Қазақстандық фермерлер дизель отынының қазіргі бағасынан 15% арзан сатып алады. Оның бағасы шамамен 165 теңгені құрайды,- деп хабарлады ҚР Энергетика министрлігінің баспасөз қызметі.
Президент Қасым-Жомарт Тоқаевтың тапсырмасын орындау аясында зауытта ауылшаруашылық өнімдерін өндіруге арналған дизель отынының бағасы тоннасына 174 мың немесе литріне 144 теңге.
Жеткізу мен сақтау жұмыстарын ескере отырып, бір литр үшін 165 теңгені құрайды. Бұл қазіргі бағадан 15% арзан (жанармай құю бекетінде дизель отынының орташа бағасы бір литр үшін 193 теңге).
