Жаңалықтар

Қазақстан Біріккен Араб Әмірліктеріне бәйге аттарын сата бастайды. Ауыл шаруашылығы министрлігі жылқы экспорттауға дайындық жүріп жатқанын хабарлады. Бұған қоса, әлемнің ондаған еліне ет, сүт және басқа да ауыл шаруашылығы өнімдерін сату ұлғайып келеді.

«Біріккен Араб Әмірліктерінде бәйге аттарын экспорттауға дайындық жүріп жатыр. Ал Ұлыбританияға ұрық куәлігі жолданды», – делінген министрлік таратқан мәліметте.

Сонымен бірге, Қазақстан түрлі елдерге қымыз бен қымыран (Жапония), балмұздақ (Оңтүстік Корея), сүт және ет өнімдерін (Малайзия) экспорттауды көздеп отыр. Бұған қоса, Бруней, Вьетнам, Таиланд, Сингапур және Катармен байланыс бар.

Қазір Қазақстан ауыл шаруашылығы өнімдері 15-тен астам елге шығарылады. Олардың арасында...

Алғаш рет әлемдегі суперкомпьютерлер рейтингі жасалды. Тізімге қазақстандық суперкомпьютерлер де енген.

Есептеу машиналары ядролар саны, ең жоғары өлшенген өнімділік (PFlop/s), есептелген өнімділік (PFlop/s) және қуат тұтынуы деген санаттар бойынша бағалаған.

Алғашқы үштікте АҚШ-та құрастырылған «El Capitan», «Frontier» және «Aurora» деген суперкомпьютерлер тұр. Одан кейін Германия, Италия, Жапония және Ұлыбританияның суперкомпьютерлері бар.

Қазақстандағы Жасанды интеллект және цифрлық даму министрлігіне тиесілі Alem.Cloud компьютері 86-орында.

Ал «Қазақтелекомның» Al-Farabium атты суперкомпьютері 103-орынға тұрақтады. Бұл құрылғы биыл жазда іске қосылған. Ол NVIDIA H200 чиптері негізінде жасалды.

Ал ЖИ министрлігі супермашинасын іске қосатынын көктемде хабарлады. Оны ЖИ моделін жаттықтырып...

Түркістан облысы Мақтаарал ауданында тұрғын полиция оғынан қаза тапты.

Полицияның хабарлауынша, жергілікті тұрғын бұрынғы күйеуі қару асынып келіп, балаларының көзінше жанжал шығарғанын айтқан.

Полиция келген уақытта мылтық ұстаған ер адам жүгіріп шығып, көрші үйдің ауласындағы сарайға тығылған.

Полиция қызметкерлері талабына қарамастан, ер азамат бағынудан бас тартып, оқ жаудырып, полицейдің бірін жарақаттаған. Содан кейін полиция ауаға ескерту оғын атқан.

«Алайда құқық бұзушы ескертулерге тоқтамаған. Содан кейін полиция заңнамаға сәйкес табельдік қару қолданған. Құқық бұзушы алған жарақатынан оқиға орнында қайтыс болды», – деп хабарлады полиция.

Тексеру барысында тіркелмеген шолақ мылтық, патрондар мен гильзалар тәркіленді.

Бұл факті бойынша...

24 қарашадан бастап азаматтарды тұрғылықты жері бойынша тіркеу рәсіміне енгізілген өзгерістер күшіне енеді. Қызмет енді тек онлайн форматта – eGov.kz электрондық үкімет порталы немесе eGov Mobile мобильді қосымшасы арқылы көрсетіледі.

Тұрғылықты жері бойынша онлайн-тіркеуден өту үшін пайдаланушыға электрондық цифрлық қолтаңба (ЭЦҚ) және оның жеке кабинетіне тіркелген телефон нөмірі қажет болады.

eGov.kz порталы арқылы қызметті қалай алуға болады:

Актер Еркебұлан Дайыровтың Dope Soz жобасында Қаңтар оқиғасына қатысты пікірінен кейін, әлеуметтік желіде қызу талқылау басталды. Актер сұхбатында сол күндері алаңға шықпағанын, отбасын қорғап, үйінде отырғанын айтқан еді.

«Қаңтар оқиғасы – трагедия. Қаңтарда алаңға шығып, сол жерде болдым деу мақтанатын нәрсе емес деп ойлаймын. Ол жерде менің достарым қаза тапты. Менің «қаңтарым» үйде өтті. Өз отбасымды қорғаумен болдым. Үйде мылтықпен отырдым», – деді актер.

Алайда бұл ой қоғамда түрлі реакция тудырды. Желі қолданушыларының бір бөлігі:

«Әркім Еркебұлан сияқты үйінде кіші мемлекетін қорғап отырса, Қаңтар оқиғасы болмас па ед...

«ҚазМұнайГаз» ресейлік Лукойлдың Қазақстандағы активтерін сатып алуы мүмкін бе? Ұлттық компания ресми түрде жауап берді.

«Кейбір бұқаралық ақпарат құралдары «ҚазМұнайГаз» компаниясы Қарағашығанақ жобасындағы ЛУКОЙЛ-дың үлесін сатып алуы мүмкін деген хабар таратуда. Бұл ақпарат шындыққа жанаспайды. Жалпы, ҚМГ серіктестерімен бірлесіп, Қарашығанақ жобасына санкциялық шектеулердің ықпалына қатысты тұрақты әрі кешенді талдау жүргізуеді», – деп жазылған жауапта.

Бұл әңгімені алғашқылардың бірі болып Reuters жазған. Кейінірек «Самұрық-Қазына» ұлттық әл-ауқат қорының басқарма төрағасы Нұрлан Жақыпов та айтқан еді.

«Қазір нақты уағдаластық туралы хабарлай алмаймын, өйткені Лукойл да, «ҚазМұнайГаз» консультанттары да жұмыс істейді. Лукойл көптеген...

Жетісай ауданы Алғабас ауылындағы өрттен аман алған үш адам жансақтау бөлімінде жатыр. Түркістан облысы денсаулық сақтау басқармасының хабарлауынша, үшеуінің де жағдайы ауыр.

«Медициналық мекемелерге үш адам – екі ересек және бір бала жеткізілді. Барлығы реанимация бөлімінде жатыр, жағдайы ауыр, бірақ тұрақты. Науқастарға интенсивті терапияның толық кешені жүргізіліп жатыр, олардың жағдайы салалық мамандардың толық бақылауында», – деп хабарлады мамандар.

Облыстық денсаулық сақтау мекемелерінен қосымша мамандар тартылып, қажетті дәрі-дәрмекпен және психологиялық қолдаумен қамтамасыз етілді.

18 қараша таңертең Алғабас ауылындағы екі қабатты жеке тұрғын үйден 12 адамның мәйіті табылды.

Президент Қасым-Жомарт Тоқаев марқұм болғандардың туыстарына көңіл айтты.

Түркістан...

Енді қаржы мекемелері берешекті бір күн кешіктірген азаматтарға кредит бермейді. Қаржы нарығын реттеу және дамыту агенттігі тұтынушы несиесін шектеуді көздейтін қаулы қабылдады.

Құжатта кейінгі 12 айда 90 күн төленбеген қарызы бар азаматтардың борыш жүктемесі коэффициенті (БЖК) 0,5-тен 0,25-ке дейін төмендету көзделген. Мұндай шара тұрғындардың берешегі шамадан тыс көбейіп кетпес үшін жасалып отыр.

Агенттік кепілсіз кредит қандай жағдайда берілмейтінін түсіндірді:

Түркістан облысы Жетісай ауданы Алғабас ауылындағы жеке тұрғын үйде екі отбасы болған. Бұл туралы Бала құқықтары жөніндегі уәкіл Динара Зәкиева жазды.

Зәкиева тоғыз баланың қазасына қатысты жазба жариялап, қайғылы жағдайдың себебін жариялады.

«Үйде екі отбасы – ата-анасы мен балалары болған. Өрт шығып, шатыр опырылып түскен», – деп жазды Бала құқықтары жөніндегі уәкіл.

Айтуынша, өңірдегі уәкіл психологиялық қолдау орталығы мамандарымен бірге оқиға орнына бара жатыр.

Комиссия құрылды

Үкіметтің хабарлауынша, өрттің себептерін тергеу жөніндегі арнайы комиссия құрылды. Оған премьер-министрдің орынбасары Қанат Бозымбаев төрағалық етеді.

Комиссия құрамына төтенше жағдайлар, ішкі істер, денсаулық сақтау, еңбек және халықты әлеуметтік қорғау...

Түркістан облысы Жетісай ауданындағы қайғылы жағдайдан кейін полиция «Өрт қауіпсіздігі талаптарын бұзу» бабы бойынша қылмыстық іс қозғады.

«Болған оқиғаның барлық мән-жайын анықтауға бағытталған қажетті іс-шаралар жүргізіліп жатыр. Тергеу нәтижесінде процестік шешім қабылданады», – деп хабарлады Түркістан облысы полиция департаментінің баспасөз қызметі.

18 қараша таңертең Алғабас ауылындағы екі қабатты жеке тұрғын үйден 12 адамның мәйіті табылды.

Президент Қасым-Жомарт Тоқаев марқұм болғандардың туыстарына көңіл айтты.

Түркістан облысы әкімі Нұралхан Көшеров аймақтағы мамандар барлық қажетті қолдауды көрсетететін мәлімдеді.

Қазақстанға келіп жұмыс істейтін шетелдіктер көбейіп жатыр. 1 қарашадағы есеп бойынша, елде 14 463 шетел азаматы жұмыс істеп жүр. Олардың дені – қытайлықтар. Бұл туралы Еңбек және халықты әлеуметтік қорғау министрлігі хабарлады.

Министрліктің мәліметінше, еңбек мигранттары келетін негізгі елдер мыналар: Қытай – 5 405  адам, Өзбекстан – 2 455 адам, Түркия – 1 042 адам, Үндістан – 1 012 адам.

Шетел азаматтары қай салада жұмыс істейді?

Еңбек және халықты әлеуметтік қорғау министрлігінің ақпаратына сенсек, олардың көпшілігі (4 908) құрылыс саласында еңбек етеді. Одан кейін ауыл, орман және балық шаруашылығында (2 808), тау-кен өнеркәсібінде (1 173 ), өңдеу өнеркәсібінде...

Қазақстандағы сейсмикалық станциялар Қытайдың Шыңжаң Ұйғыр автономиялы өлкесінде болған жер сілкінісін тіркеді.

Жерасты дүмпуі 17 қарашада Астана уақытымен сағат 22:22-де болған. Төтенше жағдайлар министрлігінің сейсмикалық станциялары оның магнитудасын 3,9 балл деп бағалады.

Жер сілкінісі Қытайдың Шыңжаң өлкесінде, Қазақстан, Қырғызстан және Тәжікстан шекарасына жақын маңда болған.

Дүмпу ошағы Алматы қаласынан шамамен 450 км жерде орналасқан.

Естеріңізге сала кетейік, қазанның аяғында да Қазақстан шекарасына жақын маңда жер сілкінген. Сол кезде де дүмпу ошағы Қытай аумағында екені анықталған.

Түркістан облысындағы Алғабас ауылында өрттен 12 адам қаза тапты. Ішінде тоғыз бала бар.

Төтенше жағдайлар департаментінің хабарлауынша, 18 қараша таңертең «101» пультіне Жетісай ауданының Алғабас ауылында орналасқан екі қабатты жеке тұрғын үйдің өртенгені туралы хабарлама түскен.

Оқиға орнына өрт сөндіру бөлімі келген кезде тұрғын үй толық өртеніп жатқан.

«Үй ішінен ес-түссіз күйдегі үш адам эвакуацияланып, жедел медициналық жәрдем бригадасына тапсырылды. Үйдің ішінен тоғыз баланы қоса алғанда, барлығы 12 адамның денесі табылды», – делінген ақпаратта.

Көршілерінің айтуынша үй иелері той өткізген, үйде қонақтар болған.

Қайғылы жағдайға байланысты президент Қасым-Жомарт Тоқаев көңіл айтты.

Түркістан облысыны...

Президент Қасым-Жомарт Тоқаев Түркістан облысы Жетісай ауданындағы жеке үйде болған өрт салдарынан көптеген адамның қаза табуына байланысты көңіл айтты. Бұл жайлы президент баспасөз қызметінің жетекшісі Руслан Желдібай өзінің телеграм арнасында жазды.

«Үкімет пен Түркістан облысының әкіміне зардап шеккен азаматтардың туған-туыстарына барлық қажетті көмек көрсетіп, қайғылы оқиғаны жан-жақты тексеруді тапсырды», – делінген хабарламада.

18 қарашада таңертең Түркістан облысы Жетісай ауданы Алғабас ауылында екі қабатты жеке тұрғын үй өртенген. Өрт сөндірушілер келіп жеткенде үй толығымен отқа оранған.

Құтқарушылар апат орнынан 12 адамның денесін тапты, оның тоғызы бала. Ес-түссіз жатқан үш адам эвакуациялады. Көршілердің сөзінше, сол күні үйде...

Freedom Ticketon мәліметінше, 13–16 қараша аралығындағы кинопрокатта отандық «Ауру» фильмі көш бастап, алғашқы аптаның өзінде 517,4 млн теңге көлемінде табыс жинады.

Екінші орында америкалық экшн-франшизаның жалғасы «Иллюзия обмана 3», төрт күн ішінде 420 млн теңге табыс тапты. Үштікті «Жездуха Кореяда» комедиясы жалғастырып, 182,3 млн теңге жинады. Алдыңғы аптада «Жездуха» 433 млн теңге жинаған еді.

Қазақстандық көрермендер арасында қызығушылық тудырған басқа да фильмдер тізімі төмендегідей:

4. «Алло» – 137,9 млн т
5. «Хищник: Планета смерти» – 98,7 млн т
6. «Бегущий человек» – 27,6 млн т
7. «Кролецшы и Сурок Времени» – 11,8 млн т
8. «Ыстық ұя» – 9,1 млн...

Биыл 1 қарашада елде «дайын тағамды жеткізу» қызметі бойынша яғни курьер ретінде 11,3 мың жеке кәсіпкер тіркелген. Бұл өткен жылмен салыстырғанда шамамен 60% көп және 2018 жылдан бергі ең жоғары көрсеткіш.

Ұлттық статистика бюросының дерегінше, соңғы жеті жылда бірде-бір рет жылдық төмендеу тіркелмеген. Курьерлердің күрт көбейген уақыты 2020–2022 жылдары байқалды, орташа жылдық өсім – 62,1%. Оған пандемия, онлайн-сервистердің дамуы себеп болды.

Қазір ол жылдардағыдай қарқынды емес. Дегенмен жыл сайын курьерлер саны кемінде 14,8% артып отыр. Басым бөлігі Алматы және Астанада тіркелген.

Курьерлердің күрт көбеюіне платформалық жұмыспен қамтуды дамытуға бағытталған мемлекеттік шаралар әсер етті. Еңбек министрлігі 2023 жылдың соңында Yandex компаниясымен...

17 қарашада БҰҰ Қауіпсіздік кеңесіне мүше елдер АҚШ-тың Газа секторындағы жанжалды реттеуге қатысты жоспарын мақұлдады. Кеңестің 15 мүшесінің 13-і қарарды қолдаса, Қытай мен Ресей қалыс қалды.

Таяу Шығыстағы жанжалды реттеу жобасын ұсынған АҚШ президенті Дональд Трамп бүкіл әлемді БҰҰ-ның осы шешімімен құттықтап үлгерді. Қарар «Бейбітшілік кеңесін» құруды көздейді. Трамп соны басқаратынын растады. Оның құрамына «бүкіл әлемдегі ықпалды, сыйлы жетекшілері» кіреді дейді Ақ үй басшысы. Құрама Штаттары президенті кеңес құрамы жақында жарияланатынын айтты.

Бейбітшілік кеңесі 2027 жылдың аяғына дейін жұмыс істейді. Ол ХАМАС пен басқа да топтарды қарусыздандыру мен Газа секторын қалпына келтіруді бақылайды. Қарарда Палестина мемлекетін құру туралы...

Disney студиясы көпшілік күткен «Моана» көркем фильмінің (2026) алғашқы ресми трейлерін жариялады. Бұған дейін 2016 жылы жарық көрген танымал анимациялық мультфильм бүкіл әлемде үлкен жетістікке жеткен еді. Енді сол оқиға толықметражды фильм форматында қайта жаңғырып, көрерменге жаңа қырынан ұсынылмақ.

Жаңа трейлерде Тынық мұхитының табиғаты шынайы түсірілімдер арқылы өте әсерлі берілген. Моананың бала кезінен таныс образдары енді нақты актерлердің ойынында көрініс тауып, оқиға бұрынғыдан да эмоционалды, реалистік сипат алған.

Disney мәліметінше, фильм 2026 жылдың 9 шілдесінен бастап әлемдік прокатқа шығады.

Еске сала кетейік, «Моана 2» қазақ тіліне дубляждалған фильмдердің арасында ең табысты жоба болған еді.

Қазақстанда инвестиция салуды жаңа бастаған адам үшін брокерлік компанияны таңдау – өте маңызды қадам. Брокерлердің қызметтеріне қызығушылық танытқан кезде, комиссиялар ғана емес, сонымен қатар олардың сенімділігі, қызмет көрсету шарттары және басқа да факторлар маңызды рөл атқарады.

Инвестиция салуды қолға алатын кез келген адам өзіне бірнеше маңызды сұрақтарды қояды: брокерде лицензия бар ма, минималды депозит қандай, демо-шот бар ма, мобильді қосымша қалай жұмыс істейді, комиссиялар мен спредтер қандай, клиенттерге қолдау көрсету деңгейі қандай және қаражатты шығару процесі қаншалықты ыңғайлы. Егер бұл маңызды шарттар болмаса, инвестициялар мен трейдингті жаңа бастаушылар үшін тәуекелдер арта түсуі мүмкін. Әрі жеке капиталға да...

Армения премьер-министрі Никол Пашинян Қазақстан президенті Қасым-Жомарт Тоқаевтың шақыруымен Астанаға ресми сапармен келеді. Бұл туралы Ақорданың баспасөз қызметі хабарлады.

Жарияланған ақпаратқа сәйкес, сапар 20-21 қарашаға жоспарланған. Осы күндері екі ел делегацияларының келіссөздері өтеді. Сапар барысында Қазақстан мен Армения арасындағы екіжақты ынтымақтастықты одан әрі дамыту перспективаларын талқылау жоспарлануда.

Кездесулер аясында тараптар түрлі салалардағы әріптестікті кеңейту, сондай-ақ, өзара іс-қимылдың қазіргі бағыттарын нығайту үшін жаңа мүмкіндіктерді қарастыруға ниетті.

Бұған дейін Қасым-Жомарт Тоқаевтың Армениямен көші-қон ынтымақтастығы туралы келісімді ратификациялау туралы Заңға қол қойғаны туралы жазған едік. Құжат екі елдің азаматтарына бір-бірінің аумағына визасыз 90 күнге дейін келуге және болуға мүмкіндік береді.

Жыл басынан бері Қазақстанда 1,2 мыңнан астам медициналық мекеме мен дәріханалар тексерілді. Сондай-ақ, мемлекеттік бақылауға жататын 100 мыңнан астам препараттардың айналымы шектелді, деп хабарлайды Ішкі істер министрлігі.

«Құрамында есірткі құралдары, сондай-ақ, күшті әсер ететін заттар бар дәрілердің заңды айналымын бақылау мақсатында ағымдағы жылдың басынан бастап «Дәрмек» бағдарламасының үш кезеңі өткізілді. Оның шеңберінде медициналық ұйымдар мен жеке дәріханаларда мемлекеттік бақылауға жататын препараттарды сақтау, есепке алу және өткізу жөніндегі қағидалардың сақталуы тұрғысынан кешенді тексеру жүргізілді. Тексеруге 1200 медициналық мекеме тартылды, жоғарыда аталған 100 мыңнан астам препараттың айналымы шектелді», – деді ІІМ есірткі қылмысына қарсы іс-қимыл комитеті басқармасының бастығы...

Қазақстан президенті Қасым-Жомарт Тоқаев Өзбекстан президенті Шавкат Мирзиевке алғыс айтып, арнайы хат жолдады, деп хабарлайды Ақорда.

Ақорда ақпаратына сүйенсек, Тоқаев Мирзиёевке 14-16 қараша күндері Өзбекстан Республикасына мемлекеттік сапары барысында Қазақстан делегациясына көрсеткен қонақжайлығы үшін алғыс айтқан.

«Президент хатта екі елдің стратегиялық серіктестік және одақтастық қарым-қатынастарын нығайтуға тың серпін берген бұл сапардың тарихи мәніне тоқталған. Қасым-Жомарт Тоқаев Ташкентте ұйымдастырылған Орталық Азия мемлекеттері басшыларының VII Консультативтік кездесуіне жоғары баға берді», – делінген Ақорда хабарламасында.

Тоқаевтың сөзінше, өңірлік ықпалдастықтың барлық бағыты бойынша өрбіген мазмұнды пікірталастар, қабылданған маңызды шешімдер мен құжаттар, сондай-ақ диалогқа Әзербайжанның толық құқылы мүше ретінде қосылуы форумның стратегиялық сипатын арттыра түсті.

Батыс Қазақстан облысы «Шапай – Жаңақала – Сайқын» автожолының 50 шақырымындағы жол көлік апаты кезінде сегіз адам қаза тауып, төртеуі ауруханаға жатқызылды.

«17 қарашада облыстық маңызы бар Шапай – Жаңақала – Сайқын автожолының 50-ші шақырымында Toyota Camry және Volkswagen Sharan автомобильдерінің соқтығысып, содан кейін автомобильдердің бірі өртенді. Оқиға салдарынан сегіз адам оқиға орнында қаза тауып, тағы төртеуі ауруханаға жатқызылды», – деп хабарлады БҚО полиция департаментінің баспасөз қызметі.

Оқиғаға байланысты қылмыстық іс қозғалды. Жүргізушілердің бірі келе жатқан қарсы жолаққа шықты деген болжам жасалған.

«Қозғалысқа сыртқы кедергілер болмаған. Жергілікті жерде полиция қызметкерлері, жедел-тергеу...

Қазақстанның солтүстігінде, батысында және орталығында тұман болады. «Қазгидромет» 18 қарашаға ауа райы болжамын ұсынды.