Жаңалықтар

Каспий құбыр консорциумы (КҚК) 2026 жылдың наурыз айында мұнай айдау көлемін 6,2 млн тоннаға (тәулігіне 1,58 млн баррель) дейін ұлғайтты. Салыстырмалы түрде ақпан айында бұл көрсеткіш 3,79 млн тонна (тәулігіне 1,07 млн/баррель) болған еді.

Салалық екі дереккөздің хабарлауынша, тасымалдың өсуіне Қазақстандағы алып Теңіз кен орнындағы мұнай өндірісінің қалпына келуі себеп болды. Жобаның негізгі акционері Chevron компаниясы бұл жағдай шикізатты еш іркіліссіз экспорттауға мүмкіндік бергенін атап өткен болатын.

Экспорттың құрылымы мен өткен кезеңдегі қиындықтар

Reuters мәліметінше , өткен айда КТК арқылы жөнелтілген қазақстандық мұнай көлемі 5,676 млн тоннаға жетті. Бұл тәуліктік көрсеткіш бойынша ақпан айындағы...

2026 жылдың қаңтар-ақпан айында Қазақстанда 665,1 млрд теңгенің азық-түлігі өндірілген. Бұл көрсеткіш 2025 жылдың сәйкес кезеңімен салыстырғанда 11,9%-ға артық.

Азық-түлік өндірісінде оң динамика байқалды  

Ауыл шаруашылығы министрлігінің мәліметінше, негізгі азық-түлік санатының басым бөлігінде оң динамика байқалды. Әсіресе сары май өндірісі 56,5%-ға артып, 8,1 мың тоннаға жетті.

Сонымен қатар ірімшік пен сүзбе өндірісі 39,2%-ға, қант және шоколад қосылған кондитерлік өнім – 21,4%-ға, жарма өндірісі 20,8%-ға өсті.

Ет консервілерінің өндірісі 12,9%-ға артты. Ірі қара, шошқа, қой, ешкі және жылқы еті (жас ет немесе салқындатылған) өндірісі 6,9%-ға өсті. Шұжық өнімдері 6%-ға, өсімдік майы 12,3%-ға, өңделген және консервіленген...

Kusto Group негізін қалаушылардың бірі, миллионер Қанат Көпбаев серіктестерімен бірігіп Астана халықаралық қаржы орталығында жаңа компания тіркеді. Ұйым Nomad Tankers Ltd аталады.

Дерекке сәйкес, Nomad Tankers қызметі үш бағытты қамтиды. Бірінішіден, теңіз және жағалаудағы жүк көлігі қызметі су жолы арқылы тауар тасымалдайды. Ал 77351 және 77352 коды бойынша әуе көлігі мен жабдықтарын жалға (renting) және лизингке берумен айналыспақ.

Құны 1 теңгелік 1 млн акциясын шығарған, капиталы 1 млн теңгені құрайды.

Ұйымның акционері ретінде Қанат Көпбаев, Оразхан Қарсыбеков пен Ерқанат Қожахметов көрсетілген.

Бұған дейін Қанат Көпбаев жүк тасымалдайтын әуе компаниясын ашуға ниетті екенін...

Маусым мен тамыз аралығында Балқаштан Алматы мен Астанаға тікелей әуе рейсі қатынайтын болады. Рейстерді SСAT және Vietjet Qazaqstan әуе компаниялары орындайды деп хабарлады облыстық баспасөз қызметінің әкімдігі.

Алматы – Балқаш – Алматы бағыты бойынша рейстерді SCAT әуе компаниясы орындайды. Ұшу жиілігі – аптасына бес рет. Бұл бағытта 50 жолаушыға дейін сыйатын CRJ 200 ұшақтары қолданылады.

Астана – Балқаш – Астана бағыты бойынша да күн сайынғы әуе қатынасы ашылады. Бұл рейстерді Vietjet Qazaqstan компаниясы сыйымдылығы 78-ден 86-ға дейін жететін Bombardier Q-400 ұшақтарымен жүзеге асырады.

Екі қала бойынша да ұшу билетінің құны – 16 мың теңге.

Ал сәуірден бастап Астанадан Армения астанасына тікелей ұшуға болады.  20 сәуірде Shirak Avia әуе...

Жақында Астанада өткен «Freedom Inside» ауқымды ивенті барысында Freedom Bank басшылығы бірқатар маңызды мәлімдемелер жасады. Таяу арада банктің клиенттерін бірқатар жаңалықтар мен өзгерістер күтіп тұр.

Енді Freedom Bank-тен зейнетақы мен жәрдемақы алуға арналған арнайы шот ашқан жандарға коммуналдық қызметтерді төлегені, дәрі-дәрмек пен азық-түлік, сондай-ақ әуе және теміржол билеттерін сатып алғаны үшін жоғарылатылған кешбэк беріледі.

Бағдарлама шарттарына сәйкес, клиенттердің аталған санаты коммуналдық төлемдер мен дәріханалардан тауар сатып алғаны үшін 10%-ға дейін кешбэк ала алады. Зейнеткерлер Freedom Bank карталарымен және Freedom SuperApp қосымшасы арқылы азық-түлік алса, 7%-ға дейінгі қаражаты қайтарылады. Сонымен қатар, оларға тоқсанына бір рет тегін пойыз билетін алуға немесе әуе...

Енді Астанадан Армения астанасына тікелей ұшуға болады. Астана – Ереван – Астана жаңа халықаралық әуе бағыты ашылады.

Бұл туралы Астана халықаралық әуежайы хабарлады.

«2026 жылғы 20 сәуірден бастап Shirak Avia әуе компаниясы аталған бағыт бойынша тұрақты рейстерді орындай бастайды. Рейстер аптасына бір рет – дүйсенбі күндері орындалады», – делінген ақпаратта.

Әуежайдың хабарлауынша, тікелей әуе қатынасы Қазақстан мен Армения арасындағы жолаушылардың байланысына қолайлы жағдай жасайды. Туристік, іскерлік және мәдени қатынастардың дамуына ықпал етеді.

Айта кетінін жайт, Air Astana жазғы навигация кестесіне көшкенін хабарлаған. Осы жазда қазақстандықтар Шанхай, Гуанчжоу, Ларнака, Бодрум және Мале қалаларына жаңа маусымды...

Алматыдағы «Шымбұлақ» тау шаңғысы курорты бүгіннен бастап аспалы жолдарда профилактикалық жұмыстардың басталғанын хабарлады. Курорт әкімшілігінің мәліметінше, техникалық қызмет көрсету шаралары 1 мамырға дейін жалғасады.

Профилактикалық жұмыстардың кестесі

Қауіпсіздікті қамтамасыз ету мақсатында жүргізілетін жұмыстарға байланысты көтергіштер кезең-кезеңімен тоқтатылады:

Курорт әкімшілігі қала тұрғындары мен қонақтарына демалыс орындарына баруды алдын ала жоспарлауды ескертеді. 1 мамырдан бастап барлық аспалы жолдар әдеттегі режимде жұмыс істейді.

Шымбұлаққа жаяу немесе арнайы эко-автобустармен көтерілу мүмкіндіктерін курорттың ресми ақпараттық қызметтерінен нақтылау ұсынылады.

Айта кетейік, бұған дейін Іле Алатауында жаңадан 60 шақырым шаңғы трассасы мен 17 аспалы жол салынатыны туралы жазған едік.

14 сәуірде Алматының бірқатар аудандарында суық су уақытша өшіріледі. Бұл туралы «Алматы Су» мекемесі хабарлады.

Шектеу қойылатын аймаққа «Рахат» шағын ауданы, «Аспан Тау», «Асқар Тау», «Хан Тәңірі», «Байкен» тұрғын үй кешендері, сондай-ақ Almaty Resort шипажайы мен «Заман» мектебі кіреді.

«Алматы су» түсіндіруінше, бұған жаңа су құбырының іске қосылуы себеп. Жаңа жүйе алдағы уақытта ауданды сумен қамтамасыз ету жүйесін жақсартуға мүмкіндік береді.

Коммуналдық қызмет өкілдері тұрғындардан суды алдын ала жинап алып, уақытша қолайсыздықтарға түсіністікпен қарауды сұрайды. Қосымша ақпаратты 274-66-66 телефон арқылы білуге болады.

Суық су тарифі жағынан Алматы ең арзан аймақтардың бірі деп саналады. Қала тұрғындары 1 текше метр су үшін 73,92 теңге, ал Жезқазған тұрғындары 52,90 теңге төлейді. Еліміздің қай...

Қарағанды облысының Шахтинск қаласында  автобустан өрт шығып, қасындағы екі көлік жанып үлгерген.

112 KZ ақпаратына қарағанда, дер кезінде жеткен өрт сөндірушілер өртті 16 минутта сөндіріп үлгерді. Соның арқасында өрт ошағының жанында тұрған 12 автобус пен ғимарат аман қалды.

«Бүгін түнде Қарағанды облысының Шахтинск қаласында бір ЖШС аумағында автобуста өрт шығып, кейін жалын жақын жерде тұрған екі көлікке тарады», – делінген хабарламада.

Өрт сөндірушілердің айтуынша, жедел түрде өрт сөндіру оқпандары беріліп, ауа-механикалық көбік қолдану арқылы өрт оқшауланып, сөндірілген.  

Айта кететін жайт, Ақтөбеде облыс әкімдігінің ғимаратынан өрт шыққан еді.

Мемлекетке қарызын 2025 жылы толық қайтарған Bank RBK акционеріне 495 млн теңге дивиденд төлейді. Бұл ретте әрбір акцияға 1 100 теңгеден беріледі. Бұл туралы банктің қор биржасына жолдаған хабарламасында жазылған.

KASE мәліметіне сүйенсек, қазір айналымда банктің 450 мың дана артықшылықты акциясы бар.

Bank RBK актив көлемі бойынша орта деңгейлі, бірақ ықпалы бар банк. 2025 жылы 64,2 миллиард теңге пайда тапқан. Былтыр қаржы ұйымы 2017 жылдары Ұлттын банк арқылы мемлекеттен алған қарызын мерзімінен бұрын толық қайтарды.

Соңғы жылдары меншік құрылымы бірнеше рет өзгерді. «КСС ФИНАНС» ЖШС арқылы түпкі акционері – Владимир Ким (89,79%) мен Наталья Акентьева (6,49%).

Енді банк клиенттері жеке басын тек бет-әлпеті арқылы ғана емес, алақан ізі бойынша да растай алады. Бұл ретте тексеруден сәтті өткен және эталондық үлгімен дәл сәйкес келген фотосурет ұлттық биометриялық жүйенің базасын автоматты түрде толықтырып отырады.

Бұл туралы Қаржы нарығын реттеу және дамыту агенттігі мен Ұлттық банк бірлесіп, банктер мен төлем ұйымдарына арналған жаңа биометриялық сәйкестендіру қағидасында жазылған. Жаңа ережелер 2026 жылдың 12 шілдеден бастап күшіне енеді.

Бұл өзгерістер онлайн-несие алу, шот ашу және цифрлық қолтаңба (ЭЦҚ) алу кезіндегі алаяқтықтың жолын кесуге бағытталған.

Жаңа ереже кімге қатысты?

Жаңа талаптар барлық екінші деңгейлі банктер, микроқаржы ұйымдары...

Атырауда Ішкі істер министрлігінің Қауіпсіздік департаменті ауқымды тексеріс жүргізіп, соңы ірі отставкаларға ұласты. Қалалық полиция басқармасының бастығы, есірткі қылмысына қарсы іс-қимыл басқармасының басшысы және өзіндік қауіпсіздік басқармасының жетекшісі қызметінен кетті.

Әлеуметтік желілердегі мәліметтерге қарағанда, министрліктен арнайы топтың келуіне қылмыстық істер бойынша заттай айғақ ретінде өткен есірткі заттарының сатылуы себеп болған.

Министрліктің ұстанымы

Ішкі істер министрлігі бұл отставкаларды растады, бірақ оны «тәртіптің дөрекі бұзылуы» және бақылаудың жоқтығымен түсіндірді.

«Мұндай тексерістер жүйелі әрі жоспарлы түрде жүргізіліп тұрады», – деп атап өтті ведомство өкілдері. Алдағы уақытта өңірлік бөлімшелерді тексеру жұмыстары жалғаса бермек.

Дәл осындай тексерістер Алматыда...

Алматылық жастар қазақ геология ғылымының негізін салушы, академик Қаныш Сәтбаевтың туған күніне орай ерекше акция ұйымдастырды. Ғалымның рухына тағзым етуге келген жас буын оның қабірінің басына сакура көшеттерін екті. Бұл туралы баспагер Санжар Керімбай хабарлады.

Санжар Керімбайдың айтуынша, бұрын Қаныш Сәтбаевтың басына санаулы ғана туыстары мен жақындары гүл қоятын, ал қазір келіп тағзым етіп, келіп жатқан жастардың қарасы көп.

«Алматы жастары тарихи тізбекке қайта жалғанып жатыр. Мұсылманша зияраттап, Құран оқып, рухына дұға жасаушы дәстүр оралды. Күні кеше алғашқы академиктің туған күнін жастар өте әдемі атап өтті», – деп жазды Санжар Керімбай.

Неге Сакура ағашы?

Синоптиктер 14, 15 және 16 сәуірге арналған ауа райы болжамын ұсынды. Мамандар сөзінше, елдің басым бөлігінде бұлтты және жауын-шашынды ауа райы болуы мүмкін.

Қар мен көктайғақ

«Солтүстік өңірлерде ауа температурасы нөлден төмендейді, салдарынан жаңбырдың  соңы қарға ауысып, көктайғақ болуы мүмкін. Батыс Қазақстанда жаңбыр мен бұршақ жауып, екпінді жел болады. Сонымен қатар 16 сәуірде оңтүстікте, 15-16 сәуірде солтүстік пен орталықта, ал 14 сәуір түнінде шығыс Қазақстанда нөсер жауын мен қар болжанады», – деп жазылған хабарламада.

Сонымен қатар ел аумағында тұман түсіп, жел күшейеді.

Кей аймақтарда ауа температурасы төмендеуі мүмкін:

13 сәуірге қараған түні Қостанай–Әулиекөл–Сұрған тас жолында, Әулиекөл маңында жантүршігерлік жол-көлік оқиғасы болды.

Полиция департаментінің мәліметінше, соқтығыс салдарынан төрт адам өлген. Бұл туралы НГ басылымы хабарлады.

«Алдын ала деректер бойынша, Mercedes-Benz 200 көлігінің жүргізушісі қарсы қозғалыс жолағына шығып кеткен. Соның салдарынан ВАЗ «2107» автокөлігімен бетпе-бет соқтығыс болған», – деді Әулиекөл ауданы полиция бөлімінің бастығының орынбасары Ғабит Байжанов.

Қазіргі уақытта полиция оқиғаның мән-жайын анықтауға бағытталған тергеу әрекеттерін жүргізіліп жатыр.

Аталған жол апаты фактісі бойынша полиция қылмыстық іс қозғады. Қай автокөліктің жүргізушілері мен жолаушылары зардап шеккені туралы қосымша ақпарат тергеу мүддесіне байланысты жарияланбады.

Илон Маскқа тиесілі X компаниясы жаңа мессенджер дайындап жатыр. Х платформасы аясында (бұрынғы Twitter) XChat атты қосымша iOS-қа арналған, 17 сәуірде іске қосылады.

Қосымшаның басты артықшылығы – хат алмасу бастан-аяқ шифрланған, скриншоттардан қорғалған, қолданушылар хабарламаларды еркін редакциялай алады. Жазған хабарыңызды қателессеңіз түзеп немесе екі жақтан да бірдей өшіріп тастауға мүмкіндік бар.

Бұған қоса, XChat-та оқылғаннан кейін өзі жоғалып кететін хабарламалар және жүздеген адам сыятын ірі чаттар болады. Мессенджердің ең үлкен артықшылығы – ешқандай жарнама болмайды. Бұл оны WhatsApp пен Telegram-нан ерекшелеп, пайдаланушылар үшін тартымды ете түспек дейді компаниядағылар.

Оның басқалардан тағы бір басты айырмашылығы – қоңырау шалу үшін телефон нөмірін...

Түркі елдері одағында бақылаушы мәртебесіне ие Мажарстанда саяси биліктің ауысуының Орталық Азияға да қатысы бар. Саясаттанушы Досым Сәтбаев жексенбіде өткен парламент сайлауын «тарихи» оқиға деп бағалады.

12 сәуірде Мажарстан халқы өз таңдауын жасады. Парламент сайлауы нәтижесінде, елді 16 жыл басқарған Виктор Орбанның  «Фидес» партиясы (38%) жеңіліс тапты. Ал Петер Мажар басқаратын «Тиса» оппозициялық партиясы 53,5% дауыспен жеңіске жетті.

«Бір қызығы, осы сайлаудың белгілі бір тұрғыда Орталық Азияға қатысы бар. Өйткені Мажарстан 2018 жылы Түркі мемлекеттері ұйымына ресми түрде бақылаушы ел ретінде қосылған. Ал 2019 жылы Будапеште осы ұйымның өкілдігі ашылған», – деп жазды...

Қазақстандық алтын өндіруші BASS Gold компаниясы 2025 жылы қаржы жағдайын айтарлықтай жақсартқан Компанияның шоғырландырылған есебіне сәйкес, бір жыл бұрын 3,06 млрд теңге шығынға батқан кәсіпорын өткен жылды 3,11 млрд теңге таза пайдамен аяқтады.

Бұл жетістіктің басты себебі – табыстың еселеп артуы. Егер 2024 жылы компания түсімі 3,29 млрд теңге болса, 2025 жылы бұл көрсеткіш 13,32 млрд теңгеге жетті. Ал жалпы пайда 133,3 млн теңгеден бірден 8,08 млрд теңгеге дейін өсті.

Өндіріс жаңа деңгейге жеткен

Табыстың қарқынды өсуіне Ұлытау облысындағы «Үшшоқы» кен орнында жүргізілген жаңғырту жұмыстары тікелей әсер етті.

2026 жылғы Әлем чемпионатының іріктеу кезеңінде сәтсіздікке ұшыраған Италия құрамасы күтпеген жерден турнирге жолдама алуы мүмкін. RMC Sport басылымының хабарлауынша, ФИФА Таяу Шығыстағы геосаяси жағдайға байланысты басқа құрамаларды қарастырып жатыр.

Иранның қатыспау қаупі

Таяу Шығыстағы әскери іс-қимылдардың әсерінен Иран құрамасы әлем біріншілігіне қатыспауы мүмкін. Егер Иран ресми түрде турнирден бас тартса немесе шеттетілсе, ФИФА бос қалған орынды толтырудың ерекше форматын қолға алмақ.

Плей-оффтың жаңа форматы: Азия мен Еуропа текетіресі

Дереккөздің мәліметінше, ФИФА бос орын үшін құрлықаралық іріктеу (плей-офф) матчтарын ұйымдастыруды қарастырып отыр. Жоспар бойынша турнирге төрт команда қатысады:

Айгүл Иманбаева демалысында анасының кеспесін жасады. Актриса әрі әнші қамыр жайып отырып, өзінің солақай екенін айтты.

Ол нан илеуді анасынан үйренгенін әңгімеледі. Сөз арасында Айгүл Иманбаева бала тәрбиесі туралы да сөз етті. Оның пікірінше, қыз баланы жастайынан дәмді тамақ пісіруді үйрету, баулу қажет.

«Бір құрбым қызы күйеуге шығар алдында 10 күн тамақ істеуді үйретіп аламын дейді. Ол дұрыс емес. Бәрібір ананың үйреткеніңдей болмайды. Ананың үйреткені, тәлім-тәрбиесі – барған жеріңе де, күйеуіңе де, бала-шағаңа да керемет болады», – деді ол.

Айгүл Иманбаева ананың үйреткені мәңгі жадта қалатынын айтты.

«Кішкентай кезінде мамам нан жаюды үйреткені есімде. «Жұмса...

Қазақстанда ірі қара бұқасын шетелге шығаруға алты ай мерзімге тыйым салынбақшы. Бұл туралы Ауыл шаруашылығы министрлігі «Ашық НҚА» порталында қоғамдық талқыға шығарған «Ауыл шаруашылығы жануарларын әкетудің кейбір мәселелері туралы» бұйрық жобасында айтылған.

Құжатты әзірлеуге Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның 2026 жылғы 5 наурыздағы шешімі негіз болды.

«Бұйрық жобасында Қазақстан Республикасының аумағынан ірі қара малдың бұқашықтарын әкетуге 6 ай мерзімге тыйым салуды енгізу көзделген», – делінген құжатта.

Шара елдің азық-түлік қауіпсіздігін қамтамасыз ету, сондай-ақ отандық ет өңдеу кәсіпорындарының жұмыс қуатын арттыру мақсатында қабылданып отыр.

Елдегі ет нарығын реттеу үшін...

Оқу-ағарту және Ішкі істер министрліктері жергілікті атқарушы органдарымен бірлесіп, мектеп бітіру кештерін өткізуге жаңа талаптар енгізуді жоспарлап отыр.

Енді аттестаттарды табыстау рәсімі мен мектеп бітіру кештері тек білім беру ұйымдарында өтуі керек, одан тыс жерлерде ұйымдастырылмайды. Сонымен қатар, оқушылардан, ата-аналарынан қаражат және өзге де материалдық сыйлық жинауға қатаң тыйым салынады.

«Жергілікті атқарушы органдарға қаржылық шығындарды талап етпейтін тәрбиелік және мәдени-ағартушылық іс-шараларды ұйымдастыру және түсіндіру жұмыстарын жүргізу тапсырылды», – делінген хабарламада.

Ішкі істер қызметкерлеріне құқық бұзушылықтардың алдын алу, қоғамдық тәртіпті сақтау және білім алушылардың қауіпсіздігін қамтамасыз ету бойынша тапсырма берілді.

Айта кетейік, бұған...

Bloomberg басылымының мәліметінше, АҚШ долларының әлемдік қаржы қорындағы беделі түсіп, соңғы 26 жылдағы ең төменгі деңгейге жетті. Қазір әлемдік валюта мен алтын қорының небәрі 46 пайызы долларға тиесілі. Мұның басты себебі – әлем елдерінің Орталық банктері долларға қарағанда алтынды көбірек жинауға көшкен. Дональд Трамп АҚШ президенті қызметіне келгелі бері доллар Орталық банктерді толық сендіретіндей тұрақтылық көрсете алмай отыр.

Соғыс қаупі мен сенімнің жоғалуы

Таяу Шығыстағы соғыс алдағы апталарда қайта басталуы мүмкін деген қауіпке байланысты долларға деген сенім азайды. Трамп командасы Исламабадта Иранға қарсы соғысты тоқтату туралы нақты келісімге келе алмады.

Осындай...

Семейде арыстандарды таспен ұрған ұрған жігіт ізделіп жатыр. Биологиялық орталықтағы оқыс оқиға видеоға түсіп қалған.

YK-news.kz ақпаратынша, бұл жайт биоорталық қызметкерлерінің ашуын тудырып отыр.

«Біздің биологиялық орталықта келушілер арасында жануарларға тас, таяқ және басқа да заттар лақтыру жағдайлары жиілеп кетті. Бұл жай ғана зиянсыз әрекет емес. Бұл – жануарларға көрсетілген қатыгездік«, – деп баға берді биоорталықта.

Қызметкерлер биологиялық орталықтағы жануарлар «ойын-сауық нысаны» емес, олар тірі мақұлықтар екенін ескертеді

«Олар соққыны, ауырсынуды сезеді. Не үшін жазаланғанын түсінбегендіктен қорқыныш туады. Тұрақты қысымнан күйзеліске түседі. Қатыгездікке жауап ретінде агрессияға немесе енжарлыққа бой алдырады», – дейді орталық қызметкерлері.

Бұл оқиғаға байланысты Абай...