Жаңалықтар

Алаяқтар тұрғындарға хабарласып, «пәтерлер ұтысы» өткізіліп жатқанын хабарлайтын болған. Осы орайда, Индустрия және инфрақұрылымдық даму министрлігіне «конкурстық негізде өткізілетін пәтерлер ұтысы» туралы азаматтардың тарапынан қоңыраулар жиі түсіп жатыр.

Алаяқтар өздерін ведомство қызметкерлері ретінде таныстырып, министрлік жергілікті атқарушы органмен бірлесе отырып конкурстық негізде пәтерлердің ұтысын өткізетіні туралы айтып, тұрғындарға хабарласатын болған. Сонымен бірге мемлекеттік органға «қаржылай берешегі» туралы мәлімдеп, ол өтелген жағдайда азамат конкурстық негізде «пәтер алатыны» туралы жалған ақпар береді екен.

«Өз кезегінде министрлік бұл ақпаратты ресми түрде жоққа шығарады. Өйткені тұрғын үй беру мәселесі жергілікті атқарушы органдардың құзыретіне кіреді әрі санаттарға сәйкес және кезекке...

Үкімет басшысы Әлихан Смайылов пен GE Healthcare компаниясының Ресей және ТМД-дағы бас директоры Елена Легезина кездесті. Тараптар компанияның Қазақстандағы жаңа инвестициялық жобаларын жүзеге асыру жөніндегі жоспарларын талқылады. Бұл туралы Премьер-министрдің баспасөз қызметі хабарлады.

Елена Легезина республикада компания қызметін дамыту үшін үлкен әлеует барын атап өтті. Бұл ретте Қазақстанда УДЗ аппараттары мен компьютерлік томографтар өндірісін локациялау жобасы пысықталуда.

«Біз Қазақстанға тек жоғары технологиялық жабдықтарды ғана емес, сонымен қатар онкологиялық және жүрек-қан тамырлары ауруларын емдеу тәсілдері мен тұжырымдамаларын ұсына аламыз. Сонымен қатар Астана мен Алматы қалаларынан екі академия ашуды жоспарлап отырмыз, мұнда қазақстандық мамандар құрал-жабдықтармен...

«Теңізшевройл» компаниясын құру туралы келісімге қол қойылуының 30 жылдығында ҚР энергетика министрі Алмасадам Сәтқалиев, компанияның акционерлері – «Шеврон» Еуразиялық бөлімшесінің, «ҚазМұнайГаз «ҰК» АҚ, «ЭксонМобил Қазақстан Венчурс Инк.», «Лукойл» өкілдері Шаңырақ вахталық кентінде компания қызметкерлерін құттықтады.

Қонақтар мұнайшылардың сіңірген еңбегін атап өтіп, компанияның ондаған мың жұмыс істеп жүрген және бұрынғы қызметкерлеріне, әсіресе кен орнын ашқан және оның табысының негізін қалаған Теңіз ізашарларына шексіз алғыстарын білдірді.

«Келісімге қол қою кезінде жобаның алдына бірден нақты мақсат қойылды – мұнайды қауіпсіз және үздіксіз өндіру, Қазақстан бюджетіне төлемдерді уақтылы жасау және қызметкерлердің қауіпсіздігін қамтамасыз ету. Біз ТШО-ның 30 жыл бойы осы міндеттемелерін мінсіз орындап жатқанына...

Фото: Ukimet телеграм арнасы

Үкіметте Әлихан Смайыловтың төрағалығымен экономиканы демонополизациялау жөніндегі комиссияның кезекті отырысы өтті. Оған орталық мемлекеттік органдар, Бас прокуратура, БҚДА, ҚМА және басқа да ведомстволар басшылығы қатысты. Бұл туралы Премьер-министрдің баспасөз қызметі хабарлады.

«Қатысушылар мұнай-газ саласының маңызды инфрақұрылымдық объектілерін мемлекет меншігіне қайтару барысын, теміржол жүк тасымалы нарығындағы жасанды монополияларды жою жөніндегі шараларды және астық тасымалдау нарығы субъектілерінің жауапкершілігін арттыру тетіктерін талқылады», делінген хабарламада.

Жиында Әлихан Смайылов алдағы уақытта нақты экономикалық нәтижелерге қол жеткізу үшін басталған істер бойынша рәсімдерді және жалпы экономиканың негізгі секторларын демонополизациялау қарқынын жеделдетудің маңызын атап өтті.

«Атамекен» Ұлттық кәсіпкерлер палатасы ҚР Қаржы министрлігінің Мемлекеттік кірістер комитетімен бірлесіп, ҚҚС қайтаруды қайта қарауды талқылауға бастамашы болды Бұл туралы atameken.kz хабарлады.

Еске салсақ, өткен жылдың наурызында Қаржы министрлігі бизнес-қоғамдастықпен талқылау өткізбей, Салық кодексі мен «Құқықтық актілер туралы» заңның ережелеріне қайшы келетін ҚҚС қайтару бойынша жаңа қағидаларды қабылдады. Бұл жайт мәселені түрлі деңгейде, соның ішінде «таза парақтан реттеу» жөніндегі жұмыс тобы шеңберінде бірнеше рет талқылауға әкелді.

Содан кейін тараптар ҚҚС-ті қайтару қағидаларына қатысты бизнестің ұсыныстары бизнес-қоғамдастықпен апта сайынғы талқылау қорытындылары бойынша пысықталатыны туралы уағдаласты. Талқылау салықтық және кедендік әкімшілендіруді жетілдіру жөнінде ұсыныстар әзірлеу үшін жұмыс тобы шеңберінде жүргізіледі.

Өзбекстанның Сенат мәжілісі әйелдер мен балаларға қатысты құқықбұзушылықтар үшін жазаны қатайтатын заңды қабылдады. Бұл туралы ҚазАқпарат хабарлады.

Жаңа заң бойынша отбасылық және тұрмыстық зорлық-зомбылық қылмыстық істерге жатқызылмақ. Аталмыш заң бүгінгі таңда әйелдер мен кәмелетке толмағандарға қатысты орын алып жатқан түрлі зорлық-зомбылықтар үшін қатаң жазалар белгілеумен қатар, осындай жағымсыз оқиғалардың алдын алатын болады.

Зорлық-зомбылық жасаған тұлғаларға, оның ішінде кәмелетке толмағандарға қатысты жазадан мерзімінен бұрын шартты түрде босату немесе жұмсақ жазамен алмастыру қолданылмайды. Керісінше, мұндай қылмыстар қатаңдатылады.

Зорлық-зомбылықпен байланысты қылмыстарды саралаудағы критерийлердің бірі – қылмыскердің зардап шегушісінің жасын білуі жойылды. Бұдан былай айыпталушы жәбірленушінің жасын білмеуі оны Қылмыстық кодексте қарастырылған жауапкершіліктен...

2023 жылғы 6 сәуірде ҚР Премьер-Министрінің бірінші орынбасары Роман Склярдың төрағалығымен жанар-жағармай (ЖЖМ) нарығындағы ахуал бойынша кеңес өтті.

Жалпы ел бойынша дизель отынының жиынтық қоры 308,56 мың тоннаны құрайды, бұл 2023 жылғы 1 қаңтардағы қормен салыстырғанда 59 мың тоннаға артық.

Сонымен қатар кейбір өңірлерде жекелеген жанармай құю станцияларында дизель отынын сатуда шектеулер байқалады.

Осыған байланысты ЖЖМ ішкі нарығын қамтамасыз ету үшін:

– Өңірлік штабтарға (ЖАО, БҚДД, МКД, ЭТД, ТМРД) ЖЖМ жасанды тапшылығын тудырмау мақсатында өңірлік мұнай базаларын комиссиялық тексеру жөнінде шаралар қабылдау;

– Бұзушылық фактілері болған жағдайда тиісті мемлекеттік органдарға нарық субъектілерінің бәсекелестікке қарсы немесе доминантты әрекеттері бойынша тергеу жүргізу...

Мәдениет және спорт министрлігінің мәліметінше, өткен жылы Маңғыстау облысына 41 мыңнан астам шетелдік турист келген. Орташа алғанда, шетелден келген қонақтар Каспий теңізінің жағалауында бір аптадан 12 күнге дейін болған. Бұл туралы ҚР Мәдениет және спорт министрлігі хабарлады.

Сондай-ақ, еліміздегі демалыс мерзімінің ұзақтығы бойынша алғашқы үштікке Алматы және Астана қалалары кірді.

2022 жылы Алматыға 417 мыңнан астам шетелдік қонақ келді. Орташа алғанда, олар оңтүстік астанада 3-5 күн өткізген.

Былтыр Астанаға 238 мыңнан астам шетелдік турист келді. Елордада олар орта есеппен 2-3 күн болды.

Ал шетелден келген туристердің Қазақстанда саяхаттау мерзімінің орташа ұзақтығы 4 күнді құрайды.

«Сапардың ұзақтығы өңірдің туристік...

Қосылған құн салығының асып кетуін қайтару қағидаларына өзгерістер енгізу барысында бизнес қауымдастығының ескертулері мен ұсыныстары ескеріліп, біраз оңтайландыратын өзгерістер қабылданды. Бұл туралы Мемлекеттік кірістер комитеті хабарлады.

«Қосылған құн салығының асып кетуін қайтару және қосылған құн салығының асып кеткен сомасының анықтығын растау мақсатында тәуекелдерді басқару жүйесін қолдану қағидаларын, сондай-ақ тәуекел дәрежесінің өлшемшарттарын бекіту туралы» Қазақстан Республикасы Қаржы министрінің 2018 жылғы 19 наурыздағы №391 бұйрығына (НҚА) Қазақстан Республикасы Қаржы министрінің 2023 жылғы 20 наурыздағы № 289 бұйрығымен өзгерістер мен толықтырулар енгізілді.

Өзгертілген қағидалар 2023 жылғы 6 сәуірден бастап қолданысқа енгізіледі.

ҚҚС асып кетуін қайтару мерзімін 155 күнтізбелік күннен 75 жұмыс күніне дейін...

Қазақстан Ұлттық Банкі (бұдан әрі – ҚҰБ) 2023 жылғы 10 сәуірден бастап ҚҰБ-тың kazcoins.nationalbank.kz интернет-дүкені арқылы «Қазақстанның әдет-ғұрыптары, ұлттық ойындары» сериясынан TOǴYZQUMALAQ коллекциялық монеталарының сатуға шығарылатынын хабарлады.

TOǴYZQUMALAQ коллекциялық монеталары:

– массасы 31,1 грамм, диаметрі 38,61 мм, дайындау сапасы proof және black-proof, номиналы 500 теңгелік, таралымы 3 000 дана, күмістен (нүктелі алтын жалату, бір жақты тотығу және интерференциялық түрлі-түсті жабын технологиясын қолдана отырып) жасалған;

– массасы 31,1 грамм, диаметрі 38,61 мм, дайындау сапасы proof, номиналы 500 теңгелік, таралымы 3 000 дана, күмістен (нүктелі алтын жалату және интерференциялық түрлі-түсті жабын технологиясын қолдана отырып) жасалған;

– массасы 15 грамм, диаметрі 33 мм, дайындау сапасы brilliant uncirculated...

Үкімет Қостанай мен Палодардағы кен орындарына инвестиция салу шартымен ERG тобына кіретін тағы бір компанияға Кәсіпкерлік кодексінің 289-бабына сәйкес ҚР Салық заңнамасының тұрақтылығына кепілдік береді. Инвестиция көлемі 259 млрд теңгеден асады.

Ашық НҚА порталында Қазақстан Республикасы Үкіметі мен «Алюминий Казахстана» Акционерлік қоғамының арасында Инвестициялық міндеттемелер туралы келісімді жасасу туралы Үкімет Қаулысы жария талқылауға шығарылды.

«Осы келісімнің 3-тарамағының ережелерін ескере отырып, инвестордың сегіз жыл бойы 259 024 100 000 теңге мөлшеріндегі инвестициялық міндеттемелерді жүзеге асыруы келісімнің нысаны болып табылады. Осы келісімді жасасқан инвесторға Кәсіпкерлік кодексінің 289-бабына сәйкес Қазақстан Республикасы салық заңнамасының тұрақтылығына кепілдік беріледі» делінген келісім нысанында.

Тараз қаласының №2 сотында мәжіліс депутаты Жигули Дайрабаевтың екі ұлына сот үкімі шықты.
Сот қылмыстық кодекстің 190-бабы 4-бөлігі 2-тармағы бойынша қатысты қылмыстық істі қарады.

Бұл бапта алаяқтық, яғни адамдар тобымен алдын ала сөз байласу арқылы аса ірі мөлшерде бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену әрекеті қарастырылған.

Сотта Жамбыл облысы әкімдігінің ауыл шаруашылығы басқармасы басшысының өсімдік шаруашылығы мәселелері жөніндегі орынбасары болған Ерлан Күлекеевтің, кәсіпкерлер Елжан Елібай, Марат Дайрабаев және Дидар Молдақалықтың субсидиялау қағидаларын бұзып, мемлекетке 550 849 430 теңге көлемінде шығын келтіргені анықталды.
Олар сатып алынған «Альбион» құлпынай көшеттері үшін (оларды шаруа қожалықтарына рәсімдеп) мемлекеттік субсидиялар...

Ауыл шаруашылығы министрлігі 2022 жылдың басынан бастап бүгінгі күнге дейін 6,1 млн гектар жер мемлекетке қайтарылған. Бұл туралы Ауыл шаруашылығы министрлігінің баспасөз отралығы хабарлады.

2022 жылдың қыркүйек айында Қасым-Жомарт Тоқаев: «Игерілмей жатқан немесе заңсыз берілген жер көлемі 10 миллион гектарға жуықтайды. Үкімет пен әкімдіктер келесі жылдың соңына дейін осы жерлерге қатысты нақты шешім қабылдауға тиіс», деп тапсырған болатын.

Соған сәйкес, 2022 жылдың басынан бастап бүгінгі күнге дейін мемлекетке пайдаланылмаған және ауыл шаруашылығы жерлерін пайдалану жөніндегізаңнаманы бұза отырып берілген 6,1 млн гектар қайтарылған. Оның ішінде биыл 695,8 мың гектары мемлекет меншігіне өткен болса...

Франция Президенті Эммануэль Макрон ҚХР төрағасы Си Цзиньпиннен Ресей мен Украина арасында арағайындық жасауды сұрап отыр. Осы мақсата ол Пекинге келді.

«Ресейдің Украинаға жасаған басқыншылығы халықаралық тұрақтылыққа соққы болды. Осы мәселеде келіссөзге келуіне Ресейге ықпал ете аласыз деп сізге үміт арта алатынымды білемін»,  деді Макрон ҚХР төрағасына.

Бұған дейін Қытайға Еуро комиссия басшысы Урсула фон дер Ляйен келген еді. Бұған дейін біршама уақыт бойы Батыс елдері мен Қытай арасында бірқатар мәселеге байланысты салқын қарым-қатынас орнаған болатын.

Алайда, Қытайға келген соң БАҚ өкілдеріне сұхбат берген Макрон Еуропа Қытаймен сауда және дипломатиялық қатынастардың қысқаруына қарсы тұруы тиіс деп мәлімдеді. Кешке Еурокомисия...

Құрамына «Жезқазған ЖЭО» және «Балқаш ЖЭО» кіретін «Kazakhmys Energy» ЖШС-де өлшем бірлігін қамтамасыз ету саласындағы талаптардың сақталуына тексеру жүргізілді. нәтижесінде бірқатар заңбұзушылық бары анықталды. Бұл туралы Техникалық реттеу және метрология комитетінің Ұлытау облысы бойынша департаменті хабарлады.

Тексеру барысында техникалық монометрлер, қысым датчиктері сияқты тексеру мерзімі өткен 40 өлшем бірлігін қолдану анықталды. Тексерілмеген өлшеу құралдарын қолдану «Өлшем бірлігін қамтамасыз ету туралы» Қазақстан Республикасы Заңының 19-бабының 1-тармағын бұзу саналады, делінген хабарламада.

Ұлытау облысы прокуратурасының ұсынысы негізінде департамент қызметкерлері әкімшілік құқық бұзушылық туралы хаттама жасады. «Kazakhmys Energy» ЖШС құқық бұзушылық жасау фактісін мойындауына байланысты ҚР ӘҚБтК 811 – бабына сәйкес...

Қазақстандық банктер мен ұялы байланыс операторлары бірлескен мәлімдеме жасады.

Beeline, Eurasian Bank, Forte Bank, Halyk Bank, Home Credit Bank, Jusan Bank, Kaspi Bank, Kcell, Nurbank, Tele2/Altel, Центр Кредит Банкі, Банк VTB (Қазақстан) жария еткен бірлескен мәлімдемеде айтылғандай, елімізде қаржы алаяқтығының жаңа түрімен айналысатындар пайда болған.

Бірлескен мәлімдемедегі ақпаратқа сәйкес, алаяқтар қазақстандық немесе шетелдік нөмір арқылы хабарласып, өзін банк қызметкері ретінде таныстырады. Олар телефон байланысы қорғалмағанын ескертіп, әңгімені WhatsApp немесе басқа мессенджерде жалғастыруды сұрайды.

Чаттағы әңгімелесу барысында алаяқ банк қызметкері екенін «растайтын» жалған куәлігінің суретін жібереді. Осылайша әңгімелесіп отырған адамының шотындағы ақшаны бөтен біреулер ұрлауға талпынып жатқанын айтып, қаражатты...

Бүгінгі таңда елорданың әрбір тұрғынын жоғары жылдамдықты интернетпен қамтамасыз ету мақсатында проблемалы аймақтар анықталып жатыр. Елордада 16 елді мекен және 1 саяжай алабы бар. Мұнда интернетке қажет кабель желілері болмаған.

«Өткен жылы әкімдік электр желілері арқылы талшықты-оптикалық байланыс желілерін (ТОБЖ) төсеу туралы шешім қабылдады. «Астана-АЭК» АҚ-мен бірлесіп инвесторлардың толық қаржыландыру есебінен елорданың елді мекендерінде электр беру және жарықтандыру тіректері бойынша оптикалық байланыс желілерін жүргізу мәселесі пысықталды», делінген әкімдік таратқан хабарламада.

Қазір елорда әкімдігі елді мекендерде талшықты-оптикалық байланыс желілерін жүргізуге дайын инвесторлар іздеп жатыр. Осы мақсатта Астана қаласының әкімдігі, Цифрлық даму министрлігі, байланыс операторларымен бірлесе...

Бас көлік прокуратурасының мәліметінше, жүк тасымалдаушылар ҚХР-мен шекарадағы «Нұр Жолы» кеден бекетінде электрондық кезекті ұзақ күтуге, сондай-ақ олардың қызметіне байланысты басқа да мәселелерге наразылықтарын білдірген.

Осыған байланысты Бас көлік прокуратурасы ведомствоаралық жұмыс тобын құрған.

«Анықталғандай, шекара маңындағы дүрбелең «E-border» бағдарламасы жұмыс алгоритмінің жетіксіздігінен орын алған. Бағдарлама жеңіл және ауыл шаруашылығы автокөліктерінің, сондай-ақ жүктерді тасымалдау үшін ҚХР-на шығуға иелерінің мақсаты болмаған автобустардың тіркеу деректерін пайдалану арқылы кезек орындарын «броньдауға» мүмкіндік берді. Мөлшерлемесі 40 мың АҚШ долларына дейін жеткен жүк тасымалдау бойынша «көлеңкелі қызмет көрсету нарығының» белсенділігімен бұл жағдай күрделене түсті» делінген хабарламада.

Жұмыс тобының ұсынысымен кезектен 2000 жуық автокөлік алынып тасталды...

Urals сұрыпты мұнай бағасы барреліне 60 долларға дейін жетті. Оған Brent сұрпының қымбаттауы мен Үндістан мен Қытайдағы сұраныстың жоғары деңгейде сақталуы себеп болып отыр деп жазады Reuters. Дегенмен, мұнайдың қымбаттауы Ресей валютасының бағамына оң ықпал еткен жоқ. Қазақстан қаржыгерлер қауымдастығы нарықтағы маңызды мәселелерге қатысты кезекті сараптамасын жариялады.

Валюта нарығы

Қазақстан қор биржасында шетел валютасымен сауда жасаушылар белсенді, теңгенің одан әрі нығаюына ықпал етіп отыр. Сәрсенбі күнгі сауда қорытындысы бойынша, USDKZT бір долларға 446,96 теңгеге дейін төмендеді. Сауда көлемі 161,7 млн доллар болды, жыл басынан бері тәуліктегі орташа көрсеткіш 133,1 млн доллар болған еді. Ұлттық валютаның нығаюына...

Қазақстанда алаяқтар өздерін «Қазақстан қор биржасы» АҚ (бұдан әрі – KASE, Биржа) қызметкерлері деп таныстырып, өз жарнамаларында KASE логотипін немесе KASE қызметкерлерінің фотосуреттерін пайдаланып, жалған сайттар құрған жағдайлар жиілеп кетті. Олардың жалған сайтының адресі: http://kasekz2022.tilda.ws/. Ал, KASE ресми сайты: https://kase.kz.

Осыған орай, Қазақстан қор биржасы азаматтарды қырағы болуға және қаскүнемдердің қулықтарына түспеуге шақырады.

«KASE ресми түрде Биржаның немесе оның қызметкерлерінің тікелей қатысуымен биржалық нарықтарда бағалы қағаздарды немесе басқа активтерді сатып алу үшін жеке немесе заңды тұлғаларға ешқашан өз қызметтерін ұсынбайтынын мәлімдейді» делінген хабарламада.

KASE сауда-саттықты ұйымдастырушы және тек қаржы ұйымдарымен (банктермен...

Индонезия билігі елге келген шетелдік туристер үшін жаңа салық енгізгісі келеді. Индонезияның теңіз істері және инвестициялар жөніндегі үйлестіруші министрі Лухут Бинсар Панджайтан осындай бастама көтерді. Бұл туралы Аntara ақпарат агенттігі хабарлады.

Оның пікірінше, мұндай шараларды енгізу елдегі демалушылар жасаған қылмыстардың санын азайтуға септігін тигізер еді.

Панджайтан Бали әлемдегі ең арзан туристік бағыттардың бірі екенін түсіндірді. Сондықтан аралға жергілікті заңдарды жиі бұзатын табысы төмен шетелдіктер келеді. Ал енгізілетін салық болашақта елге көмектесуі мүмкін. Яғни табысы жақсы, мәдениетті шетелдіктердің саның арттырмақ.

Қазақстан Республикасына 2022 жылғы 1 қыркүйекке дейін әкелінген көлік құралдарын легализациялау үшін негізгі орындауы тиіс шарттардың бірі – осындай автокөліктердің кеден тазартудан өтуі болып табылады. Бұл туралы Мемлекеттік кірістер комитеті хабарлады.

Мемлекеттік кірістер комитетінде Еуразиялық экономикалық одақ елдерінен әкелінген автокөліктерді кедендік тазарудан өткізу қажет пе – деген сұраққа жауап берді.

Қазақстан азаматтары, Қырғыз Республикасында 2014 жылғы 1 қаңтарға дейінгі және Армения Республикасында 2014 жылғы 10 қазанға дейінгі кедендік тазартудан өткен автомобильдерді әкелуіне болады.

Аталған автомобильдерді Қазақстан Республикасының аумағына Қырғыз Республикасының және Армения Республикасының аумағында тұрақты тұратын адамдар ғана әкеле алады.

Еуразиялық экономикалық одақтың (ЕАЭО) 2014 жылғы 29 мамырдағы Шарттың ережесіне сәйкес...

Босқындардың арасында Сирия, Пәкістан, Египет, Сомали азаматтары бар. Арасында балалар да бар. Олар су мен тамақсыз 4 күн бойы ашық теңізде қалып қойған. Бұл туралы «Хабар 24» сайты хабарлады.

Мамандар барлығын аман алып қалды. Бірақ құтқару операциясына ауа райының қолайсыздығы кедергі келтірді. Қазір кезде барлығы Италияға жеткізілді. Мемлекет көші-қон дағдарысынан, зардап шегіп отыр. Жыл басынан бері мұнда 28 мың адам су арқылы заңсыз келген.

Былтыр бұл сан 4 жарым есе аз болған.

«Батуми мұнай терминалы» ЖШС (100% үлесі «ҚазТрансОйл» АҚ-қа тиесілі) және «Батуми теңіз порты» ЖШС ( «ҚазТрансОйл» АҚ 100% басқаруға айрықша құқықтарға ие) 2022 жылға жүктерді ауыстырып тиеудің жалпы көлемі 7,6 млн тоннаны құрады, бұл 2021 жылы осы мерзімдегі көрсеткіштен 1,3 млн тоннаға көп. Бұл туралы «ҚазТрансОйл» АҚ жұртшылықпен байланыс және ішкі коммуникациялар департаменті хабарлады.

Атап айтқанда, мұнайды, мұнай өнімдерін және газды ауыстырып тиеу көлемі 2021 жылмен салыстырғанда 0,4 млн тоннаға артып, 1,9 млн тоннаны құрады. Қайта тиеу көлемдерінің өсуі Қазақстаннан шыққан қара түсті мұнай өнімдерін ауыстырып тиеудің ұлғаюымен, сондай-ақ «Теңізшевройл» ЖШС-мен мұнай мен сұйытылған көмірсутек газын ауыстырып тиеу бойынша...