Жаңалықтар

Қытай астанасында өткен ITF J300 BEIJING 2024 CHINA OPEN турнирінде Қазақстандық жас теннисші Әмір Омарханов жеңіске жетті. Бұл туралы Қазақстан теннис федерациясы хабарлады.

Федерацияның мәліметінше, 18 жасқа дейінгі Қазақстанның бірінші ракеткасы, әлемдік юниорлар рейтингінде 15-орында тұрған Әмір Омарханов финалда британдық Оливер Бондингті (ITF Juniors рейтингінде 19-орын) жеңді. Алғашқы сет тай-брейкпен Оливердің еншісінде қалса да, кейінгі екі партияда Әмір басымдық танытып, 6:0, 6:4 есебімен жеңіске жетті.

Бұл – қазақстандық спортшының ITF Juniors сериясындағы жеке разрядтағы алтыншы жеңісі. Бұған дейін Қарағанды теннис мектебінің түлегі Таиландта (J300), Кореяда (J300), Египетте (J100), Грузияда (J60) және өз туған қаласы Қарағандыда (J60) жеңімпаз атанған еді.

Ресей Бас прокуратурасы Ұлыбританияның Shell энергетикалық корпорациясының кейбір бөлімшелеріне қарсы сотқа шағым түсірді. Бұл туралы Мәскеу сотына түскен арызда жазылған.

Шағым Мәскеу төрелік сотына 2 қазанда келіп түскен. Зардап шегуші тарап ретінде «Газпром экспорт», Ресей Энергетика министрлігі, Сахалин облысының құқық қорғау органдары, «Сахалин Энерджи» компаниясы көрсетілген.

Істің нақты қандай мәселеге байланысты басталғаны туралы ақпарат жария болмаған. 

Жауап беруші ретінде көрсетілген Shell Exploration and Production Services BV компаниясы Ресейде мұнай-газ кен орындарын барлау және игеру бойынша қызметін жүргізген. Shell Global Solutions International BV компаниясы мұнай өңдеу бойынша консультациялық қызметтер көрсеткен. Shell Sakhalin Holdings BV компаниясы Shell корпорациясының еншілес ұйымы ретінде...

Корпоративтік инсайдерлер 2024 жылы АҚШ-тың қор нарығынан өсім күтпейді. Қытай акцияларына деген күмән күшейіп келеді. Қорғаныс секторларындағы инвестициялау моделі өзгерді. Осы және өзге де тақырыптар туралы демалыс күндеріне арналған шолудан оқыңыз.

S&P индексінің өсімі оң нәтиже көрсетпеуі мүмкін

АҚШ-тағы президенттік сайлау мен Таяу Шығыстағы шиеленістің өршуі аясында инвесторлар тағы бір қауіпке тап болды. Бұл – үшінші тоқсанда америкалық корпорациялардың пайдасы төмен болуы мүмкін деген жаңалық деп хабарлады Bloomberg.

2024 жылы S&P 500 индексі 20%-ға өсіп, нарықтық капиталдандырылуына 8 трлн доллардан астам қосқан. Өсім негізінен ақша-несие саясатының жұмсаруы мен тұрақты табыс перспективаларына деген үмітке негізделген.

Алайда жағдай өзгеруі мүмкін...

«Қазақмыс» корпорациясының Қарағанды облысындағы «Саяқ-3» шахтасында екі жұмысшы қайтыс болды. Бұл туралы компанияның баспасөз қызметі хабарлады.

Ақпаратқа сүйенсек, «Саяқ-3» шахтасында көміртегі газы бөлініп, жұмысшылар эвакуациясы басталған. Қайғылы оқиға кезінде 2 жұмысшы қайтыс болған.

«Зардап шеккендер жақын жердегі медициналық мекемелерге жеткізілді. Өкінішке қарай, екі жұмысшы қайтыс болды», – делінген компания хабарламасында.

Қазіргі таңда оқиғаға байланысты ішкі тергеу басталып, қайғылы жағдайдың себептерін анықтау үшін комиссия құрылған.

Компания өкілдері қаза тапқандардың отбасына көңіл айтып, оларға қолдау көрсетілетінін айта кетті.

«Қазақмыс» корпорациясы – 70% және 30% «Kazakhmys Copper» арқылы Владимир Ким мен Эдуард Огайға тиесілі.

Еске сала кетсек, бұған дейін корпорацияны...

Астанада 7-13 қыркүйек аралығында алғаш рет үстел теннисінен Азия чемпионаты өтеді. Бұл туралы Туризм және спорт министрлігі хабарлады.

Қазақстан атынан кімдер шығады?

Министрліктің мәліметінше, чемпионатта барлығы 26 елден келген 210 спортшы бақ сынайды. Бахрейн, Гонконг, Үндістан, Иордания, Иран, Йемен, Катар, Қытай, Қытай Тайбэйі, КХДР, Қырғызстан, Малайзия, Мальдив, Моңғолия, Непал, Оман, Пәкістан, Сауд Арабиясы, Сингапур, Таиланд, Өзбекстан, Филиппин, Шри-Ланка, Оңтүстік Корея, Жапония және Қазақстаннан келген шеберлер медаль үшін сынға түседі.

Қазақстан құрамасын Рио-2016, Токио-2020, Париж-2024 Олимпиадаларының қатысушысы Кирилл Герасименко, 2020 жылғы Олимпиада қатысушысы Анастасия Лаврова, аралас жұптағы жастар арасындағы әлем чемпионы Алан Құрманғалиев, халықаралық турнирлердің жүлдегерлері Сарвиноз...

Алматының Алмалы ауданында тұрғын үй кешенінің 18-қабатынан бойжеткен қыз құлап, қайтыс болды. Бұл туралы Алматы қаласының полиция департаменті хабарлады.

6 қазан күні кешкі сағат 19:00 шамасында Алмалы ауданындағы тұрғын үйлердің бірінің 18-қабатынан қыз баланың құлаған белгілі болған. Оқиғаның себебін полиция анықтап жатыр.

«Алмалы ауданының полиция департаменті оқиға бойынша қылмыстық іс қозғады. Істің мән-жайы тергеу барысында анықталады», – делінген полиция хабарламасында.

Айта кетейік, бұл Алматы қаласындағы алғашқы қайғылы оқиға емес. 16 қыркүйекте дәл осы Алмалы ауданында екі жасөспірім қыздың терезеден құлап қайтыс болғаны белгілі болған.

Ішкі істер министрлігі ата-аналарға ескерту жасап, балалардың қауіпсіздігі туралы ақпарат...

Еуразиялық интеграция институтының exit-poll мәліметтері бойынша қазақстандықтардың 71,8%-ы АЭС салуға келісім берген. Бұл туралы Орталық сайлау комиссиясы хабарлады.

Институт сауалнамасы 250 учаскені қамтыған. Оның ішінде 159 қалалық, 91 ауылдық учаскелерде сауалнама жүргізіліп, 30 546 азамат референдумда қалай дауыс бергендерін айтқан.

Сауалнама қорытындысы бойынша пікір білдірген қазақстандықтардың 71,8%-ы елде атом электр станциясын салуды қолдаса, 28,2%-ы қарсы шыққан.

Сыртқы істер министрлігінің ақпаратына сүйенсек, шетелдегі 74 учаскеде де дауыс беру аяқталып, комиссия жұмысын тоқтатқан. Жалпы 59 елде ашылған сайлау учаскелеріне жалпы саны 9976 қазақстандық азамат келіп дауыс берген.

Айта кетейік, Қазақстанда 6 қазанда өткен АЭС салуға қатысты жалпыұлттық референдумда таңғы сағат 6:00-де...

Exit Poll  АЭС құрылысына қатысты республикалық референдумның алдан ала нәтижесі шықты. Оны «Астана – кешенді әлеуметтік зерттеулер институты» жеке қорының талдаушысы Әлібек Тәжібаев жариялады.

Әлібек Тәжібаевтың мәліметінше, референдум қатысушыларының 69,8%-ы Қазақстанда АЭС салуға қарсы еместігін білдіріп, бұл бастаманы қолдаған. Ал 30,2 %-ы керісінше, атом электр станциясының құрылысына келіспейтінін жеткізіп, қарсы шыққан. Жеке қор талдаушысы үздіксіз ағын әдістемесінің көмегімен Қазақстанның 189 учаскесінде дауыс берген 283 519 азамат қамтылғанын атап өтті.

«Олардан референдум аясында қойылған «Сіз Қазақстанда атом электр станциясын салуға келісесіз бе?» сұрағына қалай жауап бергені сұралды. Exit-poll нәтижелері қорытындысы мынадай: Дауыс беруге қатысқан сауалнамаға қатысқан...

Ресей енді Қазақстаннан қауын тасуға тыйым салды. Россельхознадзор ҚР Ауыл шаруашылығы министрлігінің Агроөнеркәсіптік кешендегі мемлекеттік инспекция комитетіне 2024 жылдың 7 қазанынан бастап жаңа піскен қауындарға (Қазақстаннан шыққан) фитосанитариялық сертификат беруді тоқтатуды сұрады.

Бұған кейінгі екі жылда Қазақстаннан жеткізілген қауындарда карантиндік объект – қауын шыбыны (Myiopardalis pardalina) бірнеше рет анықталғаны себеп болды деп түсіндірген. Егер осы зиянкес Ресей аумағына тарап кетсе, аталған мекеме шығын 250 млн рубльге дейін жетеді деп есептеген.

Россельхознадзор қазан айында Қазақстанның Ауыл шаруашылығы министрлігіне Ресей Федерациясына экспортталатын астық, қызанақ, бұрыш және күнбағыс тұқымдарын қабылдамайтынын мәлімдеді.

Ресей тарапының Қазақстаннан тасымалданатын өнімдерге фитосанитариялық сертификат беруді тоқтатуына байланысты Ауыл...

Бүгін, 6 қазанда, Қазақстанда өткен АЭС салу бойынша референдумда ел азаматтарының 63,87%-ы дауыс берді. 7 820 918 сайлаушы референдум учаскелеріне барып, АЭС құрылысына қатысты өз ұстанымдарын жеткізді. Орталық референдум комиссиясының хатшысы Мұхтар Ерман дауыс берудің соңғы сағатындағы деректерді жариялады.

Саяси науқанда Қызылорда облысының тұрғындарының белсенділігі жоғары болған. Аталған өңірдің 82,48 %-ы референдумға қатысқан. Түркістан облысының халқы да маңызды шешім қабылдауда қалыс қалмады, мұндағы өңір азаматтарының 75,31%-ы дауыс берген. Үздік үштікті 75,11 %-бен Ақтөбе облысының сайлаушылары түйіндеді. Ал Алматы қаласының белсенділігі, керісінше ,ең төмен болды. Оңтүстік астана жұртының тек 25,39%-ы өз таңдауын жасау үшін референдум учаскесіне барған.

Мұхтар Ерман учаскелік...

Елімізде АЭС салу бойынша референдумда дауыс беру тоқтатылды. Кешкі сағат 20.00-де референдум учаскелері жұмысын аяқтады.

Енді референдум учаскелерінде бюллетеньдерді санау басталды. Алдағы сағаттарда орталық референдум комиссиясы алдын ала қорытындыларды шығарады.

Орталық референдум комиссиясының сағат 18.00-дегі мәліметі бойынша, дауыс беруге құқылы электораттың 7,5 миллионнан астамы таңдау жасаған.

Айта кетейік, бүгін, 6 қазанда, Қазақстанда жалпыұлттық референдум өтуде. Елде 84 учаскеде дауыс беру таңғы сағат 6:00-де басталды. Референдум бюллетенінде бір ғана сауал болады:

— Сіз Қазақстанда атом электр станциясын салуға келісесіз бе?

Дауыс беруші жауаптың екі нұсқасының бірін таңдайды:

— «Иә, келісемін» немесе «Жоқ, келіспеймін».

9 елде референдум учаскелері жұмысын аяқтады

Сыртқы істер министрін...

АЭС құрылысы бойынша референдумда қазақстандықтардың жартысынан көбі дауыс беріп үлгерді. Мұндай жағдайда заң бойынша «Референдум өтті» деп танылады. Бұл жайында Орталық референдум комиссиясының мүшесі Сәбила Мұстафина мәлім етті.

«Республикалық референдум туралы» ҚР Конституциялық заңының 31-бабы 2-тармағына сәйкес, егер референдумға қатысу құқығы бар азаматтардың жартысынан көбі дауыс беруге қатысқан болса, референдум өткізілген деп саналатындығын атап өткен жөн», — деді комиссия мүшесі.

Дауыс беру бойынша сағат 14.00-дегі жағдайды баяндаған комиссия өкілі жалпы халықтың 51,77%-ы АЭС құрылысы бойынша референдумда өз таңдауын жасағанын айтты. Яғни 6 339 425 азамат бюллетень алған.

Айта кетейік, бүгін, 6 қазанда Қазақстанда жалпыұлттық референдум өтіп жатыр. Елде...

HBO студиясы биткоиннің кодын жазған Сатоши Накамото туралы деректі фильм түсірді. Санаулы күнде көрермендер назарына ұсынылады. Жаңа кионөнімнің аты – «Money Electric: The Bitcoin Mystery».

Фильм авторы Каллен Хобек бұл туынды әлемдегі қаржы нарығын шайқалтып, АҚШ-тағы президенттік сайлауға әсер етуі, криптовалютаға қатысты қылмыстар туралы көптеген сұрақ пайда болуы мүмкін екенін айтады.

Сатоши Накамото есімі алғаш рет 2009 жылы цифрлық валюта туралы мәлімет беретін «Ақ кітапта» кездеседі. Накамото Bitcoin-де 2011 жылға дейін жұмыс істегені белгілі. Содан кейін ол күтпеген жерден жобаны тастап, репозиторийлерді басқаруды басқа әзірлеушілерге берді. Одан соң көпшілік алдына шығуды доғарды.

Сондықтан көп адамды жүйе емес, Сатоши Накамото тұлғасы қызықтырады...

Мемлекеттік кірістер комитеті Ресеймен шекарада кептеліс болмағанын хабарлады. Одан бұрын кейбір ақпарат құралдары Ақтөбе облысындағы «Жайсан» өткізу пунктінің алдында Ресей Федерациясы бағытындағы жүк автокөліктері тұрып қалды деп дабыл қаққан.

Осыған байланысты кірістер комитеті қазіргі уақытта «Жайсан» өткізу пунктінде жүк автокөліктерінің кептелісі байқалмайтынын, өткізу пункті штаттық режимде жұмыс істейтінін мәлімдеді.

Тәулігіне орта есеппен «Жайсан» өткізу пункті арқылы 1,6 мыңнан астам жүк және жеңіл автокөліктер өтеді. Шекараның қазақстандық жағында «Жайсан» өткізу пунктінде әр бағытта 4 жол белдеуі, Ресей жағында «Сагарчин» өткізу пунктінде 1 жол белдеуі жұмыс істейді.

«Мемлекеттік кірістер органдары тарапынан жұмыс штаттық режимде жүргізіледі, өткізу пунктінде құжат...

«СНПС-Ақтөбемұнайгаз» үш жылда сұйылтылған газдың ішкі бағасын реттеуге байланысты 48,1 млрд теңге жоғалтты. Бұл жөнінде dprom.kz басылымы жазды.

«CNPC-Ақтөбемұнайгаз» АҚ бас директоры әкімшілігінің басшысы Юрий Шикарев былтыр тұтынушыларға Жаңажол кен орнынан 484 мың 700 тонна сұйылтылған газ жеткізілгенін атап өтті. Биыл газ өңдеу зауыты 480 мың тонна шикізат өндіреді.

Жаңажолда өндірілген көгілдір отын да ішкі нарыққа шығарылуда. Былтыр 3,2 млрд текше метр газ жеткізілді. Бұл бағытта да кәсіпорын шығынға батқан. 2018-2024 жылдар аралығында зауыт 351,4 млрд теңге пайдадан қағылды.

Өндірілетін мұнайдың үштен бір бөлігі экспортталады. Бұл – пайда әкелетін экспорттық кіріс. Сыртқы нарықта орташа есеппен бір тонна мұнай 547,8 доллардан...

«Қазатомөнеркәсіп» ұлттық атом компаниясы» АҚ директорының бірінші орынбасары Қуаныш Омарбеков Үлбі металлургиялық зауыты өндіретін отын Қытай ұсынып отырған АЭС жобасында кәдеге асатынын айтты.

– Қазақстан өнімін пайдалану реактор техникалық мүмкіндігіне байланысты. «Қазатомөнеркәсіп» ұлттық атом компаниясына қарасты Үлбі металлургия зауытында шығатын AFA 3G TM типті отын Қытай ұсынған АЭС-ті пайдалануға жарайды. Бұған қатысты күрделі еш нәрсе жоқ. Бізге берілген құзыреттілік бойынша отандық өнімді жобаға тез бейімдеуге болады, – деді Қуаныш Омарбеков.

2023 жылы Қазақстанның ұлттық атом компаниясы – «Қазатомөнеркәсіп» АҚ «Үлбі-ТВС» ЖШС зауытынан AFA 3G TM типті отын жинақтарының бірінші партиясын Қытайға жеткізді.

«Үлбі металлургиялы...

Астана қаласындағы №256 учаскеде Қазақстанның тұңғыш Президенті Нұрсұлтан Назарбаев дауыс берді.

Дауыс бергеннен кейін, экс-президент сайлау учаскесіне жиналған азаматтар мен журналистер алдында қысқаша сөз сөйледі.

«Қайырлы күн! Табысты болыңдар, бақытты болыңдар! Жақсы ма?», – деді де, Нұрсұлтан Назарбаев ешкімге қайырылмастан жүре берді.

Айта кетейік, 8 қыркүйекте Қазақстанның бұрынғы президенті Нұрсұлтан Назарбаев Бұқарға барып, Өзбекстан президенті Шавкат Мирзиеевпен кездесті. Шавкат Мирзеев пен Назарбаев қаланың бірнеше маңызды және көрікті жерлерін аралаған...

Орталық референдум комиссиясы қазақстандықтардың саяси науқанға келуі туралы ақпаратпен бөлісті. ОСК хатшысы Мұхтар Ерманның мәлімдеуінше, референдумға әзірге Қарағанды облысының тұрғындары көп барып жатыр. Онда халықтың 30,63 пайызы АЭС құрылысы туралы референдумға келіп дауыс берген.

Облыстардың, республикалық маңызы бар қалалардың, елорданың комиссиялары ұсынған деректерге сәйкес, сағат 10.00-дегі жағдай бойынша тізімдерге енгізілген азаматтардың жалпы санының 17,79%-ы бюллетень алған. Яғни референдумға қатысуы тиіс 12 244 683 адамның 2 178 593-і АЭС құрылысына қатысты өз таңдауын жасады.

Энергетика министрі Алмасадам Сәтқалиев Астанадағы N230 сайлау учаскесінде болды. Ол заңға сәйкес дауыстарды санау жеті күнге дейін созылуы мүмкін екенін атап өтті. Ал референдумның қорытындысы шыққанда ғана бұл бағыттағы жұмыстарды одан әрі жалғастыру мүмкіндігі туралы қаперге салды. Министр одан бөлек журналистер сауалына орай мұнай өңдеу зауыттарының жеткілікті қоры бар екенін айтты.

 – Екі жылдан бері мұнай өңдеу зауыттарының толық көлемде жөнделуіне мүдделіміз. Одан бұрын зауыттар жөнделмейтін немесе жаңғырту жұмысына ерте кірісетін. Бұл нысандардың ескіруіне, апаттардың көбеюіне әкеліп соқты. Біздің басты мақсатымыз – жыл бойына және қысқы кезеңде мұнай өңдейтін зауыттар кідірмей жұмыс істеуі керек. Сондықтан біз...

Қазақстан Републикасының Президенті Қасым-Жомарт Тоқаев республикалық референдумда дауыс берді. Бұл жөнінде Президенттің баспасөз қызметшісі Берік Уәли хабарлады. Журналистер Президенттен халық АЭС құрылысын қолдаса, қай елдің салатынын сұрады.

– Бұл бірден жауабын беретін оңай сұрақ емес. Үкімет талдау жұмысымен шұғылданып, тиісті келіссөздер жүргізуге тиіс. Менің жеке көзқарасым бойынша, Қазақстанда өте озық технологияға ие компаниялардан тұратын халықаралық консорциум жұмыс істеуі қажет. Одан ары қарай өмір көрсетеді, – деп жауап берді Қасым-Жомерт Тоқаев.

Сонымен қатар брифинг барысында «Қазіргі Үкіметтің жұмысына көңіліңіз тола ма?» деген сұрақ қойылды.

– Менің ойымша, Үкімет белсенді жұмыс істеп жатыр...

Ақылды азаматтар айналысатын трейдинг саласы трендте. Акция, облигация, валюта саудасы көпшілікті қызықтырғанмен, кей адамдардың айналымға салатын алғашқы жарнасы болмауы мүмкін. Бұл салада жақсы пайда табу үшін бастапқы қаражатыңыздың көлемді болғаны абзал. Дегенмен енді бұл мәселені де айналып өтуге болады. Себебі қазір көп трейдерлер проп компаниялардың қызметіне жүгіну арқылы қомақты капиталмен сауда жасап отыр. 

Сонымен проп трейдер дегеніміз кімдер? Проп компания сөзі нені білдіреді? 

Проп трейдер – өзге компанияның қаржысын пайдаланып сауда жасайтын азаматтар. Ал проп компания осындай трейдерлерді қаржыландырады. Әлбетте, тоғыз жолдың торабында батпан байлық тегіннен-тегін жатпасы анық. Олардың да өзіндік қоятын талаптары бар. Негізінен, құнды қағаздар нарығында сауда...

Шешенстан Республикасының басшысы Рамзан Қадыровтың 16 жасар ұлы Адам Қадыров әкесінің қауіпсіздік күзетін басқарушы лауазымына тағайындалғаны үшін Ресейдің рекордтар кітабына енді.

2007 жылы туған Адам Қадыров 2023 жылдың соңында әкесін күзететін қауіпсіздік бөлімінің бастығы болып тағайындалған. Дегенмен оның бұл рекорды Ресейдегі кітапқа енді енгені белгілі болды. Бұл туралы Грозныйдағы ММА жарыстарында ғана хабарланды.

«Менің қолымдағы сертификаттағы рекорд бүгін орнатылмады, дегенмен біз қолайлы сәтті күттік», – деді Қадыровтың ұлына сертификатты тапсыру кезінде шара жүргізушісі.

Ресейлік РБК басылымы Адам Қадыровтың 2024 жылдың сәуірінен бастап Ресей Федерациясындағы Арнайы жасақ университетіне жетекшілік ететінін жазған. Тамыз айында жасөспірім атасы...

BI Group компаниясы АҚШ-та тұрғын үй сатылымы басталғанын жариялады. Қазақстандықтарға Майамидің қаржылық орталығында орналасқан пәтерлер ұсынылып отыр. Бағасы 477 мың доллардан басталады. Сондай-ақ құны 6,8 млн доллардан басталатын виллаларды сатып алу ұсынылды. Қазақстандық ірі девелоперлердің шетелдегі жобалары қайда орналасқаны және олардың қаншалықты сәтті жүзеге асырылып жатқаны жөнінде айтып бермекпіз.

«Біз бірнеше жыл қатарынан Америкаға ойысуды армандадық. Сөйтіп, екі жыл бұрын бұл арманымыз орындалды. Біз Қазақстанның аумағынан шығып, әрі қарай дамып жатырмыз». BI Group директорлар кеңесінің төрағасы Айдын Рахымбаев Майамидегі тұрғын үйлердің сатылымының басталуына арналған презентацияда осылай деп мәлімдеді.

Өткен аптада BI Group қазақстандықтарға Майамидің қаржылық орталығы Брикеллде салынып жатқан үш...

Президент Қасым-Жомарт Тоқаев қазақстандық мұғалімдерді кәсіби мерекемен құттықтап, оларға алғыс айтты. Мемлекет басшысы елде «Жайлы мектеп» жобасы аясында 217 мектеп салу жоспарланғанын атап өтті.

Тоқаев бұл шараның үш ауысымды мектептер мәселесін шешуге бағытталғанын ескерте кетті. Бұдан бөлек, жыл сайын мыңдаған мектептерде жөндеу жұмыстары жүріп, білім беру ғимараттарының сапасын жақсартуға байланысты жұмыстар атқарылып жатқанын атап өтті.

«Биыл отандық мектептердің оқушылары халықаралық олимпиадалардан 360-тан астам медаль жеңіп алды. Бұл – ұстаздарымыздың жанкешті еңбегі мен кәсібилігінің жемісі», – деді президент.

Президент елде білім сапасын жақсарту үшін салада көшбасшыларды іріктеу жүріп жатқанына тоқталды. Осы жоба аясында 134 педагог мектеп директоры бола алғанын атап өтті.