Француздық Renault компаниясы Ресейдегі қызметін тоқтатты, деп хабарлайды РБК.
Бұл туралы компания 23 наурызда жарияланған үндеуінде хабарлады.
Renault АвтоВАЗ-дың 68%, қалған 32% Ростек мемлекеттік корпорациясына тиесілі. АвтоВАЗ-дағы үлеске келетін болсақ, мұнда компания ағымдағы жағдайды бақылап, Ресейдегі 45 000 қызметкерін ескере отырып, ықтимал нұсқаларды іздестіруде.
Ұлыбритания және Солтүстік Ирландия Біріккен Корольдігі бейсенбі күні НАТО мен G7 басшыларының кездесуінде Украинаға «негізгі жаңа әскери қолдау пакетін» жариялауға ниетті, деп хабарлайды Даунинг-стрит. Бұл туралы interfax.ru мәлімдеді.
«Премьер-министр бүгін НАТО және G7 кездесулерінде Украинаға жаңа әскери қолдау пакетін жариялайды. (…) Украина армиясы үшін 25 миллион фунт стерлинг, сондай-ақ танкке қарсы қарудан тұратын 6000 зымырандар кіреді», – делінген баспасөз хабарламасында.
Сондай-ақ Ұлыбритания Би-би-си Дүниежүзілік қызметіне (BВС) «Ресей мен Украинадағы жалған ақпаратпен күресу үшін» қосымша 4,1 миллион фунт стерлинг беретіні атап өтілді.
Қазақстанда өткен тәулікте 12 адамда коронавирус індеті ПТР арқылы расталып ауырғаны белгілі болды.
Аймақтар бойынша: Алматы қаласы – 8 Алматы облысы – 1 Қарағанды облысы – 1 Маңғыстау облысы – 1 Павлодар облысы – 1
Жалпы ел бойынша ауырғандар саны 1304961.
Көктемгі егіс жұмыстарының басталуына да санаулы уақыт қалды. Экология министрлігінің мәлімдеуінше, егіс жұмыстары кезінде су тапшылығы болмайды. Министр Серікқали Брекешевтің айтуынша, ауыл шаруашылығы тауар өндірушілерін суармалы сумен қамтамасыз ету үшін барлық шаралар қабылданды.
«Еліміздің негізгі өзен бассейндері су аздығы цикліне биыл да тап болып отыр. Осыған қарамастан, фермерлер көктемгі егіс жұмыстары барысында қажетті суармалы сумен қамтамасыз етілетін болады».
Тоқтоғұл су қоймасында судың жиналуына байланысты жағдай біртіндеп қалыпқа келе бастаған. Сонымен қатар, вегетация кезеңінде қосымша су көлемін алу бойынша Қырғызстанмен келісімге қол жеткізіліпті. Қабылданған шаралар нәтижесінде «Достық» мемлекетаралық арнасы бойынша Түркістан облысы Мақтарал және Жетісай аудандарының фермерлері былтырғы деңгейде...
2019 жылдан бері Қазақстанда кәмелетке толмаған және еңбекке жарамсыз кәмелетке толған балаларды күтіп-бағуға алименттерді, жәрдемақылар мен әлеуметтік төлемдерді, азаматтардың тұрғын үй құрылыс жинақтары төлемдерін, білім беру жинақтау салымдарын есепке жазуға арналған «қол сұғылмайтын» шоттардан ақша өндіріп алуға тыйым салу көзделген. Бұл сұрақтарға fingramota.kz сайты жауап берді.
Клиент өтініш жасаған кезде банктер оларға есепке жазу үшін ашылатын төлемдердің атауын көрсетумен «арнайы шот» белгісін қояды.
Заңнамаға сәйкес арнайы шоттағы ақшаға:
– тыйым салуға;
– банктер мен банктік емес ұйымдардың төлем талаптары бойынша, сот орындаушыларының инкассолық өкімдері бойынша өндіріп алуға рұқсат етілмейді.
Қазақстанда брокерлік шоттар иелерінің арасында әйелдердің үлесі күннен-күнге артуда, бүгінгі күнге ол 42 %-ды құрайды. Небәрі бір ай ішінде қор нарығындағы инвестор әйелдердің саны 1,4 есеге өскен. Әлемдік үрдістен қалыспай Қазақстандық әйелдер де инвестициялау процесіне белсенді ат салысуда. Бұл туралы fingramota.kz сайты Бағалы қағаздардың орталық депозитарийінің баспасөз қызметіне сілтеме жасап мәлімдеді.
Бағалы қағаздардың орталық депозитарийінің деректері бойынша 2022 жылғы ақпанда Орталық депозитарийдің есепке алу жүйесінде тіркелген субъектілердің саны 293 мыңнан асқан, бұл қаңтардағы көрсеткіштерден 30,8 % -ға көп. Салыстырмалы түрде алатын болсақ, 2021 жылғы екінші жартыжылдық бойында қосалқы шоттардың саны небәрі 18,9%-ға өскен. Қосалқы...
Қаржылық мониторинг агенттігінің Алматы қаласы баумақтық департаменті инвестиция саласындағы маркетингтік компания атын жамылған «EDEN LIFE» қаржы пирамидасының жұмысын тоқтатты.
Ұйымдастырушылар басқа салымшылардың қаражатын тарту арқылы жиналатын тиімді сыйақы алуға кепілдік бере отырып, азаматтарға инвестициялық жобаларға ақша салуды ұсынды.
«Алдын ала келісім (сөз байласу) бойынша бір топ тұлғалардың қаржылық (инвестициялық) пирамида схемасын құру және басқару фактісі бойынша сотқа дейінгі тергеу жүргізілуде» делінген хабарламада.
Осыған байланысты Агенттік азаматтарды қырағы болуға және өз жинақтарын күмәнді қаржы ұйымдарына салмауға шақырады.
«Жыл басынан бері, яғни 2022 жылдың қаңтар-ақпан айларында міндетті әлеуметтік медициналық сақтандыру үшін елордалықтардан 8,6 млрд теңге жарна аударымдары түскен. Ал жалпы 2017 жылдың 1 шілдесі мен 2022 жылдың 28 ақпаны аралығында Нұр-Сұлтан қаласы бойынша медициналық сақтандыру үшін жинақталған жарна 109,4 млрд теңгеден аса соманы құрады.» – деп хабарлайды Әлеуметтік медициналық сақтандыру қорының елорда филиалының баспасөз қызметі.
«2022 жылдың қаңтар-ақпан айларында медициналық сақтандыру үшін елордалықтар 8,6 млрд теңге жарна аударған. Оның ішінде жұмыс берушілердің аударымдары 4,5 млрд теңгеге жуық, ал жеке кәсіпкерлерден түскен жарна – 4,1 млрд теңге.
Міндетті әлеуметтік медициналық сақтандыру үшін...
2022 жылы қазақстандықтар Наурыз мерекесінде 21,22,23 наурызда демалады.
Egov сайтында жарияланған мерекелер күнтізбесіне сәйкес, бес күндік жұмыс аптасында демалыс күндері 6-8, 12-13, 19-23, 26-27 наурыз күндері болады. Алты күндік жұмыс аптасында қазақстандықтар 6, 8, 13, 20-23, 27 наурызда демалады.
Келесі аптада тек екі жұмыс күні болады: бейсенбі (24 наурыз) және жұма (25 наурыз).
Наурыз – жаңару символы. Бұл мерекеде Қазақстан қалаларында түрлі іс-шаралар өткізіледі: концерттер, спорттық жарыстар, ұлттық тағамдарды әзірлеу.
2009 жылдан бастап 21-23 наурыз аралығында үш күн тойланады.
Apple өзінің ресми мәлімдемесіне сәйкес көктемгі тұсаукесерге Ресейде жаңа iPhone SE, Mac Studio және жаңартылған iPad Air сатудан бас тартты. Бұл туралы ТАСС смартфондар нарығындағы дереккөзге сілтеме жасап хабарлайды.
Жұма, 18 наурызда басқа елдерде жаңа Apple құрылғыларының сатылымы басталды. Компания Ресейге құрылғыларды сатуды және жаңа құрылғыларды жеткізуді тоқтату туралы шешім қабылдады. Дегенмен, Apple әлі Ресей нарығынан кеткен жоқ.
Бүгінгі күні AppStore қолданбалар дүкені жұмысын жалғастыруда және iOS жаңартулары ресейлік пайдаланушылардың құрылғыларына келеді. Apple сонымен қатар ресейліктерге қызмет көрсетуді жалғастыруда.
Наурыз айының басында компания...
Наурыз мерекесі қарсаңында Қазақстан Республикасы Президентінің Жарлығымен елдің әлеуметтік-экономикалық және мәдени дамуына қосқан елеулі үлесі, белсенді қоғамдық қызметі, азаматтарды қорғауда және құтқаруда көрсеткен жеке жанқиярлығы, қоғамдық тәртіпті қамтамасыз етуге көрсеткен көмегі үшін еліміздің бір топ азаматтары мемлекеттік наградалармен марапатталды. Бұл туралы Ақорда сайты хабарлады.
Олардың қатарында өндіріс, денсаулық сақтау салаларының қызметкерлері, бизнес өкілдері, мәдениет және ғылым қайраткерлері, спортшылар, волонтерлер бар.
«Қазақстанның Еңбек Ері» атағы Қазақстан Республикасының әлеуметтік-гуманитарлық дамуындағы аса үздік жетістіктері үшін жазушы Илья Жақановқа, еліміздің денсаулық сақтау саласын дамытудағы аса үздік жетістіктері үшін Қазақ тағамтану академиясының президенті Төрегелді Шармановқа берілді.
«Отан» орденімен ақын...
Қазақстанда өткен тәулікте 44 адамда коронавирус індеті ПТР арқылы расталып ауырғаны белгілі болды.
Аймақтар бойынша: Нұр-Сұлтан қаласы – 6 Алматы қаласы – 15 Ақмола облысы – 1 Алматы облысы – 1 Атырау облысы – 1 Шығыс Қазақстан облысы – 3 Жамбыл облысы – 1 Батыс Қазақстан облысы – 4 Қарағанды облысы – 4 Қостанай облысы – 4 Солтүстік Қазақстан облысы – 4
Жалпы ел бойынша ауырғандар саны 1304767.
2022 жылғы 1 наурыздағы жағдай бойынша 94,8 мың отбасындағы 487,3 мың адамға атаулы әлеуметтік көмек (бұдан әрі – АӘК) тағайындалды. Ағымдағы жылы осы мақсаттарға бюджеттен 87,1 млрд теңге бөлінді. Бұл туралы ҚР Еңбек және халықты әлеуметтік қорғау министрлігінің сайты хабарлады.
АӘК отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70%-ынан төмен азаматтарға тағайындалады.
Бұдан басқа, АӘК көрсетудің жаңа тетігін іске асыру шеңберінде еліміздің барлық өңірінде табысы аз отбасылардың мектеп жасына дейінгі балаларын кепілдік берілген әлеуметтік топтамамен (бұдан әрі – әлеуметтік топтама) қамтамасыз ету бойынша...
Жапония Ресейге қарсы қосымша санкциялар енгізді. Бұл туралы РИА Новости хабарлады.
«Токио Ресейден 15 адам мен 9 ұйымға санкция салды, тізімде Захарова, Евкуров, «Рособоронэкспорт», «Ресей тікұшақтары» бар»,-деді Жапония Сыртқы істер министрлігі.
Қазақстан Республикасы Денсаулық сақтау министрлігі елде дәрілік заттар мен медициналық бұйымдардың жеткілікті қоры бар екендігі туралы хабарлады.
Бүгінгі таңда Қазақстанда бөлшек сауда сегментінде дәрілік заттардың бар-жоғы мониторингіне сәйкес тапшылық байқалмайды.
Препараттардың қолжетімділігі мақсатында дәрілік заттардың тұрақтандыру қорлары жұмыс істейді, ірі көтерме дәріхана қоймаларында қор қалыптастырылған.
2022 жылға ТМККК және МӘМС шеңберінде 11,1 млрд теңге сомаға инсулиндердің 20 атауы сатып алынды. Сонымен қатар, Бірыңғай дистрибьютордың қоймаларында инсулиннің жеткілікті қоры бар.
Айта кететін жайт, инсулиндер халыққа дәрігерлердің рецептері бойынша, сондай-ақ диспансерлік есепте тұрған пациенттерге тегін беріледі. Демек, бұл препараттар...
«Әлеуметтік медициналық сақтандыру қорының елорда филиалына медициналық көмек алу, МӘМС жүйесі, т.б. сұрақтар көп келеді. 2021 жылы Қордың Нұр-Сұлтан қаласы бойынша филиалының қызметкерлері 7 603 өтініш қабылдап, қарады. Қазірде де өтініш-шағымдар күнделікті түседі деуге болады. Азаматтардан келіп түскен барлық өтініштер өңделіп, тіркеу нөмірімен өтініштер тізіліміне түседі. Тұрғындар тарапынан түскен өтініштерге мониторинг жүргізіледі, қажет болған жағдайда белгіленген мерзімде шешім қабылдау үшін сараптамалық бағалауға жіберіледі.
Медициналық сақтандыру қоры пациенттер құқығын қорғайды. Қор МӘМС жүйесінде және ТМККК аясында медициналық қызмет алушылармен Qoldau 24/7 мобильді қосымшасы, @SaqtandyryBot телеграм-бот және 1406 байланыс орталығы секілді бірнеше арналар...
2018 жылдан бері баспана кезегінде тұрғандардың саны 130 мыңға жетіп, бұл күнде 591 мыңнан асып кеткен. Бұл туралы atamekenbusiness_qaz Telegram каналы хабарлады.
Шымкентте 4 жылдың ішінде үй кезегінде тұрғандар саны 14 мыңға көбейіп, жалпы кезектегілер 50 мыңға таяп қалған.
Алматы облысында кейінгі төрт жылда бұл өңірде кезекте тұрғандар 17 мыңға көбейіп, 59 мыңға жеткен. Халқы ең көп Түркістан облысында 19 мыңға артып, 47,5 мыңға жеткен.
Кезекте тұрған 590 мың адамның 170 мыңы күнкөріс минимумынан аз ақша алып отыр. Аталмыш санаттағы адамдардың көбі І және ІІ топтың мүгедегі немесе мүмкіндігі шектеулі бала тәрбиелеп отырғандар, жетім балалар.
Қазақстандық SCAT және Qazaq Air әуе компаниялары Ақтөбе әуежайына рейстерін тоқтатты.
31 наурызды қоса алғанда, тоқтатылған SCAT рейсінің жолаушылары сатып алған жерінде билет құнының 100 пайызын қайтара алады немесе рейсті басқа күндерге қайта брондай алады, деп хабарлады тасымалдаушы.
Qazaq Air 17-23 наурыз аралығында Нұр-Сұлтан – Ақтөбе – Нұр-Сұлтан, Ақтөбе – Атырау – Ақтөбе, Ақтөбе – Қазан – Ақтөбе, Ақтөбе – Түркістан – Ақтөбе бағыттары бойынша рейстерді тоқтатты. Бұл әуе компаниясының жолаушыларына да билет құнын сатып алған жерінде толық қайтару ұсынылады.
Бұған дейін «Air Astana» Ақтөбеге рейстердің тоқтатылатыны туралы хабарлаған болатын.
Индустрия және инфрақұрылымдық даму министрлігі Экология, геология және табиғи ресурстар министрлігімен бірлесе отырып, «Жасыл Даму» АҚ қаражаты есебінен Қазақстан Республикасы азаматтарының жеңілдетілген несиеге жеңіл автокөліктер сатып алуы, сондай-ақ автобустар паркін жаңарту бағдарламасын әзірлеуде. Бұл туралы ҚР индустрия және инфрақұрылымдық даму министрлігінің Telegram каналы хабарлады.
Жеңілдетілген несиелендіру бағдарламасы бойынша қаржыландырудың жалпы сомасы шамамен 100 млрд теңгені және Қазақстан аймақтарында автобустарды жаңартуға шамамен 30 млрд теңгені құрайды.
Отандық өндірілген техниканы сатып алу шарттары, сондай-ақ қаржыландыру тәртібі мемлекеттік органдарда келісу рәсімдерінен өту сатысында. Сәуір айының соңына дейін барлық рәсімдерді аяқтау жоспарлануда. Мәселен, халық үшін сатып алу...
ҚР Президенті Қасым-Жомарт Тоқаев «2022 жыл балалар жылы» деп жариялағаны баршамызға аян. Осы орайда білім мен ғылымға құмар жастарымызды қолдау мақсатында «Білім жəне денсаулық-2022» көрмесі өтіп жатыр.
Көрмеге «БІЛІМ-ИННОВАЦИЯ» ХҚҚ және «Білім Орда» ХҚҚ қарасты мектеп-лицей оқушыларының ғылыми жобалары ұсынылды. Көрмеде лицейдің 100-ден аса оқушысы математика, физика, химия, биология, информатика, география, қазақ тілі, орыс тілі, тарих, ағылшын тілі пәндері бойынша ғылыми-практикалық тәжірибелер көрсетіп, танымдық ойындар мен қызықты оқу жаттығуларын өткізеді. Сондай-ақ, қатысушыларға салауатты өмір салтын насихаттауға бағытталған маңызды ақпараттар беріледі.
Көрменің мақсаты – зияткерлік...
Ұлыбритания билігі орыс мектептерінің бірін жабуға әрекеттеніп жатыр, деп хабарлады Ұлыбританиядағы Ресей елшілігі. Бұл туралы radiosputnik.ria.ru сайты мәлімдеді.
Дипломаттардың пікірінше, Ұлыбританияның санкциялық саясаты мен Ресейге қарсы үгіт-насихаты «сараптамалық пен мораль шекарасын кесіп өтті».
«Экономикалық ғана емес, гуманитарлық, мәдени, қарапайым адами байланыстарға да шабуыл жасалуда», – деп хабарлайды РИА Новости мәтіндік дипломатиялық хабарламалардан.
Соңғы аптада Қырғызстанда түйіршіктелген қант 24,45 пайызға қымбаттады. Мұндай мәліметтерді Ұлттық статистикалық комитет келтіріп отыр. Бұл туралы 24.kg сайты хабарлады.
Егер 9 наурызда өнімнің өзіндік құны 74,645 сом болса, 16 наурызда ол 92,89 сомға көтерілді.
Қазақстанда өткен тәулікте 78 адамда коронавирус індеті ПТР арқылы расталып ауырғаны белгілі болды.
Аймақтар бойынша: Нұр-Сұлтан қаласы – 8 Алматы қаласы – 33 Шымкент қаласы – 1 Ақмола облысы – 2 Ақтөбе облысы – 1 Атырау облысы – 1 Шығыс Қазақстан облысы – 11 Жамбыл облысы – 1 Батыс Қазақстан облысы – 1 Қарағанды облысы – 3 Қостанай облысы – 5 Маңғыстау облысы – 1 Павлодар облысы – 1 Солтүстік Қазақстан облысы – 9
Жалпы ел бойынша ауырғандар саны 1304723.
Шығыс Қазақстан облысының Геологиялық барлау колледжінің жүздеген студенті мен түлегі тек Қазақстанда ғана емес, Батыс Еуропа, Солтүстік Америка, Оңтүстік-Шығыс Азия, ТМД, тіпті Африка елдерінде жұмыс істеп, өндірістік тәжірибеден өтіп жатыр. Бұл туралы ҚР Білім және ғылым министрлігінің ресми Telegram-каналы хабарлады.
Бұл оқу орнының қазақстандық, сондай-ақ шетелдік геологиялық барлау компанияларымен әріптестік орнатуының арқасында жүзеге асып отыр. Геологиялық барлау колледжінің түлектері жұмысқа орналастыру деңгейі 96%-ды құрайды.
Колледжде кәсіптік бағдар беру, жұмысқа орналастыру және мониторинг бөлімі жұмыс істейді. ТжКБ ұйымдарының жұмыс берушілермен қол жеткізген келісімдерінің арқасында түлектер жұмысқа орналастырылды, ал колледж студенттер...