Жаңалықтар

Елімізде жұмыс істейтін жастарға арналған жалдамалы тұрғын үй бағдарламасы кезең-кезеңімен аяқталады. Бұл туралы Мәдениет және ақпарат министрлігі хабарлады.

«Жұмыс істейтін жастарға арналған жалға берілетін тұрғын үй бағдарламасы қатысушыларының 81%-ы жеңілдетілген ипотекаға өтініш берді. 2025 жылдан бастап жұмыс істейтін жастарға арналған жалдамалы тұрғын үй бағдарламасы кезең-кезеңімен аяқталады», – делінген ақпаратта.

Ресми ақпаратқа сәйкес, бағдарлама қатысушылары жалдау шартында көрсетілген мерзімнің аяқталуына байланысты мемлекеттік пәтерден шығып жатыр.

«17 өңірде «Отбасы банкімен» бірлесіп жастарға арналған жеңілдетілген ипотекалық бағдарлама іске қосылды. Бастапқы жарна – тұрғын үй құнының 10-20%-ын, жылдық мөлшерлеме өңірге байланысты 5-9%-ды құрайды...

Қазақстанда жер қойнауын геологиялық-геофизикалық зерттеудің мемлекеттік бағдарламасы аяқталды. Бұл жоба 2019-2024 жылдарға арналған еді.

Өнеркәсіп және құрылыс министрлігінің хабарлауынша, алты жыл ішінде 2,014 млн шаршы метр аумаққа геологиялық барлау жүргізілген. Бұл жоспарланған аумақтың 91,6% құрайды.

Қазақстанда қанша қазба байлық бар?

Барлығы 112 учаскеде жұмыс жүргізілген. Соның ішінде белгілі болған ресурстар:

– сирек жер металдары – 2,6 млн тонна

– мыс пен никель – 3,7 млн тонна

– қоңыр көмір – 1,1 млрд тонна

– алтын – 19 тонна.

Бағдарламаны жүзеге асыру барысында геологиялық барлауға 306 лицензия берілген. Оларға жалпы 137 млрд теңгеден аса инвестиция салынды.

Ақтөбе облысында мұнай өндіретін «КМК Мұнай» компаниясы 2024 жылы 3,4 млрд теңге таза пайда тапты. Бұл көрсеткіш алдыңғы жылмен салыстырғанда екі есе аз. 2023 жылы компания 6,6 млрд теңге таза пайда тапқан. Бұл туралы ақпарат Қазақстан қор биржасы (KASE) сайтында жарияланған қаржы есебінде көрсетілген

Пайда неліктен азайды?

Компанияның салық салынғанға дейінгі пайдасы 2023 жылғы 11,2 млрд теңгеден 4,9 млрд теңгеге дейін қысқарған. Яғни, бір жылда 55 пайыз азайды.

Ал жалпы түсімі айтарлықтай өзгермеген – 57 млрд теңге, бұл өткен жылмен салыстырғанда бар болғаны 3%-ға аз. Алайда өнімнің өзіндік құны күрт өсіп, 32 млрд теңгеге жеткен. Бұл...

Токиода домбыраны күмбірлеткен жапон жігіті Жапониядағы қазақ жігітін қатты таңырқатты. Қазақстандықтар да қошемет көрсетуде.

Оны Күн Шығыс елінде жұмыс істеп жүрген қазақстандық азамат кездейсоқ көшеде жолықтырған.

Қазақ жігіт жапонның домбыраны керемет тартатына таң қалып, қайдан үйренгенін сұраған.

Домбыраны күмбірлеткен музыкант кәсіби маман екен. Алғаш Ыстамбұлда қазақ азаматынан үйренгенін, кейін Құрманғазы атындағы консерватория түлегімен жұмыс істеп, өз бетінше дамытқанын айтқан.

Жапония астанасы Токио көшесінде домбырамен күй орындаған жапон жігітінің видеосы әлеуметтік желіде таралып, жұртты сүйсіндірді.

«Әй мынау тегін емес, ата тегінде бір қазақ болған ау!», «Домбырасының даусы да керемет екен» деп сүйініп жатыр.

Алматы қаласында және тау бөктеріндегі аймақтарында орналасқан 44 су айдынының тоғызы суға түсуге қауіпті деп танылды. Бұл туралы өңірлік коммуникациялар қызметінің алаңында өткен баспасөз конференциясында қалалық Төтенше жағдайлар департаменті хабарлады.

Қауіпті су айдындары қатарына мыналар кіреді:

Рұқсат...

Мүгедектігі бар адамдар мемлекеттен алған үйін тегін жекешелендіре алады. Бұл І және ІІ топтағы еңбекке жарамсыз, төлем қабілеті жоқ мүгедектерге қатысты. Баспана кезегі әкімдіктен «Отбасы банкіне» өткеннен кейін де, тұрғын үй заңнамасындағы бұл норма өзгеріссіз қалады. Бұл туралы Өнеркәсіп және құрылыс министрлігі Kursiv.Media ресми сауалына берген жауабында мәлімдеді.

Мүгедектігі бар қанша адам үй кезегінде тұр

Министрліктің мәліметінше, бүгінде елімізде 656 мыңнан астам азамат тұрғын үй кезегінде тұр. Олардың ішінде 56 мың адам – бірінші және екінші топтағы мүгедектер, ал 26 мыңы мүгедек баланы тәрбиелеп отырған отбасылар.

«2024 жылдың қорытындысы бойынша 13 068 азамат тұрғын үймен...

Мемлекет 176 млн теңгеге сатқан жер телімін 1,08 млрд теңгеге қайта сатып алмақшы. Бұл жайтқа Астана мәслихатының отырысында депатут Асқар Смағұлов назар аударды деп жазады Қазақпарат.

Астана мәслихатының отырысында Тұрғын үй және тұрғын үй инспекциясы басқармасының басшысы Ануар Саипов 9 нысанды 2,14 млрд теңгеге сатып алу жобасын таныстырды. Олардың жалпы аумағы 3 гектарды құрайды. Бірақ кейбірі күмән тудырады. Депутат Смағұловтың сөзінше, мемлекет аукцион арқылы сатқан жер учаскесін өзі қайта сатып алмақшы екен.

«Сіздер әлі сатып алынбаған, біреудің меншігіндегі жер учаскесінде сквер салғалы жатырсыздар. Бұл – бір. Екіншіден, бұл учаске 2022 жылы пайдаланылмағандықтан мемлекет меншігіне қайтарылған...

Terminals Astana Airport Limited компаниясы Астана халықаралық әуежайын дамытуға 1,1 млрд АҚШ доллары көлемінде инвестиция салмақ. Бұл туралы Қазақстан Республикасы Көлік министрлігінің баспасөз қызметі хабарлады.

Инвестициялық жоба аясында не салынады?

Жаңа инвестициялық келісім аясында үшінші жолаушылар терминалы, екінші ұшу-қону жолағы мен жүк терминалы (cargo) салынады.

Бұдан бөлек, арнайы техника паркі жаңартылып, автоматтандыру жүйелері енгізіледі. Әуежай қызметкерлері халықаралық стандарттарға сай оқытылып, біліктіліктері кезең-кезеңімен арттырылатын болады.

Инфрақұрылымдық даму жоспары

Инвестор тек негізгі әуежай нысандарын ғана емес, сонымен қатар көпфункционалды аэротрополис кешенін дамытуды көздеп отыр. Бұл кешен мыналарды қамтиды:

Астана сотында Болат Назарбаевтың оң қолы болған Елдос Қоспаевтың бауыры Айбек Қоспаев 12 жылға сотталды. Қылмыстық іс бойынша 253 беттен тұратын үкім шыққан. Арасында Алматының бұрынғы әкімі Бауыржан Байбектің әкесі Қыдырғали Байбектің аты аталады, деп хабарлайды KursivMedia.

Іс материалдарында Байбектің AV-Construction құрылыс компаниясынан арзан бағаға жылжымайтын мүлік сатып алғаны көрсетілген. Ал бұл компанияны ұйымдасқан қылмыстық топ рейдерлік жолмен басып алған.

«Ұйымдасқан топ басшысы Елдос Қоспаевпен және басқа да тұлғалармен келісе отырып, Алматы қаласы әкімінің әкесі Қыдырғали Байбек пайдасына сеніп тапсырылған, пайдалануға берілген және салынып жатқан жылжымайтын мүлік объектілерін өзіндік құнынан төмен бағаға, яғни кәсіпорын мен оның заңды иелеріне залал келтіре отырып сату...

Қытайлық CNPC корпорациясы мен Қазақстанның Энергетика министрлігі «Маңғыстаумұнайгаз» АҚ-ның жер қойнауын пайдалану келісімін ұзарту мәселесін талқылап жатыр. Бұл жайлы сарапшы Олег Червинский «Нефть и газ» телеграм арнасында жазады.

CNPC мен «ҚазМұнайГаз» «Маңғыстаумұнайгаз» компаниясын 50/50 үлеспен тең басқарады. Ең алғаш екі тарап 1998 жылы 17 қаңтарда келісімге келген. Ол шарт 2028 жылға дейін жарамды, сол жыл соңында күшін жояды.

2023 жылы жазда екі жақ «Маңғыстаумұнайгазға» қатысты келісімді кемінде 20 жылға ұзартамыз деген ниетін растаған еді.

«Алайда ұзартудың басты шарты — CNPC министрлікпен келісілген бір немесе бірнеше жоғары экономикалық тиімді жобаға инвестиция салуға міндеттеме...

Жерар Депардьеге зорлық жасағаны үшін он сегіз айға шартты түрде бас бостандығынан айыруға үкім шықты.  

Le monde ақпаратына қарағанда, оқиға «Көк бұлттар» фильмінің түсірілімі кезінде болған. 2021 жылы екі әйелді зорлаған көрінеді.

Бұл аз болса, сот барысында 2007 – 2015 жылдар аралығында жәбірленушілерден өзге, тағы да 4 әйел танымал актердің зорлағанын айтқан.  

Францияның қылмыстық соты оны сексуалды сипаттағы қылмыс жасағандардың тізіміне енгізуге де қаулы шығарды.

Алайда Жерар Депардье тағылған айыптарды мойындамай отыр. Актердің адвокаты аппелляцияға шағымданатынын айтты.

Жерар Депардье қазір Португалияда. Режиссер Фанни Арданның фильміне түсіп жатыр. Сот отырысына келмеген.  

Мұның алдында Жерар Депардьеге қатысты сот...

Қоғамдық белсенді Юлия Нестерова Алматының Бағанашыл ықшамауданында орналасқан Алматы облыстық №1 балалар үйінің тәрбиеленушілеріне қайтадан орталықтан шығып қалу қаупі төнгенін хабарлады.

«Жөндеуді қасақана жүргізбей отыр»

Белсенді балалар үйінің құбырларынан су ағып, жертөлесінің қабырғалары сөгілгелі тұрғанына қарамастан, басшылық оларды жөндеуге асықпайтынын айтады. Ол орталық басшылығы әдейі жөндеу жұмыстарын жүргізбей, ақыры ғимаратты тұруға жарамсыз деп танып, ондағы тәрбиеленушілерді шығарып жібере ме деп қауіптенеді.

Юлия Нестерова өз бетінше мемлекеттік сатып алулар порталын ақтарып, балалар үйін жөндеуден өткізуге ешқандай конкурс жарияланбағанын көрген. Бұл оның күдігін қоюлата түскен.

«Балалар үйін қасақана жөндемей, оны жарамсыз күйге дейін жеткізбекші. Ақша бөлмей...

Еуропалық қайта құру және даму банкі 2025 жылы Қазақстанның жалпы ішкі өнімі (ЖІӨ) жайлы болжамын төмендетті. Бұған дейін қаржы ұйымы экономикалық өсім 5,2% болады десе, енді оны 4,9%-ға дейін түсірді. Ал 2026 жылы елдің ЖІӨ 4,5% деңгейінде қалады деп болжады.

Сарапшылардың түсіндіруінше, осы жылдың бірінші тоқсанында Қазақстан экономикасының 8,3% өсім көрсеткеніне Теңіз кен орнының кеңеюі себеп болған.  Chevron компаниясы Теңіз кен орнын игеруді кеңейтіп, Қазақстанда тәулігіне мұнай өндіру көрсеткіші рекордтық деңгейге жеткен еді.

Бірақ мұндай өсім ОПЕК+ келісіміндегі міндеттемелермен, соның ішінде 2024 жылғы артық өндіріске байланысты өтем шараларымен сәйкестендірілуі қажет. OPEC-тің бірнеше ескертуінен кейін Қазақстаннан экспортталатын мұнай көлемін...

Қазақстандық танымал Q-pop тобы – Mad Men мүшелері, есірткі қылмысы үшін сотталғаннан кейін, қылмыстық-атқару жүйесінде түсірілген деректі фильмнің кейіпкеріне айналды. Бұл фильмді ҚР ІІМ ҚАЖК қолдауымен 1806 MEDIA YouTube арнасы жарыққа шығарды.

Бейнероликте бір кездері үлкен залдарды жинап, концерт қойған орындаушылардың темір тордың ар жағынан үн қатқаны, тағдырларының күрт өзгергені көрсетіледі.

«Жарқыраған сахнадан – тар қапасқа дейін. Бір сәттік қателік қалайша биіктен құзғынға құлатуы мүмкін? Әдемі бетперденің ар жағында өрбіген көлеңкелі бизнес немен аяқталады?» – делінген фильм сипаттамасында.

Колония ішінде түсірілген кадрлар арқылы бұрынғы әртістер алғаш рет сот үкімі шыққаннан кейін болған жайтқа өз...

Сайлауға түсіп, қала мэрі болуды көздеген  мексикалық кандидат-әйелді тікелей эфирде атып өлтірді. Оған қарай жиырма оқ атылған.

СNN ақпаратына қарағанда, оқиға сайлауалды митинг кезінде болған. Шара басталмай жатып, мінбер қанға боялған. Үміткердің жанындағы үш серігі де оққа ұшты.

Митинг Facebook-те тікелей трансляция арқылы көрсетілген. Онда үміткер әйел Есения Лара Гутьеррес тұрғындарға сәлем беріп, жақтастарының ортасында Тексистепека көшісімен кетіп бара жатқан.

Шерушілер күліп, ойнап, cайлауға түсіп жатқан үміткерге мадақ айтып, ұрандатып бара жатты. Сол сәтте кадр сыртынан оқ қарша борайды. Бейнежазбада 20-ға жуық оқ атылғаны байқалады.

Мексика президенті Клаудия Шейнбаум бұл оқиғаға пікір білдіріп, үміткерге қандай мақсатпен шабуыл жасалғаны әзірге...

Toyota-ның АҚШ-тағы бөлімшесі жаңа кроссовердің дронмен түсірілген бірнеше суретін жариялап, оның 21 мамырда таныстырылатынын хабарлады. Компания ресми растамаса да,  фотосуреттерге қарап, бұл көліктің – Toyota RAV4 моделінің алтыншы буыны екенін аңғаруға болады.

Toyota-ның әлеуметтік желідегі парақшасының бірінде болашақ RAV4 моделінің сыртқы емес, салон интерьерінің суретін жариялады.

Тизер-суреттерден жеке орнатылған аспаптар панелі мен орталық медиаэкранды, сондай-ақ кең спицалары бар жаңа рөлдік дөңгелекті көруге болады. Бұл спицаларда түрлі қосымша функцияларды басқаруға арналған көптеген батырмалар орналасқан. Сонымен қатар,  ортаңғы консольде физикалық батырмалар тұр. Кадрдан үйреншікті беріліс қорабы селекторының орнын Porsche стиліндегі шағын джойстик басқанын көруге болады.

Көліктің техникасына қатысты толық мәлімет жарияланбаған. Кейбір...

Президент Қасым-Жомарт Тоқаевтың төрағалығымен өткен кеңесте Ұлттық банктің 2024 жылы атқарған жұмысы қорытындыланды. Бұл туралы Ақорда хабарлайды.

Жиын барысында Ұлттық банк басшысы Тимур Сүлейменов Президентке елдегі макроэкономикалық жағдай, ақша-несие саясатының негізгі көрсеткіштері, қаржы жүйесінің жалпы жай-күйін баяндаған. Сондай-ақ халықаралық резервтер көлемі, Бірыңғай жинақтаушы зейнетақы қоры мен Ұлттық қор активтерінің ахуалын айтқан.

Кеңесте Ұлттық банктің жұмысына қатысты бірқатар маңызды мәселелер қаралды. Атап айтқанда, республикалық бюджеттің орындалуы, инфляцияны төмендету жолдары, жаңа ақша-несие саясаты, «Банктер және банк қызметі туралы» заң жобасы талқыланды. Сонымен қатар нақты секторды кредиттеу және алтын-валюта резервтерінің жай-күйі де күн тәртібінде болды.

Бұған дейін Ұлттық банк төрағасы Тимур Сүлейменов мұнай...

Алматы қаласында көрнекті қазақстандықтардың бейіттері мен тарихи ескерткіштерін біріктірген жаңа туристік бағыт іске қосылды. Бұл бастама «Алматының тарихи жады» жобасы аясында жүзеге асырылып отыр.

Жаңа цифрлық маршрут арқылы енді кез келген адам белгілі тұлғалардың жерленген орындарын, ескерткіштерін, мемориалдарын және олардың өмір сүрген, жұмыс істеген тарихи көшелерін оңай таба алады. Бұл деректер 2GIS қосымшасында қазақ, орыс және ағылшын тілдерінде қолжетімді.

Аталған бағытқа Алматыдағы үш ірі зират енгізілді:

Бұл зираттар – ашық аспан астындағы шынайы музей іспетті.

Алматының орталық зиратында: Күләш Бәйсейітова, Шәкен Айманов, Қаныш...

Акциясының 20%-ы миллиардер Владимир Жұманбаевқа тиесілі «Беңқала» тау-кен компаниясы 2024 жылы 344 млн теңге шығынға ұшыраған. Компанияның жағдайы соңғы бір жылда біршама жақсарғанымен, таза пайдаға әлі шықпаған.

Түсім өсті, бірақ қарыз да көбейді

2024 жылы компанияның түсімі 5,96 млрд теңгеге жетіп, алдыңғы жылмен салыстырғанда 9,4%-ға артты. Алайда жалпы міндеттемелер де бір жыл ішінде күрт өсіп, 5,49 млрд теңгеден 9,33 млрд теңгені құрады. Бұл шамамен 70%-дық өсім, яғни компания сырттан көп қарыз алған.

2024 жылдың соңында компанияның жалпы активтері 19,6 млрд теңгені, ал меншікті капиталы 10,27 млрд теңгені құрады. Ал 2023 жылы бұл көрсеткіштер тиісінше 16,1 млрд теңге...

«Алтыналмас» компаниясы Қарағанды облысында алтын өндіруге рұқсат алды. Лицензияны Өнеркәсіп және құрылыс министрлігі берген. «Алтыналмас» компаниясы осы лицензия негізінде Бақтай кен орнында 5 жыл алтын өндіреді.

Алтын кен орнының жалпы аумағы – 6,72 шаршы шақырым. Лицензия компанияға 5 жылға берілген.

Компания қандай міндеттемелер алады?

«Алтыналмас» компаниясы тек қазба жұмыстарын жүргізіп қоймай, бірнеше маңызды әлеуметтік және экономикалық міндеттемелерді де орындайды.

Біріншіден, жерді пайдаланғаны үшін ақы төлейді. Заң бойынша мемлекетке жыл сайын төлем жасайды.

Екіншіден, жыл сайын ең төменгі инвестиция құяды Компания өндіріс жұмыстарына кемінде 6 783 АЕК (26,7 млн теңге) көлемінде қаражат жұмсауы тиіс. Сонымен қатар...

«Бәйтерек» холдингі «АқмолаАгро-1» компаниясындағы 49% үлесті сатып жіберді. Бұл жайлы қаржы ұйымы Қазақстан қор биржасына (KASE) хабарлады.

«АқмолаАгро-1» дәнді және бұршақ тұқымдас дақылдарды өсірумен айналысады. Енді компанияның жалғыз құрылтайшысы Болат Кабиевке тиесілі «Запорожье-Агро» болды. Бұған дейін кәсіпорын «АқмолаАгро-1» компаниясын «Бәйтерекпен» бірге иеленген еді.

Осыдан кейін «Бәйтерек» холдингінің құрамында 10%-дан жоғары үлесі бар жеті еншілес ұйым қалды:
– Қазақстан Даму Банкі (100%),
– Qazaqstan Investment Corporation (100%),
– Отбасы банк (100%),
– «Қазақстандық тұрғын үй компаниясы» (100%),
– «Даму» кәсіпкерлікті дамыту қоры (100%),
– «Қазақстанның экспорттық-кредиттік агенттігі» (100%),
– «Аграрлық несие корпорациясы» (100%).

«АқмолаАгро-1» «Бәйтерекке» 2024 жылы қарашада өткен. Осымен бірге «ТайыншаЖер Плюс», қараша...

Ресейдің «Россельхознадзор» мекемесі Қазақстандағы құс фабрикасы өндірген тауық етінен қауіпті листерия бактериясы анықталғанын екінші мәрте мәлімдеді. Алайда Ауыл шаруашылығы министрі Айдарбек Сапаров бұл жолы да ресейлік мамандардың күдігі расталмағанын айтты.

Ресей тарапының алғашқы мәлімдемесі қаңтар айында жасалған болатын. Сол кезде Россельхознадзор «Макинск құс» фабрикасынан жеткізілген салқындатылған бройлер филе партиясынан листерия бактериясы табылғанын хабарлады. Осыған байланысты аталған кәсіпорынға қатысты зертханалық бақылау күшейтілді. Алайда кейін бұл ақпарат ресейлік бақылау органының сайтынан жойылып кеткен.

Министр не дейді

Сәуір айында Ресей тарапынан тағы бір мәлімдеме жасалып, Қазақстанда өндірілген өнімнен листерия анықталғаны хабарланды. Осыдан кейін Қазақстанда арнайы комиссия құрылды. Министрдің айтуынша...

Дәу бас алматылықтардың жағасын ұстатты. Аль-Фараби даңғылы мен Назарбаев көшесі қиылысындағы алып бас мүсіні таңғалдырды.

Алматыда ашылуға дайындалып жатқан Almaty Museum of Arts заманауи өнер мұражайының алдына ерекше мүсін орнатылды. Бұл жаңалықты алғаш болып Threads әлеуметтік желісінің қолданушылары байқаған.

Мүсін – әлемге танымал испандық мүсінші Жауме Пленсаға тиесілі туынды. Бұл туралы блогер Әлішер Елікбаев әлеуметтік желіде жазба қалдырды.

«Мен Угандада жүргенде, Алматыда әйгілі мүсінші Жауме Пленсаның жұмысы орнатылды. Оның туындыларын Барселона, Мадрид секілді қалалардың көшелерінен көрген боларсыздар», – деді ол.

Пленсаның мүсіні енді Алматыда тұрмақ. Мүсінші әлемнің көптеген қалаларында адам кейпіндегі, көбіне...

АҚШ-та заңсыз жүрген қазақстандық мигранттар енді өз еркімен елге оралу мүмкіндігіне ие. 2025 жылғы 10 мамырда АҚШ президенті Дональд Трамп арнайы жарлыққа қол қойып, заңсыз мигранттар үшін елден ерікті түрде шығуға арналған бағдарлама іске қосылғанын мәлімдеді.

Бұл бастама аясында АҚШ аумағындағы заңсыз мигранттар, соның ішінде қазақстандықтар да, арнайы CBP Home атты мобильді қосымша арқылы билеттерін алдын ала брондап, тегін ұшуға мүмкіндік алады. Сонымен қатар, мигранттарға $1000 көлемінде қаржылай сыйақы қарастырылған.

«Бүгін мен Америка тарихындағы алғашқы өз еркімен депортациялау бағдарламасын бастау туралы жарлыққа қол қойдым. Кез келген адам жай ғана әуежайға келіп, тегін билет ала алады...