Жаңалықтар

Ұлттық банк қыркүйек айында Ұлттық қордан 945 млн АҚШ долларына тең валюта сатқан. Ал қазан айында 1,3-1,4 млрд долларға тең валюта сатуды жоспарлап отыр. Яғни сатылатын валюта көлемі 1,5 еседей артпақ. Одан түскен қаражат республикалық бюджетке құйылады.

Шілдеде Ұлттық банк Үкіметтің «Қазатомөнеркәсіп» акцияларын сатып алу туралы шешімі аясында Ұлттық қордағы валютаны өзінің алтын-валюта қорына айырбастаған. Сол кезден Ұлттық Банк өз валютасын біркелкі сатуды бастады. Алғашқы мәміле 20 шілдеде Ұлттық Банк пен «Самұрық-Қазына» қорының арасында жасалған. Нәтижесінде «Қазатомөнеркәсіптің» 62,9% акциясы «Самұрық-Қазына» қорына, 12%-ы – ҚР Қаржы министрлігіне, 24,34%-ы жеке инвесторларға тиесілі болды.

Соған сәйкес қыркүйекте Ұлттық банктің алтын-валюта резервінен...

Президент Қасым-Жомарт Тоқаев Қытай Халық Республикасының Төрағасы Си Цзинпиннің 75 жасқа толуына орай құттықтау жеделхатын жолдаған. Бұл жайлы Ақорда хабарлады.

«Қасым-Жомарт Тоқаев қазақстандықтардың және жеке өзінің атынан Си Цзиньпин мен қытай халқын ҚХР-дың құрылғанына 75 жыл толуымен құттықтады»,- делінген баспасөз хабарламасында.

Мемлекет басшысы өзінің құттықтау жеделхатында ел бірлігі мен тұтастығының бірегей нышаны саналатын бұл күннің орны ерекше екенін атап өткен. Ал Қытайды әлемдегі көшбасшы, әрі жаһандық орнықты дамуға, халықаралық тұрақтылық пен қауіпсіздікті қамтамасыз етуге зор үлес қосып отырған қуатты мемлекет ретіндегі рөліне тоқталған.

Сонымен бірге президент Қазақстан мен Қытай арасында стратегиялы...

Қазақстан Республикасының Көлік министрлігі Ресей Федерациясының Көлік министрлігімен бірлесе отырып, «Риддер-Новосибирск» халықаралық теміржол қатынасын қалпына келтіру жөнінде келісімге келді.

Министрліктің мәліметінше, пойыздар 2024 жылдың 18 желтоқсанынан бастап төрт күнде бір рет жүре бастайды.

«Новосибирск-Риддер» № 407/408 халықаралық пойызы 250 жолаушыға арналған 6 вагоннан тұрады: 3 купе және 3 плацкарт. Бұл шешім Шығыс қазақстандықтардың өтініші бойынша іске қосылып отыр.

Аталған пойыз ауа баптау және бейнебақылау жүйелерімен, биодәретханалармен, мобильді құрылғыларды қуаттандыруға арналған розеткалар мен USB порттарымен, әрбір орынға арналған жеке жарықтандырумен және басқа да қажетті құрылғылармен жабдықталған.

Еске сала кетейік, 24 қыркүйектен бастап Ташкент-Мәскеу бағытында жолаушылар пойызы іске қосылған...

Оқу-ағарту министрлігі оқулықтарды әзірлеу, сараптау және басып шығару ережелерін жаңартты. Оған сәйкес, оқулықтарды оқу курстарынан өткен авторлар тобы әзірлейді.

Оқулық пен электрондық оқулықты дайындау әзірлеуші ​​немесе баспа оқулықтар мен электронды оқулық әзірлеу бойынша оқу курстарынан өткен авторлар тобын құру арқылы ұйымдастырылады. Бұрынғы талапқа сәйкес, оқулық әзірлеу үшін қосымша ғалым немесе мұғалім, пән бойынша кәсіптік білімі, біліктілігі мен білім беру ұйымдарында жұмыс тәжірибесі бар адам қатысатын.

Пәндік сараптау комиссиясының құрамы біліктілікті арттыру курсынан өткен сарапшылар базасына енгізілген ғалымдар мен оқытушылар қатарынан құрылады. Комиссия құрамына мектепке дейінгі тәрбие мен оқытудың оқу-әдістемелік кешендерін сараптау үшін – жоғары біліктілік санаты, «педагог-зерттеуші», «педагог-шебер...

Қазақстанда Қаржы мониторингі агенттігінің қадағалауында болатын күдікті қаржы операцияларының белгілері өзгерді. Қаржы нарығын реттеу және дамыту агенттігі күдікті операцияларға жататындардың сипатын нақтылаған.

ҚНРДА «Қаржы мониторингі субъектілерінің қаржы мониторингіне жататын операциялар туралы мәліметтер мен ақпаратты беру қағидаларын және күдікті операцияны айқындау белгілерін бекіту туралы» қаулыға өзгерістер енгізді. Соған сәйкес, қатаң қадағаланатын күдікті қаржы операцияларына мыналар жатады:

30 қыркүйек күні Apple компаниясының акциялары 2%-ға өсті. Сарапшылардың айтуынша мұндай өсімге iPhone 16 Pro моделіне сұраныстың артуы әсер етті.

30 қыркүйеке , дүйсенбі күнгі саудада Apple акциялары 2,29%-ға өсіп, 233 долларға жетті. Бұл көрсеткіш шілде айында тіркелген жоғары бағасына ($234,82) жақындады. JPMorgan және Morgan Stanley сарапшылары жеткізілім мерзімдеріне берген бағалар акциялардың өсуіне оң әсер етті.

Сарапшылар 30 қыркүйекте iPhone 16 және iPhone 16 Pro модельдерінің жеткізілім мерзімдері тұрақталғанын немесе артқанын айтты. Бұл банктің пікірінше, күтпеген жақсы өзгеріс. Олардың пайымдауынша, жеткізілім мерзімдерінің ұзаруы жоғары сұранысты білдіреді. Morgan Stanley бұл жағдайды iPhone 12 және iPhone 13 модельдерімен салыстырып...

Израиль армиясы Ливанның оңтүстігінде «Хезболла» тобының әскери нысандары мен инфрақұрылымына қарсы операция бастағанын ресми хабарлады. Бұл нысандар дәл шекарада орналасқандықтан, шекарада жатқан ауылдарға қауіп төндіреді деп тұжырымдайды.

«Бірнеше сағат бұрын ЦАХАЛ Ливанның оңтүстігіндегі Хезболла лаңкестерінің нысандары мен инфрақұрылымына қарсы нақты барлау ақпаратына негізделген шектеулі, жергілікті және мақсатты жерүсті соққыларын бастады. Бұл нысаналар шекараға жақын ауылдарда орналасқан және Израильдің солтүстігіндегі халыққа тікелей қауіп төндіреді», – делінген IDF мәлімдемесінде.

Израиль өз әуе күштері мен артиллериясы аймақтағы әскери нысандарға дәл соққы жасап, құрлықтағы күштерге қолдау көрсетіп жатқанын айтады.

Бұқаралық ақпарат құралдарының хабарлауынша, 30 қыркүйек, дүйсенбі күн...

Футзалдан Қазақстан құрамасы Аргентина командасынан 1:6 ұпайымен жеңілді. Сөйтіп ширек финалда қарсыласына жол берді.

Аргентина командасының қақпасына допты Дәурен Тұрсағұлов енгізді. Қазақстан құрамасы осы нәтижемен әлем чемпионатындағы жорығын аяқтады.

Ал Аргентина құрамасы жартылай финалда Франциямен кездеседі. Бразилия мен Украина да есеп айырысады.

Айта кетейік, 1/8 финалда Қазақстан Португалия құрамасын 2:1 есебімен жеңді.

Айта кетейік, 2023 жылдың желтоқсан айының соңында Қазақстан Футзал құрамасы ӘЧ-2024 элиталық кезеңін жеңіспен аяқтап, барлық қарсыласынан басым түскен. 

Сауда көлемі бойынша әлемдегі ең ірі криптовалюта биржасында жетекші блокчейн экожүйесіне тиесілі Binance Kazakhstan компаниясына Digital Asset Trading Facility (DATF) лицензиясы берілді. Бұл – Қазақстанда АХҚО Қаржы қызметтерін реттеу жөніндегі комитетінен (AFSA) осы лицензияны алған алғашқы операциялық цифрлық платформа.

Толық DATF лицензиясы Binance Kazakhstan компаниясына цифрлық активтер нарығын басқару, брокер-дилер ретінде әрекет ету және елдегі цифрлық активтерді сақтау қызметтерін көрсету құқығын береді.

Қазақстан – Орталық Азияда Binance компаниясы реттеуші лицензиясын алған бірінші ел. Компания осы елдегі ережелерге бағынатынын және қауіпсіздіктің ең жоғары стандарттары бойынша жұмыс істейтінін хабарлады.

DATF лицензиясын алу үшін Binance Kazakhstan барлық қолданыстағы нормативтік талаптарға толық сәйкес...

Автоөндіруші BYD Қытайдағы 96,7 мыңдай Dolphin және Yuan Plus көлігін 2024 жылдың 30 қыркүйегінен кейін қайтарып алады. CarNewsChina.com жазғанындай, 2023 жылдың 4 ақпаны мен 26 желтоқсаны аралығында шығарылған 87 мыңнан астам Dolphin мен Yuan Plus электромобильдері кері қайтарылуға жатады. Сонымен қатар 2022 жылдың 2 қарашасынан 2023 жылдың 19 маусымына дейін құрастырылған 9 мыңға жуық Yuan Plus электромобильдерінен де ақау шыққан.

Компания рөл бағанындағы электркүшейткішті бақылайтын құрылғының өндірістік процесіндегі ақауларға байланысты осындай қадамға барып отыр. Құрылғының қақпағы жабылған кезде, ол контроллер тақтасындағы конденсаторларға кедергі жасап, осы элементтерде кішкене жарықтар пайда болады. Көлікті пайдалану кезінде жарықтар кеңейіп, қысқа тұйықталуға, қызып кетуге, тіпт...

Қазақстан мен Қытай арасындағы автокөлік өткізу пункттерінде үш күн қозғалыс шектеледі. Пойыздар штаттық режимде жұмыс істейді. Шекарадағы көлік қозғалысының уақытша тоқтауына басты себеп – Қытай Халық Республикасында мерекенің кең көлемде тойлануы. Биыл алып республиканың құрылғанына 75 жыл толып отыр.

«Қытай Халық Республикасының құрылған күнін мерекелеуіне байланысты 2024 жылғы 1 қазаннан бастап 3 қазанға дейін Қазақстан-Қытай шекарасындағы автомобильді өткізу пункттерінде тұлғалардың, көлік құралдары мен жүктердің өтуі жүзеге асырылмайды.
Қазақстан-Қытай шекарасындағы теміржол өткізу пункттері штатты режимде жұмысын жалғастырады», – деп хабарлады ҚР ҚМ Мемлекеттік кірістер комитеті.

Осыған байланысты жолаушылар бағыт-бағдарды ерте ескеруге тиіс.

KazChess Президенті Тимур Турлов Халықаралық мектеп шахмат федерациясының төрағасы болып сайланды. Бұл туралы Қазақстан шахмат федерациясы хабарлады.

Енді Халықаралық мектеп шахмат федерациясы (International School Chess Federation, ISCF) ФИДЕ-ның еншілес ұйымы ретінде жұмыс істей бастайды. Бұл ұйымды құру туралы бастаманы Тимур Турлов Будапештте өткен ФИДЕ Бас Ассамблеясының отырысында ұсынған. Шахмат Федерациясының хабарлауынша, Тимур Турловтың ISCF құру және оған басшылық ету туралы ұсынысын ФИДЕ Бас Ассамблеясының делегаттарының көпшілігі қолдаған.

«Біз ұлттық мектеп шахмат қауымдастықтарын біріктіріп, шахматты білім беру бағдарламаларына ғаламдық интеграциялауды қолдағымыз келеді, елдерге мектеп бағдарламаларын құруға көмектесу үшін ресурстар мен тәжірибе ұсына аламыз, бұл ойын...

2024 жылдың 6 айында Қазақстандағы жалпы ішкі өнім былтырғы сәйкес кезеңмен салыстырғанда, 3,2% өскен. Ұлттық статистика бюросының мәліметінше, биылғы қаңтар-маусымдағы өндірілген жалпы ішкі өнім көлемі 52,3 трлн теңгеге жеткен.

Қазіргі кезде Қазақстанның жалпы ішкі өнімі 116,6 млрд долларды құрайды.

«2024 жылы қаңтар-маусымдағы өткен жылғы тиісті кезеңмен салыстырғанда тауарларды, қызметтерді өндіру және өнімдерге салынатын салықтар бойынша нақты өсім 3,5%, 3,4% және 1,1% құрады», – делінген ҰСБ хабарламасында.

Жалпы ішкі өнім үлесінде тауарлар өндірісі, өнеркәсіп, қызмет саласының үлесі басым. Мәселен, тауарлар өндірісі мен қызмет көрсету саласының үлесі 35,9% және 57,1% құраған. ЖІӨ-нің өндірісіндег...

Қоғамға сауал салу нәтижесі бойынша, АЭС салуды қолдайтындардың қарасы көбейген. Сауалнаманы 2024 жылдың 13-26 қыркүйек аралығында Қазақстан Республикасының Президенті жанындағы Қазақстанның стратегиялық зерттеулер институтының тапсырысы бойынша «Демократия институты» жүргізген. Қолданылған тәсіл – телефон шалу.

Оған 18 жастан асқан 1 200 адам қатысқан. Сауалнамаға 17 облыс пен Астана, Алматы және Шымкент шаһарларының тұрғындары жауап берген.

«Демократия институтының» дерегінше, жалпы респонденттердің басым бөлігі – 72,9%-ы атом электр станциясын салу идеясын қолдаған. «Қазақстанда АЭС салу идеясына көзқарасыңыз қандай?» деген сауалға қарсы емес екенін жеткізіпті.

Бұрынғыларымен салыстырғанда, бұл – АЭС салуды қолдаған ең жоғары көрсеткіш. Бірінші сауалнама қорытындыларымен салыстырғанда, қолдаушылардың үлесі 19,8%-ға артқан. Екіншісімен салыстырғанда, 12,7%-ға өскен.

2024 жылғы II тоқсанда халықтың жан басына шаққандағы орташа айлық табысы 204 963 теңгені құрады. Бұл туралы Ұлттық статистика бюросы хабарлады.

Аталған көрсеткіш 2023 жылғы II тоқсанмен салыстырғанда 12,6% жоғары. Алайда нақты табыс 3,8% ғана артқан. Бұған себеп инфляция. Биыл тұтыну бағалары индексін 8,5% болғанын ескерсек, халықтың ақшалай табысының нақты мәнді 3,8%-ға ғана өскенін байқауға болады.

2024 жылғы II тоқсанда халықтың орта есеппен жан басына шаққандағы ақшалай табысының ең жоғары мөлшері Атырау облысында тіркелген. Онда көрсеткіш орташа республикалық деңгейден 2 есеге жуық жоғары.

Табысы ең төмен өңір болып Түркістан облысы. Өңірде халықтың табыс мөлшері орташа республикалық деңгейдің жартысына жуығын құрайды.

Қасым-Жомарт Тоқаев «Еуразия кеңістігіндегі орнықты даму және қауіпсіздік» конференциясына еліміздегі саяси реформаның негізгі өзегін атады. Қасым-Жомарт Тоқаевтың пікірінше, ең басты жаңалық – Президент мандатын бір мерзіммен шектеу.

«Мұндай норма посткеңестік елдердің, тіпті одан тысқары мемлекеттердің ешқайсысында жоқ. Менің ойымша, Президентті бір рет жеті жылға сайлау – оның сайлауалды бағдарламасы мен реформаларын жүзеге асыруға жеткілікті уақыт. Оған қоса, Президент – халық жалдаған мемлекеттік қызметкер», – деді ол.

Мемлекет басшысы Қасым-Жомарт Тоқаевтың пікірінше, заң мен тәртіп үстемдік құрған елде ғана реформаларды іске асыруға, экономикаға инвестиция тартуға жағдай жасалмақ.  Сонымен қатар, Президент реформаларды жүзеге асыру қаншалықты қиын болғанымен...

«Қаражанбасмұнай» құны жарты млрд теңгеден (588 млн теңге) астам болатын жабдықтарды аукционға шығарды. Бұл туралы Электронды сауда алаңы сайтында жазылған.

Бұл жабдықтардың жалпы саны – 961 дана. Олардың бастапқы құны 588 млн 651 мың 218 теңге. Кепілді салым 88 млн теңгеден асады. Сауда 2024 жылғы 1 қазан басталады. 

Аукцион бағаны көтеру ретімен өтеді.  Бұл ретте бастапқы баға алдын ала хабарланады. Сауда барысында ең жоғары бағаны ұсынған адам лотты иеленеді. Құрылғыларды сату себебі жазылмаған.

«Қаражанбасмұнай» АҚ – Маңғыстау облысы, Бозашы түбегінде орналасқан Қаражанбас кен орнынан мұнай өндіретін ірі компания. Ол «ҚазМұнайГаз» компаниялар тобына кіреді. Кен орнының тарихы 1974 жылғы 26 қаңтардан басталды.Мұнда...

«Шымбұлақ» тау шаңғысы курортында арқан жолдары профилактикалық жұмыстарға байланысты уақытша жабылады. Бұл туралы курорттың баспасөз қызметі хабарлады.

Тау курортының баспасөз қызметінің мәліметінше, 30 қыркүйектен 3 қарашаға дейін «Комби-1» және «Комби-2» арқан жолдары жабылады. Ал 21 қазаннан 3 қарашаға дейін Медеуден Шымбұлаққа дейінгі арқан жолы және «ККД-4» жабылады.

Курортқа экологиялық автобустар, такси немесе электрокарлармен көтерілуге болады.

Сонымен қатар дүйсенбіден жексенбіге дейін сағат 09:00-ден 13:00-ге және 14:00-ден 18:00-ге дейін Медеуден Шымбұлаққа шығатын жол жабық болады. Жолда жөндеу жұмыстары жүргізіліп жатыр.

Еске сала кетейік, бұған дейін Алматыда орналасқан «Шымбұлақ» тау курорты мен Оңтүстік Кореяның MONA Yong Pyong курорты өзара туристер алмасу туралы...

Қазақстан Таиландқа ет және балық өнімдерін экспорттайды. Бұл жайлы Ауыл шаруашылығы министрлігінің баспасөз қызметі хабарлады.

Ауыл шаруашылығы вице-министрі Ермек Кенжеханұлы Таиланд Корольдігінің Ауыл шаруашылығы министрі Наруомон Пиньесинватпен кездесу өткізген.

Кездесу барысында тараптар ауыл шаруашылығы, азық-түлік қауіпсіздігі, стратегиялық әріптестік пен инвестициялық ынтымақтастықты дамыту саласындағы екіжақты қатынастарды нығайту мәселесін талқылаған. Нәтижесінде өзара сауда көлемін ұлғайту және жеткізілетін өнім номенклатурасын кеңейту бойынша бірлескен жұмыстарды жандандыру туралы келіскен.

«Қазақстан KazBeef Processing және Merke et combinaty сияқты өндірушілерді қоса алғанда, Таиландқа ет және ет өнімдерін экспорттауға сертификаттау және рұқсат алу үшін кәсіпорындардың тізімі қалыптастырылып, Тай тарапына жіберілд...

29 қыркүйекте Almaty Marathon марафонында қырғызстандық спортшы Айнуска Қалилқызы 21,1 км қашықтықты бірінші болып өтті. Оның финиш уақыты 1 сағат 14 минут 27 секунд болды. Алайда жарыс соңында Айнуска Қалилқызының тегі финалдық хаттамадан жазылған жоқ.

Ұйымдастырушылардың айтуынша, спортшы марафон барысында велосипедшінің қолынан су алғаны үшін дисквалификацияланды. Ережелерге сәйкес, спортшыларға су мен тағамды тек арнайы тамақтану пункттерінен алуға рұқсат.

Бұл оқиға халықаралық жарысқа қатысушылар арасында қызу талқылануда, себебі Калил...

Борышкердің өтелмеген несие қарызын алған коллекторлар 30 күн ішінде оған берешегін өтеу шарттарын өзгертуге өтініш бере алатынын ескертуі тиіс. 1 қазаннан күшіне енетін жаңа қағидаларға сәйкес, коллекторларға осындай талап қойылады.

Қаржы нарағын реттеу және дамыту агенттігі коллекторлардың жеке тұлғалар берешегін реттеу қағидаларын бекіткен.

«Жаңа ережеге сәйкес, коллекторлық агенттік кредит бойынша құқықты алғаннан кейін, 30 күн ішінде борышты төлеу шарттарын өзгертуге өтініш беру құқығы туралы хабардар етуі тиіс. Егер берешек 1 қазанға дейін сатып алынған болса, хабарлама осы күннен бастап 20 күн ішінде жіберілуге тиіс», – делінген хабарламада.

Бұл хабарламаны алған борышкер...

Биыл сауда саласындағы жеке кәсіпкерлерге қолдау ретінде бюджеттен 4 млрд теңге бөлінеді. Бұл туралы ҚР Президенті жанындағы орталық коммуникациялар қызметінің баспасөз конференциясында Сауда және интеграция министрлігінің Сауда комитетінің төрағасы Айдар Әбілдабеков мәлімдеді.

Оның айтуынша, мемлекет кәсіпкерлерге екі жолмен қолдау көрсетпек. Атап айтқанда, біріншісі – пайыздық мөлшерлемелерді субсидиялау, екіншісі – несие кепілдігін беру арқылы.  

Бұл қаражат сауда нарығын жаңарту, сауда нысандарын салу және қайта жөндеу, «есік алдындағы» дүкен ашуға және бағдарламалық қамсыздандыруды әзірлеуге бөлінеді. Алайда Астана, Алматы, Шымкент қаласындағы жобалар мен сауда-ойын сауық орталықтары бағдарламаға кірмейді.

Бағын сынап көргісі келген кәсіпкерлер кредит алу үшін банкке немесе «Даму» кәсіпкерлікті дамыту қорына...

Екі жылдың ішінде Қазақстанда 115 базар жаңғыртылуы тиіс. Әзірге бұл жұмыс 16 базарда ғана жүріп жатыр. ҚР СИМ Сауда комитеті 2025 жылы бірден 99 сауда нысандарын жаңартуға уәде беріп отыр.

Сауда комитетінің төрағасы Айдар Әбілдабековтің мәлімдеуінше, келер жылы жаңғыртудан өтуі тиіс базарладың барлығында жаңғырту шаралары аяқталуы тиіс.  Үкіметтің аталмыш міндеті арнайы жол картасының бұйрығында да бекітілген.

«Жол картасына сай жаңғыртылуға жататын жалпы республикада 115 базар бар. Оның 16-сы биыл аяқталуы керек. Келесі жылы 99-ы бойынша жұмыстарды аяқтау қажет. 16-ның алтуы Алматы қаласында, үшеуі Шымкентте және тағы да басқа аймақтарда», –деді комитет төрағасы ОКҚ брифингінде.

Спикердің сөзінше...

30 қыркүйек, дүйсенбі күні Қытай акциялары 8%-дан астам өсім көрсетті. Бұл – 2008 жылдан бергі ең жақсы көрсеткіш. Қытай нарығындағы ралли тоғызыншы күн қатарынан жалғасуда. Себебі трейдерлер ұзақ демалысқа дейін акциялар сатып алуға асықты. Есесіне жапон компанияларының акциялары күрт төмендеді, ал иен күшейді. Себебі билеуші партияның көшбасшысы болып корпоративтік салықтарды көтеруді қолдайтын Сигэру Исиба сайланды.

Толығырақ

Шанхай және Шэньчжэнь құрлықтық Қытайдың қор биржаларындағы негізгі акцияларды бақылайтын CSI 300 индексі дүйсенбі күні 8,5%-ға өсті. Bloomberg агенттігінің мәліметінше, бұл 2008 жылдан бергі ең қомақты өсім. Қытай компанияларының акциялары қатарынан тоғызыншы күн қымбаттап отыр. Агенттіктің жазуынша, дүйсенбі күні инвесторлар сұранысының жоғары...