Жаңалықтар

Ұлттық электр жүйесінің операторы – KEGOC компаниясы акционерлеріне 2024 жылдың І жартыжылдығы үшін 22,7 млрд теңге төлеуді жоспарлап отыр. Бұл – компанияның 6 айғы табысының 64 пайызы. Яғни бір жай акцияға 82,40 теңге дивиденд төленбек.

Компания қаржы есебі мен дивиденд көлемін акционерлер 11 қазанда өтетін жалпы жиналыста бекітеді.

«Акционерлердің жалпы жиналысында оң шешім қабылданған жағдайда, 2024 жылдың бірінші жартыжылдығында KEGOC акционерлеріне 22,7 млрд теңге сомасында таза пайданың 64,5%-ы бөлінетін болады, яғни бұл бір жай акцияға 82,40 теңгені құрайды», – делінген хабарламада.

Ұлттық оператордың аудиттелген қаржы есебіне сәйкес, 2024 жылдың алты айында KEGOC таза кіріс...

Шетелдік инвесторларды Қазақстан мен Өзбекстандағы жылжымайтын мүлік нарығының қандай сегменттері қызықтырады? Бұл сала рентабельділігі қандай, инвесторлар қандай көлемде табыс алады? Осы сұрақтардың бәріне «Курсив» жауап іздеп көрді.

Халықаралық инвестор Ладислас Морис Қазақстанда тұрғын үйлерге инвестиция құйғанды жөн санайды.

«Егер сізде бірнеше миллионнан астам АҚШ доллары болса, оған құрылыс компанияларымен келісіп, 10 шағын пәтерден тұратын тұтас бір қабатты сатып алған дұрыс. Бұл Батыстан басқа елдерде инвестицияны әртараптандырудың бір тәсілі. Мен жылжымайтын мүлікке инвестиция салатын болсам, Парижде 20 шаршы метрлік студияны сатып алғаннан гөрі, Қазақстаннан бір бөлмелі 10 пәтерді сатып алғанды жөн көрер едім. Ал егер...

Астана қаласында Beeline дұрыс істемей жатыр. Бұл туралы мобильді оператор өзінің парақшасында жариялады.

Қала тұрығындары күннің алғашқы жартысында интернеттің нашар жұмыс істеп жатқанына шағымданды.

Beeline компаниясы бұл оқиғаға қатысты дереу түсініктеме беріп, мамандар тобы ақауды жою бойынша жедел жұмыс істеп жатқанын мәлімдеді. Қазіргі уақытта ақаудың нақты себебі анықталуда және компания 24 сағаттық мониторинг жұмыстарын жүргізетінін атап өтті.

Beeline компаниясы абоненттерге қолайсыздық үшін кешірім сұрап, жақын арада қызметтердің қалыпқа келтірілетініне сендірді.

Еске сала кетейік, бұған дейін Халыққа қызмет көрсету орталықтары мен eGov қызметтерінде ақау болған еді.

Тамызда еуроның таза сатылымы (валютаны сату мен сатып алу арасындағы айырма) 1,2 млрд теңгені құраған. Бұл шілдедегі көрсеткіштен номиналды түрде 88%, ал 2023 жылғы тамызбен салыстырғанда 92%-ға аз. Шілде айында еуроның таза сатылымы 10 млрд теңгені құраған еді. Бірінші несие бюросының мәліметінше, еуроға деген сұраныс 2018 жылдан бері қатты төмендеген.

Мамандар сұраныстың төмендеуін еуро бағамымен байланыстырады. Тамызда еуро бағамы шілдемен салыстырғанда 2,2%-ға қымбаттаған. Қалай болғанда да, қазір еуроға деген таза сұраныс рубльге қарағанда төмендеу қалыптасты.

Ұлттық банк дерегінше, халық алты айда алғаш рет рубльден арылуын тоқтатқан. Наурыздан бастап шілдеге дейін рубльге деген таза сұраныс теріс мәнде қалыптасқан ед...

Қазақстанға ауыл шаруашылығы дақылдарын заманауи техникалық құралдармен суару жүйесін жетілдіру ауадай қажет. Америкалық Lindsay Corporation компаниясы мәселені бір жолға қою үшін осы бағытта Қазақстанмен бірлесіп жұмыс жасамақ. Шетелдік компания ирригациялық жабдықтарды құрастыру жобасын Қазақстанда іске асыруға мүдделі болып отыр.

Ірі жобаны жүзеге асыру үшін Ауыл шаруашылығы вице-министрі Ермек Кенжеханұлы Lindsay корпорациясының президенті Оберто Густавомен кездесті. Вице-министр ауыл шаруашылығы өнімдерінің жалпы көлемін қазіргі заманғы техникалық суару құралдарын енгізу арқылы ұлғайтуды көздеп отырғанын мәлімдеді.

«Сіздің компанияңыз ұсынатын суару, инфрақұрылым және өнеркәсіптік технологиялар саласындағы инновациялық инженерлік шешімдер біз үшін үлкен қызығушылық тудырады. Оларды пайдалану агроөнеркәсіптік кешеннің дамуына...

«Самұрық-Қазына» қоры тамыз айының соңында Tau-Ken Temir және Silicon Mining еншілес компанияларының 55% үлесін қатарлық Metaleen Investments Holdings LLC компаниясына 4,9 млрд теңгеге сатты. Бұл туралы Қазақстан қор биржасы алаңында жарияланған қордың есебінде жазылған.

«Қор еншілес компанияларына бақылауды жоғалтты және қалған 45% үлесті қауымдасқан компанияларға инвестициялайды. Қауымдасқан компанияларға салынған инвестициялардың әділ құнын бағалау 2024 жылы аяқталады», – деп жазылған компания қаржылық есебінде.

Silicon Mining компаниясы Қарағанды ​​облысындағы Ақтас кен орнында кварц өндірумен айналысады. Алынған шикізат Қарағанды ​​қаласындағы Tau-Ken Temir серіктестігіне қарасты металлургиялық кремний шығаратын зауытқа тасымалданады.

2024 жылдың қаңтар-маусым айларында«Самұрық-Қазына» қорының таза пайдасы 20,6%-ға...

Сауд Арабиясы мұнай өндірісін үлғайту мен нарықта басымдыққа ие болу үшін барреліне 100 доллар деген бейресми мақсатты бағадан бас тартуға дайын. Бұл туралы елдің ұстанымымен таныс ақпарат көздеріне сілтеме жасап Financial Times хабарлайды.

FT басылымының мәліметінше, мұнай бағасының арзандауына әкеп соқса да, Сауд Арабиясы 1 желтоқсаннан бастап қара алтын өндірісін арттыруға ниетті. Газет дереккөзі королдік нарықтағы өз үлесін жоғалтуға мүдделі емес екенін жеткізген.

Осы ретте ICE биржасындағы сауда дерегі бойынша, қарашада жеткізілетін Brent маркалы мұнай бағасы 3,5%-ға төмендеп, барреліне 70,82 доллар болды. Қараша айында жеткізілетін ICE биржасында WTI маркалы мұнай барреліне 67 доллардан төмен түсіп, 3,8%-дан астам...

Екінші тоқсандағы АҚШ экономикасының өсімі сарапшылардың болжамдарынан асып түсті. Қытай экономикасын көтеру үшін арнайы облигациялар шығарып жатыр. Ал Дональд Трамптың реформалары АҚШ-та инфляцияны күшейтіп, экономикалық өсімді баяулатуы мүмкін. Осы және өзге де тақырыптар туралы 25 қыркүйектегі әлемдік БАҚ шолуынан оқыңыз.

АҚШ жалпы ішкі өнімін үшінші рет бағалау екінші тоқсандағы 3%-дық өсімді растады 

АҚШ экономикасы екінші тоқсанда жылдық көрсеткіш бойынша 3%-ға өсті деп хабарлады Экономикалық талдау бюросының үшінші бағалауы. Бұл Уолл-стриттің (2,9%) болжамынан жоғары деп жазды Yahoo Finance. «Қайта қаралған деректер АҚШ экономикасы 2025 жылы да жақсы қарқынмен өсетіндігіне деген сенімімізді нығайтады», – деді Oxford Economics бас экономисінің орынбасары...

Сот азаматтық некедегі жарын өлтіргені үшін сотталған бұрынғы ұлттық экономика министрі Қуандық Бишімбаевты ата-ана құқығынан айырмаған. Балалардың анасы Назым Қахарман сот шешімін түсіндірді.

Назым Қаһарманның айтуынша, сот Салтанат Нүкеновамен Қуандық Бишімбаевтың некесі заңды түрде тіркелмегендіктен, Бишімбаевты ата-ана құқығынан айырудан бас тартқан.

«Сотта Салтанат балалардың отбасы мүшесі ретінде қаралмайтыны айтылды. Заң бойынша Бишімбаев балалардың отбасы мүшесін өлтірген жағдайда ғана ата-ана құқығынан айырылады екен. Сот балаларымның Салтанатпен қарым-қатынасын, олардың беташарда, құдалықта болғанын, кейіннен жақсы араласқанын ескермеді. Бишімбаевтың балалардың көзінше Салтанатпен жанжалдасқаны туралы да сөз болмады. Балалар «әкесінің әрекетінен психологиялық зардап шекпеген» деді. Себебі сотта оларға психология зардап...

Halyk finance сарапшыларының есептеулері бойынша Қазақстанның автомобиль өнеркәсібін мемлекеттік қолдау деңгейі өте жоғары және ауыл шаруашылығынан кейінгі екінші орында тұр.

Алайда автомобиль өнеркәсібінде де, ауыл шаруашылығында да өнімдерді экспорттауда әлі ілгерілеу байқалмайды.

«Қазақстандағы автокөлік өнеркәсібі толығымен тек ішкі нарыққа бағдарланған. Ал Үкімет тарапынан мемлекет көмегінің орнына автомобиль өнеркәсібінің экспортқа бағдарлануы бойынша қатаң талаптар жоқ», – деп жазды Halyk finance сарапшылары.

Нәтижесінде Ұлттық статистика бюросының ақпаратына сәйкес, 2024 жылдың қаңтар-шілде айларында Қазақстанда 63 370 шетелдік жеңіл автокөлік құрастырылды. Ал автомобиль экспорты небәрі 632 автокөлікті құрады. Оның ішінде 2014 жылдың қаңтар-шілде айларында экспортталған көліктерд...

Қаржы мониторинг агенттігі Ұлытау облысында марганец кенін өз бетінше өндіріп, оны заңдастыруға ұмтылған адамды анықтады. Бір қызығы, бұл заңсыз әрекет «Қазақстан Ғарыш Сапары» АҚ ұсынған аэроғарыштық фотосурет арқылы расталып отыр. Қазір бұл іс бойынша, тергеу жұмыстары аяқталып, сотқа жіберілген.

Күдікті 2020-2023 жылдар аралығында «Шығыс» деп аталатын карьерде марганец кенін өндіріп, ел ішіне де, шетелге шығарып та сатып келген. Алайда құзырлы органдардан алған құжаттары болмаған. Тергеу барысында карьер орналасқан жер телімінің кенішті игеру мақсатында пайдалануға берілмегені анықталып, еш жерде тіркелмеген болып шықты.

Сонымен қатар күдікті жалған шот-фактуралар рәсімдеп, заңсыз өндірген марганец кенін «заңдастыруға» ұмтылыпты.

Агенттіктің есебінше, күдіктінің мемлекетке келтірген шығыныны...

Netflix компаниясы америкалық рэпер және продюсер P Diddy-дің өмірінің шындығын баяндайтын деректі сериал дайындап жатыр. Шоу рэпердің зорлық-зомбылық және адам саудасына қатысы бар деген айыптауларға негізделген.

P Diddy, шын есімі Шон Джон Комбс, 2024 жылы 17 қыркүйекте қамауға алынды. 2023 жылдан бастап оған зорлық-зомбылық және адам саудасымен айналысқаны үшін 10 айып тағылған болатын. Комбс өз кінәсін мойындамағанымен, бұл іс қоғамда үлкен талқыға түсті.

Деректі сериалды P Diddy-дің бұрынғы қарсыласы рэпер 50 Cent продюсерлейтіні жайлы Variety басылымы хабарлады. Жобаның режиссері Александария Стэплтон бұл сериал ондаған жылдарға созылған оқиғаларды қамтитынын мәлімдеді.

«Бұл көптеген адамға әсер еткен...

Өзбекстанда футзалдан өтіп жатқан әлем чемпионатында Қазақстан Португалия құрамасын жеңіп, ширек финалға жолдама алды.

Енді келесі кезеңде Қазақстан футзал құрамасы Аргентина мен Хорватия ойынында жеңіске жеткен командамен кездеседі.

Айта кетейік, Аргентина мен Хорватия арасындағы ойын бүгін, 27 қыркүйек күні сағат 20:00 де өтеді.

Ширек финалдық ойындар қыркүйектің 29-30 күндеріне жоспарланған.

29 қыркүйек: Бразилия – Марокко (17:30, Бұхара)
29 қыркүйек: Украина – Венесуэла (20:00, Ташкент)
30 қыркүйек: Таиланд / Франция – Парагвай (17:30, Бұхара)
30 қыркүйек: Қазақстан – Аргентина / Хорватия (20:00, Ташкент)

Сондай-ақ UEFA-ның мәліметінше, жартылай финалдық ойындар 2-3 қазан күндері өтсе, финалдық ойын 6 қазан күні Ташкент қаласында өтеді.

Еске сала кетейік, бұған дейін...

Ашық аспан астында, саябақтарда өткізілетін «Тілдер паркі» суық түсуіне байланысты енді комьюнитии орталықтарға көшеді. Бұл әлеуметтік жоба аясында алматылықтар шет тілін тегін үйрену мүмкіндігіне ие болды. Бұл жайлы алматы әкімдігінің баспасөз қызметі хабарлады.

Баспасөз қызметінің хабарлауынша, жоба аясында 5000-нан астам алматылық шет тілдерін тегін үйреніп жатыр. Ол қаланың әрбір ауданында ұйымдастырылған. Шет тілін үйрену курстарына қатысушыларға шектеу жоқ,6 мен 60 жас аралығындағы қаланың кез-келген тұрғыны қатыса алады. Ал курс аяқталған соң оларға арнайы сертификат беріледі.

Алматы қаласының Жастар саясаты басқармасы жүзеге асырылып жатқан бұл курстарда қазақ, ағылшын, қытай, корей, жапон, француз, түрік және орыс тілдері оқытылады.

Саба...

2024 жылғы 26 қыркүйекте Женевада беделді халықаралық рейтингтің нәтижелері жарияланған 17-ші жыл сайынғы рәсім өтті. Бұл туралы Әділет министрлігі хабарлады.

Министрліктің мәліметінше, Қазақстан рейтингте сапалы өсімді көрсетіп, Үндістан мен Ираннан кейін Орталық және Оңтүстік Азия елдерінің үздік үштігіне кірді. Халықаралық рейтингте Қазақстан 81-орыннан 78-орынға көтерілді. Бұл өсім «Мемлекеттік басқарудың тиімділігі», «Заң үстемдігі», «PISA шкаласы бойынша оқу, математика және жаратылыстану ғылымдары», «Нарықтың дамуы», «Бизнес жүргізу», «Тікелей инвестициялардың таза ағыны, ЖІӨ %» көрсеткіштері бойынша байқалды.

Ең үлкен өсу «Шығармашылық тауарлар мен қызметтер» (93-орыннан 65-орынға), «Ұлттық көркем фильмдер» (61-орыннан 31-орынға) және «Жоғарғы деңгейдегі домендер (TLD)/мың адам» (115-орыннан 80-орынға) саласында болды.

Рейтинг редакторлары...

Қырғызстанда бұрынғы президент әкімшілігі басшысының орынбасары Алмамбет Салиев қамауға алынды. Kaktus.Media басылымының ақпаратына сүйенсек, шенеунік «қызметін асыра пайдаланды» деген күдікке ілінген.

Салиев елдің экс-президент Сооронбай Жээнбековтің кезінде президент әкімшілігінде бірқатар лауазымды қызметтерді атқарған. Жээнбеков биліктен кетпей тұрып, аппарат басшысының орынбасары болған.

Басылым ақпаратына сүйенсек, Бішкектің Первомай аудандық соты шенеунікті қамау алу түріндегі бұлтартпау шарасын қолдану туралы үкім шығарған. Салиев 2024 жылдың 4 қарашасына дейін қамауда отырады.

Айта кетейік, 2020 жылы 5 қазанда Қырғызстанда Парламент сайлауының қорытындысымен келіспейтін азаматтар қарсылық акцияларына шығып, қамауда отырған саясаткер Садыр Жапаровты түрмеден босатып, Бішкектің орталық алаңына жеткізді. 6 қазанда Орталық сайлау комиссиясы сайлау қорытындысын...

Өзбекстанда футзалдан өтіп жатқан әлем чемпионатында Қазақстан құрамасы ерлік жасады. 1/8 финалда Португалия құрамасын 2:1 есебімен жеңді. Сөйтіп елдегі аяқдопшылар ширек финалға шықты. Келесі кезеңде Қазақстан құрамасы Аргентина мен Хорватия кездесуінде жеңіске жеткен командамен кездеседі. Бұл жөнінде Туризм және спорт министрлігі хабарлады.

Бұған дейін қазақстандық құрама биылғы чемпионаттың топтық кезеңінде жеті ұпай жинады.

Жалпы Қазақстан футболшылары Португалиямен ресми ойындарда үш рет кездескен. Соның бірінде – 2016 жылғы Еуропа чемпионатының іріктеу кезеңінде 3:1 есебімен жеңіске жеткен. Ең соңғы кездесу 2021 жылғы әлем чемпионатының жартылай финалында өтті. Пенальти сериясында португалиялықтар басым түсті.

2023 жылдың желтоқсан айында Қазақстан футзал құрамасы...

FlyArystan қызметкерлері 12 жастағы Зере Галиеваны бортқа жібермей, елорда әуежайында жалғыз қалдырғаны үшін Air Astana әуе компаниясына 3,7 миллион теңге айыппұл салынды. Бұл туралы заңгер Данилхан Шағатаев өзінің telegram-арнасында хабарлады.

Қазақстан Республикасы Әкімшілік құқық бұзушылық туралы кодексінің 567-бабы 2-тармағы бойынша («Тасымалдаушының рейс тоқтатылған немесе кешіктірілген, тасымалдау бағытын өзгерткен жағдайда жолаушыға қызмет көрсету міндетін тиісінше орындамауы») Air Astana компаниясына 1000 АЕК көлемінде айыппұл жазасы тағайындалды.

«Сот қызым Зереге жасаған әрекеті үшін Air Astana және FlyArystan компанияларын әкімшілік жауапкершілікке тартты. Біз жеңдік», – деп жазды қызының анасы Жазира Мусина Instagram желісінде.

21 шілдеде FlyArystan әуекомпаниясы кәмелетке...

Украина Сыртқы істер министрі Андрей Сибига Қазақстанға өз елінің егемендігі мен аумақтық тұтастығын қолдағаны үшін алғыс білдірді. Бұл туралы министр өзінің X-тегі парақшасында жазды.

Оның айтуынша, БҰҰ Бас ассамблеясының саммиті аясында ҚР Сыртқы істер министрі Мұрат Нұртілеумен кездескен. Қазақстанға ризашылығын білдірген Андрей Сибига Украинадағы жағдайды баяндап, Орталық Азия елдерімен екіжақты диалог пен байланыстарды дамытуға мүдделі екенін атап өтті.

2022 жылы 24 ақпанда Ресей Украинаға қарсы «Арнайы әскери операция» деген атпен ауқымды соғыс бастады. Шабуылдың мақсаты ретінде Украинаның Донецк және Луганск облыстарының тәуелсіздігін қамтамасыз ету аталған болатын. 

2022 жылы маусым айында Петербор экономикалық форумына барған кезде Қазақстан президенті Қасым-Жомарт Тоқаев...

Әдемі атмосферада отырып отбасымен кешкі ас ішетіндер не шыныаяқ кофе ішуді дәстүрге айналдырғандар саны күн өткен сайын артып келеді. Мұндайда келген клиенттің көңілінен шығып, келесіде де сізді таңдауы үшін заманауи маркетиң тәсілдерін білуіңіз керек. Тренд те жыл сайын ауысып отырады. Сондықтан көштен қалмай ілесе беру керек. Бүгінгі материалымызда мейрамханаға арналған маркетиңдегі трендтер мен антитрендтерге тоқталамыз.

Мейрамхана маркетиңіндегі трендтер

Қазір қарапайым әрі күнде жеп жүрген тамақтарға сұраныс артып жатыр. Бала кезден жақсы таныс тағамдарды әдемілеп ұсына алсаңыз, ұтылмайсыз. Дәстүрлі қазақы тамақтарға қоса, әлемдік стрит-фудты да ұмытпаңыз. Сонымен бірге басқа бар, кафе, мейрамханалармен коллаборация жасауға да болады. Мысалы, сіз бәліштерді күшт...

Әскерде ауыр жарақат алған Ербаян Мұхтар Түркияда емделеді. Мемлекет авиациямен қамтамасыз етеді. Бұл жөнінде қорғаушы Игна Иманбай хабарлады. Стамбулға ұшақпен жету үшін Әзірбайжан және Армениямен Қорғаныс министрлігі келіссөз жүргізіп жатыр. Әзірбайжан тарапы әуе кеңістігінен өтуге рұқсат берген. Енді Армениядан жауап күтілуде.

 «Ертең Ербаян жолға шығуы тиіс. Борт дайын. Қабылдайтын клиника дайын. Дайындықтың соңғы сатылары жүріп жатыр», – деп жазды Инга Иманбай instagram желісінде.

Ербаян Мұхтар 6 ай бұрын әскерде жүріп, бас-ми жарақатын алғаннан кейін комаға түскен. Қорғаныс министрлігі оның азаматтық емханада қаралуына рұқсат бергенімен, емхана 15 тамызда сарбазды үйге шығарып жіберген. Осыдан кейін...

Қырғызстан астанасындағы «Манас» халықаралық әуежайында бомба туралы хабарлама келіп түскеннен кейін, жолаушылар мен қызметкерлерді эвакуациялау басталды. Бұл туралы әуе айлағының баспасөз қызметі хабарлады.

24 kg басылымының ақпаратына сүйенсек, эвакуация бомба туралы хабарламадан соң басталған. Рейстерге тіркелу уақытша тоқтатылғанымен, ұшу және қону кестесіне өзгерістер енгізілмеген.

Қыркүйек айының басында да «Манас» әуежайында бомба туралы хабарламаға байланысты эвакуация жүргізіліп, жарылғыш құрылғы табылмаған.

8 шілдеде Қырғызстан Ұлттық мемлекеттің қауіпсіздік комитеті Джалал-Абад облысының Кербен қаласындағы Кенеш депутаттарының бірін жаппай тәртіпсіздіктер ұйымдастыруға әрекет жасады деген күдікпен ұстады.

2023 жылы 4 қыркүйек күні Қырғызстанда арнайы операция кезінде қылмыстық топ жетекшісі Қамчыбек Көлбаевтың қайтыс болған туралы...

Режиссер Асқар Кучинчирековтің «Бауырына салу» фильмі Қазақстан атынан америкалық киноакадемияның «Оскар» жүлдесіне ұсынылады. Мұндай шешімді Қазақстан Кинематографистер одағы жанындағы Оскар комитеті қабылдаған.

Кучинчирековтің фильмі осыған дейін Қазақстан кинематографистер альянсы мүшелерінің дауыс беруімен «Тұлпар» ұлттық сыйлығын ұтып алған. Фильмнің осы сыйлығы оған «Оскарға» жолдама алуға септігін тигізген.

«Бауырына салу» фильмі «Оскардың» «Шет тілдегі үздік фильм» номинациясына ұсынылатын болады.

Айта кетейік, Америка киноакадемиясының дауыс беруі үш кезеңнен тұрады. Әр санаттағы үміткерлер 2025 жылдың ақпан айында белгілі болады. Жеңімпаздар 2025 жылдың 2 наурызында Лос-Анджелесте өтетін салтанатты марапаттау рәсімінде жарияланады.

«Бауырына салу» – қазақ халқының ежелгі дәстүрлерінің бірі. Түпкі мақсаты – алыс-жақын туысының жас...

ERG компаниясының негізін қалаған кәсіпкер Алиджан Ибрагимовтың ұлы Даврон Ибрагимов Алматыда құрылыс жұмыстарын жүргізгенде6 заң бұзушылықтарға жол берген. Бұл жайлы Алматы әкімдігінің Қала құрылысын бақылау басқармасының баспасөз қызметі хабарлады.

Басқарманың мәліметінше, «Benta» ЖШС Autograph тұрғын үй кешенінің құрылысын жүргізу кезінде жобадан ауытқыған.

Атап айтқанда, компания Autograph тұрғын үй кешенінің қабаттылық нормасын бұзған. Эскиздік жобаға сәйкес, нысан 3 қабат + техникалық қабаттан тұруы қажет болған. Бірақ бұл кешеннің оңтүстік-батыс жағы 4 қабат боп қаланса, солтүстік-шығыс жағы 3 қабат боп тұрғызылған. Одан бөлек нысанның ең биік жері 18 метрге дейін жеткен. Ал құжатта рұқсат етілген биіктік небәрі 12 метр.

...