Алматының Әуезов ауданынан биылғы тоғыз айда мемлекеттік бюджетке 266,4 млрд теңге салық пен төлем түскен. Бұл туралы өңірлік коммуникациялар қызметінде аудан әкімі Абзал Егембердиев мәлімдеді, деп хабарлайды Kursiv.media.
Оның айтуынша, түсімнің 127,2 млрд теңгесі республикалық, 139,2 млрд теңгесі жергілікті бюджетке бағытталған.
Есепті кезеңде ауданда көтерме сауда көлемі 630 млрд теңгеге, бөлшек сауда көлемі 861,6 млрд теңгеге жетті.
Құрылыс жұмыстарының көлемі 42,6 млрд теңгені құрап, өткен жылдың сәйкес кезеңімен салыстырғанда 6,8%-ға өскен. Былтыр бұл көрсеткіш 39,9 млрд теңге болған.
«Әуезов жақсы дамып келе жатқан, қаланың әлеуметтік-экономикалық өмірінде үлкен орын алатын аудан», – деді Абзал Егембердиев.
Тағы да оқыңыз: Алматыда LRT құрылысы жүріп жатқан көшелердің жолы шөгіп қалды
