Жаңалықтар

Көпшілік арасында «мемлекет қарызға белшесінен батты» деген қауіп жиі айтылады. Алайда экономикалық тұрғыдан алсақ, борыштың болуы – дамудың құралы. Мәселе оның көлемі мен кімнен алынғанында. Kursiv Media 2026 жылғы қаңтардағы жағдай бойынша елдің қаржылық міндеттемелерінде айтарлықтай қызықты құрылым қалыптасқанын байқады.

Жалпы көрініс: 72,5 миллиард доллар

Соңғы деректерге сүйенсек, Қазақстанның жалпы мемлекеттік борышы 72,5 млрд долларды құрады. Бұл елдің Ішкі жалпы өніміне (ІЖӨ) шаққанда 21,1%-ға тең. Халықаралық стандарттар бойынша бұл «қауіпсіз аймақ» болып саналады (әдетте борыш ІЖӨ-нің 50%-ынан аспауға тиіс).

Бұл соманың негізгі бөлігі – 69,3 млрд доллары тікелей Үкіметтің мойнында болса, қалған бөлігі жергілікті атқарушы органдар мен мемлекет кепілдік...

Таяу Шығыстағы жанжал кезінде Дубайда қалып қойған Жазира Байырбек мемлекет жіберген ұшаққа мінушілердің көп екенін айтты.

Сондықтан өз қаражатымен елге қайтудың басқа амалдарын іздестіріп жатыр. Әнші алаңдаушылық білдірген отандастарына сәлем жолдап, алғыс білдірді.

«Дайрекке келіп жатқан хаттардың біразын көрдім. Сіздердің тілектеріңізді оқып, түнімен ұйықтай алмадым. Аналарымыз дұға жасап, «қарашы, келді ме екен, жетті ме екен» деп уайымдап жатыр. Алла қаласа, амандық болса, жетеміз. Рейстерді күтіп отырмыз», – деді әнші.

Жазира Байырбектің айтуынша, мемлекет жіберген ұшақтарға мінетін адамдар өте көп. Сондықтан өз есебінен басқа елдер арқылы келу жолдарын қарастырып жатыр.

«Баршаларыңызға рахмет...

Таяу Шығыстағы ахуал шиеленіскен уақытта, Қазақстан теңіз күштері Каспийде әскери оқу-жаттығу өткізіп жатыр. Бұл туралы Қорғаныс министрлігі хабарлайды.

Әскери-теңіз күштері құрамындағы зымыранды-артиллериялық кемелердің экипаждары мен жеке дивизиондар Ақтау теңіз портында оқу-жаттығу өткізді. Сынақ барысында экипаж дайындығы пысықталды.

Жауынгерлер төтенше жағдай кезінде өрт сөндіру, теңіздегі диверсияға тойтарыс беру тапсырмаларын орындады.

Оқу-жаттығу барысында экипаждың үйлесімді іс-қимылына, шұғыл шешім қабылдауына, кемені қорғау шараларының тиімділігіне баса назар аударылды.

«Тексеріс қорытындысы бойынша жеке құрам жоғары кәсіби дайындығын танытып, шектеулі ресурстар жағдайында тез және ұйымдаса әрекет ету қабілетін көрсетті», – деп таратты министрлік.

Жаттығудың келесі кезеңінде жауынгерлер теңізде, әуеде...

Алматыда түзеу орталығының қызметкері қамауға алынды. Бұл туралы жергілікті полиция хабарлады.

Бұған дейін Алмалы ауданы полициясы түзету орталықтарының бірінің қызметкері тарапынан жасалған құқыққа қарсы әрекеттер фактісі бойынша қылмыстық іс қозғады. Оқиға Алматыдағы «Феникс» орталығында болған. Ол жерде ер адам баланың қолын қайырған.

Жедел-тергеу іс-шаралары барысында күдікті ұсталып, уақытша ұстау изоляторына қамалды. Жауап алу барысында күдікті кінәсін мойындап, баланың ата-анасынан кешірім сұраған.

«Қазір оқиғаның барлық мән-жайын жан-жақты және объективті анықтауға бағытталған тергеу әрекеттері жүргізіліп жатыр. Бейнебақылау камераларының жазбалары зерделеніп, куәлар мен іске қатысы бар өзге де тұлғалардан жауап алынады», – делінген...

Ормұз бұғазының жабылуы туралы сөз қозғалғанда, көпшіліктің ойына бірден мұнай мәселесі келеді. Алайда экономист Руслан Сұлтановтың айтуынша, бұл тар теңіз дәлізінің әлемдік экономикаға ықпалы әлдеқайда ауқымды.

Бұл бұғаз – энергетика нарығын аграрлық тізбектермен байланыстырып, жанармай, тыңайтқыш және азық-түлік құнына бір мезетте әсер ететін стратегиялық торап.

Маңызды энергетикалық дәліз

Қазіргі кезде теңіз арқылы тасымалданатын мұнайдың 20-25%-ы және сұйытылған табиғи газдың (СТГ) шамамен 20%-ы дәл осы Ормұз бұғазы арқылы өтеді.

Сауд Арабиясы, Қатар, БАӘ, Кувейт және Иран сияқты мұнай алпауыттарының өнімі әлемдік нарыққа осы жол арқылы шығады. Қысқа мерзімді болашақта осы бұғаз арқылы тасымалданатын шикізат...

Отбасы банк «Наурыз» бағдарламасы бойынша өтінім қабылдау мерзімін жариялады.

Бағдарламаға қатысуға өтінім қабылдау 10 наурыздан басталып, 31 наурызға дейін жалғасады.

«Құжаттарыңызды алдын ала дайындап, мүмкіндіктеріңізді есептеп, 10 наурызды өз үйіңізге бастайтын жеке старт күні ретінде белгілеңіз», – деп хабарлады Отбасы банк.

Бағдарлама шарттары

Бағдарламаға соңғы бес жылда өз атында баспанасы болмаған азаматтар қатыса алады.

Үміткердің ресми табысы болуы, соңғы алты айдағы зейнетақы жарнасы және «Отбасы банкінде» кемінде 2 млн теңге жинағы болуға тиіс.

Бағдарлама шарттарына сәйкес, әлеуметтік санаттағы азаматтар үшін мөлшерлеме – 7%, ал қалғандары үшін...

Тәуелсіз Қазақстан тарихында министрлік басқарған әйел көп емес. Үкімет құрамына көз жүгіртсек, әйелдер еңбек, білім және ғылым, мәдениет пен денсаулық саласына ара-тұра жетекшілік еткен. Кей салада 35 жыл ішінде бір де бір әйел басшы болмаған.

Қазіргі үкімет құрамында да үш әйел бар. Олар – премьер-министрдің орынбасары – мәдениет және ақпарат министрі Аида Балаева, денсаулық сақтау министрі Ақмарал Әлназарова, оқу-ағарту министрі Жұлдыз Сүлейменова.

KursivMedia 8 наурыз – халықаралық әйелдер күні қарсаңында Үкімет құрамында болған әйелдерге шолу жасады.

Білім саласындағы ханымдар

Әйелдер жиі жетекшілік еткен саланың бірі – білім мен ғылым. Кейінгі жылдарға көз жүгіртсек, салада Жұлдыз Сүлейменова, Күләш...

Мәжіліс депутаты Ерлан Сайыров Дубайда пәтері бар шенеуніктерді прокуратура тексеріп жатқанын айтты.

Ол бұл жайында хабардар екенін айтып, шенеуніктердің шетелден үй алып, тұрып жатуын сынға алды.

«Елді басқарып, қазір басқа елде тұрып жату – адамшылыққа жат. Бұл ол адамдардың елімізге, халқымызға шынайы болмағанын көрсетеді. Бұл дұрыс нәрсе емес», – Ерлан Сайыров.

Ол Дубайдан үй алған шенеуніктердің тізіне қатысты қандай шара қолдануы керектігі жөнінде де пікір білдірді.

«Нақты білмеймін. Қазір прокуратура жұмыс істеп жатыр. Әзірге барлық деректі жинап жатыр», ­– деді депутат.

Мұның алдында шетелдегі, соның ішінде Дубайдағы бірқатар жылжымайтын мүліктер Қазақстанны...

Apple M5 чиптерімен жабдықталған жаңа MacBook Air және MacBook Pro ноутбуктерін таныстырды. Аталған модельдердің бағасы алдыңғы буынмен салыстырғанда қымбатырақ болады. Бұл шешім жад тапшылығына және Mac компьютерлерінің сатылымы мерекелік кезеңде күткендегіден төмен болуына байланысты қабылданды. Бұл туралы Bloomberg мәлімдеді.

MacBook Air моделі M5 процессорын алды және бағасы 100 долларға қымбаттады. 13 дюймдік базалық нұсқаның құны енді 1099 долларды құрайды. Сонымен қатар компания алғаш рет бастапқы сақтау көлемін 512 ГБ-қа дейін екі еселеді.

MacBook Pro желісі M5 Pro және M5 Max чиптеріне көшті. M5 Pro орнатылған 14 дюймдік модельдің бағасы 200 долларға өсіп, 2199 доллар болды. Ал анағұрлым...

Агенттік басшысы Рафаэль Гросси Иранның ядролық қару жасап жатқанын растайтын нақты айғақ жоқ екенін мәлімдеді.

Дегенмен ұйым басшысы мынадай маңызды мәселелерге баса назар аударып, өз алаңдаушылығын білдірді:

Рафаэль Гросси бұл түйткілді мәселелер шешімін таппайынша, Иранның ядролық бағдарламасының тек бейбіт мақсатты көздейтініне кепілдік бере алмайтынын жеткізді.

Біріккен Ұлттар Ұйымы былтыр қыркүйекте Иранға қарсы қару-жарақ эмбаргосы мен өзге де санкцияларды қайта қалпына келтірді.

Семейдегі BalaPark ойын-сауық орталығындағы өрттен кейін қаладағы ауа сапасы күрт нашарлап кетуі мүмкін. Санитарлық дәрігерлер тұрғындарға мүмкіндігінше көшеге аз шығып, терезелерді жауып отыруды ескертті деп жазады Kursiv.Media.

Қазір мамандар ірі өрт болған Қарағайлы ауданындағы ауа сапасын тексеріп жатыр.

Қалалық санитарлық-эпидемиологиялық бақылау басқармасының басшысы Шыңғыс Шоқышев алғашқы өлшемдер өрт кезінде, кешкі уақытта жасалғанын хабарлады. Ол кездегі зертханалық талдаулар зиянды заттардың шектен тыс мөлшерін көрсетпеген. Талдау әлі де жалғаса түседі.

Еске салайық, үшінші наурыздан төртіне қараған түні Семейдегі балалар ойын-сауық орталығындағы өрт шығып, екі бала ауруханаға түсті. Құтқарушылар көмегімен жалын толығымен өшірілді.

Аятолла Әли Хаменеидің ұлы Сейед Моджтаба Хосейни Хаменеи Иранның жаңа жоғарғы көсемі қызметіне сайланды. Бұл туралы Deutsche Welle басылымының Ирандағы бір дереккөзі хабарлады.

Дереккөздің мәліметінше, 88 шиит дінбасынан тұратын кеңес осындай шешім қабылдады. Дегенмен Иран билігі мен мемлекеттік ақпарат құралдары мәліметті ресми түрде растаған жоқ.

DW дереккөзінің айтуынша, Ислам революциясы сақшылары корпусының қысымымен үлемдер кеңесі Моджтаба Хаменеиді жоғары қызметке сайлауға мәжбүр болған.

Қазір Иранды үш адамнан тұратын кеңес уақытша басқарып отыр. Олар: президент Масуд Пезешкиан, сот билігінің басшысы Голям Хоссейн Мохсени-Эджеи және Конституция сақшылары кеңесінің мүшесі Әлиреза Арафи.

Хаменеидің қазасы

Иранды 36 жыл билеген аятолла Әли Хаменеи...

Freedom Bank әлемдік футболдың жарық жұлдызы, «Барселона» клубы мен Испания құрамасының шабуылшысы Ламин Ямальмен ерекше кездесу өткізді. Барселона қаласында өткен шара аясында банк өкілдері футболшыға оның өз бейнеленген естелік Visa картасын салтанатты түрде табыстады.

Картаның бетінде Ламин Ямальдың алаңдағы сәті бейнеленген. Бұл Visa төлем жүйесінің қолдауымен жасалған эксклюзивті жоба.

«Freedom Bank Барселонада Ламин Ямальға оның суреті бейнеленген естелік картаны Visa қолдауымен табыстады», – деп хабарлады банктің ресми парақшасы.

Айта кетейік, Ламин Ямаль қазіргі таңда әлемдегі ең қымбат әрі ең болашағы зор жас футболшылардың бірі.

Бұған дейін банк қазақстандық қақпашы Темірлан Анаберковтің суреті бейнеленген картаны...

Израиль Иранға қарсы соққыларының жаңа кезеңі басталғанын хабарлады. АҚШ-та әскери нысандарды бомбалаған.

«Израиль армиясы Иранның террористік режимінің зымыран ұшыру қондырғыларына, әуе шабуылына қарсы қорғаныс жүйелеріне және қосымша инфрақұрылым нысандарына бағытталған ауқымды соққылар толқынын бастады», – делінген израильдік әскерилер таратқан мәлімдемеде.

CBS News телеарнасының хабарлауынша, америкалық B-2 стратегиялық бомбалаушылары Иран әскерінің басқару пункттеріне, қару-жарақ қоймалары мен Иранның зымыран бағдарламасына арналған құрастыру цехына соққы жасағанын хабарлады.

Иран сейсенбі, 3 наурыз күні кеште Израильге қарай зымыранмен соққы жасағанын мәлімдеді.

«Operation True Promise 4 операциясының он алтыншы толқыны Ислам революциясы сақшылары корпусының әуе-ғарыш күштер...

Нью-Йорк бағалы металдар биржасындағы (Comex) сауда-саттық қорытындысы бойынша, алтын мен күміс құны біршама арзандады.

Сәуір айындағы жеткізілімдерге арналған алтын фьючерсінің бағасы алдыңғы көрсеткішпен салыстырғанда 248,26 долларға (4,7%-ға) құлдырап, бір унция үшін 5 063,34 долларды құрады.

Күмістің мамыр айындағы фьючерсі де өз құнын жоғалтып, 8,4%-ға арзандады. Осылайша, күмістің бір унциясы 81,373 долларға дейін арзандады.

Алтынның арзандауына не себеп

Алтын бағасы Таяу Шығыстағы қақтығыс әсерінен күрт өсіп, тіпті 5 500 – 5 600 долларға дейін көтерілген болатын.

Алайда АҚШ доллары бағамының күрт нығаюы бағалы металдар нарығына айтарлықтай қысым көрсетіп, инвесторлар арасында үлкен резонанс тудырған.

Доллар нығайған сайын...

АҚШ пен Эквадор қарулы күштері Эквадор аумағындағы есірткі террористік ұйымдарына қарсы бірлескен әскери операцияны бастады. Бұл туралы Пентагонның Оңтүстік қолбасшылығының баспасөз қызметі хабарлады.

«Біз ұзақ уақыт бойы бүкіл жарты шар азаматтарының арасында террор, зорлық-зомбылық пен жемқорлық таратып келген есірткі террористеріне қарсы тұру үшін бірлескен батыл әрекеттер жасап жатырмыз», – делінген ресми хабарламада.

Әскери операцияның өзге мәліметтері белгісіз.

ABC телеарнасының хабарлауынша, бұл – АҚШ әскерилерінің Оңтүстік Америкадағы есірткі картельдеріне қарсы жүргізген алғашқы жерүсті операциясы. Осы уақытқа дейін олар Тынық мұхитының шығыс бөлігі мен Кариб бассейніндегі контрабандалық қайықтарға тек әуеден соққы берумен шектеліп келген.

...

Халықаралық әйелдер күні қарсаңында Шымкентте көпбалалы аналарға бір реттік әлеуметтік төлем беріледі. Бір реттік төлемді 14 267 әйел алады деп хабарлайды қала әкімдігі.

Оларға 5 АЕК немесе 21 625 теңгеден төленбек. Қаражат жергілікті бюджеттен бөлінеді.

«Мерекелік төлем 2026 жылғы 8 наурыздағы жағдай бойынша Шымкентте тұрақты тіркеуі бар әйелдерге қарастырылған. Жалпы қала бойынша 14 267 анаға қаржылай қолдау көрсету жоспарланған», – дейді әкімдік өкілдері.

Материалдық көмек алатын аналар ішінде «Алтын алқа», «Күміс алқа» иегерлері, «Батыр ана» атағын алған, «Ана даңқы» орденімен марапатталған әйелдер де бар.

Тізім «Азаматтарға арналған үкімет» мемлекеттік корпорациясының деректері негізінде автоматты...

Қазақстанның Дубайдағы консулдығы қызметкерлері бір топ азаматты Оман арқылы елге алып келе жатыр. Сейсенбі, 2 наурыз күні таңертең дипломаттар мен ел азаматтары, барлығы 278 жолаушы Масқат қаласына автокөлікпен жолға шықты. Бұл туралы Сыртқы істер министрлігі хабарлайды.

СІМ мәліметінше, Оман астанасында Алматы-Масқат-Алматы бағыты бойынша екі рейс жоспарланған. Консулдық қызметкерлері Біріккен Араб Әмірліктері мен Оман шекарасынан азаматтарды жылдам өткізуге көмектеседі.

Кейін Масқат арқылы Алматы қаласына 189 қазақ азаматынан тұратын екінші топ ұшып шығады. Осылайша, СІМ дерегінше, Қазақстанның Дубайдағы 467 азаматы елге оралады.

Әуе рейстерінен бөлек құрлықпен де эвакуация ұйымдастырылып жатыр. Атап айтқанда, Қазақстанның Тегеран, Ашхабад және Горгандағы мекемелері Иран-Түрікменстан шекарасындағы...

Танымал әнші Жазира Байырбекова қазіргі уақытта Таяу Шығыс аймағынан Қазақстанға орала алмай отырғанын хабарлады. Әлеуметтік желіде тараған бейнежазбалар мен жанкүйерлердің алаңдаушылығына байланысты өнер иесі ресми түсініктеме берді.

Оманға өту және қазіргі жағдай

Әншінің айтуынша, олар қазіргі таңда қауіпсіз аймақ саналатын Оман мемлекетінің Маскат қаласына жеткен. Бұған дейін жарияланған стористері жақын жандардың сауалына жауап ретінде салынғанын, алайда оның БАҚ беттеріне тез тарап кеткенін атап өтті.

«Ешкімді уайымдату ниетіміз болған жоқ, тек жағдайымызды сұрап жатқандарға жауап ретінде салған 1 ғана сторис еді», дейді әнші.

Неліктен ұшаққа отыра алмады?

Елшілік өкілдерінің берген мәліметіне сүйенсек...

«Алтай» мен «Қайрат» арасындағы матчқа билеттер сатылымға шықты. Қазақстан Премьер-лигасының (ҚПЛ) 1-туры аясында өтетін «Алтай» және «Қайрат» клубтарының кездесуіне билеттер ресми түрде сатыла бастады.

Өскемендік ұжым өзінің алғашқы ойындарын Алматыда өткізеді.

7 наурыз күні сағат 6:00-де «Хан-Тәңірі» стадионында Алтай мен Қайрат арасындағы ойын өтеді. Билеттердің бағасы 1500 теңге. Жанкүйерлер билеттерді Tiketon сайтынан сатып ала алады.

Еске сала кетейік, «Алтай» былтырғы маусымда бірінші лигада көрсетіп, биыл жоғары лигаға шығып отыр. Ал «Қайрат» алдыңғы маусымда чемпион атанған еді.

Семейдегі балалар ойын-сауық орталығындағы өрт толығымен сөндірілді, деп хабарлады Төтенше жағдайлар министрлігі.

«ТЖМ күштерімен өрт толығымен сөндірілді», – делінген ведомствоның хабарламасында.

Білім министрлігінің Балалардың құқықтарын қорғау комитеті оқиғаның салдарынан зардап шеккен балалар жоқ екенін түсіндірді.

«Екі бала облыстық балалар ауруханасына жеткізілді. Тексеру нәтижелері бойынша олардың жағдайы тұрақты деп бағаланды, содан кейін олар үйге жіберілді. Қазіргі уақытта балалардың өмірі мен денсаулығына қауіп төніп тұрған жоқ», — деп хабарлады ведомстводан.

Оқиға орнында облыстың бала құқықтары жөніндегі өңірлік уәкілі жүр. Өрттің себептері мен мән-жайларын құзыретті органдар анықтайды.

Сондай-ақ, комитет БАҚ өкілдері мен...

«ГАЗель» көлігі Рудныйдағы үйдің ауласында екі жасар қызды қағып кетіп, қыз бала оқиға орнында қайтыс болған, деп хабарлайды өңірлік «Наша газета«.

Қайғылы оқиға 3 наурызда сағат 12.30 шамасында Октябрьдің 50 жылдығы көшесіндегі тұрғын үйдің ауласында болған.

Куәгерлердің айтуынша, «Газельдің» жүргізушісі артқа қарай жылжып, екі жасар қыз көліктің астында қалған. Жақын жерде тұрған бес жасар бала қашып үлгеріп, зардап шекпеген.

Көз алдында қайғылы оқиға болған қыз баланың анасы есінен танып ауруханаға жатқызылған.

Полиция өлім туралы ақпаратты растады.

«Қазіргі уақытта барлық қажетті тергеу әрекеттері жүргізілуде, болған оқиғаның мән-жайы мен себептері анықталуда», – деп хабарлады Қостанай...

Қазақстанның басым бөлігінде қар аралас жаңбыр жауады. Таразда және Жамбыл облысында дауылды жел 28 м/с. дейін болады. «Қазгидромет» 4 наурызға ауа райы болжамын ұсынды.

Семейдегі Bala Park сауда-ойын-сауық орталығында үлкен өрт болып, адамдар өздері эвакуация жасаған, деп хабарлады ТЖМ. Өрт сөндірушілер келген кезде ғимарат отқа оранған.

«Хабарлама түскен сәттен бастап алты минут ішінде күштер мен құралдар оқиға орнына жетті. Алғашқы бөлімшелер оқиға орнына жеткен сәтте ғимарат ашық жалынмен жанып жатты. Өрт өршіп, шатыр ішінара құлаған. Әкімшілік өкілдерінің айтуынша адамдар өздігінен эвакуацияланған», – деп хабарлады ТЖМ.

ТЖМ зардап шеккендер туралы ақпарат түспегенін айтты. Өрт ауыздықталып, қазір шоқтары сөндіріліп жатыр.

Куәгерлер Bala Park ойын-сауық орталығынан айқайлаған балалардың жүгіріп келе жатқанын видеоға түсірген. Бейресми ақпаратқа сәйкес, өрт кезінде ғимаратта жарылыс болған. Осыдан...