Жаңалықтар

«KEGOC» АҚ 2024 жылдың екінші тоқсанындағы нәтижелерін жариялады. Құжатқа сүйенсек, компанияның кірісі тұрақты болды. Бұл негізінен электр энергетикасы саласындағы реформалар мен тарифтердің көтерілуіне байланысты. Алайда Freedom Broker компания акцияларын сатпауға кеңес берді.

Алайда тоқсан сайынғы жалпы кіріс аздап төмендеді және EBITDA маржасы айтарлықтай қысқарды. Ол екінші тоқсанда кірістің аздап өсуіне әкелді.

«Дегенмен таза кіріс күшті өсуді жалғастыруда, бұл кем дегенде дивидендті бір деңгейде ұстап тұруы мүмкін. Нәтижесінде біз жеке құрамдас бөліктердің жоғары өсуіне байланысты бағалау үлгісіндегі шығындарды болжауымызды арттырдық. Сонымен қатар мемлекеттік облигациялардың кірістілігінің артуы бағалауға теріс әсер етті. Бұл WACC-тің өсуіне әкелді. Осыны...

Астанада АЭС-ке қатысты жария талқылау өтті. Жиынға келген көпшілік сала мамандарынан АЭС-те төтенше жағдай болса, оның салдарымен кім күресетінін, жауапкершіліктің кімге жүктелетінін сұрады.

«Жаңа технологиялардың қандай да бір төтенше жағдай бола қалған жағдайда, қауіптің алдын алуға қауқары жете ме? Егер апат болса, оған жауапкершілікті кім алады?», – деп сұрады Астана тұрғыны.

Сала мамандары АЭС-тің мердігер кепілдігімен салынатынын, нысан салынып болғаннан кейін оның жұмысын реттеуші орган бақылап отыратынын айтты.

«Жалпы ядролық зардап салдары Вена конвенциясы арқылы реттеледі. Мұндай жағдайда бірінші кезекте жауапкершілік АЭС операторына жүктеледі. Сонымен бірге АЭС-ке қатысты реттеуш...

Еліміздегі кейбір өңірлер жылыту маусымына дайын емес. Республиканың 6 өңірінде көмірмен қамту жұмыстары баяу жүріп жатыр. Әлеуметтік нысандар мен тұрғын үйлері дайын емес аймақтарда бар. Тіпті жоспардың 50%-ын орындай алмай отырған өңірлер де бар. Үкімет үйінде өткен жиында Өнеркәсіп және құрылыс министрі Қанат Шарлапаев осылай деп мәлімдеді.

Министрдің айтуынша, жылыту маусымына дайындық басталғаннан бері шамамен 1 млн тонна көмір жеткізілген, бұл жылдық жоспардың 12%-ын құрайды. Мониторинг барысында Абай, Қызылорда, Қарағанды, Ақмола, Шығыс Қазақстан облыстары және Астана қаласында, көмірмен қамту жұмыстары төмен екені анықталып отыр.

Қанат Шарлапаев әлеуметтік нысандар мен тұрғын үйлерді жылу маусымына дайындауда кенже қалып жатқан өңірлерді де атап...

Жақында Қазақстанның 2029 жылға дейінгі ұлттық даму жоспары жарияланды. Онда кедейлікпен күрестің басты құралы ретінде – атаулы әлеуметтік көмек көрсету жүйесін жетілдіру көрсетілген.

Өзгерістер негізінен АӘК алушылардың мақсатты тобын таңдау талаптарына ықпал етпек. Нақтырақ айтқанда, енді АӘК алуға өтініш бергендердің кірісін ғана емес, сонымен қатар шығыстарын да ескеру жоспарлануда.

«Мұндай өзгерістер нағыз мұқтаж азаматтарды анықтап, оларға әділ көмек көрсетуге бағытталған. Жүйені дұрыс енгізсе ол көптеген мәселені шешеді», – деп жазды арнайы талдауында Halyk Finance сарапшысы Мадина Қабжалалова.

Айта кететіні, кедейлік бойынша жәрдемақыларды төлеуге арналған шығындарды есепке алудың мұндай тәсілі дамыған елдерде бұрыннан бар. Мысалы...

АҚШ-тың Ұлттық барлау басқармасы, ФТБ және Киберқауіпсіздік жөніндегі агенттік бірлесе тергеу жүргізіп, «Иран Республикалық партияның үміткері Дональд Трамптың штабына жасалған кибершабуылға жауапты» деген ұйғарымға келіп отыр.

Барлау қызметтерінің мәлімдеуіне қарағанда, шабуылдың мақсаты — сайлау қарсаңында Америка қоғамының арасына жік түсіріп, ши жүгірту.

«Сайлау науқаны барысында Иранның агрессивті белсенділік танытқанын бақыладық. Америка қоғамына ықпал ету үшін президенттік сайлау науқанына бағытталған операциялар мен кибершабуылдар жасады», — делінген ФТБ-ның мәлімдемесінде.

АҚШ барлаушыларының дерегінше, Иран АҚШ-тағы президенттік сайлау науқанына тікелей қолжетімділігі бар адамдар туралы ақпарат алуға ұмтылған. Демократиялық партия атынан сайлауға түсіп жатқан Камала Харристің де штабы шабуылға...

Заңсыз алтын өндірген Қазақстан, Украина және Ресей азаматтарына қатысты қылмыстық іс бойынша тергеу аяқталды, бұл туралы бас көлік прокуратурасы хабарлады.

Прокуратура мәліметіне сүйінсек, Ақмола облысында 2021-2023 жылдар аралығында бағалы металдарды заңсыз өндірген трансұлттық ұйымдасқан қылмыстық топ құрды деген күдікке ілінген 12 адамға, оның ішінде Қазақстан, Украина және Ресей азаматтарына қатысты қылмыстық іс бойынша тергеу аяқталды. Жалпы шығын мөлшері 250 миллион теңгеден асты.

Тергеу мәліметтері бойынша, қылмыстық топ «жер қойнауын геологиялық зерттеуге» лицензиясын алып, заңсыз алтын өндірумен айналысқан. Көлік прокуратурасы істі сотқа жолдады, делінген хабарламада.

Естеріңізге сала кетейік, бұған дейін ШҚО-да Үлкен Нарын мен Самар...

2024 жылғы 1 тамыздағы жағдай бойынша жиынтық зейнетақының орташа мөлшері 132 064 теңгені құрады, оның ішінде ынтымақты зейнетақы мөлшері – 89 436 теңге, базалық зейнетақы – 42 628 теңге. Бұл туралы Еңбек және халықты әлеуметтік қорғау министрлігі хабарлады.

Министрліктің мәліметіне сүйінсек, жалпы 2 трлн 175 млрд теңге сомасына зейнетақы төленді, оның ішінде базалық зейнетақы төлеуге – 684,7 млрд теңге, ынтымақты зейнетақы төлеуге – 1 трлн 490,3 млрд теңге қарастырылды.

Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне...

Энтони Блинкен дүйсенбі, 19 тамызда Израильдің Газадағы атысты тоқтатуға келіскенін мәлімдеді. Американың мемлекеттік хатшысы ХАМАС ұйымын да осындай шешім қабылдауға шақырды.

Блинкен Тель-Авивке сапары барысында Израиль премьер-министрі Биньямин Нетаньяхумен кездескен. Кездесу барысында ХАМАС ұйымымен келіссөздер жүргізуге келіскенін жеткізді.

«Бүгін премьер-министр Нетаньяхумен өте сындарлы кездесуде ол маған Израильдің ымыраға келу ұсынысын қабылдайтынын және оны қолдайтынын растады. Енді ХАМАС та дәл солай істеуі керек»,- деді ол.

Екі тарап атысты тоқтату туралы шешім қабылдаса, кепілге алынғандар босатылып, Газа аймағында бейбіт тұрғындардың қырылуына тосқауыл болатыны айтылды.

Блинкеннің мәлімдемесінен кейін мұнай бағасы төмендей бастады. Мұнай...

50 мыңнан астам адамды арбаған, жалпы айналымы 48 млрд теңгені құрайтын есірткі бизнесіне тосқауыл қойылды. Бұл туралы Қаржылық мониторинг агенттігі хабарлады.

Агентіктің мәліметінше, жыл басынан бері есірткінің заңсыз айналымына қатысты 60 қылмыстық іс қозғалды, оның жартысы – контрабанда фактілері. Онлайн наркошоптарға қатысты тағы 29 материал бойынша тексеру іс-шаралары жүргізілуде. 100-ден астам адам, оның ішінде ҰҚТ-ның 12 мүшесі ұсталды. 

«Айналымнан шамамен 100 кг ауыр есірткі – кокаин, кетамин, мефедрон және марихуана, сондай-ақ оларды жасау үшін 1 тоннадан астам прекурсорлар тәркіленді. Қылмыстардың қатысушылары – 30 мыңға жуық «дроптардың» банктік карталары бұғатталды», – делінген хабарламада.

Солардың бірі Шымкентте...

2024 жылдың шілде айында қазақстандықтардың тұтынушылық сенім индексі (ССІ) оң аймақта бекіп, нығая түскенімен қатар, еліміздің барлық өңірлері тұтынушылық оптимизм аймағына келіп жайғасты. Өткен айда республика тұрғындары азық-түліктің негізгі түрлерінің бағасы ұлғайды дегенді аса көп айта коймаған, дегенмен олардың инфляциялық күтулері өсіп келеді. Олар сондай-ақ шілде айында тұрмыстық-коммуналдық шаруашылық және байланыс қызметтері қымбаттай түскенін алға тартқан. Сонымен қатар «жұмыссыздық жайлайды» деген алаңдаушылық екпіні мен жалпы мазасыздық көрсеткіштері біршама бәсеңси түскені байқалуда. Бірақ кредиттік сенімнің өсуі баяулап, депозиттік сенім төмендеп те кеткен.

Бүгінгі материалда біз Freedom Finance Global PLC зерттеу компаниясының ел ішіндегі тұтынушылық сенім көрсеткіштері бойынша кезекті 21-зерттеуінің нәтижесін назарларыңызға...

Қытайлық банктер ресейлік кәсіпкерлерге бірнеше ай бұрын сатып алынып, кедендік рәсімдеуден өтіп қойған тауар үшін төленген қаражатты кері қайтара бастады. Бұл жайлы ресейлік Ведомости басылымы хабарлады.

Басылымға осындай жағдай туындағаны жайлы ресейлік бизнесмендер хабарлаған. Төлемдер кәсіпкерлерге, заң фирмаларына, экспедиторларға және т.б. салалар бойынша қайтарыла бастаған.

Импорттаушылардың біріне төлем үш айдан кейін юаньмен қайтарылған. Тағы бір кәсіпкерге Қытайдың ірі банкінде үш айдан бері өтпей тұрған төлемі қайтарылған. Ал енді бір бизнесменнің Қытай тарапына толық төленіп, қабылданып қойған қаражаты 4 айдан кейін қайтарылған. Тағы бір импорттаушыға шотынан қайтарылған қаражатты шығара алмайтыны жөнінде хабарлама келген.

Nordic Star заңгері Андрей...

Жазықсыз қаза болған Салтанат Нүкеноваға қатысты теріс ақпарат таратқан А. Бударовты Алматы қалалық соты кінәлі деп таныды. Бірінші инстанция да Салтанаттың ағасы А. Амангелдінің талап арызы бойынша А. Бударовтың таратқан мәліметтері шындыққа сәйкес келмейді, ар-намыс пен қадір-қасиетті қорлайды деген шешім шығарған.

Азаматтық іс алқалық тәртіпте қайта қаралды. А. Бударов Instagram-дағы «budarov_anton» интернет парақшасы оған тиесілі екенін жоққа шығарды. Дегенмен іс материалдары айыпталушының нақты дәлелі жоқ екенін көрсетті.

Апелляциялық шағым берген Бударов сот отырысы туралы бейхабар болғанын айтқан. Шын мәнінде, аудандық сот оған төрт мәрте хабарлама жолдаған.

Іс материалдарын сараптаған тіл маманы «Instagram» әлеуметтік желісінде «budarov_anton» қолданушының трагедиялық жағдайға тап...

Түркиядағы өрт басқа аудандарда жалғасты. Бұған дейін «Курсив» ормандағы өрт елдімекендерді шарпып, мыңдаған адам эвакуацияланғанын жазды.

EURONEWS басылымына Ауыл және орман шаруашылығы министрлігі көптеген өрт ошағы өшірілгенін хабарлаған. Әйтсе де бес жердегі өрт бет қаратпай тұр.

Жексенбі, 18 тамыз күні Түркияның оңтүстік-батысындағы туристер көп келетін Мугла облысының Ятаган және Ула аудандарындағы орман алқабынан өрт шықты.

Қазір өртпен 300-ге жуық адам күресіп жатыр. Муглаға ондаған ұшақ пен көлік жіберілді. Түркияда кейінгі аптада 130 өрт дерегі тіркелді.

Түркияның оңтүстік аймағында бірнеше күннен бері орман өртеніп жатыр. Өрт Измир провинциясындағы елдімекендерге қауіп төндірді. Орманның өртенуіне кінәлі делінген үш адам ұсталынған.

Алматы әуежайында KC 7053 рейсіне кешігіп келген жолаушылар FlyArystan тіркеу орнындағы компьютерді қиратты. Оларға қате SMS хабарлама жолданған.

«Алматыдан Астанаға жоспарланған рейс 09:05-тен 09:25-ке кешікті, бірақ жүйедегі ақауға байланысты жолаушылар рейс 10:55-ке ауыстырылғаны туралы хабарлама алды», деп хабарлады FlyArystan.

Соның салдарынан кейбірі кешігіп келіп, рейстен қалып қойған.

«Кешіккен жолаушыларға қаражат қайтарылды және өтемақы ретінде FlyArystan билеттеріне 50 мың теңге ваучер төленді», – деп түсіндірді әуе компаниясы.

Fly Arystan KC 7053 рейсі жолаушыларының ашуға булығып жасаған әрекетіне байланысты Алматы халықаралық әуежайының баспасөз қызметі ақпарат ұсынды.

«Осы оқиғаның салдарынан әуежай компьютерінің мониторы бұзылды. Қазіргі уақытта жағдай тұрақталып, әуежай қалыпты режимде жұмыс...

«Зеленстрой Семей» ЖШС еңбек ұжымына 2 жыл бойы  зейнетақы мен әлеуметтік аударымдарды төлемеген. Берешек – 69 млн теңге.  Бұл деректі Семей қаласының прокуратурасы анықтады.

Кәсіпорынның қаржылық  жағдайы тұрақты болған. Сөйте тұра жұмыс беруші өз еркімен берешекті өтеу бойынша шаралар қабылдамаған.       

«Осы кәсіпорынның 2022 жылдан бастап 319 млн теңге салық берешегін өтемегені анықталды. Прокурорлық қадағалау актісі бойынша 200-ден астам жұмысшының құқығы қорғалып, бюджетке 300 млн теңге салық берешегі өндірілді», – деп хабарлады Абай облысының прокаратурасы.

Былтыр Көлік прокурорлары «ҚТЖ-Жүк тасымалы» ЖШС-нің филиалдарында 742 адамға 10 млн теңгеден астам сомаға сыйақылар мен төлемдерді заңсыз есептеу фактілерін анықтаған. Кәсіпорынның Ақмола филиалы өмірден жеті жыл...

2024 жылдың І жартыжылдығында халықаралық ақша аударымдары жүйесі арқылы жүргізілген транзакциялардың жиынтық көлемі төмендеді. 2023 жылдың осы кезеңіндегі көрсеткішпен салыстырғанда көрсеткіш 19%-ға қысқарып, 515,3 млрд теңгені құрады.

«Жүргізілген аударымдардың дені (94%) – жеке тұлғалар арасындағы өтеусіз аударымдар. Бұл осы жүйелердің жеке аударымдар үшін ыңғайлы. Себебі мұнда банктік шоттарды ашу қажет емес», – деп хабарлады бас банк.

Халықаралық ақша аударымдары жүйесі арқылы жүргізілген аударымдардың негізгі бөлігі (98%) Қазақстан мен басқа елдер арасындағы трансшекаралық аударымдарға тиесілі. Оның 75%-ы шетелге жөнелтілді. Ол 2024 жылдың І жартыжылдығында 383,8 млрд теңгені құрады.

Бұл аударымдардың шамамен 87%-ы «Золотая Корона» жүйесі арқылы жүзеге асырылады. Қазақстаннан шетелге жүргізілген бір аударымның орташа сомасы 330,1 мың теңге болады. Негізгі ақша аударылған...

Алматы әкімдігі Халықаралық VII қонақүй форумын өткізуге 113 млн теңге жұмсауды жоспарлап отыр. Бұл ақпаратты мелекеттік сатып алу порталында жарияланған деректерден таптық.

Қызметті «Алматы қаласы Туризм басқармасы» сатып алған.

«Шараның басты мақсаты – қонақүй индустриясын басқарудағы инновацияларды қалыптастыру, сондай-ақ халықаралық және қазақстандық қонақүй бизнесін дамытуды ынталандыру», – делінген құжатта.

Шараны World Travel and Tourism Council қолдауымен өткізу жоспарланған. Сонымен бірге қонақүй бизнесінің өкілдері, туроператорлар және тур индустриясының шетелдік өкілдерінің қатысуымен тәжірибе алмасу және қонақжайлылық саласының жаңа тәжірибелерін енгізу үшін алаң ұйымдастыру көзделген.

Лотты ұтып алған компания іс-шараның тұжырымдамасын, жол картасын...

2023 жылы Қытай әлемдегі ең ірі автомобиль экспорттаушысы Жапонияны басып озды. Бұл ретте аталған ел Қазақстанды өзінің негізгі экспорттық бағыттарының бірі деп санайды деп жазады China Daily.

Қытайдың автомобиль өндірушілері қауымдастығының мәліметінше, шілде айында Қытай шетелге 469 мың көлік жөнелткен.

«Бұл өткен жылдың сәйкес кезеңімен салыстырғанда 19,6%-ға артық. 2024 жылдың алғашқы жеті айында экспорттың жалпы көлемі 3,26 млн бірлікке дейін өсті (бір жылмен салыстырғанда 28,8%-ға өсті). Оның ішінде 700 мың дана электромобиль», – деп хабарлады қауымдастық.

2023 жылы Қытайдың Great Wall Motor (Haval, Great Wall Hover және басқа үлгілері) автомобиль компаниясы Қазақстанда...

Мемлекет басшысы Қасым-Жомарт Тоқаев Ұлттық қауіпсіздік комитеті мен шекара қызметінің функцияларын кеңейтті. Президент қол қойған Жарлық күштік құрылымдардың жұмысын үйлестіруді жақсартуға және ұлттық қауіпсіздікті күшейтуге бағытталған.  

ҚР нормативтік құқықтық актілерінің ақпараттық-құқықтық жүйесі сайтында «ҚР Ұлттық қауiпсiздiк комитетi туралы ереженi бекiту туралы» 1996 жылғы 1 сәуiрдегі № 2922 және «Қазақстан Республикасының Ұлттық қауіпсіздік комитеті Шекара қызметінің мәселелері» туралы 1999 жылғы 10 желтоқсандағы № 282 жарлықтарына толықтырулар енгізу туралы Президент жарлығы шықты.

«ҚР Ұлттық қауiпсiздiк комитетi туралы ережеде 15-тармақ мынадай мазмұндағы 313-13)(…)тармақшалармен толықтырылсын: «313-13) жедел-іздестіру, қарсы барлау іс-шараларын техникалық тұрғыдан жүргізу үшін байланыс саласындағы уәкілетті органмен келісу...

«Қазсушар» су каналы жеке меншікке берілгені туралы ақпарат шындыққа жанаспайды, бұл туралы Су ресурстары және ирригация министрлігі ресми мәлімдеме жасады.

Бұған дейін, ҚР Бас прокуратурасының мәліметінше Түркістан облысында құны 13 млрд теңге болатын су арнасы жекеменшікке заңсыз берілген деген ақпарат таралған еді.

Алайда министрлік оны жоққа шығарды:

Машиналық канал «СК Парасат» ЖШС-нің жеке меншігіне берілмеген және оны мемлекеттің меншігіне қайтарды деген ақпарат дұрыс емес. Екіншіден, «СК Парасат» ЖШС-мен канал арнасының бөлігін және ГНС-1 іргелес аумақтарды саз-батпақ және құм тәрізді шөгінділерден тазарту жөнінде 26.06.2023 жылғы №01 келісімшарт жасалды, – делінген ведомствоның хабарламасында.

«Қазсушар...

Tesla және X (бұрынғы твиттер) иесі Илон Маск Шешенстан басшысы Рамзан Қадыровқа Кибертрак көлігін сыйлағанын жоққа шығарды. Бұл туралы Маск өзінің Х-тегі блогында жазды.

Америкалық саясаткер Сет АбрамсонИлон Маскті X желісінде «әскери мақсатта пайдалануға болатын көліктерді» Батыс санкциясына ұшыраған елге жеткізіп, «АҚШ-қа қарсы ашық жұмыс істеп отыр» деп айыптаған болатын. Кәсіпкер оған жауап берді

Мені Ресей генералына Cybertruck сыйлады деп ойлайтындай, соншалықты заманнан артта қалғансың ба? Дәстүрлі БАҚ-тың алдамшы екенін тағы бір дәлелі, – деп жазды Маск

Бұған дейін Қадыров төбесіне пулемет қойылған Cybertruck көлігімен Грозныйды аралап жүрген бейнелер таралған. Шешенстан басшысы Cybertruck-ті Илон Масктің өз...

Ақпаратқа заңсыз қол жеткізу, ІТ-технологияларды көмегімен ұрлық жасау, интернет алаяқтық сияқты осы және өзге де киберқылмыс түрлері әлі де өршіп тұр. Жеңіл жолмен пайдаға кенелгісі келетін әккі қылмыскерлер уақыт өткен сайын өздерінің айла-тәсілдерін жаңартып  жатыр. ІІМ ресми өкілі Шыңғыс Алекешев осындай мәлімет келтіріп, тың ақпараттармен бөлісті.

ІІМ ресми өкілі кезекті брифинг барысында интернет алаяқтықпен жасалған қылмыс түрлеріне тоқталды.  Айтуынша, 13-15 тамыз аралығында республика аумағында «Аnti-fraud» жедел-алдын алу іс-шарасы ұйымдастырылған. Осының нәтижесінде небәрі үш күн ішінде 178 қылмыс әшекере болған.  

Оның ішінде:

– авторлық және сабақтас құқықтарды бұзу (ҚК 198-бабы) – 3 факт;

– ақпаратқа заңсыз қол жеткізу (ҚК 205-бабы...

Көлік министрлігінің Автокөлік және көліктік бақылау комитеті Toyota Alphard көліктерінің неліктен жиі апатқа түсетін себебін атады. Бұған көліктің техникалық ақауы емес, заңсыз жолаушы тасымалымен айналысып жүрген иелерінің жылдамдықты тым арттыруы және рулі оң жақта болғандықтан, басып озудың қауіптілігі түрткі болып отыр.  

«Бүгінгі күнге дейін Toyota Alphard көліктерінің техникалық ахаулар салдарынан апатқа ұшырау дерегі тіркелген жоқ. Мәселен, оң жақтағы рульдерді сол жаққа ауыстырудың салдарынан немесе тежегіштері істен шыққандықтан апат болған емес. Біз Ішкі істер министрлігімен бірге қоян-қолтық жұмыс істеп жатырмыз», – дейді Автокөлікті бақылау басқармасының бас сарапшысы Қанат Қалмағамбетов.

Оның пікірінше, жол-көлік оқиғаларының барлығы жылдамдықты сақтамай...

Қырғызстандағы ірі банктердің бірі саналатын MBank («ҚЫРҒЫЗСТАН Коммерциялық банкі») ресейлік банктер арқылы ақша аударымдары тоқтағанын хабарлады. Бұл жайлы қаржы ұйымының баспасөз қызметі хабарлаған.

Баспасөз қызметінің хабарлауынша, қазіргі таңда Ресейдің үш ірі банкімен ақша аударымдары екі бағытта да жүргізілмейді.

«2024 жылдың 16 тамызынан бастап ресейлік банктер, оның ішінде Сбербанк, Тинкофф және МТС арқылы ақша аудару екі бағытта да тоқтатылғанын хабарлаймыз. Бұл қызмет уақытша қолжетімсіз», – делінген хабарламада.

Сонымен бірге банк Ресейден келетін кіріс аударымдары рубль деректемелерін пайдалана отырып, санкцияға ұшырамайтын банктер арқылы ғана жүзеге асырылатынын хабарлаған.

«Қырғызстан» коммерциялық банкі елдегі ең ір...