19-нан 20 желтоқсанға қараған түні «Астана» футбол клубы Конференция лигасының жалпы кезеңінің алтыншы туры аясында кипрлік АПОЭЛ командасымен кездеседі.
Ойын Никосия қаласындағы GSP стадионында өтеді. Кездесу Астана уақытымен 01:00-де басталады, Qazsport арнасында тікелей трансляция 00:50-де басталады.
Астана командасы алдыңғы бес матчта төрт ұпай жинады. Сербиялық ТСЦ-ні өз алаңында 1:0 есебімен жеңсе, Португалиялық «Гимарайншпен» тең түсті, Ал қонақта валлийлік ТНС-ке (0:2), кипрлік «Пафосқа» (0:1) және Алматыда лондондық «Челсиге» (1:3) есе жіберді.
Қазіргі уақытта «Астана» жалпы кезеңнің турнир кестесінде 28-орында тұр. Бұл нәтиже клубқа плей-офф кезеңіне шығуға мүмкіндік бермейді. Алғашқы 24 команда қатарына ену үшін елордалық клубқа кемінде бір ұпай жетпей тұр. Ал кипрлік команда турнирде 10 ұпай жинап, 10-орынға орналасқан.
Еске сала кетейік, «Астананың» «Челсимен» өткен ойынында Алматының орталық стадионында тозған орындықтар мен қары тазаланбаған жерлер әлеуметтік желіге тарап кетіп, стадионы басшылығы сынға ұшыраған еді.
