардың алдын алу, қылмыстарды анықтау, халық көп шоғырланатын орындарды тексеру, заңнамалардың сақталуын бақылау жұмыстары жүргізілмек.

Басты мақсат азаматтардың қауіпсіздігін қамтамасыз етіп, құқықтық тәртіпті нығайту екенін атап өтті.

Бұған дейін, полиция жүк көліктерін негізсіз тоқтатуды тыйып, бизнесті тексеруді азайтатыны хабарланған.

Премьер-министр Олжас Бектенов БАӘ-нің ірі ритейлері LuLu Group International басшысы Юсуф Алимен кездесті. Тараптар агроөнеркәсіп саласындағы жаңа жобаларды талқылады.

LuLu Group қазақстандық ет пен ауыл шаруашылығы өнімдерін импорттап отыр және ынтымақтастықты кеңейтуге ниетті. Компания Қазақстанда ет өңдеу зауытын және аграрлық өнімдерге арналған үлестіру орталығын салмақ.

Олжас Бектенов бұл бастамалар ауыл шаруашылығы өнімдерін терең өңдеуді дамыту жөніндегі Президент тапсырмаларымен үндесетінін атап өтті.

«Агроөнеркәсіп кешені еліміздің экономикасында қашанда маңызды орында. Қазақстан бірлескен агротехнопарктер мен экспортқа бағытталған логистикалық хабтар құрудан бастап, электронды коммерцияны және басқа да жобаларды дамытуға дейінгі ынтымақтастықты кеңейтуге дайын. Ол үшін елімізде барлық қажетт...

Соңғы уақытта жасанды интеллектің (ЖИ) барлық салаға енуіне байланысты адамдардың оған деген көзқарасы екіге бөлінді. Бір тарап ЖИ-сыз өмір сүру де, жұмыс істеу де мүмкін емес деп санайды. Тіпті, ЖИ-мен жұмыс істей білу – сонау 1990-жылдардағы түйіндемеде «компьютерді еркін меңгерген» деген мәртебемен теңестіріліп, қазіргі еңбек нарығындағы міндетті базалық дағдыға айналды. Ал екінші тарап ЖИ-ді «ұлы теңестіруші» деп есептейді. Себебі ЖИ біліксіз адамдарды жалған сарапшы деңгейіне көтеріп жібереді. Ал нағыз кәсіби мамандар онсыз-ақ жұмыс істей алады деген ойда.

Бұл орайда Қазақстан билігі бірінші тараптың ұстанымына басымдық беретін секілді. Президент Қасым-Жомарт Тоқаев 8 қыркүйек күні халыққа жолдауында Жасанды интеллект және цифрлық даму...

Қазақстандықтардың зейнетақы активтері 24, 35 трлн теңгеден асты. Соның 24,28 трлн теңгесі Ұлттық банктің (ҰБ) басқаруында.

1 тамыздағы мәлімет бойынша, Ұлттық банктің басқаруындағы активтердің табыстылығы 4,68%-ды құрап, 1,12 теңгеге жеткен. Ал соңғы 12 айдағы кіріс көлемі 3,28 трлн теңгені құрады. Тиімділік көрсеткіші сәйкесінше 4,68% және 14,74% деңгейінде болды.

Жеке басқарушылар арасында актив көлемі бойынша көш бастап тұрған – Halyk Finance. Компания 38,65 млрд теңгені басқарып отыр. 2025 жылдың басынан бері бұл компания 2,07 млрд теңге инвестициялық табыс әкелді. Осы кезеңдегі табыстылығы 5,34%, ал соңғы 12 айдағысы — 15,26%.

Alatau City Invest шамамен 12,6 млрд теңгені басқарып отыр. Биылғы...

Жарқ етіп шығып, аз уақытта көптің көзайымына айналған әнші Сырым Исабаев кейінгі он жылға жуық уақыт бойы өнер әлемінен алыстап кеткен еді. Әнші енді қайтадан үлкен сахнамен қауышқалы жатыр.

Әнші журналист Аман Тасығанға берген сұхбатында он жыл бойы қайда болғанын, неге жоғылып кеткенін айтып берді.

Сырым Исабаев өзінің кеңінен танылуына көп септігін тигізген Қайрат Нұртаспен шығармашылық серіктестігі жүйелі әрі табанды жұмыстың жемісі болғанын айтады. Исабаевтың әкесі жобаға қаржы құйып, продюсер Гүлзира Айдарбекова жұмысты жүйелеп отырған. Сырым Қайратпен өнердегі жолы екіге айырылғаннан кейін де сұраныстағы әнші болған, тойдан босамаған. Алайда өзі жұмысында жүйе жоғын байқай бастаған.

Жапония билігі Ресейдің 48 ұйымына және 14 жеке тұлғасына қарсы жаңа санкциялар енгізді. Бұл туралы елдің сыртқы істер министрлігі хабарлады. Бұдан бөлек Беларусьтің үш ұйымына да осындай шектеулер қабылданды.

Атап айтқанда, санкция тізіміне халықаралық балалар лагері «Артек», «Біріншілер қозғалысы», Ахмат Қадыров қоры және оның президенті Аймани Қадырова, ОЭЗ «Алабуга», «Урал» автозаводы, Тула қару-жарақ зауыты, «Базальт», «Искра» үкіметтік емес орталықтар және басқа ұйымдар енді. Санкциялар төлемдер мен капиталға байланысты операцияларға шектеу қояды. Енді ондай мәмілелер тек Жапония СІМ-нің арнайы рұқсатымен ғана жүзеге асады.

Сонымен қатар Жапония СІМ-і Ресейдің екі және Беларусьтің тоғыз ұйымына өнім экспорттауға тыйым салды.

Бұған дейін...

Алматы туризм бойынша елімізде көш бастап тұр. Биыл жарты жылда мегаполиске миллионнан аса турист келген.

Қалалық туризм басқармасының мәліметінше биыл алғашқы жартыжылдықта Алматыға 1,14 миллионнан астам турист келген. Бұл өткен жылдың осы кезеңімен салыстырғанда 6,5% көп. Туристердің 323,5 мыңы шетелдік болса, 816,5 мыңы ішкі турист.

«Әсіресе, Қытайдан келген мейман көп. Алты айда Алматыға 54,1 мың қытайлық азамат аялдаған. Бұл өткен жылмен салыстырғанда 33,4% артық. Қытай Үндістаннан кейінгі екінші орынды иеленді (56,2 мың адам). Үздік бестікте Түркия (17,9 мың), Корея Республикасы (9,7 мың), АҚШ (9,6 мың), БАӘ (6,7 мың) және Германия (6,5 мың) бар», – делінген хабарламада.

Financial Times басылымының жазуынша, Вашингтон «Үлкен жетілікке» (G7) кіретін елдерге қысым көрсетіп, Ресей мұнайын сатып алып отырған Үндістан мен Қытайға қарсы кеден салығын айтарлықтай арттыруды ұсынбақ.

Басылымның дерегінше, жұма, 12 қыркүйек күні G7 қаржы министрлерінің онлайн-конференциясы өтеді. Кездесу барысында АҚШ осы бастаманы ресми түрде көтеріп, одақтастарын қолдауға шақырмақ.

Бұған дейін Financial Times АҚШ президенті Дональд Трамптың Еуроодақты Қытай мен Үндістанға 100 пайыздық баж салығын енгізуге үндегенін хабарлаған еді. Мұндай шара арқылы Вашингтон Мәскеуге қысымды күшейтуді көздеп отыр.

Енді Трамп өз бастамасын кеңейтіп, Еуропа елдерімен қатар, «Үлкен жетілік» мүшелерін де бұл қадамға тартпақ деп жазады басылым.

АҚШ жыл басында Ресейд...

Өзбекстан Орталық банкі (ОБ) есеп айырысулар үшін стейблкоиндар шығармақшы, бірақ, әзірге тек сынақ режимде жүреді. Бұл туралы ведомство басшысы Тимур Ишметов мәлімдеді деп хабарлайды Reuters.

Ишметовтің айтуынша, қазір Орталық банк стейблкоиндарды шығарудың екі нұсқасын: тікелей ОБ арқылы немесе жеке банктер арқылы шығаруды зерттеп жатыр. Дегенмен реттеуші басшысы нақты мерзімдер мен көлемдерді атаған жоқ.

Бұған дейін, Өзбекстан президенті Шавкат Мирзиёевтің тапсырмасы бойынша Ұлттық перспективалық жобалар агенттігі (ҰПЖА) стейблкоиндарды төлем құралы ретінде бекіту және капитал нарығында бағалы қағаздарды токенизациялауды жолға қою жөнінде хабарлаған еді.

2024 жылдың соңына қарай әлемдегі орталық банктердің небәрі 8%-ы өз юрисдикциясында жұмыс істейтін коммерциялық банктердің стейблкоин шығарғанын...

Қазақтарға алғыс білдіру үшін Казыбек Сусуркаев көлігімен Шешенстаннан Астанаға дейін 3000 шақырым жол жүріп келді.

Ондағы мақсаты – отбасын аман алып қалған қазақстандықтармен кездесіп, алғыс білдіру. Әкесінің жастық шағы өткен жерге барып, көзімен көру.

Дәстүрге айналдырмақ

Tengri TV ақпаратына қарағанда, Казыбек Сусуркаев досы екеуі жолдың қашықтығына қарамастан, жолға шығуға шешім қабылдаған. Енді жыл сайын Қазақстанға келуді дәстүрге айналдырмақ.

Сусуркаев сол жылдары шешендердің көрген ауыртпашылығы туралы айтып берді. Көп адам суық вагонның ішінде дәрет сындыра алмай, қуығы жарылып өлгенін алға тартты.

«Балаларды етегіне жасырған»

«Әлсіз сәбилерді, кеудесінен жаны шықпаған шалажансар адамдарды сүйреп, вагоннан лақтырған. Кейбір әйелдер...