Жаңалықтар

Бәсекелестікті қорғау және дамыту агенттігінің араласуынан кейін «Медеу» биік таулы мұз айдыны маңындағы автотұрақтың тарифі өзгерді. 1 қыркүйектен бастап алғашқы 15 минут тегін болады, ал көлікті тәулігіне қою құны 4500 теңгеден аспайды, деп хабарлайды Kursiv.Media.

Қазақстанның Бәсекелестікті қорғау және дамыту агенттігінің Алматы қаласы бойынша департаменті «Chimbulak Development» ЖШС-ға монополиялық жағдайды теріс пайдалану белгілерінің болуы туралы хабарлама жолдады.

Агенттік жүргізген тексеру барысында компанияның «Медеу» маңындағы ақылы автотұрақта көліктің тұрақта тұру уақытына қарамастан сағатына 500 теңге бірыңғай тариф белгілегені анықталған. Сонымен қатар жүргізушілер үшін кепілдендірілген тегін тұрақ уақыты қарастырылмаған.

Бұған дейін осы тариф бойынша көлігін 12 сағатқа қойған азаматтар...

2026 жылдың алғашқы жеті айында мұнай компаниялары мемлекет қазынасына 4,3 трлн теңге салық аударған.

Бұл мемлекеттік бюджетке, республикалық бюджетке және Ұлттық қорға түскен барлық салық түсімдерінің 26%-ына тең.

Мұнай секторындағы салық төлемдерінің 80%-ын үш ірі жоба — ТШО, ҚПО және НКОК қамтамасыз еткен:

Energy monitor мәліметінше, жеті айда Қазақстанда былтырғы сәйкес кезеңмен салыстырғанда 4,2 млн тоннаға аз мұнай өндірілген. Бұған Теңіздегі проблемалар, КҚК жұмысына қатысты қиындықтар және Қарашығанақтың шикі газын Орынбор газ өңдеу зауытында қабылдауға байланысты шектеулер әсер еткен.

Соған қарамастан, мұнай бағасының жоғары болуы салық түсімдерінің айтарлықтай қысқаруына жол бермеген.

ҚР Орталық сайлау комиссиясы жариялаған алдын ала нәтиже Құрылтайдағы күштер арақатынасын түбегейлі өзгертуі мүмкін. Саясаттанушы Ғазиз Әбішовтің есебінше, 145 мандаттың 110-ы «Әділетке» тиіп, қалған төрт партия бар болғаны 35 орынды бөлісуі ықтимал.

Партиялар жинаған дауыс саны:

«Әділет» – 6 528 948;
«Ауыл» – 574 621;
Respublica – 509 631;
«Ақ жол» – 478 083;
ЖСДП – 469 058;
ҚХП – 285 395;
«Байтақ» – 97 751.

Саясаттанушы Ғазиз Әбішов «Сайлау туралы» Конституциялық заңның 97-1-бабына сүйене отырып, партияларға тиесілі мандат санын есептеген.

Заң бойынша алдымен 5 пайыздық межеден өткен партияларға берілген барлық дауыс саны Құрылтайдағы мандат санына бөлінеді.

5 пайыздық межеден өткен партиялардың жалпы...

Елде азаматтарға зейнетақы жинағын басқарудың жаңа мүмкіндіктерін ұсыну жоспарланып отыр. Бұл бастама Қаржы нарығын реттеу және дамыту агенттігі әзірлеген «Сақтандыру нарығын дамытудың 2030 жылға дейінгі бағдарламасы» жобасына енгізілген.

Қазір азаматтарға өмір бойы немесе белгілі бір мерзім ішінде төлем алуға мүмкіндік беретін шұғыл, кейінге қалдырылған және бірлескен (ерлі-зайыптыларға арналған) зейнетақы аннуитеттері қолжетімді.

2026 жылдың басындағы жағдай бойынша Қазақстанда 164 294 зейнетақы аннуитеті шарты жасалған. Олардың жалпы сақтандыру сыйлықақысы 1,17 трлн теңгеге жетті. 2021 жылмен салыстырғанда шарттар саны 2,5 есеге, ал сақтандыру сыйлықақыларының көлемі шамамен 3,5 есеге артқан.

Оның ішінде 429,4 млрд теңге сомасына 53 826 кейінге...

Haval H9 жаңа жол талғамайтын нұсқамен толықты. Қытайда сатылымға шыққан Power Soul Edition кәдімгі H9-дан арнайы офроуд жабдықтарымен ерекшеленеді. Жаңа нұсқаның бағасы 214,9 мың юаньнан басталады.

Haval H9-дың жол талғамайтын мүмкіндігі күшейді

Power Soul Edition нұсқасының басты ерекшелігі – жол талғамайтын жерлерге арналған жабдықтарының кеңейтілуі. Автокөлік TOD толық жетекті жүйесімен, Mlock механикалық блокировкасымен және алдыңғы әрі артқы ось дифференциалдарын бұғаттау жүйесімен жабдықталған.

Мәлімделген клиренсі 226 мм, көтерілу бұрышы – 32 градус, түсу бұрышы – 26 градус. Автокөлік 800 мм тереңдіктегі су бөгетінен өте алады. Сонымен қатар зауыттан шыққан нұсқаға шноркель орнатылып, салмағы 2,5 тоннаға дейінгі тіркемені сүйреу...

Қасым-Жомарт Тоқаев алғашқы бір палаталы Құрылтай сайлауының өтуіне байланысты құттықтау жолдаған бес елдің басшыларына ризашылығын білдірді, деп хабарлайды Kursiv.Media.

Ақорда мәліметінше, мемлекет басшысы Ресей Президенті Владимир Путинге, Қырғызстан Президенті Садыр Жапаровқа, Әзербайжан Президенті Ильхам Әлиевке, Өзбекстан Президенті Шавкат Мирзиёевке және Тәжікстан Президенті Эмомали Рахмонға алғыс айтты.

Сондай-ақ президент Құрылтай сайлауы ел азаматтарының ынтымағын көрсеткенін атап өтті. Оның айтуынша, халық, әсіресе өскелең ұрпақтың болашағы үшін жауапкершілік танытып, отаншылдықтың үлгісін көрсетті.

Тоқаевтың пікірінше, Қазақстанның саяси және экономикалық жаңғыруы үздіксіз үдеріске айналған. Құрылтай сайлауының қорытындысы ел азаматтарының басым бөлігі Қазақстанның даму бағытын қолдайтынын көрсеткен.

Президент бұл қолдау...

Қазақстанның Халық партиясының бұрынғы төрағасы Ермұхамет Ертісбаев саясаттан кететінін мәлімдеді.

Ол енді халықаралық сараптамаға, тарих пен саясаттануға және ағартушылық қызметке көңіл бөлмек.

Ол бұл туралы әлеуметтік желідегі видеоүндеуінде айтты.

 «Бүгін мен өзімнің жеке шешімім туралы айтқым келеді. Мен белсенді саясаттан кетемін. Саяси өмірбаянымдағы бұл кезең аяқталды деп есептеймін», – деді ол.

Ол қазақстандық социализм идеясы күткендей қолдау таппағанын мойындады. Сондай-ақ партия бұл идеяны қоғамға жеткілікті деңгейде түсіндіре алмаған болуы мүмкін екенін немесе қоғамның әзірге мұндай күн тәртібін қабылдауға дайын еместігін айтты.

ОСК-ның алдын ала мәліметі бойынша, ҚХП сайлаушылардың 3,11 пайыз дауысын жинап, бес пайыздық межеден...

Олжас Бектеновтің үкіметі жұмысын доғарып, жаңа үкімет тағайындалады. Әдетте, парламент сайлауынан кейін жеңген партия портфель бөліседі.

Exit-poll нәтижесі бойынша 70,7% пайыз алған билік партиясы – «Әділеттің» жеңісіне шүбә жоқ. Сондықтан үкіметтің отставкасы мен қайта тағайындалуы қағаз жүзінде ғана іске асуы ғажап емес. Күні кеше Арменияда отставкаға кеткен үкіметтің тізгінін ұстағандар бірнеше сағаттан кейін қайта бұрынғы орын-тағына түгел жайғасты.

Сондықтан жаңа үкімет ескі құраммен іске кіріссе, таңырқау орынсыз. Десе де, қазіргі премьер-министр Олжас Бектеновтің үміткерлігіне қатысты қоғамда сауал туындап отыр.    

Kursіv. Media бұл жөнінде бірнеше қазақстандық саясаттанушылардың пікірін білді.  

«Экономиканы жақсы...

Алматыда Көкжиек ықшам ауданындағы құрылыс нысанында болған қайғылы оқиғаға қатысты қалалық полиция пікір білдірді.

16 тамызда кешке Алматыдағы Көкжиек ықшам ауданындағы құрылыс нысаны аумағында оқыс оқиға болған. 42 жастағы Бақытжан Нақыпбековтің сақтандыру белдігі үзіліп, ауруханада жан тәсілім еткен еді. Марқұмның артында кәмелет жасқа толмаған бес баласы қалды. Істің толық мән-жайын Kursiv Media мына жерде жазды.

Қалалық полиция осы іске қатысты қылмыстық іс қозғалғанын хабарлады.

«Аталмыш дерек бойынша 16 тамызда Жетісу аудандық полиция басқармасы Қылмыстық Кодекстің 272-бабы бойынша қылмыстық іс қозғады. Қазіргі таңда қылмыстық іс жүргізу кодексімен көзделген барлық процессуалдық әрекеттер жүргізілуде. Міндетті түрде кінәлі азаматтар...

Қазақстанда міндетті автосақтандыру бағасы жүргізушінің тәжірибесі мен көліктің ерекшеліктеріне қарай өзгеруі мүмкін. Тиісті өзгерістер Қаржы нарығын реттеу және дамыту агенттігі әзірлеген «2030 жылға дейін сақтандыру нарығын дамыту бағдарламасының» жобасында қарастырылған.

Жаңа тәсілге сәйкес, сақтандыру компаниялары бірыңғай тарифпен шектелмей, әр жүргізуші мен көліктің жеке ерекшеліктерін ескере алады. Яғни полис құны сақтандыру жағдайының орын алу ықтималдығына көбірек байланысты болады.

Сақтандыру компанияларына сыйақы мөлшерін өздерінің скоринг жүйесі арқылы есептеуге рұқсат беру жоспарланып отыр. Тәуекелді бағалау кезінде Бірыңғай сақтандыру деректер базасы мен мемлекеттік ақпараттық жүйелердегі мәліметтер пайдаланылуы мүмкін.

Полис құнын есептеу кезінде мына деректер ескерілуі ықтимал:

Қазақстанның сақтандыру саласы азаматтардың жеке өмірі мен күнделікті тұрмысына тікелей әсер ететін ауқымды өзгерістер алдында тұр. Азаматтардың баспанасын табиғи апаттан қорғау, елге келетін туристерді сақтандырумен қамтамасыз ету, тіпті көлік айдау стиліне қарай автосақтандыру бағасын белгілеу – мұның бәрі Қаржы нарығын реттеу және дамыту агенттігі әзірлеген 2030 жылға дейінгі даму бағдарламасында жазылған.

Жер сілкінісінен сақтандыру енгізілмек

Реформаның алғашқы кезеңінде елдегі жеке үй мен пәтерлерді үш түрлі табиғи апат: жер сілкінісі, су тасқыны және табиғи орман өртінен міндетті түрде сақтандыру ұсынылып отыр.

Үйі қатты зақымданған немесе толықтай қираған тұрғындар арнайы сақтандыру төлемін алады.

Қасым-Жомарт Тоқаев Украина халқын Тәуелсіздіктің 35 жылдығымен құттықтады, деп хабарлайды Kursiv.Media Ақордаға сілтеме жасап.

Айтулы мерекеге орай жолданған жеделхатта Зеленскийді ұлттық мерекесімен құттықтап, украин халқына бейбітшілік пен құт-береке тіледі.

Бұған дейін, Қасым-Жомарт Тоқаев Ақордада халықаралық пән олимпиадаларында жеңіске жеткен және жүлделі орындарға ие болған оқушылармен және студенттермен кездесіп, құттықтады.

Азаматтардың жеке деректері мен банк шоттарындағы қаражатын жымқыру үшін жалған SMS-хабарламаларды жаппай таратқан қылмыстық топтың әрекетін әшкереледі. Бұл туралы Қаржылық мониторинг агенттігі хабарлады.

Тергеу мәліметінше, биыл қаңтарда Оңтүстік-Шығыс Азия елдерінің бірінің азаматы Қазақстанда заңсыз әрекет жасау үшін жергілікті тұрғынды ақшаға жалдаған. Кейін қылмыстық схемаға Астанада арнайы жабдықтың жұмысын қамтамасыз еткен басқа адамдар қосылған.

Күдіктілер SMS-бластер деп аталатын құрылғыны пайдаланған. Ол ұялы байланыс станциясы сияқты жұмыс істеп, операторлардың қорғаныс жүйесін айналып өтуге және SMS-хабарламаларды жаппай жіберуге мүмкіндік береді. Осы құрылғы арқылы төрт күн ішінде Beeline, Kcell және Activ абоненттеріне белгілі компаниялардың атынан бонустарды айырбастау туралы ұсыныс жазылған шамамен 150 мың фишингтік...

Қырғызстанда 1-6 қыркүйек аралығында өтетін VI Дүниежүзілік көшпенділер ойындарының билет бағалары ресми түрде жарияланды, деп хабарлайды Kursiv.Media.

Сайыстар мен мәдени шараларға билет 500-ден 4 000 сомға дейін (шамамен 2 600 – 21 000 теңге) белгіленген, сонымен бірге тегін өтетін бағдарламалар да бар.

Билет бағалары мен шаралар кестесі

Кырчын шатқалындағы мәдени және спорттық шараларды, сондай-ақ Құрманжан Датка атындағы Көшпелі цивилизация орталығын көрермендер тегін тамашалай алады.

Шыңғыс Айтматов атындағы «Рух Ордо» орталығында, «Дордой Номад» амфитеатрында және Чолпон-Ата қаласының ипподромында өтетін мәдени шаралардың билет бағасы – 500 сом.

Чолпон-Ата ипподромының жанындағы жаңа Кіші аренада өтетін финалдық ойындардың билет...

Қазақстанда Құрылтай сайлауы күні 600-ден аса сәби дүниеге келді, деп хабарлайды Kursiv.media.

Денсаулық сақтау министрлігі баспасөз қызметінің мәліметінше, 23 тамызда 318 ұл мен 339 қыз бала өмір есігін ашқан.

«Нәрестелердің ең көбі Алматыда – 60, Түркістан облысында – 54, Шымкентте – 51 сәби тіркелді. Ел бойынша бір егіздер дүниеге келді», – делінген министрлік хабарламасында.

Ведомство мәліметінше, акушерлік ұйымдардың мамандары тәулік бойы, демалыс және мереке күндері де жүкті әйелдер мен аналарға медициналық көмек көрсетеді. Олар ана мен сәбидің қауіпсіздігін қамтамасыз етеді.

«657 қазақстандық отбасы үшін бұл күн ел...

Президент Қасым-Жомарт Тоқаев бірнеше лауазымды тұлғаны атқарып отырған қызметіне қайта тағайындады.

Тимур Мұратұлы Сүлейменов Қазақстан Республикасы Ұлттық Банкінің төрағасы лауазымын сақтап қалса, Ермек Алдабергенұлы Сағымбаев Қазақстан Республикасы Ұлттық қауіпсіздік комитетінің төрағасы лауазымына қайта тағайындалды.

Дмитрий Михайлович Малахов Қазақстан Республикасы Жоғары Сот Кеңесінің төрағасы лауазымын, Артур Ермекұлы Ластаев Қазақстан Республикасындағы Адам құқықтары жөніндегі уәкіл лауазымын ары қарай да атқара береді.

Айта кететін жайт, Қасым-Жомарт Тоқаев вице-президент лауазымына кім келетіні келесі аптада немесе он күн ішінде белгілі болатынын айқан еді.

Қазақстандықтардың күнделікті төлем әдеті түбегейлі өзгерді. Бұрын әмиянға салып жүретін пластик карта мен қағаз ақшаның орнын енді смартфондағы QR-код басты.

Ұлттық банктің 2026 жылдың алғашқы жартыжылдығына жасаған шолуы осыны айқын дәлелдейді.

Жыл басынан бері ел тұрғындары 92,1 трлн теңгеге 7,1 миллиард рет қолма-қол ақшасыз төлем жасаған.

Бұл көрсеткіш өткен жылмен салыстырғанда айтарлықтай өсті. Ал банкоматтан ақша шешіп алатындардың қатары, керісінше, 5,8 пайызға азайды.

Енді елдегі барлық қолма-қол ақшасыз төлемдердің 90 пайызы интернет, мобильді қосымшалар мен QR арқылы өтеді. Тұрғындар күн сайын орта есеппен 509 млрд теңгенің 39 миллионнан астам транзакциясын орындайды.

Бүгінде елдегі ең басты...

Ғылым және жоғары білім министрлігі магистратураға білім беру гранттарын беру конкурсының қорытындысын жариялады, деп хабарлайды Kursiv.Media. Үміткерлер өз нәтижелерін ресми ресурстар арқылы тексере алады.

Магистратура бойынша білім беру гранттарын тағайындау конкурсына ғылыми-педагогикалық бағыт бойынша 75 балдан, бейіндік бағыт бойынша 30 балдан жоғары жинаған оқуға түсушілер қатысты. Жалпы конкурсқа 23 мыңға жуы...

1 қыркүйектен бастап шетелде жүрген қазақстандықтарға паспорт рәсімдеу тәртібі өзгереді. Кейбір елдердегі Қазақстанның дипломатиялық өкілдіктерінде құжатты 40 жұмыс күні ішінде алуға болса, енді бірінде күту мерзімі 90 күнтізбелік күнге дейін созылады.

Жаңа ережелер 2026 жылғы 1 қыркүйектен бастап күшіне енеді. Аталған өзгерістер Сыртқы істер министрінің 17 тамыздағы бұйрығымен енгізілді.

Шетелде паспортты кімдер рәсімдей алады

Шетелде уақытша жүрген барлық азамат елшілік немесе консулдық арқылы төлқұжат рәсімдей алмайды. Жаңа ережеде мұндай қызметті ала алатын 11 санат көрсетілген.

Оларға:

Президент Қасым-Жомарт Тоқаев Ақордада халықаралық пән олимпиадаларында жеңіске жеткен және жүлделі орындарға ие болған оқушылармен және студенттермен кездесті.

Салтанатты шараға 21 лауреат, сондай-ақ олардың ұстаздары мен тәлімгерлері қатысты. Олимпиада жеңімпаздарының алтауы алтын, 11-і күміс, төртеуі қола медаль иеленген. Тоқаев биыл қазақстандық оқушылар 44 халықаралық олимпиада мен ғылыми сайысқа қатысып, мыңнан астам медаль жеңіп алғанын айтты. Оның ішінде 200-ден астамы – алтын медаль.

Президент әсіресе халықаралық физика олимпиадасындағы нәтижені атап өтті. Қазақстаннан жарысқа қатысқан бес оқушының барлығы алтын медаль алған. Тоқаев мұны бұрын-соңды болмаған көрсеткіш деп бағалады.

«Жалпы, біз барлық бағыттар бойынша осындай үздік нәтижеге ұмтылуымыз керек...

Мәнерлеп сырғанаудан Олимпиада чемпионы Қазақстан құрамасының көшбасшысы Михаил Шайдоров әлемнің ең үздік үш фигурисінің қатарына кірді. Бұл туралы Қазақстан мәнерлеп сырғанау федерациясының баспасөз қызметі хабарлады.

Халықаралық конькишілер одағы (ISU) жаңа маусым қарсаңында спортшылардың әлемдік рейтингін жаңартқан. Федерация мәліметінше, Шайдоров 3918 ұпай жинап, кестеде 3-орынға көтерілді.

Әлемнің үздік 3 фигуристі:

Айта кетейік, әйелдер арасындағы әлемдік рейтингте қазақстандық Софья Самоделкина үздік 15 спортшының қатарына еніп, 13-орынға жайғасты.

Олимпиада чемпионы биыл жазда Америкаға көшкен еді. Ол  2030 жылғы Олимпиадаға бапкері Алексей Урмановпен...

«Астана – Қарағанды – Алматы» автожолының учаскесінде қозғалысқа уақытша шектеу енгізіледі.

«ҚазАвтоЖол» Алматы облыстық филиалы республикалық маңызы бар KAZ-01 «Астана – Қарағанды – Алматы» автомобиль жолының 1194-1209 (27-42) шақырым аралығында орташа жөндеу жұмыстары жүргізілетінін хабарлайды.

«Жөндеу жұмыстарына байланысты 2026 жылғы 24 тамыздан 10 қыркүйекке дейін күн сайын сағат 22:00-ден 05:00-ге дейін аталған учаскеде, яғни Жібек жолы – Қаскелең аралығында, көлік қозғалысы уақытша шектеледі», – делінген хабарламада.

Компанияның мәліметінше, жол жөндеу жұмыстарын қауіпсіз әрі сапалы жүргізуді қамтамасыз ету мақсатында көлік қозғалысы айналма жол арқылы ұйымдастырылады. «ҚазАвтоЖол» жүргізушілерден қозғалыс бағытын алдын ала жоспарлап, жол белгілері мен...

16 тамызда кешке Алматы қаласы Көкжиек ықшам ауданындағы құрылыс нысаны аумағында оқыс оқиға болды. Кешқұрым Бақытжан Нақыпбековтің сақтандыру белдігі үзіліп, өндірістегі ауыр жарақат салдарынан ауруханада жан тапсырды. Марқұмның артында кәмелет жасқа толмаған бес баласы қалды. Құрылыс нысаны Forbes тізіміндегі миллионерге тиесілі.

Құрылыс басындағы қаза

47 жастағы Бақытжанның құрылыс басында биіктен құлағаны туралы суыт хабарды Нақыпбековтер отбасы жексенбінің кешінде естіді. Күйеуінің қалін білмек болған Гүлзада Баратбаева бес баласын туыстарына тапсыра сала №4 қалалық клиникалық ауруханаға қарай ұшты.

Әріптестерінің айтуынша, Kokjiek City тұрғын үй кешенінің құрылысын жүргізген Бақытжан үшінші қабаттан жертөленің бетондалған еденіне құлаған. Оның сақтандыру белдігі үзіліп кеткен.

Нақыпбеков ауруханаға...

Астана қаласында өтіп жатқан «Hi-Tech» жедел-профилактикалық іс-шарасы барысында интернет кеңістігінде жасалған алаяқтық дерегі әшкереленді.  

Polisia.kz хабарлауынша, 28 жастағы азамат әлеуметтік желілер мен мессенджерлер арқылы өзін сенімді делдал ретінде таныстырған.

«Азаматтарға Түркияға виза рәсімдеуге көмектесетінін айтып, қызметін ұсынғаны анықталды. Ол жәбірленушінің сеніміне кіріп, құжаттарды дайындау және виза рәсімдеу шығындарын сылтауратып, алдын ала ақша алған. Алайда күдікті уәде еткен қызметін орындамаған», – делінген ақпаратта.

Полиция мәліметінше, ақшаны алғаннан кейін түрлі сылтаулар айтып уақыт созып, кейін байланысқа шығуды мүлдем тоқтатқан. Нәтижесінде жәбірленушіге 600 мың теңге көлемінде материалдық шығын келтірілген. Жедел-іздестіру іс-шараларының нәтижесінде күдіктінің жеке...