Жаңалықтар

Қазақстандық спортшы Аяна Жолдас 2025 жылғы Қысқы Азия ойындарында Қытайдың Харбин қаласында өткен фристайл-акробатика жарысында қола медаль жеңіп алды.

Финалда отандасымыз 76,54 балл жинап, үшінші орынға тұрақтады. Жеңісті қытайлық Цю Мэнтао 90,94 ұпаймен жеңіп алды. Екінші орынды тағы бір қытайлық спортшы Чэнь Сюжень (81,58 балл) иеленді. Қазақстан намысын қорғаған тағы бір спортшы Ардана Маханова шешуші кезеңге өте алмай қалды.

Қазақстан құрамасының өкілі Аяна Жолдас жарыстан кейін өз өнерін бағалады. Спортшының айтуынша, ол бір жыл бұрын екі мәрте ота жасатып, секіруді тек биылғы қаңтар айында бастаған.

 «Бапкерімнің тапсырмасын толықтай орындауға тырыстым. Жылдамдық бәрі жақсы болды. Бапкерімде...

АҚШ президенті Дональд Трамп пен Ресей президенті Владимир Путин телефон арқылы сөйлесті. Бұл туралы америкалық New York Post басылымына берген сұхбатында хабарлады.

Сұхбат барысында Трамп Ресей басшысы Владимир Путинмен телефон арқылы сөйлескенін растады. Алайда әңгіменің ұзақтығына қатысты сұраққа ол: «Мен бұл туралы айтпай-ақ қояйын», – деп жауап берген.

Путин адам өлімін қаламайды

Трамптың айтуынша, Путин ұрыс алаңында сарбаздардың қаза табуына шынымен алаңдайды. Адамдардың өлімінің тоқтауын қалайтынын жеткізген.

Сондай-ақ Трамп Ресей мен Украина арасындағы соғысты тоқтатуға арналған нақты жоспары бар екенін мәлімдеп, оны жылдам жүзеге асыруға ниетті екенін жеткізді. Алайда жоспарының қандай болатыны жайлы нақты ақпарат бермеген.

PlayStation Network жұмысында бірнеше сағаттық ақау орын алды. Sony компаниясы пайдаланушылардың аккаунттарға, ойындарға, PlayStation Video, PlayStation Store сервистеріне кіруде қиындыққа тап болғанын растады. Сонымен қатар PlayStation Direct сайты да жұмыс істемей тұр. Бұл ақау PS Vita, PS3, PS4, PS5 және веб-платформаларды қамтыды.

Sony мәлімдемесінде: «Пайдаланушылар ойындарды, қосымшалар немесе желілік функцияларды іске қосу кезінде қиындықтарға тап болуы мүмкін», — деп хабарлады.

Мысалы, цифрлық сатып алынған ойындарды жүктеу, достар тізімін қарау, трофейлерді көру немесе PS5 жүйесінде желілік мәртебеңізді анықтау мүмкін болмай тұр.

Sony бұл мәселелерді «мүмкіндігінше тезірек» шешуге уәде берді.

Үкіметтің кеңейтілген отырысында Президент Қасым-Жомарт Тоқаев экономиканы әртараптандыру, су ресурстары мен цифрлық технологиялар, ядролық кластер мен агроөнеркәсіп кешені, цифрлық активтер мен кепілдік қорлары, жайлы мектептер мен әкімдерді сайлау мәселелерін көтерді.

Алайда біздегі блогерлер, экономистер мен сарапшылар, жалпы қоғам тек қосылған құн салығының (ҚҚС) көтерілуін ғана талқылап жатыр. Шамасы, олар Үкімет уақыт белдеуін ауыстыру немесе салықты көтеру секілді қарапайым шешімдерден басқаны реттеуге қабілетсіз деп санаса керек.

Қытай үкіметі жедел әрі тиімді жүзеге асыруға мүдделі болып отырған жоба

Біздің назарымыз Президент екінші кезекке қойған маңызды міндет – көлік-логистика инфрақұрылымын дамыту мәселесіне бірден ауғаны рас. «Транзит – жүк...

«Қазгидромет» синоптиктері Қазақстанның 13 өңірінде дауылды ескерту жариялады. Мамандардың болжамынша, бұл облыстарда қар, боран, тұман және қатты жел күтіп тұр.

Қарлы боран күтіп тұр

Абай, Ақтөбе, Шығыс Қазақстан, Қостанай облыстарының солтүстік, шығыс және орталық аудандарында қар жауып, боран соғады. Жел жылдамдығы 15-20 м/с, кей жерлерде 23 м/с-қа дейін күшеюі мүмкін. Түнде және таңертең тұман түсуі ықтимал.

Тұман және көктайғақ

Ақмола, Жамбыл, Қызылорда, Қарағанды, Солтүстік Қазақстан, Павлодар облыстарының кей жерлерінде тұман түсіп, көктайғақ болуы мүмкін. Желдің екпіні 15-20 м/с дейін күшейеді. Тараз, Қостанай, Қызылорда, Петропавл және Павлодар қалаларында да тұман болуы ықтимал.

Жетісу, Батыс Қазақстан...

Президент Қасым-Жомарт Тоқаев қазір еліміз үшін тарихи кезең, алдымызда биік мақсаттар тұр деп тұжырымдайды. Бұл туралы «Жаңа адамдар» жастар форумында сөйлеген сөзінде айтты.

«Біз жұрттан көш ілгері жүретін ел боламыз. Үйренетін де, үйрететін де ұлт боламыз. Жастар барлық өзгерістің бастауында тұрады. «Жаңа адамдар» – жаңа қоғамның айнасы. «Жаңа адамдар» – жаңа болмыс! Бұл – өз еліне адал жастардың қозғалысы! Біздің стратегиямызға қолдау білдірген сіздерге алғыс айтамын», – деді Мемлекет басшысы.

«Жаңа адамдар» қозғалысының жетекшісі Әсел Баденованың айтуынша, қазіргі кезде қозғалыстың 19 қалада кампусы, 15 мыңға жуық белсенді мүшесі бар. Қозғалыс елімізде ондаған...

Голан үстіртіндегі қазақстандық бітімгерлер Біріккен Ұлттар Ұйымының медалімен марапатталды. Төсбелгіні Гана Республикасының армия генералы, Бітімгерлік миссияның қолбасшысы Анита Асма табыстады

Қазақстанның дербес бітімгерлері Сириядағы Голан үстіртіндегі атысты тоқтату режимін қамтамасыз ету міндетін атқарып жүр. Фауар базасында қызмет ететін 139 әскери қызметші мен төрт штаб офицері осы халықаралық марапатқа ие болды.

«Бітімгерлер БҰҰ базаларын қорғап, жергілікті халықпен өзара қарым-қатынас орнату жұмыстарын жүргізеді. 11 ай ішінде олар 200-ге жуық жарылмаған снарядты залалсыздандырып, медициналық көмекке мұқтаж БҰҰ қызметкерін эвакуациялады. Өткен жылдың желтоқсанында қауіпті аймақтан БҰҰ персоналын сәтті шығару барысында қазақстандық әскери қызметшілер жоғары деңгейдегі кәсібилігін, келісілген әрекеттерін және...

Азия ойындары Қытайдың Харбин қаласында өтіп жатыр.

«Спортшы ерлер арасында классикалық стильдегі спринттің финалында үшінші болып мәреге жетті», – делінген хабарламада.

Қытайлық Ван Сянь бірінші орын алса, екінші орынды жапон Харуки Ямашита иеленді.

Қазақстандық Олжас Климин жарысты бесінші орынмен аяқтаған.

 Бұған дейін шорт-трекшілер мен конькимен жүгіруші Евгений Кошкин күміс жүлдені қанжығаға байлаған.

2023 жылы төмендеген ипотека нарығы 2024 жылы қайтадан өсе бастады. Банктер (соның ішінде «Отбасы банк») жалпы 2 трлн теңгеден астам жаңа ипотекалық несие рәсімдеп, бұл көрсеткіш 2023 жылмен салыстырғанда 24,6%-ға артты.

Ипотекалық несиенің артуына қандай факторлар әсер етті?

2021–2022 жылдары зейнетақы жинақтарының бір бөлігін пайдалануға рұқсат беру ипотекалық несие беруді жеделдетті. 2023 жылы бұл ресурс таусылғандықтан, нарық құлдырауға ұшырады. Бірақ 2024 жылы жаңа рекорд орнатылды. Ипотеканың өсуі несие алушылар санының артуымен емес, орташа несие сомасының ұлғаюымен байланысты болды.

Жылжымайтын мүлік бағасы қалай өзгерді?

Ипотекалық нарықтың жандануы үй бағасына айтарлықтай әсер еткен жоқ. 2024 жылы жаңа...

Ауа райының бұзылуына байланысты Қазақстанның екі облысындағы республикалық маңызы бар жолдарда қозғалыс шектелген. Бұл туралы «ҚазАвтоЖол» хабарлайды.

Ақтөбе облысында «РФ шекарасы-Ақтөбе-Қызылорда-Алматы-ҚХР шекарасы» автожолының 776-1240 шақырым аралығындағы учаскесі жабық. Бұл – Ақтөбе қаласынан Қызылорда облысының шекарасына дейінгі жол.

Ал Қызылорда облысында осы автожолдың 1240-1362 шақырым аралығындағы учаскесінде жол қозғалысы шектелген (Ақтөбе облысының шекарасынан Арал қаласына дейін).

Бұл жолдарды 2025 жылғы 8 ақпан сағат 20:00 ашу жоспарланған.

Қаңтар айында Ішкі істер министрлігі 800 келі есірткі тәркілеген. Сонымен қатар есірткі туралы ақпарат таратқан 1257 сайтты бұғаттап, есірткі тарату туралы ақпарат жариялаған 76 арна мен бот өшірілген.

» 700-ден астам есірткі құқық бұзушылығы анықталды. 274 есірткі қылмысы тіркелді. Олардың ішінде 180 сату фактісі, интернет арқылы есірткі жарнамасының 64 фактісі, 3 контрабанда, есірткі өсірудің 16 фактісі бар. 9 ұйымдасқан қылмыстық топ, 3 есірткі притоны, 17 есірткі зертханасы жойылды»,- деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.

Биыл 800 келіден астам есірткі, оның ішінде 29 кг синтетика, сонымен қатар 5 тонна...

2024 жылы Қазақстан мен Қытай арасындағы екіжақты сауда көлемі 43,8 млрд АҚШ долларына жеткен. Қазақстанның Қытайға экспорты 15,8 млрд АҚШ долларын құрап, бір жылда 9% өсті. Бұл туралы ҚХР Қазақстандағы төтенше және өкілетті Елшісі Хань Чуньлин мәлімдеді.

Сауда және интеграция министрі Арман Шаққалиев Қытайдың Қазақстандағы төтенше және өкілетті Елшісі і Хань Чуньлинмен кездесіп, тараптар сауда-экономикалық ынтымақтастықты кеңейту мәселесін талқылаған.

«Қытайдың Бас кеден басқармасының мәліметтеріне сәйкес, 2024 жылы Қазақстан мен Қытай арасындағы екіжақты сауда көлемі 43,8 млрд АҚШ долларына жетті. Қазақстанның Қытайға экспорты 15,8 млрд АҚШ долларын құрап, 9% өсті. Бұл тенденция бізді алдағы уақытта сауда...

Антикор Атырау мұнай өңдеу зауытының мердігер компаниясын тексеріп жатыр. Зауыт штаттық режимде жұмыс істеп тұр. Бұл туралы АМӨЗ баспасөз қызметі хабарлайды.

Бұған дейін БАҚ-та Антикор мұнай өңдеу зауытында тексеріс жүргізіп жатыр деген ақпарат тараған.

«Антикордың тексерісі зауыттың мердігер компаниясына қатысты жүргізіліп жатыр. Бұған дейін АМӨЗ-дің Қауіпсіздік қызметі Баяу кокстеу қондырғысына (УЗК) жөндеу жүргізген мердігер компанияға қатысты заң бұзушылықтарды анықтап, сот органдарына 2024 жылдың 13 желтоқсанынада жүгінді. Сонымен қатар АМӨЗ материалдарды Экономикалық тергеу департаментіне де жолдады», – делінген хабарламада.

Зауыттағы кейбір құжаттар тек мердігер компанияға қатысты тергеу аясында тексерілген. Қазіргі уақытта тергеу амалдары...

Астананың түбіндегі Қосшы қаласында салынып жатқа өрт сөндіру депосының құрылысы қолға алынғанына 4 жыл болған. Алайда жұмыстың тек 60%-ы аяқталған. Бұл туралы премьер-министр Олжан Бектеновтің Қосшы қаласының бас жоспарымен танысуы барысында  белгілі болды.

Мердігер ұйым нысанды салып бітуге қаржы жетпей тұр деп тұжырымдайды.

Шарт бойынша заманауи қондырғылармен жабдықталған нысан құрылысына 1,2 млрд теңгеге жуық қаражат бөлінген. Олжас Бектенов қосымша қаржы қарастырылмайтынын, қаражат тек ЖСҚ-ға енгізілген сома шегінде бөлінетінін айқан.

«Премьер-министр мердігерлік ұйымнан жақын арада жұмыстарды аяқтауды талап етті, орындалмаған жағдайда шарт бұзылады», – делінген Үкімет хабарламасында.

«Сирень бағы» тұрғын...

Қазақстан құрамасы Қытайдың Харбин қаласында өтіп жатқан Азия ойындарында алғашқы медалін жеңіп алды. Ұлттық олимпиада комитеті шорт-трекшілер күміс жүлдені қанжығаға байлады деп хабарлайды.

«Қазақстандық спортшылар аралас эстафетада күміс медаль жеңіп алды. Шешуші жарыста еліміздің намысын Денис Никиша, Әділ Ғалиахметов, Яна Хан және Малика Ермек қорғады», – делінген хабарламада.

Бұл сайыста Оңтүстік Корея құрамасы жеңімпаз атанса, Жапония үздік үштікті түйіндеген.

Сонымен қатар конькимен жүгіруші Евгений Кошкин Азия ойындарында күміс жүлде жеңіп алды.

Спортшы 100 метр қашықтықта екінші нәтиже көрсеткен. Ол тек қытайлық Гао Тиньююға жол берді. Үздік үштікті Оңтүстік кореялық Джун Хо Ким...

2024 жылы Орталық Азияның номиналды ЖІӨ-сі 500 млрд доллардан асуы мүмкін. Халықаралық валюта қорының мәліметінше былтыр 10%-дан астам өсіп, 519 млрд долларға жетеді.

Орталық Азия халқы 80 миллион адамға жетіп, 2021 жылмен салыстырғанда 3,7%-ға, ал соңғы 24 жылда 1,4 есеге артты. Еуразиялық даму банкінің мәліметінше демографиялық үрдістер өңір мемлекеттерінің экономикалық өсуіне ықпал етуде. Халықтың жас құрылымын ескере отырып, болашақта еңбек ресурстарының көлемі артады деген болжам бар.

Үшінші елдерден тартылған тікелей шетелдік инвестициялардың жалпы көлемі соңғы екі жылда 4,2%-ға өсіп, 2023 жылдың соңында 223 млрд долларға жетті. Сондай-ақ сыртқы сауда айналымы қарқынды дамып, 2021 жылдан бастап 34,6%-ға ұлғайды.

Соңғы ек...

Демалыс күнін пайдалы өткізу үшін міндетті түрде үйден шығып, физикалық белсенділікпен айнылсудың қажеті жоқ. Күн өнімді болуы үшін сізге тек кез келген бір гаджет қажет десек, сенесіз бе? Сөзіміздің өтірігі жоқ. Себебі Qalam.global ғылыми-танымдық порталында өткен аптада көп пайдалы мақала жарияланды. Арасынан үздіктерін таңдап алып, тізім әзірледік. 

Таяу Шығыс мемлекеттерінің қазіргі шекаралары қалай және қашан қалыптасты?

Тарих қашан да қызық. Ал дүниежүзі тарихы тіпті қызық. Алпауыт елдердің бүгінгі күнге қалай жеткені жайлы деректерді оқып тауысу кейде мүмкін еместей де көрінеді. Ал сіз бірінші дүниежүзілік соғыстан кейін Ұлыбритания империясы араб жерлерін қамтитын Осман империясының бұрынғы аумақтарын мандат ретінде иемденіп...

Шариғат заңы бойынша, әйелдердің көпшілік алдына боянып шығуына болмайды. ҚМДБ Шариғат және пәтуа бөлімі оқырмандардың сұрағына осындай уәжін айтты.

Нақтырақ атап өтсек, әйелдерге шариғатта бет-жүзіне боянуына рұқсат берілген. Бірақ белгілі бір шарттарды орындауы керек.

«Әйелдер күйеуінің алдында ғана боянады. Бұлардан басқа бөгде адамдардың алдында жұқартып немесе қалыңдатып болса да боянуға болмайды. Бояғыш заттардың құрамында нәжіс, харам, су өткізбейтін нәрселер болмауы тиіс», – деп жазылған ҚМДБ мәлімдемесінде.

Сондай-ақ ері қайтыс болған әйел аза тұтқан кезеңде боянып, иіс су себуге болмайтыны жазылған. Әйел боянған уақытта да «ысырапқа жол бермей, қалыптасқан әдет-ғұрыпқа қайшы келмеуі керек».

Маңғыстау облысында «Каскор-Машзавод» мен «Caspian Service Pro» кәсіпорындарындағы ереуіл бүгін кешке аяқталды. Екі күн бойы ереуілдеген 200-ге жуық жұмысшы мен жұмыс беруші ортақ келісімге келіп, еңбек дауын шешу жөніндегі хаттамаға қол қойды.

Еңбек дауына не себеп?

Ақтаудағы өндіріс аймағында орналасқан зауыттағы ереуіл 6 ақпанда басталып, сол күні жұмысшылардың басым бөлігі түнгі сағат 1-ге дейін мекеме алдында тұрды. Олар бүгін таңертең ереуілге қайта жиналып, кешкі сағат беске дейін жұмыс берушімен арадағы келіссөздер нәтижесін күтті.

«Талаптарымызды биыл қаңтар айының ортасында басшылыққа хат жүзінде жолдадық. Сол аралықта кәсіпорын басшы ауысып, мәселе ұзаққа созылып кетті. Екі-үш күн бұрын...

Ақтөбеде жолақысын төлемеген оқушыға жүргізуші көліктің еденін жуғызған. Сол үшін Оқу ағарту министрлігі Бас Прокуратураның осы іске араласуын сұрап отыр.

Не оқиға болды?

Бұл оқиға қаңтардың соңында болған. 10 жастағы оқушы автобуспен қайтып келе жатқанда картасында ақшасы болмай, жол ақысын төлей алмай қалады. 19-автобус жүргізушісі оны түсіріп кетудің орнына басқа әдіс ойлап табады.

Соңғы аялдамаға келгенде салонның жартысын жуып, ал қалған жартысын оқушыға жуғызады.Қайтар жолда 10 жастағы баланы өз аялдамасынан түсіріп кетеді.

Министрлік қандай пікір білдірді?

Ата-анасы осыдан кейін бірден полицияға жүгінген, бірақ олар еш шара қолданбаған. Бүгін бұл іске қатысты министрліктегі Балалардың құқығын...

АҚШ Конгресі Джексон-Вэнико түзетуін алып тастайды. Қазақстанмен сауда қатынасын жаңарту туралы заң жобасына осындай өзгеріс енгізілмекші.

«1974 жылы қабылданған Джексон – Вэнико түзетуі Кеңес Одағына еврейлердің эмиграция құқығын қамтамасыз ету үшін қысым көрсету мақсатында енгізілген. Алайда Қазақстан 1991 жылдан бері тәуелсіз мемлекет ретінде азаматтарының елден еркін шығу құқығын толық қамтамасыз етіп отыр. Қазақстан ондаған жылдар бойы АҚШ-тың көші-қон еркіндігіне қатысты заңдарын сақтап келеді», – деп жазылған сайттағы хабарламада

Ол мәлімдемеде 2015 жылы Қазақстан Дүниежүзілік сауда ұйымына (ДСҰ) кіргеннен бері елдің экономикасы тұрақты өсіп келе жатқаны жазылған.

«Қазақстанға PNTR мәртебесін беру...

Реттеушілік шаралардың қатаңдағанына қарамастан, тұтынушылық несие көлемі бұрынғыдай өсіп келеді. Бұлай деп президент Қасым-Жомарт Тоқаев отандық бизнес өкілдерімен кездесуде айтты.

Президент проблемалық несиесі бар азаматтарға көмектесу саяси мәселе екенін атап өтті.

«Былтыр аталған көрсеткіш (тұтынушылық несие көлемі) 33 пайызға ұлғайды. Ал проблемалық борышкерлердің саны 1,5 миллион адамнан асты. Қарызға белшесінен батқан азаматтарға көмектесу керек. Бұл – аса өзекті саяси мәселе», – деді ол.

Тоқаев осы ретте қаржылық сауатты арттырудың, әсіресе өскелең ұрпақтың осы бағыттағы білімін жетілдірудың маңызына тоқталды.

«Банктер проблемалық займдарды қайта қаржыландыру жұмыстарын күшейтіп, борышкерлердің санын өсіруге жол бермеген...

АҚШ Ресейге қарсы санкцияны күшейте түсуді жоспарлап отыр. Дональд Трамп әкімшілігінің ондағы мақсаты – соғысты тоқтату.

The New York Post басылымына берген сұхбатында Украина мен Ресей жөніндегі арнайы уәкіл Кит Келлог осындай мәлімдеме жасады.

Санкцияға «үштік» деген баға берді

Оның сөзіне қарағанда, Мәскеу де, Киев те ымыраға келіп, райынан қайтуы керек. АҚШ Ресейге қарсы санкцияны күшейтуге не үшін барып отыр? Келлогтың сөзінше, бұрынғыларына бес балдық шәкіл бойынша «үштік» баға қоюға болады.

«Санкцияларды шын мәнінде күшейтуге болады. Әсіресе, соңғыларын», ‑ деді ол мұнай өндіру және экспорттауға шектеуді меңзеп.

«Егер ықпал тетігінің не екенін білетін адам болса...

Қаржы нарығын реттеу агенттігі 2015 жылдан бері қарыз алушылардың баспанасын сақтауға және борыш жүктемесін едәуір төмендетуге бағытталған Ипотекалық қарыздарды қайта қаржыландыру бағдарламасын жүзеге асырып жатыр. Бұл бағдарлама әлі де жалғасып жатыр және қаражат жымқырылды деген ақпарат шындыққа сай келмейді. Реттеуші осылай деп мәлімдейді.

Аталған бағдарлама аясында 48,4 мың адамға 318,2 млрд теңге көлемінде көмек берілген.

«Бағдарлама шеңберінде халықтың әлеуметтік осал топтарын қорғауды күшейту мақсатында борыш жүктемесін азайту, сондай-ақ банктердің балансындағы жалғыз баспананы меншікке қайтару түрінде қосымша қолдау шаралары іске асырылды. Мемлекеттің көмегін 10,6 мың қарыз алушы алды», – деп жазылған агенттік хабарламасында

Аталған бағдарламаны жүзеге асыру...