Бейжіңде Шанхай Ынтымақтастық Ұйымы хатшылығының ғимаратында ұйымға қатысушы елдердің дипломаттары, ШЫҰ-ның бақылаушылары мен диалогтық серіктестері арасында шахматтан турнир өтті. Турнир Қазақстанның ШЫҰ-ға төрағалық етуіне байланысты KazChess/Қазақстан шахмат федерациясының қолдауымен өтті.
Шанхай ынтымақтастығы ұйымын 2001 жылы 15 маусымда 6 мемлекеттің басшылары құрды. Қазіргі уақытта ШЫҰ-ға Үндістан, Иран, Қазақстан, Қытай, Қырғызстан, Пәкістан, Ресей, Тәжікстан және Өзбекстан мүше. Ауғанстан, Беларусь және Моңғолия – бақылаушылар, ал диалог бойынша серіктестер ретінде тағы 14 мемлекет бар.
«ШЫҰ-ға Қазақстанның төрағалық етуі аясында 2023-2024 жылдарға арналған бірлескен іс-шаралар жоспары» бойынша Қазақстан Республикасының ҚХР-дағы елшілігі, ШЫҰ-ның хатшылығы мен Тату көршілік, достық және ынтымақтастық жөніндегі Қытай комитеті (КДК) арасында өткен шахмат турнирі өте беделді құрамды жинады.
Қазақстанның Қытайдағы елшісі Шахрат Нұрышев 3-4 шілде күндері Астанада өтетін ШЫҰ Саммитін еске салып, бұл шахмат турнирі ШЫҰ-ның күшті ғана емес, интеллектуалды ұйым екенін көрсету үшін ұйымдастырылғанын ерекше атап өтті.
ШЫҰ-ның Бас хатшысы Чжан Мин Қазақстанның мәдени-гуманитарлық ынтымақтастықты ілгерілетуге және ұйымның беделін одан әрі нығаюына елеулі ықпал ететінін атап өтті. Ал ҚКДС төрағасының орынбасары Цуй Ли бұл шара Қазақстандағы ынтымақтастықты дамытуға елеулі үлес қосатынына сенім білдірді.
«Біздің Федерация үшін осындай деңгейдегі турнирлерді ұйымдастыру зор мәртебе және үлкен тәжірибе. Бұл дипломатиялық корпус арасында шахматтың танымалдылығының артып келе жатқанының ғана емес, сонымен қатар кәсіби өсуіміздің және бізге деген сеніміміздің көрсеткіші. Ал шахматтың бүгінде көптеген халықаралық іс-шаралардың, форумдар мен түрлі бағыттағы іс-шаралардың ажырамас бөлігіне айналып жатқанына жеке өзім қуаныштымын. Бұл зияткерлік ойынның сындарлы диалог пен коммуникацияның тамаша құралы екеніне тағы да көз жеткіздік», – деп атап өтті KazChess президенті Тимур Турлов.
Ресми бөлімнен кейін шахмат тақталарында тартыстар басталды. Бұл сайыста Қазақстан құрамасы жеңіп шықты. Диалог бойынша әріптес мемлекеттер – Әзербайжан мен Непал құрамалары екінші және үшінші орындарды иеленді.
ШЫҰ дипломаттары сынға түскен ойын сессиясына 2010–2016 жылдардағы 4 дүркін әлем чемпионы және әйелдер арасындағы ең жоғары рейтингтің иегері (2633), гроссмейстер Хоу Ифан (Қытай) қатысты.
