Жаңалықтар

Қазақстан президенті Қасым-Жомарт Тоқаев 8-9 мамырда Мәскеуге ресми сапармен баруды жоспарлап отыр. 

ТАСС агенттігіне сұхбат берген Қазақстанның Ресейдегі елшісі Дәурен Абаевтың айтуынша, сапар барысында Тоқаев Ресей президенті Владимир Путинмен кездеседі.

«Біздің президенттер жиі кездесіп тұрады. Қазан айында Владимир Путин Қазақстанға ресми сапармен келгеннен кейін де, олар екі рет — Санкт-Петербургте ЕАЭО және ТМД саммиттерінде және ақпан айында Қазан қаласында Болашақ ойындарында кездесті. 8-9 мамырда президентіміз Мәскеуге ресми сапармен келеді деп жоспарланып отыр», – деді Абаев.

Оның айтуынша, 2024 жылы Қазақстан ШЫҰ мен ҰҚШҰ төраға болады. Осы форматта да президенттер арасында кездесу болады.

Бұдан бөлек, Абаев Қазақстан өкілдерін...

Cу тасқынынан зардап шеккен аймақтарға азық-түлік бағасы делдалдарсыз, неғұрлым қолжетімді бағамен жеткізілуге тиіс. Бұл жайында антикордың жемқорлыққа қарсы іс-қимыл мәселелері, оның ішінде азық-түлік қауіпсіздігіне арналған Мәжіліс жиынында айтылды.

Агенттік төрағасы Асхат Жұмағали азық-түлік бағасын реттеу кезінде жемқорлық болмау үшін жағдай ерекше бақылауда болатынын мәлімдеді. Бұл мәселе, әсіресе, су тасқынынан зардап шеккен аймақтар үшін өзекті екенін жеткізді. Сол себепті Асхат Жұмағали аумақтық бөлімшелерге бұл процестің барлығына мониторинг жүргізуді тапсырды.

«Сыбайлас жемқорлыққа қарсы қызмет органдары кез келген жемқорлық құқық бұзушылықтардың, оның ішінде заңсыз пайда алуға бағытталған түрлі құқыққа қарсы схемаларды құруға байланысты құқық бұзушылықтардың жолын кесетін болады...

Қазақстандықтардың жеке дерегін таратып жіберген «Робокэш.кз» («Займер» деген атпен жедел ақша береді) микроқаржы ұйымы 2023 жылы таза пайдасы 1,5 есе өскен. Компания 2022 жылы 8,4 млрд теңге таза пайда тапса, 2023 жылы бұл көрсеткіш 12,8 млрд теңгеге жеткен. Бұл компанияға шетелдік азаматтар иелік етеді.

Микроқаржы ұйымының қаржы есебі бойынша, 1 жылда компанияның меншікті капиталы мен жиынтық активтері де өскен.

МҚҰ-ның меншікті капиталы бір жылда екі еседен артық өскен. 2022 жылы 10,2 млрд теңгеге тең болса, 2023 жыл қорытындысында 22,9 млрд теңгеге жеткен. Жиынтық активтері 18,5 млрд теңгеден 27,2 млрд теңгеге дейін өскен.

Есесіне микроқаржы ұйымының міндеттемелері екі еседей...

Павлодар облысы Екібастұз қаласында техногендік сипаттағы ТЖ режимі енгізілетін болады. Мұның бәрі кәріз жүйесінде апаттық жағдайға, яғни желілердің 90% тозып кеткеніне байланысты. Осы жылдың басынан бері Екібастұзда екі кәріз жүйесінде апат болған.

Екібастұз әкімі Аян Бейсекин техногендік сипаттағы төтенше жағдай режимін жариялауға шешім қабылдаған. Тиісті құжат «Ашық НҚА» сайтында жарияланды. 

«Техногендік сипаттағы ТЖ жою басшысы болып Екібастұз әкімінің орынбасары Ержан Салханов тағайындалсын және төтенше жағдайды жоюға бағытталған іс-шараларды жүргізуді тапсырсын», – делінген қала әкімінің шешімінде.

Павлодар облысы әкімдігінің баспасөз қызметі ТЖ режимін кәріз жүйесіндегі жөндеу жұмыстарымен байланыстырып отыр. Бір апта бұрын Павлодар облысының әкім...

Ресей федерациясы қант экспортына уақытша шектеу енгізді. Бұл ақпарат Ресей үкіметінің ресми телеграм-арнасында жарияланған.

«Ресей қамыс немесе қызылша қантын және химиялық таза сахарозаны экспорттауға уақытша тыйым салды. Тиісті қаулыға қол қойылды», – делінген хабарламада.

Баспасөз қызметінің хабарлауынша, бұл шектеу 2024 жылдың 31 тамызына дейін жалғасады. Шешімнің ішкі азық-түлік нарығының тұрақтылығын сақтау мақсатында қабылданған.

Десе де құжатта бірқатар жеңілдіктер қарастырылған. Оған сәйкес, ЕАЭО елдеріне белгілі бір көлемде қант жеткізуге рұқсат. Яғни әр елге белгілі бір мөлшерде лимит берілген.

Оның ішінде қанттың ең көп көлемі Қазақстанға экспортталмақ. Ресей елімізге 120 мың тонна...

Қазақстанда мектепке қабылдау кезінде ескерілетін халықтың әлеуметтік осал тобына тағы бірнеше топ өкілдері жатқызылатын болады.

Оқу-ағарту министрінің бұйрығына сүйенсек, Халықтың әлеуметтік осал санаттарының тізбесі кеңейтілген. Олардың ішінен білім алушылардың 15%-ы мамандандырылған білім беру ұйымдарына оқуға қабылданады.

«Қосымша қосылған топтарға аналары «Алтын алқа», «Күміс алқа» алқаларымен марапатталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен марапатталған көп балалы отбасылардан шыққан балалар кірді», – делінген бұйрықта.

Бұдан бөлек, бұйрыққа сәйкес, 8-сыныпта тестілеу тәртібі нақтыланған. Пәндер бойынша 150 минут ішінде 85 сұраққа жауап беру керек. Мәселен, қазақ тілі мен әдебиетін тереңдетіп...

«Қазақтелеком» өзінің еншілес компаниясы «Мобайл Телеком-Сервис» (Tele2 және Altel брендтерімен жұмыс істейді) Катар холдингі Power International Holding (PIH) компаниясына сату туралы шешім қабылдады. Бұл туралы Қазақстан қор биржасының (KASE) сайтындағы хабарламада айтылған.

Акционерлердің басым бөлігі ұялы байланыс операторын сатуға дауыс берді.

«Қазақтелеком» компанияға тиесілі қатысу үлесін Power International Holding (PIH) немесе PIH 100% иелігіндегі PIH еншілес ұйымының пайдасына сату арқылы «Мобайл Телеком-Сервис» мүшелігінен шығады», – деп жазылған хабарламада.

Ұялы байланыс операторын сату туралы шешімді «қолдап» 8,6 млн дауыс, «қарсы» – 6,6 мың дауыс берілді. «Қалыс қалғандар» – 995,7 мың.

Сонымен қатар акционерлер жиналысында «Қазақтелеком...

Су тасқынынан зардап шеккен 16 мыңнан астам отбасыға 5,7 млрд теңгеге көмек берілген. Бұл жайлы Үкімет үйі хабарлады.

«Биылғы 4 мамырдағы жағдай бойынша 16 168 отбасы 5,7 млрд теңгеден астам сомаға 100 АЕК мөлшерінде біржолғы төлем алды. Мал басының шығыны үшін берілетін төлем көлемі 916 млн теңгеден асты», – делінген хабарламада. 

Баспасөз қызметінің хабарлауынша, зардап шеккен аймақ тұрғындарынан арнайы құрылған өңірлік комиссияларға 24 835 өтінім түскен. Сол өтінішке сәйкес, 4556 тұрғын үй тексеріліп, 2845 нысанда бағалау жұмыстары жүргізілген.  

Ал жөндеу жұмыстары мен тұрғын үйді қалпына келтіруге 530 отбасыға 696 млн теңге қаражат...

«ҚазАвтоЖол» республикалық маңызы бар ақылы жолдарды онлайн режимде көрсететін ақпараттық сервисті іске қосты. Енді көлік жүргізушілері мен басқа да жолаушылар Kaztoll.kz сайты арқылы нақты уақыт режимінде жолдардың жағдайын бақылай алады.

«ҚазАвтоЖол» Ұлттық компаниясының мәлімдеуінше, бүгінде 17 ақылы жолда 74 бейнекамера орнатылған. Олар көлік қозғалысының трафигі, ауа райы және жолдың жалпы жағдайы туралы ақпарат береді.

«Бұл жүргізушілер үшін алдын ала сапарды жоспарлауға, оңтайлы бағыттарды анықтауға және жолдағы қолайсыздықтарды алдын алуға мүмкіндік жасайды. Жаңа сервис сапар кезінде уақытты үнемдеуге және қолайлы жағдайды қамтамасыз ету үшін таптырмас құрал болмақ», – делінген хабарламада.  

Автокөлік жолдарын басқару жөніндег...

Әлемдік орталық банктер наурызда 16 тонна алтын сатып алды. Тізімде Қазақстан үшінші орынды иеленіп, Ресейді небәрі бір тоннаға басып озды. Ал Орталық Азия елдері арасында бірінші орынды алды. Бұл туралы Дүниежүзілік алтын кеңесі (WGC) хабарлады.

«Сұраныс 40 тоннадан асты. Ал сауда көлемі 25 тоннаны құрады», – деп жазылған WGC есебінде.

Бағалы металдың негізгі сатып алушылары дамушы нарықтардың орталық банктері болды. Өз резервтерін бір айда ең көп толықтырған банк – Түркияның Орталық банкі (+14 тонна). Екінші орынды Үндістанның резервтік банкі мен Қытай Халық банкі бөлісті. Әр ел 5 тоннадан сатып алды. Қазақстан мен Сингапур өз...

Қазіргі кезде Қазақстандағы 5 банктің балансында 1,5 трлн теңгеге жуық мемлекеттік көмек бар. Олар: БанкЦентрКредит, Еуразиялық банк, Bank RBK, Jusan Bank және Nurbank. Бұл көмек қаржыны 2017 жылғы сауықтыру бағдарламасы аясында ҚР Ұлттық Банкі, «Самұрық-Қазына» ҰӘҚ» АҚ және «Проблемалық кредиттер қоры» АҚ берген.

Бұл туралы Қаржы нарығын реттеу және дамыту агенттігінің «Курсив» сауалына берген жауабында жазылған.

«Қазіргі уақытта бес банктің (БанкЦентрКредит, Еуразиялық банк, Bank RBK, Jusan Bank және Nurbank) балансында 1 487,4 млрд теңге мөлшерінде мемлекеттік көмек бар. Бұл қаражат мерзімділік, ақылылық және қайтарымдылық талаптарында ұсынылған. Өтеу талаптары жасалған шарттарда айқындалған», – делінген жауапта...

«ҚазТрансГаз Аймақ» компаниясы Ұлттық экономика министрлігінің Табиғи монополияларды реттеу комитетінің халыққа негізсіз есептелген қарызды қайтару туралы ұйғарымына қатысты сотқа шағымданды.

Компания баспасөз қызметінің хабарлауынша, олар Табиғи монополияларды реттеу комитетінің халыққа 1,2 млрд теңге қайтару туралы шешімімен келіспейді.

Бұған дейін комитет Бас прокуратураның талабы бойынша кәсіпорынның филиалдарын тексеріп, газды кесу, пломбалау және бастапқы іске қосу қызметтері үшін компания негізсіз ақша өндіріп алды деген қорытындыға келген. «ҚазТрансГаз Аймақ» осы шешімге келіспеген.

«Газ және газбен жабдықтау туралы» Заңның 24-бабы 2-тармағына сәйкес газ қосу жұмысын газ тарату ұйымы және қосылатын абоненттер есебінен жүзеге асырады. Бізге тұрғындар тарапынан газ тарту туралы...

Қазақстанда Цифрлық даму, инновациялар және аэроғарыш өнеркәсібі министрлігінің жанынан Жасанды интеллект және инновациялық даму комитеті құрылады. Осыған орай Үкімет басшысының қаулысы жарияланды.

«Қазақстан Республикасы Цифрлық даму, инновациялар және аэроғарыш өнеркәсібі министрлігінің Жасанды интеллект және инновациялық даму комитеті» республикалық мемлекеттік мекемесі құрылсын»,- делінген Үкімет қаулысында.

Бұл мекеме:

Арқалықта аударылып суға қонған санитарлық авиация бортында миокард инфарктісімен ауыратын науқас болған. Осылай деп мәлімдеген Қостанай облыстық денсаулық сақтау басқармасы бір күн бұрын болған ұшақ апатына қатысты түсініктеме беріп, жағдайдың қалай болғанын баяндады.

Ведомство мәліметінше, 3 мамырда сағат 09:04-те медициналық авиацияның электронды поштасына миокард инфарктісі диагнозымен 1964 жылы туған пациентті тасымалдауға өтінім түскен.

«Науқасты «Қостанай облыстық ауруханасы» КМК-на тасымалдау мақсатында сағат 16:09-да құрамында екі ұшқышы, дәрігер мен фельдшері бар санитарлық авиация бригадасы Арқалық қаласы бағытында ұшты. Болжамды себеп бойынша, ұшу кезінде екпінді желдің салдарынан санавиация борты аударылды», – делінген хабарламада.

Басқарма өкілдері пациент еш жарақатсыз Арқалы...

Бразилияның оңтүстігіндегі Рио-Гранди-ду-Сул штатында болған су тасқыны салдарынан 39 адам қаза тауып, 68 адам із-түзсіз жоғалып кеткен. Бұл жайлы CNN Brasil басылымы хабарлады.

Рио-Гранде-ду-Сул штатында апта басынан бері толассыз жаңбыр жауған. Салдарынан Порт-Алегри штатында орналасқан Патус көлінің шлюздерінің бірі жарылып, қаланың солтүстігіндегі аудандарды су басу қаупі төнген.

Табиғи апаттан 260 муниципалиттегі 350 мыңнан астам адам зардап шегіп, 10 мыңнан астам адам баспанасыз қалған. Қазіргі таңда билік аталмыш өңірлердің тұрғындарын эвакуациялау жұмыстарын жүргізіп жатыр.

Рио-Гранде-ду-Сул губернаторы Эдуардо Лейте құтқарушылардың кейбір елдімекендерге әлі жете алмағанын айтқан.

Осыған байланысты губернатор су тасқынынан зардап шеккендер саны алдағы уақытта арта...

S&P Global рейтинг агенттігі Қазақстанның өңдеу өнеркәсібіндегі іскерлік белсенділік (PMI) бойынша сәуір айындағы сауалнамасының нәтижесін жариялады. Өңдеу секторындағы іскерлік белсенділік индексі аздап төмендегенімен, оң аймақта қалған. Наурыздағы 51,6-ға тең болған көрсеткіш сәуірде 51,5-ті құраған.

Көрсеткіштің шекті 50,0 деңгейден жоғарылауы – есепті кезеңде экономикалық конъюнктураның біршама жақсарғанын байқатады.

Өндіріс көлемі және жаңа тапсырыстардың өсімі жалғасқанымен, қарқыны баяулаған. Жұмыспен қамту және сатып алу белсенділігінің одан әрі артқаны байқалған. Өнімді сату бағасы жалпы алғанда бұрынғы деңгейде қалды. Саладағы өнім бағасының өзгермеуі де тапсырыс көлемінің тұрақты болуына ықпал еткен.

Сәуірде Қазақстанның өңдеу өнеркәсібі өсу режимінде қалып отыр. Су тасқыны өндіріс...

Жоғары аудиторлық палата «Назарбаев Зияткерлік мектептері» (НЗМ) мен Әлеуметтік медициналық сақтандыру қорына аудиттік тексеріс жүргізген. Бұл жайлы палатаның баспасөз қызметі хабарлады.

Баспасөз қызметінің хабарлауынша, аудиторлық палата Қазақстанның төрт облысының бюджеттерін, сондай-ақ салық және кеден жүйелерінің тиімділігін тексерген.

Сонымен бірге мекеме көлік, салықтық және кедендік әкімшілендіру салаларында, республикалық бюджеттің есептілігі бөлігінде, сондай-ақ білім беру мен денсаулық сақтаудың жекелеген мәселелері бойынша аудиторлық іс-шараларды жүзеге асырып жатыр.

Ал осы жылы мемлекет басшысының тапсырмасы бойынша Абай, Жетісу, Ұлытау және Алматы облыстарының 2022-2023 жылдарға арналған бюджеттеріне аудит жүргізілген. Бұдан басқа, «Әлеуметтік медициналық сақтандыру қоры» КеАҚ және Алматы қаласы бойынша тексеру комиссиясыны...

Қазақстаннан сұйытылған газды әкетуге тағы жарты жылға шектеу енгізілді. Энергетика министрінің міндетін атқарушы «сұйытылған мұнай газын тасымалдаудың кейбір мәселелері туралы» бұйрыққа қол қойды.

Тиісті құжатта Қазақстан аумағынан автомобиль және темір жол көлігімен сұйытылған мұнай газын, пропан мен бутанды әкетуге алты ай мерзімге тыйым салу енгізілетіні айтылған.

 Бұл шектеу шаралары мынадай жағдайларда қолданылмайды:

«Казхром» трансұлттық компаниясы швейцариялық Тelf AG компаниямен жасалған ірі мәмілеге өзгеріс енгізді. Бұл туралы Қазақстан қор биржасына жолданған хабарламада жазылған.

Акционерлердің жалпы жиналысында «Казхромның» Тelf AG компаниясымен жасалған ірі келісім-шартына толықтыру енгізу туралы шешім шығарылған. Алайда қандай өзгеріс енгізілетіні нақтыланбаған.

«Қазхром» компаниясы АҚ Тelf AG швейцариялық компаниясымен 2023 жылдың қыркүйегінде ірі мәміле жасағаны хабарланған болатын. Келісімнің мөлшері «Қазхромның» меншікті капиталының 25% немесе одан көп пайызын құраған. Компанияның 2023 жылғы 1 шілдедегі меншікті капиталы 357 млрд теңгеге тең болғанда, мәміле сомасы кемінде 89 млрд теңгені құрауы мүмкін екені жазылды.

Telf AG Қазақстанда және ТМД-ның басқа елдерінде өндірілетін мұнай және...

Жалған техникалық тексерістен өткізгені үшін айыппұл көлемі 100 АЕК-ке дейін яғни 369 200 теңгеге дейін артады. Бұл жайлы Көлік министрлігінің баспасөз қызметі хабарлады.

Бұрын мұндай заңбұзушылық үшін 110 000 теңге көлемінде айыппұл салынатын.

«Әкімшілік құқық бұзушылық туралы» Қазақстан Республикасының Кодексіне автокөлікті жалған техникалық тексеруден өткізуге қатысты айыппұлды 30 айлық есептік көрсеткіштен 100 АЕК-ке дейін ұлғайту бөлігінде өзгерістер көзделген», – делінген баспасөз хабарламасында.

Министрліктің хабарлауынша, көлікті жалған техникалық тексеруден өткізудің қаупі жоғары. Мұндай көліктерден ақау шығып, кейін көлік құралдары жол қозғалысына кедергі келтіруі мүмкін. Сондай-ақ жол-көлік оқиғаларына, оның ішінде соңы өлімге ұласатын оқыс...

Ирак пен Қазақстан биыл жыл соңына дейін ОПЕК+ квотасынан артық өндірілген мұнай көлемін өтейді. Бұл туралы ОПЕК хабарламасында жазылған.

Ирак І тоқсанда тәулігіне 602 мың баррель, Қазақста тәулігіне 389 мың баррельді артық өндірген. Мұндай шешім альянс хатшылығы, екі елдің өкілдері, сондай-ақ қосалқы сарапшылар кездесуі нәтижесіде шығарылған.

ОПЕК хабарламасында сәуір айында Ирак пен Қазақстан мұнайының ықтимал артық өндірісі кейін ескерілетіні жазылған.

Қаңтар айында ОПЕК+ елдері ерікті түрде мұнай өндірісін тәулігіне 2,2 млн баррельге қысқартуға келіскен болатын. Алайда Ирак пен Қазақстанның өндірісі белгіленген шекті көлемнен асып кеткен. Ақпан айында екі ел де алдағы айларда артық өндірісті қысқартуға дайын...

Ұлттық статистика бюросының дерегі бойынша бір жыл ішінде жиналған қалдықтардың жалпы көлемі 8%-ға өсіп, 2023 жылдың соңында 4,1 млн тоннаны құрады. Елдегі коммуналдық қалдықтардың басым бөлігі көше тазалаған кезде шыққан қалдықтар: 282,5 мың тонна.

Одан кейін макулатура, картон және қағаз (119,9 мың тонна), базар (107,2 мың тонна), пластмасса, пластик, полиэтилен (84,4 мың тонна), тамақ (60,3 мың тонна), шыны қалдықтары (31,7 мың тонна), металдар (5 мың тонна), киім және тоқыма бұйымдары (1,2 мың тонна), электронды және электр жабдықтары (296 тонна) жиналған.

Басқа аралас қалдықтар 2,6 млн тоннаны құрады. 2023 жылы сұрыпталған қалдықтардың көлемі 1,3 млн тоннаға жетті, бұл 2022 жылмен...

Каспий құбыр консорциумы 2025 жылы үш жылжымалы айлақтық құрылғысынан мұнайды бір уақытта тиеуге дайындалуда. Қазіргі уақытта компания олқылықтарды жою бағдарламасын жүзеге асыруда. Осы бағдарламаның төртінші кезеңінде қысымды реттеу қондырғыларын және қысымды төмендету станцияларын техникалық тұрғыдан қайта жабдықтау көзделген.

«Бұл техникалық шешім мұнайды танкерге тиеу үшін мұнай мөлшерін өлшеуге арналған кез келген жаңа жүйе арқылы барлық желі бойынша жіберуге мүмкіндік береді. Сондай-ақ ауа райы жағдайына немесе басқа да себептерге байланысты үзіліс болған жағдайда теңіз терминалының толық резервуарлы паркінен мұнайды үш жылжымалы айлақтық құрылғысынан бір мезгілде жедел айдауға болады. Жоба 2025 жылдың 16 шілдесінде аяқталуы тиіс...

4-6 мамыр күндері еліміздің солтүстік және батыс аймақтарының тұрғындары көктем шуағына бөленбей жатып, арктикалық салқындықты қайтадан сезінеді. Қазгидрометтің түсіндіруінше, қысым өрістерінің жылдам өзгеруі осыған алып келеді. Солтүстік және оңтүстік циклондардың скандинавиялық антициклонмен алмасуынан Қазақстан аумағында жауын-шашын түсімі мол болады. Одан бөлек қарама-қайшы ауа райы құбылысы қалыптасады.

Баренц теңізінен суық ауа массаларының келуі  ауа температурасының төмендеуіне әкеліп соғады. Республиканың солтүстік-батысында, солтүстігінде, содан кейін орталығында түнде суық болады. Қар аралас жаңбыр жаууы мүмкін. Ал оңтүстік облыстарда күн күркіреп, бұршақ, жаңбыр түріндегі жауын-шашын күтілгенімен, көктемгідей жылы ауа райы сақталады.

4 мамырда елдіңбасым бөлігінде атмосфералық фронтальды бөлімдердің өтуімен тұрақсыз ауа райы сақталады. Күн...