Жаңалықтар

Қаржы министрлігінің Мемлекеттік кірістер комитеті (МКК) алаяқтардың ведомство атын жамылып, жалған хабарламалар тарата бастағаны туралы хабарлады.

Комитет хабарлауынша, бұл хабарламалар салық төлеушілердің электронды поштасына «Заң бұзушылықтарды жою туралы ескерту, банктік шоттағы ақшаны пайдаланып бюджетке берешекті өндіріп алу» деген тақырыппен келеді.

«Мемлекеттік кірістер органдары жасаған барлық хабарлама нормативтік құқықтық актілермен бекітілгенін хабарлайды. Қазақстан Республикасы Қаржы министрлігі Мемлекеттік кірістер комитетінің ақпараттық жүйелерінде хабарламаларды қалыптастыру кезінде хабарлама нөмірлері оларға енгізілген алгоритм бойынша автоматты түрде қалыптастырылады», – деп ескертеді комитет.

Сонымен бірге комитет жеке электронды поштаға хабарлама жібермейтінін, МКК ақпараттық жүйелері хабарламаларды тек «Салық төлеушінің шотына», «Электронды...

Арқалық пен Ақмола облысындағы апаттардан соң, Көлік министрлігі Ан-2 ұшақтары тексерілетінін хабарлады. Министрлік еліміздегі әуе апттарының жиілеп кеткеніне алаңдаулы.

«Қазақстанның авиациялық әкімшілігі ҚР Көлік министрлігі Азаматтық авиация комитетінің тапсырмасына сәйкес  авиациялық оқиғалардың қайталануын алдын алуға, оның ішінде компаниялардың қызметін тоқтата тұру, әуе кемелерінің ұшуға жарамдылығы сертификаттарының қолданылуын тоқтата тұру, заңнама талаптарын бұзған тұлғаларды әкімшілік жауапқа тарту шараларын күшейтеді», – делінген хабарламада,

Сондай-ақ ұшақ иелеріне ұшу жарамдылығын бағалау бағдарламасы бойынша Ан-2 үлгісіндегі барлық әуе кемесіне қосымша бағалау жүргізу бойынша нұсқаулар берілді. Оқиғалардың себеп-салдарын Көлік министрлігінің авиациялық оқиғаларды тергеу жөніндегі комиссиясы тексереді.

Мамыр айында Арқалықта АН...

Мемлекет басшысы Қасым-Жомарт Тоқаев Мысыр президенті Әбдел Фаттах Ас-Сисиге құттықтау жеделхатын жолдады деп хабарлайды Ақорда.

Президент жеделхатты Қазақстан халқының және жеке өзінің атынан Әбдел Фаттах Ас-Сиси мен мысырлықтарға жолдаған. 23 шілде күні Мысыр халқы ұлттық мейрам – Революция күнін тойлайды.

«Қазақстан мен Мысыр арасындағы ортақ рухани құндылықтар мен жан-жақты өзара ынтымақтастыққа негізделген дәстүрлі қатынастардың өрісі кеңейгенін зор ризашылықпен атап өтемін. Халықтарымыздың игілігі үшін екіжақты және көпжақты форматтардағы серіктестігіміз болашақта да өзінің жалғасын тауып, қарқынды дами беретініне кәміл сенемін», – деп жазылған жеделхатта.

Қасым-Жомарт Тоқаев Әбдел Фаттах Ас-Сисидің жұмысына сәттілік пен табыс, ал...

Джо Байден Украинаны қолдау туралы заң бойынша өз өкілеттігін АҚШ-тың қазынашылық және мемлекеттік департаменті басшыларына берді. Ақ үйдің хабарлауынша, өкілеттіктің бір бөлігі Ресей Федерациясының тыйым салынған активтеріне қатысты.

АҚШ президенті «Экономиканы қалпына келтіру және украиналықтардың мүмкіндіктері туралы» заңға сәйкес, өз өкілеттігін АҚШ-тың қазына министрі Джанет Йеллен мен мемлекеттік хатшы Энтони Блинкенге берген.

Джо Байденнің Ресейдің тыйым салынған активтерін тәркілеу мүмкіндігіне қатысты өкілеттіктерді беретіні белгілі болды. Онда осы құжат күші «меморандумда айтылған ережелермен бірдей немесе айтарлықтай сәйкес келетін кез келген болашақ үкімет заңдарының кез келген ережелеріне қолданылатыны» атап өтіледі.

Өткен аптада Джо Байден үшінші рет коронавирус жұқтырып алды...

Қарағандының YDD Corporation ферроқорытпа зауытындағы жарылыс кезінде күйік шалған Музафар Исмайлов ауруханада қайтыс болды. Бұл туралы зауыттың баспасөз қызметі хабарлады.

«Біздің әріптесіміз, пеш бастығы Исмайлов Музафар Имантайұлы ауруханада қайтыс болды. Біз Музафардың отбасы мен оның жақындарына осынау қиын сәтте қайғыларына ортақтасып, көңіл айтамыз. Сондай-ақ оның отбасы мүшелерінің осы қиын кезеңнен өтуі үшін қолдан келгеннің бәрін жасаймыз»,- делінген компания хабарламасында.

Мұзафар Исмаилов 31 жаста еді. Оның денесінің 85 пайызын қатты күйік шалған.

Еске сала кетсек, Қарағандының ферроқорытпа зауытында 20 шілдеде таңғы сағат 4 шамасында 8 жұмысшы жарақат алып, денелерін күйік шалғаны туралы хабар тарады...

Орталық Азия елдерінен үздік он стартап Alchemist Accelerator бағдарламасы бойынша іріктеліп алынды және Кремний алқабында бірегей оқу мүмкіндігіне ие болды. Цифрлық даму министрлігі АҚШ-та өтетін бұл курс биыл 12 тамызда басталып, қазан айының соңына дейін 10 аптаға созылатынын хабарлады.

AlchemistX – бұл корпоративтік инновациялар мен мемлекеттік қызметтерді қолдайтын Alchemist Accelerator бөлімшесі. Он жылдан астам уақыт бойы бүкіл әлем бойынша табысты негізін қалаушылар мен кәсіпкерлерді қолдап келеді.

«Бағдарлама Қазақстан, Қырғызстан, Өзбекстан, Тәжікстан, Түрікменстан, Түркия, Моңғолия, Әзербайжан және Грузиядан келген B2B стартаптарына арналған. Қатысушы стартаптар Қазақстанда немесе МФЦА-да заңды түрде тіркелген болуы керек, клиенттік базаға ие болуы және ағылшын тілін еркін меңгеруі қажет», – деп анықтама берді ведомство.

Сонымен Alchemist Accelerator бағыты үшін он жоба таңдалды. Енді Silicon Valley Residency бағдарламасының қорытындылары әзірленуде.

Стартаптар тізімі:

cybernet.ai (Қазақстан) – Cybernet жасанды интеллект және LLM саласындағы ғылыми-зерттеу компаниясы, жасанды интеллект...

Биыл жалпыға бірдей декларациялаудың 3-кезеңі басталды. Бірақ Астана кәсіпкерлері есеп беруге асығар емес. Қаладағы 236 мыңнан астам кәсіпкер мен олардың жұбайлары декларация тапсыруы тиіс. Алайда олардың 70%-ы бұл  міндетін орындамаған.

«70 597 кәсіпкер (немесе 30%) декларация тапсырды, 165 404 (немесе 70%) жеке тұлға әлі тапсырған жоқ», – деп нақтылады әкімдік.

2023 жылдан бастап мемлекеттік мекемелер мен квазимемлекеттік сектор қызметкерлері, олардың жұбайлары активтері мен міндеттемелері туралы декларация (120 681 ЖТ) табыс етті. Қала әкімдігі 3 246 жеке тұлға әкімшілік жауапкершілікке тартылғанын ескертті.

Қаржы министрлігінің ақпаратына сүйенсек, 2024 жылы декларацияны 2,4 млн жеке тұлға табыстауы қажет. Жыл басынан...

Шымкент қаласында Қазақстанда тыйым салынған «Хизб-ут-Тахрир» радикал-экстремистік ұйымы ұсталды. Ұйым мүшелерін әшкерелеген қала прокуратурасына ҰҚК көмектескен. Жедел-іздестіру іс-шаралары кезінде 22 адам тұтқындалды.

Аталған топ Рамазан айы кезінде жиі бас қосқан.

«Жедел-іздестіру іс-шараларын жүргізу барысында ағымдағы жылдың Рамазан айында «ауызашар» өткізу сылтауымен радикалды экстремистік ұйымның жергілікті жақтастарының санын көбейту және үгіт-насихат  жұмыстарын жүргізу үшін діни жиындар өткізгені  анықталды», – деп мәлімдеді қала прокаратурасы.

Тінту кезінде Қазақстан Республикасында тыйым салынған 7 діни кітап, діни мазмұндағы 10-нан астам қолжазба және мәтіндік парақшалар, 6 ұялы телефон мен 4 ноутбук тәркіленді. Аталған факт бойынша ҚР ҚК-нің 256-бабынының 1-бөлігімен және...

Әлеуметтік-медициналық сақтандыру қоры Жоғарғы аудиторлық палата анықтаған көптеген бұзушылық ақпараттық жүйелердегі ақаулар және цифрландыру деңгейінің жеткіліксіздігінен болды деп түсіндірді. Қордың атап өтуінше, бұрынғылармен салыстырғанда  тексеру қорытындысында көрсетілген деректер әлдеқайда аз.

Аудиторлар әлеуметтік сақтандыру қорынан қаржыландырылған медициналық қызметтер үшін шамамен 32,5 миллиард теңгені құрайтын қызметтерге екі есе ақы төленгенін анықтады. Астанадағы екі ірі жеткізушінің жеке үй-жайлары, медициналық жабдықтары және қызметтердің жекелеген түрлеріне лицензиялары жоқ болып шықты.

Қор шоттарында 13 миллиард теңгенің қалған, яки бюджет қаражатының 26 ​​пайызы игерілмеген. Сақтандыру қоры бұған тиісті бұйрықтың кеш қабылдануы себеп болды деп отыр.

«2022 жылы амбулаториялық дәрі-дәрмекпен қамтамасыз ету тізбес...

Қазақстан қор биржасында 2024 жылғы 22 шілдеде сағат 17:00-де доллардың орташа сараланған бағамы 473,16 теңгеге тұрақтады.

19 шілдедегі сағат 17:00-дегі мәліметтермен салыстырғанда (1 доллар үшін 478,28 теңге) ұлттық валютаның долларға шаққандағы бағамы 5,12 теңгеге нығайды.

KASE ақпаратына сәйкес, сауда барысында доллардың ең төменгі бағамы – 472,15 теңге, максималды – 474,50 теңге, жабылу бағамы – 473,30 теңге болды. АҚШ валютасымен сауда көлемі 209 млн 879 мың долларды құрады. Валюталық операциялар бойынша транзакциялар саны – 643.

Kurs.kz дерегінше, елорданың айырбастау орындарында АҚШ валютасын сатып алу, сату 472-474 теңге. Алматыда 473-475 теңгеге тең.

Егер 2024 жылғы 12 маусымнан бері доллар...

18 шілдеден бастап қазақстандық кинотеатрлардың экранына Асхат Кучинчерековтің «Бауырына салу» фильмі шықты. Бұл көпшілікке режиссер Сергей Дворцевойдың «Қызғалдақ» (Тюльпан) фильмінде басты рөлді ойнап, актер ретінде танылған Кучинчерековтің алғашқы толықметражды фильмі. Он жыл бұрын кішкене баланың арманы туралы «Бензин бітті» қысқа метрлі фильмімен әлемдік кинофестивальдерде режиссер ретінде дебют жасаған. «Курсив» автордың тағы бір баланың арманы жайлы жаңа туындысын көріп, мән-мағынасына үңілді.

«Бауырына салу» – қазақ халқының ежелгі дәстүрлерінің бірі. Түпкі мақсаты – алыс-жақын туысының жас сәбиін бала сүйе алмай жүрген келіншектің бауырына салу. Ана сүтіне жарып үлгермеген сәбиді туысының «бауырынан өткізіп», омырауын ағытып, жағасынан салынған баланы етегінен шығарып алады. Осы сәттен...

Бағалы қағаздар нарығында айла-шарғы қолданып мәміле жасаған жеке тұлғаны Астана прокуратурасы анықтады. Әкімшілік құқық бұзушылықтар туралы кодекстің 259-бабы бойынша заң бұзған адам әкімшілік жауапкершілікке тартылды. Сот шешімі бойынша оған 2,2 млн теңге мөлшерінде айыппұл салынды.

«Аталған тұлға өзінің өтінімі бойынша екі брокер арқылы 6 күн ішінде нарықтың бір компаниясының акцияларымен 9 мәміле жасағаны анықталды, бұл «Бағалы қағаздар нарығы туралы» заңға және Ұлттық Банк басқармасының қаулысына қайшы келеді. Жасалған мәмілелер бағалы қағаздар нарығындағы сауда көлеміне айтарлықтай әсер етті», – деп хабарлады Астана қаласының прокуратурасы.

Шілде айында Қаржы нарығын реттеу және дамыту агенттігі тағы 5 ломбардтың қызметін 3 айға тоқтатты. Жұмысы...

Қазақстан экономикасының өсу қарқыны 2024 жылдың қаңтар-маусым айларында 3,9 пайызға артқан. Бұл жайлы Еуразиялық даму банкінің баспасөз қызметі хабарлады.

Банк келтірген статистикаға сәйкес, 2024 жылдың қаңтар-маусым айларында қысқа мерзімді экономикалық индикатор 3,9%-ға өскен. Ал қаңтар-мамырда бұл көрсеткіш 3,7% болған.

Елде жоғары өсу қарқыны ақпарат және коммуникация секторында байқалған. Өткен жылмен салыстырғанда бұл көрсеткіш 8,7%-ға өскен. Ал құрылыста көрсеткіштер 8,6%-ға, көлік секторында 7,3%-ға көтерілген. Банк Қазақстан экономикасы 2024 жылы 5%-ға өседі деп болжап отыр.

«Қазақстан экономикасы 2024 жылы ЖІӨ-нің шамамен 5% өсу қарқынын сақтайды. Қазақстан экономикасын әртараптандыру бойынша үкіметтің шаралары экономиканың катализаторы болып...

2024 жылдың II тоқсанында 15 000-ға жуық алтын құйма сатылған. Бұл І тоқсанмен салыстырғанда 22 пайызға аз.

Сәуір-маусым аралығында халық екінші деңгейлі банктер мен айырбастау пунктерінен жалпы салмағы 779,2 келі 14 752 алтын құймасын сатып алған.

Бұл бірінші тоқсанмен салыстырғанда 4217 дана және 37,2 келіге аз. Алайда өсім жылма-жыл сақталып отыр. 2023 жылдың ІІ тоқсанымен салыстырғанда сатылған алтын құймаларының салмағы 105% өскен.

II тоқсанда алтын құймаларды негізінен Алматы (9 705 дана, 66%), Жетісу облысы (1 515 дана, 10%) және Шымкент (1 173 дана, 8%) тұрғындары сатып алған.

Халыққа тазартылған алтын құймаларды сату және сатып алу бағдарламасын Ұлттық Банк...

Kaspi.kz акционерлік қоғамы (Nasdaq: KSPI) екінші тоқсанның және 2024 жылдың 30 маусымында аяқталған бірінші жартыжылдықтың аудиттелмеген шоғырландырылған қаржылық нәтижелерін жариялады.

2024 жылдың қаңтар-маусым айларында былтырғымен салыстырғанда қаржытех холдингінің таза кірісі 27%-ға артты. Осылайша көрсеткіш 466 млрд теңгеге жетті. Екінші тоқсанда пайда 243 млрд теңгені құрады. Бұл 2023 жылғы көрсеткіштен 25%-ға артық.

Бұл ретте шоғырландырылған кірісі алты айда 38%-ға өсіп, 1,2 трлн теңгеге жетті. Ал екінші тоқсанда 36%-ға өсіп, 599 млрд теңгені құрады.

2024 жылдың қаңтар-маусымында шоғырландырылған пайданың 68%-ы нарық және төлемдер бизнесінен түсті. Бұл бір жыл бұрынғы 61%-дан жоғары. Kaspi.kz-тегі тауар айналымының жалпы көлемі 62%-ға өсті.

Қарағанды облысының әкімі Ермағанбет Бөлекпаев Ерлан Нығматулинге тиесілі ферроқорытпа зауытындағы оқиғаны түбегейлі және объективті түрде тергеуді мықтап тапсырды. Ал YDD корпорациясының акционерлері мен басшылығы зардап шеккен қызметкерлердің барлық несиелерін төлеп беруге уәде берді.

Аймақ басшысы Ермағанбет Бөлекпаев ферроқорытпа зауытында орын алған жазатайым оқиғаның тергеу жұмыстарын өз қадағалауына алатынын жеткізді.

«Өздеріңіз білетіндей, ферроқорытпа зауытында штаттан тыс жағдай болып. Өкінішке қарай, 8 қызметкер зардап шекті. Қазір барлығына толық көлемде қажетті медициналық көмек көрсетілуде. Мен зардап шеккендердің туыстарымен жеке кездестім, дәрігерлермен де сөйлестім. Медицина қызметкерлері қолдан келгеннің бәрін жасап жатыр», – деді облыс әкімі.

Денсаулық сақтау...

Димаш Құдайбергеннің 13 қыркүйек күні Астанада өтетін концертіне билеттер сатылымға шықты. Бұл туралы әнші өзінің Istagram парақшасында жариялады.

«Құрметті достар! Ticketon.kz билет операторының сайтында STRANGER атты жеке концертімнің сатылымы басталды. Шоу 13-қыркүйекте Астана Арена стадионында өтеді», – делінген жазбада.

Таңдалған орындарға байланысты билет кұны 10 мың теңгеден 40 мың теңгеге дейін бағаланып отыр. Ал сахна алдында құрылатын фан-аймағына билеттер 15 мың теңгеден сатылып отыр. Концерт өтетін Астана Арена стадионына 30 мыңға жуық жанкүйер сыяды.

Әлемге әйгілі әншінің кеші 8-14 қыркүйек аралығында өтетін V Дүниежүзілік көшпенділер ойындары аясында ұйымдастырылып жатыр.

Бұған дейін Димаш Қазақстанда өнер...

Сыбайлас жемқорлыққа қарсы күрес агенттігі білім саласына тексеріс жүргізіп, нәтижесінде жемқорлық тәуекелі жоғары тұстарды анықтаған. Әсіресе, педагогтердің жалақы қорынан қомақты қаражат жымқырылып келген. Бұл жайлы Сыбайлас жемқорлыққа қарсы іс-қимыл агенттігінің сайтында жарияланған баяндамада жазылған.

Білім беру саласындағы талдау барысында агенттік педагогтердің еңбегіне ақы төлеу қорынан бюджет қаражатын жымқыру схемасын анықтаған. Бұл схема бюджет қаражатын жоспарлау және игеру кезеңдерінен басталып, бөлінетін қаражат алдын-ала артығымен есептеліп отырған. Солайша жымқыруға болжанған қаражат ретінде қорға жіберілген.

«Жымқырылған бюджет қаражатының негізгі үлесі педагогтердің еңбекақы төлеу қорына тиесілі. Осылайша, жымқыруға болжанған ақша қаражаты бюджеттік өтінімді негізсіз асыра сілтеу...

Бірыңғай жинақтаушы зейнетақы активтерінің 6 айдағы инвестициялық табысы инфляциядан 1,5 есе асып түсті. Қаңтар-маусым айларында Қазақстанда инфляция 3,9%-ды құрады. Ал Ұлттық банктің сенімгерлік басқаруындағы зейнетақы активтерінің инвесттабысы 6,59%-ға жеткен. 1 шілдедегі жағдай бойынша Ұлттық банктің сенімгерлік басқаруында 19,8 трлн теңге бар.

Бірінші несие бюросының жазуынша, 2023 жылдың дәл осы кезеңінде зейнетақы активтерінің табыстылығы инфляциядан әлдеқайда төмен болған. Былтыр қаңтар-маусым айларында инфляция 13,08% болса, активтердің инвесттабысы 8,4% деңгейінде қалыптасқан еді.

Маусым айында инвестициялық кіріс 6,5 жылдық кезеңдегі ең жоғары деңгейіне жетіп, 586,4 млрд теңгені құраған. Ал жарты жылда 1,23 триллион теңге көлемінде инвесттабыс есептелді. Номиналды түрде бұл...

«Үлкен жетілік» елдері Орталық Азияға 200 млрд доллар инвестициялауға дайын. Қаражаттың қомақты бөлігі Қазақстанға бағытталады. Бұл туралы Сыртқы істер министрінің орынбасары Назира Нұрбаеваның «Жаһандық инфрақұрылым және инвестициялық серіктестік» бағдарламасының АҚШ-тың арнайы үйлестірушісінің міндетін атқарушы Хелайна Мацамен кездесуінде белгілі болды.

Кездесуде тараптар көлік-логистика, таза энергия, ауыл шаруашылығы өнімдерін, сирек жер металдарын өндіру және өңдеу салаларындағы жобаларға инвестиция салу мүмкіндіктерін талқылады.

G7 «Жаһандық инфрақұрылым және инвестициялық серіктестік» бағдарламасы дамушы елдердегі инфрақұрылымдық жобаларға 2027 жылға қарай 600 миллиард доллар инвестиция салуды көздейді.

Жиын барысында Назира Нұрбаева Қазақстанның көлік инфрақұрылымын, оның ішінде Ақтау және Құрық теңіз порттары арқылы дамыту, таза энергия өндіру, маңызды пайдалы...

Студенттерге жатақхана беру ережесі өзгерді,. Осыған қатысты Ашық «НҚА» порталында жатақханаларындағы орындарды бөлу туралы құжат жобасы жарияланды.

Енді бұрынғыдай өтінім беріп, арыз қалдырмайды. Өтініш ұялы телефондағы eGov.kz веб-порталы арқылы қабылданады.

Сондай-ақ студент жатақханадағы орынға өтініш бермесе де, оған мұндай қызмет қажет екенін анықтау үшін автоматты хабарлама жіберілуі мүмкін. Бұл хабарламаға 24 сағат ішінде жауап беру керек.

Сонымен қатар орындарды бөлудің басымдық тәртібіне де өзгерістер енгізу қаралған. Олар келесі санаттарды ескере отырып келесі басым тәртіппен бөлінеді:

Бішкек ресейлік тележүргізуші Тина Канделакидің Қырғызстан билігінде «русофобия» бар деген мәлімдемесіне қатысты жауап берді

Қырғызстан Президенті Әкімшілігінің ақпараттық саясат бөлімінің басшысы Дайырбек Орынбеков Facebook парақшасында ресейлік журналист Тина Канделакидің айыптауына үн қатты.

«Біріншіден, ғимараттың жай-күйін мұқият талдағаннан кейін бұзу туралы шешім қабылданды. Екіншіден, Қырғызстан егеменді мемлекет. Биліктің шешімдері халықтың мүддесіне негізделген.Үшіншіден, Қырғызстан – орыс тілі мен мәдениеті өмірдің ажырамас бөлігі болып табылатын көпұлтты ел. Төртіншіден, Панфилов дивизиясын мәңгілік ету – Мәскеуді қорғау жолында қаза тапқан әкелеріміз бен аталарымызды еске алу. Біз ешкімнің мұндай тақырыпта пікір айтуына жол бермейміз».

Дайырбек Орынбеков ресейлік тележүргізушінің «русофобия» деп...

АҚШ президенті Джо Байден президент сайлауына қатыспайтынын айтқаннан кейін, оның орнына сайлауға түсетін Камала Харрис президенттік сайлау науқанына 7 сағатта 46,7 млн доллар жинады деп хабарлайды BBC порталы.

BBC мәліметіне сүйенсек, жексенбі, 21 шілде күні, кешке АҚШ-тың қазіргі вице-президенті Камала Харрис қолдау алу үшін беделді демократтармен, соның ішінде заң шығарушылармен және губернаторлармен телефон арқылы сөйлесе бастаған.

Қазірдің өзінде Харристі бұрынғы президент Билл Клинтон мен оның жұбайы, бұрынғы мемлекеттік хатшы Хилари Клинтон қолдаған.

Харристің командасы қаржы жинау үшін оның атынан электрон хаттар жібере бастаған.

«Мен АҚШ президенттігіне сайлауға түсемін. Президент қолдауына ие болу мен үшін үлкен...

Оңтүстік астанада мегаполис жастарын баспанамен қамтуға арналған «Алматы жастары» бағдарламасына құжат қабылдау басталады. Коммуналдық инфрақұрылымды дамыту басқармасы 2024 жылы 29 шілде мен 7 тамыз аралығында тұрғын үй сатып алуға қажетті жеңілдетілген несие жобасына өтінімдер қабылдайды. Ипотекалық бағдарламаға 35 жасқа дейінгі жастар қатыса алады.

Биыл 1200 адамды баспанамен қамту жоспарланған.

Бағдарламаға қатысу үшін өтінімді www.almaty-zhastary2024.kz сайты арқылы беруге болады. Бұл үшін электрондық цифрлық қолтаңба (ЭЦҚ) қажет.

Бағдарлама аясында несие беру шарттары: