Жаңалықтар

Қазақстандық боксшы Жәнібек Әлімханұлы өзінің кәсіпқой рингтегі кезекті жеңісіне қол жеткізді. Ол Жаңа Зеландиялық боксшы Стивен Михайловичпен өткен жекпе-жекте нокаутпен сенімді жеңіске жетіп, жанкүйерлерін қуантты.

Жекпе-жек тартысқа толы болды. Алғашқы раундтарда Жәнібек техникалық шеберлігін көрсете отырып, қарсыласынан басым көрінді. Ол жойқын соққыларымен Михайловичтің қорғанысын әлсіретіп, бірнеше рет нокдаундарға түсірді. Нәтижесінде, Жәнібек қарсыласын 9 раундта нокаутқа жіберді.

Жекпе-жектен кейін Жәнібек келісі қарсыластары туралы айтты:

Ең алдымен, мені қолдауға келген барлық жанкүйерлерге рахмет айтқым келеді. Жекпе-жекке келер болсақ, мен рингке бір жыл бойы шықпадым. Бұл мен үшін керемет тәжірибе болды.

Менде қазір екі титул бар, енді тағы ек...

Kase таратқан мәлімет бойынша, «ҚазМұнайГаз» ұлттық компаниясы «АқтауОйлМаш» ЖШС-ны иеліктен шығарды. Себеп – ЖШС-ның жойылуы. Бұған дейін вакуумдық және ауа сорғыштарын шығарумен айналысқан бұл серіктестіктің 25%-ы ұлттық компанияға тиесілі еді. Оның мемлекет бюджеті мен кредиторларға қарызы 1,5 млрд теңгеге (!) жеткен.

Электронды үкімет те «АқтауОйлМаш» ЖШС-ның жойылғанын растап беріп отыр. «Мемлекеттік орган сауалдан бас тартты. Себебі: көрсетілген бизнес-айқындаушы нөмір жойылған», – деп хабар таратты.

«АқтауОйлМаштың» ұзаққа бармайтыны туралы белгі бұдан сегіз жыл бұрын беріле бастаған-ды. 2016 жылы Атырау облыстық мамандандырылған экономикалық соты «Ембімұнайгаз» пайдасына «АқтауОйлМаштан» 543,4 млн теңге өндіруге шешім шығарған еді. Сот орындаушылары борышкердің 126,41 млн тұратын жылжымайтын мүлкін...

Қазақстан бюджетіне 2024 жылдың қаңтар-тамыз айларында 17,04 трлн теңге кіріс түскен. Ал шығысы 18,43 трлн теңгені құраған. Осы кезеңде мемлекет бюджетіндегі тапшылық 1,7 трлн теңгеге жетті. Қаржы министрлігі мемлекеттік бюджетке қатысты кезекті есебін жариялады.

Жалпы ел бюджеті 2007 жылдан бері тапшылықпен қалыптасып келеді. Кейінгі 5 жылдағы көрсеткішті алсақ, 2019 жылы бюджет тапшылығы 1,3 трлн теңге болса, коронавирус жайлап, карантин енгізілген 2020 жылы бюджет тапшылығы 2,2 есе өсіп, бірден 2,8 трлн теңгеге жеткен.

Содан бері ел бюджетінде тапшылық 2 трлн теңгеден кемімей келеді. 2021 жылы – 2,5 трлн теңге, 2022 жылы – 2,1 трлн теңге, ал 2023 жылы...

Мысыр елі Қазақстанның Батыс аймағында қонақүйлер мен демалыс орындарын салуы мүмкін. Қазақстанның Мысырдағы елшісі Қайрат Лама Шариф Мысыр Араб Республикасының Туризм және көне ескерткіштер министрі Шериф Фатхи Али Аттыямен кездесуінде белгілі болды. СІМ баспасөз қызметінің хабарлауынша, қос тарап бірлескен бастамаларды жүзеге асыру мәселесін талқылаған. 

«Мысырлық тараптың жоғары дамыған туристік және құрылыс салаларын ескере отырып, еліміздің курортық аймақтарда, әсіресе, батыс өңірлерде инфақұрылымдық әлеуетті арттыру, қонақүй, шипажайларды салу үшін мысырлық серіктестерді тарту мәселелері кеңінен талқыланды. Осы ретте бірқатар мысырлық компаниялармен тиісті келіссөздер жүргізілуде», – делінген хабарламада.

Екі тарап Мысыр жерінде қыпшақ мәмлүктері салған 150-ден астам...

Үгіт-насихат кезеңінде Қазақстанда референдум туралы заңды бұзған 24 жағдай тіркелген. Олардың барлығы қоғамдық пікірді сұрауға байланысты болған. Бұл туралы Орталық референдум комиссиясының отырысында бас прокурордың орынбасары Жандос Өміралиев айтты. 

«Референдумға дайындықтың алғашқы күндерінен бастап референдум туралы заңнаманың 24 бұзушылық анықталды. Бұл сауалнама жүргізу ережелерінің бұзылуына байланысты фактілер. Бүгінгі таңда заңнаманы бұзған адамдар әкімшілік жауапкершілікке тартылды», – деді Өміралиев.

Сонымен қатар референдумға дайындық кезінде Бас прокуратураға заңсыз сауалнамалар жүргізген және анонимді үгіт материалдарын таратқан адамдарға қатысты төрт өтініш келіп түскенін атап өтті. Ал сауалнаманы тек Орталық сайлау комиссиясы бекіткен ұйымдар учаске алдында ғана жүргізе алатынын...

Еурокомиссия мүшелері Қытайда өндірілген электромобильдерге баж салығын 45%-ға дейін көтеру туралы мәселені талқылап дауыс берген.

BBC ақпаратына сүйенсек, 4 қазанда Еуропалық Одақ Қытайдан келген электромобильдерге 45%-ға дейін баж салығын енгізуге қатысты мәселе бойынша дауыс берген. Бұл Бейжіңмен сауда мәселесінің одан әрі шиеленісуіне әкелуі мүмкін.

Басылымның жазуынша, Еуропалық комиссия бұл міндеттерді бес жылға созбақ. Дауыс беру кезінде бірқатар елдер қалыс қалған.

ЕО шешімінің негізгі себебі ретінде Қытайдың электромобиль саласын әділетсіз субсидиялауы көрсетілген. Мұны комиссия тергеу кезінде анықтаған. Бейжің бұл мәліметті жоққа шығарып, еуропалық сүт өнімдеріне, брендиге, шошқа етіне және автомобиль секторына баж салығын өсіретінін ескертті.

Еуропалық блок өзінің Қытай алдындағы...

Владислав Бакальчук Wildberries компаниясы мен Татьяна Кимге қарсы 350 млрд рубльге (1,8 трлн теңге) талап-арыз берді. Талап-арызы маркетплейс пен сыртқы жарнама операторы Russ арасындағы серіктестікті заңсыз деп тануды көздейді. Бұл туралы Бакальчук өзінің әлеуметтік желідегі парақшасында хабарлады.

Бакальчуктың айтуынша, Wildberries активтерін «РВБ» ЖШҚ-ға беру заңсыз жолмен жүзеге асырылды.

«Талап-арызда біз бұл мәмілелерді заңсыз деп тану негіздерін толықтай түсіндірдік. Берілген активтердің құны 350 млрд рубльден асады. Олардың ішінде қоймалар, логистикалық инфрақұрылымдар, фуралар, Wildberries банкі, тауар белгілері, бағдарламалық қамтамасыз ету, веб-сайт және компанияның жылдар бойы құрылған басқа да негізгі активтері бар», – деп жазды Бакальчук.

Бакальчук...

Таяу Шығыстағы геосаяси жағдай әлемдегі сауда-саттық нарығына айтарлықтай әсер етіп жатыр. Әсіресе, Иранның Ормуз бұғазын жауып тастау ықтималдығы мұнай нарығында үлкен дүрбелең туғызып отыр.

Қазақстан қаржыгерлер қауымдастығының сарапшылары мұндай дүрбелеңге негіз бар деп санайды. Себебі бұл бұғаз арқылы күнінен 20 млн баррель көлемінде мұнай тасымалданады. Мұнай нарығындағы бұл жағдай Қазақстанның валюта, ақша, қор және мұнай нарықтарына қалай әсер етті? Бұған қатысты қауымдастық сараптамасын ұсынамыз.

Валюта нарығы

3 қазан, бейсенбі күні кешке USDKZT жұбының орташа сараланған бағамы 0,47 теңгеге дейін төмендеп, бір доллар 482,74 теңгені құраған. Сауда көлемі 288,8 млн долларға дейін өсті. Ал мұның алдындағы...

Екінші деңгейлі банктерде заң тұлғаларға тиесілі депозит көлемі азайды. Соның салдарынан банктердің жалпы депозит портфелі 0,8%-ға қысқарып, 36,2 трлн теңгені құрады. Halyk Finance сарапшылары банк секторының тамыз айындағы көрсеткіштерін саралаған.

Депозит көлемінің қысқаруына заңды тұлғалар депозиттерінің 3,3%-ға қысқаруы себеп болған. Қазіргі кезде заңды тұлғалардың банктердегі жинағы 15,8 трлн теңгені құрайды. Есесіне жеке тұлғалардың депозиттері 1,2% өсіп, 20,4 трлн теңгеге жеткен. Халықтың банктерге сақтаған қаржысы жыл басынан бері 8,2% өсім көрсетті.

ЕДБ-дегі депозиттердің басым бөлігі теңгемен жинақталған. Теңгедегі депозит көлемі – 28,4 трлн теңге. Ал валютада жинақталған салық көлемі 7,7 трлн теңгені құрайды. Тамыз айында шетел валютасында сақталған ақшаны...

Шетелдегі қазақстандықтар 59 елде референдумға қатыса алады, бұл туралы Сыртқы істер министрлігі хабарлады.

6 қазан күні Қазақстан Республикасында атом электр станциясын салу бойынша республикалық референдум өтеді.

Министрліктің мәліметінше, шетелде тұратын қазақстандық азаматтар да референдумға қатыса алады. Қазақстанның 59 шет мемлекеттегі өкілдіктері жанынан 74 референдум учаскесі ашылды.

Дауыс беру құқығына ие, Қазақстан азаматтығы бар, шетелде жеке, қызметтік, оқудағы, іскерлік немесе туристік мақсаттармен жүргендер референдумға қатыса алады. Оларға қатысу үшін Қазақстанның дипломатиялық немесе консулдық өкілдіктеріне жүгініп, тіркелу қажет.

Айта кетейік, Қазақстан Республикасының Конституциялық заңының 38-бабының 1-тармағына сәйкес, референдум учаскелерінде дауыс беру жергілікті уақыт бойынша 2024 жылғы 6 қазан...

Мемлект басшысы Қасым-Жомарт Тоқаев Астанада өткен судьялардың ІХ съезінде Қуандық Бишімбаевтың сотының онлай көрсетілуіне қатысты пікір білдірді. Президенттің сөзіне қарағанда, бұл – сот жүйесіне деген сенімді арттыра түседі.

«Биыл сот отырыстары онлайн көрсетіле бастады. Бұрынғы министр Бишімбаевтың және Қарағандыдағы жедел жәрдем жүргізушісіне қол көтеру ісі бойынша екі сот өтті. Миллиондаған көрермен сол уақытта процесті онлайн көріп отырды», – деді Президент.

Тоқаевтың пікірінше, бұл – жақсы үрдіс. Азаматтардың сот жүйесіне деген сенімін арттырады. Бұрын-соңды мұндай жағдай болмаған. Бұл судьялар мен прокурорлардың жұмысына деген талаптарды күшейтеді. Өйткені олардың бүкіл әрекетін барлық азамат бақылап отырады.  

Президенттің айтуынша...

Астанада прокурорлар заңсыз салынып жатқан тұрғын үйлерді анықтады. Қазірдің өзінде 12 құрылыс салушыға қатысты қылмыстық іс тергелуде.

Бас прокуратураның мәлімдеуінше, бүгінде 37 көпқабатты тұрғын үй заңсыз салынып жатыр. Бұл құрылыс нысанының барлығы елордада орналасқан. Сондай-ақ жекелеген компаниялар үлескерлердің ақшасын заңсыз тартқан.

 «Осы негіздер бойынша биылғы жылы аталған бұзушылықтар үшін ӘҚБтК-тің 320-бабымен 64 құрылыс нысаны бойынша 51 құрылыс салушы әкімшілік жауапкершілікке тартылды. 12 құрылыс салушыға қатысты қылмыстық іс тергелуде,» – делінген Бас прокуратура хабарламасында.

Осы орайда Астана прокуратурасы тұрғын үй құрылысына үлестік қатысу қалай ұйымдастырылатыны туралы мәліметпен бөлісті:

Үкімет резервінде қаражат жоқ. Осыған байланысты Қаржы министрлігі Батыс Қазақстан облысы әкімдігіне тасқын су шайып кеткен жолдарды жөндеуге сұраған 1 млрд теңге көлеміндегі қаражатты беруден бас тартқан. Бұл жайлы kursiv.media редакциясына Көлік министрлігі хабарлады.

«Министрлік Батыс Қазақстан облысы әкімдігімен бірге шығыстарды оңтайландырып, биылғы жылы 17 қыркүйекте бірінші кезектегі 26 жол учаскелерін қалпына келтіруге 1 млрд тенге сомасында ҚР Үкіметі қаулысының түзетілген жобасын мемлекеттік органдарға келісуге жолдады. Алайда Қазақстан Республикасы Қаржы министрлігінің ұстанымына сәйкес Қазақстан Республикасы Үкіметінің резервінде қаражаттың болмауына байланысты қолдау таппады»,- делінген жауапта.

Министрлік мәліметінше, үкімет резервіндегі қаражат тасқын су шайып...

АҚШ-та порт жұмысшылары ереуілге шықты. Осының салдарынан тауар жеткізу тізбегі бұзылды. Бұл негізгі тұтыну тауарларының бағасын қымбаттатты. Осылайша, қор нарығы күтпеген жерден макроэкономикалық статистиканы бұзып алды. Ал Жапония банкі елдегі қарыз алу құнын арттыруға асықпайтынын мәлімдеді.

Жапония банкінің басшысы мөлшерлемелерді аса сақтықпен көтеруге шақырды

Жапония банкі директорлар кеңесінің төрағасы Асахи Ногучи қаржылық реттеуші пайыздық мөлшерлемелерді одан әрі арттыру мүмкіндігіне ие екенін мәлімдеді Алайда бұл шараны абайлап, асықпай қабылдау қажет. Осы арқылы шенеунік инвесторларға банктің елдегі қарыз алу құнын көтеруге асықпайтынын ұқтырғандай болды.

Шілде айында иеннің күрт құлдырауынан кейінгі баға өсімі инфляциялық қысымды жұмсартқаны белгілі. Бұл Жапония банкіне шешім...

Қазақстан 140 млрд теңгеге Ресейден жеті тікұшақ сатып алады. Бұл туралы Төтенше жағдайлар министрлігі kursiv.media-ның ресми сауалына берген жауабында айтылған.

Министрліктің мәліметінше, төтенше жағдай кезінде қызмет көрсететін тікұшақтарды сатып алу үшін республикалық бюджеттен 140 млрд теңге бөлінді. Сондай-ақ сатып алу жоспарланып отырған тікұшақтар Ресей мемлекетінде шығарылады.

Сатып алынған тікұшақтар оның ішінде К-32 тікұшағы Астана, Алматы,  Ақтау, Атырау қалаларында қызмет көрсетсе, МИ-8 тікұшағы Алматы, Семей, Өскемен қалаларында кезекшілікте тұратын болады.

Қажет болған жағдайда тікұшақтар басқа өңірлердегі ТЖ-ның алдын алу және жою жұмыстарына да жұмылдырылатын болады.

Сонымен қатар тікұшақтан бөлек, Төтенше жағдай министрлігі Чехиядан 4 ұшақ сатып алмақшы.

Байлығы 970 млн долларға бағаланатын Сәрсеновтер отбасына тиесілі AltynEx компаниясы 2023 жыл үшін дивиденд төлемейді. Өйткені алтын өндіруші компанияның былтырғы таза пайдасы біршама төмендеген. Жалғыз акционердің шешімі Қазақстан қор биржасында жарияланған.

«2023 жылғы қаржылық нәтижелер бойынша акционердің шешімі бойынша дивидендтер жарияланбайды», – делінген хабарламада.

Ақтөбе облысындағы «Юбилейное» кен орнында алтын өндіретін компанияның жалғыз акционері – Эльдар Сәрсенов. Ол – бизнесмен Рашид Сәрсеновтің ұлы. Сәрсеновтер отбасы – Forbes Kazakhstan нұсқасы бойынша Қазақстандағы ең бай бизнесмендер рейтингінде 9-орында тұр.

Былтыр компания 419 мың тонна алтын кенін өндіріп, одан 1785 келі таза алтын алған. 2023 жылғы...

Биыл алғашқы сегіз ай ішінде туризм саласындағы негізгі капиталға 527,6 млрд теңге инвестиция тартылып отыр. Былтырғы осы кезеңдегі көрсеткішпен салыстырғанда өсім  69%-ға жеткен. Нақты атап өтсек, ол кезде 311, 8 млрд теңге инвестиция салынған еді.

Жалпы елімізде туризм саласында 148 инвестициялық жоба қолға алынып отыр. Оның аясында 2,5 мың жаңа жұмыс орны ашылмақ. Мақсат – туристерге арналған инфрақұрылымдар салу, жақсарту және оларды елге келуге қызықтыра түсу.

«Туристік бағыт – стратегиялық маңызды сала. Оған тартылған инвестициялар көлемі соңғы кезде өсіп жатқаны аңғарылады. Бұл еліміздегі туризмнің дамуына деген қызығушылықтың артқанын көрсетеді. Туристік бағыттарға заманауи инфрақұрылымдар керек. Осы арқылы...

Оңтүстік Кореядағы Пусан кинофестивалінде қазақстандық «Әбіл» және «Пряники для ее отца, моего прадеда, ее деда» фильмдерінің тұсауы кесіледі. Бұл туралы Ұлттық киноны қолдау орталығы хабарлады.

Орталықтың хабарлауынша, екі фильм де Мәдениет және ақпарат министрлігі мен Ұлттық киноны қолдау мемлекеттік орталығының қолдауымен түсірілген.

Режиссер Елзат Ескендірдің «Әбіл» фильмі фестивальдің негізгі секциясында көрсетіледі. Фильм сюжеті Кеңес Одағы ыдырағаннан кейінгі ауыл тұрғындарының өмірі, жемқорлық пен жабайы капитализм тақырыптарын қамтыған. Қоюшы-операторы поляк киносының өкілі Йоланта Дильевска, продюсері қазақстандық Серік Әбішев, рөлдерде Ерлан Төлеутай, Нұржан Бексұлтанова, Әлихан Лепесбай және Ұлан Нүсіпәлі.

Режиссер Алина Мұстафинаның дебюттік «Пряники для ее отца, моего прадеда, ее деда» фильмі анимациялы...

2025 жылдың басында Apple iPhone SE смартфонын таныстырады. Жаңартылған смартфон «Home» батырмасынсыз және iPhone 16 моделіндегі сияқты Apple Intelligence жасанды интеллектінің функцияларын қолдайтын болады. Бұл туралы Bloomberg инсайдері Марк Гурман хабарлады.

Араға үш жыл салып Apple iPhone SE бюджеттік моделінің жаңартылған нұсқасын ұсынбақшы. Смартфонның дизайны iPhone 14 моделіне ұқсас болады — оның дисплейі толық экранды болады. Сонымен қатар Face ID және Apple Intelligence қолдауы енгізіледі, ал алдына орнатылған «Home» батырмасы алынып тасталады.

Айта кетейік, қазіргі iPhone SE бағасы 207 мың теңгеден басталады. Оның 2022 жылғы моделі үш түсте сатылымға шықты: қара, сұр және қызыл.

Сонымен қатар келесі жылдың басында...

Қазақстанға 300 мың доллардан артық инвестиция салатын шетелдіктерге виза 10 жылға берілуі мүмкін. Бұл жайлы Сыртқы істер министрлігінің «Ашық НҚА» порталына орналастырған құжатында жазылған.

Атап айтқанда, Қазақстан Республикасының экономикасына 300 мың доллардан астам инвестиция құйған шетелдік кәсіпкерлерге «А6» санатындағы визасын беруді көздеп отыр. Мұндай жеңілдіктер тек инвесторларға ғана емес, сонымен бірге Қазақстан үшін құнды саналатын мамандық түрлерін игерген шетелдіктер үшін де жасалады. Оларға «В9» санатындағы виза берілмек.

«В9» санатындағы виза – ғылым, білім беру, денсаулық сақтау, өнеркәсіп, IT, спорт және мәдениет және басқа да бағыттар саласындағы Қазақстан үшін құнды дағдылардың иегерлері үшін тұруға ықтиярхат алу құқығымен берілед...

Қазақстан он жылдық үзілістен кейін доллармен номинацияланған еурооблигациялар нарығына қайта оралды. Бұл туралы америкалық Bloomberg басылымы жазды.

Басылымның ақпаратына сүйенсек, Қазақстан 2015 жылдан бері алғаш рет доллармен номинацияланған еурооблигациялар орналастырған. Үкімет долларлық облигациялар нарығына жыл басында оралуды қалағанымен халықаралық соттардағы бірқатар шешілмеген істерге байланысты кейінге қалып келген.

Қазіргі таңда Үкімет ұзақмерзімді 10 жылдық долларлық облигацияларды ұсынады. Мәміленің бастапқы бағасы АҚШ қазынашылықа қағаздарынан шамамен 120 базистік тармаққа жоғары екені айтылған.

4 қазанда Қазақстанның Қаржы министрлігі 1,5 миллиард АҚШ долларын құрайтын шығарылымды 4,714% купондық мөлшерлеcімен орналастырғанын хабарлады.

Еурооблигациялар Лондон қор биржасында және «Астана» халықаралық қаржы орталығының биржасында орналастырылды. Үкімет нарыққа шығу үшін JPMorgan...

Президент Қасым-Жомарт Тоқаев бірқатар кадрлық ауыс-түйіс жасады. Ең алдымен мемлекет басшысы Марат Қожаевты ҚР Ішкі істер министірінің бірінші орынбасары қызметінен босатты. Артынша оны Сенат депутаты етіп тағайындау туралы жарлыққа қол қойды.

«Мемлекет басшысының өкімімен Марат Шәдетханұлы Қожаев Қазақстан Республикасы Ішкі істер министрінің бірінші орынбасары лауазымынан босатылды. Мемлекет басшысының Жарлығымен Марат Шәдетханұлы Қожаев Қазақстан Республикасы Парламенті Сенатының депутаты болып тағайындалды», – делінген Ақорда таратқан хабарламада.

Сондай-ақ Тоқаев Сенат депутаты Ләззат Қалтаеваның өкілеттілігін тоқтатты.  

Мемлекет басшысының Жарлығымен Қазақстан Республикасы Парламенті Сенатының депутаты Ләззат Молдабекқызы Қалтаеваның өкілеттігі тоқтатылды,- делінген құжатта.

Айта кетейік, Марат...

Елордалық «Астана» футбол клубы УЕФА Конференция лигасындағы алғашқы ойынында сербиялық «ТСЦ Бачка Топола» командасын 1:0 есебімен жеңіп, лигадағы жолын жеңіспен бастады.

3 қазанда Алматының Орталық стадионында өткен мачтағы жалғыз голдың авторы елордалық команданың қорғаушысы литвалық Кипрас Кажуколовас болды. Оған жартылай қорғаушы Ян Вогоровский пас берген.

Айта кетейік, елордалық команданың негізгі құрамында екі қазақстандық ойыншы болған. Оның бірі жоғарыда аталған Вогоровский болса, екіншісі қорғаушы Александр Марочкин.

Енді «Астана» командасы Уэльске аттанып, «Нью-Сэйнтс» командасына қарсы ойнайтын болады. Бұдан бөлек, елордалық команда ағылшындық «Челсимен», португалдық «Виториямен», кипрлік «Апоэль» командасы және «Пафоспен» командасымен кездеседі.

Сербиялық командамен «Астана» ойыны Алматы орталық стадионында кездесуіне байланысты беларусь әншісі Макс Коржды...

Иран Израиль шабуылдарынан кейін біржақты ұстамдылық танытпайтынын айтып, АҚШ-қа ескерту жасады. Бұл туралы Al Jazeera телеарнасы хабарлады.

Телеарна ақпаратына сүйенсек, Иран өзінің Израильге қарсы шабуылдау мүмкіндігі туралы ескертулерді АҚШ-қа Қатардағы байланыстары арқылы жеткізген. Дегенмен ел аумақтағы тыныштықты сақтау үшін шиеленісті бейбіт жолмен шешуді қалайтынын да хабарлаған.

«Вашингтонға өзге елдегі байланыс арналары арқылы жіберген хабарламамызда біздің қазіргі жағдайға шыдап отырғанымыз еліміздің ұлттық қауіпсіздігіне зиян келтіріп жатқанын және ұстамды саясатымыз жалғаса бермейтінін ескерттік», – дейді телеарнаға пікір білдірген Иран шенеунігі.

Бұған қоса, шенеунік Тегеранның Тель-Авив қарулы күштерінің әрекетіне «ерекше жауап» беруге уәде бергенін айтқан. Дегенмен Иран...