Жаңалықтар

Энергетика министрі Ерлан Ақкенженов Ресейдің мамыр айында «Достық» құбыры арқылы қазақ мұнайын Германияға тасымалдауды доғарғалы жатқаны туралы сауалға жауап берді.

«Осындай мәліметті ресми емес дереккөздерден алдым. Әзірге Ресей жағынан ресми мәлімдеме болған жоқ. Бірақ ресми емес дереккөздер арқылы ақпарат рас екенін біліп отырмыз«, – дейді Ақкенженов.

Естеріңізге сала кетейік, Кремльдің қазақ мұнайын «Достық» құбыры арқылы Германияға тасымалдауды 2026 жылғы 1 мамырдан бастап тоқтатқалы жатқаны мәлім болды. Оны Reuters агенттігі үш түрлі дереккөз мәліметіне сүйене отырып хабарлады.

Ақкенженовтің айтуынша, көрші елдің мұндай шешім қабылдауына құбырдағы техникалық ақаулар себеп болған.

«Ресей...

«Қайтарылған активтерді басқару компаниясы» Қайрат Сатыбалдыдан қайтқан Kaisar Plaza бизнес-орталығын неге нарықтық құнынан қымбатқа сатқалы отырғанын ашып айтпады. Kursiv.Media-ға берген жауабында аукционға шығарылатын дүние-мүлік құны ішкі қағидаларға сай белгіленетіні атап өтілген.

«Kaisar Plaza» бизнес-орталығы – «Қайтарылған активтерді басқару
компаниясы» ЖШС-нің меншігіндегі актив. Осыған байланысты оны сату және бастапқы бағасын белгілеу компанияның ішкі қағидаларына сәйкес жүзеге асырылады»,- делінген жауапта.

Сонымен қатар KUVA аукционға қатысушыларға тең жағдай жасап, саудаға шығарылған нысанға қандай компаниялар қызығушылық танытып отырғанын жарияламайды.

«Сауда-саттыққа қатысушыларға тең жағдай жасау қағидатына сәйкес,
әлеуетті сатып алушылар туралы, сондай-ақ нақты тұлғалар немесе
компаниялар тарапынан...

Бүгін, 22 сәуірде, Бразилияның Фос-ду-Игуасу қаласында өтіп жатқан World Boxing Cup (Әлем кубогі) турнирінің алғашқы кезеңі аясында Қазақстан құрамасының бірнеше боксшысы шаршы алаңға шығады.

Бұл жарыс – жаңадан құрылған World Boxing федерациясының 2026 жылғы маусымдағы ең ірі додаларының бірі. Турнирге әлемнің 50-ден астам елінен 400-ге жуық былғары қолғап шебері қатысуда.

Күндізгі сессия (Басталуы: 19:00)

Күндізгі сессияда Қазақстан намысын екі тәжірибелі боксшы қорғайды. Оның бірі 54 кг салмақтағы Назым Қызайбай Виктория Рогалинскамен (Польша) жұдырықтасады.

Екінші боксшы 70 кг салмақтағы – Фарух Тоқтасынов. Фарухты әлем чемпионы, жапониялық Оказавамен қиын жекпе-жек күтіп тұр.

Кешкі сессия (Басталуы: 01:00)

Түнгі уақытта жанкүйерлер төрт бірдей...

Мәжіліс депутаты Дәулет Тұрлыхановтың немере інісі Рахат Тұрлыхановқа қатысты қылмыстық іс тоқтатылды. Оның жұбайы шағымын қайтарып алып, тергеу амалдарына әрі қарай қатысудан бас тартқан.

Алматы қаласы полиция департаментінің өкілі Салтанат Әзірбек бұл дерек бойынша Алматы қаласы Медеу аудандық полиция басқармасының қылмыстық іс қозғананын еске салды.

Сотқа дейінгі тергеп-тексеру барысында оқиғаның мән-жайы анықталып, қажетті материалдар жинақталды. Қолданыстағы заңнама талаптарына сәйкес барлық тиісті процессуалдық әрекеттер жүргізілді.

Сонымен қатар, арызданушы өз талап-шағымдарынан бас тартып, істі қарауға одан әрі қатысудан бас тартуына байланысты қылмыстық іс заңды негізде тоқтатылды, деді ол.

Полицияның айтуынш, отбасылық-тұрмыстық сипаттағы әрбір жанжал...

Елге шетелден жұмыртқа кіргізуге болмайды. Ауыл шаруашылығы министрі 2026 жылғы 17 сәуірде «Қазақстан Республикасының аумағына жаңа піскен тауық жұмыртқасын әкелуге тыйым салуды енгізу туралы» бұйрыққа қол қойды.

«Қазақстан Республикасының аумағына үшінші елдерден және Еуразиялық экономикалық одақ елдерінен көліктің барлық түрімен жаңа піскен тауық жұмыртқасын әкелуге алты ай мерзімге тыйым салынсын», – деп жазылған құжатта.

Транзиттік тасымал, сондай-ақ ЕАЭО-ға мүше бір мемлекеттің аумағынан екінші мүше мемлекетке Қазақстан арқылы өтетін жүктер бұл тыйымға жатпайды.

Министрліктің түсіндіруінше, бұл шараның мақсаты – отандық тауар өндірушілерді қолдау.

13 сәуірде ведомство сиыр етінің бағасын реттеу үшін шетелге жарты жылға бұқа шығаруға тыйым...

Өзбекстанда Bes Qala Mining Valley майнингке арналған арнайы аймақ пайда болады. Ол Қарақалпақстан Республикасының аумағын қамтиды. 17 сәуірде ел президенті тиісті қаулыға қол қойды.

Арнайы аймақтың қызметін ұйымдастыру үшін Bes Qala Mining Valley дирекциясы құрылып, резиденттерді есепке алумен айналысады. Майнерлерге рұқсат қағаздарын Перспективалы жобалар ұлттық агенттігі (ПЖҰА) беретін болады.

«Майнинг аймағын құру Қарақалпақстанның инвестициялық тартымдылығын арттыруға, жаңа жұмыс орындарын ашуға және «жасыл» энергетиканы дамытуға бағытталған», деп жазылған агенттік баспасөз хабарламасында.

Bes Qala Mining Valley аясында майнерлерге ортақ энергия жүйесіне қосылуға рұқсат етіледі. Сондай-ақ, олар жаңартылатын энергия көздерінің барлық түрлерін және сутегі электр станцияларын пайдалана алады.

Басты артықшылықты...

Дональд Трамп Вашингтон мен Тегеран арасындағы уақытша бітім режимін ұзарту туралы шешім қабылдады. Бұл қадам Таяу Шығыстағы шиеленістің кезекті толқынына аз уақыт қалғанда жасалып отыр. Алайда дипломатиялық «тыныштыққа» қарамастан, әскери дайындық бәсеңдеген жоқ.

Дипломатиялық шарт

Трамптың мәлімдеуінше, атысты тоқтату режимі Тегеран өкілдері бейбіт реттеуге қатысты өз ұсыныстарын ресми түрде ұсынғанша және келіссөздер толық аяқталғанша күшінде болады.

Бұған дейін Вашингтон жариялаған екі апталық бітім мерзімі Астана уақытымен бейсенбінің таңында аяқталуға тиіс еді. Соңғы сәтте қабылданған бұл шешім тараптарға диалогты жалғастыруға мүмкіндік беріп отыр. Дегенмен Ақ үй басшысы АҚШ Қарулы күштеріне блокаданы жалғастыруды және кез келген уақытта «белсенді іс-қимылға дайын болуды...

Павлодарда Ертіс өзені арқылы салынып жатқан көпірдің конструкциялары тағы да өртенді. Бұл жолы да өрт сөндірушілер жалынды ауыздықтай алды.

Павлодар облысы Төтенше жағдайлар департаментінің мәліметінше, өрт туралы хабарлама «101» пультіне түскен. Оқиға орнына келген құтқарушылар салынып жатқан көпірдің 4-ші тірегіндегі жылытқыш пен ағаш қалыптардың өртеніп жатқанын анықтаған. Өрт ошағы шамамен 30 метр биіктікте болған.

«Күрделі жағдайларға қарамастан, өрт сөндірушілер жалынды жедел бақылауға алып, 160 шаршы метр аумақтағы өртті қысқа мерзімде сөндірді», – деп хабарлады ТЖД.

Ведомство өкілдері оттың көпір конструкцияларына таралуына жол берілмегенін нақтылады. Өрттің шығу себептері анықталуда.

Еске салайық, 31 қаңтар кешке Павлодар облысында...

Көкшетауда сот Қопа көлінің жағалауын салу кезінде 170 млн теңгеден астам қаражат жымқыру ісі бойынша үкім шығарды, деп хабарлайды Ақмола облысы прокуратурасының баспасөз қызметі.

Үш фигурантқа 5 жыл 8 айдан 9 жылға дейінгі аралықта нақты бас бостандығынан айыру жазасы тағайындалды. Сотталғандардың арасында Көкшетау әкімдігі ТҮКШ бөлімінің бұрынғы басшысы, «М-Строй проект» ЖШС техникалық қадағалау өкілі және «ПавлодарЭнергоМонтаж» ЖШС мердігер компаниясының басшысы бар.

Тергеу анықтағандай, олар 2020 жылы жағалау құрылысы кезінде бюджет қаражатын жымқырып, кейіннен оны заңдастырған.

Сот оларды аса ірі мөлшердегі алаяқтық, лауазымдық өкілеттіктерді асыра пайдалану және қылмыстық жолмен алынған қаражатты заңдастыру баптары бойынша кінәлі деп таныды. Үкім әзірге заңды...

Ақмола облысында төрт адамның өмірін қиған жол-көлік оқиғасы үшін ер адам бес жылға бас бостандығынан айырылды, деп хабарлады соттың баспасөз қызметі.

Қайғылы оқиға 2025 жылдың тамыз айында Астана-Петропавл автожолында болған. Жүргізуші қауіпсіздік белдіктерін тақпаған жолаушыларды қалааралық тасымалдаумен айналысқан, сондай-ақ, оның міндетті сақтандыру шарты болмаған.

«Ер адам белгіленген 80 км/сағ шектеуден асып, көлікті 100 км/сағ жоғары жылдамдықпен басқарған және ұялы телефонға алаңдаған. Нәтижесінде ол апаттық жағдай туғызып, басып озу үшін қарсы қозғалыс жолағына шығып кеткен және басқа көлікпен соқтығысуға жол берген», – делінген хабарламада.

Жол апатынан қарсы бағыттағы көліктің жүргізушісі мен оның үш жолаушысы қаза...

Астана мен 10 өңірде дауылды алдын ала ескерту жарияланды. Елдің көп бөлігінде жаңбыр, найзағай, кей жерлерде бұршақ жауып, жел күшейеді деп күтілуде. «Қазгидромет» 22 сәуірге ауа райы болжамын ұсынды.

Астана қаласының қылмыстық істер жөніндегі ауданаралық соты медицина қызметкеріне қатысты зорлық-зомбылық көрсеткен И. есімді азаматқа қатысты үкім шығарды.

Істің мән-жайы

Іс материалдарына сәйкес, сотталушы Қылмыстық кодексінің 380-3-бабының 3-бөлігі (Медицина қызметкеріне зорлық қолдану) бойынша кінәлі деп танылды. Оқиға елордадағы сауда үйлерінің бірінің автотұрағында орын алған.

Сотта анықталғандай, мас күйде болған И. шақыртумен келген жедел жәрдем бригадасының жұмысына көңілі толмай, наразылық білдірген. Жанжал барысында ол фельдшерге күш қолданып, физикалық ауырсыну келтірген. Бұл әрекетімен ол медицина қызметкерінің қауіпсіз жұмыс істеуге заңмен кепілдік берілген құқығы мен жеке басына қол сұғылмаушылық қағидасын өрескел бұзды.

Сот талқылауы кезінде сотталушы өз кінәсін толық мойындап...

Көлік саласындағы инклюзивті саясат тұжырымдамасының іске асырылу барысы туралы Көлік министрі Нұрлан Сауранбаев Үкімет отырысында баяндады. Оның айтуынша, шаралар үш бағыт бойынша жүзеге асырылуда: инфрақұрылым, көлік және қызметтер.

Теміржол көлігінде құрамдардың шамамен 90%-ы көтергіштермен және бейімделген купелермен жабдықталған.

«2030 жылға қарай әрбір жолаушылар құрамында кемінде бір мамандандырылған вагон болады», – деп атап өтті Нұрлан Сауранбаев.

Вокзалдарды реконструкциялау аясында кедергісіз орта элементтері – пандустар, лифтілер мен көтергіш құрылғылар енгізілуде, касса аймақтары мен санитарлық бөлмелер жаңартылуда.

Авиация саласында ерекше қажеттіліктері бар жолаушыларға қызмет көрсету үшін базалық жағдайлармен қамтамасыз етілген әуежайлардың қолжетімділігі артып келеді.

Автокөлік саласында...

Астанада Қасым-Жомарт Тоқаев Өңірлік экологиялық саммитке және Халықаралық Аралды құтқару қоры құрылтайшы мемлекеттері кеңесінің отырысына қатысу үшін келген Тәжікстан президенті Эмомали Рахмонмен келіссөздер өткізді.

Стратегиялық серіктестіктің жаңа белесі

Президенттер қазақ-тәжік қарым-қатынасының қазіргі жай-күйі мен даму перспективаларын егжей-тегжейлі талқылады. Тараптар екі ел арасындағы стратегиялық серіктестік пен одақтастық деңгейін жаңа сапалы деңгейге көтеруге уағдаласты.

Ынтымақтастықтың басым бағыттары

Әңгімелесу барысында президенттер өзара іс-қимылдың түйінді мәселелеріне тоқталды:

«Тараптар бұған дейін жоғары деңгейде қол жеткізілген уағдаластықтарды толық және сапалы іске...

Астанада бұрынғы қызын жүйелі түрде аңдып, сан мәрте телефон соғып, мазасыз хабарламалар жіберген және өміріне қауіп төндіріп, қоқан-лоқы көрсеткен ер адам сотталды, деп хабарлады прокуратураның баспасөз қызметі.

Іс материалдарына сәйкес, жарты жыл бойы – 2025 жылдың қыркүйегінен 2026 жылдың ақпанына дейін – сотталған азамат жәбірленушіге 150-ден астам рет қоңырау шалып, оған балағат сөздер жазылған хабарламалар жіберген. Сондай-ақ, оның сұлулық салонындағы жұмыс орнына бірнеше рет барған.

Қыздың жұмыс орнында ол жанжал шығарып, мүлікті бүлдірген және жәбірленуші мен оның отбасы мүшелеріне қоқан-лоқы көрсеткен. Осы жағдайлардан кейін оның бұрынғы сүйіктісі үнемі қорқынышта өмір сүре бастаған.

Сот кінәлі адамға 100 сағаттық қоғамдық жұмыс...

Қазақстан Президенті Қасым-Жомарт Тоқаев «Қазақстан Республикасы мен Перу Республикасы арасындағы ұстап беру туралы шартты ратификациялау туралы» Заңға қол қойды, деп хабарлайды Ақорданың баспасөз қызметі.

Құжат екі елдің экстрадициялау саласындағы ынтымақтастығын бекітеді. Енді Қазақстан мен Перу қылмыстық қудалау немесе үкімдерді орындау үшін іздеуде жүрген адамдарды бір-біріне бере алады.

Заңның мәтіні баспа басылымдарында жарияланады.

Бұған дейін қазақстандық қылмыскерлерді Кипр, Перу, Мысыр және Вьетнамнан қайтаруға болатыны белгілі еді. Қазақстанмен құқықтық көмек туралы халықаралық келісімдері бар елдерді электронды карта жасалған сайттан көруге болады.

Айта кетейік, осыған дейін Интерпол арналары арқылы іздеуде жүрген қазақстандық блогер Қайсар Қамза Вьетнамда ұсталғанын жазған едік.

Қазақстан Сыртқы істер министрлігі Біріккен Араб Әмірліктерінде ұсталған Қазақстан азаматы Ернұр Алмаханға қатысты жағдай бойынша түсініктеме берді, деп жазады «ҚазАқпарат«.

Ведомствоның ақпаратынша, 2026 жылғы 18 наурызда Дубайдың бірінші сатыдағы соты оны бірқатар ауыр қылмыстар бойынша кінәлі деп танып, айыппұл сала отырып, өмір бойына бас бостандығынан айыруға үкім кескен. СІМ сотталған азаматтың апелляциялық шағым түсіргенін, соған байланысты үкім әлі заңды күшіне енбегенін нақтылады.

«Қазақстан елшілігі БАӘ-нің құзыретті органдарына ресми сауал жолдады және қазіргі уақытта жауап күтуде. Қазақстанның Дубайдағы Бас консулдығы азаматқа қажетті консулдық-құқықтық көмек көрсетуді жалғастыруда. Жағдай сыртқы саяси ведомствоның ерекше бақылауында», – деп жауап берд...

Әлеуметтік желілерде Маңғыстауда қоқысқа толған жайлауда түйенің жүрген видеосы пайда болды. Табиғи ресурстар басқармасы пластик пакеттер мен бөтелкелерді қатты тұрмыстық қалдықтар (ҚТҚ) полигонынан «жел ұшырып әкелгенін» мәлімдеп, аумақты қысқа мерзімде ретке келтіруге уәде берді.

Мәселенің мәні

Оқиға Мұнайлы ауданының Баянды ауылында, қатты тұрмыстық қалдықтар полигонына жақын жерде болған. Табиғи ресурстар және табиғат пайдалануды реттеу басқармасы 2026 жылғы 20 сәуірде полигон маңында өрт шыққанын хабарлады. Оны сөндіру жұмыстары мен қатты желдің салдарынан қалдықтардың бір бөлігі нысан аумағынан тыс жерлерге шашырап кеткен.

«Бұл жағдай уақытша сипатта екенін және полигонды күтіп ұстау бойынша бақылаудың немесе жүйелі жұмыстың жоқтығымен...

Елдегі мұнай базалары бақылау есептегіш құралдарымен жабдықталады. Соның аясында мұнай өнімдерін мұнай базасынан бастап жанармай бекетіне дейінгі жеткізілу жолы қадағалауға ашық болады. Бұл туралы Энергетика вице-министрі Ілияс Бақытжан айтты.

«Бүгінгі таңда «Oil Track» жүйесінде 325 мұнай базасы тіркелген, оның 146-сы бақылау құралдарымен жабдықталған. Олар деректерді онлайн режимде Қаржы министрлігіне қарасты Ақпараттық-есептеу орталығына тұрақты түрде жіберіп отыр.

Сонымен қатар, барлық мұнай өңдеу зауыттары, соның ішінде шағын мұнай өңдеу зауыттары да бақылау құралдарымен толық қамтылған. Мұнай базаларын толық жабдықтау арқылы мұнай өнімдерінің мұнай базасынан жанармай бекетіне дейінгі қозғалысын бастан-аяқ ашық бақылауға болады», –  деді спикер.

Қасым-Жомарт Тоқаев Моңғолия Президенті Ухнаагийн Хурэлсухты «Алтын Қыран» орденімен марапаттады.

Мемлекет басшысы тарихи сапар аясында марапаттау рәсімін өткізу қазақ тарапы үшін зор мәртебе екенін атап өтті. Сондай-ақ моңғол басшысына білікті, ірі саясаткер деген баға берді.

«Біз Сізді өз халқын алға бастап келе жатқан парасатты, білікті, ірі саясаткер деп білеміз, сыйлаймыз. Моңғолияны көркейту жолындағы қажырлы еңбегіңізді жоғары бағалаймыз. Салиқалы саясатыңыздың арқасында еліңіз өсіп-өркендеп келеді. Өзіңіздің бастамаңызбен түрлі салада тың жобалар жүзеге асырылып жатыр. Моңғолияның экономикасы дамып, халқыңыздың әл-ауқаты жақсарды. Сонымен қатар еліңіздің аймақтағы және әлемдегі беделі арта түсті. Сіздің басшылығыңызбен моңғол жұрты алдағы уақытта...

Қазақ опера өнерінің аңызы, «Орталық Азияның бұлбұлы» атанған Бибігүл Төлегенова 96 жасында жас орындаушыларға арналған бірегей шеберлік сабағын өткізбек.

Алматыдағы Құрманғазы атындағы Қазақ ұлттық консерваториясында өтетін бұл шара вокал өнеріне қадам басқан студенттер мен жас орындаушылар үшін таптырмас мүмкіндік.

Консерватория әкімшілігі өнерсүйер қауым мен болашақ мамандарды осы тарихи кездесуден қалыс қалмауға шақырады. Шараның ең басты ерекшелігі – кіру тегін. Алматы қаласындағы Е. Рахмадиев атындағы Үлкен концерт залында 24 сәуір күні, сағат 14:00-де өтеді.

Бибігүл Төлегенованың өнердегі еңбегі мемлекет тарапынан жоғары бағаланып, «Отан» орденімен және «Тарлан» тәуелсіз сыйлығымен марапатталған. Әнші қазақтың халық әндерін әлемнің ең беделді сахналарында орындап, ұлттық өнерімізд...

Қытайдың Changan компаниясы 2030 жылға қарай әлемнің үздік 10 автокөлік өндірушісі қатарына енуге ұмтылады. Мақсат – бір жылдағы сауда көлемін 5 млн көлікке дейін жеткізу.

Компания осындай жоспарын Бейжіңде өтетін автокөрме қарсаңында жариялады. Оған Reuters шолу жасап шықты.

2025 жылы Changan бүкіл әлем бойынша 2,9 млн көлік сатқан. Сол арқылы автокөлік өндірушілер рейтингінде 13-сатыға көтерілген.

Кейінгі уақытта Қытай нарығы баяулады. Соған байланысты компания әлем нарығына көбірек өнім шығаруға ден қоя бастайды. Былтыр Changan Қытайдан тыс жерлерге 638 мың көлік сатқан. 2030 жылға қарай бұл көрсеткіш 1,8 млн данаға дейін жетуі тиіс.

Жыл басында тағы бір қытай компаниясы...

Енді имамдардың кейбір міндетін жасанды интеллект атқарады. Қазақстан мұсылмандары діни басқармасы мамырдың басында ЖИ негізіндегі Imam AI-ды іске қосады.

ҚМДБ Цифрлық даму бөлімінің меңгерішісі Тимур Серікқанұлы Imam AI жобасының діни-ағартушылық бағытындағы мүмкіндігіне тоқталды.

«Аталған жоба заманауи технологияларды қолдану арқылы жамағатқа жедел әрі сапалы ақпарат ұсынуды, сұрақтарға жедел жауап беру жүйесін қалыптастыруды көздейді«, – деп түсіндірді ол.

Бас мүфти Наурызбай Қажы Тағанұлының айтуынша, қосымша сенімді дереккөздерге сүйене отырып, діни сұрақтарға жедел жауап беруге және дін қызметкерлерінің жүктемесін азайтуға мүмкіндік береді.

Мүфтият Imam AI жүйесін пилоттық негізде биыл мамыр айының басында іске қоспа...

Премьер-министр Олжас Бектенов педагогтердің ерекше балалар және ересектермен жұмыс істеуде практикалық дағдылары жетіспейтінін айтты.

Оның пікірінше, бүгінде психологиялық-медициналық-педагогикалық кеңес беру орындары жүктемені көтере алмай жатыр. Нәтижесінде ата-аналар кезегін айлап күтуге мәжбүр.

Бұдан бөлек, елде логопед, сурдолог мен реабилитолог сияқты тар бейінді мамандар тапшы.

«Педагогтердің ерекше балалармен және ересектермен жұмыс істеуде практикалық дағдылары аз. Мысалы, мұғалімдердің бәрі бірдей ерекше білім беру қажеттіліктері бар оқушылармен практикалық жұмысты қалай құру керегін біле бермейді. Бұған азаматтардан түскен көптеген өтініштер дәлел», – деп атап өтті Бектенов.

Осы ретте Үкімет басшысы Оқу-ағарту министрлігіне бірқатар тапсырма берді. Оның ішінде: