Жаңалықтар

Қала көшелеріндегі электросамокаттардың жылдамдығын реттемеген кикшерингтік компания жетекшілері енді жазаға тартылуы мүмкін. Бұл туралы Орталық коммуникациялар қызметінде өткен брифингте ҚР ІІМ Әкімшілік полиция комитеті төрағасы Қайсар Сұлтанбаев айтты.

БАҚ өкілдері жаяу жүргіншілерге жоғары жылдамдықпен жүретін самокатшылардан келетін қауіп артқанын, ІІМ самокаттардың қозғалысын реттей алмай жатқанын айтты.

Сұлтанбаев бұл мәселенің әлі де шешімін таппағанын растады.

«Самокаттар проблемасы әлі де бар екені рас. Бұрын қала көшелерінде самокаттармен қатар мопедтер қиындық тудыратын. Енгізілген заң негізінде мопед мәселесі шешіліп қалды. Ал самокаттардың қозғалысы реттелмей жатыр», – деді ІІМ өкілі.

Комитет басшысы министрліктің самокатты жалға...

Қырғыздар Ыстықкөл облысындағы Құмтөр кен орнында алтын өндіре бастайды. Ел президенті Садыр Жапаров «Құмтөр Голд Компания» кәсіпорнының жобасына старт берді.

Жапаровтың сөзінше, Құмтөр кен орнының мемлекет меншігіне оралуы ел тарихындағы маңызды оқиғаның бірі болды.

«Құмтөр» кен орнында алтынды жер астынан өндіру жұмыстары ресми түрде басталды. Жерасты алтын өндіру жобасының іске қосылуы – қоршаған ортаны қорғау және бүгінгі күнге дейін сақталып келген мұздықтарды сақтау бағытындағы аса маңызды қадам», – деді Садыр Жапаров.

Қырғыз президентінің атап өтуінше, Құмтөрде алтын өндіру осыдан 20 жыл бұрын басталуы керек еді. Бірақ оған иелік еткен шетелдік компания...

Ерлан Ермекұлы Сағынаев ұлттық экономика вице-министрі қызметіне тағайындалды. Бұл туралы ведомствоның сайтында жазылған.

Ерлан Сағынаев 1978 жылы Ақмола облысында дүниеге келген. Солтүстік Қазақстан мемлекеттік университетін, Солтүстік Қазақстан заң академиясын және Қарағанды мемлекеттік университетін бітірген.

Еңбек жолын 1999 жылы Солтүстік Қазақстан облысы бойынша Салық комитетінде бастаған.

Әр жылдары ауданның Салық комитеті төрағасының орынбасары, ҚР Қаржы министрлігі Мемлекеттік кірістер комитетінің аумақтық департаменттері мен орталық аппараттарындағы салалық басқармалар басшысы қызметтерін атқарды.

2008–2021 жылдары Маңғыстау, Қарағанды, Қостанай және Атырау облыстары бойынша салық департаменттері басшысының орынбасары болып жұмыс істеді.

2021 жылдан бастап қазіргі уақытқа дейін Қазақстан Республикасы Ұлттық экономика министрлігі Салық және кеден...

Алматылық «Қайрат» футбол клубы тарихында алғаш рет УЕФА Чемпиондар лигасының негізгі кезеңіне жолдама алды. Енді барша қазақ елі топтық кезеңнің жеребе тарту рәсімін тағатсыздана күтіп отыр.

Алғашқы себетке түскен қарсыластардың қатарында әлемдік футболдың алып клубтары бар: «ПСЖ», «Реал Мадрид», «Манчестер Сити», «Бавария», «Ливерпуль», «Интер», «Челси», «Боруссия Дортмунд» және «Барселона». «Қайрат» осы командалардың екеуімен кездеседі, олардың біреуі Алматыға қонаққа келеді.

Негізгі кезеңге 36 клуб қатысады. «Қайрат» жеребе алдында 4-қоржынға орналасты. Жеребенің тікелей трансляциясын Qazsport арнасынан сағат 21:00 де көруге болады.

Жеребе тарту қалай өтеді?

Топтық кезеңде әр команда сегіз ойын өткізеді – төртеуін өз алаңында, төртеуін сырт алаңда...

Түркістан облыстық жедел жәрдем станциясының фельдшері 26 жасар Құдырет Мүтәліпов соққыға жығылды. Ол шақыртумен жүкті әйелге көмек беруге барған. Әйелді тексеріп жатқанда науқастың күйеуі оны ұрып-соққан. Мүтәліповтің миы шайқалып, ауруханаға түскен.

Оқиға қалай болды?

Оқиға кеше таңертең болған. Мүтәліповпен бірге тәжірибеде жүрген Жанел Қуанышбек болған.

«Негізі жүкті әйелге бардық. Оны төсекке жатқыздық. Қасында анасы мен күйеуі болды. Әйелдің соқыр ішек болған, болмағанын білу ішін саусақпен басып тексерді. Осы кезде күйеуі қызғанып, қыз тексерсін деп талап етті», – дейді Қуанышбек.

Оның сөзінше, Мүтәліпов бұған келіспеген. Ол науқасты қарап, ауруханаға жатқызу үшін оған бірнеше сұра...

6 қыркүйекке жоспарланған әнші Макс Корждың Алматыдағы Орталық стадиондағы концерті өтпейтін болды. Бұл туралы Алматы қаласы спорттық нысандар дирекциясының баспасөз қызметі хабарлады.

«Алматы қаласының спорттық нысандар дирекциясы 2025 жылғы 6 қыркүйекте Орталық стадионда өтуі тиіс «Макс Корж» атты лақап атпен танымал орындаушының концерті болмайтынын хабарлайды. Аренада алдағы уақытта маңызды ойындар өтеді. Атап айтқанда, «Қайрат» УЕФА Чемпиондар лигасының топтық кезеңінде өнер көрсетеді. Жақында команда Шотландияның «Селтик» клубын жеңіп, тарихи нәтижеге қол жеткізді. Бұл – жаңа биікке деген ұмтылысты білдіреді және алаңды мінсіз дайындауды талап етеді», – делінген хабарламада.

Дирекцияның ішкі ережелеріне сәйкес мәдени-бұқаралық іс-шараларды өткізу үшін...

Ұлттық банк 2026 жылдың бірінші тоқсанынан бастап кәсіпкерлердің шоттан қолма-қол ақша алу тәртібін өзгертеді.

Жаңа ережені кім жасады?

Ұлттық банк кәсіпкерлердің банктік шоттарынан ақша алуға қатысты жаңа ережелер әзірлеп жатыр. Құжат «Ашық НҚА» порталында жарияланды. Ол Агенттікпен (АРРФР) және Қаржы министрлігімен бірлесіп дайындалған.

Жаңа тәртіп қашан күшіне енеді?

Ұлттық банктің мәліметінше, жаңа қағидалар 2026 жылдың бірінші тоқсанында күшіне енуі тиіс. Ережеге сәйкес, кәсіпкерлер шоттан қаражат шешкен кезде оның мақсатын міндетті түрде көрсетуі қажет болады.

Нені көздейді?

Жоба жаңа Салық кодексінің күшіне енуіне байланысты әзірленген. Ұлттық банк өзгерістердің мақсаты – қолма-қол ақша алу процесін ашы...

Алматыда Конституция күніне орай 30 тамызда театрландырылған қойылымдар, концерттер мен мәдени шаралар өтеді.

Биыл Қазақстан Конституциясына 30 жыл толады. Сондықтан Алматыда бұл күн ерекше аталып өтпек.

Басты бағдарлама – Абай алаңында

Салтанатты бөлім 18:00-де Мемлекеттік Туды шығарып, Әнұранды орындаумен басталады. Одан кейін 200-ден астам әртіс қатысатын театрландырылған қойылым ұсынылады. Сахнада еңбек адамдарының, әскери қызметкерлердің бейнесі көрсетіліп, музыкалық сүйемелдеуді опера және эстрада әншілері Мемлекеттік хор капелласымен бірге орындайды.

Кештің әртістер қатарында – Роза Рымбаева, Тамара Асар, Жанар Айжанова, Айгүл Қосанова, IL Canto квартеті, «МузАрт Life» тобы, Әли Оқапов, Temirlan & Yernat, Зарина Алтынбаева, Рүстем Нұржігіт, Ақбота-Нұр Сейтмағамбет, Ерназар...

«Қайрат» клубының  Чемпиондар лигасында өнер көрсетеді. Жақында жеребе тасталуы тиіс. Халықаралық матчтардың туристік әсері бар.

Алдын ала болжам бойынша, «Қайрат» клубының Алматыда өткізетін 4 матчына 4 мыңнан астам шетелдік қонақ келеді.

Қазақстан туризмінің ақпаратына қарағанда, бұл еліміздің экономикасына шамамен 3 миллиард теңге көлемінде қаржы әкелмек.

Алматының «Қайрат» футболь клубы тұңғыш рет Чемпиондар Лигасының негізгі кезеңіне шықты.

УЕФА ережелеріне сәйкес, елге келген командалардың жанкүйерлеріне стадиондағы орындардың 5% көлемінде квота бөлінеді. Алматы өтетін әр матчқа өз командаларын қолдау үшін орта есеппен 1000 жуық шетелдік жанкүйер келеді деп күтіліп отыр.

Орташа есеппен елге келген әрбір қонақ шамамен 1400 доллар жұмсайды.

Айта...

АҚШ ғалымдары жасаған «робот-ара» өсімдіктерді тозаңдандыра алады. Болашақта ол Марста, ультракүлгін жарықтағы жылыжайларда қолданылмақ.

CNN ақпаратына қарағанда, Массачусетс технологиялық институтының (қысқаша – MIT) ғалымдары салмағы қыстырғыштан жеңіл, араға ұқсайтын жаңа робот жасап шығарды.

Робот-ара бір секундта 400 рет қанат қағады

Ауада қалықтап тұрады. Тіпті аударылып ұша да алады. Ол бір секундта 400 рет қанат қаға алады.

Зерттеушілердің айтуынша, бұл «робот-ара» болашақта жасанды тозаңдандыруда үлкен рөл ойнауы мүмкін. Мысалы, Марста егін өсірген кезде жәндіктерді жеткізу қиын болғандықтан, мұндай технология таптырмас көмек болмақ.

Марста егін ексек…

«Біз аралардың таңғажайып маневрлерін қайталауға тырысып жатырмыз...

Автожурналист Тимур Мұстафаев таксопарк қызметкерлері бір жарым жылдан бері тәулік бойы тынбай теуіп жүрген Geely Emgrand көлігінің жай-күйін көрсетті. Көлік осы уақыт аралығында 250 мың шақырымды еңсеріп үлгерген.

Көлікті тізгіндеп жүрген жүргізушілердің бірі о баста қытай машинасына күмәнмен қарағанын, алайда күн сайын 14 сағатқа дейін рөлінде отырып шаршап көрмегенін, көлік жайлы екенін айтады. Десе де беріліс қорабы аздап көңілінен шықпайтынын жеткізді.

«Пеші, кондиционері өте жақсы істейді екен. Аспасы жұмсақ. Жолсыз жерлерде өзін өте жақсы сезінеді», – дейді ол.

Автоблогер көлікті көтеріп, астыңғы бөлігін көрсетеді. Сөзінше, жүріс бөлігіндегі көптеген бөлшектер зауыттан шыққалы ауыстырылмаған. Құрғақ, жыртылып...

Президент Қасым-Жомарт Тоқаев Астанада өткен қазақ-иордан бизнес форумына қатысып, онда Қазақстан экономикасы сенімді түрде өсіп келе жатқанын айтты. Осы орайда Қазақстан мен Иордания арасындағы серіктестіктің елдегі бірқатар салалардың дамуына тың серпін беретініне сенім білдірді.

«Экономикамыз биылғы жеті айда 6,3 пайызға ұлғайып, сенімді түрде өсіп келеді. Оған өнеркәсіп, сауда және көлік салаларындағы жоғары көрсеткіштер мүмкіндік берді. Біз ауқымды саяси және экономикалық реформалар жүргізу арқылы осы қарқынды сақтап қалуға ниеттіміз. Сондықтан серіктестігіміз көптеген сектордың өркендеуіне септігін тигізетініне сенімдіміз», – деді президент.

Сонымен бірге Тоқаев Қазақстанның логистикалық мүмкіндіктері жөнінде айтты.

«Біз...

Оқу-ағарту министрлігі KursivMedia-ның педагогтерге қандай қаржылық игіліктер көзделгені, алдағы уақытта жалақының арту ықтималдығы туралы сұрақтарына жауап берді.

Министрлік дерегінше, 2024-2025 оқу жылында ел мектептерінде 406 мың педагог жұмыс істейді. Өткен жылмен салыстырғанда олардың саны 8 мыңға артқан.

Министрлік 2020 жылдан бастап педагогтердің жалақысы екі есеге артқанын баса айтады. Ал 2023 жылы мектепке дейінгі тәрбиешілер мен техникалық және кәсіптік білім беру педагогтеріне қосымша үстемеақылар, сондай-ақ біліктілік санаттары, еңбек өтілі, еңбек жағдайлары, академиялық дәрежесінің болуы және тәлімгерлік үшін қосымша ақылар енгізілген.

Бұл қазіргі таңда 500 мыңнан астам ұстазға үстеме ақы төлеуге мүмкіндік берген.

«Ауылдық жерлерде мұғалімдердің жалақысы...

Президент Қасым-Жомарт Тоқаев Иордания Королі ІІ Абдалланы «бауырым» деп атады. Бұған Корольдің өзі рұқсат берген.

Бұл туралы Ақорданың баспасөз қызметі хабарлады.

«Кеше маған Өзіңізді досым, тіпті, бауырым деп атауға келісім бердіңіз. Бұл мен үшін үлкен мәртебе әрі артықшылық. Қымбатты бауырым, Сіздің арқаңызда Иордания бізге етене жақын елге айналды», – деді Президент.

Тоқаевтың пікірінше, екі мемлекеттің халқы мәңгіге дос, бауырлас әрі сенімді серіктес болып қала бермек.

Сонымен қатар, Иордания Королі ІІ Абдалла ризашылығын білдірді.

Оның сөзіне қарағанда, бүгінгі пікір алмасулар экономикалық ынтымақтастықты одан әрі тереңдетуге жол ашады.

«Бұл форум Сіздердің компанияларыңыз бен мекемелеріңіз үшін...

Егер жолаушылар шабаданынан ұшақта тасымалдауға тыйым салынған заттар табылып, тәркіленген болса, олар әуежайда сақталмайды. Көлік министрлігі бұл тәжірибенің тоқтайтынын хабарлады.

«Әуежайлардың авиациялық қауіпсіздік жүйесін халықаралық тәжірибе мен стандарттарға сәйкестендіру мақсатында әуе көлігімен тасымалдауға тыйым салынған заттарды әуежайда сақтау тәжірибесі тоқтатылады. Бұл шешім жолаушыларға қызмет көрсету процесін оңтайландыру үшін қабылданды», – делінген баспасөз хабарламасында.

Жаңа тәртіпке байланысты әуежайда қолайсыздық тумас үшін жолаушыларға әуе көлігімен тасымалдауға тыйым салынған заттардың тізімімен алдын ала танысу ұсынылған.

Тасымалдауға тыйым салынған заттар арасында сыйымдылығы 100 миллилитрден асатын сұйықтықтар мен аэрозольдер, гельдер және өзге де қауіпті заттар бар.

Ұтысқа 10 машина тіккен танымал блогерлер Ерболат Жанәбілов пен Эльмира Төлегенова мемлекетпен соттасуға дайын. Бұл жайлы олардың адвокаты Олег Чернов Курсив тілшісіне берген сұхбатында айтты. Оның сөзінше, онлайн-курсты жарнамалау кезінде ұтыс тігу – қалыпты маркетинг акциясы. Клиенттерім айыппұл төлемейді және қажет болса сот алдында қорғануға дайын деп мәлімдейді қорғаушы.

Олег Чернов туризм және спорт министрлігінің дәл блогерлерге «көзі түскеніне» таңғалып тұр.

«Сол әлеуметтік желілерде ірі блогерлер мен компаниялар тауар мен қызмет сатылымын арттыру мақсатында ұтыс жүргізеді. Бірақ біз оларға қатысты мұндай дүрбелең мен тексерістерді байқаған жоқпыз. Ондай мысалдар көп. Олардың әрекеті заңсыз демеймін, біра...

2026 жылы Қазақстаннан Нью-Йоркке тікелей рейстерді қосылуы мүмкін. Мұндай жоспарлар туралы Азаматтық авиация комитеті (ААК) авиациялық қауіпсіздік бойынша ICAO аудитіне дайындық жөніндегі кеңестің қорытындысы бойынша хабарлады.

Ведомствоның мәліметінше, рейстердің ашылуы ICAO-ның қыркүйек айындағы тексерісіне байланысты. Ол 2–14 қыркүйек аралығында өтеді. Тексеру нәтижелері Қазақстаннан АҚШ-қа тікелей ұшуларды ұйымдастыру мүмкіндігін анықтайды.

Нью-Йоркке тікелей рейсті Air Astana орындайды. Наурыз айында компания басшысы Питер Фостер тікелей рейстердің нақты басталу әлі белгісіз деген еді. Оған ұшақтарды жеткізу кешігуі және Ресей әуе кеңістігі арқылы ұшуға тыйым салынуы себеп болған.

«Бұл мәселелер шешілмейінше, АҚШ-қа тікелей рейстер болмайды. Халықтың да, жолаушылардың да мұны...

Иорданияның Al Husseini Group корпорациясы 85 млн доллар көлемінде инвестиция құйып, Қазақстанда асыл тұқымды құс өсіруге ниетті. Бұл туралы Ауыл шаруашылық министрлігінің баспасөз қызметі хабарлады.

«Қазақстан–Иордания бизнес-форумы аясында ҚР Ауыл шаруашылығы министрлігі мен Иорданияның Al Husseini Group корпорациясы арасында өзара түсіністік туралы меморандумға қол қойылды», – делінген министрлік хабарламасында.

Құжатқа сәйкес, Қазақастан мен Иордания агроөнеркәсіптік кешен саласында ынтымақтастық орнатуды жоспарлап отыр. Келісім аясында шетел инвесторы Қазақстан аумағында құс өсіретін репродуктор салмақшы.

Корпорацияның ірі жобаға 85 млн доллар көлемінде инвестиция құятыны айтылған.

Министрлік Al Husseini Group-тың бұл жобалары негізінде елдің азық-түлік қауіпсіздігін...

Сусабын дауы бейбіт аяқталатын түрі бар. Гүлзира Айдарбекова наразыларға жауап берді. Ол өнімді алатын орындардың кестесін жария етті.

Гүлзира Айдарбекова әлеуметтік желі арқылы өнімдерін қалай алуға болатын түсіндіріп берді.

Ол үшін алдымен чекті арнайы ашылған телеграм арнаға жіберу керек. Су сабын сатып алғандарға чек жіберетін сілтеме жеке парақшасында көрсетілген.

Қайрат Нұртастың анасының пікірінше, адамдар сатып алған сусабынды қай жерден, қалай аларын түсінбеген.

«Осы жердегі мекенжайдан алып кетсеңіздер. Әр қаладағы мекенжайды салып қояйын», – деп жазды ол.

Мұның алдында Гүлзира Айдарбекова ұйымдастырған ұтыс ойыны дау-дамай тудырған еді. Ұтысқа қатысудың шарты – сусабын сатып алу.

Қор биржасында ұлттық валюта әлсіреп, күндізгі сауда нәтижесінде бір доллардың теңгеге шаққандағы бағамы 537,63 теңгеге жетті.

26 тамыздағы сауда нәтижесі бойынша, доллар курсы 533,87 теңге еді. Бір күн ішінде америкалық валюта бағамы бірден 4 теңгеге күшейді.

Алматыдағы айырбастау орталықтарында бір долларды 538-538,5 теңгеден қабылдап, 539,5-540 теңгеден сатып жатыр. Ал Астанадағы пункттерде америкалық валюта 537 теңгеден сатып алып, 540-541 теңгеден саудаланып тұр.

29 тамызда Ұлттық Банкі (ҰБ) базалық мөлшерлеме бойынша ай кезекті шешімін қабылдайды. Kursiv Research орталық банктің мөлшерлемеге қатысы бар шамамен 80 релизін зерттеді. Сөйтіп ҰБ риторикасын да, оның шешімдерін де алдын ала болжауға болады деген қорытындыға келді.

Мәлімет реңі, бағдар және тәуекел

Kursiv Research осы зерттеу кезінде бірнеше параметрді талдады: мәлімет реңін талдау (Sentiment Analysis), болжамды бағдар немесе болашақта жасалатын іс-әрекеттен хабар беретін акцентті талдау (Forward Guidance) және тәуекелді бағалауды талдау (Risk Assessment).

Мәлімет реңін талдау ҰБ риторикасы («қатаң» немесе «жұмсақ») мен базалық мөлшерлемеге қатысты шешімінің қаншалықты сәйкес екенін білуге бағытталды. Болжамды бағдарды талдау акцент күшін (күшті, әлсіз...

Алматылық «Қайраттың» Чемпиондар лигасына жолдама алуы тек Қазақстан футболының тарихындағы үлкен жетістік қана емес, сонымен бірге әлемдік футбол жанкүйерлерін қуантатын ерекше жаңалыққа себеп болды. EA Sports компаниясы жақында таныстырған EA Sports FC 26 ойынында «Қайрат» клубы пайда болады.

EA FC 26 ойыны жанкүйерлер үшін үлкен жаңалықтарға толы. Жаңа нұсқада дриблинг механикасы түбегейлі өзгеріп, ойыншылардың алаңдағы орналасуы жасанды интеллект арқылы әлдеқайда ақылдырақ болмақ. Қақпашылардың анимациясы да шынайы ойынға барынша жақындайды.

Ойын екі түрлі режимді ұсынады:

«Аграрлық несие корпорациясының» (АНК) басқарма төрағасының орынбасары Мұрат Искаков өз қызметі барасында мемлекетке үлкен көлемде залал келтіргені үшін 8 жылға сотталды. Бұл туралы Бас прокуратураның баспасөз қызметі хабарлады.

Өкілеттіктерін теріс пайдаланған

«Аграрлық несие корпорациясы» АҚ-ның қызметіне прокуратура мен Қаржылық мониторинг агенттігі бірлесіп тексеріс жүргізген. Нәтижесінде корпорацияның лауазымды тұлғаларының өз өкілеттіктерін теріс пайдаланып, бюджетке айтырлықтай шығын келтіргенін анықтаған.

Атап айтқанда, АНК құрамына кіретін «Ауыл шаруашылығын қолдау қоры» АҚ «Шымкент қаласында екі алма бағын салу» жобасын жүзеге асыруы керек болған. Алайда алма бақтарын салу кезінде қор басшылығы лауазымды өкілеттіктерін теріс пайдаланған. Бұдан кейін прокуратура Қылмыстық кодекстің 361 бабы...

Елімізде 2 мың бакалавр бағдарламасының рейтингін жасау жұмыстары басталуы мүмкін. Ғылым және жоғары білім министрлігі бұған 52,8 млн теңге жұмсағалы жатыр. Мемлекеттік сатып алу порталында осындай лот жарияланды.

Орындаушыға қойылған міндеттердің қатарында 2 мың бағдарлама туралы дерек жинау, оны талдау және рейтинг құру бар. Бағалау кезінде жұмыс берушілермен байланыс, оқу базасына жұмсалған қаражат, оқытушылар біліктілігі, ҰБТ орташа балы, түлектерді жұмыспен қамту және басқа да көрсеткіш ескеріледі. Рейтингке педагогика, инженерия, медицина, IT, ауыл шаруашылығы және басқа да көптеген бағыттағы бағдарлама енеді.

Рейтинг тапсырыс берушімен келісілгеннен кейін орындаушының сайтында жарияланады. Қорытынды есеп кесте және диаграмма түрінде қазақ тілінде 2025 жылды...