Жаңалықтар

2026 жылдың басынан бастап Enbek.kz Электрондық еңбек биржасында 102,7 мың бос жұмыс орны жарияланып, 162,4 мың түйіндеме орналастырылыпты.

Еңбек және халықты әлеуметтік қорғау министрлігінің мәліметінше, жұмыс іздеушілер саны бос орындар санынан асып түскен.  Бір жұмыс орнына орта есеппен 1,58 түйіндемеден келеді. Барлық жұмыс ұсыныстарының 80%-дан астамы білікті кадрларға бағытталып отыр.

Сұраныс қай салада көп?

Жұмысшы мамандықтар сұраныстың жартысына жуық – 48,9 мың (47,6%) бос жұмыс орны. Жұмыс берушілер тарапынан ең көп сұранысқа ие болғандар: мейіргерлер (1,9 мың бос жұмыс орны), санитарлар мен автомобиль жүргізушілері (әрқайсысы 1,8 мыңнан), сондай-ақ математика пәнінің мұғалімдері (1,7 мың).

Салалық бөліністе сұраныс барлы...

19 ақпанда таңертең Балқаш қаласында көп қабатты үйдің бір бөлігі опырыла құлады. Жергілікті әкімдік апаттан ешкім зардап шекпегенін хабарлады.

Апатты үй құлады

Төтенше оқиға бейсенбі күні таңертең сағат 08:10 шамасында болған. Апатты үй Балқаштағы Қараменді би көшесі бойында орналасқан.

Аудан әкімдігінің мәліметінше, тұрғын үйдің бір бүйірі опырылып түскен уақытта оның ішінде ешкім болмаған. Өйткені жергілікті билік оны бұған дейін апатты үй деп танып, бұзуға өткізген.

«Үйдің бесінші кіреберісінде ешкім тұрмаған. Апаттан ешкім зардап шекпеді», – деп хабарлады Балқаш ауданы әкімдігі.

Ғимарат қоршауға алынып, кіруге шектеу қойылды. Үй электр, жылу, су жүйелерінен ажыратылды.

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы кәсіпкерлерге үндеу жасады. 

Бас мүфти қасиетті Рамазан айында әлеуметтік маңызы бар азық-түлік тауарларының бағасына жеңілдік жасап, арзандатуға шақырды.

«Отандастарымды Қазақстан мұсылмандары діни басқармасының қасиетті айда ұйымдастыратын қайырымдылық іс-шараларына үлес қосуға шақырамын. Кәсіпкерлерді әлеуметтік маңызы бар азық-түліктердің бағасына жеңілдік жасауға үндеймін. Рамазан айына тура келген құдайы астарды ауызашар уақытында өткізіп, көбірек сауап алуға тырысайық«, – деп жазды Бас мүфти әлеуметтік желідегі парақшасында.

Сондай-ақ ол қоғамдық тамақтану орындарында ауызашар мәзірінің бағасы халыққа қолжетімді болуы керектігін атап өтті.

«Қоғамдық тамақтану орындарында...

Танымал блогер Айжан Байзақова қуанышты жаңалығын айтты. Әлеуметтік желідегі парақшасында қызды болғанын хабарлады.

«Қош келдің, қызым, біздің отбасымызға! Мен сені көптен армандадым. Әкеңді де құттықтаймын @arystan_nurbek. Босануымыз қалай өткенін бірнеше сағаттан кейін айтып беремін. Әзірге құттықтаулар қабылдаймыз. Біраз уақытқа жоғалып кеткенім рас, уайымдағандарыңызды білемін», – деп жазды Байзақова.

Желі қолданушылары жас ананы жарыса құттықтап, ізгі тілектерін жаудырды. Көпшілік Айжанға денсаулық, сәбиіне амандық тілеп жатыр.

Айта кетейік, блогер соңғы күндері әлеуметтік желіде белсенді болмаған еді. Енді белгілі болғандай, ол осы ерекше сәтке дайындалып жүрген.

Еске сала кетейік, бұған дейін Ақан Сатаев пен актриса Альмира Тұрсын қызды...

Бас прокуратура экономикалық қызмет саласында ауыр қылмыс жасаған Қазақстан азаматын Қырғызстаннан экстрадициялады.

Тергеу мәліметіне сәйкес, 2023 жылы күдікті мүліктік пайда табу мақсатында нақты жұмыстарды орындамай, жалған шот-фактуралар жазып беру схемасын ұйымдастырған.

Заңсыз әрекеттер салдарынан мемлекеттік бюджетке 350 млн теңгеге жуық салық төленбей, ірі көлемде залал келтірілген.

Қылмыс жасағаннан кейін күдікті қашып кеткен. Оған халықаралық іздеу жарияланған.

2025 жылдың наурыз айында ол Бішкек қаласында ұсталып, Қазақстан Бас прокуратурасының сұрауы негізінде елге экстрадицияланды.

«Қазіргі уақытта күдікті тергеу изоляторына қамалды», – делінген ақпаратта.

Мұның алдында Қазақстанның сұранысы бойынша халықаралық іздеуде жүрген Түркия азаматы Черногориядан экстрадицияланған...

Спортшы Сабина Алтынбекова өзінің отбасылық статусы туралы жазған БАҚ-ты сотқа бермекші. Ол Orda.kz сайтына жария шағым тастады.

Мәселенің мән-жайы

16 ақпанда Orda.kz сайтында Әзербайжандағы спорт жиыны туралы жаңалық шықты. Оның мазмұнына сүйенсек, Бакуде ҰОК басшысы Геннадий Головкин мен Сабина Алтынбекова бір шарада кездескен. Материал «Головкин бір күнге Бакуге барды. Сол жерде ажырасқан Сабина Алтынбекова да болды» деген тақырыппен шықты.

Көпшілік тақырыпты да, оны жазған журналистерді де сынға алды.

Сабина Алтынбекованың реакциясы

Алтынбекованың жазуынша, басылымда волейболшы туралы 15-ке жуық материал шыққан. Материалдардың көпшілігі «ажырасқан Сабина Алтынбекова» деген тақырыппен жазылған. Спортшы оның барлығын ауыстыруды талап етті.

Алматы облысының Қарасай ауданында иттер бір әйелге шабуыл жасап, талап өлтіре жаздады.

Zakon.kz хабарлауынша, зардап шеккен әйел ауруханада жатыр.

Оқиға туралы ақпарат әлеуметтік желілер арқылы белгілі болды. Жазба авторының айтуынша, иттердің иесі бар, қаңғыбас иттер емес. Тұрғындардың сөзінше, ол үйінде 37 ит ұстайды екен.

Өңірлік Полиция департаментінің баспасөз қызметі 52 жастағы әйелге иттердің шабуыл жасау фактісі бойынша қылмыстық іс тіркелгенін нақтылады.

«Қазіргі уақытта сотқа дейінгі тергеу амалдары жүргізілуде», – деп хабарлады Алматы облысы ПД баспасөз қызметі.

Сондай-ақ оқиға орнында полиция қызметкерлері мен жергілікті атқарушы орган өкілдері жұмыс істеп жатқаны белгілі болды.

Мұның алдында...

Бұрын ішкі істер министрінің орынбасары болған, қазір сенатор Марат Қожаев мектепке балта алып кірген баланың оқиғасынан кейін білім ордаларында қауіпсіздікті күшейту мәселесі жөнінде ойын айтты.

Сенатордан журналистер жоғарғы палата кулуарында осы мәселе жөнінде пікірін сұраған. Депутат балалар мектепке кез келген нәрсені алып кіруі мүмкін екенін жоққа шығармады.

«Балаларды бастан-аяқ ешкім тінтімейді. Меніңше, олай тінтудің өзі дұрыс емес. Егер балаларды бала кезінен бастап күш құрылымдарының әдісіне сай тінтіп қарап, қалтасын қарасақ – ол болмайды. Оның бәрі тәрбиеге байланысты. Сол себепті мектепке балта алып кірген оқиғадан кейін белгілі бір қорытынды жасалуы мүмкін. Балтаны мектепке алып кіру де оңай...

Халықаралық әйелдер күні мерекесіне орай қосымша вагондар қосылады. Бұл туралы «Жолаушылар тасымалы» АҚ хабарлайды.

«Жолаушылар тасымалы» АҚ 8 наурыз Халықаралық әйелдер күні қарсаңында солтүстік, оңтүстік және батыс өңірлерде, сондай-ақ, қала маңы бағыттарында қосымша тіркемелі вагондар тағайындайды», – деп жазылған хабарламада.

Жалпы 122 вагон қосылады, олар 6 мыңға жуық жолаушыны тасымалдайды. Қосымша вагондар Астанадан Алматы, Шымкент, Ақтөбе, Өскемен және өзге де қалаларға қатынайтын сұранысы жоғары бағыттарға енгізіледі.

Билеттерді комиссиясыз bilet.railways.kz ресми сайтынан және «Жолаушылар тасымалы» АҚ кассаларынан сатып алуға болады. Қосымша ақпаратты 1433 байланыс орталығына хабарласып ала аласыз.

Жалпы Наурыз мейрамы қарсаңында қосымша үш пойыз...

Apple корпорациясы мен Google-дың Gemini жобасы музыка әуесқойлары үшін жағымды жаңалық жариялады. Енді Apple құрылғыларын пайдаланушылар жасанды интеллектінің көмегімен өз бетінше ән жазып, кәсіби деңгейдегі трек жасай алады.

Музыка әлемінде жаңа дәуір басталды

Google (Alphabet Inc.) компания мен Apple Inc. жасанды интеллект көмегімен музыка жазатын функцияны іске қосып жатыр. Енді Gemini мәтін, сурет немесе видео көмегімен 30 секундтық музыкалық трек дайындай алады.

Аудио дайындайтын құрал ұсыну арқылы Google компаниясының нарықтағы беделі арта түсетін болды. Өйткені ол қазір OpenAI-дың ChatGPT жасанды интеллектісімен бәсекелесіп жатыр.

Көмекші құралдар

iOS жүйесі (iOS 26.4 және одан жоғары) Apple Music қолданбасына Playlist Playground секілд...

Банк қосымшалары арқылы арнайы шот ашқан өзін-өзі жұмыспен қамтыған азаматтар әлеуметтік төлемдерін төлей алмай отыр. Ал төлем ай сайын 25-іне дейін жасалу керек. Сол себепті көпшілік төлем кешігіп кетсе, өсімпұл салына ма деп алаңдаулы. Krisha.kz сарапшылары мұндай жағдайда не істеу керектігін түсіндірді.

Айта кетейік биыл 1 қаңтардан бастап Қазақстанда өзін-өзі жұмыспен қамтығандарға арналған жаңа режим күшіне енді. Бұл режим, әсіресе, пәтерін жалға беретін азаматтарға қатысты.

2026 жылдан бастап тұрғын үйді жалға беру тәртібіндегі өзгерістерге сәйкес, өзін-өзі жұмыспен қамтығандар табыс салығын төлемейді. Оның орнына тек әлеуметтік төлемдер қарастырылған – табыстың 4%-ы:

Марк Цукерберг Лос-Анджелес сотына шақырылды. Онда Meta және YouTube компанияларына қатысты іс қаралуда.

Euronews ақпаратына қарағанда, олар қолданбаларға пайдаланушыларды әлеуметтік желілерге тәуелді ететін арнайы функциялар енгізді деген күдікке ілінген.

Тәуелділік суицидке әкеле ме

Meta корпорациясының бас директоры Марк Цукерберг сәрсенбі күні Калифорнияда әлеуметтік сервистердің жастардың психикалық денсаулығына әсері жөніндегі сот процесінде куәлік береді.

Талап қоюшы 20 жастағы әйел әлеуметтік желілердің тәуелділік тудыратын функциялары оған орны толмас зиян келтіріп, мазасыздық пен суицидтік ойларға себеп болды деп шағымданған. Сот залында алқабилерден бөлек, отбасыларының айтуынша цифрлық тәуелділік салдарынан өз-өзіне қол жұмсаған балалар мен жасөспірімдердің ата-аналары да қатысады.

Жәбірленушілер мұны «цифрлық казино»

Астанадағы Республикалық бас мешітте Рамазан айының алғашқы тарауық намазы оқылды. Оған Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы қатысып, көпшілікке уағызын айтты.

«Алла қаласа Рамазанның алғашқы күнінің оразасын тұтамыз. Алла Тағала қасиетті Құранның «Бақара» сүресі, 185-аятында: «Рамазан айы сондай бір ай, ол айда адам баласына тура жол және (ақ пен қараны) айыратын дәлел түрінде Құран түсірілді. Сендерден кім рамазан айында болса, ораза ұстасын», – деп айтқан. Осы аят қасиетті Рамазанда Құран түскеніне және де Рамазан айында ораза тұту парыз екеніне дәлел», – деген Бас мүфти көпшілікке Рамазан айының мән-маңызын түсіндірді.

Қазақ шорт-трекшісі Абзал Әжіғалиевтің әйелі Дильназ Әжіғалиева Милан-Кортинадағы қысқы Олимпиада-2026 кезінде күйеуінің ширек финалдағы өкінішті сәтінен кейін мәлімдеме жасады.

Threads әлеуметтік желідегі жазбасында спортшының жетістігінен гөрі адамдық құндылықтарға, денсаулығы мен отбасылық қолдауға басымдық берді.

«Сіздер шорт-трекшілерден медаль күттіңіздер. Ал мен жолдасымның аман-есен елге оралуын тіледім. Әрине, медаль деген жақсы ғой. Бірақ жат елде жанын салып, үнсіз ауыр сөздерді көтеріп, төрт Олимпиаданың жүгін арқалап жүрген адамның амандығы мен үшін бәрінен маңызды. Мен Алладан ең бірінші медаль емес, күйеуімнің саулығын тіледім. Сен бүгін алтын алмасаң да, сенің бұл спортқа, елге сіңірген еңбегің алтыннан да қымбат. Ел...

18 ақпанда Жамбыл атындағы Қазақ мемлекеттік академиялық филармониясының үлкен залында «Әуенге айналған сезім» атты бірегей әрі инновациялық концерт өтті.

Бұл кеш отандық мәдениеттегі маңызды оқиғаға айналды. Өйткені Мемлекеттік классикалық гитаристер квинтеті алғаш рет жасанды интеллектімен (ЖИ) бірлесіп өнер көрсетті.

Көркемдік жетекшісі – Бауыржан Жылқыбаев басқарған квинтеттің құрамында Ақбар Қиарыстан (гитара), Ұланбек Ахметов (бас гитара), Асан Нарбота (гитара), Ертай Мамырхан (фортепиано), Хасан Мацаев (кахон) және қонақ ретінде Ермек Меденов (саксофон) өнер көрсетті.

Кештің басты ерекшелігі бірқатар шығармалардың өңдеулері мен аранжировкалары жасанды интеллектің көмегімен жасалғаны және ЖИ-дің цифрлық дауысы жекелеген бөлімдерде солист ретінде қолданылғаны. «Жасанды интеллект және цифрландыру» жылы аясында ұйымдастырылған бұл...

Президент Тоқаев жұмыс сапарымен АҚШ-қа барды. Ол Бейбітшілік кеңесінің алғашқы отырысына қатысып, Америкадағы ресми тұлғалармен кездесу өткізбекші деп хабарлайды Ақордадан.

Тоқаев АҚШ-тағы сапарын сол жақта білім алып жүрген қазақстандықтармен кездесуден бастады. Оларға наурызда өтетін жаңа Конституциясы жобасы бойынша өтетін жалпыхалықтық референдум жайлы айтып, оның тарихи маңызы зор екенін атап өтті.

Ал білімгерлер мен жас зерттеушілер ғылым және білім саласына жан-жақты қолдау көрсеткені үшін мемлекет басшысына алғыс айтты.

Тоқаев қатысуы керек Бейбітшілік кеңесі – Трамптың Газадағы жағдайды реттеу үшін құрған ұйым. Оның Жарғысына Қазақстан, Өзбекстан, Венгрия және Армения тәрізді 18 ел қатысты.

Президент Қасым-Жомарт Тоқаев қазақстандықтарды қасиетті Рамазан айының басталуымен құттықтады. Бұл туралы Ақорда хабарлады.

Президент өз құттықтауында Рамазан айының күллі мұсылман қауымы үшін айрықша рухани мәнге ие екенін атап өтті. Оның айтуынша, бұл ай адамзатты рухани тазаруға, сабыр мен төзімге, жанашырлық пен қамқорлыққа үндейді.

«Ораза азаматтарды шыдамдылық пен төзімділікке шақырып, халқымыздың бойына қарапайымдылық, жауапкершілік және адалдық сынды асыл қасиеттерді сіңіреді», – делінген құттықтауда.

Мемлекет басшысы қазіргі жаһандық ахуал күрделі кезеңнен өтіп жатқанын атап өтіп, Рамазан айының рухани құндылықтарын кемел санамен қабылдап, оның терең мағынасын түсіну – үлкен имандылықтың белгісі екенін айтты.

Президент Қазақстанның тарихи жаңғыру кезеңіне...

Алматы қаласында жалпы 70 зират бар. Ішінде тек тоғызы ашық тұр, қалғанына мәйіт жерлеуге рұқсат берілмейді.

Қаланың сәулет және қала құрылысы басқармасы берген ақпаратқа сәйкес, қаладағы зираттар 764 гектар жерді алып жатыр (бұған толып кеткен зираттар да кіреді).

KursivMedia қалада жабылған зират орнына не салынуы мүмкін екенін біліп көрді.

Ашық тұрған зираттар

Қалада Әуезов, Бостандық, Наурызбай аудандарында ашық тұрған зират жоқ. Бәрі жабылған. Қаладағы ашық әрі ең көп мәйіт жерленген зират Алатау ауданында орналасқан – 600 мың адам. Қазір бұл ауданда үш мазарат ашық. Бос тұрған жердің жалпы аумағы – 46,6 гектар.

Ал Медеу ауданында үш, Жетісу...

Милан қаласында өтіп жатқан XXV қысқы Олимпиада ойындарында шорт-тректен ерлер арасындағы 500 метр қашықтықта жартылай финалдық бәсекелер аяқталды.

Қазақстандық танымал спортшы Денис Никиша жартылай финалдың екінші тобында өнер көрсетті. Өте тартысты өткен сында отандасымыз мәре сызығын төртінші болып қиды.

Осыдан кейін отандасымыз жұбаныш финалында өнер көрсетті. Денис Никиша енді В финалында бақ сынады. Онда спортшылар жалпы есептегі 6-10 орындар аралығындағы позицияларды сарапқа салынған додада отандасымыз 7-орынға табан тіреді.

Тағы бір отандасымыз Абзал Әжіғалиев ширек финалда өз тобынан шыға алмады. Ол өз тобында екінші орында келе жатқан. Бірақ соңғы айналымда италиялық қарсыласымен соқтығысып, жартылай финалға өтпеді.

Әзірге Қазақстан құрамасының қоржынында жалқы алтын бар. Оны мәнерлеп сырғанаушы Михаил Шайдоров жеңіп...

Гвардия гарнизонының әскери бөлімдерінің бірінде сарбазды ұрып-соққаннан кейін, бірден төрт басшы жұмыстан кетті. Сонымен қатар бірқатар офицерлер мен сержанттар жазаланды.

Қорғаныс министрлігінің хабарлауынша, оқиға фактісі бойынша қылмыстық іс қозғалып, тергеу басталды.

«Әскери бөлім командирінің орынбасары – штаб бастығына, батальон командирінің орынбасарына және оның тәрбие жұмысы жөніндегі орынбасарына қызметтік әрекетке сәйкес емес деп ескерту жарияланды. Бірқатар офицерлер мен сержанттарға қатаң тәртіптік жазалар қолданылды. Қабылданған шаралар атқарып отырған лауазымына қарамастан, дербес және бұлтартпас жауапкершілік қағидатын көрсетеді», – деді ҚР Қорғаныс министрлігінің ресми өкілі Әйгерім Ағылтаева.

Ведомство тергеу қорытындысы бойынша әскери бөлімде ТЖ-ға қатысты түпкілікті қорытындылар күтілетінін атап...

Қазақстанның басым бөлігінде тұман болады, оңтүстікте қатты жел соғып, шығыста қар жауады. «Қазгидромет» 19 ақпанға ауа райы болжамын ұсынды.

Милан төрінде танымал американдық рэпер Snoop Dogg-пен қазақстандық мәнерлеп сырғанаушы, 2026 жылғы Олимпиада чемпионы Михаил Шайдоров кездесті.

Кездесудің видеосы әлеуметтік желіде пайда болды. Видеода Snoop Dogg пен Шайдоров амандасып, қол алысады. Фото және видеоға түседі. Және біраз тілдесіп, би билейді. Кездесу Милан соборының алдында болған.

Шайдоров ерлер арасында мәнерлеп сырғанаудан Италиядағы Қысқы Олимпиада ойындарының алтын ұтып алды. Бұл жеңіс қысқы Олимпиада ойындары тарихындағы Қазақстанның екінші алтын медалі және...

Айтыскер ақындар 75 жасқа толған «Қазақстанның халық жазушысы» атағының иегері, ақын Жүрсін Ерманға Toyota Camry 80 көлігін сыйлады. Бұл ақпаратты желіде айтыскер ақын Аспанбек Шұғатай бөлісті.

Айтыскер ақынның парақшасындағы ақпаратқа сүйенсек, көлікті Жүрсін Ерманға Аспанбек Шұғатаймен қатар, мәжіліс депутаты, ақын Ринат Зайытов табыстаған.

Бүгін Алматыда Жүрсін Ерманның 75 жылдық мерейтойы аталып өтілу де. Осы шараға байланысты ақынға «Қазақстанның халық жазушысы» атағы берілді. Республика сарайында ұйымдастырылған «Ұлытаудан Алатауға» атты концертте президент Қасым-Жомарт Тоқаевтың құттықтау хатымен бірге марапатты Алматы әкімі Дархан Сатыбалды табыстады.

Концерттен кейін ақынның отбасы мен шәкірттері үлкен той ұйымдастырып, мереке одан әрі жалғасты.

Көкшетау қаласының «Оқжетпес» футбол клубы жекеменшік қол өтеді. Команданы Ақмола облысының агроөнеркәсіп өкілдері құрған қоғамдық қор қолдайтын болады. Бұл туралы журналист Михаил Козачков Telegram-арнасында жазды.

Журналистің жазуынша, Ақмола облысының ауыл шаруашылығы кәсіпорындары «Оқжетпес» клубын бірлесе қолдауға шешім қабылдады. Осы мақсатта арнайы қоғамдық қор құрылып, оған Қазақстанның Еңбек ері Иван Сауэр жетекшілік етеді. Жобаның басталуына Ақмола облысының әкімі Марат Ахметжанов ресми түрде жол ашқан.

Осылайша «Оқжетпес» Қазақстан Премьер-лигасында бюджеттік қаржыландыруы қысқаратын жетінші клуб болды.

Айта кетейік, президент Қасым-Жомарт Тоқаев ірі бизнес өкілдерін қазақстандық футболды дамытуға үлес қосуға шақырған болатын. Бұл бастаманы бірқатар кәсіпкерлер қолдап, жаңа маусым алдында алты клуб жеке компаниялармен әріптестік орнатты. Қазірдің өзінде...