Жаңалықтар

2026 жылдың 15 наурызында ауқымды медиажоба – «Референдум – 2026» онлайн марафоны өтеді. Марафон сағат 09:00-де басталып, түнгі 00:15-ке дейін жалғасады.

15 сағатқа созылатын тікелей эфир ел өміріндегі маңызды саяси оқиғаның барысын жан-жақты қамтып, референдум күнінің негізгі сәттерін, қоғам пікірі мен сарапшылар көзқарасын көрерменге жедел әрі заманауи форматта ұсынады.

Наурызнама онкүндігі аясында өтетін марафон –тек ақпараттық шара емес, қоғамдағы өзекті мәселелерді талқылайтын, жаңа идеялар мен технологиялық бастамаларды таныстыратын бірегей алаң. Іс-шараға саяси қайраткерлер, қоғамға танымал азаматтар, өз саласында табысқа жеткен мамандар, өнер мен мәдениет өкілдері және стартаперлер қатысып, ел дамуының маңызды бағыттары жөнінде пікір алмасады.

Жоба барысында көрермендер заманауи технологиялық шешімдер арқылы...

Қазақстанның тұрғын үй нарығында белсенділік төмендеп келеді. Ұлттық статистика бюросының соңғы деректеріне сүйенсек, 2026 жылдың ақпан айында жалпы 27 421 сатып алу-сату шарты тіркелген. Бұл қаңтар айымен салыстырғанда 1,2%-ға аз.

Өңірлердегі ахуал: қай қала көш бастап тұр

Тұрғын үй сатылымы бойынша ірі мегаполистер мен өндірістік аймақтар әдеттегідей көш бастап тұр. Ақпан айындағы негізгі үлес мына өңірлерге тиесілі:

Ең төменгі көрсеткіш Ұлытау облысында тіркелді, мұнда бір ай ішінде небәрі 255 келісімшарт жасалған.

Бір...

Орталық референдум комиссиясы дауыс беру күні сайлау учаскелерінде фото және бейнетүсірілім жүргізуге кімдерге рұқсат етілетінін түсіндірді.

Комиссияның мәліметінше, учаскелерде фото-бейнетүсірілім жасауға тек бақылаушылар мен бұқаралық ақпарат құралдарының өкілдеріне ғана рұқсат беріледі.

Бұл ретте олар дауыс беру құпиясын сақтауға, азаматтардың жеке деректерінің қорғалуын қамтамасыз етуге, дауыс беру процесіне және комиссия мүшелерінің жұмысына кедергі келтірмеуге міндетті.

Сондай-ақ түсірілім жүргізу кезінде азаматтың бейнесін пайдалануға қатысты құқықтары сақталуға тиіс.

Еске салсақ, референдумды бақылауға 10 халықаралық ұйымнан және 27 шет мемлекеттің орталық сайлау комиссияларынан барлығы 336 халықаралық бақылаушы қатысады деп жоспарланып отыр.

Қоғамдық пікір сауалнамасының нәтижелеріне сәйкес, референдумға қазақстандықтардың 70%-дан астамы қатысуға...

АҚШ 11 сәуірге дейін кемелерге тиеліп қойған ресейлік шикі мұнай мен мұнай өнімдерін сатуға рұқсат берді. Бұл туралы АҚШ Қаржы министрлігі хабарлады деп жазады Reuters.

АҚШ елдерге теңізде жүрген ресейлік мұнай мен мұнай өнімдерін сатып алуға 30 күндік лицензия берді. Қаржы министрі Скотт Бессент Х әлеуметтік желісінде бұл «тар ауқымды әрі қысқа мерзімді шара» екенін мәлімдеді. Оның айтуынша, лицензия тек қазірдің өзінде жолда келе жатқан мұнайға қатысты қолданылады және Ресей үкіметіне айтарлықтай қаржылық пайда әкелмейді.

Бұған дейін АҚШ президенті Дональд Трамп Таяу Шығыстағы соғысқа байланысты мұнай саудасына салған санкцияны уақытша алып тастау туралы айтқан. Бірақ нақты қай елге...

Қазақстандық кинематографияның соңғы жылдардағы ең шулы әрі табысты туындыларының бірі «Дәстүр» фильмінің жалғасы стриминг платформада көрсетіледі.

Freedom Media мәлімеиінше, 20 наурыздан бастап көрермендер «Дәстүр: Теріс бата» фильмін тамашалай алады.

Фильмде қазақ қоғамындағы ежелден келе жатқан тыйымдар, наным-сенімдер және ең қорқынышты ұғымдардың бірі «теріс батаның» салдары заманауи хоррор элементтерімен шебер ұштастырылған.

Айта кетерлігі, «Дәстүр» фильмі кинотеатрларда көрсетілген уақытта әлемдік «Аватар: Су жолы» фильмімен бәсекелесіп отандық проката табысқа жеткен.

Қазақстанның қор нарығындағы (KASE) компаниялардың капиталдану деңгейі ел экономикасының драйверлерін айқын көрсетеді. Kursiv Media 2026 жылғы наурыздағы мәліметтер бойынша еліміздегі ең қымбат компаниялардың тізімін анықтады. Нарықтық құны бойынша жалпы тізімде мұнай-газ, уран және қаржы секторлары көш бастап тұр.

Үздік үштік: нарықтың мызғымас көшбасшылары

Тізімнің алғашқы сатыларында құны миллиардтаған доллармен өлшенетін ұлттық алпауыттар мен финтех-революционер орналасқан:

Қазақстандық теннисші Елена Рыбакина АҚШ-та өтіп жатқан беделді WTA 1000 турнирінде кезекті жеңісіне қол жеткізіп, өз мансабындағы жаңа белесті бағындырды.

Ширек финалдағы жеңіс

Индиан-Уэллс турнирінің ширек финалында Елена Рыбакина америкалық теннисші Джессика Пегуламен кездесті. Тартысты өткен матчта Елена қарсыласын екі сетте айқын басымдықпен жеңді. Ойын нәтижесі: 6-1, 7-6 (7-4).

Бірінші сетте Рыбакина кортта толықтай үстемдік құрып, Пегулаға тек бір гейм ғана берді. Екінші сет анағұрлым тартысты өтіп, тай-брейкке ұласты. Алайда, шешуші сәтте қазақстандық спортшы суыққандылық танытып, жеңісті жұлып алды.

Әлемдік рейтингтегі жаңа рекорд

Осы жеңісінің арқасында Елена Рыбакина WTA әлемдік рейтингінде екінші орынға (World No.2) көтерілді. Бұл кәсіби...

Денсаулық сақтау министрлігі жүргізушінің мас күйін медициналық куәландыру қағидаларын өзгертетін бұйрық жобасын жария талқылауға шығарды.

Құжат «Ашық НҚА» порталында жарияланды. Талқылау 27 наурызға дейін жалғасады.

Өзгерістердің басты мақсаты – емшараның дәлдігі мен ашықтығын арттыру екендігі атап өтілген. Денсаулық сақтау министрлігі сөз тек алкоголь туралы ғана емес, сонымен қатар басқа да психобелсенді заттар туралы болып отырғанын айтады.

Негізгі өзгеріс – мас болу деңгейінің сапалық көрсеткіштерін енгізу. Бұл дәрігерлерге адамның жай-күйін неғұрлым нақты тіркеуге және медиктердің қорытындысы күмән тудыратын даулы жағдайлардың санын азайтуға мүмкіндік береді.

Сондай-ақ, жобада зертханалық зерттеулерді егжей-тегжейлі көрсету қарастырылған, бұл процесті объективті және азаматтар үшін түсінікті етуі тиіс.

Еліміздің батыс және оңтүстік өңірлерінде көктем лебі сезіле бастаса, шығыс пен солтүстікте түнде әлі де едәуір аяз сақталады. «Қазгидромет» 13 наурызға ауа райы болжамын ұсынды.

Жақында «Жібек жолы» халықаралық туристік жобасы Орталық Азия елдерінің басын қайта біріктіреді, деп хабарлайды Туризм министрлігі.

2026 жылдың 20-25 наурызы аралығында туристік пойыз Ұлы Жібек жолы бағыты бойынша жолға шығып, бірыңғай трансшекаралық саяхат аясында Қазақстан, Өзбекстан және Тәжікстанды байланыстырады.

Бағыт Алматы – Түркістан – Самарқанд – Душанбе – Ташкент – Алматы бағдары бойынша өтеді және қатысушыларға бірнеше күн ішінде өңірдің негізгі тарихи-мәдени және рухани орталықтарымен танысуға мүмкіндік береді.

Жоба мемлекетаралық туристік ынтымақтастықты дамытуға, Орталық Азия елдері арасындағы байланыстарды нығайтуға және бірлескен трансшекаралық туристік маршруттарды ілгерілетуге бағытталған.

Сапар аясында қатысушылар келесі қалаларды аралайды:

Иранның жаңа Жоғарғы көшбасшысы – Моджтаба Хаменеи әкесі қайтыс болғаннан кейін ел азаматтарына алғаш рет үндеу жасады.

Reuters агенттігінің хабарлауынша, мемлекеттік теледидардағы алғашқы сөзінде ол қаза тапқандар үшін кек алуға уәде беріп, АҚШ пен Израиль өз шабуылдарын тоқтатқанша Ормұз бұғазы жабық қалатынын мәлімдеді.

«Қарсылас өз іс-әрекетінің салдарын сезінуі тиіс. АҚШ аймақтағы барлық базаларын жабуы керек», – деп атап өтті Хаменеи.

Оның айтуынша, әлемдік мұнайдың бестен бір бөлігі өтетін Ормуз бұғазы қарсыласқа қысым көрсету құралына айналмақ.

АҚШ пен Израиль 28 ақпанда Иранға әуе шабуылын бастады. Оған жауап ретінде Иран АҚШ-тың Араб елдеріндегі әскери базаларына бомба мен әскери дрондар...

Астана халықаралық әуежайы ұшу-қону жолағындағы жоспарлы жөндеу жұмыстары туралы хабарлады. Олар 2026 жылы 15 сәуір мен 31 мамыр аралығында өтеді.

Әуежайдың баспасөз қызметінің мәліметінше, жұмыстар аэродром инфрақұрылымын қолдаудың кезең-кезеңімен іске асырылатын бағдарламасы аясында жүргізіледі және ұшу қауіпсіздігін қамтамасыз етуге бағытталған.

«Аэродром — бұл күн сайын жоғары жүктемені бастан кешіретін күрделі инженерлік нысан: әуе кемелерінің ұшуы мен қонуы, ауыр техниканың әсері, сондай-ақ температураның күрт өзгеруі мен климаттық жағдайлар. Айта кету керек, жөндеу жұмыстары жылдан-жылға бір-бірін қайталамайды. Мәселен, 2025 жылы перрон мен рульдік жолдар жаңартылды. Ал 2026 жылы жөндеу аэродромның басқа элементтерін, соның ішінде ұшу-қону жолағының жекелеген учаскелері мен жасанды...

Астанада көпқабатты тұрғын үйлердің бірінде өрт шықты, деп хабарлайды Төтенше жағдайлар министрлігінің баспасөз қызметі.

Оқиға орнына жеткен өрт сөндірушілер көпқабатты үйдің екінші қабатындағы пәтердің жанып жатқанын анықтады. Құтқарушылардың жедел әрі үйлесімді іс-қимылының арқасында өрт қысқа мерзімде ауыздықталды.

«Өрт сөндіру бөлімшелері келгенге дейін 11 адам, оның ішінде 4 бала өз бетінше эвакуацияланды. Өрт сөндірушілер баспалдақ арқылы тағы 3 адамды, соның ішінде бір баланы құтқарды», – деп хабарлады ведомстводан.

Зардап шеккендер мен қаза тапқандар жоқ. Өрттің шығу себебі анықталып жатыр. Төтенше жағдайлар министрлігі азаматтардан өрт қауіпсіздігі ережелерін қатаң сақтауды сұрайды.

Еске салсақ, 27 ақпан түнде Ақмола...

12 наурыз күні Атырау гарнизонындағы әскери бөлімдердің бірінде жоспарлы далалық атыс жаттығулары кезінде мерзімді әскери қызметші оқ жарақатын алды, деп хабарлады Атырау горнизонының баспасөз қызметі.

Алдын ала мәлімет бойынша, оқиға қаруды абайсыз қолдану салдарынан болуы мүмкін.

Жараланған әскери қызметші дереу медициналық мекемеге жеткізіліп, оған қажетті медициналық көмек көрсетілген. Алайда дәрігерлердің барлық күш-жігеріне қарамастан, оның өмірін сақтап қалу мүмкін болмады.

Қазақстан Республикасы Қарулы Күштерінің қолбасшылығы қаза тапқан әскери қызметшінің туған-туыстары мен жақындарына көңіл айтады. Марқұмның отбасына қолданыстағы заңнамаға сәйкес барлық қажетті көмек пен қолдау көрсетілетіні хабарланды.

Аталған дерек бойынша Ішкі істер министрлігінің Әскери-тергеу басқармасы қылмыстық іс қозғады. Қазіргі уақытта оқиғаның барлы...

25-28 наурыз аралығында Астанада ФИФА-ның футболдан жаңа халықаралық жолдастық кездесулер турнирі – FIFA Series 2026 матчтары өтеді.

Қазақстан футбол құрамасы төрт команда қатысатын шағын турнирдің қожайындарының бірі болды. Жеребе қорытындысы бойынша, «Астана Арена» стадионында «төрттік финал» форматында көшбасшылық үшін Қазақстан, Комор аралдары, Кувейт және Намибия командалары бақ сынайды.

Қазақстан құрамасының бас жаттықтырушысы Талғат Байсейітов ұлттық құраманың оқу-жаттығу жиынына шақырылған футболшылардың кеңейтілген тізімін жариялады.

Қақпашылар: Темірлан Анарбеков («Қайрат»); Мұхаммеджан Сейсен («Астана»); Александр Заруцкий («Ақтөбе»); Бекхан Шайзада («Ордабасы»).

Қорғаушылар: Сергей Малый, Сұлтанбек Астанов (екеуі де «Ордабасы»); Александр Мрынский, Александр Широбоков, Еркін Тапалов (барлығы «Қайрат»); Нұралы Әліп («Зенит», Ресей); Ян Вороговский, Әлібек Қасым (екеуі де «Астана»); Әділбек Жұмаханов...

2026 жылдан бастап 270-ші кірістер мен мүлік туралы декларацияны тапсыру ережелеріне өзгерістер енгізілді. Мемлекеттік кірістер комитеті енді кімдер декларация тапсыруы керектігін және оны қалай дұрыс жасау қажеттігін түсіндірді.

МКК Жеке тұлғалардың кірістерін әкімшілендіру басқармасының бас сарапшысы Гүлден Хасенова эфир кезінде активтер мен міндеттемелер туралы декларацияны (250.00-нысан) және кірістер мен мүлік туралы декларацияны (270.00-нысан) тапсыру ережелері туралы айтып берді.

270-декларацияны кімдер тапсыруы тиіс

270-ші кірістер туралы декларацияны заңды тұлғалар немесе жеке кәсіпкер емес, тек жеке тұлғалар тапсыруы тиіс. Кәсіпкер егер жеке тұлға ретінде табыс алса немесе оның декларациялауға жататын активтері болса, оны тапсыра алады.

Кірістер мен мүлік туралы декларацияны келесі тұлғалар тапсыруы...

Мәйіттің табылуына байланысты полиция қылмыстық тергеуді бастады. Қазіргі уақытта оқиғаның барлық мән-жайы анықталып жатыр. Бұл туралы ақпарат әлеуметтік желілерде пайда болды. Ақтөбе облыстық ПД бұл деректі растады.

«Полиция қызметкерлері мәйіттің табылу фактісі бойынша қылмыстық іс қозғады.
Оқиғаның барлық мән-жайын анықтауға бағытталған қажетті тергеу және жедел-іздестіру іс-шаралары кешені жүргізілуде», – деп хабарлады ведомстводан.

Полиция тергеу мүддесіне байланысты қазіргі уақытта өзге ақпарат жария етуге жатпайтынын атап өтті.

2025 жылдың 25 желтоқсанында Атырау облысы полициясы іс-түссіз жоғалған бір отбасының 4 адамына іздеу жариялады. Кейінірек полиция олардан бөлек осы отбасының қызы мен күйеу баласы да жоғалғанын мәлімдеді. Кейіннен оларды...

Қазақстан азаматтарына Біріккен Араб Әмірліктерінде 217 жылжымайтын мүлік нысаны тиесілі. Бұл туралы ҚР Қаржы министрлігінің Мемлекеттік кірістер комитеті хабарлады.

Азаматтардың шетелдік активтері туралы ақпарат салық органдарына декларациялардан және шетелдік ведомстволармен халықаралық деректер алмасу шеңберінде түседі. Сөз есептіліктің екі нысаны – активтер мен міндеттемелер туралы декларация (250.00-нысан) және кірістер мен мүлік туралы декларация (270.00-нысан) жайында болып отыр.

«2025 жылғы активтер мен міндеттемелер туралы декларацияда декларанттар БАӘ-де орналасқан 168 жылжымайтын мүлік нысанын көрсеткен. 2024 жылғы есепті кезеңдегі кірістер мен мүлік туралы декларацияда БАӘ-дегі 49 жылжымайтын мүлік нысаны декларацияланған. Осылайша, 2024 жылғы 31 желтоқсандағы жағдай бойынша БАӘ-де 217 жылжымайтын...

Батыс Қазақстан облысында өрт сөндірушілер өртеніп жатқан үйден екі кішкентай бауырын алып шыққан жас батырды марапаттады.

Төтенше жағдайлар министрлігінің хабарлауынша, қайғылы оқиға Арал төбе ауылында орын ала жаздаған. Өрт кішкентай балалар отырған тұрғын үйде тұтанған. Тоғыз жасар Бейбарыс Тілекберген абдырап қалмай, өрт сөндірушілер келгенше бүлдіршіндерді тез арада сыртқа, қауіпсіз жерге шығарған.

Шақырту бойынша жеткен өрт сөндірушілер шамамен бес шаршы метр аумақты шарпыған өртті жедел түрде ауыздықтады.

Өңірлік ТЖД бастығының орынбасары Елдос Батталов Бейбарысқа батылдығы мен ширақтығы үшін алғыс хат табыс етті.

«Баланың жылдамдығы мен ержүректігінің арқасында қайғылы салдардың алды алынды», – деп атап өтті құтқарушылар.

Қостанайда «президенттік гараждың» көлігі қатысқан даулы іс қаралып жатыр. Жүргізуші қолдан жол апатын жасады деп айыпталып отыр деп жазады жергілікті Новая газеті басылымы.

Қостанай облыстық сотында жол апатынан келген шығынды өндіруге қатысты апелляциялық шағым қаралды. Істің басты кейіпкері – бұрын бір бампер үшін бірнеше рет сақтандыру төлемін алып, «алаяқтық» күдігіне ілінген Артем Хамитов.

Істің мән-жайы

Көлігін «Н. Назарбаевтың гаражынан 120 мың долларға сатып алдым» деген Хамитов 2025 жылы тағы да жол апатына түскен. Тұрған көліктің бамперіне азаматша Семенова соғылған. Сақтандыру компаниясы 730 мың теңге төлегенімен, Хамитов тәуелсіз бағалау арқылы шығынды 3,3 млн теңгеге дейін жеткізіп, сот арқылы...

Алаяқтар референдумды пайдаланып, қазақстандықтарды алдауға көшті. Жалған ақпаратпен күрес орталығы осылай ескертеді.

Қаскөйлер «бюллетеньді тіркеу» немесе онлайн дауыс беруге қатысу үшін SMS арқылы келген кодты айтуды сұрайды. Ведомство референдумға тіркелу үшін ешқандай қоңырау шалу қарастырылмағанын еске салды.

Мамандар дауыс беру процесіне қатысты келесі жайттарды баса айтты:

Қазақстандықтардан жеке мәліметтері мен SMS-кодтарды бөгде адамдарға айтпауды, тек дауыс беру комиссияларының ресми ақпаратына сенуді сұрайды.

Референдум 15 наурызда өтеді. Референдумда «Жобасы БАҚ-та 2026 жылдың 12 ақпанында жарияланған Қазақстан Республикасының жаңа Конституциясын қабылдайсыз ба?» деген сұрақ қойылады.

Сол күні Астана, Алматы...

Бейсенбі күнгі сауда қорытындысы бойынша бір доллардың құны 489,52 теңгеге дейін арзандады. KASE дерегі бойынша бұл осы аптадаға ең төменгі жабылу (close) бағамы. Kurisv.Media мәліметінше, бүгінгі сауда-саттық көлемі 326,4 млн долларды құрады. Бұл сәрсенбідегі сауда көлемінен 72 млн долларға аз.

Мұнай бағасы теңгені нығайтуда

Күндізгі сессияда брент маркалы мұнай бағасы бөшкесіне 97-100 доллар дәлізінде сатылуда. Бұл теңгенің нығаюына қосымша күш беруде.

Еске сала кетейік, Иранның әскери қолбасшылығы 11 наурызда әлем мұнай бағасының барреліне 200 долларға жетуіне дайын болуы керектігін мәлімдеді. Бұл мәлімдеме Парсы шығанағында қоршауға алынған тағы үш сауда кемесі шабуылға ұшырағаннан кейін жасалды.

Француздық автоөндіруші Renault Bridger кроссоверін таныстырды. Компания бұл көлік шағын болса да нағыз жол талғамайтын модель болады деп есептейді және танымал Suzuki Jimny-ге тікелей бәсекелес болуы мүмкін.

Қазіргі уақытта Bridger тек концепт ретінде бар, алайда сериялық нұсқасы әзірленіп жатыр.

Нарыққа қашан шығады

«Өндірушінің жоспары бойынша, көлік нарыққа 2027 жылдың соңына дейін шығады. Алғашқы нарық – Үндістан, кейін бұл модель Африка мен Таяу Шығыс елдеріне жеткізілуі мүмкін», – деп жазды Carscoops.

Ерекшке дизайны мен оптикасы

Концепттің сыртқы стилі бірден көзге түседі. Bridger төртбұрышты стильде жасалған, қысқа картерлік бөліктер мен дөңгелек аркаларын қоршайтын көлемді пластик қаптамалары бар.

Renault Bridger

Қазақстандағы Польша Республикасының Төтенше және Өкілетті Елшісі Михал Лабенда қызылордалықтардан «көктемді Астанаға қайтаруды» өтінді.

Қысқа видеода дипломат жуырда Қызылордаға барып келгенін, ол жақта көктемнің қыза түскенін айтып, әзіл араластырды.

«Менің Қызылорда халқына өтінішім бар. Мен Қызылордада болдым. Көктем сіздерге келгенін көрдім. Көктем келіп, тойлап жатқандарыңызды білемін. Ал Қызылорданың тойы – барсакелмес екенін де жақсы білемін. Қойдың басын бердіңіздер, палау бердіңіздер, салат, ет бердіңіздер… Көктемде бізде де жұмыс бар. Көктемді бізге жіберіңіздер», – деп әзілмен жазба жариялады елші.

Желі қолданушылары елшінің әзілін жоғары бағалап, оның қазақ тілінде еркін сөйлейтініне тәнті болғандарын жазды.