Жаңалықтар

Орталық референдум комиссиясы елдегі референдум учаскелері жабылғанын мәлімдеді. Сағат 20:00-дегі жағдай бойынша республиканың 9 126 850 азаматы референдум бюллетенін алған.

Өңірлерде азаматтардың келуі мынадай:

Ел бойынша Конституцияны өзгертуге қатысты референдумда дауыс беру учаскелері жабылды. Референдум учаскелері таңғы 07:00-ден бастап жұмыс істеді.

Осылайша 20:00-де учаскелер жабылып, дауыстарды санау басталды.

Сағат 18:00-дегі жағдай бойынша республиканың 8 845 280 азаматы дауыс беру бюллетенін алған. Орталық референдум комиссиясы ұсынған ақпаратқа сәйкес, тізімге енгізілген азаматтардың 70,98 пайызы дауыс берген.

Сағат 19:00-дегі жағдай бойынша шетелде жүрген 9 050 қазақстандық референдумда дауыс берген.

Сағат 00:00-ге дейін шетелдегі 64 учаске жұмысын аяқтайды. Соңғы болып АҚШ-тың Сан-Франциско қаласындағы референдум учаскесі 16 наурызда Астана уақытымен сағат 08:00-де жабылады.

Референдумның қорытындысын Орталық референдум комиссиясы арнайы отырыста шығарады. Одан кейін нәтижелер хаттама түрінде рәсімделіп, бұқаралық ақпарат...

15 наурыз — Бүгін республикалық референдум барысында ерекше акция өтті. Кәсіби парапланшы Джунусов Искендер Толкынович сайлау учаскесіне көктен қалықтап ұшып келіп, өз таңдауын жасады. Бұл ерекше қадам – ел болашағына деген биік мақсаттар мен азаматтық белсенділіктің жаңа символына айналды. Искендер Толкынович көк аспанда Қазақстан Республикасының Көк байрағын желбіретіп, жұртшылықты саяси науқанға белсене қатысуға шақырды. «Менің кәсібім мен хоббиім әрқашан биіктікпен байланысты. Бүгінгі референдум да еліміздің жаңа биіктерді бағындыруына жол ашатын маңызды қадам деп есептеймін. Сайлау учаскесіне әуе жолымен келу арқылы мен әрбір қазақстандықтың таңдауы елдің болашақ бағытын анықтайтынын көрсеткім келді. Біздің болашағымыз — ашық аспан сияқты кең әрі жарық болуы...

Сағат 18.00-дегі жағдай бойынша республиканың 8 845 280 азаматы бюллетень алған.

Өңірлерде азаматтардың келуі мынадай болған:

Абай облысы – 73,84 %
Ақмола облысы – 77,72 %
Ақтөбе облысы – 83,12 %
Алматы облысы – 70,27 %
Атырау облысы – 71,08 %
Батыс Қазақстан облысы – 66,90 %
Жамбыл облысы – 81,07 %
Жетісу облысы – 73,84 %
Қарағанды облысы – 81,44 %
Қостанай облысы – 80,11 %
Қызылорда облысы – 91,80 %
Маңғыстау облысы – 76,84 %
Павлодар облысы – 71,85 %
Солтүстік Қазақстан облысы – 68,58 %
Түркістан облысы – 82,03 %
Ұлытау облысы – 70,57 %
Шығыс Қазақстан облысы – 83,63 %
Астана қаласы – 56,72 %
Алматы қаласы – 32,82 %
Шымкент қаласы – 74,44 %.

Ғылым және жоғары білім министрлігі елдегі шетелдік университеттердің филиалдарын қолдау мақсатында Қазақстан азаматтарына мемлекеттік гранттар бөлуді жоспарлап отыр. Бұл туралы ведомство басшысы Саясат Нұрбек Орталық коммуникациялар қызметінде айтты.

Министрдің сөзінше, бұл бастама қазақстандық талапкерлер үшін жаңа мүмкіндік ашады.

«Біз қазір осындай саясатқа көшіп жатырмыз: шетелдік университеттердің Қазақстандағы филиалдарының дамуын қолдау үшін алғашқы 5-10 жыл ішінде оларға мемлекеттік гранттар бөлінеді. Бұл гранттар міндетті түрде Қазақстан азаматтарына арналған болады. Осылайша талантты жастарымыз шетелден білім іздемей-ақ, ел ішінде сапалы білім алу мүмкіндігіне ие болады. Оның үстіне қазір шетелдегі жағдай да күрделі: визалық талаптар мен көші-қон тәртібі өзгеріп жатыр, тұрақсызды...

Сағат 16.00-дегі жағдай бойынша республиканың 8 029 286 азаматы бюллетень алған.

Өңірлерде азаматтардың келуі мынадай болған:

Абай облысы – 69,29%
Ақмола облысы – 71,33%
Ақтөбе облысы – 77,65%
Алматы облысы – 68, 23%
Атырау облысы – 64,33%
Батыс Қазақстан облысы – 60,61%
Жамбыл облысы – 70,31%
Жетісу облысы – 68,50%
Қарағанды облысы – 72,63%
Қостанай облысы – 70,96%
Қызылорда облысы – 82,02 %
Маңғыстау облысы – 68,19%
Павлодар облысы – 68,41%
Солтүстік Қазақстан облысы – 60,70%
Түркістан облысы – 72,3%
Ұлытау облысы – 66,50%
Шығыс Қазақстан облысы – 78,98%
Астана қаласы – 47,76%
Алматы қаласы – 28,16%
Шымкент қаласы – 72,61%.

Бұл тізімге енгізілген азаматтардың 64,43 пайызын құрады. Сонымен қатар ОРК Астана уақыты бойынша сағат 16.00-де Вашингтон, Нью-Йорк, Оттава

Референдум күні Алматы облысының Іле ауданындағы бірқатар сайлау учаскелерінде тұрғындарға тегін медициналық тексеруден өту мүмкіндігі ұсынылды. Ол үшін арнайы жабдықталған жылжымалы медициналық автобус жұмыс істеп жатыр.

Мамандардың айтуынша, мұндай бастамалар тұрғындар арасында денсаулық мәдениетін қалыптастыруға және аурулардың алдын алуға көмектеседі.

«Бүгін еліміз үшін маңызды күн. Мен де өз дауысымды бердім. Референдум аясында денсаулығымызды тексертіп, пайдалы кеңестер алдық. Мұндай шаралар халыққа өте қажет», – деген жергілікті тұрғын.

Айта кетейік, бүгін Қазақстан бойынша жаңа Ата заң жобасына дауыс беруге арналған референдум басталды. Ел бойынша 10 388 учаске ашылды. Республикалық референдумға 12,4 миллион қазақстандық қатысуға құқылы.

Kursiv Media...

Маңғыстау облысында референдум күні көпбалалы отбасында тоғызыншы сәби дүниеге келді. Бұл туралы облыс әкімдігінің баспасөз қызметі хабарлады.

«Сәбиге Атазаң есімі берілді. Жаңа туған нәресте – отбасындағы тоғызыншы бала. Ұл бала салмағы 4130 грамм, бойы 57 сантиметр», – делінген хабарламада.

Дәрігерлердің айтуынша, анасы мен сәбидің жағдайы жақсы.

Ата-анасы ел үшін маңызды күні ұлдарының дүниеге келуін ерекше әрі символдық оқиға деп атап өтті. Перзентхана қызметкерлері отбасын құттықтап, сәбиге денсаулық пен бақыт тіледі.

Айта кетейік, бүгін Қазақстан бойынша жаңа Ата заң жобасына дауыс беруге арналған референдум басталды. Ел бойынша 10 388 учаске ашылды.

ОРК мүшесі Шавкат...

ОРК мүшесі Шавкат Өтемісов референдум басталғалы 6,4 миллионнан астам азамат дауыс бергенін мәлімдеді.

«Заңға сәйкес, егер референдумға қатысуға құқығы бар азаматтардың жартысы қатысса, референдум өткізілген деп саналады» – деді ол.

Оның айтуынша, сағат 14:00-дегі жағдай бойынша азаматтардың келу көрсеткіші мынаны көрсеткен:

Абай облысы – 61,04%
Ақмола облысы – 60,05%
Ақтөбе облысы – 61,37%
Алматы облысы – 56,13%
Атырау облысы – 56,54%
Батыс Қазақстан облысы – 49,97%
Жамбыл облысы – 51,13%
Жетісу облысы – 59,82%
Қарағанды облысы – 57,32%
Қостанай облысы – 56,51%
Қызылорда облысы – 64,63%
Маңғыстау облысы – 53,14%
Павлодар облысы – 53,31%
Солтүстік Қазақстан облысы – 52,37%
Түркістан облысы – 58,03%
Ұлытау облысы – 52,06%
Шығыс Қазақстан облысы...

Ережесіз жекпе-жек шебері Шавкат Рахмонов Қонаев қаласындағы учаскелердің бірінде ел үшің ең маңызды тарихи шешім қабылдар тұста өз таңдауын жасады.Әлемдік ареналарда ел намысын қорғап жүрген әйгілі спортшы өз Отанындағы елеулі оқиғаларға айырықша назар аударатынын айтты. Оның пайымынша, Қазақстандағы оң өзгерістер елдің спорттық әлеуетін арттыруға жағдай жасайды.

Шавкат Рахмонов әлемдік шыңға ұмтылған әр спортшының патриот болуы маңызды екенін тілге тиек етті.Даңқты ММА шебері негізінен М-1 туының астында өнер көрсетуді жалғастырған спортшы. Оның жеті кәсіби жекпе-жегі осы промоушенде болған, ал қалған бес жеңісі Қазақстан Аралас жекпе-жек Федерациясында (KZMMAF) өтті. Ол осы екі ұйымда кезектесе өнер көрсетіп, жартылай орта салмақтағы KZMMAF белбеуі үшін...

Референдумнан кейін журналистердің сұрақтарына жауап берген президент Қасым-Жомарт Тоқаев Таяу Шығыстағы ахуал жөнінде пікірін білдірді.

«Қазақстан халықаралық қақтығыстарды әрдайым дипломатиялық жолмен шешуді жақтайды. Сіз бұл ұстанымды жақында Таяу Шығыстағы ахуалға қатысты мәлімдемелеріңіз арқылы растадыңыз. Сондай-ақ Шығанақтағы бірқатар мемлекет басшысымен телефон арқылы сөйлесіп, оларға қолдау білдірдіңіз. Бірақ Иран Президентімен сөйлеспедіңіз. Бұл Қазақстанның бейтарап ұстанымынан айнып, араб елдерін қолдайтынын білдіре ме?» – деп сұрақ қойған журналистердің бірі .

Бұл сұраққа жауап берген Қасым-Жомарт Тоқаев Қазақстан әлемге бейбіт ел ретінде белгілі екенін, кез келген қақтығысты дипломатиялық жолмен шешуді жақтайтынын атап өткен. Ал Таяу Шығыста орын алған жағдайдың түрл...

Ақорда Мемлекет басшысының журналистерге берген жауабын жариялады.

Референдумнан кейін Қасым-Жомарт Тоқаев жаңа Конституцияны дайындауға және талқылауға неге аз ғана уақыт жұмсалды деген сұраққа жауап берген. Сөзінше, Конституция жобасын дайындау жұмыстары біраз уақыт бұрын басталған.

«Конституция жобасын әзірлеу жұмыстары біраз уақытқа созылды. 2022 жылы Конституцияға өзгерістер енгізілгені өздеріңізге мәлім. Сол кездің өзінде жаңа Конституция қабылдауға болар еді. Бірақ біз ондай қадамға бармадық. Дегенмен жаңа Конституция қабылдау туралы идея пайда болды. Шамамен екі жыл бұрын іске кірістім. Елімізге жаңа Конституция қабылдау керек деген ұйғарымға келдім», – дейді Тоқаев.

Президент жаңа Ата заң елдің дамуына серпін...

Қонаев қаласында дауыс беру барысында тұрғындардың назарын ерекше қатысушы аударды. Жаңа Конституцияны қабылдау жөніндегі республикалық референдумда №949 сайлау учаскесіне Алматы облысының символы саналатын қар барысының кейпіндегі костюм киген қала тұрғыны келді.

«Қар барысының» келуі учаскеде болған азаматтардың қызығушылығын бірден тудырды. Дауыс берушілер ерекше қонақты жылы қарсы алып, онымен естелік суретке түсіп, мұндай креативті бастама учаскедегі көңіл-күйді көтеретінін атап өтті.

«Қар барысы — біздің облыстың символы. Бүгін мен өз азаматтық борышымды орындап, еліміз үшін маңызды оқиға — жаңа Конституцияны қабылдау жөніндегі референдумға қатысу үшін өз учаскеме келдім», — деді Қонаев қаласының тұрғыны, «Қар барысы» кейпінде келген Шыңғыс Мұқашев.

Дауыс бергеннен кейін...

Орталық референдум комиссиясының мүшесі Әсел Жанәбілова референдумға түскі 12.00-де дейін халықтың қатысу көрсеткішін жариялады.

Сағат 12:00-дегі жағдай бойынша өңірлерде азаматтардың дауыс беруге келу көрсеткіші мынадай:

Абай облысы – 41,93 %
Ақмола облысы – 44,66 %
Ақтөбе облысы – 45,73 %
Алматы облысы – 40,41 %
Атырау облысы – 42,29 %
Батыс Қазақстан облысы – 36,59 %
Жамбыл облысы – 35,86 %
Жетісу облысы – 43,32 %
Қарағанды облысы – 42,95 %
Қостанай облысы – 37,10 %
Қызылорда облысы – 43,18 %
Маңғыстау облысы – 34,57 %
Павлодар облысы – 36,57 %
Солтүстік Қазақстан облысы – 41,64 %
Түркістан облысы – 44,13 %
Ұлытау облысы – 36,59 %
Шығыс Қазақстан облысы – 42,88 %
Астана қаласы...

Президент Қасым-Жомарт Тоқаев жаңа Конституция жобасы бойынша өтіп жатқан республикалық референдумға қатысып, дауыс берді. Бұл ақпаратты Ақорда таратты.

Мемлекет басшысы Астанадағы Оқушылар сарайында орналасқан №51 референдум учаскесінде өз таңдауын жасады.

Дауыс бергеннен кейін Президент отандық және шетелдік бұқаралық ақпарат құралдарының өкілдері үшін брифинг өткізді. Сондай-ақ ол бүгінгі күннің ел болашағы үшін ерекше маңызды екенін атап өтті.

«Бүгін еліміздің тағдырын айқындайтын күн. Бұл – тарихи құжат. Жаңа Конституция азаматтарымыздың құқықтары мен бостандықтарына кепілдік береді, еліміздің тұтастығы мен тәуелсіздігін қорғайды», – деді президент.

Президенттің айтуынша, 1995 жылы қабылданған Конституция елдің дамуына үлкен үлес қосты. Алайда...

Тыныштық күні, 14 наурызда, бірнеше заң бұзғандар тіркелді. Бұл туралы Бас прокуратура хабарлады.

Ведомствоның мәлімдеуінше, қоғамдық пікірді анықтау үшін заңсыз сауалнама жүргізген екі дерек және дәл сондай агитация жүргізген екі дерек тіркелген. Құқық бұзғандарға айыппұл салынды.

Жалпы республика бойынша 10 402  учаске ашылған.

ОСК-ның соңғы дерегі бойынша, дауыс беруден Қарағанды, Қызылорда облыстары көш бастап тұр. Ал Алматы қаласында ең төмен көрсеткіш тіркелген.

Бас прокуратура дерегінше, дауыс беру тыныш, бір қалыпты өтіп жатыр. Заң бұзушылықтар болмаған.

Дегенмен БАҚ өкілдері сайлау учаскесінен хабар таратуға барған бірнеше тілшінің ұсталғанын жазды. Астана қаласының Алмалы аудандық полициясы Азаттық тілшіс...

Референдум учаскесіне келген Премьер-министрдің орынбасары – мәдениет және ақпарат министрі Аида Балаева журналистердің сөз бостандығына қатысты сұрағына жауап берді.

«Жаңа жобада сөз бостандығына кепілдік берілетіні айтылған. Бірақ сонымен бірге кейбір жағдайда шектелетін жағдайлар да келтірілген. Мұны Конституцияға қосудың қандай қажеті болды? Онсыз да өзге де нормативтік актілермен реттелмей ме?» , – деген сұрақ қойылды.

Аида Балаева бұл мәселеге тек журналистер қызметі тұрғысынан қарауға болмайтынын айтты. Сөзінше, Қазақстанда ашық қоғам қалыптасқан және цензураға жол берілмейді.

«Егер 1995 жылы қабылданған қазіргі Конституцияны қарасақ, ол кезде елде шамамен жүзге жуық бұқаралық ақпарат құралы болған...

Алматы қаласының әкімі Дархан Сатыбалды референдумда дауыс берді. Ол таңдауын Назарбаев интеллектуалды мектебінда орналасқан учаскеде жасады

ОСК мәліметінше, қазіргі уақытта Қарағанды облысы (26,64%), Қызылорда облысы (24,02%) дауыс беру бойынша көш бастап тұр. Түркістан, Жетісу облыстары және Шымкент қаласы да алда келеді (21%-дан).

Астана қаласында дауыс беру көрсеткіші – 20,68%. Ал Алматыда – 9,54%.

Kursiv Media референдумнан мәтіндік трансляция жүргізіп отыр, саяси науқан қалай өтіп жатқанын мына жерден көре аласыздар.

Қазақстанның жаңа Конституция жобасы бойынша дауыс беруге арналған шетелдегі учаскелер де жұмыс істеп жатыр. Бұл туралы Сыртқы істер министрлігі хабарлады.

Министрліктің мәліметінше, референдум учаскелері әлемнің 30-дан астам елінде ашылған.

«Жапония мен Оңтүстік Кореядан кейін Қытай, Сингапур, Моңғолия, Малайзия, Таиланд, Вьетнам мен Индонезияда учаскелер ашылды. Дауыс беру процесі Ресей, Үндістан, Әзербайжан, Армения, Грузия, Қырғызстан, Пәкістан, Тәжікстан, Өзбекстан мен Түрікменстанда да белсенді жүріп жатыр»,  – делінген хабарламада.

Сондай-ақ Еуропа елдеріндегі референдум учаскелері де өз жұмысын бастайды.

Айта кетейік, Қазақстан бойынша жаңа Ата заң жобасына дауыс беруге арналған референдум басталды. Ел бойынша...

АҚШ президенті Дональд Трамп Вашингтон Иранды әскери ғана емес, экономикалық тұрғыдан да толық жеңді деп мәлімдеді.

Бұл жөнінде ол Truth Social парақшасында жазды.

«АҚШ Иранды жеңіп, оны әскери, экономикалық және басқа да барлық салада толық талқандады. Алайда Ормұз бұғазы арқылы мұнай алатын әлем елдері бұл өткелдің қауіпсіздігін қамтамасыз етуге тиіс. Біз оларға көмектесеміз – әрі үлкен көмек көрсетеміз», – деді ол.

Трамптың айтуынша, Вашингтон Ормұз бұғазы арқылы мұнай тасымалдайтын мемлекеттермен тығыз байланыста жұмыс істейді. Бұл шаралардың бәрі «жылдам, үйлесімді әрі тиімді» жүзеге асуы үшін жұмыс істелетінін атап өтті.

Оның алдында Иран Сыртқы істер министрі Аббас...

Астанадағы учаскелердің біріне ерекше киім үлгісіндегі тұрғын келді. Елордалық бойжеткен дауыс беру учаскесіне халат киіп келген.

Ол жаңа ғана жуынып шыққандай басына аппақ сүлгі орап, үстіне ақ халат киген. Тіпті жанында робот иті де бар.

Тұрғынның астаналық мектептердің біріне келіп, спорт залдың қақ ортасындағы урнаға ақ халатпен барып дауыс берген видеосы таралып кетті. Әзірге, оның неге бұлай келгені белгісіз.

Референдум таңғы 07:00-де басталды. Алматы мен Астанада алғаш болып келгендерге арнайы сыйлық берілді.

Бірінші болып дауыс берген шенеуніктер арасында Ерлан Қарин, Ерлан Қошанов пен Олжас Бектенов те бар.

Астана қаласының әкімі Жеңіс Қасымбек ҚР жаңа Конституциясын қабылдау жөніндегі референдумда дауыс берді.

Ол Әл‑Фараби атындағы Оқушылар сарайы ғимаратында орналасқан №51 сайлау учаскесінде дауыс берді.

«Бүгін таңертең Оқушылар сарайы ғимаратында орналасқан өз сайлау учаскемде дауыс бердім. Қала бойынша барлығы 501 сайлау учаскесі жұмыс істеп тұр. Бүгін сайлау учаскелерінде еңбек етіп жүрген азаматтарға алғысымды білдіремін», – деп жазды елорда әкімі әлеуметтік желідегі парақшасында.

Жеңіс Қасымбек елорда тұрғындарының ыңғайлылығы үшін арнайы іздеу қызметі іске қосылғанын атап өтті. Оның көмегімен әр азамат өз сайлау учаскесі мен мекенжайын біле алады. Яғни, referendum.astana.kz ресми веб-сервисі, referendum_astana_bot telegram-боты...

Референдумда министрлер, депутаттар мен әкімдер де дауыс беріп жатыр. Өз учаскелерінде цифрлық даму министрі Жаслан Мәдиев, энергетика министрі Ерлан Ақкенженов таңдауын жасады.

Таңертең ерте дауыс бергендер қатарында Сенат спикері Мәулен Әшімбаев та бар. Қорғаныс министрі Дәурен Қосанов та референдумға қатысты. Ол өз учаскесіне әскери формада келіп, дауыс берді.

Журналистер Әшімбаевқа вице-президенттік, ол лауазымға қаншалықты лайықты екені туралы сұрақ қойды.

«Кез келген сұраққа байыпты әрі жауапкершілікпен жауап беру қажет, өйткені заң талаптары бар. Біз оларды бұзуға ешқандай құқығымыз жоқ. Сондықтан егер халқымыз Конституцияны қолдап, тиісті шешім қабылданса, Конституцияға қатысты шешімдер белгіленген тәртіппен қабылданады. Егер халық Конституцияны...

Қазақстанның Мемлекеттік кеңесшісі Ерлан Қарин референдумда дауыс беріп, бүгін маңызды күн екенін, себебі жарты жылдық дискуссияға нүкте қойылып, нәтижесі бүгін шығатынын мәлім етті.

Премьер-министр Олжас Бектенов елордадағы Дінмұхамед Қонаев атындағы №66 мектеп-лицейінде орналасқан №130 сайлау учаскесінде дауыс берді.

Таңертеңнен дауыс бергендердің ішінде Мәжіліс төрағасы Ерлан Қошанов та бар. Ол журналистердің сұрақтарына қысқаша жауап беріп, өз таңдауын жасағанын айтты.

Астанадағы референдум учаскелеріне кабмин мүшелері мен депутаттар да келіп дауыс беріп жатыр.

Айта кетейік, бүгін, 15 наурызда Қазақстанда жаңа Конституцияны қабылдау мәселесіне арналған республикалық референдум басталды. Елдің барлық өңірінде, сондай-ақ шетелдегі Қазақстан Республикасының дипломатиялық өкілдіктерінде дауыс беру учаскелері ашылды. Қазақстандықтар конституциялық реформаны қолдай ма, әлде...