«ADCB» Ислам Банкі» АҚ Басқарма мүшелерінің 2025 жылы алған жалпы сыйақы көлемі 460 810 877 теңгені құрады.
Банктің Басқарма Төрағасы – Гордон Джеймс Хаскинс. Ол ақпараттық технологиялар, персоналды басқару, операциялық департамент және қауіпсіздік салаларына жетекшілік етеді.
Төраға орынбасарлары-Басқарма мүшелері лауазымында үш маман қызмет атқарады:
- Айдын Таиров – қаржы мен қазынашылық мәселелеріне жауапты;
- Гүлшат Асқатова – тәуекелдерді басқару бағытын қарайды;
- Елтай Мухамеджанов – корпоративтік және бөлшек сауда блогын басқарады.
«ADCB Ислам Банкі» АҚ (бұрынғы Al Hilal Ислам Банкі) – Қазақстан мен ТМД елдеріндегі алғашқы ислам банкі. Оның жалғыз акционері және негізгі иесі – Біріккен Араб Әмірліктеріндегі ірі қаржы институттарының бірі Abu Dhabi Commercial Bank (ADCB). БӘӘ үкіметіне тиесілі Mubadala Investment Company егеменді қоры соңғы бақылаушы тарап.
2026 жылдың наурыз айының соңында реттеуші ADCB-ге елімізде екінші еншілес банк ашуға рұқсат берді. Жаңа құрылатын банк әмбебап лицензия алып, исламдық терезе (Islamic window) арқылы қызмет көрсетпек.
