Жаңалықтар

Ішкі істер министрінің орынбасары – қылмыстық атқару жүйесі комитетінің төрағасы Абай Қайырбеков экс-министр Қуандық Бишімбаевтың түрмедегі тәртібі жөнінде сұраққа жауап берді.

Ішкі істер министрлігінде өткен жиыннан кейін, журналистер Абай Қайырбековтен Қуандық Бишімбаевтың тәртібі мен денсаулығы жайлы сұраған.

«Денсаулығы жақсы. Денсаулығы жағын айтар болсақ (сотталған азаматтардың денсаулығы) екі жыл бұрын Денсаулық сақтау министрлігіне берілген болатын. Егер дәрігерлер оны емдеу керек деп шешсе, біз ол ұсынымдарды орындаймыз. Әзірге ондай өтініштер түскен жоқ. Қуандық Бишімбаев сот белгілеген үкім бойынша жазасын өтеп жатыр. Ішкі тәртіптің бәрін сақтайды. Жалпы қылмыстық атқару заңына сәйкес, әрбір сотталған адам өз мекемесінде жұмыс атқарады. Өзін...

Қазақстандағы түрмелердің дені өткен ғасырларда салынған, олардың кейбірі апаттық жағдайда тұр. Тіпті тәуелсіздік алғалы елде жаңадан бірде-бір түрме салынбаған. Осындай мәліметтерді келтірген депутат Абзал Құспан түрме тапшылығы мәселесін тағы да көтерді.

Депутат түрмелердің азып-тозып, есікіргені соншалық 200-300 жыл бұрын салынған түзеу мекемелері  әлі күнге дейін өзінің функциясын атқарып келе жатқанын атап өтті.

«Мысалы Өскемен қаласындағы тергеу изолияторы 18 ғасырдан бері, Орал қаласындағы тергеу изолияторы 19 ғасырдан бері жұмыс жасап  тұр. Мен 40-50 жыл бұрынғыны айтып отырғам жоқ», –  деп мәлімдеді депутат ІІМ-де өткен үкімет сағатында.

Мәжілісмен түрмеде жазасын өтеп жатқан азаматтарды тамақтандыруға да ақша жетпей жатқанын  мәлімдеді.

Шерзат Полат ісіне куә ретінде қатысқан Дана Жақсыгелді мен Эльмира Нұрбекованың әрекетінде қылмыс белгілері жоқ деген баға берілген. Бұл туралы Ішкі істер министрі Ержан Сәденов айтты.

Министр сот қаулысынан кейін, төрт куәге қатысты қосымша тексеріс жүргізілгенін айтты. Нәтижесінде олардың әрекетінде қылмыс белгілері жоқ деген шешім шығарған.

Айта кетейік, Шерзат Полаттың қазасынан кейін қозғалған қылмыстық іс бойынша 9 адам сотталды. Оқиға орнында болған екі әйел сотқа куә ретінде қатысты. Үкім шығарған судья Ержан Жанұзақов Жақсыгелді мен Нұрбековаға қатысты жекеше қаулы шығарып, ол туралы шешім қабылдауды прокуратураға жүктеді.

«Рузбакиев, Қазекенов, Нұрбекова, Жақсыгелдіге қатысты тексеру жүргізу қажеттілігі туралы...

ҚМА блогерлерді лицензиялауға қарсы / Фото: kursiv.media архиві

Қаржылық мониторингі агенттігі блогерлерді лицензиялауда бірнеше кедергі барын хабарлады

Еске сала кетейік, бұған дейін Сенат депутаты Геннадий Шиповских блогерлердің жұмысы, салығы жөнінде бірнеше мәселе көтерген еді. Соның ішінде олардың қызметiн лицензиялау немесе олардың тiзiлiмiн қалыптастыруды ұсынған.

ҚМА неге келіспейді

Депутаттың ресми сауалына берген жауабында ҚМА жарнамалық қызметтен табыс табатын блогерлер (инфлюенсерлер) қазірдің өзінде салық міндеттемелері және жарнама, онлайн-платформалар туралы заңнама талаптарын қоса алғанда құқықтық реттеу саласына жататынын хабарлайды. Министрліктің мәліметінше, көзделген әкімшілік жауапкершілік онлайн-платформаларды пайдаланушылардың, оның ішінде блогерлердің (инфлюенсерлердің) заңнаманы сақтауын қамтамасыз етеді және реттеудің қосымша тетігін белгілеу талап...

АҚШ президенті Дональд Трамп 13 қазанда Израильге ұшып барды. Ақ үй басшысын әуежайда осы елдің премьер-министрі Биньямин Нетаньяху күтіп алды. Бұл туралы CNN хабарлайды.

Телеарна мәліметінше, Трамп әуежайда күтіп алған Нетаньяхумен құшақтасып амандасты.

«Ол әскери уақыт президенті. Өте жақсы жұмыс істеді. Екеуміздің арамызда келіспеушілік болды, бірақ тез шешілді», – деген Трамп кеше кешке «Нөмірі бірінші борт» бағдарламасының эфирінде.

Екеуі әрі қарай президент лимузинімен Иерусалимдегі Кнессет ғимаратына қарай беттеді. Трамп жергілікті парламентте сөз сөйлейді.

Бүгін ХАМАС ұйымы Газа секторында кепілде отырған жиырма израиль тұтқынын босатқаны мәлім болды. Оларды Қызыл крест ұйымының өкілдері қабылдап алды.

Мәжіліс депутаты Абзал Құспан самокат жүргізушілеріне қатысты шектеу шаралары жаңа жылға дейін енгізілуі мүмкін екенін айтты.

Қазақстанда электросамокат иелеріне қойылатын талаптарды қатаңдату мәселесі тағы да көтерілді. Қазіргі уақытта мәжілісте олардың тротуармен жүруіне тыйым салуды көздейтін түзетулер талқыланып жатыр.

«Бұл мәселе мәжіліс қабырғасында қаралып жатыр. Президент те өз Жолдауында бұл мәселеге назар аударған болатын. Көпшілік депутаттардың пікірі бір арнада тоғысқандықтан, шектеу шаралары жаңа жылға дейін қабылдануы мүмкін», – деді Абзал Құспан.

Еске салайық, осыған дейін  Ішкі істер министрінің орынбасары Игорь Лепёха да  елде электрсамокат жүргізушілеріне тротуармен жүруге заң жүзінде тыйым салынуы мүмкін деген еді. 

Сондай-ақ Epetition.kz сайтында электросамокаттарға тыйым салуға қарсы петиция...

ІІМ ғимаратында өтіп жатқан үкімет отырысында депутаттар ұрланған смартфондар жайлы мәселені көтерді. Тіпті депутат Самат Нұртаза жоғалғанын телефонын полиция әлі таба алмай жатқанын айтып, министрге сауал жолдады.

«1,5 млн камерамыз бар, 58% қылмыс ашылды деп жатырсыз ғой. Қарапайым сұрақ, неге жоғалған, ұрланған смартфондар табылмайды? Сіздің орынбасарларыңыз Лепеха мырза (Игорь Лепеха – ред, ІІМ орынбасары) болсын, Сәрсенов мырза (Сәкен Сәрсенов – ред. ІІМ орынбасары) болсын смартфондарды шашып тастайды да, Қырғызстанға алып кетеді, біз таба алмаймыз дейді…

…Бір жарым жыл болды Есіл аудандық полиция бөлімшесінде менің арызым жатыр. Жарайды, мені қойшы, жалпы қарапайым халық смартфонын жоғалтып...

Қазақстанның салық және кедендік әкімшілендіру жүйесі соңғы жылдары қарқынды цифрландыру кезеңін бастап өткеріп жатыр. Бұл үдерістің негізгі бағыттарының бірі – жасанды интеллект (ЖИ) технологияларын енгізу.

Президент Қасым-Жомарт Тоқаев «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты жолдауында:

«Мемлекеттік кірістер комитеті цифрландыру үдерісі бойынша мемлекеттік органдар арасында көш бастауға тиіс. Бұл мекеме жасанды интеллектінің және басқа да озық технологияның әлеуетін салық төлеушілердің мүддесіне сай тиімді қолдануы керек», деп тапсырған.

ЖИ енгізудегі негізгі мақсаттар

ҚР Қаржы министрлігінің Мемлекеттік кірістер комитетінің (МКК) Kursiv.Media ресми сауалына берген жауабында...

Мәжіліс депутаты Снежана Имашева қазақстандықтардың полицияға сенімі артып келе жатқанын айтты. Дегенмен күдік те жоқ емес.

Имашева полицияны сервистік, ашық және есеп беретін органға айналдыру бағытында жұмыс жүргізіліп жатқанын еске салды.

«Социологиялық сауалнамалар полицияға деген сенімнің артқанын көрсетеді, бірақ өсім шамалы. Азаматтардың шамамен 63%-ы полицияға сенетінін айтқан, қалғандары ішінара сенеді немесе мүлде сенбейді», – деді ол.

Депутат бұл көрсеткіштің қалыптасуына ұзақ уақыт қажет болғанын айтады. Көп жылдар бойы құқық қорғау органдары жабық, есеп бермейтін және жазалаушы құрылым ретінде қабылданып келгенін де айтып өтті.

«Атап айтқанда, танымал мәнерлеп сырғанаушы Денис Теннің қайғылы өлімінен кейін қоғам...

Aridge қытай компаниясы 12 қазан күні Дубайда ұшатын көліктерін таныстырды. Қазірдің өзінде Таяу Шығыстағы елдер 600 ұшатын таксиге тапсырыс беріп үлгерді. Бұл туралы Bloomberg хабарлайды.

Басылымның мәліметінше, Ali & Sons Group (БАӘ), Almana (Қатар), AlSayer (Кувейт) және Қытай-араб сауда палатасы ұшатын көліктерге алдын ала тапсырыс берді. Қытай компаниясы 7 мыңнан аса әуе таксиіне тапсырыс алып үлгерген.

Aridge ұшатын автомобилі джойстикпен басқарылады. Оған автоматтты ұшу жүйесі орнатылған. Мұндай көлік қытай нарығында кем дегенде 270 мың доллар тұрады.

«Аппарат кез келген қарапайым адам басқаратындай, сатып ала алатындай етіп дайындалған. Оны басқару үшін кәсіби ұшқыш болудың қажеті жо...

Қорғаныс министрінің орынбасары Шайх-Хасан Жазықбаев әскерде сарбаздар қаза таппауы үшін қандай шаралар қабылданып жатқанын айтты.

Депутат Наталья Деменьтева әскерде сарбаз өлімі азаймай тұрғанын айтып, Қорғаныс министрлігінен бейбіт заманда адам қаза таппауы үшін қандай шара қабылданып жатқанын сұрады.

Жазықбаев әскерге барғандардың ол жердегі шектеулерден психологиялық күйзеліске ұшырауы мүмкін екенін айтады.

«Әскери психологтар біліктілікті арттыру курстарынан өте бастады. Қарулы күштердегі ғана емес, жергілікті елді мекендердегі психикалық денсаулық орталықтарының мүмкіндіктерін барынша пайдалану шаралары қабылданып жатыр.

Сондай-ақ жасанды интеллект негізінде тәулік бойы және анонимді түрде әскери қызметшілер мен олардың отбасына стресс әрі күрделі жағдаймен күресуге көмектесетін Telegram-бот әзірленіп, іске қосылды...

21 қазан күні Алматының Орталық стадионында Чемпиондар лигасы аясында «Қайрат» – «Пафос» кездесуі өтеді. Ойын сағат 21:45-те басталады.

Fredoom Ticketon мәліметінше, матч билеттері бүгін 13 қазан күні 12:30-дан бастап сатылымға шығады. Жанкүйерлер билеттерді Freedom SuperApp және Kairat SuperApp мобильді қосымшалары арқылы сатып ала алады.

Айта кетейік, «Қайрат» футбол клубы биыл Чемпиондар лигасында алғаш рет өнер көрсетіп жүр. Бұған дейін Лисабондық «Спортингпен» және «Реал Мадрид» командаларымен ойнап үлгерді.

Соңғы алты жылда Қазақстанда тіркелген жемқорлық қылмыстарының шамамен 20 пайызы ішкі істер органдарының қызметкерлеріне тиесілі. Бұл туралы Заңнама және сот-құқықтық реформа комитетінің төрайымы Снежанна Имашева мәлімдеді.

Оның айтуынша, 2020 жылдан бері елде 5 098 адам жемқорлық қылмысы үшін ұсталған. Соның ішінде 1 018-і полиция қызметкері.

Әр жылдағы деректерді тарқататын болсақ:

Бірақ осы деректерге қарамастан...

Қытай компаниясы Қазақстандағы ірі алтын кен орнын сатып алды. Миллиардер Болат Өтемұратовқа тиесілі «Верный Капитал» тобы RG Gold кәсіпорнын қытайдың Zijin Mining Group компаниясына сатты.

Бұл қытайлық компания әлемдік тау-кен алыбы Zijin Mining Group Co. Ltd. құрамына кіреді.

Мәміленің нақты сомасы жария етілмегенімен, Bloomberg агенттігі бұған дейін оны шамамен 1,2 млрд доллар деп бағалаған.

Zijin Mining Group — қазіргі таңда нарықтық капитализациясы 100 млрд доллардан асқан, әлемдегі үшінші ірі тау-кен өндіруші компания.

Биыл қыркүйекте Гонконг қор биржасында өткен IPO нәтижесінде 3,2 млрд доллар тартып, оның бір бөлігін Қазақстандағы осы активті сатып алуға бағыттаған.

RG Gold — Ақмола облысында...

Қазақстанда учаскелік полиция қызметкері мен жол- патруль қызметкерлеріне өте үлкен жүктеме түскен, мамандар тапшы. Бұл туралы Үкімет сағатында Ішкі істер министрі Ержан Сәденов айтты.

«Құқық бұзушылықтың алдын алатын негізгі тұлғалар – учаскелік полиция қызметкерлер. Бірақ қазір олар өте үлкен жүктемемен жұмыс істейді. Штат нормативке сай емес. Қосымша 4,5 мың штаттық бірлік керек, материалдық-техникалық жарақтандыру бойынша да мәселе бар», – деді министр баяндамасында.

Тағы 326 учаскелік полиция пункті жетіспейді. Жоспар бойынша, 124 пункт ашылуы керек еді, бірақ әзірге, оның тек 97-і ғана ашылған.

Полиция пунктінен бөлек учаскелік полиция қызметкерлеріне 2 мың көлік, 2,5 мы...

Ұлттық банк ірі көлемде валюта айырбасталғаны туралы ақпаратты салық органдарына жолдап отырады. Бұл туралы Қаржы министрлігінің «Ашық НҚА» порталында жарияланған қаулы жобасында жазылған.

Әңгіме құны 50 мың АҚШ долларынан асатын мәмілелер туралы болып отыр. Бұған тауарсыз операциялар, бейрезиденттердің кірісі және «Астана» халықаралық қаржы орталығы қатысушыларының операциялары да кіреді.

Қаржы министрлігі бұйрығының жобасын ашық талқылау 2025 жылғы 28 қазанға дейін жалғасады. Құжат қысқаша кесте түрінде берілген және нақты мәлімет жоқ. Мысалы, салық органдарына валюталық мәміле тараптары туралы ақпарат берілетіні көрсетілмеген.

Түсіндірме бөлігінде тек жобаның мақсаты атап өтілген: мемлекеттік кірістер органдарының ақпаратқа уақтылы қол жеткізуін қамтамасыз ету, капиталдың заңсыз...

«Ақтөбе» футбол клубының 15 жастағы футболшысы Арон Мұса өмірден озды. Бұл туралы Freedom QJ League хабарлап, Арон Мұсаның мезгілсіз қазасына байланысты терең күйініш білдіріп, оның отбасына, жақындары мен командасына шын жүректен көңіл айтты.

Белгілі болғандай, Аронмен бірге әжесі мен немере ағасы газдан тұншығып қайтыс болды.

Freedom QJ League ұжымы ресми мәлімдемесінде:

«Арон Мұсаның мезгілсіз қазасы бәріміздің қабырғамызды қайыстырды. Ол дарынды, еңбекқор, болашағынан үміт күттірген жас футболшы еді. Мұса әулетіне, туған-туыстарына қайғыра көңіл айтамыз. Бақұл бол, Арон!» — деп жазды.

Жас спортшының қазасы ел футболы үшін орны толмас қаза болып отыр. Команда әріптестері мен бапкерлер...

Telegram мессенджерінің негізін қалаушы Павел Дуровтың Көлсай көлінде шомылған сәті қоғамда үлкен талқылауға себеп болды. Бұл әрекет Қазақстан заңнамасы бойынша тыйым салынған, сондықтан оқиға тіркеліп, тиісті органдарға жолданды.

Табиғатты қорғау полициясының өкілі Алексей Милюктың айтуынша, Көлсай көлі табиғатты қорғау органдарының қатаң бақылауында.

«Заң тұрғысынан бұл факт тіркелді. Біз оның қай бапқа сәйкес келетінін қарадық. Алайда бұл полиция құзыретінен тыс. Хаттама толтыру мен шара қолдану экологиялық органдардың міндеті. Сондықтан материалды тіркеп, экология министрлігіне қарауға бердік», — деді Алексей Милюк.

Енді айыппұл салу немесе құқықбұзушылықты ресми түрде саралау мәселесін Экология министрлігінің комитеті шешеді.

Еске салайық, Павел Дуровты...

Қуандық Бишімбаевтың ата-анасы туысы Бекзат Кемеловамен соттасқалы жатыр. Ақпаратты Астана сотының баспасөз қызметі растады.

Бекзат Кемеловаға қатысты іс қылмыстық кодекстің 190-бабы (алаяқтық) бойынша сотқа түскен.

Іс Астананың қылмыстық істер жөніндегі мамандандырылған ауданаралық сотында 2025 жылдың 13 қазанында басталуы керек болған. Алайда соттың баспасөз қызметіне белгісіз себепке байланысты процесс кейінге қалды. Соттың қай күні басталатыны әлі белгісіз.

Қайрат Кемеловтің мәлімдемесі

Айта кетейік, бұған дейін отбасының туысы Қайрат Кемелов 2025 жылдың 14 қаңтарында Airan YouTube каналында «Сол күні өзара әңгіме болды, олар мәйітханаға баруымды, менің әріптестерімнің, яғни сот-медицина сарапшыларының Қуандық Бишімбаевтың пайдасына қорытынды шығаруын сұрады», «иә, олар бұрмалайтындар үшін...

Есірткі сатып ұсталғандар босаған соң ерікті болып полицияға көмектесіп жүр. Бұл туралы ІІМ-нің Есірткі қылмысына қарсы іс-қимыл комитетінің басқарма бастығы Әмірханов Бақытжан айтты.

«Заңға сәйкес, есірткі сатушылардан 1200 босап шықты.Оның 51-і ерікті болып полицейлерге көмектесіп жатыр, түрлі профилактикалық шаралар өткізіледі», – деді Әмірханов Бақытжан.

Ресми дерекке сүйенсек, 17 765 адам есірткіге тәуелді деген есепте тұр. Оның 1581-і әйелдер, 45-і жасөспірімдер, қалғаны ер адамдар.

Ал есірткі қылмысымен ұсталғандар саны – 3 672. Оның ішінде бірінші рет ұсталғандар – 2 801, ал қылмысын екінші рет жасап ұсталғандар – 871.

Жыл басынан бері елімізде 26 тонна есіртк...

13 қазан, дүйсенбі күні әлем нарығында алтын да, күміс те жаңа тарихи межені еңсерді. Қымбат металдар құнының артуына АҚШ пен Қытай арасындағы сауда соғысының қайтадан өршуі себеп болды.

Астана уақытымен сағат 10.30-дағы мәлімет бойынша, алтын шамамен 4070 доллардан саудаланып жатыр. Ол бір тәулікте шамамен 50 долларға қымбаттады. Ал күміс 51,64 доллар тұрады. Оның құны шамамен 3%-ға көтерілді.

Естеріңізде болса, өткен аптаның аяғында ғана алтын 4 мың долларды еңсеріп, күміс тарихи межені жаңартқан.

АҚШ президенті Дональд Трамп жұма күні қытай тауарларына 100% баж салығын енгізді. Дегенмен Қытай америкалық тауарларға қосымша кеден салығын енгізген жоқ.

Әлемнің екі ірі экономикасы арасындағы...

Қазақстандық оқушылар бірінші тоқсанды аяқтап, күзгі демалысқа шығады. Оқу-ағарту министрлігінің мәліметінше, каникул биыл 2025 жылдың 25 қазанында басталып, 2 қарашаға дейін созылады.

Бірінші тоқсанның оқу мерзімі – 8 апта. Балалар 25 қазанға дейін сабақ оқиды, ал демалыс ресми түрде 27 қазанда басталып, 3 қарашада аяқталады.

Айта кетейік, 25 қазан Республика күні мерекесі биыл сенбіге түседі, сондықтан демалыс дүйсенбі – 27 қазанға ауыстырылады.

«ҚазМұнайГаз» ұлттық компаниясы (ҚМГ) Маңғыстау облысындағы Солтүстік Өзен учаскесінде алғашқы іздеу ұңғымасын бұрғылауға кірісті. Бұл туралы компания баспасөз қызметі хабарлайды.

Биыл маусым айында ҚМГ Маңғыстау өңіріндегі осы күрделі жобаны игеру үшін жер қойнауын пайдалануға келісімшарт алған болатын. Құжатқа сәйкес, компания тереңдігі 2000 және 1650 метр болатын екі іздеу ұңғымасын бұрғылауы тиіс.

Жобаның операторы – ҚМГ-ның еншілес компаниясы «KMG Barlau» ЖШС. Бұған дейін аталған компания Солтүстік Өзен учаскесінде 400 шаршы шақырым аумақта толық көлемді 3D сейсмикалық барлау жұмыстарын жүргізген.

ҚМГ мәліметінше, алғашқы іздеу ұңғымасының нәтижелері учаскенің геологиялық құрылымын нақтылауға және мұнай мен газ қорының әлеуетін анықтауға мүмкіндік береді. Бұл...

Мальтаның астанасы, шағын Валлетта қаласы Condé Nast Traveller журналының нұсқасы бойынша әлемнің ең әдемі астанасы деп танылды.

Қала Readers’ Choice Awards 2025 рейтингісінде Париж, Афины және Лиссабон сияқты әйгілі туристік орталықтарды басып озып, бірінші орынға ие болды. Марапатқа 182 мыңнан астам оқырман қатысып, қалаларды мәдениет, тағам және қонақжайлық деген санат бойынша бағалаған.

Валлетта 100 балдың 97,33-ын жинап, Еуропадағы ең үздік бағыт қана емес, саяхатшылар үшін әлемнің басты қаласы атанды.

«Бұл марапат – саяхатшылардың біздің мәдени мұрамыз бен мальталықтардың қонақжайлығына деген шынайы құрметінің көрінісі», – деді Мальта туризм министрі Ян Борг

Аумағы бір шаршы шақырымға...