Қарағанды облысында 3 қап балық пен 6 қап шаян тәркіленді
Жарияланды
47 жастағы тұрғынға қатысты қылмыстық іс қозғалды
Қарағанды облысында браконьер ұсталды: үш қап балық пен алты қап шаян тәркіленді, – деп хабарлайды Polisia.kz.
«Браконьер» жедел-профилактикалық іс-шарасы кезінде Қарағанды облысы Жаңаарқа ауданы полиция бөлімінің қызметкерлері «Қаражал-Атасу» тас жолында Қарағанды қаласының 47 жастағы тұрғыны басқарған автокөлікті тоқтатты. Көлікті тексеру кезінде полицейлер көліктен үш қап балық пен алты қап шаян тапты.
ҚР ҚК-нің 335-бабы (Балық ресурстары мен басқа да су жануарларын заңсыз өндіру) бойынша қылмыстық іс қозғалды. Келтірілген зиян мөлшері анықталуда. Қазіргі уақытта тергеу амалдары жүргізіліп жатыр.
