Жаңалықтар

23 сәуірде таңертең Байқоңырда Прогресс МС-34 жүк кемесін ұшыру алаңына шығару басталды. Союз-2.1а зымыран тасығышы кемені 26 сәуірде орбитаға алып шығады.

«Роскосмос» мәліметінше, Прогресс МС-34 жүк кемесі 2,5 мың кг жүкті Халықаралық ғарыш станциясына (ХҒК) жеткізеді. Оның ішінде отын, станциядағы экипаж мүшелеріне арналған азық-түлік, су, тазалық заттары, ХҒС ішкі атмосферасы үшін оттегі бар.

Федералдық мекеме жариялаған видеолардан зымыран тасығышқа тиелген кемені ангардан алып шығып жатқанын көруге болады.

Прогресс МС-34 жүк кемесі, 12 ақпанда Байқоңырдан ұшқан 700 тонналық Протон-М секілді, аса улы гептил отынын жағады. Ресей Қазақстаннан жалға алып отырған ғарыш айлағынан бұған дейін Прогресс...

Ақшымырау және Сайөтес ауылдарының аумағында жануарлар жаппай қырылды. Алайда қазіргі уақытта өлген жылқылардың нақты саны белгісіз. Арнайы комиссия жұмыс істеп жатыр, деп жазады «ҚазАқпарат«.

Сайөтес ауылының аумағында орналасқан «Тілеміс» шаруа қожалығының жетекшісі Жаңақа Ізтұрғановтың айтуынша, нөсер жаңбырдан кейін ол өзінің 17 жылқысының өлігін тапқан.

«Шығын болған құлындарды есептемегенде, менің 17 бас ірі малым (жылқы) қырылды», – дейді фермер.

Сонымен қатар Сайөтес ауылының тұрғыны Бекмаханбет Исталетовтің 30-дан астам жылқысы қырылып қалған. Қожалық иесі құзырлы органдар тарапынан көмек болмағанын және жоғалған малды өз күштерімен іздестіріп жатқанын атап өтті.

«Жағдай оңай емес. Ауа райының күрт нашарлауынан 30-дан...

Қызылорда облысында бюджет қаражатын жымқырғаны үшін сотталған ауылдық клубтың есепшісіне амнистия туралы заң дұрыс қолданылмаған, деп хабарлады Бас прокуратура.

Клуб директоры мен есепшісі қызметтік баптарын пайдалана отырып, 10 жылға жуық уақыт бойы жүйелі түрде ақша жымқырып келген. Олар мекеме қызметкерлеріне артық жалақы аударып, кейін оны түрлі сылтаулармен (мысалы, қате аударылғаны немесе шоттың бұғатталуы туралы) қайтарып алып отырған. Бұл ретте қызметкерлердің көбі басшылықтың бұл әрекеттері заңсыз екенін білмеген.

«Олар 36 млн теңге жымқырған, сол үшін сот оларды жеті жылға бас бостандығынан айырды. Сот есепшіге қатысты «Конституцияның 30 жылдығына байланысты амнистия туралы» заңды қолданып, жазаны үштен бір...

Солтүстік Қазақстан облысында кәріз сорғы станциясын жөндеу кезінде екі жұмысшы қаза тапты, деп хабарлайды HALYQSTAN Telegram-арнасы.

Қайғылы оқиға Айыртау ауданының Саумалкөл ауылында болған. Дереккөздің мәліметінше, мердігер ұйымның қызметкерлері станция ішінде жұмыс жүргізген.

Өңірлік полиция департаменті еңбекті қорғау ережелерін бұзу фактісі бойынша сотқа дейінгі тергеу басталғанын хабарлады.

Алдын ала ақпарат бойынша, жұмысшылар метан және күкіртсутегі газынан улануы мүмкін. Ер адамдардың тәжірибелі мамандар болғаны айтылуда. Олардың бірі биыл 48 жасқа, екіншісі 50 жасқа толар еді.

Бұған дейін Ақсу ферроқорытпа зауытында жазатайым оқиға болғанын жазған еді: металды ұсақтау жұмыстары кезінде ұсақтаушы қаза тапқанын жазған едік.

Ел аумағында найзағай мен қатты жел, елдің оңтүстігінде температура төмендеуі болжануда. «Қазгидромет» 23 сәуірге арналған ауа райы болжамын ұсынды.

Райымбек ауданының Нарынқол ауылында 23 сәуірде «Нарынқол-Антитеррор-2026» антитеррорлық оқу-жаттығулары өтеді, деп хабарлады облыстық терроризмге қарсы күрес жөніндегі жедел штабтан.

Штаб мәліметінше, іс-шараның мақсаты – құқық қорғау және арнайы органдардың күштері мен құралдарының террористік қауіптердің жолын кесуге дайындығын тексеру.

Оқу-жаттығу кезінде халық пен автокөлік қозғалысына уақытша шектеулер қойылуы мүмкін.

Тұрғындарды іс-шараларға түсіністікпен қарауға, қауіпсіздік шараларын сақтауға және мемлекеттік орган қызметкерлерінің заңды талаптарын орындауға шақырды.

Бұған дейін 17 сәуірде Алматыда «Сұңқар» халықаралық шаңғы трамплиндері кешені аумағында да жоспарлы антитеррорлық оқу-жаттығулар өткенін жазған едік.

Қонаевта 24 сәуір күні қаланың барлық мектебінде екінші ауысым оқушылары қашықтан оқыту форматына ауысады.

Бұл шешім ауызсудың уақытша өшірілуіне байланысты қабылданды.

«24 сәуірде ауызсудың өшірілуіне байланысты қаланың барлық мектебінде екінші ауысымдағы оқу онлайн-форматқа ауыстырылды», – деп хабарлады әкімдіктен.

Судың өшірілуі ауызсу резервуарларын тазалау және хлорлау жұмыстарын жүргізумен байланысты болып отыр.

Сонымен қатар бірқатар аудандарда, соның ішінде Қарлығаш, Әсем-Тас, РЭЧ, Жұлдыз және 8–10 ықшамаудандарда су беру...

Астанада өткен Халықаралық Аралды құтқару қоры (ХАҚҚ) құрылтайшы мемлекеттер басшылары саммиті нәтижелі аяқтады, деп хабарлайды Ақорда.

Жоғары деңгейдегі кездесу қорытындысы бойынша аймақтағы экологиялық және су ресурстарын басқару мәселелерін реттейтін бірқатар маңызды құжаттар қабылданды. Саммит аясында мемлекет басшылары төмендегідей шешімдерге қол қойды.

Қазақстанның төрағалығына оң баға берілді

«Халықаралық Аралды құтқару қорына Қазақстан Республикасының төрағалық ету барысы туралы» шешім қабылданды. Құжатта Қазақстанның төрағалық кезеңінде атқарылған жұмыстар қорытындыланып, қордың қызметін жандандыру бағытындағы қадамдар бекітілген.

Күнтізбеде жаңа атаулы күн пайда болды

Мемлекет басшыларының шешімімен 26 наурыз – Арал теңізінің, Әмудария мен Сырдария өзендерінің халықаралық күні болып жарияланды. Бұл бастама аймақтағы су мәселесіне әлемдік...

Солтүстік Қазақстан облысында сот жол-көлік оқиғасын жасаған жүргізушіге қатысты үкім шығарды. Бұл апатта үш адам қаза тауып, тағы екі адам зардап шеккен болатын.

Жол апаты өткен жылдың 1 қыркүйегінде болған. Сотталушы Chevrolet Monza автокөлігін басқарып, Челябинск – Новосибирск автожолымен Қызылжар ауданындағы Петерфельд ауылының маңында келе жатқан. Сот көрсеткендей, ол қозғалыс қауіпсіздігін қамтамасыз етпей, рульге ие бола алмай қалып, қарсы бағытқа шығып кеткен және Mazda CX5 автокөлігімен соқтығысқан.

Іс материалдарына сәйкес, соққыдан кейін Mazda CX5 тұрақтылығын жоғалтып, қарсы бағытқа шығып кеткен де, Lexus LX570 автокөлігімен соқтығысқан. Жол-көлік оқиғасы салдарынан Mazda CX5 жолаушылары оқиға орнында көз жұмды, ал жүргізушісі кейінірек медициналық мекемеде...

Қырғызстан парламенті бірінші оқылымда Құқық бұзушылық туралы кодекске абаттандыру ережелерін бұзу, қалдықтармен жұмыс істеу және су шаруашылығы құрылыстарының сақталуы үшін жауапкершілік тиімділігін арттыруға бағытталған түзетулерді қабылдады.

Құжатқа сәйкес, келесі бұзушылықтар үшін айыппұлдар мен ескертулерге балама ретінде құқық бұзушыларды қоғамдық жұмыстарға тартуды қарастыру ұсынылады. Атап айтар болсақ,

Ақтау гарнизоны әлеуметтік желілерде Маңғыстау облысының Құрық елді мекені маңында түсірілген әуесқой видеодағы «белгісіз нысан» туралы тараған ақпаратқа қатысты түсініктеме берді.

«Осы жылдың 21 сәуірінде Құрық кентінен оңтүстік бағытта орналасқан теңіз полигонының акваториясында Әскери-теңіз күштерінің кемелері шартты нысаналарға практикалық ату жаттығуларын орындау бойынша жоспарлы тапсырмаларды пысықтады. Қауіпсіздік талаптарына сәйкес, жаттығулар басталғанға дейін және аяқталғаннан кейін сигналдық ракеталар қолданылды. Видеода тіркелген құбылыстар жоспарлы оқу-жауынгерлік іс-шараларды өткізуге байланысты және халық үшін ешқандай қауіп төндірмейді», – деп хабарлады ведомстводағылар.

Азаматтарды сабыр сақтауға және тек ресми ақпарат көздеріне сүйенуге шақырды.

Ақтөбе облысында 65 жастағы зейнеткер Айман Есетова тарихи тұлғалардың бюсттерінен ерекше коллекция жинаған.

«Диапазон» басылымының хабарлауынша, ең ірі экспонат – Ленин – қонақтарды гүлдеп тұрған гортензиялардың ортасында, тікелей аулада қарсы алады. Ол мүсінді көрші ауылдағы құрылыс қоқысынан тауып алып, өзіне әкетуді ұйғарған. Айта кетейік, бүгін, 22 сәуір – әлемдік пролетариат көсемінің туған күні.

Есетова лақтырылған Ильичтің бюсті туралы әпкесінен білген. Ол бірден әрекет етіп, такси шақырып, тарихты «құтқаруға» аттанған.

Әйелдің айтуынша, тасымалдау оңайға соқпаған. Ауыр бюсті жеңіл көлікке бірнеше ер адам тиеген, ал жүк салғыштың қақпағы мүлдем жабылмаған. Көмектескендерге ол бір бөтелке арақ беріп есептескен. Жолдағы қиындықтарға қарамастан, ерекше «жолаушы» Есетова...

Алматы қаласында 85 024 көлік иесі салықты төлемеген. Нәтижесінде борышкерлердің берешегі 7 млрд теңгеге жеткен. Бұл туралы Алматы қаласының Мемлекеттік кірістер департаменті хабарлады.

Департамент қарыздың негізгі бөлігі қозғалтқыш көлемі 4 000 текше сантиметрден асатын автокөліктерге тиесілі екенін атап өтті.

Естеріңізге сала кетейік, мұндай көліктер үшін ең жоғары салық төленуі қажет. Көлік иелерінен қарызды өндіріп алу және бюджетке түсімдердің толықтығын қамтамасыз ету мақсатында мегаполисте «Борышкер» жедел-алдын алу іс-шарасы жүргізіліп жатыр.

Борышкерлерді анықтау үшін «Сергек» камералары қолданылады. Борышкердің көлігі тіркелгеннен кейін мәліметтер сот орындаушыларына жіберіледі. Содан кейін көлік қарызы толық өтелгенге дейін айыппұл тұрағына жіберілуі мүмкін.

Айта кетейік, ел тұрғындары...

Ресми Берлин 2026 жылғы 1 мамырдан бастап қазақ мұнайы «Достық» құбыры арқылы Германияға айдалмайтыны туралы ескерту алды. Бұл туралы 22 сәуірде неміс экономика министрлігі хабарлады.

Неміс үкіметі хабардар

Reuters мәліметінше, Германия экономика министрлігі әзірге осы ақпаратты Мәскеу арқылы растап үлгермеді. Дегенмен Кремльдің қазақ шикізатын Шведт қаласындағы мұнай өңдеу зауытына жеткізуді доғараты туралы алдын ала ескертуі «Роснефть Германия» компаниясы арқылы түскен.

«Қазір «Роснефть Германия» оның салдарын есептеп жатыр. Компания туындаған қиыншылықтарды еңсереді», – деп мәлімдеген неміс министрлігі.

Алайда Берлин қазақ мұнайы экспортының тоқтауы елдің энергетика қауіпсіздігіне айтарлықтай әсер етпейді деп есептейді. Немістер балама...

Павлодар облысы Ақсу қаласында аса қатыгездікпен өлтірілген әйел адамның мәйіті табылды. Күдіктілер әйелді зорлап, артынан денесін өртемек болған.

Әлеуметтік желіде тараған ақпаратқа сәйкес, әйелдің мәйіті Ақсу қаласындағы ферроқорытпа зауытынан үш шақырым жерден табылған.

Павлодар облысы полиция департаменті аталған фактіге қатысты түсініктеме берді.

«Әйелді өлтіру дерегі бойынша Ақсу қаласында қылмыстық іс қозғалды. Полиция күдіктіні ұстап, уақытша ұстау изоляторына қамады. Оқиғаның барлық мән-жайын анықтауға бағытталған қажетті тергеу шаралары жүргізіліп жатыр», –  деп хабарлады полиция.

Бұған дейін, 20 сәуірде Алматыда арықтан ер адамның мәйіті табылған. Алдын ала мәлімет бойынша, ер адам мас болып, жаңбыр кезінде арыққа құлап...

Қазақстанда ата-аналардың балалары алдындағы алимент бойынша берешегі 18 миллиард теңгеге жетті. Осыған орай мәжіліс қабырғасында төлемдерді кепілдендіретін мемлекеттік алимент қорын құру ұсынылды. Мұндай бастаманы депутат Магеррам Магеррамов көтерді.

Алимент қарызы ресми статистикадан да көп

Депутаттың мәліметінше, алимент бойынша жалпы берешек көлемі 18 млрд теңгеден әлдеқайда көп болуы мүмкін. Көп жағдайда төлемді тұрақсыз жасайтын немесе ең төменгі мөлшермен шектелетіндер статистикаға енбей қалады.

«Бұл 18 млрд мүлде төлемейтін немесе үш айдан астам уақыт төлем жасамағандардың қарызы. Ал егер айына бір рет, екі айда бір рет төлейтіндерді немесе ең төменгі соманы ғана аударатындарды есепке алсақ, берешек ек...

Енді Қазақстанда кез келген мәдени-бұқаралық шарада немесе теледидарлық түсірілімдерде әншілер фонограмма қолданатын болса, ол туралы көрерменге ашық айтылуға тиіс.

Мәдениет және ақпарат министрі 2026 жылғы 16 сәуірде әртістердің фонограммамен өнер көрсетуі туралы халықты хабардар етудің жаңа ережелерін бекітті. Жаңа талаптар 2 мамырдан бастап күшіне енеді.

Қандай өзгеріс болады?

Ұйымдастырушылар фонограмма қолданылатыны туралы ақпаратты билеттер сатыла бастағанға дейін 30 күн бұрын жариялауы керек. Бұл мәлімет көшедегі билбордтарда, билет сатылатын кассаларда және БАҚ-тағы жарнамаларда міндетті түрде көрсетілуі тиіс.

Егер концерт туралы хабарландыру радио немесе теледидардан берілсе, фонограмма туралы ескерту жазбаның басында немесе соңында кемінде 5 секунд естілуі (немесе көрінуі) керек.

Ескертудің дауысы негізгі жарнамадан бәсе...

«Жасыл даму» акционерлік қоғамының тәуелсіз директорларына төленетін сыйақы мөлшері ресми түрде бекітілді. Директорлар кеңесіне кіретін тәуелсіз сарапшылардың жылдық табысы ең төменгі жалақы (ЕТЖ) көрсеткішімен есептеледі.

Атап айтқанда, әр тәуелсіз директорға жылына 180 ең төменгі жалақы көлемінде тұрақты сыйақы беріледі. Егер 2026 жылға бекітілген 85 000 теңге мөлшерін негізге алсақ, бір адамға жылына 15,3 миллион теңге төленеді деген сөз.

Осы сома екі бөліктен тұрады: негізгі мүшелік үшін 12,2 миллион теңге (144 ЕТЖ) және арнайы комитеттердегі қызметі үшін 3 миллион теңгеден астам (36 ЕТЖ) үстеме қосылады.

Бұл шешімді компанияның жалғыз акционері қабылдаған және бұған дейінгі ескі ережелердің күшін...

Алматы қаласындағы Пушкин көшесінің бойында жөндеу жұмыстары аяқталып, тұрғындар үшін жаңа жаяу жүргіншілер аймағы ашылды деп жазады Kursiv Media.

Жаңа нысандардың ішінде ақын Александр Пушкиннің орындықта қалам ұстап отырған мүсіні бар.

Бұдан бөлек, кітаптар үстінде отырған, монокль таққан мысық мүсіні балалар мен ересектердің назарын бірден аударады. Ол ақынның «Руслан және Людмила» поэмасының кіріспесіндегі «Ғалым мысықты» еске түсіреді.

Қазіргі уақытта аллеяда соңғы өңдеу жұмыстары жүріп жатыр. Өзге мүсіндер мен орындықтарды бекітіп бітуге жақын. Алматы әкімдігі мәліметінше, бұл аумақ әлі де түрлене түспек.

1 мамырдан бастап қала бойынша субұрқақтар маусымы басталады, оның ішінде осы аллеядағы жаңа су нысандары да іске...

Қазақстан журналистері қауымы Қылмыстық кодекстің 274-бабы («Көрінеу жалған ақпарат тарату») БАҚ өкілдеріне қысым көрсетудің, қудалаудың құралына айналды деп есептейді. Олар заң ережесін қайта қарауды, оны қылмыстық құқық бұзушылық санатынан шығаруды сұрайды.

Журналистер мәселесін көтерді

Елге танымал бір топ журналист 22 сәуірде әріптестерін Алматыдағы баспасөз клубына шақырып, әсіресе кейінгі бір жылда сөз еркіндігіне тұсау салуға сеп болған солқылдақ заң ережесін талқылады. Лұқпан Ахмедьяров, Назира Дәрімбет, Марат Әсіпов, Қарлығаш Еженова және Ардақ Бөкеева «Көрінеу жалған ақпарат тарату» бабына тікелей қатысты түрлі кейстерді талқылап, заң ережесінің сөз еркіндігіне төндірген қаупін ашып айтты.

Көпшіліктің үнін өшіру

2025 жылы ақылы жолдардан Қазақстанға 87 млрд теңге түскен. «ҚазАвтоЖол» АҚ басшысы Дархан Иманашев Орталық коммуникациялар қызметінде өткен брифингте қаражаттың қайда жұмсалатынын айтып берді.

Айтуынша, ақылы учаскелерден жиналған қаражат тек сол жолдарды күтіп ұстауға жұмсалады. Қаражат бірінші кезекте жөндеу жұмыстары мен техника сатып алуға бағытталады. Соңғы екі жылда 1200-ден астам техника алынған.

Дегенмен, ақылы жол операторына тағы 1500 көлік қажет. Сонымен қатар, қаражат жол бойындағы сервис нысандарына да бөлінеді. Соңғы екі жылда компания 106-дан астам дәретхана орнатқан.

«Бүгінде екі жолақты жолдың бір шақырымын орташа жөндеуге шамамен 100 млн теңге кетеді. Ал төрт жолақты жолды жөндеу үшін...

7 мамыр күні Алматы қаласының Альпинизм федерациясы дәстүрлі жаппай альпиниада ұйымдастырады. Биылғы шара Қазақстан Республикасы Тәуелсіздігінің 35 жылдығына арналған және биіктігі 4120 метрді құрайтын Панфиловшылар шыңына бағытталған.

Биылғы маусымның басты жаңалығы – Almaty Alpine Series жобасының іске қосылуы. Бұл Солтүстік Тянь-Шаньның ең көрнекті шыңдарына бағытталған төрт ауқымды альпиниададан тұратын бірегей серия. 7 мамыр күнгі жорық осы серияның алғашқы белесі болмақ.

«Біздің мақсатымыз адамдарға таудың сұлулығын көрсету, оларды тауға қауіпсіз шығуға баулу және үйлеріне аман-есен оралуын қамтамасыз ету», – дейді Алматы альпинизм федерациясының президенті Артем Скопин.

Қатысу шарттары мен тіркеу

Альпиниадаға 14 жастан асқан 400-ге жуық қатысушы жіберілед...

Қазақстан азаматтары үшін шенген визасын рәсімдеу тәртібі жеңілдейді. Бұл туралы Қазақстан мен Еуропалық Одақ арасындағы келіссөздер жөніндегі Сыртқы істер министрінің орынбасары Әлібек Бақаев айтты.

Десе де, Қазақстан азаматтары үшін виза талабы күшінде қалады.

Әлібек Бақаевтың айтуынша, шенген визасын алу тәртібін жеңілдету екі кезеңнен тұрады.

«Бір нәрсеге назар аудару керек, Қазақстан азаматтары шенген елдеріне бару үшін визалық талаптардан босатылмайды. Әңгіме шенген визасын алу процесін жеңілдету туралы болып отыр. Бұл өте маңызды. Бірінші кезең – реадмиссия туралы келісім. Бұл екі құжат бірге қарастырылады. Еуропалық тарап бұл екі құжатқа бір мезетте қол қоюды жоспарлап отыр», – деді Әлібек Бақаев...

Бүгін Астанада Экологиялық саммит өтіп жатыр. Тоқаев Орталық Азия президенттерімен бірге RES 2026 EXPO жасыл және орнықты технологиялар халықаралық көрмесін аралап көрді.

Елордаға келген мәртебелі меймандарға Орталық Азия елдері мен Әзербайжанның павильондары таныстырылды. Ол жерде жасыл энергетика мен табиғи ресурстарды басқару салаларындағы ұлттық басымдықтарға назар салған.

Көрмедегі экспозициялар қоршаған ортаны қорғау саласында ынтымақтастық орнатуға, экологиялық мәселелерді шешудің жаңа тәсілдерін қарастыруға, Арал маңын қайта қалпына келтіруге үндейді.

Көрмеге әлемнің 30 елінен 240-тан астам қатысушы мен халықаралық серіктестер келген. 120-дан аса павильон бар, ол жерде даму саласындағы озық бастамалар таныстырылды. Сондай-ақ инновациялық жобалар мен жас кәсіпкерлерді қолдауға бағытталған «Жасыл» стартаптарды...