Жаңалықтар

АҚШ 13 сәуірде кешке Ормұз бұғазын бұғаттады. Ақ үй маңызды мұнай жолынан Иранның бірде-бір кемесін өткізбейміз деп отыр.

CNN мәліметінше, қазір Таяу Шығыста АҚШ әскери теңіз күштерінің кем дегенде 15 әскери кемесі жүр. Дегенмен телеарна олардың қайсысы нақты қай жерде орналасқанын айта алмады. CNN осы мәліметті америкалық бір шенеуніктің сөзіне сүйене отырып таратты.

Бұғазға бақылау орнатқан кемелер Иран порттарынан бірде-бір кеменің шығуына жол бермейді.

Құрама Штаттардың Таяу Шығысқан кемелері:

Авианосец:

Эсминецтер:

Ішкі істер министрлігі киберқылмыстың жаңа әдістері туралы ескерту жасады. Алаяқтар мемлекеттік органдар мен қаржы институттарының атынан жалған құжаттар жіберіп, ресми мекемелермен байланыс орнатқандай әсер қалдыратын автоматтандырылған сервистер мен чат-боттарды жиі қолданатын болған. Бұл жайлы ведомство өкілі Бейбіт Біржанов айтып берді.

«Азаматтарға бейнеқоңыраулар арқылы белгісіз тұлғалар жалған бейне мен дауысты пайдалана отырып, өздерін полиция қызметкерлері, ұлттық қауіпсіздік органдары немесе банктердің қауіпсіздік қызметінің өкілдері ретінде таныстыратын жағдайлар тіркелуде. Күдікті операцияларды анықтау немесе ақшаның сыртқа шығу қаупі деген сылтаумен олар азаматтарды ақшаны шұғыл түрде «қауіпсіз шоттарға» аударуға көндіреді», – дейді ол.

Осыған байланысты министрлік құқы...

Оңтүстікте +30 градусқа дейін күн жылынып, солтүстікте аяз болады. Батыста кей жерлерде найзағай ойнап, шығыста көктайғақ болады. «Қазгидромет» 14 сәуірге ауа райы болжамын ұсынды.

Астанада Нұра ауданындағы Күлтегін көшесінде орналасқан он қабатты тұрғын үйден шыққан өрт сөндіріліп жатыр. Төтенше жағдайлар министрлігі (ТЖМ) кіреберіс тұрғындары эвакуацияланғанын, төрт бала мен бір ересек адам құтқарылғанын хабарлады.

Кіреберістегі электр қалқандары жанып, қатты түтін шыққан.

«Шұғыл түрде өрт оқпандары тартылып, өртті толық жою үшін барлық шаралар қабылдануда. Судың үздіксіз берілуі қамтамасыз етілді. Үй тұрғындарын эвакуациялау жұмыстары жүргізіліп жатыр», – деп мәлімдеді ТЖМ.

Сағат 21:52-де ТЖМ өрттің толық сөндірілгенін хабарлады.

Министрліктің нақтылауынша, бірінші қабаттан оныншы қабатқа дейінгі электр қалқандарының шахтасы жанған.

Өрт сөндірушілер автосатының көмегімен үш баланы құтқарып алды. Сонымен қатар, баспалдақ марштары арқылы құтқару...

Ақтау қаласында футзалдан Қазақстан ұлттық құрамасы Әзербайжан командасымен жолдастық кездесу өткізіп, 9:2 есебімен айқын жеңіске жетті. Бұл — жаңа бас бапкер Рикарду Камара Собралдың (Какау) жетекшілігімен өткен алғашқы ойын.

Матч нәтижесі

Қазақстан — Әзербайжан — 9:2 (3:1)

Ойын басында Қазақстан құрамасы белсенді шабуылдап, қонақтар қақпасын торуылдады. Алғашқы голды қақпашы-бомбардир Лео Игита соқты. Кейін Әбдірасул Абдуманапұлы мен Альберт Ақбалықов есепті 3:1-ге жеткізді.

Екінші кезеңде Қазақстан құрамасы басымдықты толық қолға алды. Біржан Оразов пен Агеділ Мәдияров дубль жасаса, Ақжол Дәрібай мен Арнольд Кнауб бір-бір голдан еншіледі. Ойын соңына қарай қақпаға Нарун Серіков шықты. Матч 9:2 есебімен қазақстандықтарды...

Атырау облысында шегірткеге қарсы күрес шараларына жергілікті бюджеттен 250 млн теңге бөлінді. Бұл туралы облыстық ауыл шаруашылығы және жер қатынасы басқармасы хабарлады.

Биыл өңірде зиянкестерге қарсы химиялық өңдеу бойынша ауқымды жұмыстар жүргізу жоспарлануда. Шегірткемен күрес үшін барлығы 114 мың гектар жер өңделеді. Оның ішінде 79 мың гектар ауыл шаруашылығы алқабы республикалық бюджет есебінен үйірлі шегірткеге қарсы, ал 35 мың гектардан астам алқапта үйірлі емес шегірткемен күрес жергілікті бюджет қаражаты есебінен жүргізіледі.

Басқарманың мәліметінше, қазіргі уақытта мемлекеттік сатып алу конкурсы толық аяқталып, мердігер ұйым анықталды.

Химиялық өңдеу жұмыстары дәстүрлі түрде мамыр-маусым айларында жүргізіледі. Шаралар өңірдің жеті аумағын қамтиды. Атап айтқанда, Атырау қаласы, сондай-ақ Исатай, Құрманғазы, Қызылқоға, Индер...

Еңбек және халықты әлеуметтік қорғау министрлігі әлеуметтік желілердегі аналардың бала күтіміне байланысты төлемдердің түсу мерзіміне қатысты шағымдарына түсініктеме берді.

Ведомство Мемлекеттік әлеуметтік сақтандыру қорының (МӘСҚ) мәліметтеріне сүйене отырып, мемлекеттік қаржыландыру жүйесінде іркілістер тіркелмегенін мәлімдеді. Төлемдердің қалыпты кестесінен ауытқу техникалық сипатқа ие екені атап өтілді.

«Төлемдердің қалыпты кестесінен болмашы ауытқу тек техникалық сипатта және демалыс күндері банк операцияларын жүргізу ерекшеліктеріне байланысты. Жұма күні жолданған қаражат мемлекеттік корпорацияның шоттарына дүйсенбі күні түсті», – деп хабарлады министрліктің баспасөз қызметінен.

Еңбек министрлігі қаражатты алушылардың банк карталарына тікелей аудару кезең-кезеңімен басталғанын қосып өтті.

«МӘСҚ-тың азаматтар алдындағы...

Астана мәслихаты елордада жол қозғалысын ұйымдастырудың жаңа ережелерін бекітті. Жаңа талаптар тұрақ кеңістігін реттеуге, шлагбаумдар орнатуға және көлік эвакуациясына қатысты.

Жүк көліктері мен самокаттарға тыйым

Енді қала аумағында әкімдік белгілеген арнайы орындардан тыс жерде мына көліктерді қалдыруға тыйым салынады:

Жаңа тарифтер мен аймақтар

2026 жылдың 12 шілдесінен бастап көше тұрақтарына ақы төлеу жүйесі өзгереді. Төлем мөлшері аймақтың жүктемесіне байланысты:

Кімдер ақы төлемейді?

Ардагерлер, І және ІІ топтағы мүгедектіг...

Оқу-ағарту министрлігі халықаралық олимпиада жеңімпаздары мен жүлдегерлеріне, сондай-ақ олардың педагогтеріне біржолғы сыйақы төлеу тәртібін жаңартты. 2026 жылғы 30 наурыздағы тиісті бұйрық 21 сәуірден бастап қолданысқа енгізіледі.

Ережелердің жаңа редакциясына сәйкес, төлемдерді тағайындауды жүзеге асыратын орган Оқу-ағарту министрлігі. Сыйақы дербес сипатқа ие, тек олимпиада болған жылдың жетістіктері үшін тағайындалады және бір жыл ішінде қайта берілмейді. Төлемді тек Қазақстан азаматтары ғана ала алады.

Төлем алуға үміткерлер – жалпы білім беретін пәндер бойынша халықаралық олимпиадалардың, сондай-ақ халықаралық ғылыми жобалар конкурстарының жеңімпаздары мен жүлдегерлері және олардың педагог-тәлімгерлері. Қатысу үшін тиісті сауалнаманы толтыру қажет. Ал кәмелетке толмағандардың деректерін заңды өкілдері растайды.

Төлем мөлшері сақталып, жетістік...

Елордадағы Түркістан көшесінде орналасқан тұрғын үй кешеніндегі өрттен кейін 16 адам уақытша қонақүйге орналастырылды, деп хабарлады Есіл ауданының әкімдігі.

Әкімдіктің мәліметінше, эвакуацияланған тұрғындардың пәтерлері зардап шекпеген. Дегенмен қазір түтін иісі болғандықтан пәтерлерді желдеткеннен кейін олар үйлеріне орала алады.

Қазіргі уақытта төтенше жағдайлар органдарының қызметкерлері өрт шыққан пәтерде оқиғаның себептерін анықтау үшін тергеу амалдарын жүргізіп жатыр.

Сондай-ақ демеушілердің қолдауымен зардап шеккен кіреберіс пен қабатта жөндеу жұмыстары жүргізілетіні атап өтілді. Қаза тапқандардың туыстарына рәсімдік қызметтерді ұйымдастыруға байланысты көмек көрсетіледі.

12 сәуірде елордалық тұрғын үй кешенінің 15-қабатында ірі өрт шығып, салдарынан үш бала қаза тапты. Құтқарушылар тек кәмелетке толмағандардың анасын ғана құтқарды. Ол...

Интерпол арналары арқылы іздеуде жүрген қазақстандық блогер Қайсар Қамза Вьетнамда ұсталды. Ол заңсыз ойын бизнесін ұйымдастырды деген күдік бар, деп хабарлады Polisia.kz.

«Қазақстан Ішкі істер министрлігі Интерпол арналары бойынша Вьетнам Социалистік Республикасының құқық қорғау органдарымен өзара іс-қимыл жасау барысында Камрань қаласында заңсыз ойын бизнесін ұйымдастырғаны үшін халықаралық іздеуде жүрген блогерді ұстады», – деп хабарлады полициядан.

2,4 млн оқырманы бар блогер әлеуметтік желілерде онлайн-казиноның жарнамалық бейнематериалдарын орналастырып, пайдаланушыларды құмар ойындарға қатысуға тартқан.

Ақпаратқа сүйенсек, өз қызметінің нәтижесінде Қайсар Қамза 100 млн теңгеден астам мөлшерде заңсыз табыс тапқан.

«Ақшалай қаражат оның атына...

Павлодарда жер жұмыстарын жүргізу кезінде топырақ опырылып, салдарынан екі адам қаза тапты, деп хабарлады өңірлік ТЖД.

Опырылған жердің тереңдігі шамамен алты метрді құрады. Оқиға орнына құтқарушылар жіберілген. Олар келгенге дейін кәсіпорын қызметкерлері бір адамның сыртқа шығуына көмектескен.

«Құтқарушылар топырақ астынан тағы екі зардап шегушіні алып шықты. Оларды Апаттар медицинасы орталығының бригадасы қарап, ауруханаға жатқызу үшін жедел жәрдем фельдшерлеріне тапсырды. Үйінді астынан екі адамның денесі шығарылды», – делінген хабарламада.

Облыстық полиция департаменті еңбекті қорғау ережелерін бұзу фактісі бойынша сотқа дейінгі тергеуді бастағанын, оның барысында оқиғаның мән-жайы мен себептері анықталатынын хабарлады.

Қарағанды облысы Бөкей-Жырау ауданында ғимарат қасбетінің кірпіш қампатамасы үш жасар баланың үстіне құлаған. Бұл туралы Қарағанды облысы полиция департаменті хабарлады.

Қылмыстық іс қозғалды

Бөкей-Жырау ауданында мәдениет үйі ғимаратының қасбетіндегі қаптаманың бір бөлігі үш жасар баланың үстіне құлады. Оқиға бойынша Қылмыстық кодекстің «Қауіпсіздік талаптарына сай келмейтін тауарларды шығару немесе сату, жұмыстарды орындау не қызмет көрсету» бабы бойынша қылмыстық іс қозғалды.

Жарақат алған бала ауруханаға жеткізіліп, дәрігерлердің бақылауына алынды.

Қазіргі уақытта оқиға орнында жедел-тергеу тобы жұмыс істеп жатыр. Оқиғаның барлық мән-жайын толық анықтауға бағытталған қажетті тергеу жұмыстары жүргізіліп жатыр.

Бұған дейін Петропавл қаласында үш жасар сәби көпқабатты үйдің екінші қабатынан құлап кеткенін...

Қазақстанда жұмыс орны тек мансаптық өсу орны ғана емес, сонымен қатар жеке өмірді қалыптастыруға да мүмкіндік береді. 15 сәуір – Қозы Көрпеш-Баян Сұлу күніне орай hh.kz платформасының сарапшылары 1,7 мыңнан астам адам арасында сауалнама жүргізіп, әріптестердің қаншалықты жиі үйленетінін анықтады.

Әріптестен жақын

Зерттеу нәтижелері көрсеткендей:

Бизнес емес, махаббат құруда

Статистика көрсеткендей, жұмыстағы махабаббат соңы жиі жақсы аяқталады. Сарапшылардың мәліметінше, сауалнамаға қатысқандардың 11%-ы қорытындысында әріптестерімен некеге тұрса, тағы 16%-ы кездесіп жүр. Осылайша, кеңседегі ғашықтықтың әрбір төртінші жағдайы жұп құрылуына әсер еткен.

Ережеге қайшы

Трамп өзін Иса пайғамбар бейнесінде көрсететін сурет жариялады. Онда оның алақандарынан жарық нұры шашылып тұр.

Суретте оның аурухана төсегінде жатқан адамға қолын тигізгені бейнеленген.

Дональд Трамп Truth Social әлеуметтік желісінде Рим Папасы Лев XIV-ті сынға алды. Оны «қылмыспен күресте әлсіз» және «сыртқы саясатта өте нашар» деп атады.

Трамптың айтуынша, Рим Папасы Лев XIV-тің Иранның ядролық қаруға ие болуын қалыпты жағдай деп санағанын қаламайды. Сондай-ақ АҚШ-тың Венесуэлаға қарсы әрекеттерін сынға алуымен келіспейді. Ол президент ретінде міндетін орындап жатқанын айтып, Рим папасы оны сынамауы керек екенін жеткізді.

Сонымен қатар Трамп Лев XIV-тің папа болып сайлануын оның америкалық болуымен байланыстырды. Оны...

Исламбадта өткен АҚШ пен Иран арасындағы келіссөздер сәтсіз аяқталды. Нәтижесінде Таяу Шығыстағы геосаяси шиеленіс күшейіп, мұнай бағасы өсуі мүмкін. Бұл Қазақстан экономикасына қалай әсер етеді?

Мұнай қымбаттаса, теңге нығаяды

Tengenomika дерегіне сүйенсек, мұндай геосаяси шиеленіс, ең алдымен, мұнай нарығына әсер етеді. Таяу Шығыс – әлемдік мұнай тасымалының негізгі орталықтарының бірі болғандықтан, кез келген тұрақсыздық мұнай бағасының өсуіне әкелуі мүмкін. Сарапшылардың бағалауынша, жағдай ушыққан жағдайда Brent маркалы мұнай бағасы барреліне 100 доллардан жоғары көтерілуі мүмкін.

Қазақстан үшін бұл жағдай тікелей елдің экономикасына әсер етуші фактор ретінде маңызды. Мұнай бағасының өсуі экспортты арттырып, елге келетін валюталық кірісті көбейтеді. Ұлттық валюта...

Алматы қаласында 70 автокөліктің шығаратын түтіні қаншалықты лас екені тегін тексерілді. «Eco Almaty» акцияны жиі өткізуді көздеп отыр. Мекеме бұған дейін шаһардағы 700 лас көлікке айыппұл салған.

Алматы әкімдігінің мәліметінше, жүргізушілер көліктерінің нақты техникалық жағдайын біліп, мамандардан қажетті кеңес алды.

Мониторинг барысында мынадай көрсеткіштер өлшенді:

Мамандар осылардың ауа сапасына әсерін түсіндіріп, көлікті пайдалану кезінде нені ескеру қажет екеніне тоқталды.

Айта кетейік, Алматы әкімі Дархан Сатыбалды 6 сәуір күні экология мәселелері жөнінде кеңес өткізіп, ауаның ластануын азайту шаралары күшейтілетінін ескерткен. Жиналыста 700-ден...

Астанада көлігін тұрғын үй кешендерінің бірінің алдына қалдырып кетіп, құтқарушылар жұмысына кедергі келтірген тұрғын жауапқа тартылды. Бұл туралы қалалық полиция департаменті хабарлады.

«Астанадағы тұрғын үй кешендерінің бірінде болған өрт кезінде жол ережесін бұзып қойылған көлік оқиға орнынан дереу алынды. Көлік жүргізушісі анықталып, әкімшілік жауапкершілікке тартылды. Азаматтардың қауіпсіздігіне қатер төндіретін және шұғыл қызметтердің жұмысына кедергі келтіретін заң бұзушылықтар қатаң түрде тоқтатылады», – деп жазылған полиция хабарламасында.

12 сәуірде Астананың Есіл ауданындағы 21 қабатты тұрғын үйде өрт шығып, үш бала қайтыс болды. Ал анасы құтқарылып, ауруханаға жатқызылды.

Кей тұрғындардың сөзінше, өрт сөндірушілер келген кезде...

13 сәуірде президент жарлығымен Қазақстанның Оңтүстік Кореядағы елшісі қызметіне Әсет Исенәлі тағайындалды. Бұл туралы Ақорда хабарлайды.

Мемлекет басшысының тағы бір жарлығымен Нұрғали Арыстанов Сеулдегі елші қызметінен босатылды.

Ақорда дипломатия саласындағы ауыс-түйіс себебін түсіндірмеді.

Айта кетейік, 2026 жылғы сәуір айында Оңтүстік Корея билігі мұнайды Қазақстаннан сатып алғысы келетіні мәлім болды. Сеул шикі мұнайдың 61%-ын, ал нафтаның 54%-ын дәл осы Ормұз бұғазы арқылы тасымалдап келген. Парсы Шығанағында соғыс жүріп жатқанына байланысты билік шикізаттың балама жолдарын қарастырып жатыр.

Бір күн бұрын, 12 сәуірде Қазақстан мен Оңтүстік Корея мұнай саудасына қатысты келіссөз жүргізіп жатқаны хабарланды. Бұл туралы елд...

2025 жылы Қазақстанның сыртқы қарызы рекорд орнатып, 182 млрд долларға жетті. Бұл – Қазастанның қаржы тарихында бұрын-соңды болмаған көрсеткіш. Бір жыл ішінде берешек көлемі 17,2 млрд долларға немесе 10,4%-ға өскен.

Ranking сарапшыларының жазуынша, мұндай өсім кейінгі 17 жылда алғаш рет тіркеліп отыр. Бұған дейін қарыз динамикасы бірде азайып, бірде аздап көтеріліп, бірқалыпты деңгейде сақталып келген еді.

Экономикаға түскен салмақ

Қарыздың тек абсолюттік көлемі емес, оның экономиканың жалпы көлеміне (ЖІӨ) қатысты үлесі де артқан. Егер компанияаралық берешекті есепке алсақ, қарыздың ЖІӨ-ге шаққандағы қатынасы 56,6%-дан 59,4%-ға дейін көтерілді.

Ал бұл берешекті алып тастағанның өзінде көрсеткіш...

Ақордада президент Қасым-Жомарт Тоқаев Ұжымдық қауіпсіздік туралы шарт ұйымының (ҰҚШҰ) Бас хатшысы Таалатбек Масадықовпен кездесу өткізді. Тараптар Ұйымның алдағы кезеңдегі стратегиялық басымдықтары мен өңірлік қауіпсіздікті нығайту мәселелерін талқылады.

Ұйымды дамытудың жаңа жоспары

Кездесу барысында Таалатбек Масадықов президентке ҰҚШҰ Бас хатшысы лауазымындағы алдағы жұмыс жоспарын таныстырды. Сұхбаттың негізгі өзегі Ұйымның тұрақты жұмыс істейтін органдарының тиімділігін арттыру және олардың алдында тұрған өзекті міндеттерді қамтыды.

Талқыланған негізгі бағыттар

Кездесуде ұйым қызметінің құқықтық-институционалдық негіздерін жетілдіру, өңірлік қауіпсіздікке төнетін қауіп-қатерлерге жедел әрекет ету тетіктерін нығайту жайы сөз болды.

Мемлекет басшысы Қазақстан ҰҚШҰ аясындағы өзара іс-қимылды жандандыруға дайын екенін айта келе, ұйымды одан әрі дамытуға...

Енді қызғалдақты ғана емес, мамыргүлді жұлғандарға да 216 250 теңге көлемінде айыппұл салынуы мүмкін.

Полицияның мәліметінше, гүл жұлғаны үшін 50 АЕК мөлшерінде айыппұл қарастырылған.

Егер мамыргүл қоғамдық жерде өссе, оны жұлуға тыйым салынады. Ал жеке аумақта өсіп тұрған болса, жер иесі келтірілген шығын үшін өтемақы талап етуге құқылы.

Гүл қала аумағында, аулада, саябақта немесе көше бойында өссе, оны сындыруға немесе жұлуға болмайды. Бұл үшін айыппұл салынуы мүмкін.

Ал егер бұта жеке аумақта өсіп тұрса, жағдай басқаша. Мұндай жағдайда меншік иесі зиян келтірілді ме, жоқ па, оны өзі шешеді. Өтемақы талап етуге құқылы. Тіпті моральдық зиян үшін де талап қоюы...

Экс-премьер Кәрім Мәсімовке тиесілі болған самурай қылышы осымен бесінші мәрте аукционға шығарылды. Төрт мәрте өтпей қалған жәдігер бұл жолы арзан бағаға сатылғалы жатыр.

«Қайтарылған активтерді басқару компаниясы» (KUVA) қазір түрмеде отырған шенеунікке тиесілі болған қылышты тағы саудаға шығарды. Аукцион Suada порталында 29 сәуірде түскі сағат 12:00-де басталады. Бастапқы баға – 380 мың теңге. Саудаға қатысу үшін 81,5 мың теңге төлеу қажет.

Айта кетейік, 2024 жылдың аяғында мамандар самурай қылышын 543 мың теңгеге бағалаған. Осы жолы жәдігер өз құнынан 163 мың теңге (30%) арзан бағаға сатылғалы жатыр.

Экс-шенеуніктің қылышты қайдан алғаны әзірге белгісіз. Дегенмен суық қарудың бағасы ғана...

Петропавл қаласында 2023 жылы туған сәби көпқабатты үйдің екінші қабатының терезесінен құлап кеткен.  

Петропавловск.news хабарлауынша, оқиғадан кейін бала көпсалалы облыстық балалар ауруханасына жеткізілген. Қазіргі уақытта оның өміріне қауіп жоқ. Жағдайы тұрақты.

Денсаулық сақтау басқармасы баспасөз қызметінің мәліметінше, баланың бел омыртқасына зақым келген. Сонымен қатар, оң жақ саны көгерген және оң аяғында сызат бар.

«Бала әрі қарай бақылау және консервативті ем алу үшін травматология және ортопедия бөліміне жатқызылды. Қазіргі таңда өміріне қауіп жоқ, жағдайы тұрақты», — деп хабарлады ведомство.

Мұның алдында жезқазғандық «өрмекші адам» көпқабатты үйдің терезесінен құлап кете жаздаған ед...