
Kursiv.Media өткен аптаның нарықтағы басты өзгерістері мен экономикадағы маңызды жаңалықтарын жинады. Әлемдік қор нарығында технологиялық акциялар жаппай арзандап, S&P 500 пен Nasdaq аптаны төмендеумен аяқтады. Қазақстанда теңге нығайғанымен, KASE индексі де төмендеді. Ал экономиканың басты жаңалықтары инвестиция ағынының қысқаруы, мемлекеттік қарыз, Ұлттық қор және мұнай өндірісіне қатысты болды.
Өткен аптада әлемдік қор нарығында жаппай сатылым жүрді. Әсіресе жасанды интеллект саласындағы компаниялардың акциялары қатты арзандады. 5 қарашада Nasdaq Composite индексі бір күнде 5,52%, S&P 500 индексі 4,36% төмендеді. Жұмадағы ішінара қалпына келуге қарамастан, екі индекс те аптаны шығынмен аяқтады.
АПТАНЫҢ НАРЫҚ ҚОРЫТЫНДЫСЫ
Қор нарығы · KASE акциялары
АПТАНЫҢ НЕГІЗГІ 10 ЖАҢАЛЫҒЫ
Шетелдік инвестицияның таза ағыны 49%-ға азайды
2026 жылдың бірінші жартыжылдығында таза тікелей шетелдік инвестиция 470,6 млн долларды құрады.
ОҚЫҢЫЗ ↗Қазақстан 3,4 млрд юань қарыз алады
Азия даму банкі 227,4 млрд теңгеге тең қаржыны 15 жылға, жылдық 1,6% мөлшерлемемен береді.
ОҚЫҢЫЗ ↗Ұлттық банк 204,6 млрд доллар активті басқарады
Активтер құрамына Ұлттық қор, алтын-валюта резервтері, зейнетақы және басқа қорлардың қаражаты кіреді.
ОҚЫҢЫЗ ↗Ұлттық қордың ақшасы қайда инвестицияланған?
Жинақ портфеліндегі облигациялар 50,4%, акциялар 39,6%, алтын 6,3% үлес алады.
ОҚЫҢЫЗ ↗CPC Blend мұнайы 117 доллардан асты
6 қарашада қазақстандық мұнайдың баррелі 117,16 долларға бағаланып, Brent-тен 19,06 доллар қымбат болды.
ОҚЫҢЫЗ ↗Қазақстан 2027 жылы 99 млн тонна мұнай өндірмек
Үкімет биылғы өндіріс жоспарын 96 млн тоннаға дейін төмендеткеннен кейін келесі жылға жаңа меже белгіледі.
ОҚЫҢЫЗ ↗Халықтың депозиті 30,67 трлн теңгеге жетті
Жыл басынан бері жеке тұлғалардың банктердегі салымдары 2,44 трлн теңгеге немесе 8,63%-ға көбейді.
ОҚЫҢЫЗ ↗Қазатомөнеркәсіп өндірісті 10% арттырды
Компания қатысатын кәсіпорындар тоғыз айда 20 508 тонна уран өндірді.
ОҚЫҢЫЗ ↗Smart Data Finance жүйесінде 20 млн адамның дерегі бар
Қаржы министрлігі 80 дереккөзден ақпарат жинайтын жүйе арқылы салықтық бақылауды күшейтіп жатыр.
ОҚЫҢЫЗ ↗Банк ЦентрКредит цифрлық активтер алаңына қосылды
Банк KASE-дегі цифрлық қаржы активтері платформасының қатысушысы әрі эмитенті атанды.
ОҚЫҢЫЗ ↗Қазақстанда теңге нығайды. 2 қарашада KASE-дегі USD/KZT_TOM бағамы 453,48 теңге болса, 6 қарашадағы соңғы көрсеткіш 447,22 теңгеге жетті. Осы екі күннің арасындағы айырма 6,26 теңгені немесе 1,38%-ды құрады. Ал KASE индексі 7 868,46-дан 7 815,73 тармаққа төмендеді.