Жаңалықтар

Екі жылдың ішінде Қазақстанда 115 базар жаңғыртылуы тиіс. Әзірге бұл жұмыс 16 базарда ғана жүріп жатыр. ҚР СИМ Сауда комитеті 2025 жылы бірден 99 сауда нысандарын жаңартуға уәде беріп отыр.

Сауда комитетінің төрағасы Айдар Әбілдабековтің мәлімдеуінше, келер жылы жаңғыртудан өтуі тиіс базарладың барлығында жаңғырту шаралары аяқталуы тиіс.  Үкіметтің аталмыш міндеті арнайы жол картасының бұйрығында да бекітілген.

«Жол картасына сай жаңғыртылуға жататын жалпы республикада 115 базар бар. Оның 16-сы биыл аяқталуы керек. Келесі жылы 99-ы бойынша жұмыстарды аяқтау қажет. 16-ның алтуы Алматы қаласында, үшеуі Шымкентте және тағы да басқа аймақтарда», –деді комитет төрағасы ОКҚ брифингінде.

Спикердің сөзінше...

30 қыркүйек, дүйсенбі күні Қытай акциялары 8%-дан астам өсім көрсетті. Бұл – 2008 жылдан бергі ең жақсы көрсеткіш. Қытай нарығындағы ралли тоғызыншы күн қатарынан жалғасуда. Себебі трейдерлер ұзақ демалысқа дейін акциялар сатып алуға асықты. Есесіне жапон компанияларының акциялары күрт төмендеді, ал иен күшейді. Себебі билеуші партияның көшбасшысы болып корпоративтік салықтарды көтеруді қолдайтын Сигэру Исиба сайланды.

Толығырақ

Шанхай және Шэньчжэнь құрлықтық Қытайдың қор биржаларындағы негізгі акцияларды бақылайтын CSI 300 индексі дүйсенбі күні 8,5%-ға өсті. Bloomberg агенттігінің мәліметінше, бұл 2008 жылдан бергі ең қомақты өсім. Қытай компанияларының акциялары қатарынан тоғызыншы күн қымбаттап отыр. Агенттіктің жазуынша, дүйсенбі күні инвесторлар сұранысының жоғары...

Ішкі істер министрлігі биыл 43 суицидке жетелейтін интернет ресурсты анықтаған. Бұл жайлы ІІМ реми өкілі Шыңғыс Әлекешов айтты. Министрлік өкілі кәмелетке толмағандар арасындағы суицидке көп жағдайда қандай жағдайлардың әсер ететіні туралы да айтты

Министрлік өкілінің мәліметінше, құзырлы орган интернет желісі арқылы жасалатын қылмыстарға қарсы іс-қимылды тұрақты әрі белсенді жүргізеді. Әлекешов бұл шаралардың ішінде заңсыз контентті, оның ішінде, әсіресе, балалар мен жасөспірімдер арасында суицидті насихаттаумен байланысты ресурстарды анықтауға және оларды бұғаттауға баса назар аударылатынын жеткізді.

«Жыл басынан бері мониторинг нәтижесінде, суицидтік белгілері бар 43 интернет ресурс анықталды. Олар бойынша ақпарат бұғаттау үшін уәкілетті органға яғни...

Түркістан облысында балалардың құқықтарының бұзылуы бойынша бірнеше ауыр фактілер анықталды. Бұл туралы Қазақстан Республикасының бала құқықтары жөніндегі уәкілі Динара Закиева өзінің Facebook парақшасында жариялады.

Бала құқықтары жөніндегі уәкіл Динара Закиеваның мәліметінше, Келес ауданында 13 жастағы қыз бала зорлық-зомбылық нәтижесінде жүкті болып қалған.

«Келес ауданында зорлық-зомбылық салдарынан 13 жасында бала босанған қыз жыл басынан бері мектепке бармай отыр. Мектеп директорының орынбасары жағдай туралы хабардар болғанына қарамастан, ешқандай шара қолданбаған және жағдайды кәмелетке толмағандар істері жөніндегі комиссияға жібермеген», – дейді Динара Зәкиева.

Закиева жағдайды шешу үшін балалар құқығын қорғау органдарын күшейтуді, отбасын қолдау орталықтарын құруды және...

«Қазақалтын» ЖШС 2015 жылдан бастап Жолымбет кенішінен алтын өндіруді жоспарлап отыр. Бұл мақсатқа Жолымбеттен «солтүстік», «орталық» және «оңтүстік» деп аталатын үш карьер бөлінген. Оңтүстік Жолымбет алтын кеніші «Жолымбет» тау-кен байыту комбинатынан 3 шақырым жерде орналасқан. Алтын кені «Қазақалтын Тechnology» ЖШС-ның алтын шығаратын фабрикасында өңделмек. Жобалау тапсырмасында жылына 500 мың тонна кен өндіреді деп көрсетілген.

Жоспар бойынша, алтын кені ашық тәсілмен өндірілмек. Мекеме жыл бойы, күндіз-түні, 12 сағаттан, екі ауысыммен жұмыс істейді. Үйінділерде тәулік бойы бұрғылау, экскавациялау және тасымалдау жұмыстары тоқтамайды. Жарылыстар тек қана күндізгі уақытта атқарылады.

Айта кететін жайт, Жолымбет аймағында алтын өндіру бұрыннан атқарылып келген. 1934-1999 жылдары Оңтүстік Жолымбетте...

Bentley басшылығы электромобиль емес, гибрид өндіруі мүмкін. Бұл туралы Car & Driver-пен сұхбатында «люкс» санатындағы марканың атқарушы директоры Франк-Стеффен Уоллизер айтты. Оның пайымынша, «таза» электр көліктеріне көшу ұзаққа созылады. Өйткені қазір «люкс» нарығының тұтынушылары электромобильдерден бас тартып, тек дәстүрлі жанармайға негізделген қозғалтқыштарды қарастыруда. Дегенмен бұл жағдай алдағы уақытта өзгеруі мүмкін. 

«Мысалы, смартфондардың дамуын атап өтуге болады. 2000 жылдардың басында 3G мобильді интернет үш жылдың ішінде барлық жерде болатын сияқты көрінді. Алайда болжамдар орындалмады: бұл процесс 10 немесе 12 жылға созылды. Оны пайдаланатындар саны болжамнан әлдеқайда жоғары болды. Көлік нарығында да осы жағдай қайталануы мүмкін”, – дед...

Абай облысы әкімдігінің 2022-2023 жылдары жинақталған қарызы 69 млрд теңгені құраған. Бұл жайлы Жоғары аудиторлық палатаның баспасөз қызметі хабарлады.

Палата Абай облысында мемлекеттік борышты, сондай-ақ жекелеген квазимемлекеттік сектор субъектілерінің борышын басқару тиімділігіне аудит жүргізген. Нәтижесінде жергілікті атқарушы органдар борышының көлемі соңғы 5 жылда 2,5 есе өскенін анықтаған.

«Жергілікті жерлерде борышты бақылау және басқару жүйесінде айтарлықтай жүйелі проблемалар мен кемшіліктер бар. Мәселен, Абай облысында 2022-2023 жылдары жинақталған борыш көлемі 69 млрд теңгеден асып түсті. Оның ішінде биыл 30 сәуірдегі жағдай бойынша 16 млрд теңгеден астамы өтелген», – делінген хабарламада.

Жалпы өңірдің кредиттеу бағыттарының құрылымында...

Қазақстандықтардың кредит қарызы да, төленбегеніне 3 айдан асқан борышы да ай сайын артып келеді. Ұлттық банктің дерегіне сүйенсек, қазір халықтың мойнында мерзімінде төленбеген 1,8 трлн теңге қарыз бар.

Соның ішінде 1,039 трлн теңгесі – төлем мерзімін 3 ай кешіктірген борыш. Бұл банктердің жалпы несие портфелінің 3,15%-ын құрайды.

Бұл бір ай бұрынғы көрсеткіштен 20 млрд теңгеге артық. Шілде айында 3 ай бойы төленбеген несие көлемі 1,019 трлн теңге болған. Ал жыл басындағы 863 млрд теңгеден 20,38% жоғары.

Яғни халықтың төлем қабілеті ай сайын төмендеп келеді. 1 қыкүйектегі дерек бойынша, банктердің несие портфелі 33 трлн теңгеден асады. Мерзімі өтіп кеткен берешек...

Алматы облысы Жамбыл ауданы әкімдігі «Үлкен ауылында АЭС құрылысы басталып кетті» деген ақпаратты терістеді.

«Алматы облысы Үлкен ауылында әлеуметтік желілерде және мессенджерлерде атом электр стансасы құрылысының басталғаны туралы жалған ақпарат тарап жатыр», – дейді әкімдіктің баспасөз қызметі.

Әкімдіктің айтуынша, Google Maps онлайн-қызметі арқылы таралған бейнематериалдарда көрсетілген нысандар АЭС деп жаңсақ қабылданған. Бұл шындыққа сәйкес келмейді екен.

Әкімдіктің мәліметінше, бейнежазбадағы нысандар – Балқаш жылу электр стансасы жобасын жүзеге асыру барысында салынған инфрақұрылымдар. Бұл жоба бойынша көмірмен жұмыс істейтін жылу электр стансасын салу қарастырылыпты. Оның шеңберінде, жұмысшылардың жатын жерлерін қоса алғанда, ілеспе инфрақұрылымдардың құрылысы да қолға алынған.

Алтынның әлемдік нарықтағы бағасы көтерілуін жалғастырып, бір унциясы үшін 2,7 мың долларды құраған тарихи максимумға жақындады.

Қыркүйек айының басынан бері қымбат металдың бағасы 6%-ға жуық өсті.
Негізгі өсім факторы АҚШ Федералды резервтік жүйесінің негізгі мөлшерлемені төмендету туралы шешімі болды. Сонымен қатар АҚШ-тағы алдағы президенттік сайлауға байланысты күтілетін нәтижелер де алтын бағасының өсуіне қосымша қолдау болды.

Сарапшылар бағаның одан әрі өсіп, бір унция үшін 3 мың долларға жету мүмкіндігі барын болжап отыр. Мысалы, жақында Bank of America сарапшылары алдағы бір жарым жылда алтынның бір унциясының бағасы 3 мың долларға (96,5 доллар немесе грамына 46 300 теңге) дейін көтерілетінін хабарлады...

Қызылордада «Ыбырай молда» мешітінің имамы Антикор қызметкеріне пара бергені үшін жұмысынан қуылды. Бұл ақпаратты Қазақстан мұсылмандары діни басқармасы растады.

Діни басқарманың мәліметінше, Сыбайлас жемқорлыққа қарсы агенттіктің қызметкері Әбілқайыров имамға оны деструктивті діни ағым өкілдерімен байланысы бар және олардан ақша алғаны үшін тексеру жүргізілмек деп хабарлаған. Күдік туғызған нәрсе – имамның екі әйелмен бірге тұруы және олардың өмір сүруіне қажетті қаражаттың қайдан келетіндігі белгісіз болуы еді. Тексеруден құтылу үшін Әбілқайыров 2 миллион теңге талап еткен.

Имам Талғат Нұрман радикалдармен ешқандай байланысы жоқ екенін айтқанымен, тергеуден қорқып, банктен 1 миллион теңге несие алып, ақшаны берген. Алайда кейіннен имам құқық қорғау органдарына арыз...

Аралды құтқару қорына мемлекеттен бір тиын ақша түспеген. Қорды қаржыландыру тек халықаралық ұйымдар тарапынан жүзеге асады. Су ресурстары және ирригация бірінші вице-министрі Болат Бекнияз осылай деп мәлімдеді. Ал министр Нұржан Нұржігітов бүгінде Аралдың жай-күйі жақсарып келе жатқанын айтады.

Ведомство басшысы Нұржан Нұржігітов Солтүстік Аралдағы су деңгейі көтеріле бастағанын атап өтті.  

«Халықаралық  Арал құтқару қоры бар. Онда екі  комиссия жұмыс істейді. Біз бірінші сақтау кезеңін аяқтадық.  Көк Арал платинасы соғылды. Бүгінгі күні 22 млрд текше метр су бар. Екі жылдың  ішінде 18 млрд-тfн 22 млрд-қа көтердік»,  – деді министр су секторын дамыту жөніндегі серіктестер Үйлестіру кеңесінің бірінші отырысында.

Министр Каспий теңізін...

Қазақстандағы 21 екінші деңгейлі банк 8 айда 1,6 трлн теңге таза пайда тапқан. Олардың арасында ең табыстысы -Halyk bank. Бұл қаржы ұйымы жыл басынан бері 519 млрд теңге таза пайда көрген.

Halyk bank-тың таза пайдасы 2023 жылдың осы кезеңімен салыстырғанда 16,4% өскен. 17,2 трлн теңге активке иелік ететін банктің несие портфелі 10,5 трлн теңгеге тең. Қаржы ұйымына қазақстандықтар 11,6 трлн теңге салымын сеніп тапсырған. Соның ішінде 6,3 трлн теңгесі – жеке тұлғалардың (қарапайым халық) салымы болса, 5,2 трлн теңгесі заңды тұлғаларға тиесілі.

Halyk bank-ке ALMEX холдингі арқылы Тимур мен Динара Құлыбаевтар иелік етеді. Оларға қаржы ұйымының 56,4% акциясы тиесілі. Компания акцияларыны...

Ертістің суын оңтүстік өзендерге жеткізу мүмкін. Бұл жайлы Су ресурстары және ирригация вице-министрі Болат Бекнияз айтты.

Министрлік өкілінің айтуынша, Үкіметте мұндай жоспар бар. Алайда Үкімет бұл жобаға әлі шындап кіріспеген. Тек оңтүстік өңірлерде су тапшылығы болса, осы жоспар жүзеге асырылуы мүмкін.

«Бұл – жоспар ғана. Әзірге ешқандай құжат әзірленген жоқ. Ал негізінде бұрын осындай жобалар болған. Мәселен, Сібір өзендерін оңтүстік өңірлерге тарту, Ертіс өзенінен оңтүстікке канал жүргізу сынды жобалар қолға алынған болатын. Жалпы мұны ғылымда – бассейнаралық су ағынын бөлу деп атайды. Өзіңіз білесіз профицитті және дефицитті бассейндер бар. Суы көп өзен ресурстарын суы...

Toyota, Mazda мен Fiat 136 мың автокөлікті кері қайтаратын болды. Бұған басты себеп – бағдарламалық қамтамасыз етудегі ақау. Toyota тұрақтандыру жүйесінің электрондық басқару блогының бағдарламалық жасақтамасында қателерді анықтады, ал Mazda мен Fiat-та қауіпсіздік жастықшаларын басқару модульдерінің бағдарламалық жасақтамасы дұрыс жұмыс істемейді. Екеуіне де жабдықты жеткізуші немістің Bosch компаниясы.

Жол қозғалысы қауіпсіздігі ұлттық басқармасының (NHTSA) мәліметінше, Toyota АҚШ-та тұрақтандыру жүйесінің электронды басқару блогында бағдарламалық құрал ақаулары бар 42 мыңнан астам Corolla Cross гибридті кроссоверлерін кері қайтарып алуда. Бұл көліктерде апаттық тежегішті күшейткіш бұрылу кезінде істен шығуы мүмкін. Жөндеу компаниясы 2023-2024 жылдары шығарылған және Bosch тежегіш жетектерімен жабдықталған көліктерді кер...

Қазақстанның Ұлттық қауіпсіздік комитеті шетелден келген қазақтардың ұлтын растайтын комиссия құрамына кірмейтін болды. Бұл туралы Еңбек және халықты әлеуметтік қорғау министрі Светлана Жақыпова қол қойған бұйрықта жазылған.

Тамыз айында Еңбек министрлігі ҰҚК-ны комиссия құрамынан шығару туралы жоспарын жария еткен. Себебі аталмыш орган «консультативті-кеңесші орган» қатарына кірмейді. Қыркүйек айында құжат министр бұйрығымен бекітілді.

Министр бұйрығына сәйкес, енді комиссия құрамында

Жеке құжаттарында ұлты туралы мәлімет жоқ шетелден...

Маңғыстау облысында тағы бір қайғылы оқиға тіркелді. Ақтау гарнизонының әскери бөлімдерінің бірінде келісімшарт бойынша жұмыс істейтін әскери қызметкер өзіне қол салған. Бұл жайлы Ақтау гарнизонының баспасөз қызметі хабарлаған.

«Осы жылдың 28 қыркүйегінде 1985 жылы туған, келісімшарт бойынша Ақтау гарнизонының әскери бөлімдерінің бірінде қызмет ететін әскери қызметшінің мәйіті тұрғылықты жеріндегі пәтерден табылды. Әскери қызметкер бір жылға жуық бала күтіміне байланысты демалыста болған», – деп хабарлаған баспасөз қызметі.

Алдын ала мәлімет бойынша, келісімшарт бойынша әскери қызметкер тұрмыстық кикілжің салдарынан өзіне қол жұмсаған. Қазіргі уақытта оқиғаның мән-жайы анықталып жатқаны хабарланған. Сонымен бірге аталған факт бойынша қылмысты...

2024 жарық көрген Apple компаниясының iPhone 16 Pro және iPhone 16 Pro Max модельдері Қазақстандағы Kaspi маркетплейсінде сатылымға шықты. Елдегі орташа айлық жалақы 382 мың теңге болса, қазақстандықтар жады 1TB жаңа телефонды алу үшін үш айдан астам уақыт жұмыс істеуге мәжбүр болады.

Kaspi маркетплейсінде Apple смартфонының жаңа моделі пайда болған. Смартфонды кішігірім электронды дүкендерден алуға болады. Ал Sulpak немесе «Технодом» сынды ірі электроника дүкендерінде жаңа iPhone 16 әлі сатылымға шықпаған.

Жаңа смартфондардың бағасы

IPhone 16 Pro құны:

Жапон қор нарығы екіұдай күйде – елдің премьер-министрі қызметіне ақша-несие саясатын қатаңдатуды қолдайтын Сигэру Исиба бекітілмек. Ал Еуропа керісінше, Қытайдың экономиканы қолдау жоспарынан шабыттанып отыр. Дегенмен сарапшылар оның тиімділігіне күмәнданады. Осы және өзге де тақырыптар туралы өткен демалыс күндеріне арналған шолудан оқи аласыздар.

Жапон акциялары мөлшерлеменің өсу қаупінен құлдырауы мүмкін

Bloomberg агенттігінің мәліметінше, Жапонияның Либералды-демократиялық партиясының төрағасы қызметіне күтпеген жерден Сигэру Исиба сайланған соң, трейдерлер жапондық акциялардың құлдырауын күтіп отыр. 1 қазанда ол парламент тарапынан бекітілгеннен кейін елдің премьер-министрі болады.

Мәселе мынада: Исиба мөлшерлемені көтеруді қолдайды. Nikkei 225 Stock Average индексінің фьючерстері 27 қыркүйек күні 6%-ға төмендеді. Себеб...

Өзбекстанда 2028 жылдан бастап экологиялық категориясы «Еуро-4» стандартынан төмен отын, оның ішінде АИ-80 бензинін пайдалану мен сатуды кезең-кезеңімен шектеу басталады.

Сонымен қатар  жылу және электр станцияларының мазут пен көмірді жағуына да шектеу қойылуы мүмкін.

Бастапқыда бұл жанармайдан толық бас тарту 2025 жылға жоспарланған болатын.
Бұл өзгерістер Президент Шавкат Мирзиеевтің 24 қыркүйектегі «Шаңды дауылмен күресу және ауаның сапасын жақсарту жөніндегі бірінші кезектегі шаралар туралы» жарлығында бекітілген.

Еске салайық, 2023 жылдың 29 желтоқсанында Шавкат Мирзиеев премьер-министр Абдулла Ариповқа 2025 жылдан бастап АИ-80 маркалы бензинді пайдалануды тоқтату мәселесін жедел шешуді тапсырған болатын.

Соған қарамастан, бұл жанармай түрі жыл басынан бері қымбаттады.

Ал...

Орталық депозитарийдегі (KCSD) брокерлік шоттардың саны 3 миллоннан асты. Соның ішінде 683 205 шот – ұстаушылардың қосалқы шоттары. Ал 2,4 млн шот омнибус-шоттар арқылы есепке алынатын брокерлік шоттар.

Омнибус-шот деген – клиент активтерінің жиынтық есебін жүргізуге мүмкіндік беретін шоттың ерекше түрі. Қаржы құралдары омнибус-шоттарда есепке алынатын инвесторлар туралы ақпарат ел заңнамасының талаптарына сәйкес жария етілмейді.

Бір айда Орталық депозитарийдің номиналды ұстау жүйесіндегі шот қатары 102 мыңға өскен. Ал омнибус-шоттардың саны 4,4%-ға артып, 100,8 мың шот қосылды. Қосалқы шоттар 1 219 -ға немесе 0,2 %-ға өсті. 

«Соңғы екі жылда Орталық депозитарийдің номиналды ұстау жүйесіндегі брокерлік шоттар саны...

Қазақстанның бірнеше өңірінде жылыту маусымы басталды деп хабарлайды Энергетика министрлігі. Шығыс Қазақстан, Павлодар, Ақмола облыстары мен Астана қаласында жылу беру маусымы басталды. 1 қазаннан бастап Абай, Ақтөбе және Қарағанды ​​облыстарында жылу беріле басталады деп жоспарланып отыр.

Ал Алматы әкімдігінің мәліметінше, қаладағы нысандарды кезең-кезеңмен жылуға қосу тиісті органның қаулысына сай жүзеге асырылады. Бұл процесс қалада сыртқы ауаның тұрақты орташа тәуліктік температурасы +8°C және одан төмен көрсеткішке 5 күн қатарынан жеткен кезде басталады.

«Қазгидрометтің» хабарлауынша, Алматыда алдағы 3 күнде ауа райы тұрақты, ауа температурасы түнде 6-8 болса, күндіз 19-21 градус жылы болады.

Тұтынушыларды жылу жүйесіне қосу төмендегідей кезекпен жүзеге асырылады:

...

Футзалдан әлем чемпионатының ширек финалында Аргентинаға қарсы ойын алдында Халықаралық футбол федерациясы (ФИФА) Қазақстан құрамасына қатысты ресми мәлімдеме жасады.

«Қазақстандық ойыншылар Альберт Ақбаликов, Дәурен Тұрсағұлов және Шыңғыс Есенаманов, сондай-ақ олардың бас бапкері Кака ескерту алды. Егер олар тағы бір сары қағаз алса, келесі кезеңге өткен жағдайда, жартылай финалға қатыспайды. Аргентина құрамасынан Анхель Клаудиньо, Лусиано Гауна, Агустин Пласа, Пабло Таборда және Кики Вапораки де осындай жағдайда», – делінген хабарламада.

Есенаманов пен Ақбаликов сары қағаздарды топтық кезеңде Жаңа Зеландияға қарсы ойында алған болса, Тұрсағұлов плей-офф кезеңінде Португалияға қарсы матчта «ескертуге» ие болған.

Айта кетейік, Аргентина құрамасы...

Қазақстанда жасы 100-ден асқан 423 адам бар. Ал ең қарт адам Ұлытау облысында тұрады екен. Биыл кейуана 114 жылдығын тойлаған. Бұл деректерді Еңбек және халық әлеуметтік қорғау министрлігінің баспасөз қызметі ұсынды.

Министрліктің мәліметінше, ең көп өмір сүретіндер негізінен еліміздің оңтүстік өңірінде тұрады. Соның ішінде Түркістан облысы 100 жасаған азаматтардың саны бойынша көш бастайды. Бұл өңірде жүзден асқан 64 адам бар екен.

Ең ұзақ өмір сүрушілер саны көп екінші аймақ – Алматы қаласы. Шаһарда 100 жастан асқан 48 адам тұрады. Үшінші орында Алматы облысы тұр. Бұл өңірде жүз жасаған 38 адам бар.

Ал ең қарт адамдар бойынша...