Жаңалықтар

Пайдаланушылары ең көп мобильді ойындар қандай? 2024 жылдың ең танымал ойындары арасында Minecraft ойыны көш бастап тұр. Мобильді ойындар статистикасын жариялайтын ActivePlayer.io мәліметтері осыны көрсетіп отыр.

1. Minecraft

Mojang Studios-тың ұзақ уақытқа созылған хиті пайдаланушыларын әлі де жинап жатыр. Minecraft ойыныалғаш 2011 жылы шыққаннан бастап, үнемі өсіп, дамып келеді. Сондықтан Minecraft 13 жылдан кейін 2024 жылдың ең танымал ойыны болып тұр. ActivePlayer.io мәліметтері бойынша, 2023 жылы ойынға ай сайын 178 миллионға дейін пайдаланушы қосылады. Егер бұл сандар жеткіліксіз десеңіз, 2023 жылға қарай 300 миллион дана сатылған.

2. Roblox

Roblox – танымал онлайн ойын платформасы. Ойынды пайдаланушы смартфонда тегін ойнай алады. Roblox ойыншыларды қандай да бір...

АҚШ вице-президенті және Демократиялық партиядан президенттікке үміткер Камала Харрис Газа секторындағы соғысты деру тоқтату қажет екенін айтты. Ол екі мемлекет формуласын қолдайды.

«Соғыс аяқталуы тиіс. Дереу аяқталуы керек. Ол үшін бізге атысты тоқтатып, кепілге алынғандарды босату керек», – деді ол ABC News арнасында жүргізілген Республикалық партиядан президенттікке үміткер Дональд Трамппен дебат барысында.

Президенттікке үміткер Харрис Израильдің өзін қорғауға құқығы бар екенін, бірақ оның кез-келген жолмен қорғануы дұрыс емес екенін жеткізді. Себебі Израильдің Газадағы әскери операциялары салдарынан көптеген жазықсыз палестиналық қаза тапты. Вице-президент жергілікті халықтың жазықсыз қырылуын тоқтату қажет деп санайды.

Вице-президент Газа...

Goldman қор индекстерін есептеу кезінде ірі компаниялардың үлесін шектеуден бас тартуға шақырды. Өйткені бұл нарық динамикасының объективті көрінісіне әсер етеді. Аталған норма америкалық бигтехтің үстемдігіне байланысты енгізілді. Сондай-ақ нарықтағы көшбасшы өзгерді – биыл АҚШ қаржы компаниялары акцияларының S&P 500-дің орташа көрсеткішін басып озды. Осы және өзге де тақырыптар туралы 10 қыркүйектегі шолуымыздан оқыңыз.

АҚШ-тың қаржылық акциялары S&P 500-ден едәуір озып кетті

S&P 500 тізіміне енген қаржы компанияларының акциялары өткен жылдағы жалпы қор индексіне қарағанда үлкен өсім көрсетті деп хабарлады Market Watch. «Бұл инвесторлардың экономикаға деген оң көзқарасын білдіреді», – дейді DataTrek-тің негізін қалаушы Николас Колас.

Сонымен, S&P 500 қаржы...

«Қазгидрометтің» хабарлауынша, 11 қыркүйекте еліміздің бас қалаларында күн ашық. Онтүстік өңірлерде күн жылы болса, орталық және батыс облыстарда жаңбыр жауып, тұман түседі.

Ел ордасы Астанада көшпелі бұлт шығады, түнде және таңертең аздаған жаңбыр жауады. Солтүстік-шығыстан секундына 7-12 метр жел соғады. Ауа температурасы түнде 9-11, күндіз 17-19 градус жылы.

Алматыда көшпелі бұлт шығады, жауын-шашынсыз. Солтүстік-шығыстан секундына 3-8 метр жел соғады. Ауа температурасы түнде 10-12, күндіз 20-22 градус жылы. Шымкент қаласында да күн ашық, ауа температурасы түнде 10-12, күндіз 26-28 градус жылы.

Ақмола облысының солтүстігі мен шығысында аздаған жаңбыр жауып, түнде және таңертең тұман түседі. Солтүстік-шығыстан соққан жел – секундына 9-14 метр...

Дүниежүзілік көшпенділер ойындары үшінші жарыс күнінде Қазақстан құрамасы 7 алтын, 7 күміс, 9 қола медаль иеленді. Қазір ұлттық құрама қоржыныныда жалпы 48 медаль бар. Бұл туралы «Ұлттық және ат спорты түрлері орталығының» баспасөз қызметі хабарлайды.

«Қазанат» ипподромы маңындағы этноауылда өткен жамбы ату спортының Түркі стилінен алтын жүлдені Ералхан Айкөз, ал қола жүлдені Айтбек Сарыбай жеңіп алды. Күміс жүлдені түркиялық Керем Игит еншіледі.

Аударыспақтан Сырым Ізбасаров (100 келі) моңғолиялық спортшы Ерболат Жеңісбекті жеңіп, алтын жүлде алды. 100 келіден жоғары салмақта Біржан Қосалиев Қырғызстан спортшысы Кумушбек Қыдырәлиевтен басым түсіп, алтын жүлдеге ие болды. Ал 90 келі салмақ дәрежесінде Есімхан...

Тәжікстан Республикасының Ресей Федерациясындағы елшілігі ел азаматтарын мүмкіндігінше РФ-ға бармауға шақырды. Елшіліктің мұндай мәлімдеме жасауына Ресей шекарасындағы шетелдіктерге қатысты жүргізіліп жатқан қатаң тексеру ықпал етіп отыр. Тәжікстанның РФ-дағы елшілігінің ресми сайтында жарияланған ақпаратта негізгі себеп осы деп көрсетілген.

«Ресей Федерациясының мемлекеттік шекараларындағы жерде және әуеде өткізу бекеттері арқылы шетелдік азаматтардың кіруіне қатаң бақылау режимі жалғасып жатқандықтан, Тәжікстан Республикасының Ресей Федерациясындағы елшілігі Тәжікстан Республикасы азаматтарын аса қажет болмаған жағдайда Ресей Федерациясына баруды уақытша тоқтатуға шақырады», – делінген хабарламада.

Еске саламыз, бұған дейін Қырғызстанның Ресейдегі елшілігі де өз азаматтарына осындай ескерту жасаған болатын.

Таразда әскери-химиялық қойма меңгерушісі пара алған жерінен ұсталды.

1999 жылы туған полиция сержанты Э. Амангелді Калашников автоматының 1020 дана патронын сатқан. Оның үйінен тағы 120 оқ-дәрі тәркіленді.

Ақпаратты Жамбыл облысының полиция департаменті растады

«Оған қатысты қызметтік тексеру жүргізіліп, соның нәтижесінде қызметкер ішкі істер органында белгілі себептерге байланысты жұмыстан босатылды. Оның басшыларына қатысты ішкі аудит жүргізілуде», – деп хабарлады ведомстводан.

Қазіргі кезде сотқа дейінгі тергеу жүргізілуде.

Жыл басынан бері 95 полиция қызметкері жемқорлық үшін сотталған. Олардың 80%-ы ҚР Қылмыстық кодексінің «Пара алу» және «Алаяқтық» баптары бойынша жазаға тартылған.

Brent маркалы мұнай бағасы 2021 жылдан бері ең төменгі деңгейге түсті. Лондон биржасындағы ICE сауда деректері бойынша Астана уақытымен 19:15-тегі жағдай бойынша шикізат бағасы барреліне 69,72 долларға дейін құлдырады. Оның алдындағы сауда-саттықтың жабылу деңгейіне дейін төмендеу сол кездегі 2,95%-ды құрады.

Сағат 19:37-ге жақындағанда баға белгіленімі барреліне 69,57 долларға дейін төмендеп, 3,22%-ға арзандады. Өз кезегінде WTI (West Texas Intermediate) америкалық маркалы мұнайдың қазан айындағы жеткізілімдері бойынша фьючерстік келісімшарттар осы уақытқа дейін құнын 3,29%-ға (барреліне 66,45 долларға дейін) жоғалтты.

TENGENOMIKA бұған АҚШ пен Қытай нарығындағы мұнайға деген сұраныстың төмендеуі, ОПЕК+ ұйымының жыл соңына дейін мұнай өндіруді  үдетуі себеп болды деп түсіндірді.

Алматы облысы бойынша агроөнеркәсіп саласында субсидияны жымқыруға қатысты алты дерек тіркелді. Жалпы алғанда 653 миллион теңге талан-таражға түскен. Бұл жөнінде Алматы облыстық экономикалық тергеп-тексеру жөніндегі департамент басшысының орынбасары Данияр Қыдыралиев мәлімдеді.

«Аталған фактілерді тексеру барысында ұрлық фактілеріне ықпал ететін негізгі себептер анықталды: ауыл шаруашылығы тауарын өндірушілерді мемлекеттік қолдау шараларын ұсыну тәртібінің анық еместігі және субсидиялау шарттарының орындалуына лауазымды тұлғалардың тиісті бақылауының жүргізілмеуі», – деді Қыдыралиев ОКҚ ұйымдастырған брифингте.

Ет өңдеу кешенінің жобалық-сметалық құжаттамасын бұрмалаған жауапкершілігі шектеулі серіктестіктің басшысы 7 жылға бас бостандығынан айырылды. Оның компаниясы құрылыс шығындарын өтеу үшін 205 млн теңге демеуқаржы алған. Сондай-а...

Түркістан мен Қызылорда әуежайларын вьетнамдық компания дамытпақ. Астана қаласында Түркістан және Қызылорда облыстарының әкімдіктері Түркістан және Қызылорда әуежайларын бірлесіп дамыту бойынша «VietJet Air» вьетнамдық әуекомпаниясының иесі SOVICO Group компаниясымен меморандумдарға қол қойды. Бұл жөнінде Азаматтық авиация комитеті хабарлады.

Мамыр айында «Самұрық-Қазына» акционерлік қоғамы мен SOVICO компаниялар тобына кіретін Aviation Holdings Company арасында Qazaq Air авиакомпаниясын сатып алу шарттарына қатысты міндет жүктейтін ұсынысқа қол қойылды. Инвестор 5 жыл ішінде Boeing 737-Max8 және Airbus A320/321 модельді кемінде 20 ұшақ әкелуді жоспарлап отыр. SOVICO компаниялар тобының құрамына кіретін Vietjet Air авиакомпаниясы Қазақстанда жүк және жолаушылар тасымалдайтын әуе рейстерінің санын біртіндеп көбейтуде.

Вьетнамды...

«Қазатомөнеркәсіп» компаниясының бас директоры Мейіржан Юсупов Financial Times басылымына берген сұхбатында Батыс елдеріне өнім жеткізуге кедергі бар екенін мәлімдеген.

Бұған Ресей мен Украина арасындағы соғыс Ресейге салынған санкциялар түрткі болып отыр.

«Бізге өнімдеріміздің бәрін болмаса да, көбін азиялық серіктестерге сатуға оңайырақ. Олар біздің барлық өнімдерімізді сатып ала алады. Барлық жұмыртқаларды бір кәрзеңкеге салғымыз келмейді», – дейді Юсупов.

Оның айтуынша, қазір санкция кесірінен Санкт-Петербург арқылы өтетін арзан маршрутпен материал жеткізу мүмкін емес. Каспий теңізі арқылы тасымалдау тым қымбатқа түседі.

Өткен айда компания 2025 жылға арналған болжамында өндіруді 17%-ға қысқартып отырғанын мәлімдеген. Жылдық есебінде «Қазатомөнеркәсіп...

Huawei ұсынған жаңа смартфон – жиналмалы Mate XT үлгісі. Оны сатып алуға алдын ала 4,3 млн-нан астам адамнан тапсырыс түскен деп хабарлайды өндірушінің Vmall.com ресми интернет-дүкені.

Бұл үшке бүктелетін әлемдегі алғашқы смартфон. Оған алдын ала тапсырыс беру үшін төлем жасап керек емес. Алдын ала тапсырыс кезеңі 7 қыркүйекте басталып, 19 қыркүйекте аяқталады.

Толық ашылған кезде құрылғы экранының диагоналы 10,2 дюйм болады. Ішкі жады көлемі – 256 ГБ-тан 1 ТБ-ға дейін жетеді. 256 ГБ жады бар нұсқа 19,999 мың юань (2,8 мың доллар) тұрады. 512 ГБ жады бар нұсқаның бағасы – 21,999 мың юань, 1 ТБ – 23,999 мың юань.

Облигациялары Қазақстан қор биржасының ресми тізімінде тұрған Fincraft Group KASE-ге 2024 жылдың 9 қыркүйегінен бастап Beineu Petroleum Limited жекеменшік компаниясының 40 пайыз үлесіне иелік еткенін хабарлады.

Өтінімге Fincraft Group ЖШС президенті Кеңес Рақышев қол қойған.

Эмитенттің он және одан да көп пайызын иеленетін ұйымдардың тізімінде БТА Банк   –  29, 6404 пайыз, Fincraft resources акционерлік қоғамы – 76, 4532 пайыз, «Шоқан Уәлиханов атындағы жекеменшік мектеп» жауапкершілігі шектеулі серіктестік  – 91, 000 пайыз, Nordland Petroleum Inc  – 100 пайыз, Equus Petroleum Limited  – 50 пайыз, Shoqan Academy жауапкершілігі шектеулі серіктестіктің  99 пайыз акциялары көрсетілген.

KASE шілде айының соңында Fincraft Resources өзінің артықшылығы бар...

Қазақстанда жаңартылған EXEED TXL кроссовері сатылымға шықты. EXEED ресми дистрибьюторының баспасөз қызметінің хабарлауынша, нарықта бұл модельдің Luxury, Premium және Flagship сияқты түрі сатылады.

Жаңартылған EXEED TXL интерьері мен технологиялық жағынан өзгерістерге ие болды. Салон дизайны толықтай қайта жасақталған. Жаңа орындықтар және 23 кіріктірілген динамигі мен Lion Melody аудиожүйесі салондағы премиум-комфорт деңгейін сыйлайды.

Жүргізуші орындығы сегіз электрлік реттеу, жылыту және желдету, сондай-ақ бас тірегіне орнатылған екі динамикпен жабдықталған.

Жаңа TXL-де қалыңдығы 15 мм болатын иілген пішінді қос экран орнатылған. Жаңартылған модель кездейсоқ басуларды болдырмау үшін екі жұмыс режимін қамтамасыз ететін «басу және жанасу» технологиясы орнатылған жаңа мультифункционалды рөлмен...

Google-дің бас компаниясы Alphabet акциялары компанияның монополияға қарсы ісі қаралған алғашқы күнде алты ай ішіндегі минимумды жаңартты. Әділет департаменті Google баспагерлер мен жарнама берушілерге зиян келтіріп, интернет-жарнама технологиясының барлық саласында үстемдік етуге тырысады деп мәлімдеді. Google жарнамалық кірістер үшін қатал бәсекелестікке тап болғанын айтып, айыптауларды жоққа шығарып жатыр деп жазды Reuters.

Толығырақ

9 қыркүйекте Аlphabet (А класы) акциялары 1,3%-ға – 148,71 долларға дейін арзандады. Бұл – 21 наурыздан бергі сауда-саттықтың жабылуындағы қағаздардың ең төменгі бағасы.

Жыл басынан бері Alphabet қағаздары 6,5%-ға нығайды, ал S&P 500 индексі бұл аралықта 14,7%-ға өсті. Кейінгі аптада компанияның капиталдандыруы 9%-ға азайды. MarketWatch мәліметтер...

Орталық коммуникациялар қызметінде Бас прокуратураның Активтерді қайтару жөніндегі комитеті Заңсыз иемденілген активтерді қайтару бойынша жүргізілген жұмыстарға қатысты есеп берді.

Жиында журналистер Біріккен Араб Әмірліктерінде талай шенеуніктің балалары мен туыстарының активтері бар екенін айтып, олардың заңдылығын прокуратура қалай және қашан тексеретіні туралы сұрады.

«Мамырда журналистер қазақстандық шенеуніктердің балаларына тиесілі активтер туралы зерттеу жариялады. Онда журналистер Назарбаевтың әйелі Әсел Құрманбаевада, Даниал Ахметов пен бұрынғы ІІМ министрі Ерлан Тұрғымбаевтың ұлдарында Біріккен Араб Әмірліктерінде зәулім виллалары бар екенін анықтады. Сіздер солардың байлығы қайдан келгенін тексересіздер ме?», – деп сұрады журналист.

Активтерді қайтару жөніндегі комитеттің төрағасы...

2024 жылғы қаңтар-шілдеде Болат Өтемұратовқа тиесілі ForteBank-тің пайдасы 30%-ға артты. Бұл туралы банктің қаржылық есебінде жазылған.

Алты айда қаржы ұйымы 74,7 млрд теңге табыс тапты. Былтыр осы кезеңде көрсеткіш 57,3 млрд теңге еді.

«Банктің активтері 16%-ға өсіп, 3,77 трлн теңгеге, міндеттемелері 17%-ға, 3,32 трлн теңгеге, капиталы 4%-ға өсіп, 446,7 млрд теңгеге жетті», – деп жазылған компания есебінде.

30 маусымдағы жағдай бойынша банк 1,6 трлн теңге (+16%) сомасында несие берді. Оның ішінде ірі бизнеске – 529 млрд теңге, ШОБ-қа – 491,7 млрд теңге, жеке тұлғаларға – 583,6 млрд теңге.

Банкте ашылған депозиттер бір жыл...

Жыл сайын қыркүйектің үшінші жексенбісінде Алматыда қала күні аталып өтеді. Биыл мерекеге орай қала тұрғындары үшін 150-ден астам әртүрлі форматтағы іс-шара жоспарланған, деп хабарлайды Алматы қаласының әкімдігі.

Әкімдіктің мәліметінше мерекелік іс-шаралар аясында оркестрлер, театр артистері, танымал әншілер қала ішінде арнайы автобуспен жүріп өтеді. Олар аялдамаларға, көпқабатты үйлердің ауласына және ашық алаңдарға тоқтап, тұрғындарды перформанспен таңғалдырады. Алматылықтар мен қала қонақтары мерекелік шараға күтпеген жерден қатысып қалуы мүмкін, өйткені артистер жүріп өтетін шығармашылық бағыт алдын ала хабарланбайды.

Сонымен қатар, Алматы күнін тойлау кезінде қаладағы метро да өнер алаңына айналмақ. Метрода акробаттар, симфониялық және джаз оркестрлері өнер көрсетеді. Метро бекеттерінде қала музейлер...

Еуропалық одақ Apple компаниясын 13 млрд еуро салық төлеуге міндеттеді. 10 жылға созылған сотта Тим Кук басқаратын компания жеңіліс тапты.

Еуропалық сот Ирландияның аталған компанияға заңсыз көмек көрсеткенін растады.

«Еуроодақтың жоғарғы соты – АҚШ-тың Apple компаниясынан 13 млрд еуро көлемінде салық өндіру туралы шешімін заңды деп таныды», – деп хабарлады FT басылымы.

Бұл туралы 2024 жылғы 10 қыркүйектегі сот шешімінде жазылған

«Сот осы іс бойынша соңғы шешімін шығарады және Еуропалық комиссияның 2016 жылғы шешімін растайды: Ирландия Apple-ге заңсыз көмек көрсетті, Ирландия оны қайтарып алуы керек», – деді судьялар.

2022 жылдың басынан бері 1,9 трлн теңге болатын активтер қайтарылды. Бұл жайлы Орталық коммуникациялар қызметінде өткен брифингте ҚР Бас прокуратурасының Активтерді қайтару жөніндегі комитетінің төрағасы Нұрдәулет Сүйіндіков айтты.

«2022 жылдың басынан еліміздің құқық қорғау, арнаулы мемлекеттік, уәкілетті мемлекеттік органдардың дәстүрлі шараларымен құны шамамен 1,5 трлн теңге болатын активтер қайтарылды. Бұл қылмыстық, азаматтық, әкімшілік істер бойынша мемлекет пайдасына өндірілген сомалар мен мүліктер және мемлекеттік органдардың бақылау, қадағалау қызметі аясындағы өндірулер», – деді комитет басшысы.

Сүйіндіковтің айтуынша, активтер ерікті түрде қайтарылады, ал егер ерікті қайтармаса, мәжбүрлі түрде қайтарылуы мүмкін. Ал қайтарылған активтердің ішінде тұрғын үйлер...

Ұлттық қауіпсіздік комитеті Алматы қаласы Қылмыстық атқару жүйесі департаментінің басшылығы мен қызметкерлеріне қатысты сотқа дейінгі тергеу жүргізіп жатыр. Бұл туралы ҰҚК баспасөз қызметі хабарлады.

«Лауазымды қызметкерлерге Қылмыстық кодекстің 361 бапта (лауазымды өкілеттілігін теріс пайдалану), 362 (лауазымды өкілеттілігін асыра пайдалану) және 366 бапта (пара алу) көрсетілген қылмыстық заң бұзушылық жасады деген күдік келтіріліп отыр», – делінген хабарламада.

Сот санкциясымен 3 адам қамауға алынды.

Кеше Алматыда тергеу изоляторының бастығы Мұратжан Кәкімжановтың ұсталғаны туралы ақпарат тараған болатын.  

«Қазатомөнеркәсіп» «Буденовское» кен орнында уран барлайды. Кеніштің №5 учаскесінде жүргізілетін барлау жұмыстары 6 жылға созылады. Компания баспасөз қызметі жер қойнауын пайдалану құқығын алғанын хабарлады.

Компания ақпаратына сәйкес, «Буденовское» кен орны «Кенце-Буденновск» металлогендік аймағындағы Мыңқұдық кенді ауданының бір бөлігі. Оңтүстік бағытта елдегі ең ірі уран кен орны «Инкай» кенішінің жалғасы.

«Қазатомөнеркәсіп» осы кен орнындағы №5 учаскенің әлеуетін жоғары бағалап отыр. Өйткені болжам бойынша мұндағы уран ресурстары 18 000 тоннадан асады. Компания мәліметінше, ресурстар мен қорлар нақтыланатын барлау жұмыстары аяқталған соң, ондағы анықталған ресурс көлемі бұдан да көп болуы мүмкін.

«Сондықтан егжей-тегжейлі барлау жұмыстарын жүргізу үшін...

Қарағандыда кәсіпкерлерге сыртқы жарнаманы қазақ тіліне аударуға әкімдік тегін көмек көрсетеді. Бұл туралы облыс әкімдігі хабарлайды.

Әкімдіктің мәліметінше, Қарағанды облысының тілдерді дамыту басқармасы жанындағы ресурстық тіл орталығының мамандары кәсіпкерлерге жарнаманы немесе басқа да визуалды ақпаратты қазақ тіліне тегін аударып беруге дайын. Ол үшін Call-орталыққа +7-775-163-00-00 нөмірі бойынша хабарласа алады.

«Әлеуметтік жобаның мақсаты – кәсіпкерлердің мемлекеттік қызметтер көрсету саласындағы тілдер мен жарнама туралы заңнама талаптарын сақтауын мониторингтеу, сондай-ақ «ҚР кейбір заңнамалық актілеріне визуалды ақпарат және діни қызмет мәселелері бойынша өзгерістер мен толықтырулар енгізу туралы» заңды түсіндіру», – делінген хабарламада.

Call-орталық кәсіпкерлерге көрнекі ақпаратты мемлекеттік тілге...

Ұлттық банк статистикасына сәйкес, тамызда Қазақстанның таза халықаралық резерві 40,5 млрд долларды құраған. Ал Ұлттық қордағы 62,6 млрд доллар актив пен халықаралық резервті қосқанда, 103,1 млрд долларға жетеді.

Шілде айында бұл көрсеткіш 100,8 млрд доллар болған еді. Тәуелсіз экономист, Tengenomika телеграм-арнасының авторы Ғалымжан Айтқазин маусым айындағы көрсеткішті (99,3 миллиард доллар) соңғы 10 жылдағы ең жоғары көрсеткіш деп атаған. Яғни халықаралық резерв үш ай қатарынан өсім көрсетіп келеді.

Қазақстанның таза халықаралық резервтері [валютадағы жалпы резерв пен міндеттемелер арасындағы айырма] тамызда өткен аймен салыстырғанда 1,97%, ал 2023 жылдың соңымен салыстырғанда 19,6%-ға өсті.

Қазақстанның жалпы халықаралық резерві 42,6 млрд...