Жаңалықтар

Түркістан облысындағы жылыжайлардан 70 тонна банан жиналды. Бұл өнім 52,5 мың шаршы метр алаңда өсірілген. Бұл туралы Ұлттық статистика бюросы хабарлады.

Сондай-ақ республика бойынша 208 тонна құлпынай жиналды (87 мың шаршы метрде өсірілген): оның 158 тоннасы – Алматы облысында, 50 тоннасы Түркістан облысында жиналған.

2025 жылдың сәуір-маусымында 50,4 мың тонна қызанақ жиналды. Қызанақтың басым бөлігі Түркістан облысындағы жылыжайларда өсірілген – 36,8 мың тонна. Ақтөбе облысында 5,7 мың тонна, Павлодар облысында 1,9 мың тонна, Алматы облысында 1,8 мың тонна, Алматы қаласында 1,4 мың тонна, Шымкент қаласында 1,05 мың тонна қызанақ жиналды. Республика бойынша қызанақ өсірілген жылыжайдың жалпы аумағы...

1 тамыз күні Астанада өткен Дженнифер Лопестің алғашқы концерті ел астанасына сән мен шоудың шырайын келтірсе, әлеуметтік желіде киім тақырыбы қызу талқыға түсті. Астана қалалық мәслихатының депутаты Сәуле Самидин америкалық әншінің киім үлгісін сынға алып, оны жергілікті көзқарасқа сай келмейді деп есептейді.

Мәслихатының депутатының айтуынша 16 жастағы қызы концертті көріп, Лопестің Біріккен Араб Әмірліктерінде жабық киіммен өнер көрсеткенін еске салған.

«Біз Эмират емеспіз, әрине, өзіміздің ерекшелігіміз бар. Бірақ бізде де ұлттық көзқарас бар, соған қарай кей образдарды бейімдеуге болар еді», – деді депутат.

Алайда әлеуметтік желі қолданушылары депутаттың бұл мәлімдемесін бірауыздан қолдай қоймады. Көпшілік...

Атырауда вагон бөлшектерін шығаратын зауыт құрылысы басталды. Texol Steel Technology құйма бөлшек өндіретін статегиялық нысан болмақ. Бұл туралы Атырау облысы әкімдігінің баспасөз қызметі хабарлады.

«Жоба Атырау қаласында ірі индустриялық кластер құру шеңберінде жүзеге асырылуда. Бұл кластердің орталығы — Атырау вагон құрастыру зауыты. Жаңа зауытта теміржол вагондарына арналған болат құйма бөлшектер шығарылмақ. Жоба бұған дейін шетелден жеткізіліп келген құрамдас бөлшектерді отандық өнімдермен алмастыруға мүмкіндік береді», – делінген хабарламада.

Металл сынықтары және ферроқорытпа сынды негізі шикізатты отандық өндірушілер жеткізеді. Кәсіпорын 2027 жылы іске қосылады деп жоспарланған. Зауыт құрылысы барысында 500 адам жұмыспен қамтылмақ.

Әлемге әйгілі боксшы Майк Тайсон адамзат тарихындағы ең мықты боксшы кім деген сауалға өзінің есімін атады. Ол баскетболшы Шакил О’Нилдің Youtube-тегі подкастында қонақта болды.

The Big Podcast with Shaq подкастына қатысқан Тайсон өзінен басқа тағы кімдер атақты деген сауалға тағы төрт боксшының есімін атаған. Олар: Джек Демпси, Сонни Листон, Мұхаммед Әли және Джордж Форман. Бірақ ол өзін бәрінен жоғары қояды.

58 жастағы бұрынғы боксшы кәсіби спорттағы мансабын 2005 жылы аяқтады. Ол 56 жекпе-жек өткізіп, 44 рет нокаутпен жеңіске жетті. Алты мәрте жеңілді.

Тайсон аса ауыр салмақта абсолют әлем чемпионы атанған. Ол Дүниежүзілік бокс кеңесі, Дүниежүзілік бокс қауымдастығы және Халықаралы...

Chery концерні iCar желісіндегі жаңа үлгісін, V27 жол талғамайтын көлігін таныстырды. Алайда таныстырылым экспортқа бағытталғандықтан Қытайда емес, Дубайда өтті. Кроссовер гибридті қондырғымен жабдықталады және сатылымға 2025 жылдың төртінші тоқсанында шығады деп жоспарланып отыр. Қазақстанға қашан келетіні әзірге белгісіз.

iCar V27-нің бұрышты дизайны Toyota Land Cruiser Prado мен Land Rover Defender сынды классикалық жол талғамайтын көліктерді еске салады. Мұндай ұқсастық әдейі жасалған болуы мүмкін.Себебі мамыр айында алғашқы тұспалды суреттері жарияланған кезде iCar басшысы Су Джун бұл кроссоверді «қытайлық G-класс» деп атап кеткен еді.

Автокөлік ірі бамперлерімен, қара жапсырмалары бар бұрышты доңғалақ доғалары және кең артқы тіректерімен ерекшеленеді. Ерекше стилистикалық шешімдер...

Көлік министрлігіне такси агрегаторлары мен әуе тасымалдау тарифтері бойынша саясатты қайта қарап, қызмет сапасын арттыру жүктелді. Үкіметте тұтынушылардың құқығын қорғау мәселелеріне қатысты жиналыс өтті.

Ресми мәліметке қарағанда, 2025 жылдың алғашқы алты айында 37 мыңнан аса шағым түскен. Бір жыл бұрын 62 мыңға азамат Тұтынушылардың құқықтарын қорғау комитетіне арызданған.

Бұған қоса, 10 мыңнан аса азамат қатысқан сауалнама нәтижесі жарияланды. Респонденттердің 71 пайызы автокөлік, ал 64 пайызы теміржол қызметіне көңілі толмайтынын айтқан.

Тұтынушылар сынынан соң, азаматтық авиация осы салада атқарылып жатқан жұмыстар туралы ақпарат жариялады. Комитеттің мәліметінше, ішкі нарықта төрт ірі әуе компаниясы жұмыс істейді. Ұшақ билеттерінің құны – бағыт пен...

Қазақстанда шілде айында жылдық инфляция 11,8% деңгейінде сақталды. Осы орайда Halyk Finance сарапшылары Ұлттық банк базалық мөлшерлемені жыл соңына дейін 16,5% деңгейінде ұстауы мүмкін деген болжам жасайды.

2025 жылғы шілдеде Қазақстандағы инфляциялық үдерістер біртіндеп баяулап келеді. Ұлттық статистика бюросының деректеріне сәйкес, тұтыну бағаларының өсімі маусыммен салыстырғанда 0,7%-ға төмендеді.

Инфляцияның тежелуіне, ең алдымен, ақылы қызметтер секторындағы бағаның баяу өсуі ықпал еткен. Шілдеде бұл санат бойынша баға өсімі 0,5% болды. Бұл – маусымдағы 0,8%-ға және бірінші тоқсандағы жоғары көрсеткіштерге қарағанда төмен деңгей. Halyk Finance талдаушысы Арсен Сариевтың пікірінше, бұл коммуналдық қызметтер тарифтерін қайта қарау әсерінің азаюымен тікелей...

Енді кезек күтпей, ешбір қағазбастылықсыз мүгедектікті сырттай форматта рәсімдеуге болады. 2025 жылдың басынан бастап медициналық-әлеуметтік сараптама (МӘС) жүйесі цифрландырылды.

Комиссия құжаттарды онлайн форматта қарайды, азаматтың өзі барып дәлелдеуі талап етілмейді.

«Жоба елдің барлық 20 өңірін қамтыды. Қаңтар айынан бері 30 түрлі дерт бойынша 62 мыңға жуық өтініш қаралды. Барлығы өтініш берушінің қатысуынсыз, онлайн форматта жүзеге асады. Бұл – сирек жағдай емес, күнделікті тәжірибеге айналды», – деп хабарлады Еңбек және халықты әлеуметтік қорғау министрлігі.

Салыстырмалы түрде айтар болсақ, 2024 жылы мүгедектікті осындай әдіспен 97 мыңға жуық адам рәсімдеген. Бұл – барлық өтініш берушілердің 37,4%-ы. Министрлік...

Алматылықтар мен қала қонақтары үшін тауға шығу – сүйікті демалыс түрлерінің бірі. Алайда соңғы бес жыл ішінде тек Алматы маңындағы тауларында 260-тан астам құтқару операциясы жүргізілген. Осы олқылықтың орнын толтыру мақсатында Алматыда бірнеше жылдан бері Іле-Алатауы ұлттық паркіндегі танымал тау бағыттарын абаттандыру жұмыстары қолға алынып жатыр.

Жаңа соқпақтар мен аспалы көпір

2025 жылы осы бастаманың үшінші кезеңі басталды. Соның аясында Проходное шатқалынан Терра алаңқайына және Алёшкин көпіріне дейінгі бағыт жаңартылып жатыр. Бұл бағыт Іле-Алатау ұлттық паркінің жаяу серуендеушілер арасында бұрыннан танымал аймағында орналасқан. Жаңа соқпақ Космостанцияға дейін жалғасады. Ол теңіз деңгейінен 3330 метр биіктікте орналасқан.

Бағыттың ұзындығы...

Шерзат Полаттың қазасынан кейін сотталған 8 адам үкімге апелляциялық шағым түсірді. Сотталғандардың шағымы 18 тамызда қаралады. Ақпаратты KursivMedia тілшісіне жәбірленуші тараптың адвокаты Мейірман Шекеев растады.

«8 сотталушы апелляциялық шағым түсірді. 2025 жылдың 18 тамызы сағат 11:00-де Алматы облысы сотының ғимаратында қаралады», – деді Шекеев.

Айта кетейік, іс бойынша 9 адам сотталды.

Абзал Шынасыл  23 жылға бас бостандығынан айырылды.

Равиль Сакиев 20 жылға бас бостандығынан айырылды.

Азамат Тоқтаубаев 15 жылға бас бостандығынан айырылды.

Шыңғыс Белғожаев 7 жылға бас бостандығынан айырылды.

Дархан Әскентай 7 жылға бас бостандығынан айырылды.

Нұрқияс Ілиясов 9 жылға бас бостандығынан айырылды.

Нұрбол Тоқтаубаев 7 жылға бас...

Шакира Қазақстанда концерт өткізуі мүмкін. Бұл туралы блогер Камиль Байрамов жариялаған видеода айтылған. «Астана концерт» продюсерлік орталығының басшысы Мәлік Хасенов қазір келіссөз жүргізіліп жатқанын мәлімдеген.

«Шакирамен келіссөз жүргізіп жатырмыз. Жоспар орындалса, күзде келісімді аяқтаймыз», – деді Хасенов видеода.

Айта кетейік, бұған дейін Дженнифер Лопес 1 тамызда Astana Arena стадионында концерт берді. 10 тамызда Алматыға барып концерт өткізеді.

«Қазгидромет» алдағы үш күнде ел аумағы арқылы солтүстік-батыс циклоны жылжып, соған байланысты найзағайлы жаңбыр, екпінді жел күтіліп отырғанын хабарлады.

6 тамызда Павлодар облысының солтүстігінде, 7 тамызда республиканың солтүстігі мен орталығында қатты жаңбыр, бұршақ жаууы ықтимал.

Елдің оңтүстігінде негізінен жауын-шашынсыз ауа райы сақталады. Республика бойынша жел күшейіп, оңтүстікте және батыста шаңды дауыл тұруы мүмкін.

Солтүстік, шығыс және орталық аймақтарда түнгі ауа температурасы +2…+13°С-тан +5…+18°С-қа дейін, күндізгі температура +15…+25°С-тан +18…+30°С-қа дейін жоғарылайды деп болжанып отыр.

Бұған дейін, синоптиктер 4 тамызда ел аумағының басым бөлігінде жауын-шашынсыз ашық ауа райы сақталатынын хабарлаған.

ForteBank 3,9 млн теңге алатын акционерлерін таппаған. Өйткені дивидендті аудару үшін олардың ағымдағы есепшоты болмаған. Бұл туралы банктің Қазақстан қор биржасына жолдаған хабарламасында жазылған.

Банк 2024 жылғы пайдасынан әр қарапайым акцияға 1,104 теңге, яғни  101 млрд 703  млн теңге төлеуі тиіс болған. Алайда кейбір акционерлердің ағымдағы төлем деректемелерінің болмауына байланысты тек 101 млрд 699 млн теңге төленген.

«Төленуі тиіс дивидендтерді алмаған жағдайда, бірінші абзацта көрсетілгендей 2024 жылға дивидендтер алуға құқығы бар «ForteBank» АҚ акционерлерінен ағымдағы төлем деректемелерінің болмауына байланысты төленбеген дивидендтерді алу үшін 2025 жылғы 4 тамызға дейін (4-ін қоса алғанда) тікелей Банкке жүгінуд...

АҚШ президенті Дональд Трамп Орталық Азия елдері мен Әзербайжанды Авраам келісіміне қосуды көздейді. Бұл туралы Reuters бірнеше дереккөз мәліметіне сүйене отырып хабарлайды.

Авраам келісімі – Израиль мен араб елдері арасындағы достық қарым-қатынасты нығайтуға арналған келіссөздер. Бейбіт келісім 2020 жылғы күзде Израиль, Біріккен Араб Әмірліктері, Бахрейн және Марокко арасында жасалды. Осындай бастамағының жүзеге асуына Трамп әкімшілігі күш салды.

Авраам келісіміне Қазақстан қосыла ма

2025 жылғы ақпанда Ақ үйге екінші мәрте кірген Трамп үзіліп қалған бастаманы әрі қарай жандандырғысы келеді. Reuters агенттігінің бес дереккөзінің айтуынша, Орталық Азия елдері мен Әзербайжан бейбіт келісімге қосылуы мүмкін.

Дереккөздер мәліметінше, 2025 жылғы...

Интернет-платформа операторлары жеке тұлғалар туралы мәліметтерді мемлекеттік кірістер органдарына тапсыруы мүмкін. Қаржы министрлігі интернет-платформалар арқылы көрсетілетін қызметтер мен орындалатын жұмыстар үшін төлем жүргізілмейтін жағдайларда, осы платформаларға тіркелген тұлғалар туралы мәліметтерді кірістер органдарына ұсыну қағидаларының жобасын әзірледі.

 Жоба мақсаты – интернет-платформалар арқылы қызмет көрсететін жеке тұлғалардың (оның ішінде өзін-өзі жұмыспен қамтығандар) және жеке кәсіпкерлердің кірістерінің ашықтығын қамтамасыз ету.

Қаржы министрлігі әзірлеген ереже жобасы мынадай негізгі бағыттарды қамтиды: 

1. Интернет-платформалар арқылы төлем жүргізілмеген жағдайда, сол платформалар арқылы қызмет көрсететін немесе жұмыс атқаратын тұлғалар туралы мәліметтерді ұсынудың бірыңғай тәртібін, мерзімдері мен нысанын айқындау; 

2. Интернет-платформалар арқылы қызмет жүргізетін жеке тұлғалардың (соның ішінде өзін-өз...

Алматыда үш аптадан бері «Бағанашыл» балалар үйінен қашып кеткен 14 және 16 жастағы екі қыз іздестіріліп жатыр. Қыздар балалар үйін Конаев қаласына көшіру жоспарланған күннің қарсаңында мекемеден өз еркімен кетіп қалған.

Lider.kz еріктілері әлеуметтік желілерде қыздардың суреттері мен іздеу хабарландыруларын таратты. Онда 16 жастағы Кристина Белгородская мен 14 жастағы Маргарита Черепанова 18 шілде күні таңғы сағат 7:30 шамасында Сыргабеков көшесі, 22-үйде орналасқан балалар үйінен белгісіз бағытқа шығып кеткені хабарланған.

Қайдан іздеу керектігін білмейміз. Кез келген ақпарат біз үшін маңызды: автобуста кездесу, дүкендегі әңгіме, кез келген дерек бағыт көрсетуі мүмкін, — дейді еріктілер. Олар қыздар туралы...

«Хуторский» тобының басшысы деп аталып жүрген Хасан Қасымбаевқа қатысты қылмыстық іс материалдары сотқа жолданды. Ақпаратты Алматы облысы прокуратурасы растады, деп хабарлайды KursivMedia.

«Алматы облысы полиция департаментінің тергеу басқармасы Хасан Қасымбаев және басқаларға қатысты қылмыстық іс бойынша тергеп-тексеруді аяқтап, 21 шілдеде істі айыптау актісімен бірге облыс прокуратурасына жолдады», – деп хабарлады прокуратура ресми сауалға берген жауабында.

Алматы облысы прокуратурасы 2025 жылдың 29 шілдесінде айыптау актісін бекітіп, істі мәні бойынша қарау үшін Талғар аудандық сотына жолдады.

Тергеу мүддесіне қатысты өзге мәліметтер жарияланбайды.

Айта кетейік, 2024 жылдың қарашасында Қасымбаев қамауға алынды. Сол кезде Хасан Қасымбаевтың туған ағасы Аслан Қасымбаевтың Талғар ауданы...

Еуразиялық банкке иелік ететін «Еуразиялық қаржы компаниясы» (ЕҚК) акционерлерінің арасындағы дау шиеленісе түсті. «Ручная экономика» телеграм-арнасының жазуынша, дауға енді компанияның өзі мен Шодиевтің қызы араласқан.

Бұған дейін компания директорлар кеңесінің 2 маусымда қабылдаған шешімін орындалуын талап еткен Шухрат Ибрагимов сотқа жүгінген болатын. Оған жауап ретінде 33% үлеске ие акционер Патох Шодиев те директорлар кеңесінің шешімдерін заңсыз деп тануды және акционерлердің кезектен тыс жалпы жиналысын шақыруға мәжбүрлеуді сұрап, қарсы арыз берген. Алайда Алматы соты Шодиевтың арызын қараудан бас тартқан.

Директорлар кеңесі нақты қандай шешімдер қабылдағаны құжаттарда айтылмаған. Бұл туралы ашық дереккөздерде де мәлімет жоқ.

Енд...

ОПЕК+ елдері 2025 жылғы қыркүйекте бір тәуліктегі мұнай өндірісін тағы 548 мың баррельге көтерген соң, әлем нарығында мұнай арзандап жатыр. Дүйсенбі, 4 тамызда Brent маркалы мұнай фьючерсі 69,65 доллар болды.

Сауд Арабиясы, Ресей, Қазақстан және тағы бес елді біріктіретін ірі мұнай ұйымы 2025 жылғы көктемнен бері ай сайын мұнай өндірісін үздіксіз арттырып келеді. Картел мұндай шешімді бастапқыда квотадан қайта-қайта асып кетіп жүрген Қазақстан секілді елдерді «жазалау» үшін қабылдаған.

Соған байланысты, Қазақстанға арналған мұнай квотасы болмашы ғана көтеріледі. Тамызда – 1,532 млн баррель, қыркүйекте – 1,55 млн баррель. Салыстырар болсақ, Сауд Арабиясы тәулігіне 9,978 млн, ал Ресей 9,449 млн...

Ғылым және жоғары білім министрлігі мен Алматы қаласының әкімдігі студенттерді жатақханамен қамтамасыз ету мақсатында бірлесіп Ахуалдық орталық ашты.

Орталық Қазақ ұлттық қыздар педагогикалық университетінің базасында Бөгенбай батыр көшесі 142 мекенжайында орналасқан.

Ғылым және жоғары білім министрі Саясат Нұрбектің айтуынша, орталық жатақханадан орын таба алмаған студенттерге көмектеседі

«Әр жоғары оқу орнының жанынан арнайы цифрлық платформа құрылды. Ол отандық жоғары оқу орындарының 80%-ында бар. Айта кетейік, Нархоз және Satbayev University-де студент жатақханадан бөлмені, орынды өзі таңдайды. Ал жатақханадан орын ала алмаған студенттер Қазақ ұлттық қыздар педагогикалық университетінің базасында ашылған Ахуалдық орталықтың көмегіне жүгіне алады. Сондай-ақ Алматыда бос...

Шілде айында Қазақстанда екінші нарықтағы пәтер бағасы біршама қымбаттады. Маусыммен салыстырғанда орташа баға 0,9%-ға өсті. Дегенмен әр қаладағы жағдай әртүрлі.

Қай өңірде үй қымбаттап жатыр

Krisha.kz мәліметінше, бағаның ең көп төмендеуі Ақтау (3,6 %),Павлодар (1,3%), Алматы (1,2 %) қалаларында тіркелген. 

Ал Атырау (+1,4 %), Орал (+1,2 %), Қарағанды (+1,1 %), Астана, Ақтөбе және Қызылорда (+1 %)  қалаларында пәтер бағалары сәл қымбаттаған.

Қаңтардан бастап пәтер бағасы орта есеппен 3,6 %-ға өсті. Бағаның ең көп өсуі Қостанайда (+7,6 %), Атырау мен Оралда (5,2 %-ға дейін) тіркелді. 

Ең төмен өсім — Түркістан мен Көкшетауда, 1 %-дың шамасында. 

Жылдық көрсеткіш...

Қашаған операторы – NCOC компаниясы 4,2 млрд теңге айыппұл төлемейтін болды. Өйткені Астананың апелляциялық соты концорциум пайдасы шешім шығарды. Бұл туралы Bloomberg басылымы хабарлады.

Бұған дейін Қазақстан билігі Қашаған мұнай кен орнын игеріп жатқан консорциум серіктестеріне шамамен 2,3 трлн теңге немесе сол кездегі бағаммен 5,1 млрд доллар, қазіргі бағаммен 4,2 млрд айыппұл салуды көздеген.

Басылымның жазуынша, Қазақстан билігі Қашаған жобасына қатысушы халықаралық серіктестерге қарсы 160 млрд доллар көлемінде халықаралық арбитражға шағым түсірген. . Бұл соманың негізгі бөлігі — мемлекеттің жоғалтқан кірісі. Сонымен қатар, оған экологиялық заңбұзушылықтар мен жемқорлық сипатындағы келісімдерден келген залалдар да кіреді.

2024 жылы жобадағы серіктестер...

Ақтөбе тұрғыны Эммануэлла Наурызбаева әлеуметтік желідегі парақшасында өзіне қатысты болған тағы бір жағдайды бөлісті. Бұған дейін ол мешітте өзіне «бір реттік неке» ұсынған ер адам туралы жазған.

Instagram желісіндегі видеоға сәйкес, көшеде бір ер адам оны ислам дінін қаралап жатыр деп айыптап, «шайтан» деп атаған.

«Саған тиіскені рас па? Сені танып тұрмын. Шу болып жатыр. Әлде сен әдейі исламды, мұсылмандарды қаралағың келе ме? Өзіңді шайтан сияқты ұстайсың», – дейді ер адам.

Эммануэлла оны видеоға түсірге бастағанда ер адам қашып кеткен. Содан кейін қыз тағы бір видео түсіріп, Қазақстанда әйелдерд құқығын қорғай алмайтынын айтқан.

Маңғыстау облысының прокуратурасы Маңғыстау техникалық колледжінің қызметіне тексеріс жүргізіп, оқу орнының бас бухгалтері бюджет қаржысын жымқарғанын анықтаған.

Ол іс-сапар, шәкіртақы және салық міндеттемелері үшін көзделген 243 млн теңге көлеміндегі қаражатты өзінің жеке шотына заңсыз аударған.

Аталған факті бойынша ҚК-нің 189-бабы 4-бөлігі 2-тармағы (аса ірі көлемде сенiп тапсырылған бөтен мүлкін иемденiп алу) бойынша қылмыстық іс қозғалып, сотқа дейінгі тергеп тексеруді арнайы прокурорлар жүргізген.

Маңғыстау аудандық соты колледждің бас есепшісін ҚК-нің 189-бабы 4-бөлігінің 2-тармағына сай кінәлі деп тауып, 5 жыл мерзімге бас бостандығынан айыру жазасын тағайындаған. Сондай-ақ есепші 10 жыл мерзімге бухгалтерлік қызметпен айналасу құқығынан айырылған.

Бұған дейін, бас прокуратура алименттен қасақана жалтарған ер...