CNN мәліметіне қарағанда, Трамп Иранмен келісім жасалғанын және АҚШ теңіз блокадасын тоқтататынын мәлімдегеннен кейін мұнай бағасы жексенбі күні төмендеді.
Brent маркалы мұнай жексенбі күні 3,9%-ға төмендеп, барреліне шамамен 84 долларға түсті. АҚШ мұнайы 4,8%-ға арзандап, 81 доллар болды. Егер баға осы деңгейде сақталса, бұл соғыс басталғаннан бергі ең төмен көрсеткіштердің бірі болмақ.
Трамптың айтуынша, Иранмен келісім аяқталған, құжат жұма күні Швейцарияда қол қойылады. Иран тарапы да меморандумның дайын екенін растады.
Сонымен қатар нарықта тәуекел әлі жоғары. Ормұз бұғазын миналардан тазарту, кемелердің қауіпсіз қозғалысын қалпына келтіру, Таяу Шығыстағы мұнай өндірісін қайта іске қосу және зақымданған энергетикалық нысандарды жөндеу уақыт алады.
Сарапшылар мұнай бағасы біраз уақыт жоғары деңгейде қалуы мүмкін деп санайды. Себебі өндіріс толық қалпына келмейінше және стратегиялық мұнай қорлары қайта толтырылмайынша, нарықтағы қысым сақталады.
Еске сала кетейік, АҚШ пен Иран соғысты тоқтату туралы алдын ала келісімге келгелі туралы айтқан едік
