Жаңалықтар

Қазақстанда бюджетті қысқарту үрдісі медицина саласында да көрініс берді. Биыл 1 қазаннан бастап Денсаулық сақтау министрлігі томотерапияны жоғары технологиялық қызметтер тізімінен алып тастаған. Ведомствоның тиісті бұйрығы осы саланың мамандарын, ауыр дертке шалдыққан қарапайым азаматтарды қатты алаңдатып отыр. Себебі онкологиялық науқастар өмірлік маңызды емнен қағылады.

Министрліктің бұйрығына сәйкес, томотерапия әдісімен емдеуге арналған бюджеттік қаржыландыру іс жүзінде тоқтатылған. Бұл – онкологиялық ауруларды, соның ішінде балаларды емдеуде қолданылатын дәлді радиациялық сәулелендірудің бірегей технологиясы. Бұйрық күшіне енгеннен кейін, томотерапия клиникалық-шығындық топтар (КШТ) бойынша төленетін қызметтер санатына ауыстырылған. Алайда жаңа жүйе бойынша төлем мен мемлекеттік тапсырысты орналастыру тетігі бекітілмеген.

Астанадағы Ұлттық баспасөз клубында өткен баспасөз...

Орталық Азияда, әсіресе Қазақстанда, заманауи деректерді өңдеу орталықтарына (ДӨО) сұраныс артып келеді. Бұл елдердегі экономиканы цифрландыру мемлекеттік деңгейдегі міндетке айналуда, ал сарапшылар бұл нарықты жүздеген миллион доллармен бағалап отыр.

Arizton зерттеу компаниясының дерегінше, Орталық Азиядағы деректер орталықтары нарығы 2022 жылғы 65 млн доллардан 2028 жылға қарай 179,7 млн долларға дейін өседі. Бұл жыл сайын шамамен 18,5% өсімді білдіреді. Алайда инвесторлар инфрақұрылымды біркелкі дамытпай отыр, бұл кей өңірлерде қуат жетіспеушілігіне әкелуде.

IKS-Consulting мәліметі бойынша, 2023 жылы Қазақстандағы коммерциялық ДӨО-ларда 3 463 серверлік сөре болса, 2024 жылдың соңына дейін олардың саны 3 775-ке жеткен (жылдық өсім шамамен 9%). Бұл ретте colocation қызметтеріне...

Бүгін, 21 қазан күні, Алматыда өткен UEFA Жастар чемпиондар лигасы аясындағы кездесуде «Қайрат» U19 командасы кипрлік «Пафос» U19 командасынан 1:3 есебімен жеңілді.

Матчтың алғашқы минуттарынан-ақ қонақтар белсенді ойнап, 8-минутта Терронес есеп ашты (пас – Цивикос). Бірінші таймның соңында Майкл Г. айырмашылықты ұлғайтып, «Пафосты» 0:2 есебімен алға шығарды.

Екінші таймда алматылықтар ойын тізгінін қолға алып, бірқатар шабуыл ұйымдастырды. 51-минутта Бағдаттың пасынан кейін Төлеухан Ә. гол соғып, есепті 1:2-ге қысқартты. Алайда бұл нәтиже ұзаққа созылмады – кипрліктер қайта шабуыл жасап, үшінші голын енгізді.

Еске сала кетейік, негізгі құрамдар бүгін сағат 21:45-те Алматының Орталық стадионында ойнайды.

Қазақстанда миллионға жуық адам сайт, маркетплейс тәрізді цифрлық платформалардан табыс табады. Қазір еңбек министрлігі оларды әлеуметтік сақтандыру жүйесіне тартуға тырысып жатыр. Бұл туралы Алматыда өтіп жатқан Kursiv ESG Conference жиынында Еңбек және халықты әлеуметтік қорғау вице-министрі Виктория Шегай айтты.

«Қазақстандағы миллионға жуық адам түрлі платформаларда жұмыс істейді. Еңбек министрлігі нарықта болып жатқан өзгерістерге жылдам бейімделуге тырысады. Оның ішінде еркін форматтағы фриланс жұмыс деген секторларды әлеуметтік қамтуға тырысады. Осы үшін өткен жылы Yandex Qazaqstan-мен бірге платформалардағы қызметкерлерді әлеуметтік қамту туралы пилоттық жоба бастадық. Жоба жақсы нәтиже көрсетті. Яндекс платформа арқылы 90 мың адам әлеуметтік пакетке қатысты», – деп...

Қазақстандықтардың қаржы институттарына деген сенімі баяу болса да өсіп келеді. Соңғы үш жылда ең серпінді нәтиже көрсеткен – Тимур Турловтың Freedom Bank-і. 2019 жылы рейтингтің төменгі бөлігінде жүрген банк бүгінде Kaspi мен Halyk арасындағы «жасыл аймаққа» шықты. Бұл жайлы экономист Андрей Чеботарев 2025 жылғы Банктерге сенім индексінің қорытындысын жариялау кезінде хабарлады.

Чеботаревтің мәліметінше, халықтың банктерге орташа сенімі 3,06-дан 3,11 балға дейін өскен. Алайда басты жаңалық – Freedom Bank-тің сенім индексін 2,53-тен 3,19 балға дейін көтеруі. Бұл банк үш жылда клиенттер күмәнданатын ойыншыдан сенім тудырған қаржы институтына айналды деген сөз.

«Фридом банк тұрақты өсім көрсетіп келед...

Алматыда KURSIV ESG 2025 конференциясы өтіп жатыр. Environmental, Social, Governance – Қоршаған орта, Әлеумет және Басқару. ESG – тұрақты бизнес пен әлеуметтік жауапкершілікті бағалауға арналған өлшемдер жиынтығы.

ESG дегеніміз не

Ірі форумның ашылу салтанатында сөйлеген Kursiv.Media бас директоры Анастасия Новикова жергілікті бизнес үшін әлі де болса таңсық ұғымның мағынасын түсіндірді.

«Кәсіпкерлердің көбі әлі де болса оны қосымша ақша шығындау деп есептейді. Алайда болашақты бағамдай білетіндер мұның жаңсақ пікір екенін түсінеді.

Экология туралы сөз қозғар болсақ, таза ауа мен су, сонымен бірге салауатты ұлт туралы айтамыз; Адам ресурсын тілге тиек етсек, түрлі компанияның басты капиталы...

Шымкент қалалық мәслихатының бұрынғы депутаты Қуаныш Дәулетәлиевке сот екінші рет іздеу жариялады. Ол «Қорлау» бабымен айыпталып, ісі сотқа өткен еді. Жәбірленушінің айтуынша, экс-депутат оның ар-намысына тиетін сөздер айтып, балағаттаған.

«1976 жылы 2 желтоқсанда туылған Шымкент қаласы Қазығұрт мөлтек ауданы Төлебаева көшесінің тұрғыны Дәулетәлиев Қуаныш Әмірсейітовичке қатысты іздеу жариялансын. Ұсталғаннан кейін сотталушы Дәулетәлиев сот мәжілісіне қатысуы қамтамасыз етілсін, сотқа мәжбүрлі түрде жеткізілсін» деп жазылған Шымкент қалалық қылмыстық істер жөніндегі ауданаралық сотының судьясы Асхат Есенов шығарған қаулыда.

Дәулетәлиевтің сотқа себепсіз келмеуінен іс сотта тағы тоқтамға алынды. Айыпталушының ісі сотта «Қорлау» бабымен қаралып жатқан еді. Жабық қаралып жатқан...

Жасанды интеллект және цифрлық даму вице-министрі Досжан Мұсалиев Digital Bridge форумында не себепті интернет дұрыс жұмыс жасамағанын түсіндірді. Оның айтуынша, қатысушылар саны тым көп болғандықтан, байланыс желілеріне үлкен салмақ түсірген. Сондай-ақ ол форумның шығынына қатысты сұраққа пікір білдірді.

«Көп құрылғы бір мезгілде ғимарат ішінде болғанда, олар бір-біріне радиоқиындықтар тудырады, осылайша байланыста уақытша үзілістері байқалды. Бірақ бұл мәселе жедел шешілді, оператордың көмегімен қосымша бес базалық станция қосылды. Сонымен қатар, форум барысында аумақта Wi-Fi жүйесі де жұмыс істеді», – деді вице-министр Үкіметтегі брифингте.

Сондай-ақ ол халықаралық Digital Bridge форумы толығымен демеушілердің қаржысы есебінен ұйымдастырылғанын айтты.

Күн сайын жаңа әндер жарыққа шығып жатса да, кей туындылар ел жүрегінен ойып тұрып орын алып, есте мәңгі сақталады. Ел аузындағы жүрген ондай хиттер арада жылдар өтсе де санадан өшпей, қайта керісінше жаңаша тыныспен жарыққа шығып жатады. Сөзі мен әуені үйлескен, халық жатқа айтатын сондай әндерге шолу жасағанды жөн көрдік. Оған қоса, туындылардың шығу тарихына қысқаша тоқталып, түпнұсқада және заманауи нұсқада орындап жүрген әншілер туралы да айтамыз.

«Мен деп ойла»

Бұл әйгілі әннің сөзін қазақтың ақиық ақыны Мұқағали Мақатаев жазған. Лирикалық туындылардың хас шеберінің қаламынан туған бұл өлең жолдарына әуен жазып, белгілі композитор Төлеген Мұхамеджанов әнге әр берд...

Жапония парламенті Либерал-демократиялық партиясының (ЛДП) жетекшісі Санаэ Такаичиді елдің жаңа премьер-министрі ретінде бекітті. Осылайша, Такаичи Жапония тарихындағы алғашқы әйел премьер-министр атанды. Бұл шешім ЛДП мен Жапонияның инновациялар партиясы арасындағы коалиция құрылымынан кейін қабылданды.

Такаичи бұрынғы премьер-министр Синдзо Абэнің шәкірті және Маргарет Тэтчердің саяси ұстанымдарын үлгі тұтатынын ашық айтқан.

Коалиция және сайлау нәтижесі

ЛДП бұған дейін 26 жыл бойы буддистік «Комэйто» партиясымен бірге билік құрған еді. Алайда, «Комэйто» партиясы Такаичи төрайым болып сайланған соң үкімет құрамынан шығатынын мәлімдеді. Осыдан кейін ЛДП жаңа серіктес Жапонияның инновациялар партиясымен келісімге келіп, парламентте 237 депутаттың қолдауына ие болды.

Санаэ Такаичи гендерлік теңдікке...

Қарағанды облысында ес-түссіз табылған полицей мен жалаңаш әйелдің мәйітіне қатысты істен кейін бірнеше қызметкер жұмыстан босатылды.

Оқиға Михайлов полиция бөлімінің тірек пунктінде болған. Содан кейін қызметтік тергеу және тәртіптік комиссияның отырысы өткізіліп, бөлім бастығы мен оның орынбасары қызметінен босатылды.

«Қарағанды қаласы полиция басқармасы мен облыстық полиция департаментінің бірқатар басшылық құрамына қатаң тәртіптік жаза қолданылды», – делінген полиция баспасөз қызметі таратқан ақпаратта.

Әйелдің мәйітіне байланысты барлық мән-жайды анықтау мақсатында сотқа дейінгі тергеу амалдары жүргізіліп жатыр. Ал учаскелік полиция инспекторы медициналық мекемеде ем қабылдауына байланысты қызметінен уақытша шеттетілді.

«Оны ішкі істер органдарынан шығару...

Алматыда қоршаған орта, әлеуметтік жауапкершілік қағидаттарына арналған ірі бизнес-форум басталды. Kursiv ESG Conference  атты жиында қаржы және нақты экономика секторындағы ірі компаниялардың өкілдері мен сарапшылары тұрақты даму саласындағы жетістіктерімен бөлісіп, өз ұсыныстарын жеткізеді.

Форумда:

Шақырылған қонақтар арасында Еңбек және халықты әлеуметтік қорғау вице-министрі Виктория Шегай, Дүниежүзілік банк тобының мүшесі Адалят Әбдуманапова, Yandex Qazaqstan басшысы Тимур Шалекенов, FreedomHoldingCorp. тұрақты даму жөніндегі бас директоры Бағлана Мусина бар.

ESG форум – бұл...

KEGOC компаниясы 2025 жылдың бірінші жартыжылдығындағы таза табысының 65 пайызын дивиденд төлеуге жұмсайды. Бұл туралы компанияның баспасөз қызметі хабарлады.

Мәліметке сәйкес, кезектен тыс жалпы жиналыста 22,2 млрд теңге дивиденд бекітілді. Бұл бір жай акцияға шаққанда 80,90 теңгеден келеді.

Аудиттелген қаржы есебіне сай, 2025 жылдың қаңтар–маусым айларындағы KEGOC-тың таза пайдасы шамамен 34,3 млрд теңгені құрады.

Дивиденд төлеу 10 қарашадан басталады Ал дивиденд алуға құқығы бар акционерлердің тізімі 2025 жылдың 28 қазанына дейін бекітіледі.

Компания мәліметінше, IPO-ға шыққалы бері KEGOC акционерлеріне жалы есебі 327,5 млрд теңге дивиденд төлеген.

KEGOC Қазақстандағы алғашқы атом электр станциясының құрылысын ескере отырып, электр желілерін жаңғыртуды...

Дрондар Орынбор газ өңдеу зауытына (Орынбор ГӨЗ) шабуылдаған соң, Қазақстандағы Қарашығанақ кен орнында мұнай мен газ өндірісі қысқарды. Бұл туралы Reuters екі дереккөзінің мәліметіне сүйене отырып хабарлады.

Агенттіктің мұнай-газ саласына қатысы бар дереккөздерінің айтуынша, украин дрондары Ресейдің Орынбор облысындағы газ өңдеу зауытына шабуылдаған соң, көрші Қазақстанда Қарашығанақ кен орнында өндіріс 25-30%-ға қысқарды. Дүйсенбі күні мұндай өндіріс көлемі 25 мың тоннаға дейін төмендеді. Қарашығанақта тәулігіне 196 500 баррель шикізат өндіріледі.

Осының алдында ғана Қазақстанның энергетика министрлігі де өндіріс қысқарғанын мәлімдеген. Алайда министрлік те, оператор да нақты қаншаға азайғаны туралы ештеңе жарияламады. Қазақ үкіметінің дерегінше, Орынбор зауыты жөнделгеннен кейін ғана өндіріс...

2026 жылдың қаңтар айынан бастап Чехия астанасы Прагада электр самокаттарын жалға алу ресми түрде тыйым салынады. Бұл туралы Reuters хабарлады.

Қала билігі мұндай шешімді соңғы жылдары самокаттардың тротуарларда бейберекет қолданылып, жаяу жүргіншілерге қауіп төндіргенімен түсіндірді.

Прага вице-мэрі Зденек Гржиб бұл өзгерісті қала кеңістігін ретке келтіру жолындағы маңызды қадам деп атады:

«Электр самокаттарының дәуірі аяқталды! Біз қоғамдық орындарды тәртіпке келтіріп, жолдағы хаосты жоямыз», – деді ол.

Қалалық кеңес ортақ көлік жүйесіне қатысты ережелерді қайта қарап, жаңа талаптар енгізбек. Енді велосипедтерге арналған тұрақтар қатаң реттеледі, ал электр самокаттары бұл санатқа енбейді. Осылайша, қалада самокатты жалға алу...

Қазақстанның бүкіл дерлік аймағында жарықпен жылу өндіретін станциялары, энергия тарататын жүйесі, үйді-үйге су мен жылу жеткізетін желілері, тоспа суды ағызатын кәріз құбырлары тозып тұр. Мәселен, ел аумағында тартылған электр желілерінің 63 пайызы ескірген. Ал жылу желілері мен кәріз құбырларының жартысынан астамы тозған. Кеңес заманында салынған жылу-электр станцияларында кейінгі жылдары апат жиі орын ала бастады. 2022 жылдың қарашасында Ридддер қаласының халқы, 2023 жылы Екібастұз қаласының тұрғындары қақаған қыста жылусыз қалды. Сол жылы Степнагорск, Ақтау, Балқаш, Теміртау, Көкшетау мен Жезқазған қаласындағы жылу жүйелерінде апат орын алған.

Оған қоса ірі қалаларда жыл сайын көп қабатты үйлердің бой көтеру инфрақұрылым жүйесінен түсетін салмақты одан...

Қазақстандықтарды 2026 жылдың басында тағы да ұялы байланыс пен интернет тарифтерінің өсуі күтіп тұр. Байланыс операторлары тарифтерді шамамен 15-20% арттыруды көздеп отыр. Олар мұның басты себебі – электр энергиясы мен импорттық жабдықтардың қымбаттауы және ҚҚС (қосылған құн салығы) деңгейінің өсуінде деп түсіндіреді.

Үкіметтің брифингінде оператор өкілдері тарифтерді қайта қаралатынын айтты.

Мәселен «Қазақтелеком» басқарма мүшесі Ержан Мейрамовтың сөзінше, қолданыстағы ережелер операторларда экономикалық негіздер болса, тарифтерді көтеруге мүмкіндік береді.

«Тариф құрамына операторлардың шығындары кіреді, соның ішінде электр энергиясы мен шетелдік жабдыққа қатысты шығындар бар. Егер олардың бағасы өссе, бұл қызмет құнына тікелей әсер етеді», – деді ол.

Көпшілікке бірнеше YouTube жоба авторы, продюсер ретінде белгілі Ерұлан Құсайынов қайтыс болды.

Қаралы хабар «Осколки» подкастының әлеуметтік желідегі парақшасында айтылды.

«Жабаның негізін салушы Ерұлан Құсайынов өмірден өтті. Ерұлан – елдегі ірі компанияларда басшы болған талантты көшбасшы. Ол өмірін білім беру және әлеуметтік жобаларды дамытуға арнады, көпшілікке үлгі болды», – делінген хабарламада.

Ерұлан Құсайынов – «Менің атым Қызболсын» фильмінің продюсері. Одан бөлек ER-BATYR, «Осколки», Urpaq секілді жобалары бар.

Актриса Әлия Ануарбек MOM’sкий әңгіме подкастында өміріндегі өзгерістермен бөлісті. Бағдарлама жүргізушісі Айнұр Ілиясова актрисадан сүйіктісі туралы сұрады.

«Соңғы бес жылда жаңа жұмыс, көшу, жаңа фильм, басты рөл. Қазір қарым-қатынасың бар. «Бақыт құшағында» фильмі кезінде сырға салу болған еді. Естігенімізше, саған ұсыныс жасаған екен».

Әлия бұл сұраққа күлімсірей жауап беріп, қуанышты жаңалығын растады:

«Иә, ол маған ұсыныс жасады. Енді мен қалыңдықпын», — деді актриса.

Актриса атап өткендей, «Бақыт құшағында» фильмі оның кәсіби өмірінде ғана емес, жеке өмірінде де маңызды кезеңге айналған. Түсірілім барысында өз сөзінше, шынымен де «бақыт құшағында» болғанын...

2026 жылы қазақстандық абоненттер Wi-Fi желісі арқылы кез келген қолжетімді жерде дауыстық қоңырау шала алады және қабылдай алады. Бұл мүмкіндік VoWiFi (Voice over Wi-Fi) технологиясы арқылы жүзеге асады. Бұл туралы «Кар-Тел» компаниясының атқарушы директоры Евгений Настрадин мәлімдеді.

Beeline брендімен жұмыс істейтін «Кар-Тел» өкілі елде әлі де мобильді байланыста «ақ дақтар» бар екенін айтты. Бұл жағдай тұрғындардың базалық станцияларды алып тастауды талап етуімен және құрылыстың тым тығыз салынуымен байланысты.

Аталған мәселені шешу үшін компания VoWiFi технологиясын енгізуді жоспарлап отыр. Ол тұрғын және кеңсе ғимараттарында байланыс сапасын арттырып, әлсіз сигналды аймақтарды азайтуға мүмкіндік береді.

«VoWiFi технологиясы Wi-Fi...

KIA Qazaqstan болашақта жаңа көлік түрлерін шығарады. Ол өнімдерін тек ішкі нарық емес шетелге шығаруға мүмкіндік бар. Қостанайға сапарында Тоқаев осылай деп мәлімдеді.

«Елімізде KIA Qazaqstan зауытының іске қосылуы осы саланы технологиялық тұрғыдан жаңғыртуға зор серпін берері сөзсіз. Кәсіпорын болашақта басқа да жаңа көлік түрлерін шығарады деп сенемін. Осылайша, әлемдік озық талаптарға сай көліктерімізді сыртқы нарыққа, яғни шетелге шығаруға мүмкіндік болмақ. Қазақстан жаһандық автокөлік өнеркәсібінің дамуына бар күш-жігерін салуға дайын, – деді ол. 

KIA Qazaqstan зауытын Қостанай қаласының индустриялық аймағында 62,95 гектар аумақта орналасқан. Жылына 70 мың көлік өндіруге қауқары бар. 131,5 млрд теңге...

Премьер-министр Олжас Бектенов азаматтардың жеке мәліметтерінің таралуына жазаны қатаңдатуды ұсынды. Себебі бүгінде телефон және интернет-алаяқтық жағдайлары көбейіп жатыр.

Үкімет басшысының мәлімдеуінше, алаяқтық істердің дені шетелдік нөмірлердің  және ұлттық жүйеде тіркелмеген құрылғылардың көмегімен жасалады.

«Сондықтан Жасанды интеллект  және Ішкі істер министрліктері  осындай заңсыз әрекеттерге  тосқауыл қою жұмыстарын күшейтуі қажет. Деректер базасынан  азаматтардың дербес мәліметтерінің таралып кеткені үшін  жазаны қатаңдату керек. Мұндай талап  мемлекеттік органдармен қатар,  қаржы ұйымдарына,  мобильді операторлар мен  жеке бизнеске де қатысты болуға тиіс»,–  деді Бектенов.

Бұдан бөлек, Бектенов балалардың цифрлық кеңістікте қорғалуын қамтамасыз ету үшін  sim kids жобасының тәжірибесін  кеңінен таратуды...

Алматыда алты жыл бұрын апатқа ұшыраған Bek Air ұшағын басқарған екі ұшқышқа қатысты сот өтіп жатыр. Ұшқыш Марат Мұратбаев оқиға орнында қаза тапты. Ал екінші ұшқыш Миржан Молдақұлов бірнеше айдан кейін қайтыс болды. Ұшқыштың қызы Алина Молдақұл KursivMedia тілшісіне тергеу барысында жіберілген заңбұзушылықтар туралы айтты. Сондай-ақ соттан әділ шешім күтетінін жеткізді.

Bek Air ұшағы құлады

2019 жылдың 27 желтоқсанында Алматыда Fokker 100 ұшағы апатқа ұшырады. Алматыдан елордаға шыққан ұшақ таңғы 07:22 кезінде бетон қоршауды бұзып, екі қабатты құрылыс нысанына соқтығысқан. Әуе апаты салдарынан 12 адам қаза тауып, 49 адам зардап шекті. Ұшақ бортында 93 жолаушы мен экипажды...

Елде 350 мыңға жуық газ баллоны 40-50 жыл бойы пайдаланылып келген, еш ауыспаған. Былтыр сол баллондарды пайдалану кезінде 70-тен астам төтенше жағдай тіркеліп, 90 адам зардап шеккен. Үкімет отырысында төтенше жағдай министрі бұл мәселенің әлі күнге шешілмей отырғанын мойындады.

Қазір айналымдағы ескі баллондарды пайдалануға қатысты пилоттық жоба іске қосылған.

«Былтыр ескірген тұрмыстық газ баллондарын пайдалану мен оларды таңбалау мәселесін көтергенмін. Қазір Щучинск және Степногорскте газ баллондарды таңбалау жөніндегі пилоттық жоба іске қосылды. Алайда, елдегі газ баллондары өндіру және тозығы жеткендерін жою мәселелері шешілмеген күйде қалып отыр», – деді төтенше жағдай министрі Шыңғыс Әрінов.

Министрд...