Қаржы нарығын реттеу және дамыту агенттігі бизнесмен Шухрат Ибрагимовқа «Еуразия» сақтандыру компаниясы мен «Еуразиялық банк» АҚ-ның ірі (жанама) қатысушысы мәртебесін алуға келісім берді. Бұл туралы 30 қаңтардағы қаулыларда хабарланды.
Реттеуші акциялар пакетінің нақты мөлшерін жария еткен жоқ. Алайда «НацБанка» Telegram-арнасы атап өткендей, Ибрагимов құрамына «Еуразия банкі» кіретін «Еуразиялық қаржы компаниясының» акцияларының шамамен 33%-н ресімдеген.
Бұған дейін бұл үлес оның анасы Мұқадасхан Ибрагимоваға тиесілі болған. Ол бұл үлесті компанияның негізін қалаушы, марқұм күйеуі Алижан Ибрагимовтен алып қалған. Қалған акциялар тең бөліктерге кәсіпкер Патох Шодиев пен Александр Машкевичтің мұрагерлеріне тиесілі.
39 жастағы Шухрат Ибрагимов Eurasian Resources Group, «Еуразиялық қаржы компаниясы» және «Еуразия» сақтандыру компанияларын қоса алғанда, бірқатар құрылымдарда басшылық позицияларға ие. Сонымен қатар, ол Қазақстан президенті жанындағы Шетелдік инвесторлар кеңесіне кіреді.
Forbes мәліметтері бойынша, 2025 жылы Ибрагимовтар отбасының байлығы 2 млрд долларға жетті.
Айта кетейік, бұған дейін Kursiv.Media басылымы Шодиев пен Машкевичтің ЕФК-ны сатқысы келгенін, ал Ибрагимовтар отбасының бұған қарсы болғанын жазған. Сондай-ақ Еуразиялық банк мемлекет көмегінің бір бөлігін жыл соңына дейін қайтаратынын да мәлімдеген болатын.
