Назарбаев Путин туралы: «Ол достыққа адал»

Қазақстанның тұңғыш президенті Нұрсұлтан Назарбаев Ресей президенті Владимир Путинді тұлға ретінде де, саясаткер ретінде де құрметтейтінін мойындады, деп хабарлайды Интерфакс-Қазақстан.

Бұл туралы Нұрсұлтан Назарбаев Оливер Стоунның Qazaq фильмінің келесі бөлімінде айтты. «Алтын адам хикаясы» 7 желтоқсан, сейсенбі күні республикалық арна эфиріне шықты.

Америкалық режиссерге берген сұхбатында Нұрсұлтан Назарбаев Владимир Путинде Ресей Федерациясының бірінші президенті Борис Ельцинге тән әдеттер мүлдем жоқ екенін айтты.

 «Алғашында ол бір жылдай премьер-министр, Ресей үкіметінің төрағасы болды. Ол кезде мен Қазақстанда  негізгі реформаларды жүргіздім, ол менің не істеп жатқанымды білгісі келді. Сол кезде кездестік. Ал мен неден бастағанымды, не істеу керектігін айттым. Одан кейін жеке-жеке әңгіме өрбіді, ол арамыздағы толық сенімнің негізін қалады», – деді Қазақстанның тұңғыш президенті.

Нұрсұлтан Назарбаев «Содан бері жиырма жылдан астам уақыт ішінде бұл қарым-қатынастар дамыды» деп қосты.

 «Оны кейбір тармақтары үшін құрметтеу керек. Біріншіден, оның ұстанымы бар, екіншіден, айтты, сөзінде тұрады, бұл саясаткер үшін сирек кездесетін нәрсе. Егер ол айтқан және уәдені орындау тіпті ауыртпалық болса, ол бәрібір оны жасайды. Осы жылдар ішінде ол достарынан бас тартпайтынын көрсетті», – деді Назарбаев.

Қазақстанның тұңғыш президенті Путинді «достыққа адал, оның шынайы патриоттығы құрметке лайық» деп атады.

Нұрсұлтан Назарбаев президенттіктен кететінін жариялаудан бір күн бұрын Владимир Путинмен телефон арқылы сөйлесті.

 «Мен Путинге қоңырау шалдым. Бұл ол үшін шок болды. Бүгін кешке жарияланады. Менің аузымнан естисің деп шештім. Болды. Бұл туралы басқа мемлекет басшыларының ешқайсысы білмеген», – деп түсіндірді Назарбаев.