Жаңалықтар

Ақпан айында Қазақстанның қызмет көрсету саласындағы іскерлік белсенділік өсімі елеусіз ғана болды. Freedom Holding Corp. және S&P Global деректері негізінде PMI индексі 50,2 деңгейінде қалыптасты. Қаңтардағы 51,3 көрсеткішінен төмен. Бұл Қазақстандағы қызмет көрсету саласында іскерлік белсенділік баяулағанын байқатады.

Бәсекелестік күшейіп, шығындар өсті

Респонденттердің пікірінше, бәсекелестіктің артуы бизнестің дамуына кері әсерін тигізген. Сонымен қатар шығындар инфляциясы жоғары деңгейде сақталып отыр

Өндірістік шығындар үш ай қатарынан өсіп, соңғы бір жылдағы ең жоғары деңгейге жеткен. Осыған байланысты көптеген компания бағаны көтеруге мәжбүр болды.

Алдағы жылға деген сенім жоғары

Жағымды жаңалық – қызмет көрсету секторының кәсіпкерлері болашаққа оптимистік көзқараспен қарайды...

Үкімет өткен аптада  BI Group және BAZIS сынды ірі құрылыс компанияларына, мейрамханалар, фитнес-клубтарға  «тапқан табыстарыңнан аз салық төлеп отырсыңдар» деп шүйлікті. Тіпті премьер-министр Олжас Бектенов оларға салықты толық төлеуге екі апта уақыт беріп, талап орындалмаған жағдайда «соңы қиын болатынын» ескерткен.

Алайда Бектеновтің сынына жауап берген қос құрылыс компаниясы да «салықты уақытылы төлеп отырмыз, кез келген тексеріске дайынбыз» деп жауап қатты.

Ал Қаржы министрлігі аталмыш құрылыс компаниялары салық төленетін кірісін 16 млрд теңгеге кем көрсетті деп мәлімдеді. Bazis компаниясы 4,6 млрд теңге кірісіне салық төлемесе, BI Group 11,9 млрд теңге табысына есеп тапсырмаған.

Мәжіліс кулуарында журналистер...

Қазақстанда маркетплейстерден түсетін салық мөлшері артып келеді. Бұл туралы Мәжіліс кулуарында журналистердің сұрақтарына жауап берген Премьер-министрдің орынбасары Серік Жұманғарин мәлімдеді.

Қытайлық Temu мен Pindoudou салық төлеушілер қатарына қосылды

Министрдің айтуынша, Қытайдың Temu және Pindoudou платформалары Қазақстанда тіркеліп, қосымша құн салығы (ҚҚС) төлеушілер қатарына енді.

«Біз ешкіммен арнайы келіссөз жүргізбейміз, тек ортақ ережелерді орнатамыз. Маркетплейстер сол ережелерді орындауы керек немесе біздің нарықтан кетеді. Қазіргі уақытта Temu мен Pindoudou шартты тіркеуден өтіп, ҚҚС төлеушілер тізімінде», – деді Жұманғарин.

Жұманғариннің мәліметінше, Қазақстанда электронды сауда платформалары үшін бірыңғай талаптар бар. Атап айтқанда, 200 еуродан және 31 келіден...

Астана қаласында бірнеше азаматтың бір пәтерге тіркелуіне шектеу енгізіледі. Вице-премьер – ұлттық экономика министрі Серік Жұманғарин осылай деп мәлімдеді.

Тіркеу мәселесін Астана мәслихаты шешеді

Мәжілістің сәрсенбідегі жалпы отырысында Астана және республикалық маңызы бар қалаларды дамыту мәселелері туралы заң жобасы талқыланды. Құжат авторлары азаматтарды тұрғын үй көлеміне қарай тіркеуге алу тәртібін жергілікті мәслихаттардың құзыретіне қалдырған.

Жұманғариннің айтуынша, қалалық мәслихат қарайтын өзекті мәселенің пәтер иесінің жақын туыстарын тіркеуге алуға ешқандай қатысы жоқ. Заң бір тұрғын үйге басқа бір ондаған адамның тіркелуін шектеуді көздейді.

«Астана үлкен болғаны сонша, полицияның, көші-қон қызметінің үйдің бәрін тексеріп...

Бұрынғы әділет министрі Марат Бекетаев 10 наурызға дейін қамауда болады. Ақпаратты KursivMedia тілшісіне бас прокуратураның баспасөз қызметі растады.

«Тергеу сотының шешімімен күдіктіні қамауда ұстау мерзімі 2025 жылдың 10 наурызына дейін ұзартылды», – делінген ақпаратта.

Бұған дейін Марат Бекетаевқа қатысты қылмыстық істі тергеу аяқталғаны, тараптардың іс материалдарымен танысып жатқаны хабарланды.

Экс-министр 2023 жылдың қазанында жеке компания басшылығымен бірге бюджет қаражатын аса ірі мөлшерде жымқырды, алаяқтық жасады және кәсіпкерлік қызметке заңсыз қатысты деген күдік негізінде қамалды. Содан кейін Бас прокурордың орынбасары Әсет Шындалиев экс-министр Марат Бекетаевтың елден қашпақ болғанда ұсталғанын мәлімдеді.

Марат Бекетаев 2016-2022 жылдары Әділет министр...

«Болашақ сәулетшілері» қорының негізін қалаған Марат Әбиев қылмыстық топ құрып, экономикалық контрабандамен айналысқаны үшін 9 жылға сотталды. Бұл туралы Қаржы мониторингі агенттігінің баспасөз қызметі хабарлады.

«2025 жылы 14 ақпанда Астана қаласының мамандандырылған ауданаралық сотының үкімімен «Болашақ сәулетшілері» қорының негізін қалаушы Марат Әбиев пен оның сыбайластары сотталды», – делінген баспасөз хбарламасында.

Қандай айып тағылды?

Марат Әбиев Қылмыстық кодекстің бірнеше баптары бойынша жауапқа тартылған. Олар мынадай:

Жеңілдетілген салық режимі тек шағын бизнеске ғана арналған еді. Бірақ қазір оны орта және ірі кәсіпкерлік те пайдаланып кетті. Нәтижесінде қосылған құн салығының базасы жоғала бастады. Бүгін, 5 наурыз күні, Алматыда өткен CFO Summit шарасында Visor инвестициялық компаниясының басқарушы серіктесі Алмас Чукин баяндамасында осылай деп мәлім етті.

«Өздеріңіз білетін шығарсыздар, жеткізушілердің 70%-ға жуығы жеңілдетілген режимдегілер. Олардан электронды шот-фактура ала алмаймын, есеп ала алмаймын, ары қарай тізбек үзіліп кетеді, оның бәрі бизнеске әсер етеді», – дейді ол.

Енді жаңа өзгерістерден кейін сол шағын бизнес те, орта бизнес те жаппай ҚҚС төлеуге көшеді.

Мемлекет меншігіндегі 500-ге тарта компания жекенің қолына өтпек. Бұл туралы Бәсекелестікті қорғау және дамыту агенттігі хабарлады.

Қазіргі таңда Ұлттық жекешелендіру тізімі жасалып жатыр. Бұл тізімге әзірге 461 нысан енген.

Тізім Экономиканы жаңғырту жөніндегі комиссияға ұсынылып, Реформалар жөніндегі Жоғары кеңес қараған соң, Жекешелендіру кешенді жоспарына енгізілмек.

Жекешелендіру процесі 2028 жылдың соңына дейін жалғасады. Осы уақыт аралығында арнайы мониторинг жүйесі енгізіліп, әрбір нысанның жаңа меншікке өтуі қатаң бақылауда болады. Жол картасы дайындалып, уәкілетті мемлекеттік органдар есеп беріп отырады.

Бұл өзгерістер бәсекелестікті арттырып, инвестициялық тартымдылықты күшейтіп, мемлекеттік сектордың ықпалын азайтуға бағытталған.

Егер бұл компаниялар сатылса, Ұлттық қорға 1,4 трлн теңге қаражат...

Мәжіліс депутаты Ринат Зайытов дүкендер мен ғимарат маңдайшаларынан кириллицада жазылған атауларды алып тастап, орнына тек латынша жазу қалдыруды ұсынды. Бұл туралы депутат сәрсенбі, 5 наурыз күнгі Мәжіліс отырысында айтты.

«Дизайн-код туралы айтып жатырмыз. Ірі қала болғандықтан, мұндай шаһарларға көп турист келеді. Бірақ бір нюанс бар. Кез-келген жерге барсаңыз, маңдайшалар мен тақтайшаларда үш түрлі жазу тұрады. Кириллицамен қазақша, кириллицмен орысша және латынша жазамыз. Қазір минимализм заманы. Кирилицаны ешкім түсініп жатқан жоқ. Ең болмаса, мемлекеттік емес органдар ғимаратының маңдайшаларындағы жазуларды дизайн кодқа сай, тек латын әліпбиінде жазамыз деген ұсыныс берілсе. Осыған үкіметтің көзқарасы қандай?», – деп сұрады...

АҚШ президенті Дональд Трамптың стратегиялық криптовалюта резервін құру жөніндегі мәлімдемесінен кейін криптовалюта саласы жанданып шыға келді. Ай бойы есе жіберген Bitcoin бірден 10%-ға, ал Ethereum шамамен 15%-ға көтерілді.

Құны олардан әлдеқайда төмен XRP, Solana және Cardano монеталары еселеп өсті. Мәселен, Cardano блокчейніне жататын Ada бірден 70%-ға өсті. Осылардың бәрі Трамп атаған бестікте бар.

Бұлардың артында кімдер тұр? Оның Ақ үймен қандай байланысы бар?

Бұл қандай токендер?

Financial Times мәліметінше, өз атымен токен шығарған Solana Labs пен Ripple Labs Құрама Штаттарда орналасқан, ал Cardano монетасын алға ілгерілетіп жүрген Чарльз Хоскинсон Колорадо штатында тұратын америкалық.

Ripple Labs...

Қарағанды облысының Әлихан Бөкейхан ауданы сотында «Костенко» шахтасында 46 кенші қаза тапқан жағдайға қатысты қылмыстық іс қаралып жатыр. Бас прокуратураның хабарлауынша, айыпталушылар қатарында 10 адам бар.

Істі Бас прокуратура тергеген. Сотқа тартылғандар арасында шахта басшылығы мен инженерлік-техникалық қызметкерлері бар. Оларға Қылмыстық кодекстің 277-бабы 3-бөлігі – тау-кен жұмыстарын жүргізу кезінде қауіпсіздік ережелерін бұзды деген айып тағылған.

10 айыпталушы қамауда отыр, іс бойынша 74 жәбірленуші бар.

2025 жылдың 5 наурызында қылмыстық іс бойынша алдын ала сот тыңдауы басталды. Қарағанды облысы Әлихан Бөкейхан ауданы сотының баспасөз қызметі KursivMedia тілшісіне істің №61 түрмеде қаралып жатқанын, сол себепті сотқа онлайн қатысу мүмкін емес екенін мәлімдеді.

Шымкент әкімінің орынбасары Айдын Кәрімов қаладағы жемқорлықты жою үшін қандай шаралар атқарылып жатқанын айтты деп хабарлайды KursivMedia.

Мәжіліс кулуарында БАҚ өкілдері Кәрімовтен «Шымкентте жиын барысында Сыбайлас жемқорлыққа қарсы іс-қимыл агенттігі қызметкерлері шенеунікті ұстаған еді. Содан кейін қалада жемқорлық тоқтады ма?» деп сұрады.

Әкім орынбасарының сөзінше, Шымкентте бұл бағытта жұмыс жүргізіліп жатыр.

«Мұндай келеңсіз жағдайды болдырмай, тәуекелдерді азайту үшін шаралар қабылдап жатырмыз. Сол жұмыстар нәтиже береді деген сенімдеміз», – дейді ол.

Сондай-ақ «Қазақстан бойынша Шымкентті жемқорлық жоқ қала деп айтуға бола ма?» деген сұрақ қойылды.

Әкім орынбасары бұған халық пен құзырлы органдар баға беретінін айтып...

Қазақстанда коллекторлар қызметіне қатысты жаңа талаптар енгізілді. Қаржы нарығын реттеу және дамыту агенттігі (ҚНРДА) коллекторлық агенттіктердің жеке тұлғалардың қарызын реттеу ережелерін бекітті.

Енді коллекторлар борышкерлердің өтінішін тіркеу, әрбір өтініш бойынша қандай шаралар қабылданғанын көрсету, қарыз төлеу шарттарын өзгертуден бас тартса – себебін түсіндіруге міндетті.

Одан бөлек борышкерлерге олардың агенттікке жүгініп, қарызды реттей алатынын хабарлауы керек. Сонымен қатар бұрын коллекторлар ведомствоға өздері ақпарат тапсыратын болса, енді бұл процесс автоматтандырылады.

ҚНРДА бұл өзгерістер коллекторлардың жұмысын жақсарту, борышкерлердің құқықтарын қорғау және барлық қатысушының өзара іс-қимылын жеңілдетуге бағытталғанын айтты.

Құжат ресми жарияланғаннан кейін 10 күннен соң күшіне енеді.

2024 жылдың маусымында Президент Қасым-Жомарт...

Той шығындарына заңмен тыйым салынуға билік назарын аудара бастады. Қазіргі таңда қазақтың тойларының тым даңғазалыққа, ысырапшылдыққа айналып бара жатқаны жиі талқыланатын тақырыптардың біріне айналды. Бұл мәселені көрші елдердегі жағдаймен салыстыра отырып қарастырып көрдік.

Өзбекстандағы той мәдениеті – шектеулердің нәтижесі

Өзбекстанда 2020 жылдан бастап той өткізуге қатаң шектеулер енгізілді. Ел билігі халықтың артық шығынға батпауы үшін бірқатар заңдар қабылдады:

Өзбек билігі бұл заңды халықтың қаржылы...

Ақын Ханбибі Есенқарақызы «жала жапқаны үшін» баспагер Бақытжан Бұқарбайды сотқа бергенін хабарлады.

Ханбибі Есенқарақызы баспагердің марқұмның бала-шағасына көңіл айтпады дегені жалған екенін айтады.

«Мені «көңіл айтпады» деп кінәлайды. Ертерек барған соң, ағаның туған-туыстарымен құшақтасып көрісіп, «қазаның артынан қайырын берсін» деп жұбату сөзін айтқанымда, әттең жанымда «Бақытжан Бұқарбаевтың болмағаны «өкінішті-ақ» » деп жазды ол баспагердің өзін сынап жазған жазбасына.

Ал сыйлық мәселесін даулайтын ойы болмағанын атап өтті.

«Дулат ағаның менің прозаға келуіме септігін тигізгендігін, повесімді оқып болып, «құттықтаймын» дегенін тіптен «Үркер» бағдарламасында Смағұл Елубаев екеуінің берген бағасын (дәлел керек...

Инаугурациядан кейін Панама мен Гренландияны Америка құрамына қосып алғысы келетінін айтқан АҚШ президенті Дональд Трамп дегеніне жетуге жақын. Панама каналының негізгі порттары енді АҚШ бақылауына өтеді. Бұл туралы ВВС басылымы хабарлады.

Негізгі кеңсесі Гонконгта орналасқан Hutchison холдингі Панама каналы аймағындағы екі негізгі портты америкалық консорциумға беру туралы шешім қабылдаған.

«CK Hutchison Holdings компаниясы Panama Ports Company-дегі 90 пайыздық үлесін, яғни каналдың екі жағындағы «Бальбоа» және «Кристобаль» порттарын басқаратын компанияны, BlackRock америкалық инвестициялық компаниясы басқаратын консорциумға сататынын хабарлады», – деп жазады басылым.

Бұл мәміле құны 14 млрд доллардан асады. Оған сәйкес америкалықтар Hutchison...

Қазақстанның халық әртісі Димаш Құдайберген екі мәрте «Грэмми» сыйлығының иегері, әлемге әйгілі продюсер әрі композитор Уолтер Афанасьевпен бірге жазған туындысын тыңдармандарына ұсынбақ. Жаңа Love’s not over yet әнінің тұсаукесері 7 наурызға жоспарланған.

Музыка әлеміндегі әйгілі продюсер

Маэстро Уолтер Афанасьев – әлемдік деңгейдегі жұлдыздармен бірге жұмыс істеген тәжірибелі композитор. Ол Уитни Хьюстон, Барбара Стрейзанд, Мэрайя Кэри, Селин Дион, Лара Фабиан, Рикки Мартин, Леона Льюис, Savage Garden сияқты танымал әртістермен бірлесе отырып, аты аңызға айналған әндерді жазды. Олардың қатарында:

Каирде өткен Араб мемлекеттері лигасының (АМЛ) саммитінде араб елдерінің басшылары Газа секторын қалпына келтіру жоспарын мақұлдады. Бұл туралы BBC арнасы хабарлады.

Мысыр әзірлеген бұл жоспар тұрғындарды күштеп қоныс аударуды қарастырмайды және оны жүзеге асыруға 53 млрд доллар бөлінеді.

Жоспардың негізгі бағыттары

Мысырдың бұл бастамасы АҚШ президенті Дональд Трамптың «Газаны Таяу Шығыстың Ривьерасына айналдыру» жоспарына балама ретінде ұсынылды. Трамптың жоспары 2 миллионнан астам палестиналықты басқа араб елдеріне көшіруді қарастырған.

АМЛ бас хатшысы Ахмет Абуль Гейт саммиттен кейін: «Мысырдың жоспары енді бүкіл араб әлемінің жоспарына айналды», – деп мәлімдеді.

Мысыр өз жоспарын арнайы дайындалған 91 беттен тұратын...

Украина президенті Владимир Зеленский АҚШ президенті Дональд Трамппен арадағы ашық пікірталасқа байланысты жаңа мәлімдеме жасады. Зеленский Вашингтондағы кездесу сәтсіз өткеніне өкініш білдіргенімен, тікелей кешірім сұрамады. Сонымен қатар, Зеленский соғысты тоқтату үшін Трамппен бірлесіп жұмыс істеуге дайын екенін айтып, кезең-кезеңмен бітімге келу жоспарын ұсынды.

Бұл мәлімдеме АҚШ-тың Украинаға әскери көмекті уақытша тоқтатқанынан бірнеше сағат өткен соң жарияланды. Зеленский әлеуметтік желідегі жазбасында Трамптың бұл шешімін тікелей сынға алмағанымен, Украина тарапы Вашингтоннан нақты ақпарат күтетінін айтты.

АҚШ-тың шешімі және Киевтің жауабы

АҚШ-тың әскери көмекті тоқтатуы туралы ақпарат тарағаннан кейін, Зеленский Украина халқына үндеу жасады. Ол Киевке қандай көмектің тоқтатылғаны туралы...

Соңғы бес жылда Қазақстанның автокөлік нарығы айтарлықтай өзгерістерге ұшырады. Әлемдік және ішкі экономикалық факторлардың әсерінен автокөлік бағалары тұрақты түрде өсіп келеді. Бұл ретте Kursiv.Мedia тілшісі осы кезеңде бағасы ең көп қымбаттаған автокөлік модельдерін, олардың қазіргі құнын және бағаның өсуіне әсер еткен негізгі факторларды талдады.

Автокөлік бағасының өсуіне әсер ететін негізгі факторлар

Мамандардың айтуынша, автокөлік бағасының қымбаттауына ұлттық валютаның құнсыздануы, логистикалық шығындардың артуы, сұраныс пен ұсыныс арасындағы теңгерімнің болмауы, салықтар мен алымдардың өзгеруі сынды бірнеше фактор ықпал етеді. 

5 жылда ең көп қымбаттаған автокөлік модельдері

Toyota Land Cruiser 300

Валюта айырбастау дегенді қаржы операциясы деп қана қарастырмау керек. Себебі бұл туралы біліміңіз болмаса яки мұқият қарамасаңыз, алданып қалуыңыз мүмкін. Оған қоса курстың құбылып тұратыны білмесеңіз, дұрыс емес жерден айырбастасаңыз, ұтылып қаласыз. Олай болса, бүгінгі материалымызда валютаны қауіпсіз әрі тиімді айырбастаудың жолдары туралы айтамыз.

1. Валюта курсы қалай қалыптасады?

Валюта курсы бірнеше факторға байланысты қалыптасады:

Энергетика министрлігі Қазақстан ОПЕК+ ұйымына қатысты міндеттемелерін орындайтынын мәлімдеді.

Министрліктің хабарлауынша, ақпан айында Қазақстан өз міндеттемелерін орындау үшін барлық қажетті шараны қабылдаған. Ал 2025 жылдың 3 наурызында өткен виртуалды кездесуге қатысып, ОПЕК+ ұйымына кіретін Сауд Арабиясы, Ресей, Ирак, Біріккен Араб Әмірліктері, Кувейт, Қазақстан, Алжир және Оман елдерімен әлемдік нарықтағы жағдайлар мен болашақтағы перспективаларды талқылаған.

«Қазақстан Республикасының Энергетика министрі Алмасадам Сәтқалиев өтемақы тетігін қоса алғанда, Қазақстан ОПЕК+ келісімі бойынша өз міндеттемелерін әлі де толық ұстанатынын растады», – деп хабарлайды баспасөз қызмеьі.

Министрлік мәлімдемесінде Қазақстанның 2024 жылғы қаңтардан бастап артық өндірілген көлемдер бойынша өтемақы...

2024 жылдың қаңтарында қазақстандық жүргізушілердің өтуіне тыйым салынған Ресей-Беларусь шекарасы қайта ашылды. Бұл туралы Сауда және интеграция министрлігінің баспасөз қызметі хабарлады.

«Қазақстан мен Ресей Үкіметтері арасында жедел келіссөздер жүргізіліп, нәтижесінде 2024 жылғы 12 қаңтарда қазақстандық тасымалдаушылар үшін «Езерище-Невель» (Лобок) шекара өткелі ашылды», – деп хабарлайды баспасөз қызметі.

Қашан тыйым салынды?

2024 жылдың 8 қаңтарында Ресей Федералдық қауіпсіздік қызметінің Шекара қызметі шетелдік тасымалдаушыларға, соның ішінде қазақстандық тасымалдаушыларға Ресей-Беларусь шекарасын кесіп өтуге толық тыйым салған болатын. Тыйымға байланысты ЕуроОдақ елдерінен Беларусь аумағы арқылы және оған қарсы бағыттағы барлық транзиттік жол жабылды.

Қазақстан банктері Ресейдің санкцияға ұшыраған Қаржы хабарламаларын жіберу жүйесін пайдалануды толық тоқтатқан. Бұл туралы Kursiv.Media басылымына Ұлттық банк хабарлады.

2025 жылдың 24 ақпанында Еуропалық Одақ Ресейге қарсы 16-шы санкциялық пакетін жариялады. Қара тізімде Ресейдің Қаржы хабарламаларын жіберу жүйесі де бар.

Қазақстанның «Ұлттық төлем корпорациясы» (ҰТК) 2024 жылдың шілде айынан бастап осы жүйемен интеграцияланған болатын. Сол кездері Ресейдің Қаржы хабарламаларын жіберу жүйесін Bereke Bank-тің де пайдаланатыны айтылған еді.

Реттеуші редакцияның «қазіргі уақытта «Ұлттық төлем корпорациясы» Ресейдің санкцияға ұшыраған Қаржы хабарламаларын жіберу жүйесімен жұмыс жүргізе ме» деген сауалына нақты жауап бермеген. Десе де жүйенің қаржы ұйымдары арасында қаржылық хабарламалармен...