Жаңалықтар

Болашақта Қазақстан банктері өз бөлімшелерінде ислами қаржы қағидаттарымен жұмыс істетін терезе ашуы ықтимал. Ал исламдық қаржы ұйымдары дәстүрлі банк қызметін ұсына алады. Қаржы нарығын реттеу және дамыту агенттігі заңнамаға тиісті өзгерістер әзірлеп жатыр. Еуразиялық даму банкі ұйымдастырған бизнес-форумда агенттік басшысының орынбасары Олжас Қизатов алдағы жоспар туралы айтып өтті.

«Қазіргі кезде Қазақстанда ислами қаржыландыруды одан әрі дамыту үшін шетелдік консультанттармен бірлесіп, банк қызметін реттейтін заңнамаға өзгерістер енгізу мәселесін қарастырып жатырмыз. Осы тәсілдер аясында классикалық әмбебап банктердің «ислами терезе» ашып, исламдық қаржы қағидаттарымен қызмет көрсету, ал ислам банктеріне дәстүрлі банк қызметін ұсыну мүмкіндігін беруді жоспарлап отырмыз...

Құқық қорғаушылар Грекия аралындағы орманды өртеді деп айыпталған яхта капитаны мен оның көмекшісін ұстады. Экипаждың өзге он бір мүшесі кепілге босатылды. Барлық күдікті кінәні жоққа шығарып отыр.

News Break басылымының ақпаратына сүйенсек, яхта капитаны тергеу кезінде Гидра аралында болған өртке ешқандай қатысы жоқ екенін айтқан. Яхтадан сигнал зымырандары ұшырылмағанын қайталаған. Оның айтуынша, бұл ақпаратты кемені тексерген Жағалау күзеті де растайды. Капитан өрт сөндіру туралы бірден хабарлағанын, қазақстандықтардың демалу бағдарламасында отшашу болмағанын атап өткен.

Басылымның ақпаратына сүйенсек, экипаждың өзге мүшелері оның сөздерін растады.

Капитан мен оның көмекшісі «уақытша қамауға алынды», қалған 11 экипаж мүшелері, оның ішінде офицерлер, аспаздар мен қызметшілер...

ITS халықаралық сауда алаңы сауда-саттыққа қатысушыларға Астана халықаралық қаржы орталығында (АХҚО) локализацияланған жеке биржалық инфрақұрылымын ұсынды. Сынақ форматы биржалық нарықта қаржы делдалдарына есеп жүйесіне бейімделуге мүмкіндік береді.

«АХҚО негізінде құрылған ITS-тің жеке инфрақұрылымы есеп айырысу депозитарийін және клирингті қамтиды. Бұл инфрақұрылым посттрейдингтік қызмет көрсетудің толықтай циклын қамту үшін және инвесторлардың халықаралық инвестициялық құралдардың жаһандық өтімділігіне қолжетімділігін қамтамасыз етуге, шығындарды барынша азайтуға арналған», – деп хабарлады сауда алаңы.

ITS транзакцияларды жасау кезінде орталық контрагент моделін қолданатын Қазақстандағы алғашқы платформа. ITS өзінің биржалық инфрақұрылымының бөлігі ретінде 2024 жылдың 6 маусымында AFSA лицензиясын алған ITS Central...

Шілденің 3-4 күндері елордада өтетін Шанхай Ынтымақтастық Ұйымы саммитіне байланысты қалада қауіпсіздік режимі күшейді. Әсіресе, стратегиялық нысандар, мешіт пен шіркеулерге бақылау қатаңдатылды. Дегенмен сырттан келушілерге ешқандай шектеу қойылмайды. Бұл жайында Ішкі істер министрінің бірінші орынбасары Марат Қожаев айтты.

ІІМ бірінші орынбасары елорданың барлық  кіреберісіне блок бекеттер қойылғанын, полиция күшейтілген жұмыс режиміне көшкенін мәлімдеді. Сондай-ақ мешіттер мен шіркеулерге бақылаудың не себепті артқанын түсіндіріп берді.

«Мұндай шаралар қабылданып жатыр. Бұл Қазақстанның ойлап тапқаны емес, халықаралық тәжірибе. Біз мұны халықтың қауіпсіздігі үшін жасап жатырмыз. Мұның бәрі мәртебелі меймандарды қабылдаумен байланысты екенін алдын-ала ескертеміз. Стратегиялық нысандар күзетіледі. Көрші мемлекетте болған оқиғаларға байланысты діни...

Жақында Ұлттық экономика министрлігі KASE және AIX биржасындағы салық жеңілдігін жою, дивидендке салық салу және резиденттер үшін бағалы қағаздар құнын арттыруды ұсынды. Осы орайда «Курсив» Қаржы нарығын реттеу және дамыту агенттігіне (ҚНРДА) сауал жолдап, реттеушінің ұстанымын білді. ҚНРДА салық жеңілдігін жоюды қолдамайды. Есесіне салықтан босатылған кіріс мөлшерін азайту ұсынады.

Қазіргі кезде жеке тұлғалар дивидендтен түсетін табысы 30 мың АЕК-тен аспаса (2024 жылы 110,8 млн теңге), салық төлемейді. Бұл сомадан асып кетсе, инвесторлар 10% салық төлеуі тиіс.

«Салық әділ салынуы үшін бұл соманы азайту қажет деп есептейміз. Бұл табысы төмен жеке тұлғаларға дивидендтен пайда алуға...

Президент Қасым-Жомарт Тоқаев атом электр станциясын салу мәселесі бойынша референдум күзде өтетінін мәлім етті. 

Тоқаев БАҚ саласы қызметкерлерін марапаттау рәсімі аясында референдумның нақты күнін Үкімет белгілейтінін атап өтті.

«Шын мәнінде, елімізде атом энергетикасын дамытуға зор мүмкіндік бар. Оны дұрыс, яғни тиімді пайдаланған жөн. Осы мәселеге қатысты соңғы шешімді халық қабылдайды. Референдум биыл күзде өтеді. Үкімет нақты датаны айқындайды», – деді президент.

Бұдан бөлек, Тоқаев экономиканы дамыту үшін тұрақты энергия көзі керек екендігін баса айтты. 

«Атом электр стансасын салу мәселесін пысықтау туралы нақты тапсырма бердім. Қазір жан-жақты талқылау болып жатыр. Әртүрлі пікір айтылуда. Бұл...

Қазақстанда көліктердің алдыңғы әйнектерін қараңғылауға рұқсат берілуі мүмкін бе? Бұл сұраққа Сенат кулуарында Ішкі істер министрінің орынбасары Марат Қожаев жауап берді.

Спикер кезінде бұл тыйым жүргізушілер мен жолаушыларды анықтаудағы қиындықтарға байланысты енгізілгенін айтады.

«Бірнеше күннен бері тонирование мәселесі көтеріліп жатыр. Қазір Ішкі істер министрлігі алдыңғы және алдыңғы терезелерді қараңғылауға тыйым салудың тарихын зерттеп жатыр. Кедендік одақтың алдыңғы терезелері қаншалықты тонировкалануы керек екені туралы ережелері бар. Бұл талапты бекітуге жол ережесін бұзған жағдайда жүргізушілер мен жолаушыларды анықтауда белгілі бір қиындықтардың туындауы ықпал етті. Қазір құқық бұзушылықтарды тіркеудің жаңа техникалық құралдары пайда болды. Сондықтан біз оның қаншалықты...

Қонаев қаласында атыс болып,  21 жастағы жігіт көз жұмды. Ішкі істер министрінің бірінші орынбасары Марат Қожаев аталған іске қатысты пікір білдірді.

Министр орынбасары Қонаев қаласында атыс болғанын растады.

«Мұндай дерек болғанын растаймын. Қонаевта осындай оқиға болды. Ауруханаға оқ тиген 2 адам түсті, бір адам көз жұмды. Бұл дерек бойынша қылмыстық іс қозғалды. Конфликтіге қатысқандардың барлығы анықталды. Қазір оларды ұстау шарасы жүргізіліп жатыр», – деді Марат Қожаев Сенат кулуарында.

Сондай-ақ Алматы облысының полициясы қылмыстық іс қозғалғанын, күдіктілерге іздеу жарияланғанын хабарлады. Атыс салдарынан 2003 жылы туған жігіт қайтыс болған. Зардап шеккен тағы бір адам ауруханада, ал 1995 және...

Синоптиктер Қазақстан тұрғындарына қолайсыз ауа райы туралы ескертті. Мамандардың айтуынша. Астана, Алматы, Шымкент пен еліміздің тағы екі қаласында ауа сапасы нашарлайды.

«2024 жылғы 27 маусымда Астана, Алматы, Шымкент, Павлодар, Балқаш қалаларында ауаның ластанып, қолайсыз метеорологиялық жағдай күтілуде», – деп жазылған «Қазгидромет» хабарламасында.

«Қазгидромет» болжамынша, елімізде аптап ыстықтың беті 27 маусым күні солтүстік-батыста, 28-29 маусым – оңтүстікте, 29 маусым – солтүстік пен орталықта қайтады. Еліміздің шығысы мен оңтүстік-шығысында  +40+43°С  градусқа дейін қатты ыстық сақталады.

27 маусым күндіз Абай, Жетісу, Ұлытау, Алматы, Ақмола, Павлодар, Қарағанды, Жамбыл, Шығыс Қазақстан, Қызылорда, Түркістан, Қостанай облысының оңтүстігінде, Ақтөбе облысының оңтүстік-шығысында...

Алакөлге апаратын жолдар ашық, асфальт төселді. Бұл туралы ҚР Көлік министрлігі хабарлады.

Алакөл көліне оңтүстік жағынан бару үшін «Талдықорған – Өскемен» автомобиль жолынан Жетісу облысындағы Үшарал кентіне жетіп, содан кейін іргелес жатқан «Үшарал-Достық» жолына өту қажет. Көл жағасымен Жетісу облысының Достық ауылына қарай өтетін бұл учаскенің ұзындығы 180 шақырымды құрайды.

Ал «Талдықорған – Өскемен» автомобиль жолынан Алакөлдің солтүстік жағалауына бару үшін республикалық маңызы бар «Таскескен – Бақты» автомобиль жолына өту қажет. Ұзындығы 133 шақырымды құрайтын бұл учаске Абай облысының Мақаншы ауылына апарады. Одан әрі Мақаншы ауылынан көлге жету үшін облыстық маңызы бар «Мақаншы – Жалаңашкөл» автомобиль жолымен жүруге болады.

Айта...

«Самұрық -Қазына» әл-ауқат қоры «Жеңіс» кен орнындағы барлау жұмыстарына кеткен 40 млрд теңге қаржыны шығын ретінде есептен шығарған. Алайда бұл шығынды ресейлік «Лукойл» компаниясы мойнына алуға тиіс еді.

«Лукойл» компаниясы қордың еншілес ұйымы – «ҚазМұнайГазбен» бірлесіп «Жеңіс» кен орынында барлау жұмысын жүргізді.

Мұнай-газ саласының маманы Нұрлан Жұмағұловтың айтуынша, аталған кен орын барлауға кеткен бүкіл шығынды «Лукойл» компаниясы көтереді деп жоспарланған.

«40 миллиард теңге қалай есептен шығарылды? Тіпті қол қою бонусы (барлау алаңы үшін) соншалықты қымбатқа түспейді», – деп сауал тастайды сарапшы.

Нұрлан Жұмағұлов ҚМГ резервінде болашағы бар кен орындары тұрғанын айтады...

Қазақстанда банкроттық туралы заң күшіне енгелі бері, 105 мың адам банкроттыққа өтініш берген. Соның тек 12 пайызының өтініші қанағаттандырылған. Нәтижесінде ел бойынша 13 мың адам соттан тыс банкрот деп танылған.

Қаржы вице-министрі Ержан Біржановтың айтуынша, арызданушылардың басым бөлігінің өтініші кері қайтарылған. Өйткені банкроттық талаптарына сай келмейді. Көпшілігінің басында дүние-мүлкі мен көлігі болған. Сонымен қатар құзырлы органдар басым бөлігінің төлем қабілетін қалпына келтіруге болады деп тұжырымдайды.

105 мың арызданушының 13 мыңы банкрот деп танылып жалпы сомасы 40 млрд теңге қарыз кешірілген Оның ішінде 27 млрд теңгесі соттан тыс банкроттық бойынша кешірілді. Сот арқылы кешірілген борыш сомасы – 12,2 млрд...

Түркістан облысында терроризмді насихаттады деген күдікпен Қазақстанның 4 азаматы ұсталды. Ұлттық қауіпсіздік комиетінің хабарлауынша, күдіктілердің біреуі ұзақ уақыт бойы шетелде тұрған, радикалды діни идеологияға сол жерде тартылған болуы ықтимал.

«2024 жылғы 26 маусымда Түркістан облысында Ұлттық қауіпсіздік комитеті прокуратура органдарының үйлестіруімен және ІІМ-мен өзара іс-қимыл жасай отырып, терроризмді насихаттады деген күдікпен Қазақстанның 4 азаматын ұстады», – деп жазылған хабарламада.

Тінту барысында діни әдебиеттер мен өзге де заттай дәлелдер алынған. Қылмыстық кодекстің 256-бабының 1 және 2-бөлігі бойынша сотқа дейінгі тергеп-тексеру жүргізіліп жатыр.

2023 жылдың басынан ҰҚК террорға қарсы бөлімшелері террористік сипаттағы қылмыстарды жасады деген...

Еуроодақ елдері Ресейге қарсы санкцияларды айналып өтудің алдын алу үшін Беларусь мемлекетіне жаңа шектеулер енгізуге келісті. Бұл туралы Reuters агенттігі жазады.

Еуропалық дипломаттардың бірінің айтуынша, Беларуське қарсы салынатын санкциялар қос мақсаттағы тауарлар, соның ішінде тұрмыстық техникада қолданылатын чип, сондай-ақ озық технология мен әскери өнімдерге қатысты болмақ.

«ЕО-ның тұрақты өкілдері Беларусьқа қарсы санкциялардың жаңа пакеті бойынша нақты келісімге келді», – делінген X желісіндегі мәлімдемеде.

Еурокомиссия басшысы Урсула фон дер Лейен де Беларуське қарсы салынатын сакциялар пакеті туралы келісімді құптаған. Ол X желісінде жаңа шектеулердің арқасында Ресейге қарсы санкциялар «одан да тиімдірек» болатынын...

«Самұрық-Қазына» қорының шоғырландырылған таза пайдасы 2023 жылдың қорытындысы бойынша 10,3%-ға азайып, 2,12 трлн теңгені құрады. Бұл туралы компанияның Қазақстан қор биржасына (KASE) ұсынған шоғырландырылған есебінде жазылған.

Көрсеткіш негізінен шығындардың 4,5 есе артуы және басқа операциялық шығыстардың ұлғаюы есебінен төмендеді. Қаржылық шығындар да өсті (710 млрд теңгеге дейін) және бірлескен және шоғырландырылған компаниялардың таза пайдасы 1,5 есеге (945 млрд теңгеге дейін) азайды.

Бұл ретте жалпы пайда мен операциялық қызметтен түскен пайда аз ғана өсті. Кірісі 15,4 трлн теңгеге жетті. Бұл 2022 жылдың қорытындысымен салыстырғанда 4,1%-ға артық. Мемлекеттік субсидиялар көлемі 14,3%-ға өсіп, 61 млрд теңгеге жетті.

Активтер 9,8%-ға ұлғайып, 36,92 трлн...

Қазақстан-Қытай бірлескен инвестициялық жобаларды жүзеге асыруда. Скляр Jiaxin International Resources Investment компаниясы Алматы облысында вольфрам кен орындарын игеруге дайындалуда.

Үкімет баспасөз қызметінің мәліметі бойынша бұл жобаға 350 млн доллар инвестиция салған. Кәсіпорын 1000 жұмыс орнын ашпақ.

Премьер-Министрдің бірінші орынбасары Роман Скляр Jiaxin International Resources Investment (ҚХР) компаниясының басшылығымен кездесті. Іскерлік келіссөз барысында индустрия саласында ынтымақтастықты нығайту мәселесі талқыланды.

«Jiaxin International Resources Investment Директорлар кеңесінің төрағасы Лю Лицян жобаны іске асыру барысында атқарушы мемлекеттік органдардың белсенді түрде көмектесіп жатқанын атап өтті. Пайдалануға беру осы жылдың соңына жоспарланған. Кездесу қорытындысы бойынша тараптар инвестициялық ынтымақтастықты одан әр...

«Самұрық-Қазына» ұлттық әл-ауқат қоры «Көкшетау ЖЭО», «Семей Энерго» және «Өскемен Энерго» жылу энергия орталықтарының 50%-на иелік етеді. Тиісті құжат Қазақстан қор биржасы сайтында жарияланды.

Оларды ресейлік «ИНТЕР РАО Экспорт» компаниясы салады.

2023 жылдың 9 қарашасында Қазақстан мен Ресейдің Энергетика министрліктері осы жылу электр станцияларын салу туралы меморандумға қол қойды.

Жобаларды жүзеге асыру үшін 2023 жылдың 26 ​​желтоқсанында «Самұрық-Қазына» қоры мен ресейлік «ИНТЕР РАО Экспорт» серіктестігі ынтымақтастық туралы келісімге қол қойды. Жобаларды жүзеге асыруға уәкілетті ұйым ретінде Қазақстан тарапынан «Самұрық-Энерго» және Ресей тарапынан «ИНТЕР РАО Экспорт» компаниялары анықталды. Сәуір айының ортасында Энергетика министрлігі бірінші нысанның құрылысын биыл бастау жоспарланып отырғанын...

Алматы қаласының әкімшілік полициясы мопед пен самокат жүргізген 10 мыңнан астам адамды ұстады. Олар көбіне жолаушы тасымалы, көше қиылысы, арнайы қорғаныс құралын пайдалану тәртібін бұзған. Қалалық департамент 1 маусымнан бері 4,8 мың мопед пен 5,2 мың самокат жүргізушісін әкімшілік жауапкершілікке тартты.

Кәмелетке толмағандар қауіпсіздік ережесін ескере бермейді. Балаларына самокат пен мопед жүргізуге рұқсат берген 100-ге жуық ата-анаға да әкімшілік хаттама толтырылды. Жыл басынан бері самокатты қолданғандардың қатысуымен 38 жол-көлік оқиғасы тіркеліп, 42 адам зардап шекті.

Мопед тізгіндегендердің тәртіпке мойынсұнғысы жоқ. Бес ай ішінде қалада мопед мінгендердің кесірінен 300-ден астам жол апаты болған. Үш адам  көз жұмды. 321 адам жарақат...

Қытайлық China Huadian Corporation компаниясы ШҚО-да ГЭС  салады. Облыс әкімдігі баспасөз қызметінің хабарлауынша, жоба бойынша қуаты 51,4 МВт болатын екі су электр станциясы Катонқарағай және Алтай аудандарында орналасады.

«Инвестор компанияның бұл салада жұмыс тәжірибесі мол. Келесі айда кәсіпорын өкілдері жобаны толық зерттеу үшін Шығыс Қазақстанға келеді», –  деді ШҚО кәсіпкерлік және инновациялық-индустриялық даму басқармасының басшысы Ардақ Мәдиев. 

Бұл кәсіпорын әлемдегі ең үздік 500 компанияның қатарына кіреді. CHNG энергетика, ғылым және өнеркәсіп секторында түрлі жобаларды жүргізуде. Табиғи газ қуаты арқылы электр энергиясын өндіруші негізгі алдыңғы қатарлы компания.

Шетелдік компаниямен облыс аумағында энергетика саласында күрделі жобаларды...

Талдаушылар Kaspi брендінің танымалдығын және бірегей бизнес стратегиясын атап өтті.

S&P Global Ratings халықаралық рейтинг агенттігі Kaspi Bank-тің ұзақ мерзімді кредиттік рейтингін халықаралық өлшем бойынша «ВВ+»-ке дейін және банктің рейтингін ұлттық өлшем бойынша «kzAA+»-ға дейін көтерді.

Михаил Ломтадзе , Kaspi.kz-тің басшысы әрі негізін қалаушылардың бірі:

«Біз тағы да халықаралық рейтинг агенттігінің жоғары бағасын алдық. S&P талдаушылары көптеген жылдар бойы біздің компанияның дамуын бақылап келеді. Агенттік Kaspi.kz-тің бірегей және табысты бизнес стратегиясы бар екендігін атап өтті. Бұл командамыздың Қазақстандағы жұмысының нәтижесі. Бізге 14 миллионнан астам қазақстандық және 700 мыңға жуық серіктес сенім артады, олардың көпшілігі шағын және...

Қазақстандағы сақтандыру нарығы – тұтынушылар арасында аса танымал емес, бірақ жыл санап қажеттілігі артып келе жатқан сектор. Көптеген адам тек міндетті сақтандыру құралдарын пайдаланады да, ерікті өнімдерге аса назар аудармайды. Жақында Ұлттық банк (ҰБ) өмірді сақтандыру сегментінің даму үрдісіне қатысты арнайы зерттеу жариялап, перспектива мен тәуекелдерді тізбелеген.

АҚШ бәрінен алда тұр

ҰБ сарапшыларының айтуынша, жаһандық өмірді сақтандыру нарығы үнемі қаржылай қорғаудың қажеттілігіне және халықтың ішінара қартаюына байланысты тұрақты өсіп келеді. Дамыған елдерде жоғары жалақы мен пайыздық мөлшерлемелер өмірді сақтандыру және аннуитет сегменттерінде жұмыс істейтін компаниялардың дамуы мен мол кіріс алуы үшін қолайлы жағдай жасайды.

«Жаһанды...

26 маусымда Астанада Қуандық Бишімбаев пен Бақытжан Байжанов ісі апелляция сатысында қаралды. Апелляциялық сот бірінші инстанцияда шыққан үкімді өзгеріссіз қалдырды.

Бұрынғы ұлттық экономика министрі Қуандық Бишімбаев азаматтық некедегі әйелі Салтанат Нүкенованы өлтіргені үшін кінәлі деп танылып, 24 жылға сотталған. Ал оның туысы Бақытжан Байжанов қылмысты жасырып қалу бабы бойынша кінәлі деп танылды. Ол 4 жылға бас бостандығынан айырылды.

Қуандық Бишімбаев аппеляциялық сот барысында қылмыстық іс бірінші инстанцияда қаралған кезде өзіне барлық дәлелді ұсынуға мүмкіндік берілмегенін айтты.

Владимир Ким мен Эдуард Огайға тиесілі Kazakhmys Copper компаниясының 2024 жылдың бірінші тоқсанында таза кірісі 2,5 есе қысқарды. Яғни, өткен жылдың сәйкес кезеңімен салыстырғанда 64,7 млрд теңгеден 25,6 млрд теңгеге дейін азайды. Бұл туралы Қазақстан қор биржасында жарияланған компанияның қысқартылған аралық есебінде жазылған.

Келісім-шарттардан түскен кіріс азайды

2024 жылдың бірінші тоқсанында компанияның тапсырыс берушілермен келісім-шарттардан түскен кірісі 306 млрд теңгені құрады. 2023 жылдың сәйкес кезеңіндегі көрсеткіш 395 млрд теңге болатын. Бұл қаражаттың басым бөлігі катодты мыс (218 млрд теңге), алтын құймалар (36 млрд теңге) және күміс түйіршіктерін (17 млрд теңге) сатудан түскен.

АҚШ мыс сатып алушыларыны...

Биыл жазда Қазақстан әлемнің шахмат жұлдыздары жиналып, ірі турнирлер өтетін орталыққа айналды. Тамыздың басында Астанада жылдың ең маңызды шахмат оқиғаларының бірі –  клубтар арасындағы әлем чемпионаты өтпек. Ал бір апта бұрын Алматыда жасөспірімдердің 26-шы Азия чемпионаты аяқталды. Осы орайда біз әйелдер арасындағы халықаралық гроссмейстер, Қазақстан шахмат федерациясының атқарушы директоры Гүлмира Дәулетовамен жүздесіп, аталмыш чемпионаттың нәтижелері төңірегінде сұхбат құрдық.

– Гүлмира Бекзатқызы, Қазақстан шахмат федерациясының қауырт жұмыс кестесіне қарамастан, уақыт тауып, 26-шы Азия жасөспірімдер чемпионатының нәтижелері туралы әңгімелесуге келісім бергеніңізге көп рахмет. Әуелі турнирдің нәтижелерін қалай бағалайсыз? Медаль жоспары орындалды ма?

– Алдымен чемпионаттың жеңімпаздары мен жүлдегерлерін құттықтағым келіп отыр...