Жаңалықтар

Қостанай облысына жұмыс сапары барысында Қасым-Жомарт Тоқаев өңірдің ауыл шаруашылығы әлеуетімен танысты. Ақорданың баспасөз қызметі Президенттің егіс алқабында түскен суреттерін жариялады. Бұл суреттер әлеуметтік желі қолданушыларының назарын бірден аударды.

Ал облыс басшысы Құмар Ақсақалов Президентке биыл өңірдегі 5 миллион гектар алқапқа егін егілгенін баяндаған. Ақпаратқа сәйкес, облыстағы сала мамандары элиталық тұқымның үлесі мен минералды тыңайтқыштарды себу көлемін ұлғайтуды көздеп отыр.

Әлеуметтік желі қолданушылары Тоқаевтың Қостанай облысы Майкөл ауылдық округіндегі «Надеждинка» жауапкершілігі шектеулі серіктестігінің астық алқабында түсірілген фотосуреттердің сапасы мен сәтті ракурстарына да таңданыс білдірген.

Бұл сапарда Тоқаев өңірдің егіс алқабында болып, аралап, ауыл шаруашылығы мамандарымен әңгімелесті. Мемлекет басшысы...

Бүгінде Қазақстанның қор нарығы мен қаржы жүйесі қарқынды дамып келеді. Мәселен, KASE-де саудаға түсетін корпоративтік облигациялардың көлемі 30 млрд доллар немесе ЖІӨ-нің 12%-ын құрайды. Бұл туралы Алматыда өтіп жатқан Орталық депозитарийлер Азия-Тынық мұхиты қауымдастығының (АСG) 26-шы жалпы жылдық жиналысында Қаржы нарығын реттеу және дамыту агенттігінің басшысы Мәдина Әбілқасымова айтты.

«Жаһандық қаржы жүйесін дамытудың ағымдағы жағдайларында Азия-Тынық мұхиты аймағы мен Орталық Азия арасындағы өзара тиімді қарым-қатынастарды құрудың стратегиялық маңызы бар. Бүгінде Қазақстанның қор нарығы мен қаржы жүйесі қарқынды дамып келеді. Акциялар нарығын капиталдандыру 70 млрд доллар немесе елдің ЖІӨ-нің 28%-ын құрайды. KASE-де саудаға түсетін корпоративтік облигацияларды...

Қазақстандағы KIA зауытында Sportage пен Sorento модельдерін шығарады. Бұл туралы Kia Qazaqstan компаниясының бас директоры Ким Дэ Ки Президент Қасым-Жомарт Тоқаевқа баяндамасында айтты.

Kia Qazaqstan компаниясының бас директорының айтуынша, 2025 жылдың қазан айында зауыт іске қосылады. Бастапқы кезеңде автокәсіпорын Sorento моделін өндіруді жоспарлап отыр. Ал 2026 жылдың қаңтарынан бастап жаңартылған Sportage моделін шығара бастайды.

Айта кетейік, бүгін, 10 қыркүйек күні Қасым-Жомарт Тоқаев Қостанай облысындағы KIA автомобильдерін шығаратын зауыттың құрылыс алаңына барды.

Президенттің іс-cапары барысында KIA зауыты жылына 70 мыңға жуық автокөлік шығара алатыны туралы айтылды.

«Кәсіпорында жаңадан 1500 тұрақты жұмыс орны ашылады. Мұнда өндіріст...

BYD бренді – Қытай нарығында көшбасшы. Қытай автомобиль өндірушілері қауымдастығы дерегінше, оның сатылымы 2024 жылдың қаңтар-шілде айлары аралығында 1 599 346 көлікті құрады (+21,3%). Бірақ BYD Han седанының сатылымы төмендеген. Яғни алты айда 111 075 бірлік көлік сатылды (-9,6%).

Сондықтан Қытайда бұл модельдің жаңартылған нұсқасы ұсынылды. Оның жалпы сатылым көлемі өндіріс басталғаннан бері 800 000 бірліктен асты. 2025 жылы BYD Han моделі жақсарып һәм жаңарып қана қоймай арзандамақ. Атап айтқанда, негізгі электрлік модификациядан басқа барлық көлік түрі үшін баға төмендеді.

BYD Han электр көлік ретінде де, гибрид ретінде де ұсынылады. Бірақ екеуінің сыртқы түрі еш ерекшеленбейді. Ең қымбат моделінде...

Қазақстанда АЭС салуға қарсылық білдіріп жүрген белсенділер тобы көпшілікті жалпыхалықтық референдумы кезінде жаппай дауыс беруге шақырды. Ынталы топ Алматы қаласында баспасөз мәслихатын өткізді.

Жиынға қатысқан эколог Қайша Атаханова, экономист және энергетик Асет Наурызбаев, эколог Гүлсім Кәкімжанов, экологиялық құқық жөніндегі халықаралық сарапшы Вадим Ни Үкіметтің АЭС-ке қатысты ұстанымына келіспейтінін жеткізді.

 «Электр энергиясы жетіспейді деген қорқыныштың жетегінде кетпеуіміз керек. Біз келер ұрпаққа сенім артайық. Оларға орасан зор қарыз артып, радиоактивті қалдықтар мәселесін қалдырмауымыз қажет. Энергетикаға байланысты мәселені өздері шешіп алады. Жаңартылатын энергетика (күн, жел) барлық мәселені тез әрі арзан шешім ұсынады», – дейді Қайша Атаханова.

Экономист...

Денсаулық сақтау министрлігі МӘМС жүйесі арқылы қаржыландырылатын қызмет түрлерін қадағалау үшін емханалар мен басқа медициналық ұйымдарға жеке басты растаудың жаңа тетігін енгізбекші. Бұл жайлы Үкімет сағатынан кейін өткен броифинг барысында министр Ақмарал Әлназарова айтты.

Брифингте журналист МӘМС жүйесін пайдаланып, жалған жазбалар арқылы қаражат жымқыру тәсілі 6 жылдан бері айтылып келе жатқанын тілге тиек етті.

«МӘМC жүйесі баяғыдан бері жұмыс істеп келеді. Ал өтірік жазба енгізу мәселесі 6 жылдан бері бар. Неге 6 жылдан бері бұл мәселеге ден қойылмай келді? Министрлік енді ғана тексеріп жатыр. Бұл жағдайға кім жауапты?», – деп сұрады журналист.

Сарапшылар дамушы елдердің облигацияларынан аулақ болуға және коммуналдық акцияларға инвестиция салуға кеңес береді. Бұл олардың кірістілігінің америкалық бигтехтен асып түскенін көрсетеді. Сонымен қатар Қытайда дефляция күшейіп, елге жапон сценарийі бойынша ұзаққа созылған дағдарыс қаупі төніп тұр. Осы және өзге де тақырыптар туралы 9 қыркүйекке арналған шолудан оқыңыз.

BofA ФРЖ-дағы құбылмалылық пен жұмсарту кезеңінде коммуналдық акцияларға басымдық береді

Bank of America акцияларының стратегі Савита Субраманьян қор нарығындағы жоғары құбылмалылық коммуналдық акцияларды тартымды етеді деп санайды. Субраманьян коммуналдық сектордың салмағын арттырып отыр. Оның пікірінше, бұл сектордың кірістілігі технологиялық компаниялардың кірістілігінен де жоғары болады деп жазды Bloomberg. «Тасбақаны (сапа мен кіріст...

2023 жылы жарғылық капиталын 484 есе өсірген Arcada Industry компаниясы жарғылық капиталын тағы да арттырып, 1,15 млрд теңгеге жеткізді. Аталмыш компания Ақмола облысында қиыршық тас пен құм өндіреді. Қатысушылардың жалпы жиналысының шешімі Қазақстан қор биржасында жарияланды.

Компания 2023 жылы жарғылық капиталын 484 есе өсірген болатын. Жыл басында бар жоғы 725 мың теңге болған жарғылық капитал былтыр 350 млн теңгеге жеткен еді. Биыл 800 млн теңгеге қосымша капиталдандырылып, жалпы 1,15 млрд теңгеге жетті. 800 млн теңгенің 400 млн теңгесін – «Аркада» ЖШС енгізсе, 320 млн теңгесін – Negma компаниясы төлеген. Ал 80 млн теңге акционерлердің бірі – Александр Игнатущенконың қалтасынан...

Үкімет сағатынан кейін өткен брифингте Денсаулық сақтау министрі Ақмарал Әлназарова Маңғыстау облысында мектеп асханасында тамақтан уланған оқушылардың жай-күйі туралы айтты.

Министрдің мәліметінше, 460 оқушының ішінен 92-сі ауруханаға жатқызылған.

«Бүгінде олардың 17-сі үйіне жіберілді. Ал жансақтау бөліміне жатқызылған екі оқушы, денсаулық жағдайы тұрақталған соң, жалпы бөлімге ауыстырылды. Қалған балалардың жағдайы да жақсы. Ал 387 бала амбулаторлық бақылауда», – деді Әлназарова.

Министр бұл жағдайды қадағалау үшін өңірге Денсаулық сақтау вице-министрі жіберілгенін айтты. Одан бөлек инфекционистер мен эпидемиологтар да жұмылдырылған. Министрлік басшысы қазіргі уақытта балалардың денсаулығына қауіп төнбейтінін жеткізді.

«Оқушыларды...

Қазақстанда арзан көлік түрлері сұранысқа ие. Koleso Group  статистикасы бойынша, авто іздеу жүйелерінде көпшілік бағасы 5 млн теңгеден төмен автокөлік қарастырады. Бұл ретте «Курсив» тілшісі осы бағаға қандай темір тұлпар тізгіндеуге болатынын зерттеп көрді.

Қазақстан нарығында 5 млн теңгеге (10,500 доллар) сатып алуға болатын арзан көлік түрлері мынадай:

Дүйсенбі 9 қыркүйек күні Apple компаниясы iPhone 16 және iPhone 16 Plus базалық модельдерін таныстырды. Құрылғылардың экрандары өзгеріссіз қалды: бұрынғыдай 6,1 және 6,7 дюймдік OLED дисплейлер. Смартфондардың корпусы алюминийден жасалған. Ал артқы бетінде камералардың жаңа орналасу реті бірден көзге түседі.

Жаңа модельдердің камералары енді диагональ бойынша емес, вертикаль орналасқан. Бұл көрініс 2017 жылы шыққан iPhone X моделін еске салады, бірақ ол кезде камера элементтері бір корпуспен жабылған еді. Жаңа iPhone-дарда әр объектив жеке көрінеді.

Камераның өзгеруіне жаңа функция әсер етті. Енді базалық iPhone-дар кеңістіктік бейнетүсірілімді қолдайды, яғни 3D-клиптерді Apple компаниясының Vision Pro гарнитурасы арқылы көруге болады. Сонымен қатар, камераны...

Қазақстанда екінші деңгейлі банктердің акционерлеріне төлейтін дивиденд көлемі ескеріліп, теңгерімді салық салу жоспарланып отыр. Ұлттық экономика министрі Нұрлан Байбазаров Үкімет отырысында бұл норма жаңа заң жобасына енгізілетінін мәлімдеді.

Министрдің айтуынша, жаңа заң жобасы ақша-несие саясаты желісі бойынша банктер мен кредиттік ұйымдардың қызметін реттейді.

«Заң жобасының негізгі міндеттері – экономикалық белсенділікті ынталандыру, цифрлық активтер мен қаржы технологияларын реттеу. Осы бағыт бойынша теңгерімсіздікті жою мақсатында төленетін дивидендтерді ескере отырып, банк секторына теңгерімді салық салуды енгізу жөнінде шаралар қабылданатын болады», — деп атап өтті Нұрлан Байбазаров.

Президент Қасым-Жомарт Тоқаев биылғы жолдауында бізге банктер туралы жаңа заң қажет...

Жоғары оқу орындарында колледж түлектеріне арналған гранттар саны артады. Бұл жайлы Үкімет сағатында премьер-министр Олжас Бектенов айтты.

Премьер-министр «Жас маман» жобасын іске асыру аясында 180 колледжді қайта жарақтандыру үшін республикалық бюджеттен 48 млрд теңге бөлінгенін, алайда қабылданып жатқан шаралар кадр даярлау сапасында айтарлықтай нәтиже бермегенін атап өтті.

Кәсіптік-техникалық білім беруді қайта жаңғырту бойынша жаңа тәсілдер қажет екені айтылды. Премьер-министр халықаралық салалық стандарттар мен сертификаттауды белсенді түрде енгізуге басымдық беру керек екеніне тоқталды.

«Ол үшін Оқу-ағарту министрлігі жұмыстың сапасына тәуелсіз бағалау жүргізуі керек. Сондай-ақ технологиялық көшбасшыларды айқындай отырып, колледждерді кәсіби бейімдеу мен саралауды аяқтауы қажет...

12 қыркүйек күні сағат 15:00-де Димаш Құдайбергеннің шығармашылығына арналған «Дүние дидарындағы Димаш» атты көрменің ашылу рәсімі өтеді. Бұл туралы Ұлттық музей баспасөз қызметі хабарлайды.

Музей баспасөз қызметінің хабарлауынша, көрме Димаш Құдайбергеннің Астанадағы концерті аясында әртістің шығармашылық жолы мен жетістіктерін көрсететін бірегей мәдени кеңістік құруға бағытталған.

«Дүние дидарындағы Димаш» көрмесіне қазақ жанының болмысын бейнелейтін, оның қайталанбас үнін қалыптастырған, өміріндегі елеулі оқиғалар туралы хабар беретін құндылықтар, танымал тұлғалар мен көптеген жанкүйердің сыйлықтары ұсынылады.

Көрме мазмұны келесі бөлімдерден құралған:

1. «Шабыт көздері» – әртістің өмірбаяны, өскен ортасы, балалық шағы мен шығармашылық жолын көрсететін заттар (фотосуреттер, жекелеген заттар);

2. «Даңққа...

Президент Қасым-Жомарт Тоқаевтың жарлығымен Мемлекет қайраткері Сәт Тоқпақбаевқа «Халық қаһарманы» атағы берілді.

«Қазақстан Республикасына сіңірген аса үздік еңбегі үшін мемлекет қайраткері Сәт Бесімбайұлы Тоқпақбаевқа «Халық қаһарманы» атағы беріліп, айрықша ерекшелік белгісі – Алтын жұлдыз бен «Отан» ордені тапсырылсын», – делінген жарлықта.

Сәт Тоқпақбаев бұрынғы кездері Ұлттық қауіпсіздік комитетін, Қорғаныс министрлігін басқарды. Биліктің жоғары сатыларында маңызды мемлекеттік лауазымдарды атқарды. Мәжіліс депутаты болды. Әртүрлі марапаттауларға ие.

Айта кететін, жайт, биыл қыркүйек айында генерал-полковник Сәт Тоқпақбаев 85 жасқа толып отыр.

Asbaurum компаниясы Шығыс Қазақстан облысының Үлкен Нарын ауданы аумағынан алтын іздемек. Компания алтын және онымен байланысты компоненттерді анықтау мақсатындағы жоспарлы геологиялық барлау жұмысын жүргізетінін хабарлады.

Экологиялық порталға жүктелген құжатқа сәйкес, компания Үлкен Нарындағы жалпы аумағы 15,4 шаршы шақырым аумақта алтын кенін іздеп көрмекші.

Кен орнын барлау және пайдалану уақыты 2028 жылға дейін деп көрсетілген. Компания биыл мамырда жер қойнауын пайдалану жөнінде 6 жылдық лицензия алған. Пайдаланылатын аумақ Үлкен Нарын ауданындағы Майемер ауылынан оңтүстікке қарай 18 шақырым жерде орналасқан. Бұл – таулы аумақ шегінде елдімекен жоқ, мал жайылымы ретінде пайдаланылған жер.

Өзен аңғарларының бойындағы жер оқтын-оқтын дәнд...

Колледж түлектерін жұмыспен қамту деңгейі 79%-ға жеткен. Бұл жайлы Үкімет отырысында Оқу-ағарту министрі Ғани Бейсембаев айтты.

Министрдің айтуынша, бүгінгі таңда Қазақстанда 772 колледжде 565 мың студент оқып жатыр. Оның ішінде 177 мың студент биылғы жылы оқуға қабылданған. Ал 91 мың студент дуальды оқумен қамтылған екен.

«Маман даярлаудағы маңызды қадам – бизнеспен ынымақтастық құру. Қазіргі уақытта 518 кәсіпорын дуальды оқыту, шефтік қамқорлыққа беру секілді түрлі өзара ынтымақтастық құралдарын қолдана отырып, 410 колледжбен тығыз қарым-қатынаста жұмыс жасауда. Бұл студенттерді практикалық дайындықпен және жұмыспен қамтамасыз етуге өз септігін тигізеді. Қазақстанда колледж түлектерінің жұмысқа орналасу көрсеткіші 79%-ды құрайды...

Үкімет еліміздің оңтүстік өңірлеріндегі шекара бекеттерінен бензиннің заңсыз экспортталуына тосқауыл қоймақ. Еліміздің оңтүстік өңірлерінде АИ-92, АИ-95 жанармай мен дизельді отынды тұтыну көлемі артқан. Үкімет мұны көрші елдерге қарағанда елімізде жанар-жағармай құнының арзан болуымен байланыстырып отыр.

Үкіметтің баспасөз қызметінің хабарлауынша, премьер-министрдің бірінші орынбасары Роман Скляр ішкі нарықты қамтасыз ету мәселесі бойынша арнайы кеңес өткізіп, осы мәселе талқыға салынған.

Ақпаратқа сәйкес, «сұр экспорт» арқылы бензинді сыртқа тасымалдайтындар тіркелген. Яғни оңтүстік шекарадан «бүркемелеу тауары» ретінде мұнай өнімдерін экпорттау жағдайлары кездеседі екен.

Осыған байланысты Роман Скляр мұнай өнімдерінің ішкі нарықта тапшы болуына жол бермеу үшін бірқатар органдарға арнайы тапсырма беріп отыр...

Инсульттан кейін Астананың №2 қалалық көпбейінді ауруханасында ем қабылдаған Жапониядан келген науқас бүгін 10 қыркүйек күні шығарылды деп хабарлайды денсаулық сақтау министрлігі.

Министрліктің мәліметінше, жапондық науқастың жағдайы орташа ауыр дәрежеде деп бағаланды.

Естеріңізге сала кетейік, 17 тамыз күні Жапониядан Астанаға ұшып келген швейцариялық борт апатты жағдайда қонды. Әуеде 52 жастағы жолаушының денсаулығы күрт нашарлаған. Жексенбі, 18 тамызда, Астана қаласының денсаулық сақтау басқармасы Жапония азаматының жағдайы ауыр екенін хабарлады.

Токио – Цюрих бағыты бойынша қатынайтын Boeing 777-300ER ұшағы жолаушы сырқатына байланысты Астанаға қонуға мәжбүр болды. Swissair әуе компаниясының SWR161 рейсі бойынша борт елорда әуежайына қонғанымен, экипаж қателігінен ұшақ дөңгелег...

Маңғыстау облысының Мұнайлы ауданы Бесшоқы ауылындағы №8 мектепте асхана тамағынан уланған баланың саны 460-қа жетті. Маңғыстауда уланған мектеп оқушыларының ата-аналары балалардың тамақ сапасына қатысты бұған дейін де шағым түсіріп келгенін айтты.

«Бұл жағдай бірінші рет қайталанып тұрған жоқ. Өткен жылы менің балам ашып кеткен ботқа бергенін айтты. Мен бұл мәселені талай көтердім. Бір менің балам емес, барлық ата-ананың балалары тамақтың сапасы нашар екенін айтқан. Мен содан бастама көтеріп, асхананы тексеруді ұсындым. Балаларымыздың не жеп жатқанын көрейік дедім. Бірақ ешкім бармай қойды», – дейді ата-ана.

Балалар уланған күні асхана мәзірінде езілген картоп пен...

Астана мәдениет басқармасының бұрынғы басшысы мен мердігер компания өкілдері 1 млрд теңгені жымқырды деген күдікке ілінді. Олар салынып біте сала, бұзылып қалған субұрқақтың құрылысынан қаржы жеген. Қаржы мониторингі агенттігі аса ірі көлемде қаржы жымқыру ісі бойынша сотқа дейінгі тергеу жүргізіп жатыр.

ҚМА-ның хабарлауынша, олар 2016 жылы Астана күні мерекесіне орай салынған «Күн» («Есіл өзеніндегі жарық-иллюминациялық және от шоуы») субұрқағы құрылысына байланысты күдікке ілінген. Бұл нысанның құрылысына миллиард теңгеден астам қаржы жұмсалған. Десе де субұрұқақ қазір жұмыс істемей тұр.

Астана мәдениет басқармасы нысан құрылысын мемлекеттік сатып алу рәсімінсіз жүргізіпті. Оның жоба-сметалық құжаттамасы болмаған және мемлекеттік сараптамадан өтпеген.

Құрылыс...

Қазақстан ұлттық құрамасы Дүниежүзілік көшпенділер ойындарының екінші жарыс күні 14 алтын, 3 күміс, 8 қола медаль алды. Олардың ішінде қазақ күресінен қатысқан 8 спортшының барлығы алтын медаль алды. Ал жамбы атудан үш орынды да ұлттық құрама спортшылары иеленді.

Жамбы ату

«Қазанат» ипподромы маңындағы этноауылда өткен жамбы ату спортының Азия стилінен жүлделі үш орынды да қазақстандық спортшылар жеңіп алды. Батыр Бексауыт – алтынға, Айтбек Сарыбай күміс жүлдеге ие болса, қола медальді Ералхан Айкөз еншіледі.

Аударыспақ

Қазақстандық спортшылар аударыспақтан үш салмақ дәрежесінде де алтын медаль алды. 60 келіде Ермек Құралбай, 70 келіде Алмат Ләтіпбек, 80 келіде Дарын Өткелбай жеңімпаз...

Футболдан Қазақстан құрамасы  УЕФА Ұлттар лигасында Слованиядан 0:3 есебімен жеңіліп қалды.

Любляна қаласының «Стожице» стадионында В лигасының үшінші тобының екінші турының ойыны өтіп, бас төреші Джоау Педро Пиньейро болған. Ойын барысында Словения құрамасы 3:0 есебімен жеңіске жеткен. Голдың бәрін Словения құрамасының шабуылшысы Беньямин Шешко салды.

Команда В лигасының үшінші тобында төртінші орынға түсті.

Ұлттық құраманың бас бапкері Станислав Черчесов Словениямен (0:3) өткен матч туралы пікірін білдіріп, «қарсылас мықтырақ болғанын» айтады.

6 қыркүйекте Алматының орталық стадионында Қазақстан мен Норвегия арасында футболдан Ұлттар лигасы матчы өткен. Ойын 0:0 есебімен аяқталған.

11 қыркүйек күні Жер планетасында магниттік дауыл соғуы мүмкін. Өйткені соңғы бірнеше күнде Күн ғаламшарынан бірнеше рет плазма ағыны шыққан. Күн астрономиясы зертханасының хабарлауынша, бөлінген плазманың бір шеті Жерді жанап өтуі мүмкін.

9 қыркүйекте Күннен үлкен көлемдегі плазма бөлінген. Мамандардың айтуынша, ол Жерге 50 сағат аралығында жетуі мүмкін. Соның салдарынан жерде магниттік дауыл туындайды.

«Таңертең ғарыштық коронаграфтың жұмысында үзілістер болғандықтан, плазма шыққан сәт түспей қалды. Одан кейінгі суреттерде қазірдің өзінде қалыптасқан бұлттың шамамен 800 км/с жылдамдықпен қозғалып жатқаны көрсетілген. Мұндай жылдамдықпен жылжыған масса Жерге 11 қыркүйекте жетуі ықтимал», – деп атап өтті ғалымдар.