Жаңалықтар

Семейде арыстандарды таспен ұрған ұрған жігіт ізделіп жатыр. Биологиялық орталықтағы оқыс оқиға видеоға түсіп қалған.

YK-news.kz ақпаратынша, бұл жайт биоорталық қызметкерлерінің ашуын тудырып отыр.

«Біздің биологиялық орталықта келушілер арасында жануарларға тас, таяқ және басқа да заттар лақтыру жағдайлары жиілеп кетті. Бұл жай ғана зиянсыз әрекет емес. Бұл – жануарларға көрсетілген қатыгездік«, – деп баға берді биоорталықта.

Қызметкерлер биологиялық орталықтағы жануарлар «ойын-сауық нысаны» емес, олар тірі мақұлықтар екенін ескертеді

«Олар соққыны, ауырсынуды сезеді. Не үшін жазаланғанын түсінбегендіктен қорқыныш туады. Тұрақты қысымнан күйзеліске түседі. Қатыгездікке жауап ретінде агрессияға немесе енжарлыққа бой алдырады», – дейді орталық қызметкерлері.

Бұл оқиғаға байланысты Абай...

Құрама Штаттар мен Иран арасындағы бейбіт келіссөздер сәтсіз аяқталған соң, әлем нарығында мұнай бағасы қайтадан көтеріліп жатыр. Сарапшылар Brent-тің бір баррелі 150 долларға дейін қымбаттауы мүмкін деп болжайды.

Сәтсіз келіссөз

Өткен демалыс күндері АҚШ пен Иран делегацияларының Исламабадтағы келіссөзі шамамен 21 сағатқа созылғанына қарамастан, тараптар ортақ келісімге келе алмады.

АҚШ президенті Дональд Трамп 13 сәуір күні Астана уақытымен кешкі сағат 19:00-де маңызды мұнай жолы – Ормұз бұғазын бөгейтінін мәлімдеді. Бұл туралы Ақ үй басшысы өзіне тиесілі Truth Social әлеуметтік желісіне жазды.

Ресми Тегеран Трампың бұл әрекетінен түк шықпайды деп отыр.

«Ормұз бұғазын ашу...

Түркістан облысындағы егіс науқаны кезінде еріктілер мен жергілікті билік өкілдері бірегей экологиялық операция жүргізді. Егістік жерлерді жырту жұмыстары басталған аумақтардан мыңдаған жабайы жануар қауіпсіз жерге көшірілді.

Экологиялық миссияның мәні

Жыл сайынғы көктемгі егіс жұмыстары кезінде ауыр техниканың әсерінен жергілікті фауна, соның ішінде тасбақалар, жыландар мен кесірткелер жаппай қырылып қалу қаупі туындайды. Биыл бұл мәселені шешу үшін Tasbaqa қорының бастамасымен арнайы құтқару шарасы ұйымдастырылды.

Операция нәтижесінде: 8 000-нан астам тасбақа, жүздеген жылан мен кесіртке аман қалды. Еріктілер тобы егістік алқаптарын аралап, тіршілік иелерін қолмен (шелектеп) жинап шықты. Құтқару жұмыстары бірнеше кезеңнен тұрды:

Берлиннің «Юнион» футбол клубына Мари-Луиза Эта бас бапкер болып тағайындалды. 34 жастағы маман Бундеслига тарихында ерлер командасын басқаратын алғашқы әйел атанды.

Bild басылымының мәліметінше, бұған дейін ол U19 жасөспірімдер құрамасымен жұмыс істеп, жаздан бастап клубтың әйелдер командасына ауысуды жоспарлаған. Енді оған «Юнион» клубын элиталық дивизионда сақтап қалу міндеті жүктелді.

«Клуб маған жауапты міндетті сеніп тапсырғанына қуаныштымын», – деді ол.

Мари-Луиза Эта Дрезден қаласында туған. Бұрын кәсіби футболшы болып, жартылай қорғаушы позициясында ойнаған. Ол «Турбине Потсдам» клубында өнер көрсетіп, Германия чемпионы атанып, Чемпиондар лигасын жеңіп алған. Сондай-ақ Германияның әртүрлі жас санатындағы жастар құрамаларына...

Енді Қазақстандағы лагерьге бұрынғыдай бір жыл емес бес жыл мерзімге лицензия беріледі. Жаңа өзгеріс бірінші сәуірден бастап күшіне енді. Бірақ демалыс орындарына қоятын талап та күшейе түседі. Бұл туралы Оқу-ағарту министрлігі Орта білім беру комитетінің басқарма басшысы Асыл Түймебаев «24KZ» телеарнасындағы «ТҮЙІН» бағдарламасында айтты.

Спикердің сөзінше, енді лагерь ғимараты жалға алынса, оны жалдау мерзімі 10 жылға дейін болуы шарт. 

«Ең бірінші талап – ғимараттың болуы немесе оның жалдау уақыты 10 жылға дейін болуы. Ол бізге тұрақтылықты көрсетеді. Екінші талап – басшылық немесе педагогтардың сапалық құрамы. Сондай-ақ, өрт қауіпсіздігі, тамақтандыру бойынша талаптардан өтуі яғни санитарлық-эпидемиологиялық департаментт...

Қазақстан экспортының 50%-ы әлі де мұнайға байланған. Шикізатқа телмірген модель ел экономикасын сыртқы нарықтағы құбылыстардан қорғансыз етеді. Осы ретте Qazaq Expert Club сарапшысы, қаржыгер Саида Тлеулеева алдағы 10 жылда елдің шикізатқа тәуелділігін төмендету үшін басымдық беруге тұрарлық бес саланы атады. Оның айтуынша, басты мақсат – тек жаңа сала табу емес, шикізат экспортынан ел ішінде қосымша құн жасауға көшу.

Өңдеу өнеркәсібі және мұнай-химия

Сарапшының пікірінше, экономиканың негізгі резерві өңдеу саласында жатыр. Мұнай-химиясын ішінара дамытудың өзі өнімнің қосымша құнын 2–3 есеге арттырады. Егер өңдеу өнеркәсібінің ЖІӨ-дегі үлесі 18–20%-ға дейін өссе, өңделген өнім экспорты қазіргі 10–12 миллиард доллардан...

Қазақстанның еңбек сіңірген қайраткері, белгілі әнші Нұрлан Абдуллиннің айналасында дау туды. Оның экс-жары Ақмарал Баққараева өнер иесінің табысын жасырып, ортақ баласына алимент төлеуден қашып отырғанын айтты. Бұл туралы Ulysmedia YouTube-арнасына берген сұхбатында айтты.

Алимент дауы

Ақмарал Баққараеваның айтуынша, әншімен заңды некеде болмағанымен, олардың арасында 8 жасар ұлы бар. Қазіргі таңда келіншек баласының құқығын қорғау үшін сот процестерін бастаған. Оның басты талабы әншінің ресми емес табыстары мен жылжымайтын мүліктерін есепке ала отырып, тиісті алимент мөлшерін өндіру.

«Нұрлан Абдуллиннің Астана мен Алматы қалаларында бірнеше люкс пәтерлері, сондай-ақ миллиондаған айналымы бар компаниялары бар. Алайда ол баласына көмектеспеу үшін...

Алматыда «Boxy Wealth» қаржы пирамидасын құру және оған басшылық ету фактісі бойынша тергеу аяқталды.

ҚМА департаменті тергеу барысында күдіктінің бір жыл бойы Алматы қаласы аумағында жобаның құрылымдық бөлімшесін басқарғанын анықтаған.

Жоба «www.boxywealth.com» интернет-ресурсы және мессенджерлер арқылы, оның ішінде «Күнделікті табыс» чаты арқылы жұмыс істеген. Алғашында халық тұтынатын тауарлар туралы ақпарат таратылып, кейін азаматтарды инвестициялық платформаға тартқан.

«Қатысу үшін пайдаланушыларға түрлі пакеттердің бірін сатып алып, күн сайын жарнамалық материалдарды қарау ұсынылған. Бұл үшін күніне 5%-дан 10%-ға дейін табыс уәде еткен. Қосымша ретінде жаңа қатысушыларды тартқаны үшін бонус есептелетін рефералдық жүйе жұмыс істеген», – делінген ақпаратта...

2026 жылғы 13 сәуірде Қызылорда облысында жаңа газ электр станциясы тәулік бойы энергия өндіре бастады. Аймақ үшін аса маңызды өндіріс орны алғашқы 170 мегаватт электр қуатын берді. Станцияны түріктер салған.

Энергетика министрлігінің мәліметінше, қазір станциядағы екі газ турбиналы қондырғы тәулік бойы жұмыс істеп, біртұтас энергия жүйесіне 170 МВт қуат беріп отыр. Ол елдің оңтүстік аймағы үшін қосымша генерацияға айналады.

«Жақын арада тағы бір бу турбинасын пайдалануға беру жоспарланған. Бұл станцияны жобалық көрсеткіштерге шығаруға мүмкіндік береді», – деп таратты министрлік.

Жаңа станцияның толық өндіріс күші – 240 МВт электр энергиясы. Бұған қоса, ол 277 Гкал жылу...

Таяу Шығыстағы соғыс әлемдік экономикаға «ауқымды әсер» етеді. Reuters агенттігіне берген сұхбатында Дүниежүзілік банк президенті Аджай Банга осылай мәлімдеді.

Оның пікірінше, соғыс ерте аяқталған жағдайда жаһандық экономикалық өсім 0,3-0,4%-ға, ал қақтығыс созылып кетсе, 1%-ға дейін төмендеуі мүмкін. Инфляция базалық болжам бойынша 0,2-0,3%-ға, ал жағымсыз сценарийде 0,9%-ға дейін өсуі ықтимал екенін айтады.

Дүниежүзілік банктің болжамына сәйкес, биыл дамушы елдер мен экономикасы қарқынды дамып жатқан елдердің өсімі 3,65% болады (қазан айындағы болжам 4% еді). Ал соғыс ұзаққа созылған жағдайда бұл көрсеткіш тек 2,6%-ға ғана жетуі мүмкін. Төтенше сценарийде инфляция 6,7%-ға дейін көтерілуі мүмкін.

Банганың айтуынша, Дүниежүзілік даму банкі өз...

Көпбалалы ана, блогерге айналған мектеп директоры Ақмоншақ Нұртаза бүгінде Баян Алагөзованың «Алтын ханым» әлеуметтік жобасына қатысып жатыр.

Ақмоншақ Нұртаза Айнұр Асанбердіге берген сұхбатында жобаға дайындық барысында өзіне қатаң талап қойып, қысқа уақыт ішінде 10 келі салмақ тастағанын айтты. Оның айтуынша, бұл нәтижеге жету оңай болған жоқ. Бірақ «Алтын ханым» атағына лайықты болу үшін жасалған бұл қадам оның ерік-жігерінің қаншалықты мықты екенін көрсетті.

«Бұл әлеуметтік жобаның бір бөлшегі болу оңайға соқпай жатыр, бірақ нәтижесі көңіл қуантады», – дейді қатысушы.

«Алтын ханым» байқауы 14 сәуір күні сағат 19:00 де Алматыдағы Республика сарайында өтеді. Байқауда 27 қатысушы өз...

12 сәуірде Мажарстандағы парламент сайлауы нәтижесінде елді 16 жыл басқарған Виктор Орбан биліктен кетіп. Оның орнына оппозиция жетекшісі Петер Мажар келеді.

Саяси бетбұрыс

Мажарстан премьер-министрі Виктор Орбан жексенбідегі парламент сайлауында өзі басқаратын «Фидес» партиясы жеңілгенін мойындады. Ол «Тиса» оппозициялық партиясының жетекшісі Петер Мажарды жеңісімен құттықтады.

Сайлаушылардың 79%-ы қатысқан ірі саяси науқанда «Тиса» партиясы 53,5%, ал «Фидес» 38% дауыс жинады. Енді Петер Мажар басқаратын партия парламенттен 138 орын алады. Ал оның қарсыласына бар болғаны 55 орын бұйырды.

Мажарстан – парламенттік республика. Елдегі маңызды шешімдерді заң шығарушы органда басымдыққа ие күш қабылдайды. Парламентті басқаратын партия ел премьер-министрін анықтайды. Петер Мажардың «Тиса...

Астанадағы үш баланың өлімінен кейін қылмыстық іс қозғалды. Бұл туралы Астана қаласы полициясы хабарлады.

Айта кетейік, Астананың Есіл ауданындағы 21 қабатты тұрғын үйде өрт шығып, үш бала қайтыс болды.

Ведомство мәліметінше, тергеу-жедел іс-шаралары жүргізіліп жатыр.

«Оқиғаның барлық мән-жайын анықтауға бағытталған жедел іс-шаралар кешені жүргізіліп жатыр. Тергеу нәтижелері бойынша тиісті құқықтық баға беріледі», – деп хабарлады полиция.

Өрт 15-қабаттағы пәтерден шыққан. Өртті сөндіру барысында жанып жатқан пәтерден күйік алған әйел құтқарылып, жедел медициналық жәрдем бригадасына тапсырылды. №1 көпсалалы қалалық ауруханаға жатқызылды. Оқиға орнынан кәмелетке толмаған үш баланың мәйіті табылды.

Алматы қаласында Қазақстан Республикасы Мемлекеттік кеңесшісі Ерлан Қарин төрағалығымен «Қазақстан тарихы: ежелгі дәуірден бүгінге дейін» атты жеті томдық академиялық басылымды дайындау жөніндегі редакциялық алқаның кезекті отырысы өтті.

Жиында XIX ғасыр мен ХХ ғасырдың басындағы Қазақстан тарихына арналған бесінші томның қолжазбасы қаралды. Жаңартылған құрылымы мен мазмұнын авторлар ұжымының жетекшісі, тарих ғылымдарының докторы, Ш.Уәлиханов атындағы Тарих және этнология институты директоры, академик Зиябек Қабылдинов таныстырды. Оның айтуынша, том редакциялық алқа мүшелерінің ұсыныстары негізінде толықтырылып, ғылыми тұрғыда жетілдірілген.

Талқылау қорытындысы бойынша редакциялық алқа мүшелері бірауыздан бесінші томды баспаға дайындауға мақұлдады.

Күн тәртібіндегі келесі мәселе – Қазақстан тарихының кеңестік кезеңіне арналған алтыншы томның қолжазбасын қарау...

Қасым-Жомарт Тоқаевтың атынан белгілі журналист, «Ulysmedia.kz» ақпараттық-талдамалық порталының бас редакторы Самал Ибраеваға мемлекеттік награда табыс етілді.

Марапатты ҚР Премьер-Министрінің орынбасары – Мәдениет және ақпарат министрі Аида Балаева салтанатты түрде тапсырды. Самал Ибраева отандық журналистиканы дамытуға қосқан үлесі үшін «Ерен еңбегі үшін» медаліне ие болды.

«Ерен еңбегі үшін» медалі қызметтің түрлі салаларындағы, соның ішінде мәдениет, ақпарат және қоғамдық өмір бағытындағы елеулі еңбегі мен жетістігі үшін беріледі.

Еске сала кетейік, бұған дейін Kursiv Media тілшілері жоғары мемлекеттік марапатқа ие болған еді.

Бұхарада өткен бейресми кездесу барысында Өзбекстан Президенті Шавкат Мирзиёев Қасым-Жомарт Тоқаевқа Қазақстан тарихы үшін маңызы зор, бұрын-соңды жарияланбаған бірегей құжаттарды табыс етті. Бұл жәдігерлер екі ел арасындағы рухани сабақтастықтың жаңа символына айналды.

Түркістан тарихының беймәлім беттері

Ақорданың баспасөз қызметі хабарлағандай, Қазақстан тарапына 1920–1950 жылдар аралығындағы құнды мұрағаттардың көшірмелері берілді. Бұл материалдар тікелей Түркістандағы киелі нысандарға қатысты:

Бұл архивтердің ең басты құндылығы олардың басым бөлігі осы уақытқа дейін ғылыми айналымға енбеген және еш жерде жарияланбаған.

«Бұл материалдардың мәдени және...

Көне Бұхара төрінде өткен Қазақстан мен Өзбекстан басшыларының кездесуінде Шавкат Мирзиёев Қасым-Жомарт Тоқаевтың мемлекет басқарудағы стратегиялық қадамдарына жоғары баға беріп, бауырлас халықтың қолдауын жеткізді.

Экономикалық серпіліс пен цифрландыруға құрмет

Шавкат Мирзиёев Қазақстанның соңғы жылдардағы экономикалық жетістіктеріне ерекше тоқталды. Ол әлемдегі күрделі геосаяси жағдайға қарамастан, Қазақстан экономикасының 300 млрд доллардан асуын үлкен көрсеткіш деп атады.

«Шикізаттық емес сектор жанданып, шағын және орта бизнестің үлесі 40 пайызға жуықтады. Бұл – жүйелі реформалардың жемісі. Әсіресе, Қазақстандағы Цифрландыру және жасанды интеллект жылы аясындағы бастамалар өңір үшін үлгі боларлық іс», – деді Өзбекстан басшысы.

Өзбекстан Президенті Қасым-Жомарт Тоқаевтың халықаралы...

NASA басшысы Джаред Айзекман 2026 жылдың шілдесінде «Союз МС-29» кемесінің ұшырылуын өз көзімен көру үшін Байқоңыр ғарыш айлағына келуді жоспарлап отыр.

Шілде айына жоспарланған миссия аясында Халықаралық ғарыш станциясына (ХҒС) американдық астронавт Анил Менон мен ресейлік ғарышкерлер Пётр Дубров және Анна Кикина аттанбақ. Анил Менон үшін бұл ХҒС-қа жасалатын алғашқы сапары болмақ.

NASA өкілдері Айзекманның сапары аясында «Роскосмос» басшысы Дмитрий Бакановпен жеке кездесуі мүмкін екенін жоққа шығармайды. Ведомствоның хабарлауынша, NASA басшысы станция бойынша әріптес барлық шетелдік ғарыш агенттіктерінің жетекшілерімен тұрақты түрде кездесулер өткізіп тұрады.

Қазақстан және SpaceX: 2027 жылға жоспар

Ресейлік кемелер Байқоңырдан аттанып жатқанда, Қазақстан ғарыш саласындағы жеке...

Пәкістан астанасы Исламабадта АҚШ пен Иран арасындағы соңғы онжылдықтардағы ең жоғары деңгейдегі ресми келіссөздер басталды. Бірнеше күндік белгісіздіктен кейін екі елдің жоғары лауазымды өкілдері аймақтағы шиеленісті бәсеңдету мақсатында кездесті.

Делегация құрамы: кімдер келді?

Америкалық делегацияны АҚШ вице-президенті Джей Ди Вэнс бастап келді. Оның құрамында президенттің арнайы өкілі Стив Уиткофф пен Дональд Трамптың күйеу баласы Джаред Кушнер де бар. Вэнс Исламабадқа қонбас бұрын АҚШ-тың «ізгі ниетпен» келгенін, бірақ кез келген жағдайға дайын екендерін ескертті.

Иран тарапын Парламент спикері Мохаммад-Багер Галибаф бастаған делегация таныстырады. Оның қасында Сыртқы істер министрі Аббас Арагчи мен Орталық банк төрағасы Абдолнасер Хеммати бар. Галибаф келіссөз алдында...

Президент Қасым-Жомарт Тоқаев жұмыс сапарымен Өзбекстан Республикасына келді. Мемлекет басшысын Бұхара қаласының әуежайында Өзбекстан Президенті Шавкат Мирзиёев зор ілтипатпен қарсы алды.

Салтанатты қабылдау

Бұхара әуежайында қазақстандық көшбасшының құрметіне арнайы салтанатты қарсы алу рәсімі ұйымдастырылды. Екі ел арасындағы достық пен бауырластықтың белгісі ретінде ұлттық әндер шырқалып, би ұжымдары өз өнерлерін көрсетті. Бұл сапар бауырлас мемлекеттер арасындағы стратегиялық әріптестіктің жаңа белесі ретінде бағалануда.

Жұмыс сапарының аясында маңызды іс-шаралар жоспарланған. Екі ел басшылары еркін форматта кездесіп, өңірлік қауіпсіздік пен екіжақты ынтымақтастықтың өзекті мәселелерін талқылайды.

Сондай-ақ Қасым-Жомарт Тоқаев пен Шавкат Мирзиёев Бұхараның көне мәдени мұраларымен танысады. Президенттер қаланың өнеркәсіптік әлеуетін көрсететін бірқатар нысандарды...

Астана төрінде қазақстандық теннистің жарық жұлдызы, ұлттық құраманың белді мүшесі Зарина Диястың кәсіби мансабын аяқтауына арналған салтанатты рәсім өтті.

Билли Джин Кинг кубогы (BJK Cup) аясындағы Қазақстан мен Канада құрамаларының кездесуі кезінде ұйымдастырылған бұл шара спортшының жанкүйерлері мен әріптестері үшін ерекше тебіреніске толы сәт болды.

Салтанатты шара барысында Қазақстан теннис федерациясының президенті Болат Өтемұратов Заринаға қазақы дәстүрмен иығына шапан жауып, еліміздің намысын әлемдік аренада абыроймен қорғағаны үшін алғыс білдірді. Сондай-ақ Зарина Дияс кішкентай теннисшілер мен жас жанкүйерлер үшін автограф-сессия өткізді.

Ішкі істер министрлігінде өткен кеңейтілген алқа отырысында 2026 жылдың бірінші тоқсанындағы жедел қызмет қорытындылары шығарылды. Министр Ержан Сәденовтің төрағалығымен өткен жиында еліміздегі құқықтық тәртіпті нығайту мен «Заң мен Тәртіп» қағидатын іске асыру мәселелері талқыланды.

Қылмыс азайып, ашылу көрсеткіші артқан

Биылғы жылдың алғашқы үш айында криминогендік ахуал тұрақтылық танытты. Өткен жылдың сәйкес кезеңімен салыстырғанда қылмыс саны 9%-ға (2150 дерекке) азайған. Сонымен қатар кәмелетке толмағандар арасындағы және тұрмыстық құқықбұзушылықтар саны қысқарды. Қоғамдық орындар мен мас күйінде жасалатын қылмыстар деңгейі төмендеп, қылмыстардың ашылу көрсеткіші барлық санат бойынша жақсарған.

Интернет-алаяқтықпен күрес және цифрландыру

Цифрлық қылмыстарға қарсы іс-қимыл нәтижесінде интернет-алаяқтық фактілері азайған. Әсіресе...

Президент Қасым-Жомарт Тоқаев отандық ғылымның дамуына зор үлес қосқан бірқатар ғалымдарды мемлекеттік наградалармен марапаттау туралы жарлықтарға қол қойды.

Атап айтқанда, шығыстану ғылымына сіңірген елеулі еңбегі, филология саласының қытайтану бағытын терең зерттеп, қазақ тарихына қатысты тың деректерді жинақтауға және ұлттық мәдени құндылықтарды насихаттауға қосқан үлесі үшін Дүкен Мәсімханұлы ІІІ дәрежелі «Барыс» орденімен наградталды.

Сондай-ақ белгілі ғалым, филолог Айнұр Әбиденқызы «Қазақстанның еңбек сіңірген қайраткері» құрметті атағына ие болды.

Президент құттықтау жеделхатында бұл марапаттар ғалымдардың ұзақ жылғы табанды еңбегі мен іргелі ғылыми ізденістерінің нәтижесі екенін атап өтті. Сонымен қатар Мемлекет басшысы шығыстанушыларға және олардың отбасыларына амандық, шығармашылық табыс тіледі.

Қазақстан Премьер-лигасының 5-ші туры аясында Қостанайда жергілікті «Тобыл» алматылық «Қайратты» қабылдайды. 

Тікелей эфирді қайдан көруге болады?

Ойын, бүгін, 11 сәуір сағат 18:00-де басталады. Жанкүйерлер ойынды «Sport+ Qazaqstan» телеарнасында, «Кинопоиск» платформасы мен YouTube-та KFF League ресми арнасы арқылы тамашалай алады. 

Командалардың қазіргі жағдайы

«Қайрат» (Кестеде 1-орын):

Алматылық клуб маусымды сәтті бастады. 4 ойыннан кейін 10 ұпай жинап, кестенің ең жоғарғы сатысында тұр. Соңғы матчтарында «Астананы» 4:0 есебімен тас-талқан етіп, Қазақстан Кубогында «Жайықты» 3:1 есебімен жеңген.

«Тобыл» (Кестеде 16-орын):

Қостанайлықтар үшін Премьер-лиганың басталуы ауыр болды. Қазіргі уақытта команда 1 ұпаймен соңғы орында тұр. Алайда, 8 сәуір күні Қазақстан...