Жаңалықтар

Белгісіз біреу Aport Mall сауда орталығын «бомба орнатты». Алматы облысы төтенше жағдайлар департаментінің поштасына сауда орталығына қойылған жарылғыш зат туралы хабарлама келіп түсті. Ғимараттан 3,5 мыңнан астам адам дереу эвакуацияланды.

«Сағат 15:45-те Алматы облысының төтенше жағдайлар департаментіне жарылғыш зат туралы жасырын хабарлама келіп түсті. Ғимараттағы 3,5 мыңнан астам адам дереу эвакуацияланды. Оқиға орнына саперлар, кинологтар және басқа да мамандар барып, барлық үй-жайларды тексерді. Тексеру 19:20-да аяқталды, ақпарат расталмады», – деп хабарлады Алматы облысының полиция департаментінен.

Террорлық акт туралы көрінеу жалған хабарлау фактісі бойынша қылмыстық іс қозғалды.

«Анонимді тұлғаны анықтауға және ұстауға...

Шілдеде қазақстандықтар айырбастау пунктерінен 97,3 млрд теңгеге доллар сатып алды. Ұлттық банктің статистикалық мәліметтеріне сай бұл көрсеткіш өткен аймен салыстырғанда 1,5 есе (147,3 млрд теңге) және өткен жылдың сәйкес кезеңімен салыстырғанда (194,1 млрд теңге) 2 есе аз. Долларға деген сұраныс азайды.

Ақша айырбастау пунктері халыққа 95,6 миллиард теңгенің долларын сатқан 2023 жылдың маусымынан бері көрсеткіш мұншалықты төмен болған жоқ. 2023 жылдың сәуірінде бұдан да төмен көрсеткіш байқалды (73,2 млрд теңге).

Алайда  өткен жаздан бастап долларды сатып алу көлемі өсуде және 2023 жылдың желтоқсанында 237,8 млрд теңгені құрады. Қаңтарда бұл көрсеткіштер айтарлықтай жоғары – 190 млрд теңге болды. Одан кейін...

Кейінгі уақытта Астана әуежайында қарбалас көбейіп кетті. Әуе компаниялары ұшақтар техникалық ақауға байланысты жиі тоқтайтынын хабарлайды. Осыған байланысты «Курсив» сауалына жауап берген Азаматтық авиация комиеті негізгі себептерді атап көрсетті.

Авиация комиеті түнгі уақытта аэродромды жабу арқылы ұшу-қону жолағын жөндеу жұмысы қолға алынғанын хабарлады.

«Тәулік ішінде рейстердің саны екі есеге жуық артты. Соның салдарыран әуе кемелеріне техникалық қызмет көрсететін персоналдың жүктемесі  артып келеді, бұл өз кезегінде ұшу қауіпсіздігіне де әсер етуде», – деп жауап берді комитет.

Комитет қарбалас уақытында техника мен қызметкерлер санының жеткіліксіз болғанын анықтады.

«Тексеріс нәтижелері бойынша әуе кемелеріне қауіпсіз...

Америкалық Apple күтпеген қадамға барып, цифрлық қызметтер тобындағы әзірлеушілерді қысқартты, деп хабарлады Bloomberg шолушысы Марк Гурман. Бұл жағдай негізінен Apple Bookstore онлайн-дүкені мен Apple Books қосымшасына қатысты. Осылайша, Apple енді бұларды экожүйенің маңызды бөлігі ретінде қарастырмайды.

Толығырақ

Apple цифрлық қызметтер тобындағы 100-ге жуық қызметкерді жұмыстан шығарды. Bloomberg дереккөзінің айтуынша, компания басшылығы бұл туралы қызметкерлерге 27 тамызда хабарлаған. Бірнеше инженерлік лауазым қысқартылды. Негізінен Apple Bookstore онлайн-дүкені мен Apple Books қосымшасына жауапты мамандар компанияның «қырына» ілікті. Apple News секілді басқа бөлімшелерде де жұмыстан босату фактілері тіркелді.

Apple енді Books-ты қызмет желісінің маңызды бөлігі ретінде қарастырмайды, дейді Bloomberg сұхбаттасушылары. Сонымен қатар...

Трансшекаралық көміртек салығы енгізілген жағдайда ERG компаниялар тобы жылына 350 млн долларға дейін салық төлейтін болады. Бұл туралы «Қазатомэкспо» көрмесіндегі панельдік сессияда Қазақстандық электр энергетикалық қауымдастығының төрағасы Талғат Темірханов айтты.

«Жақын арада трансшекаралық көміртек салығы іске қосылса, шекарадағы ERG компаниялар тобы жыл сайын 330-дан 350 млн долларға дейін шығынға ұшырайды. 350 миллион доллар дегеніміз  – ірі тау-кен металлургия компаниясының жылдық жалақы қоры. Қазір экспорттық өнімнің көміртек ізін, экономикалық өсімді және жалпы тұрақтылықты төмендетудің іргетасын қалап алу керек», – деді Темірханов.

Оның айтуынша, Қазақстанда атом электр станциясын базалық генерация ретінде іске қосу болашақ экономикалық өсімнің негізін қалауға мүмкіндік береді.

«Атом электр станциясы – негізгі іргетас. Өйткені қандай да бір жолмен...

Telegram мессенджерімен байланысты Toncoin криптовалютасының құны 7%-дан астамға қымбаттады. 24 тамызда Парижде ұсталған мессенджердің негізін қалаушы Павел Дуровтың босатылғаны туралы қате ақпараттан кейін валюта құны көтерілді. Оған француз телеарнасының қате түсіндірілген жаңалығы себеп болды – судья әлі кәсіпкердің тағдыры туралы шешім қабылдаған жоқ.

28 тамыз күні BFMTV арнасы Франция құқық қорғау органдары Павел Дуровты қамаудан босатқанын жариялаған еді. Дегенмен оны бостандыққа шықты деуге әлі ерте екені белгілі болды. BBC күдіктінің алғашқы сұрақтарға жауап бергенін, енді Дуровтың тағдырын судьялар шешетінін жазды. CNN француз прокурорлары миллиардерді алдын ала тергеу күтіп тұрғанын, сот алдында жауап беруі мүмкін екені туралы ақпарат...

Қазақстандық банктер төлем жүргізетін (2024 жылдың қаңтар-маусым айларында 87%) «Золотая корона» – «Қаржы технологиялар орталығы» жүйесін әзірлеуші компания АҚШ санкциясына ілікті. Енді отандық банктер Ресейге ақша аударымдарын қысқарта ма? Бұл туралы Ұлттық банк «Курсив» сауалына жауап берді.

Өз жауабында Ұлттық банк санкция салу кезінде АҚШ-тан Қазақстан атына ешқандай ескерту келіп түспегенін атап өтті.

«Золотая корона» төлем жүйесінің өзі санкциялар тізіміне енгізілмеген, оған қатысты ұсыныстар түскен жоқ. Екінші деңгейдегі банктер жеке кәсіпкерлік субъектілер ретінде өз қызметі үшін тәуекелдерді дербес бағалайды және коммерциялық мүдде мен экономикалық орындылықты негізге ала отырып, шетелдік төлем жүйелеріне қатысу туралы өз бетінше шешім...

Анық себебін айта алмаса да, бүгінде көпшілік қоңырауға жауап беруден қашқақтайтынды шығарған. Мессенджерлер бар заманда телефонмен сөйлесуді орынсыз көреді жастар. Тіпті көбінің профайлында аудио хабарлама тыңдамайтыны жазулы тұрады. ВВС агенттігі бүгінгі тілде «Z ұрпақ», «милленниалдар» атанып кеткен жастардың қоңыраудан неге қашатынын өзінше тарқатыпты. 

Бүгінде авто жауап көп қолданылатын елдерде «Сәлем, қазір қоңырауға жауап бере алмаймын. Бірақ сіз де аудио хабарлама жазбаңыз, оны бәрібір тыңдамаймын» деген жазба жиі естіледі екен. Кейінгі зерттеулерде 18-34 жас аралығындағы азаматтардың қоңырауға мүлде жауап бермейтіні анықталған. Респонденттер хат жазысқанды жөн көретінін, танымайтын нөмірді интернеттен іздеп, алдын ала біліп алатынын айтқан. 

18-34 жас аралығындағы 2000 жасты қамтыған...

Соңғы үлгідегі Toyota Camry 80 АҚШ-та, Қытайда және Еуропада сатылуда, енді жаңа өнім Таяу Шығысқа жетті. БАӘ-де тоғызыншы буын көлігінің сатылымы басталды.

XV80 моделі 2023 жылдың қарашасында ресми түрде таныстырылды. Автокөліктің алдыңғы жағы Crown және Prius-ке ұқсайды. Сарапшылар мұны рестайлинг деп атады. Ал артқы дизайны мен жаңартылған интерьері өзгеше.

Седан CVT және толық жетекті 2,5 қозғалтқышқа негізделген гибрид. Мысалы, АҚШ-та да Camry тек гибридті нұсқада ұсынылды. Ал Қытайда автомобиль қарапайым 2,0 литрлік бензин қозғалтқыш түрінде сатылып жатыр.

Қазақстандықтардың сүйікті көлігіне айналған «сексеннің» сатылым географиясы кеңеюде. Бірақ ресми тізімде Қазақстан әлі жоқ. Диллерлер бұған қатысты әлі ақпарат бермед...

Жекеменшік компания Ulytau Resources Ltd 2024-2028  жылдар аралығында Жамбыл облысы Мойымқұм ауданындағы «Жусандала» кен алаңынан уран және сирек кездесетін элементтерді іздеу және бағалау жұмыстарын жүргізбек. Бұл турады ecoportal-да хабарланды. 

Тамыз айының 14 күні барлау жұмыстарын өткізу үшін Ақсүйек тұрғындарымен қоғамдық тыңдау өткізілген. Тұрғындарды «жайылып жүрген малдарға, адамдарға зияны жоқ па?» деген сауал қызықтырып отыр. Одан бөлек, ауылға не пайда келетіні жайында сұраған. 

Экопроект 2017 ЖК өкілі О.В.Матвееваның айтуынша, қоршаған ортаға зиян барынша азайту шаралары жасалмақ. Ол жоба уран және сирек кездесетін металдар деп көрсетілген, алайда сирек элементтер ізделінетін айтқан. 

Барлау жұмыстары аяқталған соң, қордың есебі жасалып, теңерімге қойылмақ. Содан кейін тау-кен...

30 тамызда Қазақстан Республикасының Конституциясы күні қарсаңында Астана мен Алматы қалаларында мерекелік іс-шаралар өтеді.

Елімізде 30 тамызда Қазақстан Республикасының Конституциясы күні атап өтіледі. Осыған байланысты Астанада 50-ден астам мәдени, спорттық, әлеуметтік іс-шара өткізу жоспарланып отыр, деп хабарлайды елорда әкімдігінің ресми сайты.

29 тамыз күні Есіл өзенінің жағалауында сағат 19:00-де «ЖАСАЙ БЕР, ҚАЗАҚ ЕЛІ» концерті ұйымдастырылады.

29 тамыз күні сағат 10.00-ден бастап Қазақстан Республикасының Ұлттық музейінде Конституция күніне орай салтанатты іс-шара өтеді. Іс-шара барысында шақырылған ресми тұлғалардың құттықтау сөздері, мәдени бағдарлама, сондай-ақ, Қазақстан Республикасы Конституциясының тарихына арналған Ұлттық музей залдарына экскурсия жүргізілу жоспарланған.

29 тамызда сағат 17:00-де Жастар сарайында «Жасыл...

Жоғары аудиторлық палата 2024 жылдың екінші жартыжылдығында Назарбаев университеті мен «ҚазМұнайГаз» ұлттық компаниясын тексереді. Бұл туралы президент Қасым-Жомарт Тоқаевпен кездесу кезінде палата төрағасы Әлихан Смайылов айтты.

«Биыл екінші жартыжылдықта тексеру жұмыстары Назарбаев Университеті және «ҚазМұнайГаз» ҰК» АҚ қызметін, сот жүйесін, сондай-ақ ауыл шаруашылығындағы, өңдеу өнеркәсібіндегі және құрылыстағы жекелеген бағыттарды қамтиды», – делінген Ақорда хабарламасында.

Айта кетейік, 2023-2025 жылдарға арналған республикалық бюджетте Назарбаев университетіне 918 миллион 786 мың теңге бөлінген.

Ақорданың баспасөз қызметі Аудиторлық палата биылғы жылдың екінші тоқсанында тексерген салалар туралы ақпарат беріпті. Смайылов басқаратын палата теміржолға баса назар аудара отырып, көлік саласына аудит жүргізген...

«Манчестер Сити» жұлдызы Эрлинг Холанд пен «Арсенал» ойыншысы Мартин Эдегор 6 қыркүейк күні Алматыға келеді. Норвегия ұлттық құрамасының ресми сайтында команданың Ұлттар лигасы аясындағы Қазақстан мен Аустрияға қарсы матчтарына шақырылған ойыншылардың тізімі жарияланды. Олардың ішінде «Манчестер Сити» жұлдызы Эрлинг Холанд пен «Арсенал» ойыншысы Мартин Эдегор бар.

Қақпашылар: Матиас Дюнгеланн («Бранн»), Эрьян Нюланн («Севилья», Испания), Эгил Селвик («Хёугесунн»);

Қорғаушылар: Кристофер Айер («Брентфорд», Англия), Фредрик Бьёркан («Будё-Глимт»), Йеспер Даланн («Кардифф Сити», Англия), Андреас Ханче-Ольсен («Майнц 05», Германия), Юлиан Рюэрсон («Боруссия» Дортмунд, Германия), Фредрик Шёвольд («Будё-Глимт»), Давид Мёллер Вольфе (АЗ, Нидерланды), Лео Эстигор («Ренн», Франция);

Жартылай қорғаушылар: Патрик Берг («Будё-Глимт»), Сандер Берге («Фулхэм...

«ҚазСервис» Қазақстанның мұнай-сервистік компаниялар одағы мұнай-газ саласындағы ең ықпалды 75 тұлғаның рейтингін жариялады.

Рейтинг осымен сегізінші рет жарияланып отыр. Биыл тізім кеңейтілген. Бұған дейін тізім 50 адамнан тұратын.

«Мұнай-газ саласының ел экономикасына қосқан орасан зор үлесін ескере отырып, тізімді 75 адамға дейін ұлғайту туралы шешім қабылданды», – деп хабарлады одақ.

Рейтинг отандық мұнай-газ саласы сарапшылары пікірлері негізінде жасалған. Кандидаттарды іріктеу кезінде олардың заңнамалық бастамаларға және саланы құқықтық реттеуге ықпалы қарастырылған. Бұған қоса олар басқаратын компаниялардың нарықтық құны, мұнай өндіру нарығындағы үлесі, төленген салық сомасы, білікті қызметкерлердің саны да маңызды болды.

Осылайша...

Биыл өнімнің көп болуына орай, елімізде алманы шетелден автокөлікпен әкелуге тыйым салынды. Бұл жайлы 27 тамызда Үкіметте өткен ведомствоаралық комиссияның отырысында премьер-министрдің орынбасары Серік Жұманғарин айтты.

Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның отырысында Қазақстан аумағына алма әкелуге тыйым салу мәселесін қараған.

«Комиссия Қазақстан аумағына алма әкелуге тыйым салу мәселесін қарады. Ауыл шаруашылығы министрлігінің мәліметінше биылғы жылы 300 мың тонна алма жиналады деп болжанып отыр», –делінген баспасөз хабарламасында.

Өнімнің мол түсуіне өткен жылғы көрсетілген мемлекеттік қолдау шаралары әсер еткен. Осының нәтижесінде биылғы жылы алма бақтарының толық жеміс...

2024 жылғы шілде айында ірі бизнеске берілген несиелердің пайыздық мөлшерлемесі тиімдірек бола түсті. Бірінші кредиттік бюро бұл кейінгі екі жылға жуық уақыттағы ең жақсы көрсеткіш деп хабарлады.

Шілдеде ірі кәсіпкерлік субъектілеріне берілген теңгелік несиелер бойынша ЕДБ-ның орташа алынған мөлшерлемесі 16,6%-ды құрады.

Маусыммен салыстырғанда 0,3%-ға төмендеп, 2022 жылдың қыркүйегінен бастап ең төменгі деңгейге жетті.

Бұл ретте орта және шағын бизнес сегменттерінде (жеке кәсіпкерлерді қоса алғанда) қарама-қарсы динамика байқалды.

Мәселен, орта бизнеске берілген несие мөлшерлемесі айлық 0,4%-ға, яғни, 17,9%-ға, шағын бизнес үшін айлық көсеткіш – 0,5%, жалпы 22,3%-ға жетті.

Банктердің жалпы барлық кәсіпкерлік субъекті бойынша сыйақысы 0,1%-ға...

Hyundai 2025 жылғы Elantra моделінің жаңартылған нұсқасын таныстырды. Оның бағасы 21 875 доллардан басталатынын жариялады деп хабарлайды Carscoops.com.

Жаңартылған модель Elantra SEL үлгісінің жаңа жабдықтар пакетімен толықтырылды. Ал SEL Sport моделі жылтыр қара түсті, артқы спойлер, айна корпустары және 17 дюймдік жеңіл дөңгелектермен жабдықталды.

Сонымен қатар сатып алушылар алюминий педальдарын, былғары рөлді, смартфонға арналған сымсыз зарядтау құрылғысын және 8 дюймдік ақпараттық-ойын-сауық жүйесін пайдалана алады. SEL Sport Hybrid жабдықтары 10,25 дюймдік цифрлық аспаптар панелі мен үлкенірек 10,25 дюймдік ақпараттық-ойын-сауық жүйесімен қамтамасыз етілген.

Elantra Hybrid Blue

Hyundai компаниясы гибридтік модельдерін арзандатып, сатылымды арттыруға бағытталған. Атап айтқанда, Elantra Hybrid Blue бастапқы...

Berkshire Hathaway компаниясы Bank of America ( BofA)-дағы үлесін азайтып жатыр. Уоррен Баффеттің инвестициялық компаниясы соңғы үш сауда сессиясында өзі «жақсы көретін» банктің акциялар пакетін шамамен 1 млрд долларға сатқаны туралы есеп берді. Шілде айының ортасынан бері Berkshire BofA-дағы үлесін шамамен 13%-ға қысқартты.

Толығырақ

Berkshire Hathaway 23-27 тамыз аралығында BofA акцияларын 982 млн долларға сатты. Осылайша, АҚШ-тың екінші ірі банкіндегі инвестицияларын қысқартуды жалғастырып жатыр. Бұл туралы инвесткомпанияның есебінде жазылған. Bloomberg-тің есебінше, Berkshire шілденің ортасынан бері Bank of America акцияларының шамамен 13%-ынан құтылып, жалпы 5,4 млрд доллар пайдаға кенелген.

Баффет өзінің Bank of America-дағы үлесін не үшін азайтып...

Қазақстаннан АҚШ-тың Нью-Йорк қаласына тікелей рейстер 2025 жылдың соңына дейін ашылатын болды. Бұл туралы Канаданың Монреаль қаласындағы ИКАО (халықаралық авиация нормаларын қадағалайтын ұйым) штаб-пәтерінде болған кездесуде белгілі болды.

«Монреальдағы ИКАО штаб-пәтерінде ҚР Көлік министрлігі мен АҚШ федералды авиациялық әкімшілігі (FAA) арасында Нью-Йоркке рейстерді ашу туралы келіссөздер өтті», – делінген Көлік министрлігінің хабарламасында.

Көлік министрі Марат Қарабаев Монреальда өткен ИКАО-ның 14-ші аэронавигациялық конференциясына қатысып, АҚШ федералды авиациялық әкімшілігінің (FAA) басшылығымен кездескен.

Кездесу барысында 2025 жылдың соңында АҚШ-қа тікелей әуе қатынасын ашу жоспарланған. Рейстер кем дегенде аптасына 2 рет орындалуы тиіс.

Айта кетейік, Air Astana әуе компаниясы 2026 жылға қарай Қазақстаннан АҚШ-қа тікелей рейстер...

Алматы арқылы өтетін негізгі өзендерде көшкін қаупінің картасы әзірленеді. Қала басшылығы осылайша тау бөктерінің қауіпті аймақтарында салынатын заңсыз құрылыс санын азайтуды көздеп отыр.

Бұл туралы қалалық мәслихаттың кезекті сессиясында Алматы қаласы сейсмикалық қауіпсіздік және жұмылдыру дайындығы басқармасы басшысының міндетін уақытша атқарушы Темірлан Жапарбек айтқан.

Басқарма өкілінің айтуынша, осы жылдың наурыз-шілде айлары аралығында қаланың 5 ауданының әкімдіктерімен бірлесіп көшкін мәселесі бойынша жиындар өткізіп, тау бөктеріндегі елді мекендердің жай-күйін зерттеген. Нәтижесінде сел мен көшкін қаупі жоғары учаскелерде құрылыс жүргізуге тыйым салу туралы шешім шығарған.

«Тау бөктерлерінде құрылыс салу мәселелерін шешу мақсатында ұзақ мерзімді перспективада...

«ҚазМұнайГаз» 2024 жылдың екінші тоқсанының қаржылық есебін жариялағаннан кейін, Freedom Broker компания акцияларына қатысты болжамын жаңартты.

«ҚазМұнайГаздың» бір акциясының жаңартылған нысаналы бағасы 17 500 теңгені құрайды. Бұл компания құнды қағаздары соңғы нарықтық бағадан 24%-ға өсуі мүмкін дегенді білдіреді. Ұсыныс – «Сатып алу», – деп хабарлады брокер.

Айта кететіні, «ҚазМұнайГаз» кірісі Румыниядағы мұнай өңдеу зауыттарындағы жөндеу жұмыстарына және кейбір кен орындарында «қара алтын» өндірудің аздап азаюына байланысты төмендеген. Бірақ операциялық шығындар да қысқарды.

Сонымен қатар «ҚазМұнайГаз» бірлескен компаниялары айтарлықтай көп дивиденд төледі. Мұның бәрі EBITDA өсімінің түзетілуіне және маржаның айтарлықтай артуына әкелді. Осының аясында...

Қазақ этносын әйелдер қалыптастырды. Бұл туралы Qalam Global Семей қаласында ұйымдастырған «Қазақ руларының тарихы» атты дәріс барысында Радик Темірғалиев айтып берді.

Оның айтуынша, қазақ этносы өзге ру өкіліне тұрмысқа шығып, салт-дәстүр мен тілді таратқан әйелдер арқылы қалыптасқан. Осылайша, біртұтас мәдениет пен ортақ тілі бар қоғам пайда болған.

«Қазақтарда жеті атадан аспай туысатын қызға үйленуге болмайды деген пікір бар. Яғни туыстық байланыс бұдан ары, мәселен, сегізінші атада болса, тұрмыс құруға рұқсат дейді. Шын мәнінде, бұл – соңғы кездері пайда болған ең жұмсақ талап. Әуеліде ережелер әлдеқайда қатал болған: генеологиялық тұрғыдан жұбайлардың арасы неғұрлым...

Тәтішевтер отбасы Тоқмәдидің туыстарының мәлімдемесіне жауап қайтарды. Марқұмның отбасы Мұратхан Тоқмәдидің толық көлемде адам өлтіргені үшін жауапқа тартылмағанын, бұл ісіне шын мәнінде өкінбейтінін айтып, мерзімінен бұрын босап шығуына қарсылық білдіріп отыр.

Тәтішевтің отбасы Тоқмәдидің туыстары келтірген уәжді орынсыз санайды. Бұл жайлы олар кәсіпкердің туыстарының 2024 жылғы 27 тамызда таратқан баспасөз хабарламасына берген жауабында айтқан.

Түрмеде жазасын өтеп отырған кәсіпкердің туыстары таратқан баспасөз хабарламасында шартты түрде мерзімінен бұрын босату туралы сот отырысының ешқайсысына жәбірленуші тараптың қатыспағаны айтылған. Алайда қаза тапқан банкирдің отбасы бұл сот отырыстары жайлы хабар алмағанын айтады.

«Баспасөз хабарламасында «Қонаев сотының отырысы...

Маңғыстау прокурорлары өңірдегі бірнеше балабақшаға 100 млн теңгеден астам айыппұл салды. Мектепке дейінгі білім беру мекемелерінде бірқатар заң талаптары өрескел бұзылған.

Өңірдегі балабақшаларда санитарлық нормалар, өрт қауіпсіздігі, еңбек заңнамасы, білім беру және медициналық қызмет көрсету бағытында заң бұзушылықтар болған.  Мемлекет бюджетіне айтарлықтай шығын әкелген балабақшалар да бар.

«Қазір аяқталған тексерулер бойынша 600-ге жуық әкімшілік іс қозғалып, жалпы көлемі 100 млн теңгеден аса айыппұл салынды. Сондай-ақ тексеру нәтижесімен 15 балабақшадан (3 мемлекеттік, 12 жекеменшік балабақша) 72,2 млн теңгеге мемлекетке залал келтіру дерегі анықталды», – делінген прокуратура хабарламасында.

Мәселен, 12 жекеменшік балабақша келмеген балалар үшін мемлекеттен 47 млн теңге көлемінде...