Жаңалықтар

Мемлекеттік бағалы қағаздар нарығы – бұл мемлекет тарапынан шығарылатын бағалы қағаздармен (облигациялар, вексельдер, қазынашылық міндеттемелер) сауда-саттық жүргізілетін нарық. Мемлекеттік бағалы қағаздар (МБҚ) елдің ішкі және сыртқы қарызын басқару мақсатында шығарылады және бюджет тапшылығын жабуға, мемлекеттік жобаларды қаржыландыруға арналған.

Елімізде  МБҚ нарығы жылдан-жылға дамып келе жатыр деп айтуға болады. Қор биржаларында екінші нарық ретінде сауда-саттықтың көп болуы, МБҚ нарығына қаржы институттары мен жеке тұлғалардың белсенді қатысуынан байқауға болады.

МБҚ сенімді актив, себебі оларды мемлекет шығарып, қайтаруға кепілдік береді. Қауіпсіздік деңгейі жоғары болғандықтан, басқа қаржы құралдарымен салыстырғанда табыстылығы әдеттегідей төмендеу болады. МБҚ мерзімділігі қысқамерзімді (1 жылдан кем) және ұзақмерзімді (10-15 жылға дейін...

«Жеңіс» пен «Астана» футбол клубтары Қазақстан лига кубогының финалына өтті. Бұл туралы Qazaqstan Football league хабарлады.

25 қыркүйек күні QFL Лига кубогының жартылай финалындағы қарымта ойындары өтті. Жеңімпаздар тек пенальти сериясында анықталды. Финалға қос Астаналық ұжым өтті.

Лига кубогының бірінші жартылай финалдық жұбында елордалық «Жеңіс» пен алматылық «Қайрат» клубтары кездесті. Жалпы есеп 2:2 болып, пенальти сериясында «Жеңіс» клубы 3:2 есебімен жеңіске жетті.

Екінші жартылай финалдық жұпта елордалық «Астана» мен семейлік «Елімай» клубтары ойнады. Екі ойынның қорытындысы бойынша қос клуб 0:0 есебін тіркеп, пенальти сериясында «Астана» клубы семейліктерден 3:1 есебімен басым түсіп, Лига кубогының финалдық кезеңіне жолдама алды.

Айта кетейік...

Қорғаныс министрлігі Алматы қаласынан Әскери медициналық академия ашуды жоспарлап отыр. Осыған орай, Қазақстан Қарулы күштерінің Бас әскери-медициналық басқармасы бейінді жоғары оқу орнын құру жобасын әзірлеген. Бұл жайлы министрліктің баспасөз қызметі хабарлады.

«Жаңа білім беру мекемесі Алматы қаласындағы Қорғаныс министрлігінің Әскери медицина орталығы базасында құрылады», – делінген баспасөз хабарламасында.

Баспасөз қызметінің хабарлауынша, қазіргі уақытта жоғары медициналық білім беру және әскери интернатура бағдарламалары бойынша әскери дәрігерлер Ақтөбе қаласындағы Әуе қорғанысы күштерінің әскери институты базасында және Марат Оспанов атындағы Батыс Қазақстан медицина университетінде даярланады.

Ал жоғары оқу орнынан кейінгі медициналық білім беру бағдарламасы бойынша «Астана...

Жасанды интеллектімен жабдықталған құрылғылар санының күрт өсуі чип тапшылығына алып келді. Уоррен Баффет Bank of America акцияларын сатуды жалғастырып жатыр. Қытай қор нарығын қолдауға 340 млрд долларға дейін қаржы бөледі. Осы және өзге де тақырыптар туралы 25 қыркүйектегі әлемдік БАҚ шолуынан оқыңыз.

Әлемде чип тапшылығы туындап жатыр

Asia Financial-дың жазуынша, жасанды интеллектімен жабдықталған құрылғылар санының күрт өсуі мен басқа да бірқатар фактордың қосылуы чиптер жеткізу тізбегіне айтарлықтай қауіп төндіріп жатыр. Тиісінше, әлемде микросхемалар тапшылығы байқалып отыр. Себебі жасанды интелект барлық салада, смартфондардан бастап электрмобильдерге дейін енгізіліп жатыр.

«Жартылай өткізгіштердің жеткізу тізбегі өте күрделі және сұраныстың шамамен 20%-ға немесе...

Қаржы нарығын реттеу және дамыту агенттігі тағы екі несие серіктестігінің лицензиясын 1 айға тоқтатты. «Ойыл-Несие» мен «Қамқор» кредиттік серіктестігі» бір ай микроқаржылық қызмет көрсете алмайды.

Екі серіктестіктің қызметтік ережені бұзуы мен лимиттен асуы, реттеушінің лицензияны тоқтатуына себеп болған. Осы кезеңде компанияның шағын несие беру, бұған дейін жасалған шарттарды созуға құқығы жоқ. Ал өз міндеттемелерін уақтылы орындауға міндетті.

Несие серіктестіктерінің клиенттері алған қарыздарын шарт талаптарына сай уақтылы өтеуі тиіс.

«Ойыл-Несие» кредиттік серіктестігі» Ақтөбе облысында тікелген. Қазіргі кезде 1,8 млн теңге шығынға батып отыр. Серіктестіктің несие портфелі 61 млн теңгені құраса, өз міндеттемесі 68 млн теңгеге жеткен. Меншікті капиталы...

Ресей президенті Владимир Путин ядролық доктринаға өзгеріс енгізілетінін хабарлады. Бұл өзгеріс Ресейдің Украинамен соғыста ядролық қару қолдануына мүмкіндік береді.

Путин Қауіпсіздік кеңесінің ядролық тежеуге арналған отырысын өткізген. Онда Ресейдің ядролық доктринасына енгізілетін өзгерістер талқыланған. Құжаттың жаңа нұсқасына сәйкес, кез келген атомдық қарудан бас тартқан мемлекет, Ресейге ядролық державаның қолдауымен қарсы соғысса, оларға Ресей ядролық жауап қайтара алады. Өйткені мұндай қадам олардың Ресейге бірлескен шабуылы ретінде қарастырылады.

«Құжатта Ресейдің ядролық қаруды қолдануға көшу шарттары нақты көрсетілген. Егер аэроғарыштық шабуыл қарулары пайдаланылса немесе олардың мемлекеттік шекарамыздан өтуін растайтын деректер анықталса, біз осы мүмкіндікті пайдалануымыз ықтимал...

Сыбайлас жемқорлыққа қарсы іс-қимыл агенттігі құқық қорғау органдарына адалдықты тексеру жүйесін (Integrity check) енгізу мақсатында «Кәсіби адалдықты тестілеу туралы» Заң жобасын әзірледі.

Агенттіктің мәліметінше, бұл құрал Австралия, Венгрия, Молдова, Румыния және АҚШ-та белсенді қолданылып, сыбайлас жемқорлық мінез-құлқын анықтауға бағытталған. Сондай-ақ, кәсіби адалдықты тестілеуді енгізу құқық қорғау органдарында сыбайлас жемқорлық деңгейін төмендетіп, азаматтардың сенімін арттыруға ықпал етеді.

Заң жобасында тестіленуші мен тестілеушінің құқықтары мен міндеттері, тестілеуді тағайындау негіздері, оны жүргізу рәсімдері, жауапкершілік шаралары және басқа да мәселелер реттелген.

Адалдыққа тексеретін құрал бұған дейін ҚМА, ІІМ және ТЖМ органдарында пилоттық сынағынан сәтті өткен еді.

Еске сала кетейік, бұған...

Орыс тілін білмейтін шетелдіктерге көші-қон мәртебесі мен Ресей азаматтығы берілмейді. Бұл туралы РФ ІІМ өкілі Ирина Волк мәлімдеді.

«Соңғы үш жылда Ішкі істер министрлігі Ресейде тұруға және жұмыс істеуге рұқсат беру кезінде осындай 14 мың фактіні анықтады», – деді РФ ІІМ өкілі Ирина Волк.

Оның айтуынша, шетел азаматтары көші-қон мәртебесін және Ресей азаматтығын алу үшін өтініш берген кезде тілді білу деңгейін растауы қажет. Сонымен бірге, Ішкі істер министрлігінің аумақтық органдары орыс тілін тіпті ең төменгі деңгейде білмейтін, бірақ білетіні туралы қажетті сертификаттары бар шетелдіктерді анықтайды.

Ішкі істер министрлігінің өкілі жалған емтихан өткізуге қатысы бар ұйымдасқан...

Telegram негізін қалаушы Павел Дуров Францияда жауап алу кезінде тергеушілерге ресми түрде жылына 1 БАӘ дирхам (130 теңге) ғана алатынын мәлімдеді.

Француздық Le Monde басылымы жариялаған ақпаратқа сүйенсек, Дуров тергеушілерге жылына бар болғаны 0,27 доллар алатынын айтқан.

Шетелдік БАҚ- тың жазуынша, Дуров өзін шалқып өмір сүрмейтінін көрсеткісі келген. Алайда оның төмен жалақы туралы айтқаны мультимиллиардер екенін жасыра алмайды делінген ақпаратта.  

Forbes дүниежүзілік тізімінде Дуров 15,5 млрд доллар байлығымен 127-ші орында тұр. Bloomberg оның байлығын 9,07 млрд долларға бағалады. Сондай-ақ Франция басылымы кәсіпкерге Telegram акцияларының негізгі үлесі тиесілі екенін еске салды. Ол наурыз айында Financial Times...

KEGOC компаниясы «Өлке» және «Қаратабан» қосалқы стансасы мен оларды біріктіретін электр желісінің құрылысына 138,4 млрд теңге жұмсамақ. Бұл стансалардың арасы жалғанған соң, Батыс Қазақстан облысының электр жүйесі елдегі бірыңғай электр жүйесімен біріктіріледі. Ірі мәміле туралы хабарлама Қазақстан қор биржасының сайтында орналастырылған.

«Өлке» және «Қаратабан» қосалқы стансалары, станса арасындағы жоғары вольтты электр желісінің қуаты – 500 кВ. Құрылыс жұмыстары биыл басталып, 2027 жылы аяқталуы тиіс. Осы кезеңде «Өлке» қосалқы стансасы жаңғыртылып, «Қаратабан» стасасы салынады. Сосын екі станса арасы жалғанады.

«Мердігер «Батыс Қазақстанның энергетикалық жүйесін Қазақстанның Бірыңғай энергетикалық жүйесімен біріктіру» жобасы бойынша 500 кВ «Өлке» қосалқы...

Hamster Kombat ойынының әзірлеушілері HMSTR атты криптовалютаны 26 қыркүйекте листингке шығаруды жоспарланған. Ойын механикасы өте қарапайым – ойыншылар экранды түртіп, монеталар жинайды. Енді сол жиналған монеталар HMSTR токеніне айналады.

Монеталарды қашан және қалай алуға болады?

Әзірлеушілердің айтуынша, ойыншыларға тиесілі HMSTR токендерін 26 қыркүйекте шығарып ала алады. Листинг криптобиржаларда жүзеге асырылады. Пайдаланушылар криптовалюталарын таңдалған криптоәмиянға немесе Telegram, TonKeeper қосымшасындағы арнайы әмияндар арқылы алады.

Листинг Астана уақытымен сағат 17:00-де басталады.

Монеталарды қалай сатуға болады?

Криптовалюта сіздің әмияныңызға түскеннен кейін, оларды сату үшін криптовалюта биржасының қосымшасына кіріп, HMSTR-ды таңдап, оны USDT немесе USDC сияқты тұрақты монеталарға айырбастауға болады...

Жоғарғы сот тарапынан мектепте орамал тағуға рұқсат берілгені жөнінде кеше, 25 қыркүйекте тараған ақпаратты жоққа шығарды. Баспасөз қызметінің хабарлауынша, мектепте орамал тағуға салынған тыйым күші жойылмаған.

Сот оқушының сабаққа жіберілмеуін заңсыз деп таныған.

«Бұқаралық ақпарат құралдарының жарияланымдарында және әлеуметтік желілерде Жоғарғы Сот мектептерде орамал тағуды заңды деп тапты деген жалған ақпарат таралуда. Кассациялық саты мектептің оқушыны сабаққа жібермеуін заңсыз деп таныды, өйткені білім алу құқығы Қазақстан Республикасы азаматтарының негізгі конституциялық құқықтарының бірі», – делінген хабарламада.

Істі қарау кезінде сот алқасы білім беру мекемесінде орамал тағудың заңдылығы жөніндегі мәселені талқылауға араласпаған. Осы...

АҚШ, ЕуроОдақ, БАӘ мен Сауд Арабиясы Израиль мен Ливанды тез арада бітімге келіп, қос ел шекарасындағы атысты 21 күн тоқтата тұруға шақырды. Мемлекеттердің бірлескен мәлімдемесі Ақ үйдің ресми сайтында жарияланған.

21 күн ішінде екі жаққа келісімге келу және Газадағы атысты тоқтатуы үшін дипломатиялық кеңес беріледі. Ал қақтығыс шиеленісіп тұрған кезде, келіссөздер нәтижелі болмайды.

«Біз бүкіл тараптарды, соның ішінде Израиль мен Ливан үкіметтерін осы кезеңде БҰҰ 1701-ге сәйкес уақытша атысты тоқтату және дипломатиялық реттеуге нақты мүмкіндік беруге шақырамыз», – делінген бірлескен мәлімдемеде.

Құжатта Ливан мен Израиль арасындағы 2023 жылдың 8 қазанынан берг...

103 нөміріне қоңырау шалған бүкіл пациент шақырту санатына қарамастан, толық көлемде медициналық көмек алады. Бұл туралы Денсаулық сақтау министрлігінің ресми өкілі Әйгерім Оразалиева мәлімдеді.

Ресми өкілдің айтуынша, жедел жәрдем кешкі және түнде, демалыс күндері түскен шақыртулардың бәріне қызмет көрсетеді.

«Осылайша, азаматтар үшін ештеңе өзгермейді, бірде-бір шақырту назардан тыс қалмайды және пациенттерге қызмет көрсетудің жеделдігі мен сапасы одан әрі жақсарады», – деді ДСМ өкілі.

Сонымен қатар Оразалиева жеделдікті жақсарту үшін шұғыл шақыртуларға мобильді бригадалар тартылатынын айтып өтті.

Денсаулық сақтау министрлігі жедел жәрдем қызметіне қатысты жаңа қаулы әзірлеген. Соған сәйкес, енді жедел жәрдем...

Антикор «Астана Банкі» АҚ-ның бұрынғы мажоритарлық акционері Олжас Тоқтаровты жария түрде тергеуге қатысуға шақырды.

Сыбайлас жемқорлыққа қарсы қызмет қылмыстық іс қозғалғанын хабарлады. Экс-акционер Олжас Тоқтаров пен өзге де сыбайластарына жалған агенттік атынан қызмет көрсету және «SKK Tennasy Group» ЖШС-ның пайдасына Алматы қаласындағы бизнес-орталық ғимаратын заңсыз иеліктен шығару арқылы банк активтерін жымқырғаны үшін айып тағылған.

Сыбайлас жемқорлыққа қарсы іс-қимыл агенттігі Тоқтаровқа шақырту қағазын жіберген. Бірақ күдікті Қазақстан аумағынан тыс жерде жүргені белгілі болды. Сол себепті Антикор күдіктіні шақыру туралы хабарламаны бұқаралық ақпарат құралдарында жариялады.

«Қазіргі уақытта тергеу нәтижесінде ауыр қылмыс жасауда жиналған дәлелдемелер күдікті О. Тоқтаровты...

Пойыз тамбурында Ұлттық ұлан сарбазына әлімжеттік көрсеткен күдіктілердің қайда орналасқаны анықталды. Бұл бағытта қылмыстық іс шеңберінде жедел-тергеу іс-шаралары жүргізілді. Бұл жайында Polisia.kz жазды.

«Жәбірленушіге дене жарақатын келтірген екі күдікті, оның бұрынғы қызметтестері тұрғылықты жері бойынша бір тәулік ішінде Астана қаласында ұсталды. Екеуі де уақытша ұстау изоляторына қамалды. Тергеу аясында барлық күдіктіден жауап алынды. Олардың әрекеттеріне, соның ішінде бейнетүсірілім жасаған адамға да құқықтық баға беріледі», – делінген хабарламада.

Жәбірленушіге қысым көрсеткендерге қатысты тергеу әрекеттері жалғасады.

Президент Қасым-Жомарт Тоқаев пойыз тамбурында Ұлттық ұлан сарбазын соққыға жыққандарды анықтап, Ішкі істер министріне кінәлілерді жазалауды тапсырды. Бұл туралы президенттің баспасөз...

Маңғыстау облысы Кендірлі курорттық аймағын дамытуды көздеп отыр. Осы аймақта туристік қала салынады. Жаңа кент жылына 300 мың адамды қабылдамақ. Қазіргі уақытта инженерлік инфрақұрылым құрылысы басталды. 

«Кендірлі теңіз жағалауының ерекшелігі – шомылу маусымының ұзақтығы. Географиялық орналасуы да маңызды рөл атқарады. Ол өзінің бірегейлігінің арқасында туристерді тартуға ыңғайлы. Осыған байланысты Президент Кендірлі туристік аймағын құру бойынша нақты тапсырма берді. Біз тиісті инфрақұрылымы бар және туристерге қызмет көрсететін арнайы туристік қалашық салуды жоспарлап отырмыз. Бұл Жаңаөзен қаласының негізгі жүктемесінің төмендеуіне жақсы әсер етеді», — деді Премьер-Министрге есеп берген Кендірлі ауылының әкімі Мекен Үйсенов.

Өңірдің туристік әлеуетін нығайту...

Пара алғаны үшін 9 жылға сотталған «Халықаралық жасыл технологиялар және инвестициялық жобалар орталығының» бұрынғы басшысы Олжас Ағабековтің апеллияциялық шағымын сот алқасы мақұлдаған жоқ.

Астана қаласының қылмыстық істер жөніндегі ауданаралық сотының 2 тамыз 2024 жылғы үкімімен ірі мөлшерде пара алу (ҚК 366-бабы 3-бөлігінің 3- тармағы), аса ірі мөлшерде алаяқтық жасау (ҚК 190-бабы 4-бөлігінің 2- тармағы) және лауазымдық өкілеттіктерін асыра пайдалану (ҚК 361-бабы 4-бөлігінің 3- тармағы) бойынша О. Ағабеков кінәлі деп танылған.

Сот материалында «Халықаралық жасыл технологиялар және инвестициялық жобалар орталығы» КЕ АҚ басқармасының төрағасы болған кезде бірнеше мәрте заң бұзғаны туралы жазылған.

2023 жылдың 6 сәуірі мен 11 желтоқсаны аралығында өзіне, басқарма төрағасы орынбасарына, ішк...

Қырғызстанда «Куликовский» кондитерлік желісі мерзімі өткен тауарларды дұрыс тастамағаны үшін 112 млн теңге көлемінде айыппұл төлеуге міндеттелді. Бұл туралы қырғызстандық Economist.kg басылымы жазды.

Өткен аптада компания толыққанды салық тексеруінен өткен. Осы тексеру кезінде 20 млн сом (112 млн теңге) көлемінде айыппұл төлеуге міндеттелген. Басты себеп – компания жарамдылық мерзімі өтіп кеткен тауарларды тастау кезінде сауда өнеркәсіп палатасы өкілдеріне жүгінбеген. Заң бойынша ведомство өкілі жарамсыз заттарды кәдеге жарату немесе өңдеу, тастау кезінде бақылау жүргізуі қажет.

Компанияның бас директоры Денис Гайворонскийдің айтуынша, тауардың шағын партияларын жою үшін күн сайын ведомство өкілдерін шақырып отыру мүмкін болмаған.

Ведомство болса, өкілдері қадағалау қызметін күнделікт...

Ресейлік банктер, сақтандыру ұйымдары және мемлекеттік емес зейнетақы қорларына салымды теңге және ЕАЭО елдерінің валюталарымен салуға болады. Мемлекеттік Думаның депутаттары бірінші оқылымда заң жобасын қабылдады.

Теңгеден басқа, Беларусь рублі, Қырғыз сомы және компаниялардың акцияларын төлеуге жұмсалатын Армения драмы, Қытай юані, Үндістан рупиясы, Бразилия реалы және Оңтүстік Африка ренді де көрсетілген. Сонымен қатар жарғылық капиталға Аргентина, Египет, Иран, БАӘ, Сауд Арабиясы және Эфиопия елдерінің валюталарын енгізуге рұқсат беру ұсынылады. РФ Орталық банкі жарғылық капиталға кей мемлекеттердің валютасында жарналар салуды ішінара немесе толығымен шектей алады.

Тиісті заң жобасы маусымның соңында әзірленді. Бірақ Ресей Федерациясының төменгі палатасының депутаттары оны 24 қыркүйекте қабылдады...

Мұнайды таяз жерден оңай өндіретін дәуір артта қалды. Қазір елімізде 4-5 шақырым тереңдіктен мұнай барлау жұмыстары басталған. Қытай 10 шақырымға дейін қазса, АҚШ, Бразилия да бұдан тереңге ұңғы жіберіп жатыр. Қазақстандық Мұнайшы геологтар қоғамының президенті Балтабек Қуандықов осындай мәлімдеме жасады.

Бүгін, 25 қыркүйекте, Алматыда Энергетикалық жобаларды іске асырудағы халықаралық әріптестетік» конференциясында «Қазақстандағы геологиялық барлау мен кен орындарын игеру мүмкіндіктерін анықтау» мәселесі қаралды. Оған еліміздегі мұнай-газ салаларының мамандары қатысты.

«Барлаушылардың болжамынша елімізде көп кен орындары бар. Бірақ барлауға қатысты белсенді жұмыстар жүргізілген жоқ. Заңдарға көп өзгеріс енгізілді. Геологиялық барлау өз уақытын күтіп отыр. Мәселен, Қызылордада 5,5 шақырым...

Қазақстанның туризм саласындағы көрсеткіші соңғы төрт жылда төмендеп кеткен. Әлемдегі көрсеткіштен 3 есеге артта қалып отыр. Тұрақты туризм индустриясы да бір жолға қойылмай келеді. Қазақстанның жетекші туристік операторларының қатысуымен өткен пікірталаста мамандар осындай дерек келтіріп, мәселе көтерді.  

Астанада өткен fishbowl пікірталасында жиналғандар отандық туристік инфрақұрылымды жақсарту, инвестиция тарту, табиғи мұраларды сақтап қалу сияқты мәселелерді қозғады. Мамандар туризм саласы әлі де ақсап тұрғанын жасырмады.

Қазақстан тұрақты туризмін әлі бастамады…

Еуразиялық туристік қауымдастықтың президенті Рысты Қарабаеваның сөзінше, Қазақстан әлі тұрақты туризм жолына түскен жоқ. Тіпті ішкі туризм де көңіл көншітпейтінін айтады. Туристер туралы статистикалық мәліметтерде кейде нақтылық болмай жататын да атап...

Әзірлемелері деректерді жылдам беру үшін қолданылатын Lightwave Logic компаниясының акциялары 24 қыркүйекте 6%-ға қымбаттады. Компания швейцариялық Polariton Technologies компаниясымен бірлесе отырып, деректерді өңдеу орталықтарына арналған өте жоғары өткізу қабілеті бар шағын құрылғы жасағанын хабарлады. Бұл орталықтарға жасанды интеллект пен машиналық оқытуды қолдайтын жаңа шешімдер қажет.

Толығырақ

Lightwave Logic акциялары 24 қыркүйек, сейсенбі күні Nasdaq биржасында 6,3%-ға өсіп, 3 долларды құрады. Жыл басынан бері акциялар бағасы 39%-ға төмендеді, кейінгі 12 айда 37%-ға жуық құнсызданды.

Сейсенбі күні компания Еуропалық оптикалық байланыс конференциясында Polariton компаниясымен бірлескен электроптикалық полимерлі модуляторды таныстыратынын хабарлады. Онда швейцариялық компанияның плазмондық модуляторлары мен Lightwave хромофорлары...

Қазақстан үкіметі шетелден астық импорттауға тыйым салған соң, елдің астық трейдерлері Ресей аумағы арқылы Еуропаға бидай тасымалдау қиындағанын айтты. Қазақстан Астық одағының өкілдері Астанада өткен Agricom форумында экспортпен айналысатын кәсіпкерлердің шығыны көбейгенін мәлімдеген.

«Жалпы бидай импортына тыйым салу, ең алдымен, ресейлік бидайға тыйым салу екенін жақсы түсінеміз. Ресей бидайына тыйым салғаннан кейін, бұл ел тарапынан тиісті жауап болатыны анық еді. Отандық экспорттаушылар негізінен астықты Еуропаға, Түркияға Ресей Федерациясының аумағы арқылы тасымалдайды. Осы орайда біз көрші елдің экспорттаушылар үшін белгілі бір қиындықтар туғызатынын алдын ала болжадық. Қазір сол кедергіге тап болдық», – дейді Астық одағыны...