Байден Путинмен тағы кездесуге қатысты пікір білдірді

АҚШ президенті Джо Байден қаңтарда ресейлік әріптесі Владимир Путинмен сөйлесу мүмкіндігін жоққа шығармады, деп хабарлайды РИА Новости Ақ үйдің журналистік баспасөз қызметіне сілтеме жасап.

 «Көреміз», – деп жауап берді Байден келесі айда Путинмен жеке кездесуге ниеті бар ма деген сұраққа.

Украина төңірегіндегі шиеленіс фонында Ресей мен АҚШ 10 қаңтарда Сыртқы істер министрлігі өкілдері деңгейінде стратегиялық диалог форматында кездесу өткізуді жоспарлап отыр. 12 қаңтарда Ресей-НАТО кеңесінің отырысы, бір күннен кейін ЕҚЫҰ алаңында көпжақты кездесу өтеді деп жоспарланған.

Желтоқсанда президенттер бейнеконференция арқылы сөйлесті, ал маусымда олар Женевада бетпе-бет саммит өткізді.

Жоғары деңгейдегі жаңа контактінің уақыты, орны және форматы туралы ресми ақпарат әлі пайда болған жоқ .