АҚШ Bereke Bank-ке салынған санкцияны алып тастайды

АҚШ Қаржы министрлігі қазақстандық Bereke Bank-ке (ресейлік «Сбербанктің» бұрынғы еншілес компаниясы) салынған санцияларды алып тастайды деп, хабарлайды vlast.kz сайты,  The Wall Street Journal-ға сілтеме жасай отырып. Өйткені ол қазір ресейлік банкке тиесілі емес.

Басылым АҚШ-тың бұл қадамы «санкциялардың Ресейге әсерін көрсетеді, өйткені «Сбербанк» активтердің бір бөлігінен құтылуға мәжбүр болды» деп жазады. Санкциялар тізімінен шығару 6 наурыздан күшіне енеді.

Басылым айтып өткендей, «Сбербанк» АҚ ЕБ Ресейдің Украинаға басып кіргеннен кейін былтыр ақпан айында «Сбербанктің» шетелдік еншілес кәсіпорны ретінде санкцияға іліккен.

Былтыр жазда «Бәйтерек» ұлттық холдингі қазақстандық Сбербанкті сатып алды. Қыркүйекте банк ребрендинг жүргізіп, Bereke Bank атауын иеленді.