Қазақстан қор биржасы (KASE) 2026 жылғы 4 қарашадан бастап индексті есептеу үшін қолданылатын акциялардың жаңа өкілдік тізімін бекітті. Алайда индекс құрамындағы компаниялар өзгермейді, деп хабарлайды Kursiv.Media.
KASE индексінде бұрынғыдай 10 компанияның акциясы қалады:
- Air Astana (AIRA);
- Банк ЦентрКредит (CCBN);
- Halyk Bank (HSBK);
- Kcell (KCEL);
- KEGOC (KEGC);
- ҚазМұнайГаз (KMGZ);
- Kaspi.kz (KSPI);
- Қазатомөнеркәсіп (KZAP);
- Қазақтелеком (KZTK);
- ҚазТрансОйл (KZTO).
13 қазандағы есеп бойынша индекстегі ең жоғары үлес Банк ЦентрКредитке тиесілі – 13,7%. Одан кейін Kaspi.kz – 13,5%, ҚазМұнайГаз – 13,4%, Kcell – 12,8%, Halyk Bank – 12,7% және Қазатомөнеркәсіп – 12%.
Air Astana-ның индекстегі үлесі 10,6%, KEGOC – 4,5%, ҚазТрансОйл – 3,8%, Қазақтелеком – 3,2%.
Биржа 2 қарашада компаниялардың индекстегі салмағын қайта есептейді. Бұл кезде 30 қазандағы акция бағалары мен 1 қазандағы еркін айналымдағы акциялар саны ескеріледі.
Жаңартылған параметрлер 4 қарашадан бастап қолданылады.
