Ұлттық банк мәліметінше, соңғы айларда Қазақстанда алтын бағасы арзандады. 11 наурызда 1 грамм алтын 81 774,20 теңгеден сатылса, 10 маусымда баға 66 717,60 теңгеге дейін түсті.
Яғни наурыз айымен салыстырғанда алтын 15 056,60 теңгеге арзандады. Осылайша алтын құны 4 айда шамамен 18,4% төмендеді.
Алтын бағасының қаңтар–маусым аралығындағы өзгерісі
11 наурызда 1 грамм алтын бағасы 81 774,20 теңгеге дейін жетіп, кейін төмендеп, 10 маусымда 66 717,60 теңге болды.
Әлімдік нарықта алтынның бағасы қандай?
Әлемдік нарықта да алтын арзандап жатыр. Бір аптада оның бағасы 5,40% түсіп, бір трой унциясы 4 149,9 долларға дейін төмендеді. Бір айда баға – 9,63%, үш айда 18,8% азайған.
Қазақстандағы өзгеріс әлемдік нарықтағы алтын бағасынын арзандауымен деңгейлес. Ұлттық банк дерегіне сүйенсек, наурыздан маусымға дейін 1 грамм алтын бағасы 18,4%-ға төмендеді. Әлемдік нарықта да осы кезеңде бағалы металл құны 18,8% арзандаған.
9 маусымда АҚШ пен Иран бір-біріне жасаған әуе соққысынан кейін геосаяси жағдай шиеленісе түсті.
Осы оқиғалар мұнай бағасының 1% өсуіне әсер етті. Бұл инфляцияны тежеу үшін пайыздық мөлшерлемелер ұзақ уақыт жоғары деңгейде сақталуы мүмкін деген болжамды күшейтті.
